ဖိလစ်ပိုင် သုံးနိုင်ငံ ဖိတ်ခေါ်ပြိုင်ပွဲတွင် မြန်မာအသင်း ဂူအမ်ကို ဂိုးပြတ်အနိုင်ရ

NoahJune222

News Image

  • ဖိလစ်ပိုင် သုံးနိုင်ငံ ဖိတ်ခေါ်ပြိုင်ပွဲတွင် မြန်မာအသင်း ဂူအမ်ကို ဂိုးပြတ်အနိုင်ရ

ရန်ကုန်   ဇွန်    ၆

     ဖိလစ်ပိုင် သုံးနိုင်ငံဖိတ်ခေါ်ပြိုင်ပွဲ ဒုတိယနေ့ကို ဇွန်လ ၆ ရက်က ဖိလစ်ပိုင်နိုင်ငံ မနီလာမြို့ရှိ   ရီဇယ်မန်မိုရီရယ်ကွင်း၌ ကျင်းပရာ မြန်မာအသင်းက ဂူအမ်အသင်းကို ၆ ဂိုး ၁ ဂိုးဖြင့် ဂိုးပြတ်အနိုင်ရခဲ့သည်။မြန်မာအသင်းသည် ဂူအမ်အသင်းကို အနိုင်ယူကာ ချန်ပီယံဆုအတွက် အခြေအနေကောင်းသွားသည်။ အိမ်ရှင် ဖိလစ်ပိုင်အသင်းမှာ ဂူအမ်အသင်းကို အနိုင်ယူထားသော်လည်း ဂိုးကွာခြားချက်တွင် အသာရထားသဖြင့် နောက်ဆုံးပွဲတွင် ဖိလစ်ပိုင်အသင်းကို သရေကစားနိုင်ရုံဖြင့် ချန်ပီယံဆုရယူနိုင်မည်ဖြစ်သည်။

မြန်မာအသင်းနည်းပြချုပ် ဦးမျိုးလှိုင်ဝင်းသည် ပွဲထွက်လူစာရင်းတွင် ကစားသမားသစ်အချို့ ထည့်သွင်းခဲ့ပြီး နေလင်းထက်(ဂိုး)၊ နန္ဒကျော်၊ ဟိန်းဇေယျာလင်း၊ စိုးမိုး ကျော်၊ အောင်ဝဏ္ဏစိုး၊ ဝေလင်းအောင်၊ဇော်ဝင်းသိန်း၊ မြတ်ကောင်းခန့်၊ မင်းမော်ဦး၊မောင်မောင်လွင်၊ ဝင်းနိုင်ထွန်းတို့ကို အသုံးပြုခဲ့သည်။ ခြေစွမ်းအသာရထားသည့် မြန်မာအသင်းသည် ပွဲစကတည်းကဖိကစားနိုင်ခဲ့ပြီး    ပထမပိုင်းမှာပင် သုံးဂိုးပြတ် အနိုင်ရနေသည်။ ၁၂ မိနစ်တွင် မြန်မာအသင်း အဖွင့်ဂိုးရခဲ့ပြီး ထောင့်ကန်ဘောမှတစ်ဆင့်   နောက်ခံလူ စိုးမိုးကျော်က ခေါင်းတိုက်သွင်းယူခဲ့သည်။ ယင်းနောက်ပိုင်းတွင် မြန်မာအသင်း ဂိုးများထပ်မံရခဲ့ ပြီး ၂၃ မိနစ်တွင် မောင်မောင်လွင်၊ ၃၆ မိနစ်တွင် ဝင်းနိုင်ထွန်းတို့က ထပ်မံသွင်းယူခဲ့သည်။ ဒုတိယပိုင်းတွင်လည်း မြန်မာအသင်းကသာ ဆက်တိုက်ဖိကစားနိုင်ခဲ့ပြီး ၅၃ မိနစ်တွင်   ဝင်းနိုင်ထွန်း၊ ၇၂ မိနစ်တွင် ဇော်ဝင်းသိန်း၊ ၈၅ မိနစ်တွင် ရှိုင်းဝဏ္ဏအောင်တို့က သွင်းယူပြီး ဂူအမ်အသင်းအတွက်ချေပဂိုးတစ်ဂိုးကို ပွဲပြီးခါနီးတွင် ပယ်နယ်တီမှတစ်ဆင့် ဂိုးမက်ဇ်က သွင်းယူခဲ့သည်။ ပွဲပြီးခါနီးတွင်  မြန်မာအသင်း တောင်ပံတိုက်စစ်ကစားသမား ရဲရင့်အောင် ဂိုးရရန်ကြိုးပမ်းရာမှ ပြိုင်ဘက်ဂိုးသမားမျက်နှာကို ကန်မိသဖြင့် အနီကတ်ဖြင့် ထုတ်ပယ်ခံခဲ့ရသည်။

