တနင်္သာရီတိုင်းဒေသကြီး ဝန်ကြီးချုပ်ဖလား မြို့နယ်ပေါင်းစုံ အမျိုးသား/အမျိုးသမီး လက်ဝှေ့ပြိုင်ပွဲ ဗိုလ်လုပွဲနှင့် ဆုချီးမြှင့်ပွဲကျင်းပ

NoahJune222

News Image

  • တနင်္သာရီတိုင်းဒေသကြီး ဝန်ကြီးချုပ်ဖလား မြို့နယ်ပေါင်းစုံ အမျိုးသား/အမျိုးသမီး လက်ဝှေ့ပြိုင်ပွဲ ဗိုလ်လုပွဲနှင့် ဆုချီးမြှင့်ပွဲကျင်းပ

ထားဝယ်     နိုဝင်ဘာ ၂၆

တနင်္သာရီတိုင်းဒေသကြီး ဝန်ကြီးချုပ် ဖလား  မြို့နယ်ပေါင်းစုံအမျိုးသား/အမျိုးသမီးလက်ဝှေ့ပြိုင်ပွဲ ဗိုလ်လုပွဲနှင့် ဆုချီးမြှင့်ပွဲကိုယနေ့ ညနေ ၃ နာရီတွင် ထားဝယ်မြို့ရွှေဝယ်သီရိ မိုးလုံလေလုံအားကစား ခန်းမ၌ကျင်းပသည်။

ဦးစွာဗိုလ်လုပွဲသို့ တက်ရောက်လာသည့် အမျိုးသား/အမျိုးသမီးများ၏ ကီလိုတန်းအလိုက် အကြိတ်အနယ် လက်ဝှေ့ယှဉ်ပြိုင် ကစားနေမှုကို တိုင်းဒေသကြီးဝန်ကြီးချုပ်ဦးမြတ်ကိုနှင့် တာဝန်ရှိသူများ၊ အားကစားသမားများနှင့် အားကစားဝါသနာရှင်များက  ကြည့်ရှုအားပေးကြသည်။

ထို့နောက် ဆုချီးမြှင့်ပွဲကို ဆက်လက်ကျင်းပရာ     တိုင်းဒေသကြီးဥပဒေချုပ် ဦးအုန်းသန်းက ပြိုင်ပွဲတစ်လျှောက် ကူညီဆောင်ရွက်ပေးသော ကြက်ခြေနီတပ်ဖွဲ့ကိုဂုဏ်ပြုဆုချီးမြှင့်ပြီး အမျိုးသမီးအကောင်းဆုံးအားကစားသမားဆုရရှိသည့် မြိတ်မြို့နယ်မှ မပန်းဆုပြည့်နှင့် အမျိုးသားအကောင်းဆုံး အားကစားသမားဆုရရှိသည့် ထားဝယ်မြို့နယ်မှ မောင်လွင်မျိုးသန့်တို့ကို ဆုများပေးအပ်ချီးမြှင့်ကာ တိုင်းဒေသကြီး လက်ဝှေ့ဆပ်ကော်မတီဥက္ကဋ္ဌ ဦးအောင်နိုင်က ဂုဏ်ပြုဆုငွေ နှစ်သိန်းစီ ပေးအပ်ချီးမြှင့်သည်။

ယင်းနောက်   တိုင်းဒေသကြီးဝန်ကြီးများက ၄၀ ကီလိုတန်းအမျိုးသားပြိုင်ပွဲတွင် ပထမ၊ ဒုတိယ၊ ပူးတွဲတတိယ ဆုရရှိကြသူများ၊ ၅၂ ကီလိုတန်းပြိုင်ပွဲတွင် ပထမ၊ ဒုတိယ၊ ပူးတွဲတတိယဆု ရရှိသူများ၊ ၅၆ကီလိုတန်း အမျိုးသားပြိုင်ပွဲတွင် ပထမ၊ ဒုတိယ၊  ပူးတွဲတတိယဆု ရရှိကြသူများ၊ ၄၈ ကီလိုတန်းအမျိုးသမီးပြိုင်ပွဲတွင် ပထမ၊ဒုတိယ၊  ပူးတွဲတတိယဆု ရရှိကြသူများ၊ ၅၁ ကီလိုတန်း   အမျိုးသမီးပြိုင်ပွဲတွင် ပထမ၊ ဒုတိယ၊  တတိယဆုရရှိကြသူများကို တစ်ဦးချင်းဆု နှင့်ငွေသားဆုများပေးအပ်ချီးမြှင့်ပြီး တိုင်းဒေသကြီး တရားလွှတ်တော် တရားသူကြီးချုပ် ဒေါ်ပိုက်ပိုက်အေးက ၅၇ ကီလိုတန်းအမျိုးသမီးပြိုင်ပွဲတွင် ပထမ၊ ဒုတိယ ၊ တတိယဆုရရှိသူများကို တစ်ဦးချင်းဆုနှင့် ငွေသားဆုများ ပေးအပ်ချီးမြှင့်သည်။

