ပန်းတနော်မြို့နယ်၌ သစ်စိမ်းမြေဩဇာ (ပိုက်ဆံလျှော်) မျိုးစေ့ပေးအပ်ပွဲနှင့် စုပေါင်းကြဲပက်ပွဲ ကျင်းပ

NoahJune222

News Image

  • ပန်းတနော်မြို့နယ်၌ သစ်စိမ်းမြေဩဇာ (ပိုက်ဆံလျှော်) မျိုးစေ့ပေးအပ်ပွဲနှင့် စုပေါင်းကြဲပက်ပွဲ ကျင်းပ

 

ဧရာဝတီတိုင်းဒေသကြီး ပန်းတနော်မြို့နယ်တွင် သစ်စိမ်းမြေဩဇာ (ပိုက်ဆံလျှော်) မျိုးစေ့ပေးအပ်ပွဲနှင့် စုပေါင်းကြဲပက်ပွဲကို ယမန်‌နေ့နံနက်ပိုင်းက ဆုတောင်းပြည့်ကျေးရွာအုပ်စုရှိ တောင်သူ ဦးကျော်အေးငြိမ်း၏ လယ်ကွင်း၌ကျင်းပသည်။

 

အဆိုပါ အခမ်းအနားသို့ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးနိုင်ဝင်း၊ ပြည်သူ့လွှတ်တော်ကိုယ်စားလှယ် ဦးကျော်မင်းသန်း၊ တိုင်းဒေသကြီးလွှတ်တော်ကိုယ်စားလှယ် ဦးမင်းကျင်စံ၊ စိုက်ပျိုးရေးဦးစီးဌာန မြို့နယ်ဦးစီးမှူး ဦးဇော်ဇော်လင်းနှင့် ဝန်ထမ်းများ တက်ရောက်ကြသည်။

 

အခမ်းအနားတွင် တာဝန်ရှိသူများက သစ်စိမ်းမြေဩဇာ စိုက်ပျိုးခြင်းဖြင့် မြေဆီလွှာအတွင်း နိုက်ထရိုဂျင်ဓာတ်ရရှိနိုင်မှုနှင့် သီးနှံအထွက်နှုန်းကောင်းမွန်စေမည့် အကျိုးကျေးဇူးများကို ရှင်းလင်းပြောကြားသည်။ ထို့နောက် သစ်စိမ်းမြေဩဇာ (ပိုက်ဆံလျှော်) မျိုးစေ့များကို စုပေါင်းကြဲပက်ခဲ့ကြကြောင်း သိရသည်။

မြို့နယ်(ပြန်/ဆက်)