ပြိုင်ပွဲနောက်ဆုံးနေ့ကို ဇွန်လ ၉ ရက်မြန်မာစံတော်ချိန် ည ၆ နာရီတွင် ကျင်းပမည်ဖြစ်ပြီး မြန်မာအသင်းနှင့် ဖိလစ်ပိုင်အသင်းယှဉ်ပြိုင်ကစားမည်ဖြစ်သည်။ 

ယင်းပွဲမှာချန်ပီယံဆုအတွက် အဆုံးအဖြတ်ပွဲဖြစ်ပြီး မြန်မာအသင်းအနေဖြင့် အနိမ့်ဆုံးသရေ ကစားနိုင်ပါက    ချန်ပီယံဆု ရရှိမည်ဖြစ်သည်။

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

တရုတ်က ဝက်အသည်းနှင့်ကျောက်ကပ်တစ်စုံကို လူသားတွင် ပထမဆုံးအစားထိုးမှုပြုလုပ်
တရုတ်က ဝက်အသည်းနှင့်ကျောက်ကပ်တစ်စုံကို လူသားတွင် ပထမဆုံးအစားထိုးမှုပြုလုပ်
တရုတ်နိုင်ငံမှ     ဆေးဘက်ဆိုင်ရာကျွမ်းကျင်ပညာရှင်များသည်    ဝက်၏အသည်းနှင့်   ကျောက်ကပ်တစ်စုံကို ဦးနှောက်သေနေသော လူနာတစ်ဦးထံသို့ အစားထိုးမှုပြုလုပ်ကြောင်း သိရသည်။ ယခင်က ထိုသို့အစားထိုးမှုကို ကိုယ်တွင်းအင်္ဂါတစ်ခုချင်းစီသာလုပ်ဆောင်ခဲ့ခြင်းဖြစ်သောကြောင့် ယခုကဲ့သို့ တိရစ္ဆာန်၏ ကိုယ်တွင်းအင်္ဂါ အစုံလိုက်ကို လူသားတွင် အစားထိုးခြင်းမှာ ကမ္ဘာ့ပထမဆုံးဖြစ်သည်။အဆိုပါခွဲစိတ်မှုလုပ်ဆောင်ပြီးနောက် ဝက်၏အသည်းနှင့်ကျောက်ကပ်များက ငါးရက်နီးပါးကြာကောင်းစွာ အလုပ်လုပ်ခဲ့ပြီး ယင်းနောက်တွင် အသက် ၅၃ နှစ်ရှိလူနာရှင်၏မိသားစုဆန္ဒအရ လေ့လာမှုကိုရပ်တန့်ခဲ့ခြင်းဖြစ်သည်။ ယခုခွဲစိတ်မှုက တိရစ္ဆာန်မှလူသားသို့ ကိုယ်တွင်းအင်္ဂါများစွာ အစားထိုးကုသပေးနိုင်စေမည့် လမ်းစတစ်ခုထွက်ပေါ်လာစေသည်။ထို့ပြင် မျိုးစိတ်တစ်ခုမှ အခြားမျိုးစိတ်တစ်ခုသို့ ကိုယ်တွင်းအင်္ဂါများကိုအစားထိုးကုသနိုင်ခြင်းသည် ကိုယ်တွင်းအင်္ဂါ အစားထိုးကုသမှုခံယူရန် မဖြစ်မနေ လိုအပ်သည့် လူနာများအတွက် ကိုယ်တွင်းအင်္ဂါရှားပါးမှု ပြဿနာကို ပြေလည်စေမည်ဖြစ်သည်ဟု ပညာရှင်များကပြောသည်။ အဆိုပါသုတေသနကို ကွမ်းရှီးဆေးတက္ကသိုလ်မှ သုတေသီများက လုပ်ဆောင်ခြင်းဖြစ်ပြီး ယင်းသုတေသနမှ ကိုယ်ခံအားထွက်ရှိမှုကိုလည်း တွေ့ရှိရသည်ဟု ပြောသည်။Ref: BPMWD
Wed, 10-Jun-2026
