အမေရိကန်၏ တိုက်ခိုက်မှုများကို အီရန်ကလက်တုံ့ပြန်တိုက်ခိုက်နောက်တစ်ကြိမ် ယခုထက်ပိုမိုပြင်းထန်မည်ဟုသတိပေး

NoahJune222

News Image

  • အမေရိကန်၏ တိုက်ခိုက်မှုများကို အီရန်ကလက်တုံ့ပြန်တိုက်ခိုက်နောက်တစ်ကြိမ် ယခုထက်ပိုမိုပြင်းထန်မည်ဟုသတိပေး

အမေရိကန်က အီရန်အပေါ်တိုက်ခိုက်မှုများလုပ်ပြီးနောက် အီရန်ကလက်တုံ့ပြန်တိုက်ခိုက်မှုများလုပ်ကြောင်း အီရန်နိုင်ငံအစ္စလာမ်မစ် တော်လှန်ရေးအစောင့်တပ်ဖွဲ့ကထုတ်ပြန်ထားသည်။  အမေရိကန်စစ်ဘက်က မေလ ၃၁ ရက်တွင် အီရန်နိုင်ငံတောင်ပိုင်းရှိ ပစ်မှတ်များကိုတိုက်ခိုက်ပြီးနောက် ယင်းတိုက်ခိုက်မှုလုပ်ဆောင်ရာ၌ အသုံးပြုသည့် လေတပ်စခန်းကို အီရန်ကလက်တုံ့ပြန် တိုက်ခိုက်ခြင်းဖြစ်ကြောင်းနှင့် နောက်တစ်ကြိမ်ထိုသို့ တိုက်ခိုက်လာပါကလက်တုံ့ပြန်မှုသည် ယခုထက်ပြင်းထန်မည်ဖြစ်ကြောင်း တော်လှန်ရေးအစောင့်တပ်ဖွဲ့၏ ဇွန်လ ၁ ရက်ထုတ်ပြန်ချက်တွင် ဖော်ပြထားသည်။

အမေရိကန်ဘက်က နိုင်ငံတကာရေပိုင်နက်တွင်ရှိသည်ဟုပြောသော်လည်း အီရန်က၎င်းတို့၏ဝေဟင်ပိုင်နက်သို့ ကျူးကျော်လာသည် ဟူသော အမေရိကန်၏ ဒရုန်းတစ်စင်းကိုပစ်ချပြီးနောက် အမေရိကန်စစ်ဘက်က အီရန်ရှိပစ်မှတ်များကို တိုက်ခိုက်ခြင်း ဖြစ်ကြောင်း အမေရိကန်အလယ်ပိုင်း ဒေသစစ်ဌာနချုပ်က ဇွန်လ ၁ ရက်တွင် ထုတ်ပြန်ထားသည်။

ယခုကဲ့သို့အပြန်အလှန်တိုက်ခိုက်မှုများ ပြန်လည်ဖြစ်ပွားခြင်းသည် အမေရိကန်နှင့်အစ္စရေးတို့က အီရန်အပေါ်တိုက်ခိုက်မှုများ လုပ်ပြီးနောက် တစ်လကျော်အကြာ ဧပြီလတွင် ရရှိထားသည့် အပစ်အခတ်ရပ်စဲရေး သဘောတူညီချက်ကို ပျက်စီးစေနိုင်သော အခြေအနေ ဖြစ်ပေါ်လျက်ရှိသည်။ လက်ရှိတွင် အမေရိကန်နှင့် အီရန်တို့က နားလည်မှုစာချွန်လွှာ တစ်ရပ်ရရှိနိုင်ရေး  ဆွေးနွေးညှိနှိုင်းမှု လုပ်ဆောင်နေကြောင်း သိရသည်။

MWD

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ထိုင်ဝမ်နိုင်ငံပိုင် တောင်တရုတ်ပင်လယ်ကျွန်းစုများသို့ ကင်းလှည့်စက်ရုပ်ခွေးများ ရောက်ရှိလာနိုင်
ထိုင်ဝမ်နိုင်ငံပိုင် တောင်တရုတ်ပင်လယ်ကျွန်းစုများသို့ ကင်းလှည့်စက်ရုပ်ခွေးများ ရောက်ရှိလာနိုင်
