နယူးဒေလီမြို့၌ ကားဗုံးခွဲအကြမ်းဖက်တိုက်ခိုက်မှုဖြစ်ပွား ယာဉ်ပိုင်ရှင်က ကက်ရှမီးယား ဒေသခံဆရာဝန်တစ်ဦး ဖြစ်နေဟုဆို

NoahJune222

News Image

  • နယူးဒေလီမြို့၌ ကားဗုံးခွဲအကြမ်းဖက်တိုက်ခိုက်မှုဖြစ်ပွား ယာဉ်ပိုင်ရှင်က ကက်ရှမီးယား ဒေသခံဆရာဝန်တစ်ဦး ဖြစ်နေဟုဆို

အိန္ဒိယနိုင်ငံ နယူးဒေလီမြို့၌ နိုဝင်ဘာလ ၁၀ ရက်ညပိုင်းတွင် ကားဗုံးခွဲအကြမ်းဖက်တိုက်ခိုက်မှုတစ်ခုဖြစ်ပွားရာ အနည်းဆုံးလူ  ရှစ်ဦးသေဆုံးပြီး ၂၀ ကျော်ဒဏ်ရာရရှိကြောင်းနှင့် ဗုံးထောင်ထားသည့်ယာဉ်ပိုင်ရှင်မှာ     အိန္ဒိယနိုင်ငံဘက်ခြမ်းရှိ ကက်ရှမီးယားဒေသ၌နေထိုင်သူ ဆရာဝန်တစ်ဦးဖြစ်ကြောင်း ရဲတပ်ဖွဲ့က နိုဝင်ဘာလ ၁၁ ရက်တွင်ထုတ်ပြန်ထားသည်။

အဆိုပါယာဉ်ပိုင်ရှင်၏အမည်မှာ မိုဟာမတ်အူမာဖြစ်ကြောင်း၊ ၎င်းသည် ကားကိုဗုံးခွဲချိန်တွင် ကားအတွင်းရှိနေကြောင်းနှင့် ပေါက်ကွဲမှုသည် ည ၇ နာရီဝန်းကျင်တွင် သမိုင်းဝင်  ခံတပ်နီ၌ဖြစ်ပွားခြင်း ဖြစ်ကြောင်း ထုတ်ပြန်ချက်တွင် ဖော်ပြထားသည်။

ကားဗုံးပေါက်ကွဲမှုကြောင့် အနီးရှိကားအများအပြားမီးလောင်သွားကြောင်း၊ အနီးရှိအဆောက်အအုံများမှာလည်း တစ်စိတ်တစ်ပိုင်း        ပျက်စီးသွားကြောင်းနှင့် ပေါက်ကွဲမှုဖြစ်ပွားသည့်အသံကို မီတာ ၅၀၀ အကွာက ပင်ကြားရကြောင်း သတင်းဌာနများကဖော်ပြထားသည်။

ယခုဖောက်ခွဲမှု လုပ်သည့်ကားကို မိုဟာမတ်အူမာက    လွန်ခဲ့သောသီတင်းပတ်နှစ်ပတ်ခန့်ကမှ ဝယ်ယူထားခြင်း ဖြစ်ကြောင်း၊ ၎င်း၏ရုပ်အလောင်းကို ကားအတွင်းမှ ရရှိကြောင်း၊  ယင်းရုပ်အလောင်းကို   DNA စစ်ဆေးမှုအရ ယာဉ်ပိုင်ရှင်ကိုသိရှိခဲ့ရခြင်းဖြစ်ကြောင်းနှင့်   ယခုဖောက်ခွဲမှုလုပ်ရန် ဓာတုပစ္စည်းအချို့ကို အသုံးပြုထားကြောင်း ရဲတပ်ဖွဲ့၏ထုတ်ပြန်ချက်တွင် ဖော်ပြထားသည်။                        

Ref: Xinhua

MWD

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

တပ်မတော်(ကြည်း၊ ရေ၊ လေ)လက်ရုံး/ဝန်ထမ်းတပ်များတွင် စစ်မှုထမ်းဆောင်ရန် အခြားအဆင့်အမျိုးသမီးစစ်မှုထမ်းများအလိုရှိသည်
တပ်မတော်(ကြည်း၊ ရေ၊ လေ)လက်ရုံး/ဝန်ထမ်းတပ်များတွင် စစ်မှုထမ်းဆောင်ရန် အခြားအဆင့်အမျိုးသမီးစစ်မှုထမ်းများအလိုရှိသည်
၁။         လျှောက်ထားသူသည် အောက်ပါအရည်အချင်းများနှင့် ပြည့်စုံရမည်-            (က)     ပြည်ထောင်စုသမ္မတမြန်မာနိုင်ငံသား အိမ်ထောင်မရှိဖူးသူ(အပျို)ဖြစ်ရမည်။            (ခ)       လျှောက်ထားသူသည်  ၁၈-၅-၂ဝ၂၆ ရက်နေ့တွင်  အသက်(၁၈)နှစ်ပြည့်ပြီး   အသက်(၂၅)နှစ်ထက်  မကြီးရ။            (ဂ)       အခြေခံပညာအဋ္ဌမတန်း(သို့မဟုတ်) Grade-9 