ကမ္ဘာ့ဖလားပြိုင်ပွဲအတွက် အီရန်ကစားသမားများ အမေရိကန်ပြည်ဝင်ခွင့်ဗီဇာရရှိခဲ့သော်လည်း အဖွဲ့ချုပ်တာဝန်ရှိသူများနှင့် နည်းပြအဖွဲ့ဝင်တချို့ ဗီဇာမရရှိသေး
ကမ္ဘာ့ဖလားပြိုင်ပွဲအတွက် အီရန်ကစားသမားများ အမေရိကန်ပြည်ဝင်ခွင့်ဗီဇာရရှိခဲ့သော်လည်း အဖွဲ့ချုပ်တာဝန်ရှိသူများနှင့် နည်းပြအဖွဲ့ဝင်တချို့ ဗီဇာမရရှိသေး
ဝါရှင်တန်   ဇွန်  ၇လာမည့်ကမ္ဘာ့ဖလားပြိုင်ပွဲအတွက် အီရန်အသင်းမှ ကစားသမားများအနေဖြင့် အမေရိကန်ပြည်ဝင်ခွင့်ဗီဇာရရှိခဲ့သော်လည်း အီရန်နိုင်ငံဘောလုံးအဖွဲ့ချုပ်မှ  တာဝန်ရှိသူများနှင့်  နည်းပြအဖွဲ့ဝင်တချို့  ဗီဇာမရရှိသေးကြောင်း သိရသည်။‌အမေရိကန်နိုင်ငံအစိုးရက      အီရန်အသင်းမှ ကစားသမားများအား နိုင်ငံအတွင်းဝင်ရောက်ခွင့်ပြု သည်ဟု ကြေညာခဲ့သော်လည်း အီရန်နိုင်ငံဘောလုံး အဖွဲ့ချုပ်မှ   တာဝန်ရှိသူများနှင့်  အသင်းနည်းပြအဖွဲ့ဝင်များကိုမူ နိုင်ငံအတွင်းဝင်ရောက်ရန် ခွင့်မပြု သေးသည့်အတွက် အငြင်းပွားမှုဖြစ်ပွားနေခြင်းဖြစ်သည်။‌လက်ရှိတွင် အမေရိကန်နိုင်ငံ၊ အစ္စ‌ရေးနိုင်ငံနှင့် အီရန်နိုင်ငံတို့ကြား      စစ်ရေးတင်းမာမှုများရှိနေသည့်အတွက် အမေရိကန်အစိုးရက အီရန်နိုင်ငံသား များကို    နိုင်ငံအတွင်းဝင်ရောက်ခွင့်ပိတ်ပင်ထားသော်လည်း   အီရန်အသင်းမှကစားသမားများအား   ပြည်ဝင်ခွင့် ပြန်လည်ခွင့်ပြုပေးခဲ့ခြင်း ဖြစ်သည်။အစောပိုင်းကတည်းက အရှေ့အလယ်ပိုင်းဒေသ တင်းမာမှုများကြောင့် အမေရိကန်နိုင်ငံနှင့် အီရန် နိုင်ငံတို့ကြား ဆက်ဆံရေးတင်းမာမှုများ ရှိနေသည့်အတွက် အီရန်အသင်းအနေဖြင့် ကမ္ဘာ့ဖလားပြိုင်ပွဲ ဝင်ရောက်ကစားခွင့်ရရှိရန်   မရေမရာဖြစ်ခဲ့သော်လည်း နောက်ပိုင်းတွင် ကမ္ဘာ့ဘောလုံးအဖွဲ့ချုပ်က အီရန်အသင်းကို     ဆက်လက်ကစားခွင့်ပေးခဲ့၍ အီရန်အသင်းကလည်း ဆက်လက်ကစားရန် ဆုံးဖြတ်ခဲ့ခြင်းဖြစ်သည်။လက်ရှိတွင်   အမေရိကန်နိုင်ငံအစိုးရက အီရန် အသင်းမှ  ကစားသမားများအား ပြည်ဝင်ခွင့်ပေးခဲ့သော်လည်း အီရန်နိုင်ငံဘောလုံး အဖွဲ့ချုပ်မှ တာဝန်ရှိသူများနှင့် နည်းပြအဖွဲ့မှ နည်းစနစ်အဖွဲ့ဝင်တချို့ကို ဆက်လက်ပိတ်ပင်ထားသည့်အတွက် ညှိနှိုင်းမှု များ ဆက်လက်လုပ်ဆောင်နေခြင်းဖြစ်သည်။အီရန်အသင်းသည်    