လှိုင်းဘွဲမြို့၌ ကော်ဖီပျိုးပင်၊ သီဟိုဠ်ပျိုးပင်နှင့် ဆင်းသုခမျိုးစေ့(Rs)ထောက်ပံ့ပေးအပ်ပွဲ ကျင်းပ

NoahJune222

News Image

  • လှိုင်းဘွဲမြို့၌ ကော်ဖီပျိုးပင်၊ သီဟိုဠ်ပျိုးပင်နှင့် ဆင်းသုခမျိုးစေ့(Rs)ထောက်ပံ့ပေးအပ်ပွဲ ကျင်းပ

လှိုင်းဘွဲ ဇွန် ၁

 

ကရင်ပြည်နယ် လှိုင်းဘွဲမြို့နယ်အတွင်းရှိ ကျေးရွာများသို့ ကော်ဖီပျိုးပင်၊ သီဟိုဠ်ပျိုးပင်များနှင့် မိုးစပါးမျိုးစေ့ထုတ် တောင်သူများထံသို့ ဆင်းသုခမျိုးစေ့(Rs) ထောက်ပံ့ပေးအပ်ပွဲ အခမ်းအနားကို ယနေ့မွန်းလွဲပိုင်းက  အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပသည်။

 

အခမ်းအနားတွင် ကရင်ပြည်နယ် လွှတ်တော်ကိုယ်စားလှယ် ဒေါ်နန်းစောမြက အမှာစကားပြောကြားပြီး လွှတ်တော်ကိုယ်စားလှယ်များနှင့် မြို့နယ်စီမံခန့်ခွဲရေးနှင့် အုပ်ချုပ်ရေးကော်တီဥက္ကဋ္ဌ ဦးထွန်းလင်းအောင်တို့က ကော်ဖီပျိုးပင်၊ သီဟိုဠ်ပျိုးပင်များနှင့် ဆင်းသုခမျိုးစေ့ (Rs)များကို တောင်သူများထံ ထောက်ပံ့ပေးအပ်ခဲ့ကြောင်း သိရသည်။     

စောဒိ(ပြန်/ဆက်)

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

အမေရိကန်ဒေါ်လာ သန်း(၅၀ဝ)ကျော်ဖြင့် ရောင်းချခဲ့သည့် မိုနာကိုနိုင်ငံရှိ ကမ္ဘာ့ဈေးအကြီးဆုံး တိုက်ခန်း
အမေရိကန်ဒေါ်လာ သန်း(၅၀ဝ)ကျော်ဖြင့် ရောင်းချခဲ့သည့် မိုနာကိုနိုင်ငံရှိ ကမ္ဘာ့ဈေးအကြီးဆုံး တိုက်ခန်း
မိုနာကိုနိုင်ငံတွင် ကမ္ဘာ့ဈေးအကြီးဆုံး အိမ်ရာအချို့ရှိပြီး ကမ္ဘာ့ဈေးအကြီးဆုံးတိုက်ခန်းကို ရောင်းချခဲ့ပြီးနောက် စံချိန်သစ်တစ်ခုကို တင်နိုင်ခဲ့ကြောင်းသိရသည်။ ယူကရိန်း၏အချမ်းသာဆုံးပုဂ္ဂိုလ် ရီနတ် အက်ခ်မက်တော့ဗ် ပိုင်ဆိုင်သောကုမ္ပဏီ System Capital Management (SCM) သည် Le Renzo အဆောက်အအုံရှိ အခန်း(၂၁)ခန်းပါသောတိုက်ခန်းကို အမေရိကန်ဒေါ်လာသန်း(၅၀ဝ)ကျော်ဖြင့်ဝယ်ယူခဲ့ပြီးနောက် စံချိန်သစ်တစ်ခုကို