ကျောက်ဆည်မြို့မဟာရွှေသိမ်တော်မြတ်စွာဘုရား ရွှေသင်္ကန်းကပ်လှူနိုင်ရေး အစည်းအဝေးကျင်းပ

NoahJune222

News Image

  • ကျောက်ဆည်မြို့မဟာရွှေသိမ်တော်မြတ်စွာဘုရား ရွှေသင်္ကန်းကပ်လှူနိုင်ရေး အစည်းအဝေးကျင်းပ

ကျောက်ဆည်၊အောက်တိုဘာ-၁၀

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့၊ မဟာရွှေသိမ်တော်မြတ်စွာဘုရား ရုပ်ပွား တော်ကြီးနှင့် ဘေးဝဲ/ယာရှိအရံစေတီ(၂)ဆူအား ရွှေသင်္ကန်းကပ်လှူနိုင်ရေး လုပ်ငန်းညှိနှိုင်း အစည်းအဝေးကို ယနေ့ နံနက်(၉)နာရီက မဟာရွှေသိမ်တော်ဂေါပကရုံးခန်းတွင် ကျင်းပပြုလုပ်ခဲ့ကြောင်း သိရသည်။ 

လုပ်ငန်းအစည်းအဝေးတွင် မဟာရွှေသိမ်တော်ဂေါပကဥက္ကဋ္ဌဦးကျော်ဆွေနှင့် ရွှေသင်္ကန်းကပ် တင်ဒါလုပ်ငန်းများ ကြီးကြပ်ရေးကော်မတီ အဖွဲ့ဝင်များက မဟာရွှေသိမ်တော်မြတ်စွာဘုရား ရုပ်ပွားတော်ကြီးနှင့် ဘေးဝဲ/ ယာရှိ အရံစေတီ(၂)ဆူအား ရွှေသင်္ကန်းကပ်လှူနိုင်ရေး ဆွေးနွေးခဲ့ကြပြီး (၂)လက်မပတ်လည် မျက်ပါးရွှေဆိုင်း (၁၀၀) ဆိုင်အား အောက်တိုဘာ(၁၉)ရက်နေ့ နံနက်ပိုင်းတွင် တင်ဒါခေါ်ယူ၍ ရွှေသင်္ကန်းများ ကပ်လှူပူဇော် သွားမည် ဖြစ်ကြောင်း သိရသည်။

ဆုတောင်းပြည့်မဟာရွှေသိမ်တော်ဘုရားသည် အနော်ရထာမင်းကြီးတည်ထားကိုးကွယ်ခဲ့ပြီး ရှင်အရဟံ သိမ်သမုတ် ခဲ့သော ဘုရားတစ်ဆူဖြစ်ကြောင်း ဘုရာဖူးပြည်သူများအနေဖြင့် လူမှုရေး၊ စီးပွားရေး၊ ကျန်းမာရေး ကိစ္စရပ် များကို အုန်း၊ ငှက်ပျောပွဲများဖြင့် ပွဲထိုးဆုတောင်းခြင်းများ ပြုလုပ်ရာ၌ အောင်မြင်သည့်အတွက် အနယ်နယ် အရပ်ရပ်မှ ဘုရားဖူးပြည်သူများနှင့် စည်ကားလျက်ရှိကြောင်း သိရသည်။

 

 

သက်မောင်(ကျောက်ဆည်)

 