ပြိုင်ပွဲအကြိုစခန်းသွင်း လေ့ကျင့်မှုများကို အမေရိကန်နိုင်ငံ၌  လုပ်ဆောင် ခြင်းမရှိဘဲ ပူးတွဲအိမ်ရှင်အဖြစ် လက်ခံကျင်းပမည့် မက္ကဆီကိုနိုင်ငံ၌ လုပ်ဆောင်နေခြင်းဖြစ်သည်။အီရန်အသင်းသည် ၂၀၂၆ ကမ္ဘာ့ဖလားပြိုင်ပွဲ အုပ်စုအဖွင့်ပွဲစဉ်အဖြစ် ဇွန်လ ၁၆ ရက်တွင် နယူးဇီလန်အသင်းနှင့် အမေရိကန်နိုင်ငံ၌ ကစားရမည်ဖြစ်ကြောင်း သိရသည်။ Ref;The AthleticMWD
Mon, 8-Jun-2026
မန်ယူအသင်းသို့ ပြောင်းရွှေ့ကစားလိုကြောင်း အေစီမီလန်အသင်း တောင်ပံတိုက်စစ်ကစားသမား ရာဖေးလီယိုပြောကြား
မန်ယူအသင်းသို့ ပြောင်းရွှေ့ကစားလိုကြောင်း အေစီမီလန်အသင်း တောင်ပံတိုက်စစ်ကစားသမား ရာဖေးလီယိုပြောကြား
မန်ချက်စတာ   ဇွန်  ၇‌လက်ရှိနွေရာသီ  ကစားသမားအပြောင်းအရွှေ့ ကာလတွင်  အေစီမီလန်အသင်းမှ   ထွက်ခွာရန်ဆုံးဖြတ်ထားသည့် တောင်ပံ တိုက်စစ်ကစားသမား ရာ‌ဖေးလီယိုက မန်ယူအသင်းသို့ ပြောင်းရွှေ့ကစားလိုကြောင်း ပြောကြားခဲ့သည်။ရာဖေးလီယိုသည် ၂၀၁၉ ခုနှစ်က မြင့်မားသော ပြောင်းရွှေ့ကြေးဖြစ်သည့် ယူရို သန်း ၇၀ ဖြင့် လိုင်လီအသင်းမှ အေစီမီလန်အသင်းသို့ ပြောင်းရွှေ့ကစား ခဲ့ပြီး  အေစီမီလန်အသင်းနှင့်အတူ  ဘောလုံးရာသီတိုင်းတွင်  အကောင်းဆုံး ခြေစွမ်းပြကစားနိုင်ခဲ့သူဖြစ်သည်။ရာဖေးလီယိုနှင့်   အေစီမီလန်အသင်းတို့စာချုပ် သက်တမ်းမှာ   တစ်နှစ်ကျန်ရှိနေသေးသော်လည်း ရာဖေးလီယိုကိုယ်တိုင်က   လက်ရှိ နွေရာသီကစား သမားအပြောင်းအရွှေ့ကာလတွင်ပင်   အသင်းမှထွက်ခွာရန်ဆုံးဖြတ်ထားခြင်းဖြစ်သည်။ အေစီမီလန် အသင်းကလည်း ရာ‌ဖေးလီယိုကို လာမည့်နှစ်တွင် အလွတ်ပြောင်းရွှေ့ကြေးဖြင့်  လက်လွှတ်ရနိုင်သည့် အခြေအနေများကြောင့်    လက်ရှိအပြောင်းအ‌ရွှေ့ကာလတွင် ရောင်းချဖွယ်ရှိနေပြီး ပြောင်း‌ရွှေ့ကြေးကို ယူရို သန်း ၄၀ အထိ အလိုရှိနေခြင်းဖြစ်သည်။လက်ရှိတွင် ရာဖေးလီယိုကို မန်ယူအသင်း  အပါအဝင်  ပရီးမီးယားလိဂ်ပြိုင်ပွဲမှ  ထိပ်တန်းကလပ်အသင်းအများစုက ခေါ်ယူလိုနေပြီး မန်ယူအသင်းကလည်း အသင်းတောင်ပံတိုက်စစ်ပိုင်းကို ပိုမိုအင်အား တောင့်တင်းလိုသည့်အတွက်    နည်းပြကာရစ်က ရာဖေးလီယိုကို ခေါ်ယူရန်   မကြာမီ ဆွေးနွေးမှုများ     လုပ်ဆောင်ဖွယ်ရှိကြောင်း သိရသည်။ Ref;Fabrizio RomanoMWD