တင်နိုင်ခဲ့ခြင်းဖြစ်ကြောင်းသိရသည်။ကမ္ဘာ့ဈေးအကြီးဆုံး တိုက်ခန်းသည် မိုနာကိုကမ်းစပ်ရှိ သီးသန့်အဆောက်အအုံတစ်ခု၏ အပေါ်ဆုံးတွင်ရှိကာ ဧရိယာစတုရန်း ပေ(၂၆၉၀ဝ) ကျော်ကျယ်ဝန်းပြီး ပင်လယ်ပြင်၏လှပသောမြင်ကွင်းများကို ပေးစွမ်းနိုင်ကြောင်းသိရသည်။ အဆိုပါ တိုက်ခန်းတွင် အခန်း(၂၁)ခန်း၊ သီးသန့်ကားပါကင်နေရာ(၈)ခု၊ မြေထဲပင်လယ်၏ တိုက်ရိုက်မြင်ကွင်းများကိုမြင်တွေ့နိုင်သော လသာဆောင်များစွာ၊ သီးသန့်ရေကူးကန်၊ ပရီမီယံပရိဘောဂများနှင့် ခေတ်မီအိမ်တွင်း အလိုအလျောက်နည်းပညာများပါဝင်ကြောင်း သိရသည်။ဗာတီကန်စီးတီးပြီးလျှင် ဒုတိယမြောက် ကမ္ဘာ့အသေးဆုံးနိုင်ငံဖြစ်သော မိုနာကိုနိုင်ငံသည် ကမ္ဘာ့အမြင့်ဆုံးအိမ်ခြံမြေဈေးနှုန်းများထဲမှ အချို့ကိုပိုင်ဆိုင်ထားပြီး ပြီးခဲ့သည့်နှစ်တွင် တစ်စတုရန်းမီတာလျှင် ခန့်မှန်းဈေးနှုန်းမှာ အမေရိကန် ဒေါ်လာ(၈၂၃၀ဝ)ဒေါ်လာကျော်ရှိကြောင်းသိရသည်။ ထို့ပြင် အဆိုပါတိုက်ခန်း၏ အပြင်အဆင်သည် မြေထဲပင်လယ်ရှိ ဇိမ်ခံတိုက်ခန်းအဆောက်အအုံတစ်ခု၏ အပေါ်ဆုံးရှိ ငါးထပ်အိမ်ကြီးနှင့်ဆင်တူကြောင်းလည်း သိရသည်။Np News
Tue, 2-Jun-2026
ယာဉ်အစီးရေ(၁၀ဝဝဝ)ကျော်တင်ဆောင်နိုင်သည့် ကမ္ဘာ့အကြီးဆုံးယာဉ်တင်သင်္ဘောကြီး
ယာဉ်အစီးရေ(၁၀ဝဝဝ)ကျော်တင်ဆောင်နိုင်သည့် ကမ္ဘာ့အကြီးဆုံးယာဉ်တင်သင်္ဘောကြီး
Guangzhou Shipyard Interna tional ကုမ္ပဏီသည် EV ယာဉ်များ၊ ဟိုက်ဒရိုဂျင် စွမ်းအင်သုံးယာဉ်များနှင့် ကြီးမားသောထရပ်ကားများအပါအဝင်ယာဉ်အမျိုးမျိုးကို သယ်ယူပို့ဆောင်နိုင်စွမ်းရှိသည့် အရှည်(၂၃၀)မီတာ၊ အကျယ်(၄၀)မီတာရှိသော ကမ္ဘာ့အကြီးဆုံးယာဉ်တင်သင်္ဘောကြီးကို မကြာသေးမီက တည်ဆောက်ပြီးစီးခဲ့ကြောင်းသိရသည်။ Pure Car and Truck Carrier (PCTC) အဖြစ်ဖော်ပြထား သော Glovis Leader ဟု အမည်ပေးထားသည့် သင်္ဘောအသစ်ကြီးကို တောင်ကိုရီးယားကား ကုမ္ပဏီ ဟွန်ဒိုင်းက မှာယူခဲ့ခြင်းဖြစ်ပြီး China State Shipbuilding