အိန္ဒိယအာကာသယာဉ်က လပေါ်၌ ရေခဲဖြစ်နိုင်ဖွယ်ရှိသည့်အရာကို တွေ့ရှိဟုဆို

NoahJune222

News Image

  • အိန္ဒိယအာကာသယာဉ်က လပေါ်၌ ရေခဲဖြစ်နိုင်ဖွယ်ရှိသည့်အရာကို တွေ့ရှိဟုဆို

အိန္ဒိယအာကာသသုတေသနအဖွဲ့က လွှတ်တင်ထားသော Chandrayaan-2 အာကာသယာဉ်သည် လပေါ်၌  ရေခဲဖြစ်နိုင်ဖွယ်ရှိသည့် အရာကို  တွေ့ရှိကြောင်းတာဝန်ရှိသူများက ပြောသည်။ သိပ္ပံပညာရှင်များသည် အာကာသယာဉ်ကပေးပို့သော အချက်အလက်များကို စစ်ဆေးကြည့်ရာလ၏တောင်ဝင်ရိုးစွန်းဒေသရှိ ချိုင့်ဝှမ်းများအတွင်း ရေခဲဖြစ်နိုင်ဖွယ်ရှိသည့် အရာများကို တွေ့ရှိရခြင်း ဖြစ်သည်။

လ၏တောင်ဝင်ရိုးစွန်းသည် မည်သည့်အခါမျှ နေရောင်ခြည်မရရှိသည့်အတွက်အလွန်အေးခဲသောဒေသဖြစ်နေပြီး ယင်းအခြေအနေကြောင့်ပင်    ရေခဲများမှာဆက်လက်တည်ရှိနေခြင်းဖြစ်နိုင်ကြောင်း၊ ထိုနေရာများရှိအပူချိန်က အနုတ် ၂၄၈ ဒသမ

၁၅ ဒီဂရီစင်တီဂရိတ်အထိ ကျဆင်းသွားနိုင်ကြောင်း သုတေသီများကပြောသည်။

Chandrayaan-2 အာကာသယာဉ်ကလ၏ပတ်လမ်းအတွင်း လှည့်ပတ်သွားလာပြီး လ၏မျက်နှာပြင်ကို  လေ့လာမှုများ ပြုလုပ်နေခြင်းဖြစ်သည်။ ယခုတွေ့ရှိမှုသည်နောင်တစ်ချိန် လပေါ်စူးစမ်းလေ့လာမှုများ ဆက်လက်ပြုလုပ်နိုင်ရန် အဓိကကျသော အချက်အလက်များဖြစ်သည်။  ထို့ပြင် အာကာသအေဂျင်စီများအနေဖြင့် လပေါ်လူသားများ ဆင်းသက်ခြင်းလုပ်ငန်းများကို ဆောင်ရွက်ရာတွင် လိုအပ်သည့် ရေခဲဖြစ်ပေါ်နေသော ဒေသများကို စူးစမ်းရှာဖွေရာတွင် အထောက်အကူပြုနိုင်မည်ဖြစ်သည်။

Ref: RT

MWD

MM-News-Category
နည်းပညာသတင်း
နည်းပညာ - နိုင်ငံတကာသတင်း

ဆက်စပ်သတင်းများ

အိန္ဒိယအာကာသယာဉ်က လပေါ်၌ ရေခဲဖြစ်နိုင်ဖွယ်ရှိသည့်အရာကို တွေ့ရှိဟုဆို
အိန္ဒိယအာကာသယာဉ်က လပေါ်၌ ရေခဲဖြစ်နိုင်ဖွယ်ရှိသည့်အရာကို တွေ့ရှိဟုဆို
အိန္ဒိယအာကာသသုတေသနအဖွဲ့က လွှတ်တင်ထားသော Chandrayaan-2 အာကာသယာဉ်သည် လပေါ်၌  ရေခဲဖြစ်နိုင်ဖွယ်ရှိသည့် အရာကို  တွေ့ရှိကြောင်းတာဝန်ရှိသူများက ပြောသည်။ သိပ္ပံပညာရှင်များသည် အာကာသယာဉ်ကပေးပို့သော အချက်အလက်များကို စစ်ဆေးကြည့်ရာလ၏တောင်ဝင်ရိုးစွန်းဒေသရှိ ချိုင့်ဝှမ်းများအတွင်း ရေခဲဖြစ်နိုင်ဖွယ်ရှိသည့် အရာများကို တွေ့ရှိရခြင်း ဖြစ်သည်။လ၏တောင်ဝင်ရိုးစွန်းသည် မည်သည့်အခါမျှ နေရောင်ခြည်မရရှိသည့်အတွက်အလွန်အေးခဲသောဒေသဖြစ်နေပြီး ယင်းအခြေအနေကြောင့်ပင်    ရေခဲများမှာဆက်လက်တည်ရှိနေခြင်းဖြစ်နိုင်ကြောင်း၊ ထိုနေရာများရှိအပူချိန်က အနုတ် ၂၄၈ ဒသမ၁၅ ဒီဂရီစင်တီဂရိတ်အထိ ကျဆင်းသွားနိုင်ကြောင်း သုတေသီများကပြောသည်။Chandrayaan-2 အာကာသယာဉ်ကလ၏ပတ်လမ်းအတွင်း လှည့်ပတ်သွားလာပြီး လ၏မျက်နှာပြင်ကို  လေ့လာမှုများ ပြုလုပ်နေခြင်းဖြစ်သည်။ ယခုတွေ့ရှိမှုသည်နောင်တစ်ချိန် လပေါ်စူးစမ်းလေ့လာမှုများ ဆက်လက်ပြုလုပ်နိုင်ရန် အဓိကကျသော အချက်အလက်များဖြစ်သည်။  ထို့ပြင် အာကာသအေဂျင်စီများအနေဖြင့် လပေါ်လူသားများ ဆင်းသက်ခြင်းလုပ်ငန်းများကို ဆောင်ရွက်ရာတွင် လိုအပ်သည့် ရေခဲဖြစ်ပေါ်နေသော ဒေသများကို စူးစမ်းရှာဖွေရာတွင် အထောက်အကူပြုနိုင်မည်ဖြစ်သည်။Ref: RTMWD
Tue, 2-Jun-2026
အိန္ဒိယအာကာသယာဉ်က လကမ္ဘာတောင်ဝင်ရိုးစွန်းတွင် ရေခဲရှိနိုင်ခြေရှိသော သက်သေအထောက်အထားအသစ်များ ရှာဖွေတွေ့ရှိ
အိန္ဒိယအာကာသယာဉ်က လကမ္ဘာတောင်ဝင်ရိုးစွန်းတွင် ရေခဲရှိနိုင်ခြေရှိသော သက်သေအထောက်အထားအသစ်များ ရှာဖွေတွေ့ရှိ
အိန္ဒိယသိပ္ပံပညာရှင်များသည် လကမ္ဘာပေါ်တွင် နောက်ထပ်လဆင်းသက်မှုများ ပြုလုပ်နိုင်ရန် လမ်းစပွင့်သွားစေနိုင်သည့် လမျက်နှာပြင်အောက်ရှိ ရေခဲများနှင့်ပတ်သက်သော သက်သေအထောက်အထားအသစ်များကို ရှာဖွေတွေ့ရှိခဲ့သည်။အိန္ဒိယအာကာသသုတေသနအဖွဲ့ (ISRO) နှင့် ရုပ်ပိုင်းဆိုင်ရာ သုတေသနဓာတ်ခွဲခန်း (Physical Research Laboratory) မှ သိပ္ပံပညာရှင်များသည် Chandrayaan-2 မစ်ရှင်မှရရှိသော အချက်အလက်များကို လေ့လာသုံးသပ်ခဲ့ကြရာ လကမ္ဘာ၏ တောင်ဝင်ရိုးစွန်းဒေသရှိ အမြဲတမ်း အရိပ်ကျနေသော မီးတောင်ဝလေးခု၏ အတွင်းဘက်တွင် မြေမြုပ်နေသောရေခဲများနှင့် အလားသဏ္ဍာန်တူသည့် ရေဒါအချက်ပြလက္ခဏာများကို ရှာဖွေတွေ့ရှိခဲ့ကြောင်း Indian Express သတင်းစာက ဖော်ပြခဲ့သည်။အဆိုပါဒေသများသည် မည်သည့်အခါမျှ နေရောင်ခြည်တိုက်ရိုက်မရရှိဘဲ အပူချိန်မှာ ၂၅ ကယ်လ်ဗင် (သို့မဟုတ်) -၂၄၈.