Mon, 8-Jun-2026
အာဆီယံ ယူ-၁၉ ချန်ပီယံရှစ်ပြိုင်ပွဲ အုပ်စုနောက်ဆုံးပွဲတွင် မြန်မာအသင်း တီမောကို အနိုင်ရ
အာဆီယံ ယူ-၁၉ ချန်ပီယံရှစ်ပြိုင်ပွဲ အုပ်စုနောက်ဆုံးပွဲတွင် မြန်မာအသင်း တီမောကို အနိုင်ရ
ရန်ကုန် ဇွန်  ၇ ၂၀၂၆ အာဆီယံ ယူ-၁၉ ချန်ပီယံရှစ်ပြိုင်ပွဲ အုပ်စု (A) နောက်ဆုံးနေ့ကို  ယမန်နေ့က  အင်ဒိုနီးရှားနိုင်ငံ၌ ဆက်လက်ကျင်းပရာ မြန်မာအသင်းက တီမောအသင်းကို ၃ဂိုး ၁ဂိုးဖြင့် အနိုင်ရခဲ့သည်။မြန်မာအသင်းရော တီမောအသင်းပါ နောက်တစ်ဆင့်တက်ရောက်ရန်   အခွင့်အရေးမရှိသော်လည်း အနိုင်ရရှိရေးအတွက် ကြိုးစားကစားခဲ့ပြီး မြန်မာအသင်းသည် နောက်မှလိုက်ကစားကာ အနိုင်ရခဲ့ခြင်းဖြစ်သည်။ မြန်မာအသင်းသည် ခြေအသာဖြင့် ကစားနိုင်ပြီး  ဂိုးသွင်းခွင့်များစွာရခဲ့သော်လည်း အသုံးမချနိုင်သဖြင့် ရုန်းကန်ခဲ့ရပြီး ပထမပိုင်းပြီးခါနီးတွင် ဦးဆောင် ဂိုးပေးလိုက်ရသဖြင့် နောက်မှလိုက်ကစားရကာ ဒုတိယပိုင်းသွင်းဂိုးများကြောင့် အနိုင်ရခဲ့ခြင်းဖြစ်သည်။မြန်မာအသင်းသည် ပွဲစကတည်းက ဖိကစားနိုင်သော်လည်း အဆုံးသတ်အားနည်းမှုကြောင့် ဂိုးမရဘဲ ၄၃ မိနစ်တွင် ထောင့်ကန်ဘောမှတစ်ဆင့် ပြန်လျှံထွက်လာသောဘောလုံးကို မာစီယိုကကန်သွင်းခဲ့သဖြင့် တီမောအသင်း ဦးဆောင်ဂိုးရခဲ့သည်။ ပထမပိုင်းတွင် အရေးနိမ့်နေသည့်  မြန်မာအသင်းသည် ဒုတိယပိုင်းတွင် ချေပဂိုးရရန် အားထည့်ကစားလာပြီး ၄၈ မိနစ်တွင် လမင်းပြည့်စုံက ချေပဂိုးသွင်းယူခဲ့သည်။ ဂိုးရပြီးနောက်ပိုင်းတွင် မြန်မာအသင်း ဆက်တိုက်ဖိကစားခဲ့ပြီး ၆၇ မိနစ်တွင် စွမ်းဇာနည်က ဒုတိယဂိုးသွင်းယူခဲ့သည်။ မြန်မာအသင်းအတွက် တတိယဂိုးကို ၉၀+၁ မိနစ်တွင်  စိုင်းဘိုဘိုကျော်က သွင်းယူခဲ့သည်။အုပ်စု (A) အခြားပွဲတွင် အိမ်ရှင်အင်ဒိုနီးရှားအသင်းက ဗီယက်နမ်အသင်းကို ၂ ဂိုး ၁ ဂိုးဖြင့် အနိုင်ရခဲ့သည်။   အုပ်စု (A) ပွဲစဉ်များအပြီးတွင်   အင်ဒိုနီးရှားအသင်းက ကိုးမှတ်၊ ဗီယက်နမ်အသင်းက ခြောက်မှတ်၊ မြန်မာအသင်းက သုံးမှတ်ရခဲ့ပြီး တီမောအသင်းမှာမူ အမှတ်မရခဲ့ပေ။ အင်ဒိုနီးရှားအသင်းသည် အုပ်စုပထမဖြင့် ဆီမီးဖိုင်နယ် တက်ရောက်ခဲ့ပြီး    ဒုတိယရခဲ့သည့်  ဗီယက်နမ်အသင်းမှာမူ ဆီမီးဖိုင်နယ်တက်ရောက်ရန် အခြားအုပ်စုများမှ အုပ်စုဒုတိယနေရာရအသင်းများ၏   ရလဒ်ကို စောင့်ကြည့်ရမည်ဖြစ်သည်။သတင်း-ညီမြတ်သော်တာ၊ ဓာတ်ပုံ-MFFMWD