Corporation (CSSC) လက်အောက်ရှိ Guangzhou Shipyard International Company Limited နှင့် China Shipbuilding Trading Co. Ltd တို့က သတ်မှတ်ထားသည့် အချိန်ဇယားထက်စောကာ တည်ဆောက်ပြီးစီးခဲ့ခြင်းဖြစ်ကြောင်းသိရသည်။ Glovis Leader သင်္ဘောကြီးသည် အရှည်(၂၃၀)မီတာ၊ အကျယ် (၄၀)မီတာနှင့် မြန်နှုန်းမှာ(၁၉) knots ရှိကြောင်းလည်းသိရသည်။ ၎င်းတွင် ယာဉ်အစီးရေ(၁၀၈၀ဝ)အထိ တင်ဆောင်နိုင်သော သီးသန့်ကုန်းပတ် (၁၄)ခုပါရှိပြီး တည်ဆောက်ခဲ့ဖူးသမျှထဲတွင် အကြီးဆုံး ယာဉ်တင်သင်္ဘောကြီးဖြစ်လာခဲ့ကြောင်းလည်းသိရသည်။ ပြီးခဲ့သည့်နှစ်တွင် ကမ္ဘာ့အကြီးဆုံးကားနှင့် ထရပ်ကားတင် သင်္ဘောအဖြစ် Höegh Aurora သင်္ဘောက စံချိန်တင်ခဲ့သော်လည်း ၎င်းတွင် ယာဉ်အစီးရေ(၉၁၀ဝ)သာ တင်ဆောင်နိုင်ကြောင်းလည်း သိရသည်။ လက်ရှိအချိန်တွင် Glovis Leader သင်္ဘောကြီးက Höegh Aurora သင်္ဘောထက် သိသိသာသာပိုမိုကြီးမားကာ Höegh Aurora သင်္ဘောက တင်ဆောင်နိုင်သည့် ယာဉ်အစီးရေထက် (၁၇၀ဝ) စီး ပိုများအောင် တင်ဆောင်နိုင်စွမ်းရှိကြောင်းလည်းသိရသည်။
Tue, 2-Jun-2026
မြန်မာနိုင်ငံရှိ လင်းတမျိုးစိတ်များ မျိုးတုံးမှုအန္တရာယ် ကြုံတွေ့နေရ
မြန်မာနိုင်ငံရှိ လင်းတမျိုးစိတ်များ မျိုးတုံးမှုအန္တရာယ် ကြုံတွေ့နေရ
မြန်မာနိုင်ငံရှိ လင်းတမျိုးစိတ်များ မျိုးတုံးမှုအန္တရာယ်ကြုံတွေ့နေရကြောင်း ငှက်မျိုးစိတ်များ အကြောင်းသိရှိသူတစ်ဦးက NP News သို့ပြောသည်။မြန်မာနိုင်ငံတွင်ကျက်စားသော လင်းတ မျိုးစိတ် (၆)မျိုးရှိသည့်အနက် လင်းတကျောဖြူ၊ လင်းတ နှုတ်သီးရှည်၊ လင်းတခေါင်းနီမျိုးစိတ်မှာ သားပေါက်နေထိုင်သော ဌာနေငှက်မျိုးစိတ်ဖြစ်ပြီး ၎င်းတို့ကို အပြည်ပြည်ဆိုင်ရာ သဘာဝအရင်းအမြစ်များထိန်းသိမ်းရေးအဖွဲ့ (IUCN) တွင် မျိုးတုံးရန် အန္တရာယ်ရှိမျိုးစိတ်အဖြစ်သတ်မှတ်ထားကြောင်း သိရသည်။ လင်းတငှက်များသည် အခြားသားရဲ တိရစ္ဆာန်များဖြစ်သော