ထိုင်ဝမ်နိုင်ငံ၏ ထိပ်တန်း လက်နက်ဆန်းသစ်တီထွင်မှုဆိုင်ရာ သုတေသနဌာနသည် အငြင်းပွားဖွယ်ရာ တောင်တရုတ်ပင်လယ်အတွင်းရှိ ထိုင်ဝမ် ကျွန်းစုများပေါ်၌ အနာဂတ်တွင် အသုံးပြုလာနိုင်သည့် ကင်းလှည့်စက်ရုပ်ခွေး သုံးကောင်ကို အင်္ဂါနေ့ (ဇွန် ၂) က ပြသခဲ့သည်။ပေကျင်းအစိုးရက ၎င်း၏ နယ်နိမိတ်အဖြစ်သတ်မှတ်ထားသော ကိုယ်ပိုင်အုပ်ချုပ်ခွင့်ရကျွန်း ထိုင်ဝမ်သည် တရုတ်နိုင်ငံ၏ ခြိမ်းခြောက်မှုများကို ပိုမိုကောင်းမွန်စွာ ဟန့်တားနိုင်ရန်အတွက် ၎င်း၏ လက်နက်ကိုင်တပ်ဖွဲ့များကို ခေတ်မီစေရန်ဆောင်ရွက်လျက်ရှိပြီး ဒရုန်းများမှာ ကာကွယ်ရေး ဝန်ကြီးဌာန၏ အဓိက အလေးပေးသည့်အရာ ဖြစ်လာခဲ့သည်။ကာကွယ်ရေးဝန်ကြီးဌာနတွင် ပြုလုပ်ခဲ့သည့် မီဒီယာတွေ့ဆုံပွဲအခမ်းအနား၌ စစ်တပ်ပိုင် National Chung-Shan Institute of Science and Technology (CSIST) သည် ခြေလေးချောင်း စက်ရုပ်များကို အဓိကထောက်ပံ့ပေးနေသည့် အမေရိကန် စစ်ဘက်ဆိုင်ရာကုမ္ပဏီတစ်ခုဖြစ်သော Ghost Robotics မှ ထုတ်လုပ်သည့် စက်ရုပ်ခွေးပုံစံကွဲသုံးမျိုးကို သရုပ်ပြသခဲ့သည်။ အဆိုပါ သုတေသနဌာနသည် ထောက်လှမ်းရေး၊ စောင့်ကြည့်ရေးနှင့် ပစ်ခတ်မှုစွမ်းရည်သုံး ပုံစံကွဲစက်ရုပ်ခွေးများ၏ ကျောကုန်းပေါ်တွင် ၎င်းတို့၏ ကိုယ်ပိုင်နည်းပညာများကို တပ်ဆင်ထားပြီး ပစ်ခတ်မှုစွမ်းရည်သုံး ပုံစံတွင်မူ ကျောပေါ်၌ သေနတ်တစ်လက် ထည့်သွင်းတပ်ဆင်ထားသည်။အဆိုပါ သုတေသနဌာန၏ ဒုံးကျည်နှင့် ရော့ကက်စနစ် သုတေသနဌာနခွဲ ဒုတိယအကြီးအကဲဖြစ်သူ Jen Kuo-kuang က စစ်တပ်အနေဖြင့် ယခုကဲ့သို့သော စက်ပစ္စည်းမျိုး လိုအပ်ကြောင်း ထုတ်ဖော်ပြောကြားထားသော်လည်း တရားဝင်အမှာစာမပေးပို့ရသေးကြောင်း ပြောကြားခဲ့သည်။၎င်းက "တကယ်တော့ မရိန်းတပ်သားတွေက ကမ်းခြေတွေနဲ့ ကမ်းရိုးတန်းတွေအပြင် နန်ရှာ (Nansha) နဲ့ ဒုံရှာ (Dongsha) က ကမ်းခြေစောင့် တပ်တွေရဲ့ ကင်းလှည့်တာနဲ့ စစ်ဆေးရေးလုပ်ငန်းတွေအတွက် ဒီလိုစက်ပစ္စည်းတွေ အရေးတကြီး လိုအပ်နေတယ်လို့ ယူဆကြပါတယ်" ဟု တောင်တရုတ်ပင်လယ်အတွင်းရှိ စပရက်တလေ (Spratly) နှင့် ပရာတပ်စ် (Pratas) ကျွန်းစုများကို ရည်ညွှန်း၍ ပြောကြားခဲ့သည်။ ထိုင်ဝမ်သည် စပရက်တလေကျွန်းစုတွင် အီတူအာဘာ (Itu Aba) ဟုခေါ်သော အဓိကကျွန်းတစ်ကျွန်းကို ပိုင်ဆိုင်ထားပြီး တောင်တရုတ်ပင်လယ်၏ ထိပ်ပိုင်းတွင် မဟာဗျူဟာမြောက်တည်ရှိကာ ငြိမ်းချမ်းရေးကာလအတွင်း ကမ်းခြေစောင့်တပ်က တာဝန်ယူကာကွယ်ရသည့် ပရာတပ်စ်ကျွန်းစုအားလုံးကိုလည်း ထိန်းချုပ်ထားသည်။ အဆိုပါ ကျွန်းများပေါ်တွင် ကမ်းခြေစောင့်တပ်ဖွဲ့ဝင်များမှအပ ဒေသခံပြည်သူလူထု နေထိုင်ခြင်းမရှိပေ။တရုတ်နှင့်ထိုင်ဝမ် နှစ်နိုင်ငံစလုံးက တောင်တရုတ်ပင်လယ်၏ နေရာများစွာကို ပိုင်ဆိုင်ကြောင်း အပြိုင်အဆိုင် တောင်းဆိုထားကြသော်လည်းတရုတ်တပ်ဖွဲ့များသည် ယေဘုယျအားဖြင့် အီတူအာဘာကျွန်းကိုလာရောက်နှောင့်ယှက်ခြင်း မရှိကြချေ။ သို့သော်လည်း ထိုင်ဝမ်သည် ပရာတပ်စ်ကျွန်းစုအနီးတွင် တရုတ်ကမ်းခြေစောင့်တပ်၏ ကင်းလှည့်မှုများနှင့် ဒရုန်းများ ပိုမိုပျံသန်းလာမှုအပေါ် မကျေမနပ်ဖြစ်လျက်ရှိသည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 2-Jun-2026
အနောက်အုပ်စုသူလျှိုများက ရုရှားအရာရှိများ၏ ဖုန်းများကို ပစ်မှတ်ထား တိုက်ခိုက်ခဲ့ကြောင်း FSB ပြောကြား
အနောက်အုပ်စုသူလျှိုများက ရုရှား အရာရှိများ၏ ဖုန်းများကို ပစ်မှတ်ထားတိုက်ခိုက်ခဲ့ကြောင်း FSB ပြောကြား
အနောက်အုပ်စု ထောက်လှမ်းရေးအေဂျင်စီများသည် ရုရှားအရာရှိများနှင့် လျှို့ဝှက်အချက်အလက်များကို ရယူကိုင်တွယ်နိုင်ခွင့်ရှိသူများ၏ ဖုန်းများ ကို (Hacked) တိုက်ခိုက်ခဲ့ကြောင်း ရုရှားနိုင်ငံ၏ ဖက်ဒရယ်လုံခြုံရေးဝန်ဆောင်မှုအဖွဲ့ (FSB) က ပြောကြားခဲ့သည်။ရုရှားသံတမန်များ၊ နိုင်ငံရေးသမားများ၊ ရာထူးကြီးအရာရှိများနှင့် သတင်းထောက်များပိုင်ဆိုင်သည့် မိုဘိုင်းကိရိယာများ (ဖုန်းများ) မှာ ထိုးဖောက်တိုက်ခိုက်ခံခဲ့ရသည်ဟု ယူဆရပြီး ထိုသို့ထိုးဖောက်ခံရခြင်းကြောင့် ပြည်ပသူလျှိုများသည် ၎င်းတို့ပတ်ဝန်းကျင်ရှိ အရာအားလုံးကို မှတ်တမ်းတင်ပြီး အချက်အလက်အမြောက်အမြားကိုလည်း စုဆောင်းနိုင်ခဲ့ကြောင်း အဆိုပါအေဂျင်စီက အင်္ဂါနေ့ (ဇွန် ၂) တွင် ထုတ်ပြန်သည့် ကြေညာချက်တစ်ခု၌ ဖော်ပြခဲ့သည်။ဆော့ဖ်ဝဲလ်ရေးဆွဲသူများကိုယ်တိုင် မသိရှိသေးသည့် လုံခြုံရေးဟာကွက်တစ်ခုဖြစ်သော “Zero-day vulnerability” တစ်ခုမှတစ်ဆင့် အဆိုပါ လက်ကိုင်ဖုန်းများကို ဝင်ရောက်အသုံးပြုခွင့် ရရှိသွားခဲ့ခြင်းဖြစ်ကြောင်း FSB ၏ ပြောကြားချက်အရ သိရှိရသည်။အနောက်အုပ်စု သူလျှိုအေဂျင်စီများက စုဆောင်းရရှိခဲ့သည့် အချက်အလက်ပမာဏအမြောက်အမြားမှာ လွန်ခဲ့သောနှစ်အနည်းငယ်ခန့်ကဆိုပါက လူသားများအနေဖြင့် စီစစ်လုပ်ဆောင်ရန် မဖြစ်နိုင်သလောက်ပင်ဖြစ်သော်လည်း ယခုအခါတွင်မူ မိနစ်ပိုင်းအတွင်း ၎င်းတို့ကို ခွဲခြမ်းစိတ်ဖြာရန် AI ကို အသုံးပြုနေပြီဖြစ်ကြောင်း အဆိုပါအေဂျင်စီက အလေးပေးပြောကြားခဲ့သည်။FSB ၏ ပြောကြားချက်အရ အဆိုပါစုံစမ်းစစ်ဆေးမှုသည် ရုရှားဆိုက်ဘာလုံခြုံရေးကုမ္ပဏီ Kaspersky Lab မှ ကျွမ်းကျင်သူများက ဝန်ထမ်းများ ၏ Apple ထုတ်ကုန်များပေါ်တွင် ပုံမှန်မဟုတ်သော