၁၅ ဒီဂရီဆဲလ်စီးယပ်စ်ခန့်အထိ ကျဆင်းသွားနိုင်သဖြင့် ရေခဲများတည်ရှိနေရန်အတွက် အကောင်းဆုံးနေရာများ ဖြစ်ကြသည်။ အဆင့်မြင့် ရေဒါပိုလာရီမက်ထရစ် ခွဲခြမ်း စိတ်ဖြာမှု (Radar polarimetric analysis) ကို အသုံးပြု၍ ဖော်ထုတ်ခဲ့သော အဆိုပါတွေ့ရှိချက်များကို မေလ ၆ ရက်နေ့ထုတ် npj Space Exploration ဂျာနယ်တွင် ထည့်သွင်းဖော်ပြခဲ့သည်။အဆိုပါ ရှာဖွေတွေ့ရှိမှုသည် အနာဂတ်လကမ္ဘာစူးစမ်းလေ့လာရေး မစ်ရှင်များတွင် အဓိကအခန်းကဏ္ဍမှ ပါဝင်လာနိုင်ပြီး အာကာသအေဂျင်စီများအနေဖြင့် လူလိုက်ပါမည့် လဆင်းသက်မှုများအတွက် ရေခဲအမြောက်အမြား ရှိနိုင်မည့်ဒေသများကို ရှာဖွေဖော်ထုတ်ရာတွင်လည်း အထောက်အကူပြုနိုင်မည်ဖြစ်သည်။ သိပ္ပံပညာရှင်များက လပေါ်ရှိရေခဲများကို သောက်သုံးရေ၊ ရှူရှိုက်နိုင်သော အောက်ဆီဂျင်နှင့် ရော့ကတ် လောင်စာများအဖြစ် ပြောင်းလဲနိုင်ခြေရှိသည်ဟု ရှုမြင်ထားကြသောကြောင့် လကမ္ဘာပေါ်ရှိရေခဲများကို လကမ္ဘာသွားမစ်ရှင်များအတွက် တန်ဖိုးအရှိဆုံးအရင်းအမြစ်များထဲမှ တစ်ခုအဖြစ် သတ်မှတ်ထားသည်။ လမျက်နှာပြင်အောက်တွင် ရေခဲများရှိနိုင်ခြေရှိခြင်းကြောင့် လကမ္ဘာ၏ တောင်ဝင်ရိုးစွန်းဒေသသို့ သွားရောက်မည့် စူးစမ်းလေ့လာရေးခရီးစဉ်များ ပိုမိုများပြားလာနိုင်ပြီး လက်ရှိတွင်လည်း ISRO အဖွဲ့သည် ၎င်းတို့၏ အနာဂတ်လကမ္ဘာသွားမစ်ရှင်များတွင် အသုံးပြုနိုင်မည့် မျိုးဆက်သစ်လွှတ်တင်ရေးယာဉ်များ (Next Generation Launch Vehicles - NGLV) ကို တီထွင်ထုတ်လုပ်ရန် အတည်ပြုချက်များရရှိထားပြီးဖြစ်ကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 1-Jun-2026
ကမ္ဘာ့ပထမဆုံး မြေအောက်နျူကလီးယား စွန့်ပစ်ပစ္စည်းသိုလှောင်ရုံ ဖင်လန်နိုင်ငံတွင် မကြာမီစတင်လည်ပတ်တော့မည်
ကမ္ဘာ့ပထမဆုံး မြေအောက်နျူကလီးယား စွန့်ပစ်ပစ္စည်းသိုလှောင်ရုံ ဖင်လန်နိုင်ငံတွင် မကြာမီစတင်လည်ပတ်တော့မည်
ဖင်လန်နိုင်ငံအနောက်တောင်ပိုင်း အူရာယိုကီမြို့ရှိ နှစ်ပေါင်း ၁.၉ ဘီလီယံ သက်တမ်းရှိ ခိုင်ခံ့သောကျောက်သားထုကြီးကိုထွင်းထု၍ မြေအောက် အနက် ၄၃၃ မီတာတွင် တည်ဆောက်ထားသည့် ‘အွန်ကာလို’ (Onkalo) နျူကလီးယားစွန့်ပစ်ပစ္စည်းဘူမိဗေဒသိုလှောင်ရုံသည် ကမ္ဘာ့ပထမဆုံးသော အမြဲတမ်းမြေအောက်သိုလှောင်ရုံအဖြစ် ယခုနှစ်ကုန် သို့မဟုတ် လာမည့်နှစ်အစပိုင်းတွင် လုပ်ငန်းများ စတင်လည်ပတ်နိုင်တော့မည် ဖြစ်သည်။ နျူကလီးယားဘေးထွက်ပစ္စည်းများကို စနစ်တကျစွန့်ပစ်ရန် ကမ္ဘာ့နိုင်ငံအသီးသီးက ဆယ်စုနှစ်ပေါင်းများစွာလုံးပန်းနေရချိန်တွင် ဖင်လန်နိုင်ငံ သည် အဆိုပါမြေအောက်သိုလှောင်မှုစနစ်ကို ပထမဆုံးစတင် ဖွင့်လှစ်သည့်နိုင်ငံ ဖြစ်လာရန်ရှိနေပြီး လာမည့်ဇွန်လတွင် နိုင်ငံ၏ ဓာတ်ရောင်ခြည် နှင့် နျူကလီးယားဘေးကင်းလုံခြုံရေးအာဏာပိုင်အဖွဲ့ (STUK) ၏ အပြီးသတ်အတည်ပြုချက်နှင့် လုပ်ငန်းလည်ပတ်ခွင့်လိုင်စင်ရရှိရန် မျှော်လင့်ထားသည်။အဆိုပါစီမံကိန်းကို နျူကလီးယားစွန့်ပစ်ပစ္စည်းစီမံခန့်ခွဲမှုကုမ္ပဏီဖြစ်သည့် ပိုဆီဗာ (Posiva) က ၂၀၀၄ ခုနှစ်ကတည်းက စတင်တည်ဆောက်ခဲ့ခြင်းဖြစ်ပြီး လက်ရှိတွင် ယူရိုတစ်ဘီလီယံ (ဒေါ်လာ ၁.၁၆ ဘီလီယံ) ခန့် ကုန်ကျထားသည်။ အွန်ကာလိုသိုလှောင်ရုံသည် ဖင်လန်နိုင်ငံရှိ နျူကလီးယားဓာတ်ပေါင်းဖို ၅ ခုမှ ထွက်ရှိမည့် ယူရေနီယံတန်ချိန် ၆,၅၀၀ အထိ ဝင်ဆံ့နိုင်ပြီး ပထမဆုံးအဆင့်အနေဖြင့် အနီးရှိ အိုကီလူအိုတို (Olkiluoto) ဓာတ်အားပေးစက်ရုံတွင် ရေဖြင့်အအေးခံကာ ယာယီသိမ်းဆည်းထားသည့် စွန့်ပစ်လောင်စာများကို စတင်မြှုပ်နှံသွားမည် ဖြစ်သည်။ ရေဒီယိုသတ္တိကြွစွန့်ပစ်လောင်စာများကို သံချေးတက်ခြင်းကို အထူးခံနိုင်ရည်ရှိသော ကြေးနီဘူးများအတွင်းထည့်သွင်းကာ ဥမင်လိုဏ်ဂူများ အတွင်း တူးထားသောတွင်းများ၌မြှုပ်နှံပြီး ဘန်တိုနိုက် (Bentonite) ရွှံ့စေးများဖြင့် အလုံပိတ်သွားမည်ဖြစ်သည်။ ဥမင်လိုဏ်ဂူတစ်ခုစီ ပြည့်သွားပါက သံကူကွန်ကရစ်ပလပ်များဖြင့် ထပ်မံပိတ်ဆို့သွားမည်ဖြစ်သည်။စွန့်ပစ်လောင်စာများကို အွန်ကာလို၏ ကြီးမားသော ဥမင်လိုဏ်ဂူ ကွန်ရက်အတွင်း နှစ်ပေါင်း ၁၀၀ ကြာသိမ်းဆည်းရန် စီစဉ်ထားသော်လည်း နျူကလီးယားဓာတ်ပေါင်းဖိုအသစ်များ ထပ်မံတည်ဆောက်ပါက လုပ်ငန်းလည်ပတ်မှုသက်တမ်းကို တိုးမြှင့်နိုင်သည်။ အပြီးသတ်ပိတ်ဆို့ပြီးပါက အနည်းဆုံး နှစ်ပေါင်း ၁၀၀,၀၀၀ ကြာသည်အထိ ဘေးကင်းစွာရှိနေမည်ဖြစ်ပြီး ထိုအချိန်ကာလရောက်မှသာ ရေဒီယိုသတ္တိကြွမှုသည် မူလယူရေနီယံသတ္တုရိုင်းအဆင့်သို့ ကျဆင်းသွားမည်ဖြစ်သည်။ နျူကလီးယားကြီးကြပ်ကွပ်ကဲရေးအဖွဲ့ (STUK) က အနာဂတ်နှစ်ပေါင်း တစ်သန်းအထိ ဘေးအန္တရာယ်ဖြစ်နိုင်ခြေများကိုဆန်းစစ်ခဲ့ရာ ကြေးနီဘူး များသံချေးတက်ခြင်းနှင့် ရေခဲခေတ်များအတွင်း ငလျင်လှုပ်ခတ်မှုကြောင့် ယိုစိမ့်နိုင်ခြေရှိသည့် ရေရှည်စိန်ခေါ်မှုများရှိနေသော်လည်း ဆန်းစစ်ချက် ရလဒ်များမှာ ကောင်းမွန်သောအခြေအနေတွင် ရှိနေသည်။ပြင်သစ်နိုင်ငံကဲ့သို့ အခြားနိုင်ငံများတွင် ထိုသို့သောစီမံကိန်းများအပေါ် ကန့်ကွက်မှုပြင်းထန်သော်လည်း ဖင်လန်နိုင်ငံတွင်မူ ပြည်သူများက STUK ၏ ဆန်းစစ်ချက်များကိုယုံကြည်ကြသဖြင့် နျူကလီးယားစွမ်းအင်အပေါ်ထောက်ခံမှုသမိုင်းတစ်လျှောက် အမြင့်ဆုံးသို့ရောက်ရှိနေသည်။ သို့သော်လည်း ဖင်လန်သဘာဝပတ်ဝန်းကျင်ထိန်းသိမ်းရေးအဖွဲ့ကမူ နှစ်ပေါင်းထောင်ချီကြာသည့်အထိ မည်သူမျှဘေးကင်းလုံခြုံမှုကို အာမမခံနိုင်ကြောင်း ဆက်လက်ဝေဖန်ထားသည်။လက်ရှိ ဖင်လန်ဥပဒေအရ နိုင်ငံတွင်းထွက်ရှိသည့် နျူကလီးယားစွန့်ပစ်ပစ္စည်းများကို ပြည်ပ (ဥပမာ-ရုရှား) သို့ တင်ပို့ခွင့်မပြုဘဲ နိုင်ငံ အတွင်း၌သာ မြှုပ်နှံရမည်ဖြစ်သည်။ လက်ရှိ လက်ယာယိမ်းအစိုးရသည် နျူကလီးယားစွမ်းအင် တိုးမြှင့်ထုတ်လုပ်ရေးကို ဦးစားပေးလျက်ရှိပြီး အသေးစားမော်ဂျူလာဓာတ်ပေါင်းဖိုများ (SMRs) တည်ဆောက်ရန်စဉ်းစားနေကာ ၎င်းတို့မှထွက်ရှိမည့် စွန့်ပစ်ပစ္စည်းစီမံခန့်ခွဲမှု ဆန်းစစ်ချက်ကိုလည်း လာမည့်နှစ်မတ်လတွင် အပြီးသတ်လုပ်ဆောင်သွားမည်ဖြစ်ကြောင်း သိရှိရသည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 1-Jun-2026
Blue Origin ၏ New Glenn ဒုံးပျံ လွှတ်တင်မည့် စင်မြင့်ထက်တွင် ပေါက်ကွဲ
Blue Origin ၏ New Glenn ဒုံးပျံ လွှတ်တင်မည့် စင်မြင့်ထက်တွင် ပေါက်ကွဲ
ဖလော်ရီဒါပြည်နယ်၊ ကိပ်ကာနာဗရယ် (Cape Canaveral) ရှိ လွှတ်တင်မည့် စင်မြင့်ထက်တွင် ကြာသပတေးနေ့ (မေ ၂၈) က ပြုလုပ်ခဲ့သော ပျံသန်းမှုမတိုင်မီ စက်စမ်းသပ်မှု (Static fire test) တစ်ခုအတွင်း Blue Origin ကုမ္ပဏီ၏ New Glenn ဒုံးပျံ ပေါက်ကွဲခဲ့သည်။ ဂျက်ဗီဇော့စ် (Jeff Bezos) ၏ ကုမ္ပဏီက ပုံမှန်မဟုတ်သော ချို့ယွင်းချက်တစ်ခု ဖြစ်ပွားခဲ့ကြောင်းနှင့် ဝန်ထမ်းအားလုံး ဘေးကင်းကြောင်း ပြောကြားခဲ့သည်။တိုက်ရိုက်ထုတ်လွှင့်မှု (Live stream) မှ မှတ်တမ်းဗီဒီယိုဖိုင်များတွင် ဒုံးပျံသည် ပြင်းထန်စွာပေါက်ကွဲသွားကာ ကြီးမားသော မီးလျှံကြီး ဖြစ်ပေါ် ခဲ့သည်ကို တွေ့ရှိရသည်။အဆိုပါ အာကာသယာဉ်ထုတ်လုပ်ရေးကုမ္ပဏီသည် ၎င်းတို့၏ ပြန်လည် အသုံးပြုနိုင်သော ပထမအဆင့် တွန်းကန်စက် (First-stage booster) ပါဝင်သည့် အကြီးစားကုန်တင်ဒုံးပျံ (Heavy-lift rocket) ၏ စတုတ္ထ အကြိမ်မြောက် လွှတ်တင်မှုအတွက် ပြင်ဆင်နေခြင်းဖြစ်သည်။CBS သတင်းဌာန၏ ဖော်ပြချက်အရ လာမည့်လတွင် လွှတ်တင်ရန် ယာယီလျာထားသော ယခုမစ်ရှင်သည် Amazon ကုမ္ပဏီ၏ Leo အင်တာနက်ဝန်ဆောင်မှုအတွက် ဂြိုဟ်တု ၄၈ လုံးကို လွှတ်တင်ရန် ရည်ရွယ်ထားခြင်းဖြစ်သည်။ အဆိုပါ ပေါက်ကွဲမှုဖြစ်ပွားချိန်တွင် ဂြိုဟ်တုများကို ဒုံးပျံပေါ်သို့ တင်ဆောင်ထားခြင်း မရှိသေးပေ။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 29-May-2026
ရုရှားအာကာသယာဉ်မှူးနှစ်ဦး နိုင်ငံတကာအာကာသစခန်း ပြင်ပသို့ထွက်ခွာ၍ ပြုပြင်ထိန်းသိမ်းရေးလုပ်ငန်းများ ဆောင်ရွက်ခဲ့
ရုရှားအာကာသယာဉ်မှူးနှစ်ဦး နိုင်ငံတကာအာကာသစခန်း ပြင်ပသို့ထွက်ခွာ၍ ပြုပြင်ထိန်းသိမ်းရေးလုပ်ငန်းများ ဆောင်ရွက်ခဲ့
မော်စကို မေ ၂၈ရုရှားအာကာသအေဂျင်စီမှ အာကာသယာဉ်မှူး နှစ်ဦးသည် ယနေ့ နံနက်ပိုင်းတွင် နိုင်ငံတကာ အာကာသစခန်း ပြင်ပသို့ထွက်ခွာ၍ ပြုပြင်ထိန်းသိမ်းရေးလုပ်ငန်းများ ဆောင်ရွက်ခဲ့ကြကြောင်း သိရသည်။ ရုရှား အာကာသယာဉ်မှူး ဆာဂေးမီကာအက်နှင့် ကတ်ဆဗာကော့တို့၏ နိုင်ငံတကာ အာကာသစခန်းပြင်ပ ထွက်ခွာချိန်မှာ ခြောက်နာရီနှင့်ငါးမိနစ် ကြာမြင့်ခဲ့ကြောင်း သိရသည်။နိုင်ငံတကာ အာကာသစခန်း ပြင်ပထွက်ခွာစဉ်အတွင်း ရုရှား အာကာသယာဉ်မှူး နှစ်ဦးသည် ဗက်ဇဒါပင်မကိုယ်ထည်၌ နေ၏ ဖြာထွက်ရောင်ခြည်စမ်းသပ်မှုစနစ်ကို တပ်ဆင်ခဲ့ကြကြောင်း သိရသည်။ ထို့ပြင် ရုရှား အာကာသယာဉ်မှူး နှစ်ဦးသည် ပွိုက်စ်ပင်မကိုယ်ထည်နှင့် နော်ကာပင်မကိုယ်ထည်များပေါ်ရှိ မလိုအပ်သောပစ္စည်းများကိုလည်း ဖယ်ရှားခဲ့ကြကြောင်း သိရသည်။ယနေ့ အာကာသစခန်း ပြင်ပထွက်ခွာမှုသည် ရုရှားအာကာသယာဉ်မှူး ကတ်ဆဗာကော့အတွက် ဒုတိယအကြိမ် ထွက်ခွာမှုဖြစ်ပြီး ဆာဂေးမီကာအက်အတွက် ပထမဆုံးအကြိမ် ထွက်ခွာမှုဖြစ်ကြောင်း သိရသည်။အထက်ပါ ရုရှားအာကာသယာဉ်မှူး နှစ်ဦး၏ အာကာသစခန်း ပြင်ပထွက်ခွာမှုသည် ၁၉၉၈ ခုနှစ် မှစ၍ ပြုလုပ်ခဲ့သော ၂၇၉ ကြိမ် မြောက် အာကာသစခန်းပြင်ပထွက်ခွာမှုဖြစ်ကြောင်း သိရသည်။ရတနာပုံ
Fri, 29-May-2026
ရုရှားသမ္မတ ပူတင်က နိုင်ငံတကာ AI မဟာမိတ်အဖွဲ့ ဖွဲ့စည်းကြောင်း ကြေညာ
ရုရှားသမ္မတ ပူတင်က နိုင်ငံတကာ AI မဟာမိတ်အဖွဲ့ ဖွဲ့စည်းကြောင်း ကြေညာ