MM-News-Category
လူမှုရေးကဏ္ဍသတင်း
လူမှုရေး-ဘာသာ‌ရေး

ဆက်စပ်သတင်းများ

အာဆီယံ ဖူဆယ်ချန်ပီယံရှစ်ပြိုင်ပွဲ အုပ်စုအဖွင့်ပွဲတွင် မြန်မာအသင်းအရေးနိမ့်
အာဆီယံ ဖူဆယ်ချန်ပီယံရှစ်ပြိုင်ပွဲ အုပ်စုအဖွင့်ပွဲတွင် မြန်မာအသင်းအရေးနိမ့်
နေပြည်တော်    ဧပြီ    ၆၂၀၂၆ အာဆီယံ ဖူဆယ်ချန်ပီယံရှစ်ပြိုင်ပွဲ အုပ်စုပထမနေ့ကို ဧပြီ ၆ ရက်က ထိုင်းနိုင်ငံ၌ စတင်ကျင်းပရာ မြန်မာအသင်း  ရှုံးပွဲကြုံတွေ့ခဲ့သည်။မြန်မာအသင်းသည် အုပ်စုပထမပွဲအဖြစ် နာမည်ကြီး ဗီယက်နမ်အသင်းနှင့်တွေ့ဆုံရာ လေးဂိုးပြတ် အရေးနိမ့်ခဲ့သည်။ မြန်မာအသင်းသည် ပထမပိုင်းတွင် တစ်ဂိုးသာပေးခဲ့ရသော်လည်း ဒုတိယပိုင်းတွင် သုံးဂိုးထပ်ပေးရကာ ဂိုးပြတ်အရေးနိမ့်ခဲ့ခြင်းဖြစ်သည်။ လူငယ်ကစားသမားများဖြင့် ပြန်လည်တည်ဆောက်နေသည့် မြန်မာ့လက်ရွေးစင် ဖူဆယ်အသင်းသည် အာဆီယံထိပ်သီး အသင်းများနှင့် ယှဉ်ပြိုင်ရာတွင် လိုအပ်ချက်များရှိနေဆဲဖြစ်သည်။ပြိုင်ပွဲကို အုပ်စုနှစ်ခုခွဲ၍ ကျင်းပလျက်ရှိပြီး အုပ်စု (B) ပွဲစဉ်များတွင် အင်ဒိုနီးရှားအသင်းက ဘရူနိုင်းအသင်းကို ခုနစ်ဂိုးပြတ်၊ သြစတြေးလျအသင်းက မလေးရှားအသင်းကို နှစ်ဂိုး-တစ်ဂိုးဖြင့် အနိုင်ရခဲ့သည်။ အုပ်စုဒုတိယနေ့ကို ဧပြီ ၇ ရက်တွင် ဆက်လက်ကျင်းပမည်ဖြစ်ပြီး မြန်မာစံတော်ချိန် မွန်းတည့် ၁၂ နာရီတွင် ဘရူနိုင်းအသင်းနှင့် သြစတြေးလျအသင်း၊ မြန်မာစံတော်ချိန် မွန်းလွဲ ၂ နာရီခွဲတွင် မလေးရှားအသင်းနှင့် အင်ဒိုနီးရှားအသင်း၊ မြန်မာစံတော်ချိန် ညနေ ၅ နာရီခွဲတွင် ဗီယက်နမ်အသင်းနှင့် တီမောအသင်း၊ မြန်မာစံတော်ချိန် ည ၇ နာရီခွဲတွင် မြန်မာအသင်းနှင့် ထိုင်းအသင်းတို့ ယှဉ်ပြိုင်ကစားမည်ဖြစ်သည်။                                ကိုညီလေးMDN
Tue, 7-Apr-2026
အပြောင်းအလဲများစွာပြုလုပ်မည့် မြန်မာနေရှင်နယ်လိဂ်ကလပ် ရတနာပုံအသင်း နည်းပြချုပ်သစ် စတင်ခေါ်ယူ
အပြောင်းအလဲများစွာပြုလုပ်မည့် မြန်မာနေရှင်နယ်လိဂ်ကလပ် ရတနာပုံအသင်း နည်းပြချုပ်သစ် စတင်ခေါ်ယူ