စွန်ငှက်၊ သိမ်းငှက်၊ လင်းယုန် ငှက်ကဲ့သို့ အကောင်အရှင်များကို ဖမ်းစားခြင်းမရှိ ဘဲ သတ္တဝါ အသေကောင်များကိုသာ စားသောက်သဖြင့် အပုပ်အသိုး သုတ်သင်ရှင်းလင်းရာတွင် များစွာ အကူအညီရကြောင်း သိရသည်။ ထိုသို့ အပုပ်အသိုးများကို စားသောက်ပေးသောကြောင့် အသေကောင်များမှ ပိုးမွှားများ လူနှင့်တိရစ္ဆာန်များသို့ ကူးစက်ပြန့်ပွားမှုမရှိဘဲ ကာကွယ်ပေးသဖြင့် သဘာဝပတ်ဝန်းကျင် ဂေဟစနစ်ကို အကျိုးပြုနေသော ငှက်ဖြစ်ကြောင်းလည်း သိရသည်။“လင်းတကတော့ မျိုးပြုတ်တော့မယ်။ သူ ကနာမည်သာဆိုးတာ တကယ်ကျတော့ လူကို ဘာမှအန္တရာယ်ပေးတာမဟုတ်ဘူး။ သူကရုပ်ဆိုးတယ်။ နောက်တစ်ချက်က ကိုယ်တွေက အသေကောင်နား မှာတွေ့တဲ့အကောင်ကျတော့ သူ့ကို နိမိတ်မရှိဘူး။ အယူအဆရှိတာပေါ့။ ဒါတွေက ရုပ်ဆိုးလို့ ကံဆိုးသွားတာပေါ့။ တချို့ငှက်တွေလည်း အသံဆိုးတာနဲ့ ငှက်ဆိုးတွေဖြစ်ရတာပါပဲ။ ငှက်တွေက လူကိုအန္တရာယ်ပေးတာမဟုတ်ဘူး။ အကျိုးတောင်ပေးသေးတာ” ဟု ၎င်းကပြောသည်။ လင်းတငှက်များသည် မြန်မာ နိုင်ငံ အနှံ့အပြားတွင် ကျက်စားလေ့ရှိသော်လည်း ကချင်ပြည်နယ်၊ စစ်ကိုင်းတိုင်းဒေသကြီးနှင့် ရှမ်းပြည်နယ်တို့တွင် အများဆုံးတွေ့နိုင်ကြောင်း သိရသည်။ “မြန်မာနိုင်ငံမှာဆိုရင် အမျိုးအစားအလိုက်ပေါ့။ လင်းတ ခေါင်းနီဆိုရင် မြန်မာနိုင်ငံမှာ နောက်ပိုင်း Record ရှိတာ နှစ်ကောင်၊ သုံးကောင်ပဲ။ အဲဒီကောင် တွေဆိုရင် ရန်ကုန်နယ်နိမိတ်မှာ ပေါပေါများများ အခုတော့ကုန်ပြီလေ။ အဓိကကတော့ အစားအ သောက် ရှားလာတာပေါ့”ဟု ၎င်းကဆက်လက်ပြောသည်။ထို့ပြင် ဟိမဝန္တာလင်းတ၊ လင်းတမည်း မျိုးစိတ်များသည် မြန်မာနိုင်ငံသို့ ဆောင်းလာခိုသော ဆောင်းခိုငှက်များဖြစ်ပြီး လင်းတဖြူမျိုးစိတ်အနေဖြင့် ပုံမှန်လာရောက် ဆောင်းခိုလေ့မရှိကြောင်း သိရသည်။ ပြီးခဲ့သည့် (၂၀၂၄) ခုနှစ် ဇန်နဝါရီလက ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ်ရှိ ရတနာ နှင်းဆီအိမ်ရာတိုက်အမိုးတစ်ခုပေါ်သို့ လင်းတ အကောင်ရေ (၅၀)ခန့် ခေတ္တခဏလာရောက် ဆောင်းခိုရာတွင် နိမိတ်မကောင်းဘူးဟုဆိုကာ လူအချို့က ရိုက်သတ်လိုက်၍ (၃)ကောင်သေဆုံးသွားခဲ့ကြောင်း သိရသည်။ထို့ပြင် (၂၀၁၂) ခုနှစ်တွင် ရန်ကုန်မြို့ရှိ ရွှေတိဂုံဘုရားပေါ်သို့ ဟိမဝန္တာ လင်းတငှက် (၆) ကောင်ခန့် ဆောင်းလာခိုသည့်ဖြစ်စဉ်လည်း ရှိခဲ့ သည်။ ယခုလ မတ်လ (၁၇)ရက်ခန့်က ချင်းပြည်နယ် တီးတိန် မြို့နယ်၊ ကနေဒီတောင်အနီးတစ်ဝိုက်နှင့် ဇောင်ကောင်ရွာအတွင်း တိုက်ပွဲများဖြစ်ပွားခဲ့သည့် ကနေဒီတောင်နှင့် အနီးတစ်ဝိုက်တွင် လင်းတငှက်များ သွားလာနေသည့် ဗီဒီယိုဖိုင်တစ်ခုထွက်ပေါ်လာခဲ့ သည်။ အဆိုပါဗီဒီယိုဖိုင်သည့် ကားပေါ်မှ ရိုက်ကူးထားခြင်းဖြစ်ကာ လင်းတ (၁၀) ကောင်ခန့် မြေပြင်တွင်လမ်းလျှောက်အရှိန်ယူပြီး ပျံသန်းသွားသည်ကိုတွေ့မြင်ရသည်။ ယခုနှစ်သည် နွားနောက်များ အနာကျသဖြင့် သေဆုံးမှုများရှိနေသည့်အပြင် တိုက်ပွဲအတွင်း သေဆုံးခဲ့သောအလောင်းများလည်းရှိနေခြင်းကြောင့် ဖြစ်နိုင်ကြောင်း ဒေသခံများကသုံးသပ်ထားသည်။Np News
Tue, 2-Jun-2026
ပင်လယ်ပြင်ခရီးအတွက် မိုးလေဝသခန့်မှန်းချက်
ပင်လယ်ပြင်ခရီးအတွက် မိုးလေဝသခန့်မှန်းချက်
(၂၀၂၆ ခုနှစ်၊ ဇွန်လ ၂ ရက်နေ့၊ နံနက် ၁၀:၃၀ နာရီအချိန်ထုတ်ပြန်ချက်) ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်၊ ဘင်္ဂလားပင်လယ်အော်တောင်ပိုင်း၊ အရှေ့အလယ်ပိုင်းနှင့် အရှေ့မြောက်ပိုင်းတို့တွင် မုတ်သုံလေအားအသင့်အတင့်မှ အားကောင်းနေပါသည်။ ကပ္ပလီပင်လယ်ပြင်နှင့် ဘင်္ဂလားပင်လယ်အော်အရှေ့တောင်ပိုင်းတို့တွင် တိမ်ထူထပ်နေပြီး ကျန်ဘင်္ဂလားပင်လယ်အော်တွင် တိမ်အနည်းငယ်မှ တိမ်အသင့်အတင့် ဖြစ်ထွန်းနေပါသည်။  ရန်ကုန်မှ တနင်္သာရီကမ်းရိုးတန်းတစ်လျှောက် ပင်လယ်ပြင်ခရီးအတွက် မိုးလေဝသခန့်မှန်းချက်  ယနေ့မွန်းတည့်မှ နောက်(၂၄)နာရီအတွင်းခန့်မှန်းချက်  မိုးလေဝသအ‌ခြေအနေ။ နေရာအနှံ့အပြား