ရုရှားသမ္မတ ဗလာဒီမာ ပူတင်က ကွန်ပျူတာအခြေခံ အဆောက်အအုံများ ပူးတွဲတည်ဆောက်ရန်နှင့် AI စနစ်များ ဖွံ့ဖြိုးတိုးတက်စေရန် ရည်ရွယ် သည့် ကမ္ဘာလုံးဆိုင်ရာ အစပျိုးမှုအသစ်တစ်ခုကို ထုတ်ဖော်ပြသခဲ့ပြီး ဥာဏ်ရည်တု (AI) နည်းပညာဆိုင်ရာ နိုင်ငံတကာပူးပေါင်းဆောင်ရွက်မှု များကို ပိုမိုနက်ရှိုင်းစွာလုပ်ဆောင်သွားမည့် အစီအစဉ်များကို ကြေညာခဲ့သည်။ကာဇက်စတန်နိုင်ငံ၊ အာစတာနာမြို့တွင် ကြာသပတေးနေ့ (မေ ၂၈) က ကျင်းပခဲ့သည့် ယူရေးရှားစီးပွားရေးဖိုရမ် (Eurasian Economic Forum) ၌ ပူတင်က ပြောကြားရာတွင် ရုရှားနိုင်ငံသည် နိုင်ငံအများအပြားမှ သိပ္ပံ၊ ပညာရေးနှင့် စီးပွားရေးအသိုက်အဝန်းများကို စုစည်းပေးမည့် AI မဟာမိတ်အဖွဲ့တစ်ခုထူထောင်ရန် ကူညီပေးခဲ့ကြောင်း ထည့်သွင်း ပြောကြားခဲ့သည်။ ထို့အပြင် လာမည့်နှစ်တွင် ရုရှားနိုင်ငံ၌ ဉာဏ်ရည်တုဆိုင်ရာ နိုင်ငံတကာ အဆင့်မြင့်အစည်းအဝေးတစ်ခုကျင်းပရန်လည်း ၎င်းက အဆိုပြုခဲ့သည်။ပူတင်၏ပြောကြားချက်အရ အဆိုပါအစည်းအဝေးတွင် မိမိစိတ်ကြိုက် ရာနှုန်းပြည့် စီမံခန့်ခွဲနိုင်ခွင့်ရှိသည့် AI မော်ဒယ်များ (Sovereign AI models) ပူးပေါင်းထုတ်လုပ်ရေး၊ အပြန်အလှန်ချိတ်ဆက်ထားသော ကွန်ပျူတာနှင့် စွမ်းအင်အခြေခံအဆောက်အအုံများ ဖန်တီးရေးနှင့် AI နည်းပညာများကို ဒေသတွင်းလိုအပ်ချက်များနှင့်ကိုက်ညီရန် လိုက်လျောညီထွေဖြစ်စေရေး စသည့်အချက်များကို အဓိကထား ဆွေးနွေးသွားမည်ဖြစ်သည်။AI နည်းပညာသည် ကမ္ဘာလုံးဆိုင်ရာ ယှဉ်ပြိုင်နိုင်စွမ်း၊ စီးပွားရေးဖွံ့ဖြိုးတိုးတက်မှုနှင့် တိုးတက်ပြောင်းလဲမှုတို့ကို သေချာစေရန်အတွက် အရေးပါသောအချက်တစ်ချက်အဖြစ် ပေါ်ထွက်လာပြီး နိုင်ငံများနှင့် နိုင်ငံဖြတ်ကျော်ကော်ပိုရေးရှင်းကြီးများသည် အဆိုပါနယ်ပယ်တွင် ဦးဆောင်သူ ဖြစ်လာစေရန် အပြိုင်အဆိုင်ကြိုးပမ်းနေကြပြီဖြစ်ကြောင်း ၎င်းက ပြောကြားခဲ့သည်။ရုရှားနိုင်ငံအနေဖြင့် အကြီးစားကွန်ပျူတာစနစ်များနှင့် ဒေတာစင်တာများကို ထောက်ပံ့ပေးရန် လိုအပ်သောသိပ္ပံပညာရပ်ဆိုင်ရာ ကျွမ်းကျင်မှု၊ ခိုင်မာသော ပညာရေးစနစ်နှင့် ကြွယ်ဝသော စွမ်းအင်အရင်းအမြစ်များအပါအဝင် အားသာချက်များစွာရှိထားကြောင်းလည်း ပူတင်က အခိုင်အမာ ပြောကြားခဲ့သည်။ရုရှားနိုင်ငံသည် မိမိကိုယ်ပိုင် AI