တပ်မတော်သား ပြည်သူ့လွှတ်တော်ကိုယ်စားလှယ် လေးဦး အစားထိုးပြောင်းလဲ
News Image
MM-News-Category
ဆက်စပ်သတင်းများ
အမေရိကန်သမ္မတ ဒေါ်နယ်ထရမ့်က အီရန်နိုင်ငံအနေဖြင့် အလျှော့ပေးခြင်းမရှိပါက တိုက်ခိုက်မှုအသစ် ပြုလုပ်မည်ဖြစ်ကြောင်း ခြိမ်းခြောက်ထားပြီး အီရန်နိုင်ငံအတွက် အချိန်ကုန်နေပြီဖြစ်ကြောင်း ပြောထားသည်ဟု သိရသည်။ထရမ့်သည် ယခုသီတင်းပတ်အကုန်တွင် အမျိုးသားလုံခြုံရေးအဖွဲ့နှင့် တွေ့ဆုံပြီးနောက် ပင်တဂွန်စစ်ဌာနချုပ်က အီရန်၏ စွမ်းအင်နှင့် အခြေခံအဆောက်အဦနေရာများအပါအဝင် ပစ်မှတ်စာရင်းကို ပြင်ဆင်ထားကြောင်း သိရသည်။အမေရိကန်နှင့် အီရန်တို့ကြား ဧပြီလအစောပိုင်းတွင် အပစ်အခတ်ရပ်စဲရေး ရရှိခဲ့သော်လည်း နှစ်နိုင်ငံကြား ပါကစ္စတန်ကြားခံထားသည့် ဆွေးနွေးမှုများ ရပ်တန့်နေဆဲဖြစ်သည်။ အီရန်နိုင်ငံခြားရေးဝန်ကြီးကမူ ထရမ့်အစိုးရ၏ အမြင့်ဆုံးတောင်းဆိုမှုနှင့် ရန်စသော စကားလုံးများသည် သဘောတူညီချက်ရရှိရန် အဓိကအတားအဆီးဖြစ်သည်ဟု ပြောထားသည်။ယခုပဋိပက္ခကို အဆုံးသတ်စေနိုင်ရန်အီရန်က ပြင်ဆင်ထားသည့် အဆိုပြုချက်အသစ်ကို ပါကစ္စတန်နိုင်ငံမှတစ်ဆင့် အမေရိကန်ပြည်ထောင်စုထံသို့ ပေးပို့ထားကြောင်း ပါကစ္စတန် သတင်းအရင်းအမြစ်တစ်ခုက မေလ ၁၈ ရက်တွင် ပြောသည်။ထို့ပြင် နှစ်နိုင်ငံကြား သဘောထား ကွဲလွဲမှုများကို လျှော့ချရန် အချိန်သိပ်မကျန်တော့ကြောင်းလည်း သတိပေးထားသည်။ အီရန်၏ အဆိုပြုချက်အသစ်ကို အမေရိကန်သို့ ပေးပို့ထားသော်လည်း ထိုအဆိုပြုချက်တွင်မည်သည့်အချက်များ ပါဝင်သည်ကို မသိရသေးကြောင်း သိရသည်။MWD
Tue, 19-May-2026
Tue, 19-May-2026
ပေကျင်း မေ ၁၇တရုတ်နိုင်ငံအရှေ့မြောက်ပိုင်း ဟေလုံကျန်းပြည်နယ် ဟာဘင်းမြို့တွင် ကျင်းပသည့် (၁၀)ကြိမ် မြောက် တရုတ်-ရုရှားကုန်စည်ပြပွဲသို့ တရုတ်သမ္မတ ရှီကျင့်ဖျင်နှင့် ရုရှားသမ္မတ ဗလာဒီမာပူတင် တို့က ဝမ်းမြောက်ကြောင်း သဝဏ်လွှာများကို မေ ၁၇ ရက်တွင် အသီးသီးပေးပို့ခဲ့ကြောင်း သိရသည်။ယခုနှစ်သည် တရုတ်-ရုရှား မဟာဗျူဟာမြောက် ညှိနှိုင်းဆောင်ရွက်ရေး မိတ်ဖက်အဖွဲ့အစည်း တည်ထောင်သည့် နှစ် ၃၀ ပြည့် အထိမ်းအမှတ်နှင့် တရုတ်-ရုရှား အိမ်နီးချင်းကောင်းနှင့် ချစ်ကြည်ရင်းနှီးစွာ ပူးပေါင်းဆောင်ရွက်ရေးစာချုပ်ချုပ်ဆိုသည့် ၂၅ နှစ်မြောက်ဖြစ်ပြီး နှစ်နိုင်ငံအကြား ကဏ္ဍ များစွာတွင် ပူးပေါင်းဆောင်ရွက်မှုများ ဆောင်ရွက်နိုင်ခဲ့ကာ အောင်မြင်မှုများရရှိခဲ့ကြောင်း တရုတ်သမ္မတ ရှီကျင့်ဖျင်က ပြောကြားသည်။ယခုကျင်းပသည့် ပြပွဲသည် နှစ်နိုင်ငံ၏ ကဏ္ဍအသီးသီးအတွက် ၎င်းတို့၏ နယ်မြေများနီးကပ်မှုနှင့် အပြန်အလှန်အကျိုးပြုသည့် အားသာချက်များကို အသုံးချရန်၊ ဘက်စုံလက်တွေ့ကျသော ပူးပေါင်းဆောင်ရွက်မှုကို နက်ရှိုင်းစေရန်၊ စီးပွားရေးနှင့် လူမှုရေးဖွံ့ဖြိုးတိုးတက်မှုကို ပိုမိုမြှင့်တင်ရန်နှင့် နှစ်နိုင်ငံပြည်သူများ၏အကျိုးကို စဉ်ဆက်မပြတ်မြှင့်တင်ရန် အခွင့်အလမ်းတစ်ခုအဖြစ် ဆောင်ရွက်နိုင်လိမ့်မည်ဟု မျှော်လင့်ထားကြောင်း သမ္မတရှီက ပြောကြားခဲ့သည်။ တရုတ်-ရုရှား ဘက်စုံမဟာဗျူဟာမြောက် ပေါင်းစပ်ညှိနှိုင်းဆောင်ရွက်မှု မိတ်ဖက်ဆက်ဆံရေးမှတစ်ဆင့် ခေတ်သစ်တစ်ခုအတွက် တည်ငြိမ်ပြီး ရေရှည်ဖွံ့ဖြိုးတိုးတက်မှုအတွက် ပံ့ပိုးကူညီမှုများ ပြုလုပ်နိုင်လိမ့်မည် ဟု ယုံကြည်ကြောင်း ၎င်းက ပြောကြားသည်။ယခုပြပွဲသည် နှစ်နိုင်ငံအကြား ဆွေးနွေးမှုများ ကျင်းပသည့် စင်္ကြံတစ်ခုအဖြစ် ဆောင်ရွက်ခဲ့ကြောင်း ရုရှားသမ္မတ ဗလာဒီမာပူတင်က ပြောကြားသည်။ပြပွဲသည် အပြုသဘောဆောင်သော ရလဒ်များရရှိစေမည်ဖြစ်ပြီး နှစ်နိုင်ငံအကြား အပြန်အလှန်အကျိုးရှိသော ပူးပေါင်းဆောင်ရွက်မှု အလားအလာသစ်များ ဆောင်ကြဉ်းပေးမည်ဖြစ်ကာ နှစ်နိုင်ငံ ပြည်သူများအတွက် အကျိုးကျေးဇူးများ ယူဆောင်လာပေးမည်ဟု ယုံကြည်ကြောင်း သမ္မတ ဗလာဒီမာပူတင်က ပြောကြားခဲ့သည်။ကိုးကား-ဆင်ဟွာဘာသာပြန် -စိုးသူရMDN
Mon, 18-May-2026
အီရန်နိုင်ငံအနေဖြင့် ဟော်မုရေလက်ကြားကို မဖြစ်မနေပြန်ဖွင့်လှစ်ပေးရမည် ဆိုသည့်အချက်နှင့် ပတ်သက်၍ တရုတ်နိုင်ငံ သမ္မတရှီကျင့်ဖျင်က သဘောတူကြောင်း အမေရိကန်သမ္မတ ဒေါ်နယ်ထရမ့်က ပြောသည်။တရုတ်သမ္မတရှီကျင့်ဖျင်နှင့် ဆွေးနွေးမှုများပြုလုပ်ပြီးနောက် ပြန်လာသည့်ခရီးစဉ်တွင် သမ္မတထရမ့်က အီရန်မှရေနံဝယ်ယူနေသည့် တရုတ်ရေနံကုမ္ပဏီများအပေါ်ချမှတ်ထားသော အမေရိကန်၏ ပိတ်ဆို့မှုများကို ရုပ်သိမ်းပေးရန် စဉ်းစားနေကြောင်းပြောသည်။ သို့သော် တရုတ်နိုင်ငံအနေဖြင့် အီရန်စစ်ပွဲဖြစ်ပွားမှုအပေါ် စိတ်ပျက်မိကြောင်း၊ ထိုစစ်ပွဲသည် မည်သည့်အခါမျှ မဖြစ်သင့်သည့် ပဋိပက္ခဖြစ်ကြောင်း တရုတ်နိုင်ငံခြားရေးဝန်ကြီးဌာန၏ ထုတ်ပြန်ချက်တစ်ခုတွင်ဖော်ပြထားသည်။အမေရိကန်နိုင်ငံက ပြီးခဲ့သည့်လတွင် တိုက်ခိုက်မှုများ ရပ်တန့်သော်လည်း အီရန်၏ ဆိပ်ကမ်းများကို စတင်ပိတ်ဆို့ရာ အမေရိကန်ဘက်က ပိတ်ဆို့မှုမရုပ်သိမ်းသမျှ ရေလက်ကြားကို ပြန်ဖွင့်ပေးမည်မဟုတ်ကြောင်း အီရန်ကပြောသည်။အီရန်နိုင်ငံခြားရေးဝန်ကြီး အာဘတ်အာရတ်ချီကလည်း တရုတ်နိုင်ငံ၏ ပါဝင်ကူညီမှုကို ကြိုဆိုကြောင်း၊ အမေရိကန်နှင့် ဆွေးနွေးမှုများ ဆက်လက်လုပ်ဆောင်ရန် အသင့်ရှိကြောင်းပြောသည်။ စစ်ပွဲအဆုံးသတ်ရန် ဆွေးနွေးမှုများသည် ပြီးခဲ့သည့် သီတင်းပတ်ကတည်းက ရပ်တန့်နေခဲ့ပြီး ပဋိပက္ခဖြေရှင်းနိုင်ရေးတွင် တိုးတက်မှု မရှိခြင်းကြောင့် ရေနံစျေးနှုန်းများ ပြန်လည်မြင့်တက်လာကြောင်း သိရသည်။MWD
Sun, 17-May-2026
တနင်္ဂနွေနေ့ (မေ ၁၇) က UAE ၏ တစ်ခုတည်းသော ဘာရာကာ (Barakah) နျူကလီးယားလျှပ်စစ်ဓာတ်အားပေးစက်ရုံကို ပစ်မှတ်ထား၍ ဒရုန်းဖြင့်တိုက်ခိုက်မှုတစ်ခု ဖြစ်ပွားခဲ့ရာ စက်ရုံဝန်းအတွင်းရှိ Generator တစ်ခုတွင် မီးလောင်ကျွမ်းမှုဖြစ်ပွားခဲ့သည်။ အဆိုပါတိုက်ခိုက်မှုကြောင့် လူထိခိုက်ဒဏ်ရာရရှိမှု