အောင်မြင်ပြီးသူဖြစ်ရမည်။            (ဃ)     အနည်းဆုံး အရပ်(၅)ပေ(၂)လက်မ၊ ကိုယ်အလေးချိန် ပေါင်(၁ဝဝ)နှင့်အထက်ရှိရမည်။                      (အထက်ပါအတိုင်း ကိုယ်အလေးချိန် သတ်မှတ်ထားသော်လည်း အသက်ငယ်ရွယ်သူများ ဖြစ်သဖြင့် ကိုယ်အလေးချိန်အား ခြွင်းချက်အနေဖြင့် စဉ်းစားပါမည်။)            (င)       အမြင်အာရုံကြီးမားစွာချို့ယွင်းသူ မဖြစ်စေရ။၂။ လျှောက်လွှာများအား နီးစပ်ရာတပ်/ဌာနချုပ်များတွင် အခမဲ့ထုတ်ယူ၍ဖြစ်စေ Myawady   Webportal (www.myawady.net.mm/ private (female))တွင် Download ရယူ၍ဖြစ်စေ အောက်ပါစာရွက်စာတမ်းများနှင့်အတူ ၂၇-၂-၂၀၂၆ ရက်နေ့မှ ၂၁-၄-၂၀၂၆ ရက်နေ့အတွင်း နီးစပ်ရာတပ်/ဌာနချုပ်များသို့ လူကိုယ်တိုင်ဖြစ်စေ၊ စာတိုက်မှဖြစ်စေ ပေးပို့လျှောက်ထားရမည်-                    (က)     နိုင်ငံသားစိစစ်ရေးကတ်ပြား(မိတ္တူ)။                 (ခ)       အခြေခံပညာအဋ္ဌမတန်း(သို့မဟုတ်) Grade-9 အောင်မြင်ကြောင်း သက်ဆိုင်ရာ ကျောင်းထွက်လက်မှတ်(မူရင်း)နှင့် ဒီပလိုမာ/ဘွဲ့ရရှိပြီးသူများဖြစ်ပါက ဒီပလိုမာ/ဘွဲ့လက်မှတ်(မူရင်း)။            (ဂ)       အကျင့်စာရိတ္တကောင်းမွန်ကြောင်း သက်ဆိုင်ရာပြည်နယ်/တိုင်းဒေသကြီး/ မြို့နယ် ရဲတပ်ဖွဲ့စခန်းတစ်ခုခုမှ တင်ပြသည့်နေ့မတိုင်မီ တစ်လအတွင်းရရှိသည့်ထောက်ခံစာ(မူရင်း)။            (ဃ)     တစ်လအတွင်းရိုက်ကူးထားသော ပတ်စ်ပို့အရွယ် ရောင်စုံဓာတ်ပုံ(၃)ပုံ။            (င)       အိမ်ထောင်စုဝင်စာရင်း(မိတ္တူ)။            (စ)       မိဘ/အုပ်ထိန်းသူ၏သဘောတူညီကြောင်းထောက်ခံချက်။         ၃။         ပဏာမရွေးချယ်ကြောင်း အကြောင်းကြားစာရရှိသူများသည် သတ်မှတ်ရက်အတွင်း လျှောက်ထားခဲ့သည့် စစ်ဌာနချုပ်များသို့ သတင်းပို့ရမည်။ ရွေးချယ်ခံရသူများသည် စစ်ဘက်ဆိုင်ရာဆေးစစ်ခြင်းများပြုလုပ်၍ ဆေးစစ်အောင်မြင်သူများအား သင်တန်းသူအဖြစ် အတည်ပြုရွေးချယ်မည်။၄။         အခြေခံတပ်သားသစ်သင်တန်းကို ၄ လ တက်ရောက်ရမည်။ သင်တန်းတက်ရောက်နေစဉ် ကာလအတွင်း တပ်သားသစ်လစာ (၁၄၄ဝဝဝ)ကျပ်ကိုခံစားခွင့်ပြုမည်။ သင်တန်းပြီးဆုံးပါက တပ်သားအခြေခံလစာ(၁၅ဝဝဝဝ)ကျပ်နှင့်စရိတ်များခံစားခွင့်ရရှိမည်။၅။        အခြေခံတပ်သားသစ် သင်တန်းတက်ရောက်နေစဉ် ကာလအတွင်း မိမိတာဝန် ထမ်းဆောင်လိုသည့် တပ်မတော်(ကြည်း၊ ရေ၊ လေ)  လက်ရုံး/ဝန်ထမ်း တပ်ဖွဲ့တစ်ခုခုသို့  ဆန္ဒပြုရွေးချယ်နိုင်ပြီး  သင်တန်းဆင်းပြီး  သတ်မှတ်ချက်ကိုက်ညီပါက မိမိဆန္ဒပြုရွေးချယ်ထားသည့် တပ်မတော်(ကြည်း၊ ရေ၊ လေ) လက်ရုံး/ ဝန်ထမ်းတပ်ဖွဲ့(သို့မဟုတ်) သင့်လျော်ရာ လက်ရုံးဝန်ထမ်းတပ်ဖွဲ့တစ်ခုခုတွင် တာဝန်ထမ်းဆောင်ရမည်။မှတ်ချက်။         အသေးစိတ်သိရှိလိုပါက နီးစပ်ရာ တပ်/ဌာနချုပ်များတွင် စုံစမ်းမေးမြန်းနိုင်သည်။MWD