မိုးထစ်ချုန်းရွာပြီး နေရာကွက်၍ မိုးကြီးနိုင်ပါသည်။  အမြင်တာ။ ၃ မိုင်၊ မိုးရွာစဉ် မိုင်ဝက်ခန့်။  ရေပြင်လေ။ အနောက် (သို့) အနောက်တောင်၊ တစ်နာရီပင်လယ်မိုင် ၁၀-၁၅ မိုင်၊ တစ်ခါတစ်ရံ ၂၅ မိုင်မှ မိုင် ၃၀။  လှိုင်းအ‌ခြေအနေ။ လှိုင်းအသင့်အတင့်မှ လှိုင်းကြီးနိုင်ပါသည်။  လှိုင်းအမြင့်။ ၇ ပေမှ ၉ ပေခန့်။   ရန်ကုန်မှ ရခိုင်ကမ်းရိုးတန်းတစ်လျှောက် ပင်လယ်ပြင်ခရီးအတွက် မိုးလေဝသခန့်မှန်းချက်  ယနေ့မွန်းတည့်မှ နောက်(၂၄)နာရီအတွင်း ခန့်မှန်းချက်  မိုးလေဝသအ‌ခြေအနေ။ နေရာကျဲကျဲ မိုးထစ်ချုန်းရွာမည်။  အမြင်တာ။ ၄ မိုင်၊ မိုးရွာစဉ် ၁ မိုင်ခန့်။  ရေပြင်လေ။ အနောက် (သို့) အနောက်တောင်၊ တစ်နာရီပင်လယ်မိုင် ၅-၁၀ မိုင်၊ တစ်ခါတစ်ရံ ၂၅ မိုင်။  လှိုင်းအ‌ခြေအနေ။ လှိုင်းအသင့်အတင့်ရှိမည်။  လှိုင်းအမြင့်။ ၆ ပေမှ ၈ ပေခန့်။ Crd> မိုး/ဇလ
Tue, 2-Jun-2026
ကချင်ပြည်နယ်ဝန်ကြီးချုပ် မြစ်ကြီးနားမြို့ သန့်ရှင်းသာယာလှပရေးစစ်ဆေး
ကချင်ပြည်နယ်ဝန်ကြီးချုပ် မြစ်ကြီးနားမြို့ သန့်ရှင်းသာယာလှပရေးစစ်ဆေး
မြစ်ကြီးနား ဇွန် ၁ ကချင်ပြည်နယ်မြို့တော် မြစ်ကြီးနားမြို့အား မြို့တော်အင်္ဂါရပ်နှင့်အညီ သန့်ရှင်းသာယာ လှပစေရေးအတွက် ပြည်နယ်ဝန်ကြီးချုပ် ဦးခက်ထိန်နန်၊ မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်အောင်ဇော်ထွေးနှင့် ပြည်နယ်ဝန်ကြီးများသည် ယနေ့နံနက်ပိုင်းက ကွင်းဆင်း စစ်ဆေးသည်။ ကြည့်ရှုစစ်ဆေးဦးစွာ မြစ်ကြီးနားလေဆိပ်ရှေ့ရှိ ဧရာဝတီပန်းခြံငယ်အတွင်း ပန်းပင်များ တိုးချဲ့စိုက်ပျိုးနိုင်ရေးနှင့် အများပြည်သူ ပိုမိုအနားယူ အပန်းဖြေနိုင်ရေး ဆောင်ရွက်ထားရှိမှုကို လှည့်လည်ကြည့်ရှု စစ်ဆေးသည်။ မွန်းလွဲပိုင်းတွင် မြစ်ကြီးနားမြို့ အမှတ်(၁) အခြေခံပညာ အထက်တန်းကျောင်း၌ ကျောင်းသား ကျောင်းသူများ အေးချမ်းပျော်ရွှင်စွာဖြင့် စတင်ပညာသင်ကြားနေမှုကို လှည့်လည်ကြည့်ရှုစစ်ဆေးပြီး