ရန်ကုန်     ဧပြီ    ၆မြန်မာနေရှင်နယ်လိဂ်ကလပ် ရတနာပုံအသင်းသည် လာမည့်ရာသီအတွက် အပြောင်းအလဲများစွာ ပြုလုပ်မည်ဖြစ်ပြီး နည်းပြချုပ်သစ် စတင်ခေါ်ယူခန့်အပ်ခဲ့သည်။ရတနာပုံအသင်းသည် အသင်းပိုင်ရှင်သစ်ပြောင်းလဲထားပြီး ရာသီသစ်အတွက် ပထမဆုံးခေါ်ယူမှု အဖြစ် နည်းပြချုပ်သစ် စတင်ခေါ်ယူခြင်းဖြစ်သည်။ ရတနာပုံအသင်းသည် မြန်မာနေရှင်နယ်လိဂ်  အတွေ့အကြုံရှိသည့် ဦးမင်းထွန်းလင်းကို နည်းပြချုပ်အဖြစ် ခေါ်ယူခန့်အပ်ခဲ့ပြီး ပြည်တွင်း၊ ပြည်ပ ကစားသမားသစ်များ ဆက်လက်ခေါ်ယူမည်ဖြစ်သည်။ ဦးမင်းထွန်းလင်းသည် မြန်မာနေရှင်နယ်လိဂ်ကလပ်အသင်းများဖြစ်သည့် ချင်းယူနိုက်တက်၊ ဇွဲကပင်ယူနိုက်တက်၊ ရန်ကုန်ယူနိုက်တက်၊ ဒဂုံစတားယူနိုက်တက်၊   ရခိုင်ယူနိုက်တက်အသင်းတို့ကို ကိုင်တွယ်ခဲ့သူဖြစ်သည်။ချန်ပီယံဆုရယူနိုင်ခဲ့ရတနာပုံအသင်းသည် မြန်မာနေရှင်နယ် လိဂ်စတင်ကတည်းက တည်ထောင်ခဲ့သည့် အသင်းဖြစ်ပြီး ပြည်တွင်း၊ ပြည်ပပြိုင်ပွဲများတွင် အောင်မြင်မှုများ ရယူနိုင်ခဲ့သော်လည်း ၂၀၁၆ ရာသီ MNL ပြိုင်ပွဲတွင် ချန်ပီယံဆုရယူပြီးနောက်ပိုင်း အောင်မြင်မှုနှင့် ဝေးကွာနေခြင်းဖြစ်သည်။ ရတနာပုံ အသင်းသည် MNL အမှတ်ပေးချန်ပီယံဆု  လေးကြိမ်ရထားပြီး ပြည်ပအောင်မြင်မှုအဖြစ် AFC President's Cup  ပြိုင်ပွဲတွင် ၂၀၁၁ ခုနှစ်၌ ချန်ပီယံဆု ရယူနိုင်ခဲ့သည်။    သတင်း - ရှိုင်းထက်ဇော်ဓာတ်ပုံ - YDNB FCMDN
Tue, 7-Apr-2026
အက်ဖ်အေဖလားပြိုင်ပွဲ ဆီမီးဖိုင်နယ်ပွဲစဉ်များ မဲခွဲ၊ လိဒ်စ်အသင်းက ချယ်ဆီးနှင့် တွေ့ဆုံ
အက်ဖ်အေဖလားပြိုင်ပွဲ ဆီမီးဖိုင်နယ်ပွဲစဉ်များ မဲခွဲ၊ လိဒ်စ်အသင်းက ချယ်ဆီးနှင့် တွေ့ဆုံ