Fri, 3-Apr-2026
အီရန်၏ တိုက်ခိုက်မှုများကို ကြားဖြတ်ဟန့်တားရန် လေကြောင်းကာကွယ်ရေး စနစ်များကို အရှေ့အလယ်ပိုင်းသို့ ရွှေ့ပြောင်းမည်မဟုတ်ဟု ပိုလန်ပြော
အီရန်၏ တိုက်ခိုက်မှုများကို ကြားဖြတ်ဟန့်တားရန် လေကြောင်းကာကွယ်ရေး စနစ်များကို အရှေ့အလယ်ပိုင်းသို့ ရွှေ့ပြောင်းမည်မဟုတ်ဟု ပိုလန်ပြော
     အီရန်၏ တိုက်ခိုက်မှုများကို ကြားဖြတ်ဟန့်တားရန်အတွက် ပိုလန်နိုင်ငံအနေဖြင့် ၎င်းတို့၏ အမေရိကန်လုပ် ပက်ထရီးယော့လေကြောင်း ကာကွယ်ရေးစနစ်များကို အရှေ့အလယ်ပိုင်းဒေသ သို့ ရွှေ့ပြောင်းသွားမည်မဟုတ်ကြောင်း ပိုလန်ကာကွယ်ရေးဝန်ကြီး ဝလက်ဒီစလော ကိုဆီနီယက် ကာမစ်က ပြောကြားသည်။အမေရိကန်အစိုးရအနေဖြင့် စစ်လက်နက်များကို ပင်တဂွန်စစ်ဌာနချုပ်တွင် အကန့်အသတ်မရှိ သိုလှောင်ထားသည်ဟု သမ္မတ ဒေါ်နယ်ထရမ့်က ပြောကြားခဲ့သော်လည်း အမေရိကန်နှင့် အစ္စရေးနိုင်ငံတို့က လုပ်ဆောင်လျက်ရှိသည့်  ပူးတွဲဗုံးကြဲတိုက်ခိုက်မှုများသည် ဒေသတွင်းရှိ အမေရိကန်စစ်အခြေစိုက်စခန်းများကို အီရန်နိုင်ငံက ဆက်လက်၍ တုံ့ပြန်တိုက်ခိုက်နိုင်စွမ်းကို ဟန့်တားနိုင်ခြင်းမရှိခဲ့ပေ။ထို့ကြောင့်   အမေရိကန်ပြည်ထောင်စုသည် အီရန်နှင့်ဖြစ်ပွားနေသော စစ်ပွဲအတွက် ပိုလန်နိုင်ငံမှ ပက်ထရီးယော့ဒုံးကျည်စနစ် အနည်းဆုံးနှစ်စုံနှင့် ပိုလန်သို့ ယခင်ကရောင်းချထားသည့် PAC-3 MSE ဒုံးကျည်အချို့ကို အမေရိကန်ထံသို့ ငှားရမ်းပေးရန် တောင်းဆိုခဲ့ကြောင်း ပိုလန်နိုင်ငံထုတ် သတင်းစာကြီးတစ်စောင်ဖြစ်သည့် Rzeczpospolita က မတ်လအကုန်ပိုင်းတွင် ဖော်ပြခဲ့ကြောင်းသိရသည်။သို့သော် ပိုလန်နိုင်ငံရှိ ပက်ထရီးယော့ဒုံးကျည် ကာကွယ်ရေးစနစ်များသည် နိုင်ငံ၏ဝေဟင်ပိုင်နက်နှင့် နေတိုးအဖွဲ့၏အရှေ့ပိုင်းအား အကာအကွယ်ပေးရန် အတွက်  အသုံးပြုနေခြင်းဖြစ်ကြောင်း၊ အဆိုပါဒုံးကျည် လွှဲပြောင်းပေးရေးနှင့် စပ်လျဉ်း၍ မည်သည့်အရာမျှ ပြောင်းလဲမည်မဟုတ်ကြောင်း၊ ၎င်းဒုံးကျည်စနစ်များအား မည်သည့်နေရာသို့မျှ ရွှေ့ပြောင်းရန် အစီအစဉ်မရှိကြောင်း ပိုလန်ကာကွယ်ရေးဝန်ကြီး ကိုဆီနီယက်ကာမစ်က   ၎င်း၏လူမှုကွန်ရက်တွင် ရေးသား ဖော်ပြခဲ့ကြောင်း သိရသည်။ MWD
Fri, 3-Apr-2026
ခေတ်သစ်စစ်ပွဲ၏ ပြောင်းလဲလာသည့် အခြေအနေများကို ထင်ဟပ်လာသည့် အီရန်၏ ဘာရိန်းရှိ Amazon အချက်အလက် စင်တာအပေါ် တိုက်ခိုက်မှု
