ဖရိုင်းဘတ်အသင်းကို အနိုင်ရပြီး အက်စ်တွန်ဗီလာအသင်း ယူရိုပါလိဂ်ဖလား ဆွတ်ခူး

News Image

ဖရိုင်းဘတ်အသင်းနဲ့ အက်စ်တွန်ဗီလာအသင်းတို့ ပွဲစဉ်မှာ အက်စ်တွန်ဗီလာအသင်းအတွက် သွင်းဂိုးတွေကို တီယယ်လီမန်က တစ်ဂိုး၊ ဘူအန်ဒီယာက တစ်ဂိုးနဲ့ မော်ဂန်ရော်ဂျာ က တစ်ဂိုး အသီးသီးသွင်းယူပေးခဲ့တာဖြစ်ပါတယ်။ အက်စ်တွန်ဗီလာအသင်းအနေနဲ့ ယခုလို ယူရိုပါလိဂ်ဖလား ရယူဆွတ်ခူးနိုင်ခဲ့ခြင်းဟာ နှစ်ပေါင်း ၃၀ အတွင်း ပထမဆုံးအကြိမ် အဓိကဖလားကြီးဖြစ်တာလည်း ဖြစ်ပါတယ်။ အက်စ်တွန်ဗီလာအသင်းနည်းပြ အူနိုင်းအမ်မရီကတော့ ယူရိုပါလိဂ်ဖလားကို ဆီဗီလာအသင်းနဲ့ သုံးကြိမ်၊ ဗီလာရီးယဲလ်အသင်းနဲ့ တစ်ကြိမ် ရယူဆွတ်ခူးနိုင်ခဲ့ပြီး နည်းပြဘဝတစ်လျှောက်မှာ ယူရိုပါလိဂ်ဖလားကို (၅)ကြိမ်မြောက် ဆွတ်ခူးနိုင်ခဲ့တာ ဖြစ်ပါတယ်။

ဖရိုင်းဘတ်အသင်းကတော့ အသင်းရဲ့သမိုင်းတစ်လျှောက် ပထမဆုံးအကြိမ် ကစားခွင့်ရရှိခဲ့တဲ့ ဥရောပဗိုလ်လုပွဲမှာ အက်စ်တွန်ဗီလာအသင်းရဲ့ ကွင်းလယ်အင်အားနဲ့ နည်းဗျူဟာကို လုံးဝမယှဉ်နိုင်ခဲ့တာကြောင့် ရှုံးပွဲကြုံခဲ့ရတာလည်းဖြစ်ပါတယ်။

ငွေကြယ်

MDN

MM-News-Category

လူမှုရေးကဏ္ဍသတင်း

လူမှုရေး-အားကစား

သထုံခရိုင်ပြည်သူ့ဆေးရုံကြီးနှင့် မော်လမြိုင်ပြည်သူ့ ဆေးရုံကြီးတို့အား ဒုတိယဝန်ကြီး ဒေါက်တာအေးထွန်း ကြည့်ရှုစစ်ဆေး

နေပြည်တော် မေ ၂၂ ကျန်းမာရေးဝန်ကြီးဌာန ဒုတိယဝန်ကြီး ဒေါက်တာအေးထွန်းသည် ယမန်နေ့နံနက်ပိုင်းက မွန်ပြည်နယ် သထုံခရိုင်ပြည်သူ့ဆေးရုံနှင့် ပေါင်မြို့နယ် ရင်းငြိမ်တိုက်နယ်ဆေးရုံများ၌ ပြည်သူလူထုအား ကျန်းမာရေး စောင့်ရှောက်ပေးနေမှုကို လှည့်လည်ကြည့်ရှုစစ်ဆေးပြီး ကျန်းမာရေးဝန်ထမ်း များနှင့် တွေ့ဆုံ၍ လိုအပ်ချက်များကို ပေါင်းစပ်ညှိနှိုင်း ဖြည့်ဆည်းဆောင်ရွက်ပေးသည်။မွန်းလွဲပိုင်းတွင် မော်လမြိုင်အထွေထွေ ရောဂါကုဆေးရုံကြီး၌ အထူးကုဆရာဝန်ကြီးများ၊ ကျန်းမာရေးဝန်ထမ်းများနှင့် တွေ့ဆုံအမှာစကားပြောကြားပြီး မော်လမြိုင်ဆေးရုံကြီးတွင် ဆောက်လုပ်ရေးဝန်ကြီးဌာနမှ တာဝန်ယူတည်ဆောက်ပေးမည့် အရေးပေါ်ပြင်ပလူနာဌာန အသစ်ဆောက်လုပ်မည့်နေရာကို ကြည့်ရှုစစ်ဆေးသည်။ ထို့နောက် သူနာပြုသင်တန်းကျောင်း(မော်လမြိုင်)အား သူနာပြုသိပ္ပံ အဆင့်မြှင့်တင်နိုင်ရေးအတွက် ကြိုတင်ပြင်ဆင် ဆောင်ရွက်ထားရှိမှု၊ စာသင်ခန်းများ၊ ကျွမ်းကျင်မှုဆိုင်ရာ လက်တွေ့သင်ကြားရေးခန်းများ (Skill Lab)၊ စာကြည့်တိုက်၊ ထမင်းချက်ခန်း၊ ကွန်ပျူတာဆောင်နှင့် သင်တန်းသူအိပ်ဆောင်တို့ကို ကြည့်ရှုစစ်ဆေးခဲ့ကြောင်း သိရသည်။MDN