စနစ်များကို အမှီအခိုကင်းကင်းဖြင့် လွတ်လပ်စွာတီထွင်နိုင်ပြီး အဆိုပါကဏ္ဍရှိ အကြီးစားစီမံကိန်းများကိုဘဏ္ဍာငွေထောက်ပံ့ပေးနိုင်သည့် အနည်းငယ်သောနိုင်ငံများအနက်တစ်နိုင်ငံဖြစ်ကြောင်း ပြောကြားခဲ့ပြီး ကိုယ်တိုင်စီမံခန့်ခွဲပိုင်ခွင့်ရှိသည့် နည်းပညာပလက်ဖောင်းများကို ထိန်းသိမ်းထားရှိရန်အရေးကြီးပုံကိုလည်း ၎င်းက အလေးအနက် ပြောဆို ခဲ့သည်။တစ်ချိန်တည်းမှာပင် အရင်းအမြစ်များနှင့်ကျွမ်းကျင်မှုများကို ပူးပေါင်း လုပ်ဆောင်ခြင်းဖြင့် သိသာထင်ရှားသော စီးပွားရေးနှင့် နည်းပညာဆိုင်ရာ အကျိုးကျေးဇူးများကို ရရှိစေနိုင်ကြောင်း အကျိုးအကြောင်းပြလျက် ပိုမိုနီးကပ်သော နိုင်ငံတကာပူးပေါင်းဆောင်ရွက်မှု ဖြစ်လာစေရန် ပူတင်က တိုက်တွန်းခဲ့သည်။အလိုအလျောက်မောင်းနှင်စနစ်များ (Automation) က လူသား အလုပ်သမားများ၏ နေရာတွင် ပိုမိုအစားထိုးဝင်ရောက်လာသည်နှင့်အမျှ လူပေါင်းသန်းချီ၍ အသက်မွေးဝမ်းကျောင်း အလုပ်အကိုင်များပြောင်းလဲရန် ဖိအားပေးခံရနိုင်ပြီး AI နည်းပညာသည် လုပ်ငန်းခွင်စျေးကွက်ကို အခြေခံကျကျ ပုံစံပြောင်းလဲပစ်လိမ့်မည်ဟု ရုရှား ခေါင်းဆောင် က သတိပေးခဲ့သည်။ “ဒီလို ဖြစ်စဉ်တွေဟာ နောက်ပြန်လှည့်လို့မရသလို ရှောင်လွှဲလို့လည်း မရပါဘူး” ဟု ၎င်းက ဆိုသည်။နည်းပညာကုမ္ပဏီကြီး Yandex နှင့် နိုင်ငံ၏အကြီးဆုံးဘဏ်ဖြစ်သော Sberbank အပါအဝင် ရုရှားနိုင်ငံ၏ အဓိကကုမ္ပဏီကြီး အနည်းငယ်သည် ပြည်တွင်းဖြစ် AI မော်ဒယ်များကို စတင်တီထွင်လျက်ရှိကြသည်။TASS သတင်းဌာန၏ ဖော်ပြချက်အရ Yandex ကုမ္ပဏီ၏ B2B Tech ဌာနခွဲသည် မြန်နှုန်းမြင့် စကားပြောဆိုမှုနှင့် ဒေတာခွဲခြမ်းစိတ်ဖြာမှုများ အတွက် အထူးကောင်းမွန်အောင် ပြုလုပ်ထားသည့် Alice AI LLM Flash အမည်ရှိ Large Language Model ကို မကြာသေးမီက ထုတ်ဖော်ပြသ ခဲ့သည်။ ကုမ္ပဏီတွင်း သတင်းမြစ်တစ်ခုကို ကိုးကား၍ ကြာသပတေးနေ့ (မေ ၂၈) တွင် သတင်းဌာနကဖော်ပြချက်အရ အဆိုပါမော်ဒယ်သည် စီးပွားရေးဆိုင်ရာစံညွှန်းစစ်ဆေးမှု (Benchmark tasks) များ၏ ၅၆ ရာခိုင်နှုန်းတွင် OpenAI ၏ GPT-5.4 mini ထက် သာလွန်ကောင်းမွန် ကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 29-May-2026
© Copyright 2024 SAC All Rights Reserved.