ခေတ်သစ်စစ်ပွဲ၏ ပြောင်းလဲလာသည့် အခြေအနေများကို ထင်ဟပ်လာသည့် အီရန်၏ ဘာရိန်းရှိ Amazon အချက်အလက် စင်တာအပေါ် တိုက်ခိုက်မှု
      ဘာရိန်းနိုင်ငံရှိ Amazon ကုမ္ပဏီ၏ ဝက်ဆိုက်ဝန်ဆောင်မှုများနှင့် ဆက်စပ်နေသော အချက်အလက်စင်တာတစ်ခုသည် အီရန်နိုင်ငံ၏ တိုက်ခိုက်မှုကြောင့် ထိခိုက်ပျက်စီးခဲ့သည်ဟူသော သတင်းများ ထွက်ပေါ်လာခဲ့ပြီးနောက်ပိုင်းတွင် ၎င်းတိုက်ခိုက်မှုဖြစ်စဉ်သည် လက်ရှိဖြစ်ပွားနေသော ပဋိပက္ခဇုန်အတွင်း ဒစ်ဂျစ်တယ်အခြေခံ အဆောက်အအုံများအပေါ် တိုက်ရိုက်ပစ်မှတ်ထား လုပ်ဆောင်ခဲ့သည့်    ဖြစ်ထောင့်ဖြစ်ခဲ တိုက်ခိုက်မှုတစ်ရပ်အဖြစ် ထွက်ပေါ်လာသည်။ဘာရိန်းနိုင်ငံရှိ အမေရိကန်ကုမ္ပဏီကြီး တစ်ခုဖြစ်သည့် Amazon ၏   ဝက်ဆိုက်ဝန်ဆောင်မှုအချက် အလက်စင်တာသည်    အီရန်နိုင်ငံ၏ တိုက်ခိုက်မှုအတွင်း ပျက်စီးသွားခဲ့ကြောင်း အတွင်းသိအရင်းအမြစ်တစ်ခု၏ ပြောကြားချက်ကိုကိုးကား၍ Financial Times သတင်းဌာနက  ဧပြီလ ၁  ရက်တွင် ဖော်ပြသည်။အီရန်နိုင်ငံ၏တိုက်ခိုက်မှုကြောင့် နိုင်ငံအတွင်းရှိကုမ္ပဏီတစ်ခု၏ အဆောက်အအုံတွင် မီးလောင်ကျွမ်းမှုဖြစ်ပွားခဲ့ပြီး အဆိုပါမီးလောင်မှုကို အရပ်ဘက်ကာကွယ်ရေး တပ်ဖွဲ့ဝင်များက  ငြှိမ်းသတ်လျက်ရှိကြောင်း ဘာရိန်းပြည်ထဲရေး ဝန်ကြီးဌာနက အစောပိုင်းတွင် ထုတ်ပြန်ခဲ့သော်လည်း တိုက်ခိုက်ခံရသည့် အဆိုပါကုမ္ပဏီအမည်ကိုသော် လည်းကောင်း၊ ပျက်စီးမှုအတိုင်းအတာကိုသော် လည်းကောင်း ဖော်ပြခဲ့ခြင်းမရှိပေ။ထို့ပြင် Amazon ကုမ္ပဏီအနေဖြင့်လည်း တိုက်ခိုက်မှုနှင့် စပ်လျဉ်း၍ မှတ်ချက်ပေးရန် ငြင်းဆိုခဲ့ကြောင်း အဆိုပါသတင်းတွင် ဆက်လက်ဖော်ပြထားသည်။ယခုဖြစ်ပွားသည့်တိုက်ခိုက်မှုသည် အမေရိကန်၊ အစ္စရေးနှင့် အီရန်တို့ကြားဖြစ်ပွားနေသော ပဋိပက္ခများသည် ပင်လယ်ကွေ့ဒေသရှိ စီးပွားရေးလုပ်ငန်းဆိုင်ရာ နည်းပညာအခြေခံ အဆောက်အအုံများထံသို့ ကူးစက်လာနေသည်ကို ပြသလျက်ရှိသည်။ ယခုဖြစ်စဉ်သည် အမေရိကန်နည်းပညာ ကုမ္ပဏီကြီးများဖြစ်ကြသည့် Amazon၊ Microsoft၊ Google နှင့် Apple တို့ကို အရှေ့အလယ်ပိုင်းဒေသ အတွင်း၌ အဓိကပစ်မှတ်ထား တိုက်ခိုက်မည်ဟု အီရန်အစ္စလာမ်မစ်တော်လှန်ရေး အစောင့်တပ်ဖွဲ့က  ခြိမ်းခြောက်ခဲ့ပြီးနောက်ပိုင်းတွင် ဖြစ်ပွားခဲ့ခြင်းဖြစ်သည်။ ယခုဖြစ်ပွားခဲ့သည့်တိုက်ခိုက်မှုသည် ခေတ်သစ်စစ်ပွဲများပြောင်းလဲဖြစ်ပေါ်လာပုံနှင့် ပတ်သက်၍ အပြောင်းအလဲတစ်ခု ဖြစ်လာနိုင်သည်ဟူသော အရိပ်အမြွက်တစ်ခုအဖြစ် ထွက်ပေါ်လာခဲ့သည်ကားအမှန်ပင်ဖြစ်သည်။ ယခင်ကကဲ့သို့ ရေနံနှင့်စွမ်းအင်ဆိုင်ရာ အခြေခံအဆောက်အအုံများနှင့်    သင်္ဘောလမ်းကြောင်းများကဲ့သို့သော သမားရိုးကျပစ်မှတ်များကိုသာမကဘဲ ယခုအခါတွင်မူ ကမ္ဘာလုံးဆိုင်ရာ ဝန်ဆောင်မှုလုပ်ငန်းများ၏ အခြေခံကျောရိုးဖြစ်သည့် ဒစ်ဂျစ်တယ်စနစ်များအား ပစ်မှတ်ထားလာခြင်းဖြစ်သည်ဟုလည်း ဆိုနိုင်သည်။Amazon ၏ ဝက်ဆိုက်ဝန်ဆောင်မှု အချက်အလက်စင်တာသည် အရှေ့အလယ်ပိုင်းဒေသအတွက် ၎င်းတို့၏ ပထမဆုံး Cloud Region ကို ၂၀၁၉ ခုနှစ် ဇူလိုင်လတွင် ဘာရိန်းနိုင်ငံ၌ စတင်ဖွင့်လှစ်ခဲ့ခြင်းဖြစ်ပြီး ဒေသတွင်းရှိ Cloud အခြေခံအဆောက်အအုံကို အသုံးပြုလိုသူများအတွက် ပိုမိုမြန်ဆန်သော ဆက်သွယ်မှုစနစ်ကို ပံ့ပိုးပေးလျက်ရှိသည်။တစ်နည်းအားဖြင့် အီရန်က   ယခုပစ်မှတ်ထားတိုက်ခိုက်ခဲ့သည့်   ဘာရိန်းနိုင်ငံရှိ အဆိုပါ အချက် အလက်စင်တာသည် ဒေသတွင်းစီးပွားရေး လုပ်ငန်းများနှင့်   အစိုးရဌာနဆိုင်ရာဝန်ဆောင်မှုများကို ပိုမိုမြန်ဆန်သော ဆက်သွယ်မှု ပေးစွမ်းနိုင်ရန်၊ အရန်စနစ်များအပြည့်အဝရှိစေရန် အထောက်အကူပြုလျက်ရှိသည့်အပြင် ဒေသတွင်းရှိဘဏ်လုပ်ငန်းစနစ်များ၊ လေကြောင်းကွန်ရက်များ၊ ထောက်ပံ့ပို့ဆောင်ရေး ပလက်ဖောင်းများနှင့် အစိုးရအဖွဲ့များ၏ လုပ်ငန်းစဉ်များအပါအဝင် ဝန်ဆောင်မှုအမျိုးမျိုးကို ပံ့ပိုးပေးနိုင်ရန် ရည်ရွယ်၍ တည်ဆောက်ထားသည့် ဒေသတွင်း Cloud ဝန်ဆောင်မှုကွန်ရက်၏ အစိတ်အပိုင်းတစ်ခုဖြစ်သောကြောင့် အရှေ့အလယ်ပိုင်းဒေသ အတွက်အလွန်အရေးပါသည့်  ကွန်ရက်တစ်ခုလည်းဖြစ်သည်။ထို့ကြောင့်  အီရန်၏ ယခုလုပ်ဆောင်ခဲ့သည့် တိုက်ခိုက်မှုဖြစ်စဉ်သည် ဆိုက်ဘာစစ်ဆင်ရေးနှင့် ရုပ်ပိုင်းဆိုင်ရာစစ်ဆင်ရေးတို့ အကြား ပိုမိုထပ်တူဖြစ်ပွားလာနေသည့် အခြေအနေကို အထင်အရှား ပြသလျက်ရှိသည်။ လက်နက်ကိုင်ပဋိပက္ခတွင်  ပါဝင်လျက်ရှိသည့် ပြိုင်ဘက်နိုင်ငံများက အခြားတစ်နိုင်ငံ၏ အခြေခံ အဆောက်အအုံများအပေါ် ဆိုက်ဘာတိုက်ခိုက်မှုများအား ကျယ်ပြန့်စွာ လုပ်ဆောင်ခဲ့ကြသော်လည်း ယခုကဲ့သို့ အရေးပါလှသည့် အချက်အလက်စင်တာများကဲ့သို့သော အခြေခံအဆောက်အအုံများအပေါ် တိုက်ခိုက်မှုလုပ်ဆောင်ခြင်းမှာ ဖြစ်ခေါင့်ဖြစ်ခဲ အခြေအနေတွင်သာရှိနေသေးခြင်းကြောင့် လက်ရှိအခြေအနေမှာ ဒေသတွင်းနိုင်ငံများအတွက် အထူးသဖြင့် စိုးရိမ်ဖွယ်ကောင်းလှသည်။အီရန်နှင့် အမေရိကန်၊ အစ္စရေးနိုင်ငံတို့အကြား တင်းမာမှုများကိုလျှော့ချရန် သံတမန်ရေးရာကြိုးပမ်းမှုများမှာ ဆက်လက်ရှိနေသော်လည်း လက်ရှိအနေအထားမှာ   ရှင်းရှင်းလင်းလင်းမရှိသေးဘဲ ခြိမ်းခြောက်မှုများနှင့် လက်တုံ့ပြန်မှုများ ဆက်လက်ဖြစ်ပွားနေခြင်းကြောင့် မျက်မှောက်ကာလတွင် အရှေ့အလယ်ပိုင်းဒေသအတွင်း၌ ဖြစ်ပွားနေသည့် တိုက်ခိုက်မှုများသည် ခေတ်သစ်စစ်ပွဲအတွင်း ပြောင်းလဲဖြစ်ပေါ်လာနေသည့်အခြေအနေများကို  ထင်ဟပ်လာနေခြင်းဖြစ်ကြောင်း  ရေးသားဖော်ပြလိုက်ရပါသည်။MWD