Sat, 23-May-2026

ကွန်ဂိုနိုင်ငံ၌ အီဘိုလာရောဂါ ကူးစက်မှုက အလွန်အန္တရာယ်များသည့် အဆင့်သို့ရောက်ရှိ

ကွန်ဂိုနိုင်ငံ၌ဖြစ်ပွားနေသော အီဘိုလာရောဂါ ကူးစက်မှုသည် လျင်မြန်စွာပျံ့နှံ့နေသည့်အတွက် အလွန်အန္တရာယ်များသည့် အဆင့်သို့ရောက်ရှိလာနေပြီဖြစ်ကြောင်း ကမ္ဘာ့ကျန်းမာရေးအဖွဲ့(WHO)က မေလ၂၂ ရက်တွင် ထုတ်ပြန်ထားသည်။ယခင်က ကွန်ဂိုနိုင်ငံအတွင်း အီဘိုလာရောဂါ ကူးစက်မှုအခြေအနေကို အန္တရာယ်များသည့် အခြေအနေအဖြစ်သာ လျှော့ချသတ်မှတ်ရာမှ ယခုအခါ အလွန်အန္တရာယ်များသော အဆင့်သို့ တိုးမြှင့်သတ်မှတ်လိုက်ရခြင်းဖြစ်ကြောင်း၊ ထိုသို့အလွန်အန္တရာယ်များသော အဆင့်သည် ဒေသတွင်းအတွက်သာဖြစ်ပြီး ကမ္ဘာတစ်ဝန်းအတွက်မူ အီဘိုလာရောဂါ ကူးစက်နိုင်ခြေ အလွန်နည်းပါးနေကြောင်း WHO ညွှန်ကြားရေးမှူးချုပ်ကပြောသည်။လက်ရှိတွင် ကွန်ဂို၌အီဘိုလာရောဂါ ကူးစက်မှုကြောင့် သံသယရှိသူလူနာ ၇၅၀ ဝန်းကျင်ခန့်ရှိပြီး သေဆုံးသူလူနာ ၁၇၇ ဦးရှိကြောင်း၊ ကွန်ဂိုနိုင်ငံ၏ အိမ်နီးချင်းဖြစ်သော ယူဂန်ဒါနိုင်ငံတွင်မူ အခြေအနေမှာတည်ငြိမ်နေပြီး ကွန်ဂိုသို့ခရီးသွားသူနှစ်ဦးတွင်သာ ရောဂါကူးစက် ခံထားရသည်ကို တွေ့ရှိရကြောင်းနှင့် သေဆုံးသူတစ်ဦးရှိကြောင်း၊ ကုလသမဂ္ဂအနေဖြင့် ကွန်ဂိုနိုင်ငံသို့ အမေရိကန်ဒေါ်လာ သန်း ၆၀ ထုတ်ပေးသွားမည်ဖြစ်ကြောင်း သိရသည်။MWD

Sat, 23-May-2026

ဂါဇာကမ်းမြောင်ဒေသ၌ ကြွက်များနှင့် ကပ်ပါးပိုးများကြောင့် ဖြစ်ပွားသော အရေပြား ရောဂါကူးစက် ဖြစ်ပွားမှု ၁၂၅၀၀၀ ကျော်ရှိ

ဂါဇာ မေ ၂၂ ၂၀၂၆ ခုနှစ် ပထမငါးလအတွင်း ဂါဇာကမ်းမြောင်ဒေသ၌ ကြွက်များနှင့် ကပ်ပါးပိုးများကြောင့် ဖြစ်ပွားသော အရေပြားရောဂါကူးစက်ဖြစ်ပွားမှု ၁၂၅၀၀၀ ကျော်ရှိသည်ဟု အရှေ့အလယ်ပိုင်း ဒေသဆိုင်ရာ ပါလက်စတိုင်းဒုက္ခသည်များအတွက် ကုလသမဂ္ဂအကူအညီပေးရေးနှင့် အလုပ်အကိုင် အေဂျင်စီ (UNRWA)၏ ယမန်နေ့ သတင်းဖော်ပြချက်အရ သိရသည်။ အရေပြားကူးစက်ရောဂါသည် ဂါဇာကမ်းမြောင်ဒေသတွင် ဖြစ်ပွားနေသော နောက်ထပ် အကျပ်အတည်း တစ်ခုဖြစ်ကြောင်း၊ ကြွက်များနှင့် ကပ်ပါးပိုးများ အလွန်များပြားလာခြင်းကြောင့် အရေပြားကူးစက်ရောဂါ ပျံ့နှံ့ဖြစ်ပွားလျက်ရှိကြောင်း UNRWA က ၎င်း၏ လူမှုမီဒီယာ X အကောင့်တွင် ဖော်ပြခဲ့သည်။ UNRWA က ၎င်း၏ ဆေးအဖွဲ့သည် နေ့စဉ်အရေပြား ကူးစက်ရောဂါဖြစ်ပွားသူ ၄၀၀ ကျော်ကို ကုသပေးလျက်ရှိကြောင်း၊ သို့သော်လည်း ဆေးကုသမှုတွင် ဆေးဝါးပြတ်လပ်မှုများကြောင့် ကန့်သတ်ချက်များ ရှိနေကြောင်း ပြောကြားခဲ့သည်။ အပူလွန်ကဲမှုများနှင့် ရွှေ့ပြောင်းစခန်းများ၌ လူနေထိုင်မှု အဆင့်အတန်းနိမ့်ကျမှုများကြောင့် ဂါဇာ ကမ်းမြောင်ဒေသခံများ အထူးသဖြင့် ကလေးငယ်များတွင် အရေပြားကူးစက်ရောဂါများ လျင်မြန်စွာ ပျံ့နှံ့ဖြစ်ပွားလျက်ရှိသည်။ ဆေးဝါးပြတ်လပ်မှုများနှင့် လိုအပ်သောဆေးဝါးကုသမှုမပေးနိုင်သော ကြောင့် ဖြစ်ပေါ်နေသော အခြေအနေမှာ ပိုမိုဆိုးရွားလျက်ရှိသည်ဟု ဆရာဝန်များက ပြောသည်။ ယင်းဒေသအတွင်း ပြန့်ကျဲနေသည့် နေရပ်စွန့်ခွာသူများ၏ ယာယီတဲများက လူသားဆန်မှုမရှိသည့် အခြေအနေတစ်ခုကို ဖြစ်ပေါ်စေပြီး ကြွက်များ၊ ပိုးမွှားများ ပျံ့နှံ့စေသကဲ့သို့ ရေညစ်ညမ်းမှုကိုလည်း ဖြစ်ပေါ်စေခဲ့သည်ဟု ပါလက်စတိုင်းလခြမ်းနီအသင်း ကျန်းမာရေးအစီအစဉ် ညွှန်ကြားရေးမှူး ဘတ်ရှာမူရတ်က ပြောကြားခဲ့သည်။ ဆင်ဟွာ

Sat, 23-May-2026

ဆူဒန်နိုင်ငံ၌ ရောဂါဖြစ်ပွားမှုများကို ထိန်းချုပ်ရန် ကုလသမဂ္ဂလူသားချင်းစာနာထောက်ထားမှုဆိုင်ရာ အဖွဲ့အစည်းများ ရုန်းကန်နေရ