Mon, 8-Jun-2026
တနင်္သာရီမြို့နယ်၌ အကြောင်းအမျိုးမျိုးကြောင့် ကျောင်းပြင်ပ ရောက်ရှိနေသော အခြေခံပညာ မူ/လယ်အဆင့် ကျောင်းသား၊ ကျောင်းသူများ Placement Test (အထူးအစီအစဉ်) ဖြေဆိုရန် ခုံအမှတ်များ ထုတ်ပြန်ကြေညာ
တနင်္သာရီမြို့နယ်၌ အကြောင်းအမျိုးမျိုးကြောင့် ကျောင်းပြင်ပ ရောက်ရှိနေသော အခြေခံပညာ မူ/လယ်အဆင့် ကျောင်းသား၊ ကျောင်းသူများ Placement Test (အထူးအစီအစဉ်) ဖြေဆိုရန် ခုံအမှတ်များ ထုတ်ပြန်ကြေညာ
တနင်္သာရီ  ဇွန်  ၇     တနင်္သာရီမြို့နယ်အတွင်းရှိ အခြေခံပညာကျောင်းများမှ အကြောင်းအမျိုးမျိုးကြောင့်  ကျောင်းပြင်ပရောက်ရှိနေသော မေလ ၃၁ ရက်နေ့တွင် အသက် ၁၅ နှစ် ၃ လပြည့်သည့် မူလတန်းအဆင့်/ အလယ်တန်းအဆင့် ကျောင်းသား၊ ကျောင်းသူများ Placement Test(အထူးအစီအစဉ်) ဖြေဆိုရန်  အတန်းအလိုက်    ခုံအမှတ်စာရင်းအား တနင်္သာရီမြို့နယ် ပညာရေးမှူးရုံး၌  ယနေ့နံနက် ၉  နာရီမှ  စတင်၍  ထုတ်ပြန်ကြေငြာထားရာ မြို့နယ်အတွင်း ဖြေဆိုရန်လာ ရောက်လျှောက်လွှာတင်ထားသည့် ကျောင်းသား၊ ကျောင်းသူများ ကျောင်းသားမိဘများ ပျော်ရွှင်စွာလာရောက် ကြည့်ရှုကြကြောင်း သိရသည်။လျှောက်ထားသည့် ကျောင်းသား၊ ကျောင်းသူများ အသက်အလိုက် ဖြေဆိုခွင့်ရှိသော အတန်းများမှာ အသက် ၇-နှစ် Grade-1 ၊အသက် ၈-နှစ် Grade-2၊ အသက် ၉-နှစ် Grade-3 ၊ အသက် ၁၀-နှစ် Grade-4၊ အသက် ၁၁ -နှစ် Grade-5၊ အသက် ၁၂-နှစ် Grade-6၊ အသက် ၁၃-နှစ် Grade-7 ၊အသက် ၁၄-နှစ် မှ ၁၅-နှစ် ၃-လ အထိ Grade-8 တို့ဖြစ်ပြီး စာမေးပွဲအား ၁၅-၆-၂၀၂၆ ရက်မှ ၂၀-၆-၂၀၂၆ရက်အထိ  ဘာသာရပ်အလိုက်   ကျင်းပသွားမည်ဖြစ်ကြောင်း သိရသည် ။တနင်္သာရီမြို့နယ် ပညာရေးမှူးရုံးတွင် Placement Test (အထူးအစီအစဉ်) ဖြေဆိုရန်စတင် လျှောက်လွှာလက်ခံသည့်     ၂၂-၅-၂၀၂၆ ရက်နေ့မှ ၆-၆-၂၀၂၆ ရက်အထိ လာရောက် လျှောက်ထား‌ သော ကျောင်းသား၊ ကျောင်းသူ Grade-1 မှ   Grade-8 အထိ စုစုပေါင်း ၈၀၆  ဦး ရှိကြောင်း သိရသည်။MWD