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

တနင်္သာရီတိုင်းဒေသကြီးဝန်ကြီးချုပ် မြိတ်မြို့ လေဆိပ်ဖွံ့ဖြိုးရေးလုပ်ငန်းများနှင့် လေယာဉ်ကွင်းပြေးလမ်းတိုးချဲ့ဆောင်ရွက်နေမှု ကြည့်ရှုစစ်ဆေး
တနင်္သာရီတိုင်းဒေသကြီးဝန်ကြီးချုပ် မြိတ်မြို့ လေဆိပ်ဖွံ့ဖြိုးရေးလုပ်ငန်းများနှင့် လေယာဉ်ကွင်းပြေးလမ်းတိုးချဲ့ဆောင်ရွက်နေမှု ကြည့်ရှုစစ်ဆေး
မြိတ် မေ ၆ တနင်္သာရီတိုင်းဒေသကြီးဝန်ကြီးချုပ် ဦးဇော်နိုင်ဦးသည် ကမ်းရိုးတန်းဒေသတိုင်းစစ်ဌာနချုပ်တိုင်းမှူး ဗိုလ်ချုပ်ကျော်ကျော်ဟန်၊ တိုင်းဒေသကြီးဝန်ကြီးများ၊ ဌာနဆိုင်ရာတာဝန်ရှိသူများနှင့်အတူ ယမန်နေ့နံနက်ပိုင်းက မြိတ်မြို့ လေဆိပ်ဖွံ့ဖြိုးတိုးတက်ရေး၊ ပြည်ပမှ ကုန်တင်လေယာဉ်များ ရာသီမရွေးဆင်းသက်ပျံသန်းနိုင်ရန်နှင့် လေကြောင်းခရီးစဉ်များ တိုးချဲ့ပြေးဆွဲနိုင်ရေးအတွက် လေဆိပ်ဖွံ့ဖြိုးရေးလုပ်ငန်းများနှင့် လေယာဉ်ကွင်းပြေးလမ်း တိုးချဲ့ဆောင်ရွက်နေမှုများကို ကြည့်ရှုစစ်ဆေးသည်။ ဦးစွာ လေဆိပ်ခန်းမဆောင်တွင် လေဆိပ်ဆိုင်ရာ အချက်အလက်များနှင့် လေဆိပ်ဖွံ့ဖြိုးရေး လုပ်ငန်းများ ဆောင်ရွက်နေမှုအခြေအနေများကို မြိတ်လေဆိပ်တာဝန်ခံက ရှင်းလင်းတင်ပြရာ တိုင်းဒေသကြီးဝန်ကြီးချုပ်က လိုအပ်သည်များ မှာကြားပြီး မြိတ်လေဆိပ်ဖွံ့ဖြိုးရေးလုပ်ငန်းများ ဆောင်ရွက်ပြီးစီးမှုကို လိုက်လံကြည့်ရှုစစ်ဆေးကာသတ်မှတ်ကာလနှင့် သတ်မှတ်စံချိန်စံညွှန်းများနှင့်အညီ ဆောင်ရွက်ကြရန် မှာကြားသည်။ မွန်းလွဲပိုင်းတွင် တိုင်းဒေသကြီးဝန်ကြီးချုပ်သည် တိုင်းဒေသကြီးဝန်ကြီးများ၊ ဌာနဆိုင်ရာ တာဝန်ရှိသူများနှင့်အတူ မြိတ်ခရိုင်မှပြည်သူများ လူမှုစီးပွားဘဝတိုးတက်ကောင်းမွန်ရေး၊ ဒေသတွင်း စီးပွားရေးလုပ်ငန်းများဖွံ့ဖြိုးတိုးတက်ရေးနှင့် ရင်းနှီးမြှုပ်နှံမှုများ ပိုမိုဝင်ရောက်လာစေရေးအတွက် တိုင်းဒေသကြီးအစိုးရအဖွဲ့နှင့် မြိတ်ခရိုင်အတွင်းရှိ ဒေသခံပြည်သူလူထုများ၊ မြို့မိမြို့ဖများ၊ အသင်းအဖွဲ့ကိုယ်စားလှယ်များ၊ လုပ်ငန်းရှင်များ၊ လွှတ်တော်ကိုယ်စားလှယ်များ၊ ဌာနဆိုင်ရာတာဝန်ရှိသူများ တွေ့ဆုံပွဲသို့ တက်ရောက်ပြီး ဒေသခံပြည်သူများ၏ လိုအပ်ချက်များနှင့် အခက်အခဲများ တင်ပြမှုအပေါ် တိုင်းဒေသကြီးဝန်ကြီးများက ပြန်လည်ရှင်းလင်း ဆွေးနွေး၍ တိုင်းဒေသကြီးဝန်ကြီးချုပ်က လိုအပ်သည်များကို ပေါင်းစပ်ညှိနှိုင်း ဆောင်ရွက်ပေးကာ နိဂုံးချုပ် အမှာစကားပြောကြားခဲ့ကြောင်း သိရသည်။ခိုင်ထူး(ပြန်/ဆက်)MDN