သို့မဟုတ် ရေဒီယိုသတ္တိကြွယိုစိမ့်မှုများ မရှိကြောင်းနှင့် နျူကလီးယားဓာတ်ပေါင်းဖိုများ ဘေးအန္တရာယ် ကင်းရှင်းစွာဖြင့် ပုံမှန်အတိုင်းလည်ပတ်နေကြောင်း UAE နျူကလီးယား စွမ်းအင်ဆိုင်ရာ အဖွဲ့အစည်းက ထုတ်ပြန်ထားသည်။သို့သော်လည်း ကုလသမဂ္ဂ၏ နျူကလီးယားစောင့်ကြည့်ရေးအဖွဲ့ (IAEA) ကမူ ဓာတ်ပေါင်းဖိုတစ်ခုကို အရေးပေါ်ဒီဇယ်အင်ဂျင်များဖြင့် လည်ပတ် နေရကြောင်း ထုတ်ဖော်ပြောဆိုခဲ့ပြီး ညွှန်ကြားရေးမှူးချုပ် ရာဖေးလ် ဂရော့ဆီက ယခုကဲ့သို့ နျူကလီယားဘေးအန္တရာယ်ကို ခြိမ်းခြောက်သည့် စစ်ရေးလှုပ်ရှားမှုအပေါ် အလွန်အမင်း စိုးရိမ်ပူပန်မိကြောင်း ပြောကြားခဲ့သည်။အမေရိကန်ဒေါ်လာ ၂၀ ဘီလီယံ တန်ဖိုးရှိ ဘာရာကာ နျူကလီးယား လျှပ်စစ်ဓာတ်အားပေးစက်ရုံကို တောင်ကိုရီးယားနိုင်ငံ၏ အကူအညီဖြင့် UAE က တည်ဆောက်ခဲ့ပြီး ၂၀၂၀ ပြည့်နှစ်တွင် စတင်လည်ပတ်ခဲ့သည်။ အဆိုပါ ဘာရာကာစက်ရုံသည် UAE နိုင်ငံတစ်ခုလုံး စွမ်းအင်လိုအပ်ချက်၏ လေးပုံတစ်ပုံကို ပံ့ပိုးပေးနေသည့် အာရပ်ကမ္ဘာ၏ ပထမဆုံးနှင့် တစ်ခုတည်းသော နျူကလီးယားစက်ရုံ ဖြစ်သည်။ UAE သည် အမေရိကန်နှင့် တင်းကျပ်သော သဘောတူညီချက်အရ နျူကလီးယား လက်နက်ပြန့်ပွားမှုကို တားဆီးရန်အတွက် ပြည်တွင်း၌ ယူရေနီယံသန့်စင်ခြင်း လုံးဝမပြု လုပ်ဘဲ ပြည်ပမှသာတင်သွင်းနေခြင်းဖြစ်ရာ ၎င်း၏ နျူကလီယား အစီအစဉ်သည် လက်နက်အဆင့်အထိ ယူရေနီယံသန့်စင်နေသည်ဟု စွပ်စွဲခံထားရသော အီရန်၏နျူကလီးယားအစီအစဉ်နှင့် အလွန် ကွာခြားသည်။ယခုတိုက်ခိုက်မှုကို မည်သည့်အဖွဲ့ကမျှ ၎င်းတို့၏လက်ချက်ဖြစ်ကြောင်း ထုတ်ဖော်ပြောဆိုခြင်းမရှိသေးသော်လည်း UAE ဘက်ကမူ မကြာ သေးမီ ရက်ပိုင်းအတွင်း အရေးပါသော ဟော်မုဇ်ရေလက်ကြားတွင် တင်းမာမှုများမြင့်တက်လာပြီးနောက် အီရန်က ဒရုန်းနှင့် ဒုံးကျည်များဖြင့် အကြိမ်ကြိမ်တိုက်ခိုက်ခဲ့သည်ဟု စွပ်စွဲထားသည်။လက်ရှိတွင် အမေရိကန်နှင့် အီရန်တို့အကြား ဆွေးနွေးမှုများ ရှေ့မတိုးသာဘဲရပ်တန့်နေပြီး