Mon, 8-Jun-2026
ဧရာဝတီတိုင်းဒေသကြီးဝန်ကြီးချုပ် ဦးအေးကျော် ပုသိမ်မြို့ပေါ်ရှိ အများပြည်သူဆိုင်ရာနေရာများတွင် ကစားကွင်းများစနစ်တကျဖြစ်စေရေး အကောင်အထည်ဖော်ဆောင်ရွက်ထားရှိမှု ကြည့်ရှု
ဧရာဝတီတိုင်းဒေသကြီးဝန်ကြီးချုပ် ဦးအေးကျော် ပုသိမ်မြို့ပေါ်ရှိ အများပြည်သူဆိုင်ရာနေရာများတွင် ကစားကွင်းများစနစ်တကျဖြစ်စေရေး အကောင်အထည်ဖော်ဆောင်ရွက်ထားရှိမှု ကြည့်ရှု
ပုသိမ် ဇွန် ၆ဧရာဝတီတိုင်းဒေသကြီး ဝန်ကြီးချုပ် ဦးအေးကျော်သည် တာဝန်ရှိသူများနှင့်အတူ ယနေ့ ညနေပိုင်းတွင် ပုသိမ်မြို့ပေါ်ရှိ အများပြည်သူဆိုင်ရာ နေရာများတွင် အားကစားကွင်းများ အကောင်အထည်ဖော် ဆောင်ရွက်ထားရှိမှုကို လှည့်လည်ကြည့်ရှု စစ်ဆေးသည်။ ဦးစွာ ပုသိမ်မြို့နယ် ရန်ကင်းတောင်နယ်မြေရှိ ဘောလုံးအားကစားကွင်း၌ ကျင်းပသည့် အမျိုးသားအလွတ်တန်း ဘောလုံးပြိုင်ပွဲ ဖွင့်ပွဲအခမ်းအနားသို့ တက်ရောက် အမှာစကား ပြောကြားပြီး ဘောလုံးများနှင့် ဂုဏ်ပြုချီးမြှင့်ငွေများ ပေးအပ်ကာ ရန်ကင်းတောင် FC အသင်းနှင့် Arrow FC အသင်းတို့၏ ယှဉ်ပြိုင်ကစားနေမှုကို ကြည့်ရှုအားပေးသည်။ကြည့်ရှုအားပေးထို့နောက် ပုသိမ်မြို့ အမှတ်(၃) ရပ်ကွက် ကန်သုံးဆင့်သဲကွင်းတွင် ဖောက်လုပ်ထားသော ဘောလုံး အားကစားကွင်းနှင့် ဘော်လီဘော အားကစားကွင်းတို့၌ လူငယ်များ ဘော်လီဘော ကစားနေမှုကို လည်းကောင်း၊ ပုသိမ်မြို့ပေါ်ရှိ အခြေခံပညာ ကျောင်းများနှင့် ကိုယ်ပိုင်အထက်တန်းကျောင်း များ၏ ဘောလုံးပြိုင်ပွဲများ ကျင်းပကာ ဘောလုံးယှဉ်ပြိုင်ကစားနေမှု ကိုလည်းကောင်း၊ ကန်သုံးဆင့် ပြည်ထောင်စုကွင်းတွင် ဖောက်လုပ်ထားသော ဘောလုံးအားကစား ကွင်းနှင့် ပိုက်ကျော်ခြင်းအားကစားကွင်း သုံးကွင်း၌ ဒေသခံလူငယ်များ လာရောက်ကစားနေမှုကို လည်းကောင်း လှည့်လည်ကြည့်ရှု အားပေးပြီး အားကစားပစ္စည်းများနှင့် ဂုဏ်ပြုချီးမြှင့်ငွေများ ပေးအပ်ခဲ့ကြောင်း သိရသည်။တိုင်းဒေသကြီး(ပြန်/ဆက်)MDN
Sun, 7-Jun-2026
© Copyright 2024 SAC All Rights Reserved.