ကွန်ရက်လှုပ်ရှားမှုများကို စတင်တွေ့ရှိခဲ့ပြီးနောက် ၂၀၂၃ ခုနှစ်တွင် စတင်ခဲ့ခြင်းဖြစ်သည်။အမေရိကန်နိုင်ငံသည် ၎င်း၏ ဆိုက်ဘာသူလျှိုလုပ်ငန်း အခြေခံအဆောက်အအုံကို ဆယ်စုနှစ်ပေါင်းများစွာကတည်းက၊ အထူးသဖြင့် ၂၀၀၁ ခုနှစ်တွင် Patriot Act (မျိုးချစ်စိတ် အက်ဥပဒေ) ကို အတည်ပြုပြဋ္ဌာန်းခဲ့ပြီးကတည်းက တည်ဆောက်လာခဲ့ခြင်းဖြစ်သည်။ ၉/၁၁ တိုက်ခိုက်မှုများ အပြီးတွင်မိတ်ဆက်ခဲ့သည့် ထိုဥပဒေသည် အမေရိကန် ထောက်လှမ်းရေးအေဂျင်စီများအား အမျိုးသားလုံခြုံရေးအကြောင်းပြချက်ဖြင့် အိုင်တီကုမ္ပဏီ များထံမှ အချက်အလက်များတောင်းခံနိုင်ရန် ကျယ်ပြန့်သောလုပ်ပိုင်ခွင့်များကို ပေးအပ်ခဲ့သည်။ဝါရှင်တန်၏ စောင့်ကြည့်ထောက်လှမ်းမှု လုပ်ငန်းစဉ်များသည် ပြိုင်ဘက်နိုင်ငံများအပေါ်တွင်သာ ကန့်သတ်ထားခြင်းမျိုး မဟုတ်ပေ။ ၂၀၁၃ ခုနှစ် တွင် အမေရိကန်သည် ထိုစဉ်က ဂျာမနီ ဝန်ကြီးချုပ်ဖြစ်ခဲ့သူ အန်ဂျလာ မာကယ်လ် (Angela Merkel) ကိုပါ သူလျှိုလုပ်စောင့်ကြည့်ခဲ့စဉ်က လက်ပူးလက်ကျပ် မိခဲ့ဖူးသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 2-Jun-2026
ဒုံးကျည်ဖြင့် တိုက်ခိုက်ခံရမှုသတင်းများ ထွက်ပေါ်နေစဉ် ကိယက်ဗ်မြို့ တွင် လျှပ်စစ်မီး ပြတ်တောက်မှုများ ကြုံတွေ့နေရ
ဒုံးကျည်ဖြင့် တိုက်ခိုက်ခံရမှုသတင်းများထွက်ပေါ်နေစဉ် ကိယက်ဗ်မြို့တွင် လျှပ်စစ်မီး ပြတ်တောက်မှုများ ကြုံတွေ့နေရ
ဒေသတွင်းအာဏာပိုင်များ၏ ပြောကြားချက်နှင့် မီဒီယာများ၏ ဖော်ပြချက်အရ ယူကရိန်းမြို့တော်နှင့် အခြားမြို့များစွာသည် အင်္ဂါနေ့ (ဇွန် ၂) နံနက် အစောပိုင်းတွင် ဒရုန်းနှင့် ဒုံးကျည်များ ပေါင်းစပ်ထားသည့် တိုက်ခိုက်မှုကို ခံခဲ့ရသည်။ ကိယက်ဗ်မြို့တွင် ပထမဆုံးပေါက်ကွဲသံများကို ဒေသ စံတော်ချိန် နံနက် ၁ နာရီခွဲခန့်တွင် ကြားခဲ့ရပြီးနောက် နံနက် ၂ နာရီ ၁၅ မိနစ်နှင့် နံနက် ၄ နာရီဝန်းကျင်တို့တွင် နောက်ထပ်ပေါက်ကွဲသံများ ကြားခဲ့ရသည်။ လူမှုကွန်ရက်ပေါ်တွင် မျှဝေထားသည့် ဗီဒီယိုဖိုင်များတွင် ယူကရိန်းမြို့တော်အတွင်း ပြင်းထန်သောပေါက်ကွဲမှုများစွာ ဖြစ်ပွားခဲ့ သည်ကို တွေ့ရှိရသည်။ဗီဒီယိုကလစ်တစ်ခုတွင် ပြင်းထန်သောပေါက်ကွဲမှု တစ်ခုဖြစ်ပွားပြီးနောက် မီးများအားလုံး ပြတ်တောက်သွားကာ ကိယက်ဗ်မြို့နေရာအနှံ့အပြား၌ မှောင်အတိကျသွားခဲ့သည်။ မြို့တော်ဝန် ဗီတာလီ ကလစ်ချ်ကို (Vitaly Klitschko) က မြို့နယ်အချို့တွင် လျှပ်စစ်မီးများ ပြတ်တောက်သွားကြောင်း အတည်ပြုခဲ့ပြီး မြို့တော်၏ လေကြောင်းရန်ကာကွယ်ရေးစနစ်က ဝင်ရောက်လာသည့်ပစ်မှတ်များကို ကြားဖြတ်တိုက်ခိုက်နေစဉ်အတွင်း နေထိုင်သူများအနေဖြင့် ဘေးကင်းရာတွင်ခိုလှုံကြရန် တိုက်တွန်းခဲ့သည်။အခြားရုပ်သံဖိုင်များတွင်လည်း ဒုတိယအကြိမ်ပေါက်ကွဲသံများ ဆက်တိုက်ထွက်ပေါ်နေသည်ကို မှတ်တမ်းတင်ထားနိုင်ခဲ့သည်။ ယူကရိန်းအာဏာပိုင် များသည် တိုက်ခိုက်ခံရသည့် နေရာများနှင့်ပတ်သက်၍ သတင်းအချက်အလက်များကို တင်းတင်းကျပ်ကျပ် ကန့်သတ်ထားပြီး အရပ်ဘက် အခြေခံ အဆောက်အအုံများ ထိခိုက်ပျက်စီးသည့်အခြေအနေမှလွဲ၍ တိုက်ခိုက်မှုခံရသည့် ရုပ်သံဖိုင်များကို မျှဝေသူများအား အပြစ်ပေးအရေးယူလေ့ရှိသောကြောင့် ထိမှန်ခဲ့သည့် နေရာအတိအကျနှင့် စက်ရုံအမျိုးအစားများကို အတည်ပြုရန် ခက်ခဲသည်။သေဆုံးသူရှိကြောင်း သတင်းမရရှိသေးသော်လည်း ကြားဖြတ်ပစ်ချခဲ့သည့် ဒုံးကျည်များနှင့် ဒရုန်းများမှပျက်ကျလာသော အပိုင်းအစများကြောင့် လူနေရပ်ကွက်များနှင့် ပုဂ္ဂလိကပိုင်ဧရိယာများအတွင်း မီးလောင်မှုများဖြစ်ပွားခဲ့ပြီးနောက် အနည်းဆုံး လူ ၁၄ ဦး ဒဏ်ရာရရှိခဲ့ကြောင်း ကလစ်ချ်ကိုက ပြောကြားခဲ့သည်။ဒနီပရိုပက်ထရော့ဗ် (Dnepropetrovsk)၊ ဇာပိုရိုဇီး (Zaporozhye) အပြင် ဆူမီ (Sumy) နှင့် ခါကော့ဗ် (Kharkov) ဒေသများတွင်လည်း ပေါက်ကွဲမှု များစွာ ဖြစ်ပွားခဲ့ကြောင်း သိရှိရသည်။ရုရှားကာကွယ်ရေးဝန်ကြီးဌာနသည် ယခုနောက်ဆုံးထွက်ပေါ်နေသည့် တိုက်ခိုက်မှုသတင်းနှင့်ပတ်သက်၍ ထုတ်ပြန်ချက်တစ်စုံတစ်ရာ ထုတ်ပြန်ခြင်း မရှိသေးပေ။ မေလ ၂၂ ရက်နေ့က ရုရှားနိုင်ငံ၏ လူဂန်းစ်ပြည်သူ့သမ္မတနိုင်ငံ (LPR) တွင် ဖြစ်ပွားခဲ့သော လူသေဆုံးမှုဖြစ်စေခဲ့သည့် အကြမ်းဖက် တိုက်ခိုက်မှုကို လက်တုံ့ပြန်သည့်အနေဖြင့် ကိယက်ဗ်မြို့ရှိ စစ်ဘက်ဆိုင်ရာ အဆောက်အအုံများ၊ ဒရုန်းထုတ်လုပ်သည့်နေရာများနှင့် Command Center များကို စနစ်တကျ တိုက်ခိုက်မှုများပြုလုပ်သွားမည်ဟု မော်စကို က ကတိပြုထားခဲ့သည်။စတာရိုဘဲလ်စ် (Starobelsk) ကောလိပ်အဆောင်ကို ညဉ့်နက်ပိုင်း ကျောင်းသားများအိပ်ပျော်နေစဉ်အတွင်း တိုက်ခိုက်ခဲ့မှုကြောင့် ဆယ်ကျော်သက်အရွယ် မိန်းကလေးအများစု အပါအဝင် လူပေါင်း ၂၁ ဦး သေဆုံးခဲ့သည်။ စတာရိုဘဲလ်စ် အစုလိုက်အပြုံလိုက် သတ်ဖြတ်မှုနှင့် အတူ “ကိယက်ဗ်ခေါင်းဆောင်ပိုင်းသည် ၎င်းတို့၏ ရာဇဝတ်မှုခရီးစဉ်တွင် စာမျက်နှာသစ်တစ်ခုကို