အပစ်အခတ်ရပ်စဲရေးမှာ ပျက်ပြယ်လုနီးပါးဖြစ်နေသည်။ အမေရိကန်သည် အီရန်ဆိပ်ကမ်းများကို ပိတ်ဆို့ထားဆဲဖြစ်ပြီး တစ်ဖက်တွင်လည်း UAE သည် စစ်ပွဲစတင်ရာတွင် ပါဝင်ခဲ့သည့် အစ္စရေးနိုင်ငံမှ လေကြောင်းရန်ကာကွယ်ရေးစနစ်များနှင့် စစ်ဘက်ဆိုင်ရာဝန်ထမ်းများကို လက်ခံ၍ အခြေစိုက်ခွင့်ပေးထားသည်။ လက်ဘနွန်နိုင်ငံတွင်လည်း အစ္စရေးနှင့် အီရန်ကျောထောက်နောက်ခံပြု ဟစ်ဇဘိုလာအဖွဲ့ကြား တိုက်ပွဲများပြင်းထန်နေသဖြင့် ဒေသတွင်း သဘောတူညီချက်များအပေါ် ပိုမိုဖိအားဝင်နေသည်။ အခြေအနေကို သိရှိသူများ၏ အဆိုအရ အစ္စရေးသည် တိုက်ခိုက်မှုများပြန်လည်စတင်ရန် အမေရိကန်နှင့်လျှို့ဝှက်ညှိနှိုင်းနေပြီး အစ္စရေးဝန်ကြီးချုပ် ဘင်ဂျမင် နေတန်ယာဟု ကလည်း အီရန်ကို မျက်ခြေမပြတ်စောင့်ကြည့်နေကာ မည်သည့် အခြေအနေ မျိုးအတွက်မဆို အသင့်ပြင်ဆင်ထားကြောင်း အစိုးရအဖွဲ့ကို ပြောကြားခဲ့သည်။အခြားတစ်ဖက်တွင်မူ အီရန်နိုင်ငံ၌ စစ်ပွဲအတွက်ပြင်ဆင်သည့်အနေဖြင့် နိုင်ငံပိုင်ရုပ်သံလိုင်းများမှ သတင်းတင်ဆက်သူများသည် တိုက်ရိုက် ထုတ်လွှင့်မှုများအတွင်း ရိုင်ဖယ်သေနတ်များကို ပြည်သူ့ရှေ့မှောက် ကိုင်ဆောင်ပြသလျက်ရှိသည်။ သတင်းတင်ဆက်သူ Hossein Hosseini သည် ရုပ်သံအစီအစဉ်တွင် UAE အလံကို ပစ်ခတ်သည့်ပုံစံ သရုပ်ပြခဲ့သကဲ့သို့ အမျိုးသမီးသတင်းတင်ဆက်သူ Mobina Nasiri ကလည်း နိုင်ငံအတွက် အသက်ပေးရန်အသင့်ရှိကြောင်း ကင်မရာရှေ့တွင် လက်နက်ကိုင်ဆောင်လျက် ကြေညာခဲ့သည်။ ယခုကဲ့သို့ ဒရုန်းတိုက်ခိုက်မှုနှင့် စစ်ရေးတင်းမာမှုများကြောင့် အရှေ့အလယ်ပိုင်းဒေသသည် စစ်ပွဲအသွင်သို့ ပြန်လည်ဦးတည်သွားနိုင်ပြီး ပဋိပက္ခကြောင့်ဖြစ်ပွားနေသည့် ကမ္ဘာ့ စွမ်းအင်အကျပ်အတည်းကို ပိုမိုကြာရှည်စေနိုင်ကြောင်း ကမ္ဘာ့နိုင်ငံအများအပြားက စိုးရိမ်ပူပန်လျက်ရှိကြသည်။ကိုးကား- APဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 17-May-2026