Thu, 7-May-2026
ကယားပြည်နယ်၌ ရက်(၁၀၀) စီမံချက်ဖြင့် နိုင်ငံသားစိစစ်ရေးကတ်၊ UID ကတ်ကွင်းဆင်းဆောင်ရွက်
ကယားပြည်နယ်၌ ရက်(၁၀၀) စီမံချက်ဖြင့် နိုင်ငံသားစိစစ်ရေးကတ်၊ UID ကတ်ကွင်းဆင်းဆောင်ရွက်
လွိုင်ကော် မေ ၆ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ရက် (၁၀၀) စီမံချက်ဖြင့် နိုင်ငံသားစိစစ်ရေး ကတ်နှင့် UID ကတ် ကွင်းဆင်းဆောင်ရွက်ပေးခြင်းနှင့် ကတ်ပြားပေးအပ်ခြင်း အခမ်းအနားကို ယနေ့နံနက်ပိုင်းက ကယားပြည်နယ် လွိုင်ကော်မြို့ မြို့နယ်ခန်းမ၌ ကျင်းပသည်။ အခမ်းအနားသို့ ပြည်နယ်ဝန်ကြီးချုပ် ဦးအံ့မော်၊ ပြည်နယ်လွှတ်တော်ဥက္ကဋ္ဌ၊ ဒေသကွပ်ကဲရေးမှူး၊ ပြည်နယ်တရားသူကြီးချုပ်၊ ပြည်နယ်လွှတ်တော် ဒုတိယဥက္ကဋ္ဌ၊ ပြည်နယ်ဝန်ကြီးများ၊ လွှတ်တော်ကိုယ်စားလှယ်များ၊ ဌာနဆိုင်ရာများ၊ ခရိုင်၊ မြို့နယ်စီမံခန့်ခွဲ‌ရေးနှင့် အုပ်ချုပ်ရေး ကော်မတီဝင်များနှင့် ပြည်သူများ တက်ရောက်ကြသည်။ ဦးစွာ ပြည်နယ်ဝန်ကြီးချုပ်က နိုင်ငံတော်အစိုးရသစ်၏ ပထမ ရက် (၁၀၀) ကာလအတွင်း လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ပြည်သူများအတွက် ဝန်ဆောင်မှုပေးသည့် အနေဖြင့် သဘာဝဘေးနှင့် အခြားသော ဘေးအန္တရာယ်များကြောင့် ပျက်စီးဆုံးရှုံးခဲ့သည့် အိမ်ထောင်စု လူဦးရေစာရင်းများ ထုတ်ပေးခြင်း၊ အသက် ၁၀ နှစ်ပြည့်ပြီး နိုင်ငံသား စိစစ်ရေးကတ်နှင့် UID ကတ်မရ ရှိသေးသည့် ကျောင်းသား ကျောင်းသူများအတွက် လမင်းစီမံချက်ဖြင့် ဆောင်ရွက်ပေးခြင်း၊ အသက် ၁၈ နှစ် ပြည့်ပြီးသော်လည်း အကြောင်းအမျိုးမျိုးကြောင့် နိုင်ငံသားစိစစ်ရေးကတ်နှင့် UID ကတ်မရရှိသေးသူများကို ဥပဒေနှင့်အညီ နိုင်ငံသားစိစစ်ရေး ကတ်ထုတ်ပေးခြင်းနှင့် e-ID စနစ်ဖြင့် Unique ID ကောက်ယူခြင်း လုပ်ငန်းများကို ဆောင်ရွက်ပေး လျက်ရှိပြီး ပြည်သူများအတွက် များစွာအကျိုးရှိစေသည့် လုပ်ငန်းစဉ်တစ်ရပ် ဖြစ်ပါကြောင်း ပြောကြားသည်။ လက်ခံရယူထို့နောက် ပြည်နယ်ဝန်ကြီးချုပ်က လမင်းစီမံချက်အောင်မြင်စွာ ဆောင်ရွက်နိုင်ရန်အတွက် ပြည်နယ်အစိုးရအဖွဲ့မှ ချီးမြှင့်ငွေနှင့် နိုင်ငံသားစိစစ်ရေးကတ်ပြားများ ပေးအပ်ချီးမြှင့်ရာ ပြည်နယ်ဦးစီးမှူးနှင့် ပြည်သူများက လက်ခံရယူကြသည်။ ယင်းနောက် ပြည်နယ်လွှတ်တော်ဥက္ကဋ္ဌနှင့် တာဝန်ရှိသူများက နိုင်ငံသားစိစစ်ရေးကတ်ပြားနှင့် UID ကတ်များပေးအပ်ရာ သက်ဆိုင်ရာ ပြည်သူများက လက်ခံရယူပြီး ပြည်နယ်ဝန်ကြီးချုပ်နှင့် တာဝန်ရှိသူများသည် လမင်းစီမံချက်ဖြင့် နိုင်ငံသားစိစစ်ရေးကတ်နှင့် UID ကတ် ကွင်းဆင်းဆောင်ရွက်ပေးနေမှုများကို လှည့်လည်ကြည့်ရှု အားပေးပြီး နိုင်ငံသားစိစစ်ရေး ကတ်ပြားလာရောက်ပြုလုပ်သည့် ဒေသခံပြည်သူများအား ရင်းရင်းနှီးနှီးတွေ့ဆုံ နှုတ်ဆက်ခဲ့ကြောင်း သိရသည်။ပြည်နယ် (ပြန်/ဆက်)MDN
Thu, 7-May-2026
ဟိုတယ်လုပ်ငန်းရှင်များ ​ငွေ​ဆောင်၌ ပထမဆုံးအကြိမ် နှစ်ပတ်လည် စည်း​ဝေး
ဟိုတယ်လုပ်ငန်းရှင်များ ​ငွေ​ဆောင်၌ ပထမဆုံးအကြိမ် နှစ်ပတ်လည် စည်း​ဝေး
ငွေ​ဆောင် မေ ၆ မြန်မာနိုင်ငံ ဟိုတယ်ဆိုင်ရာ လုပ်ငန်းရှင်များအသင်းချုပ် နဝမအကြိမ်​မြောက်သက်တမ်း၏ ပထမအကြိမ်နှစ်ပတ်လည်အသင်းသား စုံညီအစည်းအ​ဝေးကို ယ​မန်နေ့က ​ငွေ​ဆောင်မြို့ ယမုံနာဦး ဟိုတယ်ခန်းမ၌ ကျင်းပသည်။ အခမ်းအနားသို့ ဧရာဝတီတိုင်း​ဒေသကြီး စီမံကိန်း၊ စီးပွား​ရေးနှင့်ဘဏ္ဍာ​ရေးဝန်ကြီး ဦးအောင်ဆန်းချစ်က တက်​ရောက်အမှာစကား​ပြောကြားသည်။ ထို့နောက် မြန်မာနိုင်ငံ ဟိုတယ်ဆိုင်ရာလုပ်ငန်းရှင်များအသင်းချုပ်ဥက္ကဋ္ဌ ဦးသိန်းဝင်းက အမှာစကား​ပြောကြားပြီး အ​ထွေထွေအတွင်း​ရေးမှူးက နှစ်ပတ်လည်အစီရင်ခံစာ ဖတ်ကြားသည်။ ယင်းနောက် တက်​ရောက်လာ​သော ဟိုတယ်ဇုန်ဥက္ကဋ္ဌများက မိမိတို့ဇုန်အလိုက်​ ဆွေးနွေးတင်ပြခဲ့​ကြကြောင်း သိရသည်။ကြေးမုံMDN
Thu, 7-May-2026
ညှိနှိုင်းကွပ်ကဲရေးမှူး(ကြည်း၊ ရေ၊ လေ)ဒုတိယဗိုလ်ချုပ်ကြီးကိုကိုဦး အိန္ဒိယရေတပ်ဦးစီးချုပ် Admiral Dinesh Kumar Tripathi နှင့်အတူ စစ်ရေယာဉ် INS Satpura (F-48)ပေါ်တွင်ကျင်းပသည့် ညစာစားပွဲသို့တက်ရောက်
ညှိနှိုင်းကွပ်ကဲရေးမှူး(ကြည်း၊ ရေ၊ လေ)ဒုတိယဗိုလ်ချုပ်ကြီးကိုကိုဦး အိန္ဒိယရေတပ်ဦးစီးချုပ် Admiral Dinesh Kumar Tripathi နှင့်အတူ စစ်ရေယာဉ် INS Satpura (F-48)ပေါ်တွင်ကျင်းပသည့် ညစာစားပွဲသို့တက်ရောက်