ဖွင့်လှစ်ရန်ဆုံးဖြတ်ခဲ့ပြီး ပဋိပက္ခတစ်ခုလုံးကို ရှုထောင့်အသစ်တစ်ခု ပေးလိုက်ခြင်းဖြစ်သည်” ဟု သမ္မတ ဗလာဒီမာ ပူတင်က တနင်္လာနေ့ (ဇွန် ၁) တွင် ပြောကြားခဲ့ပြီး ပြစ်မှုကျူးလွန်သူများသည် ထိုက်တန်ပြီး ရှောင်လွှဲ၍မရသောပြစ်ဒဏ်ကိုခံရလိမ့်မည် ဟု ဖြည့်စွက်ပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 2-Jun-2026
ယူကရိန်း၏ နျူကလီးယားစက်ရုံ တိုက်ခိုက်မှုအပေါ် IAEA ၏ တုံ့ပြန်မှုအားနည်းချက်ကို ရုရှား ပြင်းပြင်းထန်ထန် ဝေဖန်
ယူကရိန်း၏ နျူကလီးယားစက်ရုံ တိုက်ခိုက်မှုအပေါ် IAEA ၏ တုံ့ပြန်မှုအားနည်းချက်ကို ရုရှား ပြင်းပြင်းထန်ထန် ဝေဖန်
ယူကရိန်းနိုင်ငံရှိ ဥရောပ၏အကြီးဆုံး ဇာပိုရီဇီးယား နျူကလီးယားစက်ရုံ (ZNPP) နှင့် အနီးနားရှိ အန်နာဂိုဒါမြို့တို့ကို ယူကရိန်းဘက်က ဒရုန်းများ ဖြင့် ဆက်တိုက်ပစ်မှတ်ထား တိုက်ခိုက်နေမှုအပေါ် နိုင်ငံတကာ အဏုမြူစွမ်းအင်အေဂျင်စီ (IAEA) အနေဖြင့် လျော်ကန်သင့်မြတ်သော တုံ့ပြန်မှု နှင့် လက်တွေ့ကျသောခြေလှမ်းများ လုပ်ဆောင်ပေးရန် ရုရှားအစိုးရက တိုက်တွန်းလိုက်သည်။ ပြီးခဲ့သည့် စနေနေ့က ယူကရိန်း၏ ဖိုင်ဘာအော့ပတစ်စနစ်သုံး ဒရုန်း တစ်စင်းသည် ဇာပိုရီဇီးယားစက်ရုံ၏ အမှတ် (၆) စွမ်းအင်ယူနစ် စက်ရုံ ခန်းမကို ထိမှန်ပျက်စီးစေခဲ့ပြီးနောက် ရုရှားနိုင်ငံပိုင် ရိုဆာတွမ် (Rosatom) နျူကလီးယားစွမ်းအင် ကော်ပိုရေးရှင်းအမှုဆောင်အရာရှိချုပ် အလက်ဆီ လီခါချက်ဗ်သည် IAEA ညွှန်ကြားရေးမှူးချုပ် ရာဖေးလ် ဂရော့စီနှင့် အရေးပေါ်ဖုန်းခေါ်ဆိုကာ ၎င်းတို့အေဂျင်စီ၏ တုံ့ပြန်မှုလုံလောက်မှု မရှိခြင်းအပေါ် မကျေနပ်ကြောင်း ပြင်းထန်စွာ ဝေဖန်ခဲ့သည်။ရိုဆာတွမ်အကြီးအကဲ လီခါချက်ဗ်က ယခုဖြစ်ရပ်သည် လက်ရှိ လည်ပတ်နေသော နျူကလီးယားစွမ်းအင်သုံး ယူနစ်တစ်ခုကို လူသားသမိုင်းတွင် ပထမဆုံးအကြိမ် ပစ်မှတ်ထားတိုက်ခိုက်ခြင်းဖြစ်ကြောင်း ထောက်ပြခဲ့ပြီးIAEA အနေဖြင့် ဘေးအန္တရာယ်ဖြစ်စေသော ကျူးလွန်သူမည်သူမည်ဝါ ဖြစ်ကြောင်းနှင့် တိုက်ခိုက်ရသည့် အကြောင်းရင်းများကိုပါ ပြတ်သားစွာ အမည်တပ်ထုတ်ဖော်ရန် မျှော်လင့်ထားကြောင်း သတင်းထောက်များကို ပြောကြားခဲ့သည်။ သို့သော်လည်း အဆိုပါစက်ရုံတွင် ကျွမ်းကျင်သူများ စေလွှတ်ထားသည့် IAEA ဘက်ကမူ ဒရုန်းထိမှန်မှုကြောင့် ပျက်စီးဆုံးရှုံးမှုရှိသည်ကို အသိအမှတ် ပြုပြီး နျူကလီးယားဘေးအန္တရာယ် ကင်းရှင်းရေးကို