Fri, 3-Apr-2026
အီရန်က စစ်ရေးအစီအစဉ်များအတွက် အမေရိကန် ဒေါ်လာ ၁ ထရီလီယံနီးပါး အသုံးပြုခဲ့ဟု နေတန်ယာဟုပြော
အီရန်က စစ်ရေးအစီအစဉ်များအတွက် အမေရိကန် ဒေါ်လာ ၁ ထရီလီယံနီးပါး အသုံးပြုခဲ့ဟု နေတန်ယာဟုပြော
     အီရန်နိုင်ငံသည်   ၎င်းတို့၏ စစ်ရေးဆိုင်ရာ အစီအစဉ်များအတွက် အမေရိကန်ဒေါ်လာ ၁  ထရီလီယံနီးပါး အသုံးပြုခဲ့ကြောင်း အစ္စရေးဝန်ကြီးချုပ် ဘင်ဂျမင်နေတန်ယာဟုက ပြောကြားသည်။အီရန်အစိုးရသည် အစ္စရေးကို ဖျက်ဆီးရန်၊ အရှေ့အလယ်ပိုင်းဒေသကို သိမ်းပိုက်ရန်နှင့် တစ်ကမ္ဘာလုံးကိုခြိမ်းခြောက်ရန် တမင်စီစဉ်လျက်ရှိကြောင်း နေတန်ယာဟုက အစ္စရေးရုပ်သံမှတစ်ဆင့် တစ်နိုင်ငံလုံးသို့ ပြောကြားသည့် မိန့်ခွန်းတွင်ပြောကြားသည်။ ထို့ပြင် အီရန်နိုင်ငံသည် ၎င်းအပေါ်ချမှတ်ထားသည့် ပြင်းထန်သော ပိတ်ဆို့အရေးယူမှုများကို ရှောင်ရှားပြီး ၎င်းတို့၏  နျူကလီးယားနှင့် ဒုံးကျည်အစီအစဉ်များ ဖွံ့ဖြိုးတိုးတက်စေရန်အတွက် ငွေကြေးအရင်းအမြစ်မြောက်မြားစွာကို အသုံးပြုခဲ့ခြင်းဖြစ်ကြောင်း ၎င်းကဆက်လက် ပြောကြားသည်။အီရန်နိုင်ငံသည် နှစ်ပေါင်းများစွာအတွင်း ၎င်းတို့၏ စစ်ရေးအစီအစဉ်များအတွက် အမေရိကန် ဒေါ်လာ ၁ ထရီလီယံနီးပါး အသုံးပြုခဲ့သော်လည်း အဆိုပါငွေကြေးများသည် ယခုအခါ အလဟဿ ဖြစ်သွားခဲ့ပြီ ဖြစ်ကြောင်း နေတန်ယာဟုက ထပ်လောင်း ပြောကြားခဲ့ကြောင်း သိရသည်။MWD
Thu, 2-Apr-2026
အမေရိကန်သမ္မတ ဒေါ်နယ်ထရမ့်က အီရန်အပေါ်ဆင်နွှဲနေသည့် စစ်ဆင်ရေးများကို လာမည့် နှစ်ပတ်မှ သုံးပတ်အတွင်း အဆုံးသတ် နိုင်မည်ဟု ပြောကြားခဲ့သော်လည်း ဟော်မုဇ်ရေလက်ကြားအတွင်း သင်္ဘောများ ပုံမှန်ပြန်လည်ဝင်ရောက်သွားလာနိုင်ရန်မှာမူ ထိုထက် များစွာပိုမိုကြာမြင့်နိုင်ကြောင်း သိရှိရသည်။ စစ်ပွဲပြီးဆုံးတော့မည်ဟူသော မျှော်လင့်ချက်များကြောင့် ကမ္ဘာ့ရှယ်ယာ ဈေးကွက်များ ပြန်လည်ဦးမော့လာသော်လည်း တိုက်ပွဲများရပ်တန့်၍ ရေနံစိမ်းဈေးနှုန်းများ ကျဆင်းသွားသည့်တိုင် လက်လီဓာတ်ဆီ ဈေးနှုန်း များ ပြန်လည်လျော့ကျရန်နှင့် မဟာဗျူဟာမြောက် ရေလမ်းကြောင
ဟော်မုဇ်ရေလက်ကြား ပြန်လည်ဖွင့်လှစ်ရေးမှာ ထရမ့် ခန့်မှန်းထားသည်ထက် ပိုမိုကြာမြင့်နိုင်