အက်ဖ်အေဖလားပြိုင်ပွဲ  ကွာတားဖိုင်နယ်ပွဲစဉ်များ  ယှဉ်ပြိုင်ကစားပြီးနောက်  ဆီမီးဖိုင်နယ်ပွဲစဉ်များကို  မဲခွဲထုတ်ပြန်လိုက်ပြီဖြစ်ရာ နှစ်ပေါင်း ၃၉ နှစ်အတွင်း ဆီမီးဖိုင်နယ်သို့  ပထမဆုံးအကြိမ်   တက်လှမ်းနိုင်ခဲ့သည့် လိဒ်စ်အသင်းက အသင်းကြီး ချယ်ဆီးအသင်းနှင့် တွေ့ဆုံ နေသည်။ ဒန်နီရယ်ဖာကီ၏ လိဒ်စ်အသင်းသည် အက်ဖ်အေဖလားပြိုင်ပွဲ ကွာတားဖိုင်နယ်တွင် ဝက်စ်ဟမ်းအသင်းကို အကြိတ်အနယ်ယှဉ်ပြိုင်ကစားပြီး ပယ်နယ်တီအဆုံးအဖြတ်တွင်  လေးဂိုး-နှစ်ဂိုးဖြင့် နိုင်ပွဲရရှိကာ ဆီမီးဖိုင်နယ်သို့ တက်လှမ်းလာသည့် အသင်းဖြစ်သည်။ထို့အပြင် လိဒ်စ်အသင်းသည် ဆီမီးဖိုင်နယ်သို့ တက်လှမ်းနိုင်ခြင်းမှာ ၁၉၈၇ ခုနှစ်နောက်ပိုင်း ပထမဆုံးအကြိမ်ဖြစ်သည်။ ယမန်နှစ်က အက်ဖ်အေဖလားပြိုင်ပွဲ ဗိုလ်လုပွဲသို့ တက်လှမ်းနိုင်ခဲ့သည့်  နည်းပြ ဂွါဒီယိုလာ၏ မန်စီးတီးအသင်းက ဆောက်သမ်တန်အသင်းနှင့် တွေ့ဆုံနေသည်။   ၁၉၇၆ ခုနှစ်က အက်ဖ်အေဖလား ဆွတ်ခူးထားနိုင်သော ဆောက်သမ်တန်အသင်းသည် ကွာတားဖိုင်နယ်တွင် နာမည်ကြီး အာဆင်နယ်အသင်းကို  ချားလိစ်၏  နောက်ကျသွင်းဂိုးကြောင့်  နှစ်ဂိုး-တစ်ဂိုးဖြင့်  နိုင်ပွဲရရှိပြီး  ဆီမီးဖိုင်နယ်သို့ တက်လှမ်းလာသည့်အသင်းဖြစ်သည်။ဆောက်သမ်တန်အသင်းသည် ၁၉၈၇ ခုနှစ်က အက်ဖ်အေဖလားပြိုင်ပွဲ ဆီမီးဖိုင်နယ်သို့ နောက်ဆုံးတက်လှမ်းထားနိုင်သည့် အသင်းဖြစ်သည်။ ယခုနှစ် အက်ဖ်အေဖလားပြိုင်ပွဲ ဆီမီးဖိုင်နယ်ပွဲစဉ်များကို လာမည့်  ဧပြီ ၂၅  ရက်နှင့် ၂၆ ရက်တွင် ယှဉ်ပြိုင်ကစားသွားမည်ဖြစ်သည်။အောင်ဇော်MDN
Tue, 7-Apr-2026
ချယ်လ်ဆီးအသင်းက အန်ဇိုဖာနန်ဒက်အတွက် ပြောင်းရွှေ့ကြေး စတာလင်ပေါင် သန်း ၁၀၀ နှင့်အထက်ကမ်းလှမ်းမှသာ ဆွေးနွေးမည်
ချယ်လ်ဆီးအသင်းက အန်ဇိုဖာနန်ဒက်အတွက် ပြောင်းရွှေ့ကြေး စတာလင်ပေါင် သန်း ၁၀၀ နှင့်အထက်ကမ်းလှမ်းမှသာ ဆွေးနွေးမည်
လန်ဒန်     ဧပြီ    ၆     ချယ်လ်ဆီးအသင်းက  အသင်းနှင့်  အနာဂတ်မရေမရာဖြစ်နေသည့် ကွင်းလယ်ကစားသမား အန်ဇိုဖာနန်ဒက်အတွက် ပြောင်းရွှေ့ကြေး စတာလင်ပေါင် သန်း ၁၀၀  နှင့်အထက် ကမ်းလှမ်းမှသာ လက်ခံ ဆွေးနွေးမည်ဖြစ်ကြောင်း အတည်ပြုသည်။အန်ဇိုဖာနန်ဒက်သည် ၂၀၂၂ ခုနှစ်က ဘင်ဖီကာ အသင်းမှ ချယ်လ်ဆီးအသင်းသို့ ပြောင်းရွှေ့ကစား ပြီးနောက်   အသင်းနှင့်ပထမဆုံးဘောလုံးရာသီတွင် ခြေစွမ်းပြနိုင်ရန် ရုန်းကန်ခဲ့ရသော်လည်း နောက်ပိုင်း ဘောလုံးရာသီများတွင် အကောင်းဆုံးခြေစွမ်းပြလျက် ရှိနေသူဖြစ်သည်။အန်ဇိုဖာနန်ဒက်သည် ယခုဘောလုံးရာသီ တွင်လည်း အသင်းနှင့်အတူ အကောင်းဆုံးခြေစွမ်း ပြနိုင်ပြီး  အသင်းအတွက်အရေးပါသည့်သွင်းဂိုးများ ကိုလည်းသွင်းယူနိုင်ခဲ့ကာ  ပရီးမီးယားလိဂ်ပြိုင်ပွဲ တွင်  အကောင်းဆုံးကွင်းလယ်ကစားသမားများမှ တစ်ဦးအပါအဝင်ရပ်တည်နေသူဖြစ်သည်။အန်ဇိုဖာနန်ဒက်သည် ယခုလအတွင်း နိုင်ငံတကာပွဲစဉ်များ ကစားရန် အာဂျင်တီးနားအသင်းနှင့် ပူးပေါင်း စဉ် အသင်းနည်းပြဟောင်း မာရက်စ်ကာအား ထုတ် ပယ်ခဲ့သည့်ဖြစ်ရပ်အတွက် အသင်းတာဝန်ရှိသူများ ကို ဝေဖန်မှုများ လုပ်ဆောင်ခဲ့သည့်အပြင် ရီးယဲလ် မက်ဒရစ်အသင်းသို့   ပြောင်းရွှေ့ကစားရန် ပြောကြားပြီးနောက်   ချယ်လ်ဆီးအသင်းနည်းပြ ရိုစင်နီယာက အသင်းကစားသမား စာရင်းမှ နှစ်ပွဲပယ်သည့် ပြစ်ဒဏ် ချမှတ်ခဲ့ခြင်းဖြစ်သည်။နှစ်ပွဲပယ်ပြစ်ဒဏ်ချမှတ်ခံရပြီးနောက် ချယ်လ်ဆီး အသင်းနှင့်အန်ဇိုဇာနန်ဒက်တို့ အနာဂတ်မရေမရာဖြစ်လာပြီး အန်ဇိုဖာနန်ဒက်၏ အေးဂျင့်ဖြစ်သူကလည်း ချယ်လ်ဆီးအသင်း၏လုပ်ရပ်ကို  ဝေဖန်မှုများလုပ်ဆောင်ပြီးနောက်  ပိုမိုမရေမရာဖြစ်လာသည့် အတွက် ချယ်လ်ဆီးအသင်းအနေဖြင့်  လာမည့် နွေရာသီ  ကစားသမားအပြောင်းအရွှေ့ကာလတွင် ရီးယဲလ်မက်ဒရစ်အသင်းထံ လက်လွှတ်ရဖွယ်ရှိနေ ခြင်းဖြစ်သည်။ချယ်လ်ဆီးအသင်းက အန်ဇိုဖာနန်ဒက်ကို လက် မလွှတ်လိုသော်လည်း အန်ဇိုဖာနန်ဒက်ကိုယ်တိုင်က အသင်းမှထွက်ခွာဖွယ်ရှိသည့်အတွက် ပြောင်းရွှေ့ ကြေးကို  စတာလင်ပေါင်  သန်း ၁၀၀ နှင့်အထက် ကမ်းလှမ်းမှသာ  လက်ခံမည်ဟု   အတည်ပြုခဲ့ခြင်း ဖြစ်ကြောင်း သိရသည်။ MWD
Tue, 7-Apr-2026
မြန်မာနိုင်ငံကြက်ခြေနီအသင်းက အိမ်ရှင်အဖြစ် လက်ခံကျင်းပမည့် (၂၃)ကြိမ်မြောက် SEA Leadership Meeting အကြို ညှိနှိုင်းအစည်းအဝေး ကျင်းပ