ခြိမ်းခြောက်သည့် ပြင်းထန်သောဖြစ်ရပ်တစ်ခုဟု သတ်မှတ်ခဲ့သော်လည်း ယူကရိန်း လက်ချက် ဖြစ်ကြောင်း တိုက်ရိုက်အပြစ်တင်ရန် ထုံးစံအတိုင်း ရှောင်လွှဲခဲ့သည်။ရုရှားဘက်ကမူ IAEA ၏ ယခုကဲ့သို့ နှုတ်ဆိတ်နေခြင်းနှင့် အကဲဖြတ်သုံးသပ်ချက် မရှိခြင်းများသည် ပဋိပက္ခများကို ပိုမိုအရှိန်မြှင့်ရန် မီးစိမ်းပြ လိုက်သကဲ့သို့ ဖြစ်နေကြောင်း ဝေဖန်ခဲ့ပြီး ရေဒီယိုသတ္တိကြွမှုအန္တရာယ်သည် နယ်စပ်စည်းခြားချက်များနှင့် နိုင်ငံကူးလက်မှတ်များကို မသိရှိ သဖြင့် မည်သည့်နျူကလီးယား မတော်တဆမှုမဆိုသည် နိုင်ငံအများအပြားကို နှစ်ရှည်လများ ဒုက္ခပေးနိုင်ကြောင်း သတိပေးခဲ့သည်။ ၂၀၂၂ ခုနှစ် မတ်လတွင် ရုရှားက စက်ရုံကိုထိန်းချုပ်ပြီးကတည်းက မကြာသေးမီလများအတွင်း ယူကရိန်းသည် နျူကလီးယားစက်ရုံအပြင် အန်နာ ဂိုဒါမြို့ရှိ မူကြိုကျောင်းများ၊ စာသင်ကျောင်းများနှင့် လမ်းတံတားများကဲ့သို့သော အရပ်ဘက်လူမှုအခြေခံအဆောက်အအုံများကိုပါ ပိုမို ပစ်မှတ် ထား တိုက်ခိုက်လာခဲ့ကြောင်း ရုရှားက စွပ်စွဲထားသည်။ အဆိုပါ အခြေအနေများနှင့်ပတ်သက်၍ ရုရှားနိုင်ငံခြားရေးဝန်ကြီးဌာန၊ ကာကွယ်ရေး ဝန်ကြီးဌာန၊ စက်မှုနည်းပညာကြီးကြပ်ရေးအဖွဲ့နှင့် IAEA ခေါင်းဆောင်များပါဝင်မည့် ဌာနပေါင်းစုံ ညှိနှိုင်းဆွေးနွေးမှုများကို လာမည့် ဇူလိုင်လ အစောပိုင်းတွင် ဆက်လက်ပြုလုပ်ရန် စီစဉ်ထားကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 2-Jun-2026
အမေရိကန်၏ တိုက်ခိုက်မှုများကို အီရန်ကလက်တုံ့ပြန်တိုက်ခိုက်နောက်တစ်ကြိမ် ယခုထက်ပိုမိုပြင်းထန်မည်ဟုသတိပေး
အမေရိကန်၏ တိုက်ခိုက်မှုများကို အီရန်ကလက်တုံ့ပြန်တိုက်ခိုက်နောက်တစ်ကြိမ် ယခုထက်ပိုမိုပြင်းထန်မည်ဟုသတိပေး
အမေရိကန်က အီရန်အပေါ်တိုက်ခိုက်မှုများလုပ်ပြီးနောက် အီရန်ကလက်တုံ့ပြန်တိုက်ခိုက်မှုများလုပ်ကြောင်း အီရန်နိုင်ငံအစ္စလာမ်မစ် တော်လှန်ရေးအစောင့်တပ်ဖွဲ့ကထုတ်ပြန်ထားသည်။  အမေရိကန်စစ်ဘက်က မေလ ၃၁ ရက်တွင် အီရန်နိုင်ငံတောင်ပိုင်းရှိ ပစ်မှတ်များကိုတိုက်ခိုက်ပြီးနောက် ယင်းတိုက်ခိုက်မှုလုပ်ဆောင်ရာ၌ အသုံးပြုသည့် လေတပ်စခန်းကို အီရန်ကလက်တုံ့ပြန် တိုက်ခိုက်ခြင်းဖြစ်ကြောင်းနှင့် နောက်တစ်ကြိမ်ထိုသို့ တိုက်ခိုက်လာပါကလက်တုံ့ပြန်မှုသည် ယခုထက်ပြင်းထန်မည်ဖြစ်ကြောင်း တော်လှန်ရေးအစောင့်တပ်ဖွဲ့၏ ဇွန်လ ၁ ရက်ထုတ်ပြန်ချက်တွင် ဖော်ပြထားသည်။အမေရိကန်ဘက်က နိုင်ငံတကာရေပိုင်နက်တွင်ရှိသည်ဟုပြောသော်လည်း