အမေရိကန်သမ္မတ ဒေါ်နယ်ထရမ့်က အီရန်အပေါ်ဆင်နွှဲနေသည့် စစ်ဆင်ရေးများကို လာမည့် နှစ်ပတ်မှ သုံးပတ်အတွင်း အဆုံးသတ်နိုင်မည်ဟု ပြောကြားခဲ့သော်လည်း ဟော်မုဇ်ရေလက်ကြားအတွင်း သင်္ဘောများ ပုံမှန်ပြန်လည်ဝင်ရောက်သွားလာနိုင်ရန်မှာမူ ထိုထက်များစွာပိုမိုကြာမြင့်နိုင်ကြောင်း သိရှိရသည်။စစ်ပွဲပြီးဆုံးတော့မည်ဟူသော မျှော်လင့်ချက်များကြောင့် ကမ္ဘာ့ရှယ်ယာ ဈေးကွက်များ ပြန်လည်ဦးမော့လာသော်လည်း တိုက်ပွဲများရပ်တန့်၍ ရေနံစိမ်းဈေးနှုန်းများ ကျဆင်းသွားသည့်တိုင် လက်လီဓာတ်ဆီ ဈေးနှုန်းများ ပြန်လည်လျော့ကျရန်နှင့် မဟာဗျူဟာမြောက် ရေလမ်းကြောင်း၌ သင်္ဘောသွားလာမှု ပြန်လည်တည်ငြိမ်ရန်မှာ အချိန်ယူရဦးမည် ဖြစ်သည်။စစ်ဘေးအန္တရာယ်အတွက် ပေးဆောင်ရသည့် ပရီမီယံကြေးများကြောင့် သင်္ဘောအာမခံကြေးများမှာ အလွန်မြင့်မားနေဆဲဖြစ်ပြီး ရေကြောင်း လုပ်သားများအနေဖြင့်လည်း သင်္ဘောသားအချို့ အသက်ဆုံးရှုံးခဲ့ရသည့် စစ်ပွဲကို ကိုယ်တိုင်ကြုံတွေ့ခဲ့ရသဖြင့် အဆိုပါလမ်းကြောင်း၌ ခရီးနှင်ရန် ဝန်လေးလျက်ရှိကြသည်။"သင်္ဘောသားတွေဟာ ကုန်သွယ်ရေးရဲ့ ကျောရိုးဖြစ်ပါတယ်" ဟု ကမ္ဘာ့ ဒုတိယအကြီးဆုံး သင်္ဘောစီမံခန့်ခွဲမှုကုမ္ပဏီ Fleet Management Ltd ကို ကြီးကြပ်နေသည့် ဟောင်ကောင်အခြေစိုက် Caravel Group ၏ စီးအီးအို Angad Banga က ပြောကြားခဲ့သည်။ ၎င်းက ဆက်လက်၍ "အခုလို ဖြစ်ရပ်မျိုး ဖြစ်ပွားပြီးတဲ့နောက်မှာ နောက်ဆက်တွဲ သက်ရောက်မှုတွေ ရှိလာမှာဖြစ်သလို သင်္ဘောသားတွေကို အဲ့ဒီလမ်းကြောင်းကို ပြန်သွားဖို့ စည်းရုံးရတာက ထောက်ပံ့ပို့ဆောင်ရေး ကွင်းဆက်အတွက် စိန်ခေါ်မှုတွေ ဆက်ပြီး ဖြစ်ပေါ်စေမှာပါ" ဟု သုံးသပ်ခဲ့သည်။သင်္ဘောလုပ်ငန်းကဏ္ဍသည် ထုတ်ကုန်ပစ္စည်းအားလုံး၏ ၉၀ ရာခိုင်နှုန်း ကို သယ်ယူပို့ဆောင်ပေးနေခြင်းကြောင့် သင်္ဘောသားများသည် ကမ္ဘာ့ ကုန်သွယ်ရေးအတွက် အရေးပါသော အခန်းကဏ္ဍတွင် ရှိနေကြသည်။အီရန်နိုင်ငံ၏ ရွေးချယ်ပိတ်ဆို့မှုများကြောင့် အရှေ့အလယ်ပိုင်းတွင် ပြေးဆွဲနေသည့် သင်္ဘောထောင်ပေါင်းများစွာအပေါ် သက်ရောက်မှုရှိခဲ့သည်။ လက်ရှိတွင် အဆိုပါရေပြင်၌ ရေမိုင်းများနှင့် ဖောက်ခွဲရေးဒရုန်းများ၏ အန္တရာယ်ရှိနေနိုင်သဖြင့် ကုန်သွယ်ရေးသင်္ဘောများအတွက် စိုးရိမ်ဖွယ်ရာ ဖြစ်နေသည်။ ယခုလအစောပိုင်းတွင် ထိုင်းကုန်တင် သင်္ဘော Mayuree Naree သည် ပစ်ခတ်တိုက်ခိုက်ခံရမှုကြောင့် မီးလောင်ကျွမ်းခဲ့ပြီး သင်္ဘောသားများစွန့်ခွာခဲ့ရသည့်ဖြစ်ရပ်က အန္တရာယ်ကြီးမားမှုကို သက်သေပြနေသည်။ ကယ်ဆယ်ရရှိသည့် သင်္ဘောသားအချို့ ထိုင်းနိုင်ငံသို့ ပြန်လည်ရောက်ရှိသွားသော်လည်း ၃ ဦးမှာမူ ပျောက်ဆုံးနေဆဲ ဖြစ်သည်။စစ်ပွဲစတင်ချိန်မှစ၍ အနည်းဆုံး သင်္ဘောသား ၇ ဦး သေဆုံးခဲ့ပြီး အီရန် အနီးတွင် တိုက်ခိုက်ခံရသည့် သင်္ဘောအရေအတွက်မှာ ၁၂ စီးထက် မနည်း ရှိခဲ့ပြီဖြစ်သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