နေပြည်တော် မေ ၆ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဒုတိယဗိုလ်ချုပ်ကြီး ကိုကိုဦးသည် ပြည်ထောင်စုသမ္မတ မြန်မာနိုင်ငံတော်၌ ချစ်ကြည်ရေး အလည်အပတ်ခရီး ရောက်ရှိနေသည့် အိန္ဒိယရေတပ်ဦးစီးချုပ် Admiral Dinesh Kumar Tripathi နှင့် အတူ မေ ၅ ရက် ညပိုင်းတွင် ရန်ကုန်မြို့ သီလဝါဆိပ်ကမ်း MITT တံတား၌ ဆိုက်ကပ်ထားသည့် အိန္ဒိယစစ်ရေယာဉ် INS Satpura (F-48) ပေါ်၌ ကျင်းပသည့် ညစာစားပွဲသို့ တက်ရောက်သည်။ အဆိုပါညစာစားပွဲသို့ ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူ၊ တပ်မတော်အရာရှိကြီးများ၊ မြန်မာနိုင်ငံဆိုင်ရာ အိန္ဒိယသံအမတ်ကြီး H.E. Mr. Abhay Thakur ၊ မြန်မာနိုင်ငံဆိုင်ရာ အိန္ဒိယကြည်းတပ် စစ်သံမှူး Colonel Jaswinder Singh Gill ၊ မြန်မာနိုင်ငံဆိုင်ရာ အိန္ဒိယရေတပ် စစ်သံမှူး Captain Manoj Kumar Pandey နှင့် တာဝန်ရှိသူများ တက်ရောက်ကြသည်။ ဦးစွာ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဒုတိယဗိုလ်ချုပ်ကြီး ကိုကိုဦးသည် စစ်ရေယာဉ် INS Satpura (F-48) ပေါ်သို့ ရောက်ရှိလာရာ စစ်ရေယာဉ် တာဝန်ကျတပ်ဖွဲ့က ကြိုဆို အလေးပြုကြသည်။ ထို့နောက် ပြည်ထောင်စုသမ္မတ မြန်မာနိုင်ငံတော်သီချင်းနှင့်  အိန္ဒိယသမ္မတ နိုင်ငံတော်သီချင်းတို့ဖြင့် အခမ်းအနားကို ဖွင့်လှစ်ပေးသည်။ ယင်းနောက် စစ်ရေယာဉ်ပေါ်မှ အရာရှိ၊ စစ်သည်များက အိန္ဒိယ ယဉ်ကျေးမှုရိုးရာ အဆိုအကများဖြင့် သီဆိုကပြ ဖျော်ဖြေကြသည်။ ထို့နောက် ညှိနှိုင်းကွပ်ကဲရေးမှူး (ကြည်း၊ ရေ၊ လေ)၊ အိန္ဒိယရေတပ် ဦးစီးချုပ်နှင့် အိန္ဒိယသံအမတ်ကြီးတို့က နှုတ်ခွန်းဆက်စကားများ ပြောကြားကာ အိန္ဒိယရေတပ် ဦးစီးချုပ်နှင့် ညှိနှိုင်းကွပ်ကဲရေးမှူး (ကြည်း၊ ရေ၊ လေ)တို့သည် အထိမ်းအမှတ်ပစ္စည်းများ အပြန်အလှန် လဲလှယ်ကြပြီး တက်ရောက်လာကြသူများနှင့်အတူ အမှတ်တရ စုပေါင်း ဓာတ်ပုံရိုက်ကြကာ ညစာကို အတူတကွ သုံးဆောင်ကြသည်။ ညစာစားပွဲအပြီးတွင် ညှိနှိုင်း ကွပ်ကဲရေးမှူး(ကြည်း၊ ရေ၊ လေ) ဒုတိယဗိုလ်ချုပ်ကြီး ကိုကိုဦးသည် စစ်ရေယာဉ် INS Satpura (F-48)ပေါ်ရှိ ဧည့်သည်တော်မှတ်တမ်းတွင် မှတ်တမ်းတင်လက်မှတ်ရေးထိုးခဲ့ကြောင်း သိရသည်။ သတင်းစဉ်MDN
Thu, 7-May-2026