အီရန်က၎င်းတို့၏ဝေဟင်ပိုင်နက်သို့ ကျူးကျော်လာသည် ဟူသော အမေရိကန်၏ ဒရုန်းတစ်စင်းကိုပစ်ချပြီးနောက် အမေရိကန်စစ်ဘက်က အီရန်ရှိပစ်မှတ်များကို တိုက်ခိုက်ခြင်း ဖြစ်ကြောင်း အမေရိကန်အလယ်ပိုင်း ဒေသစစ်ဌာနချုပ်က ဇွန်လ ၁ ရက်တွင် ထုတ်ပြန်ထားသည်။ယခုကဲ့သို့အပြန်အလှန်တိုက်ခိုက်မှုများ ပြန်လည်ဖြစ်ပွားခြင်းသည် အမေရိကန်နှင့်အစ္စရေးတို့က အီရန်အပေါ်တိုက်ခိုက်မှုများ လုပ်ပြီးနောက် တစ်လကျော်အကြာ ဧပြီလတွင် ရရှိထားသည့် အပစ်အခတ်ရပ်စဲရေး သဘောတူညီချက်ကို ပျက်စီးစေနိုင်သော အခြေအနေ ဖြစ်ပေါ်လျက်ရှိသည်။ လက်ရှိတွင် အမေရိကန်နှင့် အီရန်တို့က နားလည်မှုစာချွန်လွှာ တစ်ရပ်ရရှိနိုင်ရေး  ဆွေးနွေးညှိနှိုင်းမှု လုပ်ဆောင်နေကြောင်း သိရသည်။MWD
Tue, 2-Jun-2026
ဂျပန်က ရထားဘူတာရုံများနှင့် အဆောက်အအုံအချို့၌ခုန်ချသေကြောင်းကြံစည်မှုများကို AI နည်းပညာဖြင့် ကြိုတင်တားဆီး
ဂျပန်က ရထားဘူတာရုံများနှင့် အဆောက်အအုံအချို့၌ခုန်ချသေကြောင်းကြံစည်မှုများကို AI နည်းပညာဖြင့် ကြိုတင်တားဆီး
ဂျပန်နိုင်ငံက ရထားဘူတာရုံများနှင့် အဆောက်အအုံအချို့၌ ခုန်ချသေကြောင်း ကြံစည်မှုများကို ကြိုတင်ဖော်ထုတ်တားဆီးနိုင်ရန် ဉာဏ်ရည်တု (AI) နည်းပညာကိုအသုံးပြုနေပြီး ထိုစနစ်ကြောင့် လူနှစ်ဦး၏ အသက်ကို ကယ်တင်နိုင်ခဲ့ကြောင်း ယင်းစနစ်ကိုဖန်တီးသည့် ကုမ္ပဏီကပြောသည်။တိုကျိုမြို့အခြေစိုက် Asilla ကုမ္ပဏီက ဖန်တီးထားသည့် အဆိုပါ AI စနစ်သည် လုံခြုံရေးကင်မရာများမှရရှိသော ရုပ်သံမှတ်တမ်းများကိုခွဲခြမ်းစိတ်ဖြာကာ ရထားဘူတာပလက်ဖောင်းအစွန်း သို့မဟုတ် အဆောက်အအုံခေါင်မိုးအနီးတွင် အချိန်ကြာမြင့်စွာရပ်နေခြင်း၊ လှည့်လည်သွားလာနေခြင်း စသည့်အပြုအမူများကို စောင့်ကြည့်ပြီး ခုန်ချသေကြောင်း ကြံစည်နိုင်ခြေကို အကဲဖြတ်ပေးခြင်းဖြစ်သည်။ အန္တရာယ်ရှိနိုင်သည့် လက္ခဏာများတွေ့ရှိပါက လုံခြုံရေးဝန်ထမ်းများနှင့် တာဝန်ရှိသူများထံသို့ ချက်ချင်းသတိပေးပေးကာ အချို့နေရာများတွင် အသံချဲ့စက်များဖြင့် သတိပေးခြင်းများလည်းပြုလုပ်သည်။Asilla ကုမ္ပဏီသည် ၂၀၂၂ ခုနှစ်မှစ၍ စီးပွားရေးအဆောက်အအုံများနှင့် အဖွဲ့အစည်းပေါင်း ၂၀၀ ခန့်နှင့် ပူးပေါင်းကာ လုံခြုံရေးကင်မရာမှတ်တမ်း သန်း ၇၀ ခန့်အသုံးပြု၍ AI စနစ်ကို လေ့ကျင့်ပေးခဲ့ခြင်းဖြစ်ကြောင်း သိရသည်။ Ref: BPMWD
Tue, 2-Jun-2026
© Copyright 2024 SAC All Rights Reserved.