အီရန်၏ ဒူဘိုင်းတိုက်ခိုက်မှုသည် ဇီလန်စကီးအတွက် သတိပေး ခေါင်းလောင်းဖြစ်ကြောင်း ကျွမ်းကျင်သူများ သုံးသပ်
အီရန်၏ ဒူဘိုင်းတိုက်ခိုက်မှုသည် ဇီလန်စကီးအတွက် သတိပေး ခေါင်းလောင်းဖြစ်ကြောင်း ကျွမ်းကျင်သူများ သုံးသပ်
အီရန်တော်လှန်ရေးအစောင့်တပ် (IRGC) ၏ ဒူဘိုင်းရှိ အမေရိကန် စစ်ဘက်ဆိုင်ရာနေရာများကို ပစ်မှတ်ထားတိုက်ခိုက်မှုအတွင်း ယူကရိန်း၏ ဒရုန်းကာကွယ်ရေးစနစ် သိုလှောင်ရုံတစ်ခု ပျက်စီးသွားခဲ့ခြင်းသည် ဇီလန်စကီးအတွက် "ပါးကို ပြင်းထန်စွာရိုက်ခံရသကဲ့သို့" တုံ့ပြန်မှုဖြစ်စေကြောင်း အရှေ့အလယ်ပိုင်းအရေး ကျွမ်းကျင်သူတစ်ဦးက RT သတင်းဌာနသို့ ပြောကြားခဲ့သည်။ ရုရှားဘဏ္ဍာရေးတက္ကသိုလ်မှ ကျွမ်းကျင်သူ Farhad Ibragimov က အဆိုပါတိုက်ခိုက်မှုသည် အစပျိုးသတိပေးချက်မျှသာဖြစ်ပြီး အကယ်၍ ယူကရိန်းသည် အီရန်အားဆန့်ကျင်သည့် အမေရိကန်-အစ္စရေး ပဋိပက္ခ တွင် ဆက်လက်ပါဝင်ပတ်သက်နေပါက ယူကရိန်း၏ ပိုင်ဆိုင်မှုများအားလုံးကို တရားဝင်ပစ်မှတ်များအဖြစ် သတ်မှတ်သွားမည်ဖြစ်ကြောင်း တယ်ဟီရန်ဘက်က ပြတ်ပြတ်သားသား အချက်ပြလိုက်ခြင်းဖြစ်သည် ဟု သုံးသပ်ထားသည်။ သို့သော် ယူကရိန်းဘက်ကမူ ၎င်းတို့၏ သိုလှောင်ရုံ တိုက်ခိုက်ခံရသည်ဆိုခြင်းကို ငြင်းဆိုထားသည်။ယူကရိန်းသမ္မတ ဇီလန်စကီးသည် ပြီးခဲ့သည့်သီတင်းပတ်အတွင်းက ယူအေအီး၊ ကာတာနှင့် ဆော်ဒီအာရေဗျနိုင်ငံတို့နှင့် စစ်ရေးဆိုင်ရာ သဘောတူညီချက်များ လက်မှတ်ရေးထိုးခဲ့ကာ အမေရိကန်၏ တောင်းဆိုချက်အရ ဒရုန်းကာကွယ်ရေးကျွမ်းကျင်သူ ၂၀၀ ကျော်ကိုလည်း အရှေ့ အလယ်ပိုင်းဒေသသို့ စေလွှတ်ဖြန့်ကြက်ထားပြီး ဖြစ်သည်။ အဆိုပါ လုပ်ရပ်များအပေါ် အီရန်နိုင်ငံခြားရေးဝန်ကြီးဌာနက ပြင်းထန်စွာ ဝေဖန်ခဲ့ပြီး ယူကရိန်းနှင့် ပူးပေါင်းဆောင်ရွက်ခြင်းသည် အရှေ့အလယ်ပိုင်း နိုင်ငံများအတွက် "ဘေးဒုက္ခဖြစ်စေမည့် မှားယွင်းသောတွက်ချက်မှု" ဖြစ်လာနိုင်ကြောင်း သတိပေးခဲ့သည်။ တစ်ဖက်တွင်လည်း ရုရှားသမ္မတဟောင်း ဒမီထရီ မက်ဗီဒက်ဗ်က ဇီလန်စကီး၏ အရှေ့အလယ်ပိုင်းခရီးစဉ်များကို လက်တွေ့မကျသော လှုပ်ရှားမှုအဖြစ် လှောင်ပြောင်ရှုံ့ချခဲ့သည်။ ကျွမ်းကျင်သူ Ibragimov ကမူ အီရန်သည် ဇီလန်စကီးအစိုးရအပေါ် ယဉ်ကျေးပျူငှာစွာ ဆက်ဆံတော့မည်မဟုတ်ဘဲ ၎င်းတို့နားလည်နိုင်မည့် လက်တွေ့လုပ်ရပ်များဖြင့်သာ တုံ့ပြန်သွားမည်ဖြစ်ကာ အခြေအနေများပိုမိုဆိုးရွားလာပါက အီရန် အနေဖြင့် ကိယက်ဗ်အစိုးရအဖွဲ့ကို စစ်ကြေညာရန်အထိ အသင့်ရှိနေကြောင်း သုံးသပ်တင်ပြထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
© Copyright 2024 SAC All Rights Reserved.