ဂျီနီဗာ မေ ၂၂ ဆူဒန်နိုင်ငံ၌ အကူအညီပေးရေးအဖွဲ့များသည် လုံခြုံရေးဆိုင်ရာ ပြဿနာများနှင့် အကူအညီ ဝင်ရောက်ခွင့်အတွက် စိန်ခေါ်မှုများနှင့် ကြုံတွေ့နေရချိန် သွေးလွန်တုပ်ကွေး၊ မျောက်ကျောက်နှင့် ကာလဝမ်းရောဂါအပါအဝင် အခြားသောရောဂါများကို ထိန်းချုပ်ရန် ရုန်းကန် နေရသည်ဟု ကုလသမဂ္ဂ လူသားချင်းစာနာထောက်ထားမှုဆိုင်ရာ အဖွဲ့အစည်းများက မေ ၂၁ ရက်တွင် ပြောသည်။ အနောက်ကော်ဒိုဖန်ပြည်နယ် နူဟွဒ်ဒေသတွင် ကာလဝမ်းရောဂါနှင့် ဆက်စပ်သည့် ပြင်းထန်ဝမ်းပျက် ရောဂါသံသယဖြစ်ဖွယ် ကူးစက်ပျံ့နှံ့မှုကို ကမ္ဘာ့ကျန်းမာရေးအဖွဲ့ကြီးနှင့် ၎င်း၏မိတ်ဖက် အဖွဲ့အစည်းများက တုံ့ပြန်ဆောင်ရွက်နေသည်ဟု ကုလသမဂ္ဂ လူသားချင်းစာနာထောက်ထားမှု ဆိုင်ရာ ညှိနှိုင်းရေးမှူးရုံးက ပြောသည်။ ယခု သီတင်းပတ်အတွင်း သံသယဖြစ်ဖွယ် လူနာ ၁၀၀ နှင့် သေဆုံးသူများရှိကြောင်း အစီရင်ခံ တင်ပြထားသည်။ ဒါဖာဒေသတွင် သံသယဖြစ်ဖွယ် မျောက်ကျောက် ရောဂါဖြစ်ပွားမှုကို ကိုင်တွယ် ဖြေရှင်းရန် လူသားချင်းစာနာ ထောက်ထားမှု အဖွဲ့အစည်းများသည် ကျန်းမာရေးအာဏာပိုင်များ နှင့်အတူ လက်တွဲဆောင်ရွက်လျက်ရှိသည်။ အလယ်ပိုင်းနှင့် တောင်ပိုင်း ဒါဖာပြည်နယ်တို့တွင် မျောက်ကျောက်ရောဂါဟု သံသယရှိသူ ပေါင်း ၃၀၀ ကျော်ရှိပြီး ယခုသီတင်းပတ်အတွင်း သေဆုံးသူ ငါးဦးရှိသည်ဟု ကုလသမဂ္ဂ လူသားချင်းစာနာ ထောက်ထားမှုဆိုင်ရာ ညှိနှိုင်းရေးမှူးရုံးက ပြောသည်။ ဆူဒန်နိုင်ငံရှိ အကူအညီပေးရေး အဖွဲ့အစည်းများသည် ယခုနှစ် ပထမ လေးလအတွင်း လူပေါင်း ၁ ဒသမ ၆ သန်းကို ကူညီပေးခဲ့ပြီး ဖြစ်ကြောင်းသိရသည်။ ဆင်ဟွာMDN

Sat, 23-May-2026

ဖရိုင်းဘတ်အသင်းကို အနိုင်ရပြီး အက်စ်တွန်ဗီလာအသင်း ယူရိုပါလိဂ်ဖလား ဆွတ်ခူး

အက်စ်တွန်ဗီလာအသင်းဟာ မေ ၂၁ ရက် နံနက်ပိုင်းက ဖရိုင်းဘတ်အသင်းနဲ့ ယှဉ်ပြိုင်ကစားခဲ့တဲ့ ယူရိုပါလိဂ်ဗိုလ်လုပွဲစဉ်မှာ အနိုင်ရရှိခဲ့တာကြောင့် ယူရိုပါလိဂ်ဖလားကို ဆွတ်ခူးနိုင်ခဲ့ပြီဖြစ်ပါတယ်။ အဲဒီပွဲစဉ်မှာ ပရီမီယာလိဂ်ကလပ် အက်စ်တွန်ဗီလာအသင်းဟာ ပွဲစဉ်တစ်လျှောက် အကောင်းဆုံး ထိန်းချုပ်ကစားနိုင်ခဲ့ပြီး သုံးဂိုး-ဂိုးမရှိဖြင့် အနိုင်ရရှိခဲ့တာဖြစ်ပါတယ်။ ဖရိုင်းဘတ်အသင်းနဲ့ အက်စ်တွန်ဗီလာအသင်းတို့ ပွဲစဉ်မှာ အက်စ်တွန်ဗီလာအသင်းအတွက် သွင်းဂိုးတွေကို တီယယ်လီမန်က တစ်ဂိုး၊ ဘူအန်ဒီယာက တစ်ဂိုးနဲ့ မော်ဂန်ရော်ဂျာ က တစ်ဂိုး အသီးသီးသွင်းယူပေးခဲ့တာဖြစ်ပါတယ်။ အက်စ်တွန်ဗီလာအသင်းအနေနဲ့ ယခုလို ယူရိုပါလိဂ်ဖလား ရယူဆွတ်ခူးနိုင်ခဲ့ခြင်းဟာ နှစ်ပေါင်း ၃၀ အတွင်း ပထမဆုံးအကြိမ် အဓိကဖလားကြီးဖြစ်တာလည်း ဖြစ်ပါတယ်။ အက်စ်တွန်ဗီလာအသင်းနည်းပြ အူနိုင်းအမ်မရီကတော့ ယူရိုပါလိဂ်ဖလားကို ဆီဗီလာအသင်းနဲ့ သုံးကြိမ်၊ ဗီလာရီးယဲလ်အသင်းနဲ့ တစ်ကြိမ် ရယူဆွတ်ခူးနိုင်ခဲ့ပြီး နည်းပြဘဝတစ်လျှောက်မှာ ယူရိုပါလိဂ်ဖလားကို (၅)ကြိမ်မြောက် ဆွတ်ခူးနိုင်ခဲ့တာ ဖြစ်ပါတယ်။ ဖရိုင်းဘတ်အသင်းကတော့ အသင်းရဲ့သမိုင်းတစ်လျှောက် ပထမဆုံးအကြိမ် ကစားခွင့်ရရှိခဲ့တဲ့ ဥရောပဗိုလ်လုပွဲမှာ အက်စ်တွန်ဗီလာအသင်းရဲ့ ကွင်းလယ်အင်အားနဲ့ နည်းဗျူဟာကို လုံးဝမယှဉ်နိုင်ခဲ့တာကြောင့် ရှုံးပွဲကြုံခဲ့ရတာလည်းဖြစ်ပါတယ်။ ငွေကြယ်MDN