မြန်မာနိုင်ငံကြက်ခြေနီအသင်းက အိမ်ရှင်အဖြစ် လက်ခံကျင်းပမည့် (၂၃)ကြိမ်မြောက် SEA Leadership Meeting အကြို ညှိနှိုင်းအစည်းအဝေး ကျင်းပ
ရန်ကုန်    ဧပြီ     ၆      မြန်မာနိုင်ငံ ကြက်ခြေနီအသင်းက (၂၃) ကြိမ်မြောက် Southeast Asia Leader-ship Meeting ပြုလုပ်နိုင်ရေးအတွက် အကြိုညှိနှိုင်း အစည်းအဝေးကို ယနေ့နံနက်ပိုင်းတွင် အသင်းရန်ကုန်ရုံးခွဲ၌ ကျင်းပသည်။အစည်းအဝေးသို့ မြန်မာနိုင်ငံ ကြက် ခြေနီအသင်းဥက္ကဋ္ဌ ပါမောက္ခ ဒေါက်တာမျိုးညွန့်နှင့် အလုပ်အမှုဆောင်များ၊ ဒုတိယအထွေထွေ အတွင်းရေးမှူးများ၊  လက်ထောက်အထွေထွေ အတွင်းရေးမှူးနှင့်တာဝန်ရှိသူများ၊ အပြည်ပြည်ဆိုင်ရာ ကြက်ခြေနီနှင့် လခြမ်းနီအသင်းများ ဖက်ဒရေးရှင်းမှ Head Of Delegation Ms. Nadia KHOURY နှင့် တာဝန်ရှိသူများ၊ (၂၂)ကြိမ်မြောက် အိမ်ရှင်အဖြစ် လက်ခံကျင်းပခဲ့သည့် မလေးရှားနိုင်ငံ လခြမ်းနီအသင်းမှ အထွေထွေ အတွင်းရေးမှူးနှင့် တာဝန်ရှိသူများ၊ (၂၄) ကြိမ်မြောက် အိမ်ရှင်အဖြစ် လက်ခံကျင်းပမည့် ဖိလစ်ပိုင်နိုင်ငံကြက်ခြေနီအသင်းမှ အထွေထွေအတွင်း ရေးမှူးနှင့် တာဝန်ရှိသူများ တက်ရောက်ကြသည်။အရှေ့တောင်အာရှနိုင်ငံများရှိ ကြက်ခြေနီနှင့် လခြမ်းနီအသင်းများမှ ဦးဆောင်ဦးရွက်ပြုနေသူများ တက်ရောက်ကြမည်ဖြစ်သည့် အဆိုပါအစည်းအဝေးကို ၂၀၂၆ ခုနှစ် စက်တင်ဘာလ ဒုတိယပတ်အတွင်း မြန်မာနိုင်ငံက အိမ်ရှင်အဖြစ် လက်ခံကျင်းပမည်ဖြစ်ပြီး အစည်းအဝေးတွင်ပြုလုပ်မည့် လုပ်ငန်းစဉ်များနှင့်     ဒေသတွင်းလူမှု ကရုဏာလုပ်ငန်းဆိုင်ရာ ပူးပေါင်းဆောင်ရွက်မှုဆိုင်ရာ ကိစ္စရပ်များကို ထည့်သွင်းဆွေးနွေး နိုင်ရေးအတွက်  အသေးစိတ်ညှိနှိုင်း ဆွေးနွေးခဲ့ကြကြောင်း  သိရသည်။ MWD
Tue, 7-Apr-2026
ညောင်ဦးမြို့၌ ဂူပြောက်ကြီးဘုရားတည်ဆောက်ပုံနှင့် ရှေးဟောင်းနံရံပန်းချီများကို လေ့လာနိုင်