ကျောင်းသုံးပြဋ္ဌာန်းစာအုပ်များ၊ ဗလာစာအုပ်နှင့် စာရေးကိရိယာများကို အထက်တန်းအဆင့်၊ အလယ်တန်းအဆင့်၊ မူလတန်းအဆင့်အလိုက် ထောက်ပံ့ပေးအပ်သည်။ ယင်းနောက် မြစ်ကြီးနားမြို့ တပ်ကုန်း(ရာဒါကောင်း-ဘီ)ရပ်ကွက်အတွင်း ကသာမြို့နယ် ပင်းမလွတ်ကျေးရွာမှ ယာယီတိမ်းရှောင်လာခဲ့ကြသော ကသာ ခါနန် ယာယီတိမ်းရှောင်စခန်းသို့ သွားရောက်၍ ယာယီခိုလှုံနေထိုင်လျက်ရှိသည့် အိမ်ထောင်စု ၃၀ အတွက် ဆန် ၂၄ ပြည်ပါ အိတ် ၃၀ နှင့် ကလေးများ စာဖတ်ဆောင် ဆောက်လုပ်နိုင်ရေး ငွေကျပ်သိန်း ၅၀ ကို ထောက်ပံ့ပေးအပ်သည်။ ထို့နောက် အဆိုပါရပ်ကွက် ကြာရာပတ္တီး-ဘီအတွင်းပိုင်ရှင် ဦးဘောက်နော် မိသားစုခြံ၌ ကသာမြို့မှ ယာယီတိမ်းရှောင် မိသားစုများနှင့် တွေ့ဆုံ၍ ယာယီနေအိမ်တန်းလျားများ အမြန်ဆုံး တည်ဆောက်ပြီးစီးရေးအတွက် ငွေကျပ်သိန်း ၅၀ ကို ထောက်ပံ့ ပေးအပ်ပြီး အိမ်ထောင်စု ၅၅ စုအတွက် ယာယီနေအိမ်တန်းလျားများ တည်ဆောက်ပြီးစီးမှု အခြေအနေများကို လှည့်လည်ကြည့်ရှု စစ်ဆေးခဲ့ကြောင်း သိရသည်။ပြည်နယ်(ပြန်/ဆက်)MDN
Tue, 2-Jun-2026
ပြည်ထောင်စုဝန်ကြီး ဦးထိန်လင်း ရန်ကုန်မြို့ရှိ နိုင်ငံပိုင်သတင်းစာတိုက်များနှင့် မြန်မာ့အသံနှင့် ရုပ်မြင်သံကြားတို့ကို ကြည့်ရှုစစ်ဆေး
ပြည်ထောင်စုဝန်ကြီး ဦးထိန်လင်း ရန်ကုန်မြို့ရှိ နိုင်ငံပိုင်သတင်းစာတိုက်များနှင့် မြန်မာ့အသံနှင့် ရုပ်မြင်သံကြားတို့ကို ကြည့်ရှုစစ်ဆေး
ရန်ကုန် ဇွန် ၁ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးထိန်လင်းသည် ရန်ကုန်တိုင်းဒေသကြီး ပြန်ကြားရေး၊ ကယ်ဆယ်ရေးနှင့်သာသနာရေးဝန်ကြီးနှင့်အတူ ယနေ့နံနက်ပိုင်းတွင် ရန်ကုန်မြို့ရှိ နိုင်ငံပိုင်သတင်းစာတိုက်များနှင့် မြန်မာ့အသံနှင့်ရုပ်မြင်သံကြားတို့ကို ကြည့်ရှုစစ်ဆေးသည်။ ရှေးဦးစွာ ဗဟန်းမြို့နယ်ရှိ မြန်မာ့အလင်းသတင်းစာတိုက်သို့ရောက်ရှိပြီး ရုံးအဆောက်အအုံ၊ CTP (Computer to Plate) ခန်း၊ ပုံနှိပ်စက်နှင့် ဝန်ထမ်းအိမ်ရာများကို ကြည့်ရှုစစ်ဆေးသည်။ ထို့နောက် ရန်ကုန်မြို့ ဗိုလ်တထောင်မြို့နယ် (၄၃)လမ်းရှိ ကြေးမုံသတင်းစာတိုက်၏ ပုံနှိပ်စက်ကို ကြည့်ရှုစစ်ဆေးသည်။ ယင်းနောက် ပြည်ထောင်စုဝန်ကြီးနှင့်အဖွဲ့သည် ပြည်လမ်းရှိ မြန်မာ့အသံနှင့်ရုပ်မြင်သံကြားသို့ရောက်ရှိပြီး စတူဒီယို (1)တွင် လူမှုစီးပွားအစီအစဉ်နှင့် ဘဝနှင့်အနုပညာအစီအစဉ်ရိုက်ကူးနေမှု၊ စတူဒီယို (2) တွင် Shining Star ကလေးအစီအစဉ် ရိုက်ကူးနေမှု၊ News Studio တွင် သတင်းရိုက်ကူးနေမှု၊ စတူဒီယို(D) တွင် ခေတ်ပေါ်တေးဂီတအဖွဲ့ လေ့ကျင့်နေမှု၊ ရေဒီယိုဆောင် Master Room တွင် မြန်မာ့အသံဆိုင်းဝိုင်းကြီးနှင့်တွဲဖက်၍ ဝန်ထမ်းများ တေးသီချင်းသီဆိုလေ့ကျင့်နေမှု၊ စတူဒီယို(B) တွင် နိုင်ငံတော်သံစုံတီးဝိုင်း လေ့ကျင့်နေမှုနှင့် စတူဒီယို(C)တွင် အသံလွှင့်ဇာတ်လမ်းအသံသွင်းနေမှုတို့ကို ကြည့်ရှုအားပေးသည်။ ဆက်လက်၍ ပြည်ထောင်စုဝန်ကြီးသည် မြန်မာ့အသံနှင့်ရုပ်မြင်သံကြား စတူဒီယို(A)၌ အရာထမ်း၊ အမှုထမ်းများနှင့်တွေ့ဆုံစဉ် မိမိတို့ ပြန်ကြားရေးဝန်ကြီးဌာနသည် နိုင်ငံတော်အတွက် အရေးကြီးသည့်ဌာနတစ်ခုဖြစ်သည့်အတွက် နိုင်ငံတော်အစိုးရက မူဝါဒအစီအမံများချမှတ်ပြီး ဆောင်ရွက်လျက်ရှိသည့် လုပ်ငန်းများကို ပြည်သူလူထု သိရှိနားလည်ရေး သတင်းများထုတ်ပြန်ပေးရန်နှင့် အသိပညာပေးရန်လိုအပ်ပါကြောင်း၊ အနုပညာကဏ္ဍအနေဖြင့်လည်း ဖျော်ဖြေပေးရမည်ဖြစ်ပါကြောင်း၊ မြန်မာနိုင်ငံသည် စိုက်ပျိုးမွေးမြူရေးနိုင်ငံဖြစ်သည့်အတွက် စိုက်ပျိုးမွေးမြူရေးနှင့်ပတ်သက်ပြီး မီဒီယာဖြင့် အသိပညာပေးရန် လိုအပ်ပါကြောင်း၊ နိုင်ငံပိုင်မီဒီယာဖြစ်သည့်အတွက် အဆင့်အတန်းရှိသည့် မီဒီယာတစ်ခုဖြစ်ရေး ကြိုးစားရန် လိုအပ်ကြောင်း ပြောကြားပြီး အရာထမ်း၊ အမှုထမ်းများအား ချီးမြှင့်ငွေများပေးအပ်ခဲ့သည်။      သတင်းစဉ်MDN
Tue, 2-Jun-2026
© Copyright 2024 SAC All Rights Reserved.