Sat, 23-May-2026

ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်း ဧရာဝတီတိုင်းဒေသကြီးအတွင်းရှိ ဆေးရုံ၊ ကျန်းမာရေးဌာနများ ကြည့်ရှုစစ်ဆေး

နေပြည်တော် မေ ၂၂ ကျန်းမာရေး ဝန်ကြီးဌာန ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်းသည် ယနေ့ နံနက်ပိုင်းက ဧရာဝတီတိုင်းဒေသကြီး ညောင်တုန်းမြို့နယ် ဆားမလောက်ပြည်သူ့ဆေးရုံရှိ အရေးပေါ်နှင့် ပြင်ပလူနာဌာန၊ ဓာတ်ခွဲခန်း၊ ခွဲစိတ်ခန်း၊ အတွင်း လူနာဆောင်များကို ကြည့်ရှု စစ်ဆေးသည်။ ထို့နောက် ပန်းတနော်မြို့နယ် ပြည်သူ့ဆေးရုံ၊ ကျောင်းကုန်းမြို့နယ် ပြည်သူ့ဆေးရုံတို့ကို ကြည့်ရှု စစ်ဆေးပြီး ကုသမှုအရည်အသွေး ကောင်းမွန်စေရေးနှင့် သွေးလွန်တုပ်ကွေးရောဂါ အပါအဝင် မိုးရာသီကာလ ဖြစ်ပေါ်နိုင်သော ကူးစက်ရောဂါများ ကာကွယ်နှိမ်နင်းရေးတို့နှင့် စပ်လျဉ်း၍ မှာကြားသည်။ ယင်းနောက် ကျောင်းကုန်းမြို့နယ် လက်ပန်ချောင်ကျေးလက် ကျန်းမာရေးဌာနခွဲကို ကြည့်ရှု စစ်ဆေးပြီး ဝန်ထမ်းများအား ချီးမြှင့်ငွေများ ပေးအပ်သည်။ ဆက်လက်၍ ကန်ကြီးထောင့်မြို့နယ် ဒါးကတိုက်နယ်ဆေးရုံ၊ မြို့နယ်ပြည်သူ့ဆေးရုံတို့ရှိ အရေးပေါ်နှင့် ပြင်ပလူနာဌာန၊ သားဖွားခန်း၊ ဓာတ်မှန်ခန်း၊ ဓာတ်ခွဲခန်းနှင့် လူနာဆောင်များကို ကြည့်ရှုစစ်ဆေးပြီး မြို့နယ်ပြည်သူ့ ကျန်းမာရေးဦးစီးဌာနရုံး၌ ဝန်ထမ်းများနှင့် တွေ့ဆုံအမှာစကား ပြောကြားခဲ့ကြောင်း သိရသည်။ သတင်းစဉ်MDN

Sat, 23-May-2026

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

ဖရိုင်းဘတ်အသင်းကို အနိုင်ရပြီး အက်စ်တွန်ဗီလာအသင်း ယူရိုပါလိဂ်ဖလား ဆွတ်ခူး

News Image

Event & Guidlines

Contact

Quick Link

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

လူမှုရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

လူမှုရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

လူမှုရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

News Image

ဆက်စပ်သတင်းများ

Event & Guidlines

Contact

Quick Link