ညောင်ဦးမြို့၌ ဂူပြောက်ကြီးဘုရားတည်ဆောက်ပုံနှင့် ရှေးဟောင်းနံရံပန်းချီများကို လေ့လာနိုင်
ညောင်ဦး ဧပြီ ၆မန္တလေးတိုင်းဒေသကြီး ညောင်ဦးမြို့နယ် ပုဂံရှေးဟောင်းယဉ်ကျေးမှုနယ်မြေ ခရီးသွားဘုရားဖူးများအနေဖြင့် ဝက်ကြီးအင်းရပ်ရှိ ဂူပြောက်ကြီးဘုရား တည်ဆောက်ပုံ၊ ဘုရားလိုဏ်အတွင်း နံရံပန်းချီများနှင့် ထိုင်တော်မူဆင်းတုတော်များအား ဖူးမြော်လေ့လာနိုင်ကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန ပုဂံဌာနခွဲ တာဝန်ရှိသူများထံမှ သိရသည်။ဂူပြောက်ကြီးဘုရားကို အေဒီ ၁၃ ရာစုအစောပိုင်းတွင် တည်ထားခဲ့သည်ဟု ခန့်မှန်းရပြီး မဟာဗောဓိပုံစံ ကွမ်းတောင်ပေါက်ဘုရားဖြစ်ကာ အာရုံခံအရှေ့ဘက် မုခ်လှည့် လိုဏ်ဘုရားတစ်ဆူဖြစ်သည်။ အပေါ်ဆင့်လိုဏ်နှင့် ကြောင်လိမ်လှေကားပါရှိပြီး အင်္ဂတေပန်းလက်ရာများ အသင့်အတင့်ကျန်ရှိနေသေးသည်ကို လေ့လာတွေ့ရှိနိုင်သည်။ နံရံဆေးရေးပန်းချီလက်ရာအနေဖြင့် အာရုံခံမျက်နှာကြက်ရှိ ခြေတော်ရာပုံ၊ မင်စာနှင့်တကွ နှစ်ကျိပ် ရှစ်ဆူသော မြတ်စွာဘုရားတို့၏ ဗျာဒိပ်ခံ ဟန်အခန်းများ၊ ငါးရာငါးဆယ်ဇာတ်ကွက်များ၊ ဗုဒ္ဓဝင်ရှစ်ခန်းနှင့် သတ္တဌာနခန်းများ၊ အောင်မြင်ခန်းများစသည့် သရုပ်ဖော်ပုံများကို မင်စာနှင့်တကွ ရေးထိုးထားသည်ကို လေ့လာနိုင်သည်။ ပုဂံရှေးဟောင်းယဉ်ကျေးမှုနယ်မြေတွင် ဘုရား၊ စေတီ၊ သာသနိကအဆောက်အအုံ ၃၈၃၇ ဆူ ကျန်ရှိနေသေးကြောင်း၊ ညောင်ဦးမြို့နယ်၌ ဝက်ကြီးဂူပြောက်ကြီး၊ ဂူပြောက်လေး၊ ပုဂံမြို့သစ်၊ မြင်းကပါဂူပြောက်ကြီး၊ ဂူပြောက်လေးဘုရားတို့သည် နံရံဆေးရေးပန်းချီ လက်ရာ ကောင်းမွန်ကြကြောင်း၊ ဝက်ကြီးအင်းဂူပြောက်ကြီးဘုရားအနောက်ဘက်တွင် ရှင်ဘို့မယ်အုတ်ကျောင်း၊ ဝက်ကြီးအင်းဂူပြောက်လေးဘုရား၊ အနောက်တောင်ဘက်တွင် ဆူးလေကုန်းဘုရားစု၊ အလိုတော်ပြည့်ဘုရားတို့ကိုလည်း တစ်ဆက်တစ်စပ်တည်း ဖူးမြော်လေ့လာနိုင်ကြောင်း သိရသည်။ဒီပါလင်းmoi
Tue, 7-Apr-2026
© Copyright 2024 SAC All Rights Reserved.