ပန်းတနော်မြို့နယ်၌ သစ်စိမ်းမြေဩဇာ (ပိုက်ဆံလျှော်) မျိုးစေ့ပေးအပ်ပွဲနှင့် စုပေါင်းကြဲပက်ပွဲ ကျင်းပ
ပန်းတနော်မြို့နယ်၌ သစ်စိမ်းမြေဩဇာ (ပိုက်ဆံလျှော်) မျိုးစေ့ပေးအပ်ပွဲနှင့် စုပေါင်းကြဲပက်ပွဲ ကျင်းပ
 ဧရာဝတီတိုင်းဒေသကြီး ပန်းတနော်မြို့နယ်တွင် သစ်စိမ်းမြေဩဇာ (ပိုက်ဆံလျှော်) မျိုးစေ့ပေးအပ်ပွဲနှင့် စုပေါင်းကြဲပက်ပွဲကို ယမန်‌နေ့နံနက်ပိုင်းက ဆုတောင်းပြည့်ကျေးရွာအုပ်စုရှိ တောင်သူ ဦးကျော်အေးငြိမ်း၏ လယ်ကွင်း၌ကျင်းပသည်။ အဆိုပါ အခမ်းအနားသို့ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးနိုင်ဝင်း၊ ပြည်သူ့လွှတ်တော်ကိုယ်စားလှယ် ဦးကျော်မင်းသန်း၊ တိုင်းဒေသကြီးလွှတ်တော်ကိုယ်စားလှယ် ဦးမင်းကျင်စံ၊ စိုက်ပျိုးရေးဦးစီးဌာန မြို့နယ်ဦးစီးမှူး ဦးဇော်ဇော်လင်းနှင့် ဝန်ထမ်းများ တက်ရောက်ကြသည်။ အခမ်းအနားတွင် တာဝန်ရှိသူများက သစ်စိမ်းမြေဩဇာ စိုက်ပျိုးခြင်းဖြင့် မြေဆီလွှာအတွင်း နိုက်ထရိုဂျင်ဓာတ်ရရှိနိုင်မှုနှင့် သီးနှံအထွက်နှုန်းကောင်းမွန်စေမည့် အကျိုးကျေးဇူးများကို ရှင်းလင်းပြောကြားသည်။ ထို့နောက် သစ်စိမ်းမြေဩဇာ (ပိုက်ဆံလျှော်) မျိုးစေ့များကို စုပေါင်းကြဲပက်ခဲ့ကြကြောင်း သိရသည်။မြို့နယ်(ပြန်/ဆက်)MDN
Thu, 7-May-2026
အလုံမြို့နယ်၌ ရက်(၁၀၀)စီမံချက်ဖြင့် နိုင်ငံသားစိစစ်ရေးကတ်များ ပြုလုပ်ပေး
အလုံမြို့နယ်၌ ရက်(၁၀၀)စီမံချက်ဖြင့် နိုင်ငံသားစိစစ်ရေးကတ်များ ပြုလုပ်ပေး
ရန်ကုန် မေ ၆ လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန အလုံမြို့နယ် ဦးစီးရုံးမှ ဦးစီးမှူး ဦးစံသိန်းနှင့် ဝန်ထမ်းများသည် မေ ၆ ရက် နံနက်ပိုင်းက သစ်တောရပ်ကွက် အောင်ဇေယျရိပ်မွန်ဓမ္မာရုံ၌ ရက်(၁၀၀) စီမံချက်ဖြင့် အသက် ၁၀ နှစ်နှင့် အသက် ၁၈ နှစ်ပြည့် နိုင်ငံသားစိစစ်ရေး ကတ်များပြုလုပ်ပေးခြင်းနှင့် UID ကတ်ထုတ်ပေးခြင်း လုပ်ငန်းများ ဆောင်ရွက်ခဲ့သည်။ လုပ်ငန်းဆောင်ရွက်ရာသို့ ပြည်သူ့လွှတ်တော်ကိုယ်စားလှယ် ဦးကုဋေထွန်း၊ မြို့နယ်စီမံခန့်ခွဲ‌ရေးနှင့် အုပ်ချုပ်ရေးကော်မတီဥက္ကဋ္ဌ ဦးရဲကိုကိုနှင့် အဖွဲ့ဝင်များက လာရောက်ကြည့်ရှုအားပေးခဲ့ကြကြောင်း သိရသည်။တင်ဝင်းလေး(ကြည့်မြင်တိုင်)MDN
Thu, 7-May-2026
© Copyright 2024 SAC All Rights Reserved.