ထို့နောက်တိုင်းဒေသကြီး ဝန်ကြီးချုပ်က  အမျိုးသားပြိုင်ပွဲတွင် ရွှေလေးခု၊ ငွေတစ်ခုရရှိသည့် ထားဝယ်မြို့နယ်နှင့် အမျိုးသမီးပြိုင်ပွဲတွင် ရွှေနှစ်ခု၊ ငွေတစ်ခု ၊ ကြေးတစ်ခုရရှိသည့်မြိတ်မြို့နယ် တို့ကို တံခွန်စိုက် ဆုဖလားပေးအပ်ချီးမြှင့်ပြီး တိုင်းဒေသကြီး လက်ဝှေ့ ဆပ်ကော်မတီဥက္ကဋ္ဌ ဦးအောင်နိုင်က ဂုဏ်ပြု ဆုငွေကျပ်ငါးသိန်းစီ ပေးအပ်ချီးမြှင့်ခဲ့ကြောင်း သိရသည်။  

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

၂၀၂၇ အာရှဖလား တတိယအဆင့်ပွဲတွင် မြန်မာအသင်း ပါကစ္စတန်အသင်းကို အနိုင်ရ
၂၀၂၇ အာရှဖလား တတိယအဆင့်ပွဲတွင် မြန်မာအသင်း ပါကစ္စတန်အသင်းကို အနိုင်ရ
၂၀၂၇ အာရှဖလား တတိယအဆင့်ခြေစစ်ပွဲ အုပ်စုနောက်ဆုံးပွဲအဖြစ် ပါကစ္စတန်နိုင်ငံ၊ အစ္စလာမ်မာဘတ်မြို့ရှိ ဂျန်နင်အားကစားကွင်း၌ ပါကစ္စတန်အသင်းနှင့် မြန်မာအသင်းတို့ ယှဉ်ပြိုင်ကစားခဲ့ရာ မြန်မာအသင်းသည် အဝေးကွင်း၌ ၂ ဂိုး ၁ ဂိုး ဖြင့် အနိုင်ရရှိခဲ့သည်။ပထမပိုင်းတွင် မြန်မာအသင်းသည် ဘောလုံးပိုင်ဆိုင်မှု အားသာစီးကစားနိုင်ခဲ့သော်လည်း ပါကစ္စတန်အသင်း၏ နောက်တန်းခံစစ်ကို ထိုးဖောက်နိုင်ခြင်းမရှိသဖြင့် ဦးဆောင်ဂိုးတစ်ဂိုးဖြင့် အပိုင်းပြီးဆုံးခဲ့သည်။ ပါကစ္စတန်အသင်းသည် လူငယ်ကစားသမားများဖြင့် ယှဉ်ပြိုင်ကစားခဲ့ကာ အတက်အဆင်းမြန်မြန်၊ ခပ်သွက်သွက်နေစွာ မြန်မာအသင်းကို အကောင်းဆုံးပြိုင်ဆိုင်ခဲ့သည်။ဒုတိယပိုင်းတွင် ပါကစ္စတန်အသင်း၏ အိမ်ကွင်းတွင် အားပြိုင်ပြီး လူစားလဲမှုများပြုလုပ်ခဲ့သော်လည်း၊ မိနစ် ၄၆ တွင် မြန်မာအသင်း ဦးဆောင်ဂိုးတစ်ဂိုးရရှိနိုင်ခဲ့သည်။ ဆက်လက်ယှဉ်ပြိုင်မှုအတွင်း မိနစ် ၅၉ တွင် လွင်မိုးအောင်၏ ပေးပို့မှုမှ သန်းပိုင်က ပိတ်သွင်းပြီး ဒုတိယဂိုး ထပ်မံသွင်းနိုင်ခဲ့သည်။ ပါကစ္စတန်အသင်းမှ ချေပဂိုးတစ်ဂိုးပြန်သွင်းနိုင်သော်လည်း၊ အပြီးတွင် မြန်မာအသင်း ၂ ဂိုး ၁ ဂိုး ဖြင့် အနိုင်ရရှိခဲ့သည်။ယခုအနိုင်သည် မြန်မာအသင်းအတွက် အဝေးကွင်းနှင့် အိမ်ကွင်းနှစ်ပေါင်းစပ် အနိုင်အဖြစ်မှတ်တမ်းတင်နိုင်ခဲ့ပြီး အနာဂတ် အဆင့်မြင့်ပွဲများတွင် အားဖြည့်ရန် အားပေးမှု အားကောင်းစွာဖြစ်သည်။(သတင်းအရင်းအမြစ် - ဝန်းရံခ)MWD
Wed, 1-Apr-2026
ဘိုင်ယန်မြူးနစ်အသင်း၊ နူအာနှင့် သက်တမ်းတိုးစာချုပ် ဆွေးနွေးမှု ရပ်ဆိုင်း
ဘိုင်ယန်မြူးနစ်အသင်း၊ နူအာနှင့် သက်တမ်းတိုးစာချုပ် ဆွေးနွေးမှု ရပ်ဆိုင်း
မတ်လ ၃၁ ရက်၊ ဘိုင်ယန်မြူးနစ်အသင်းက ဝါရင့်ဂိုးသမား နူအာနှင့် သက်တမ်းတိုးစာချုပ်ချုပ်ဆိုရန် ဆွေးနွေးမှုများကို ရပ်ဆိုင်းခဲ့ကြောင်း သိရသည်။အသက် ၄၀ အရွယ် နူအာသည် ပရော်ဖက်ရှင်နယ် ကစားသမားဘဝကို ၂၀၀၅ ခုနှစ်တွင် ရှော်လ်ကေးအသင်းနှင့် စတင်ခဲ့ပြီး ၂၀၁၁ ခုနှစ်တွင် ဘိုင်ယန်မြူးနစ်သို့ ပြောင်းရွှေ့ကစားခဲ့သည်။ ဘိုင်ယန်မြူးနစ်၌ နှစ်ပေါင်းအတန်ကြာ အဓိကဂိုးသမားအဖြစ် ရပ်တည်နိုင်ခဲ့သူဖြစ်သည်။ဂိုးသမား နူအာသည် နှစ်အတန်ကြာ အဓိကပွဲထွက်ဂိုးသမားအဖြစ် ပါဝင်ခဲ့သော်လည်း နောက်ပိုင်းနှစ်များတွင် ဒဏ်ရာပြဿနာများကြောင့် ပွဲထွက်ကစားခွင့်နည်းပါးလာခဲ့သည်။အသင်းနှင့် နူအာတို့၏ သက်တမ်းစာချုပ်သည် ယခုဘောလုံးရာသီအကုန်တွင် ကုန်ဆုံးမည်ဖြစ်ပြီး၊ သက်တမ်းတိုးစာချုပ်ဆွေးနွေးမှုများကို နူအာ၏ ခြေထောက်ကြွက်သားဒဏ်ရာကြောင့် ရပ်ဆိုင်းထားသည်။ နူအာကလည်း စောင့်ဆိုင်းမှုများ လုပ်ဆောင်လိုနေသည့်အတွက် သက်တမ်းတိုးစာချုပ်ဆွေးနွေးမှုကို အချိန်နောက်ဆုတ်ထားခြင်းဖြစ်သည်။လာမည့်ရာသီတွင် ကျန်းမာပြီး ကြံ့ခိုင်မှုအပြည့်ဖြင့် ကစားနိုင်မည်မဟုတ်ပါက နူအာသည် အသင်းနှင့် သက်တမ်းတိုးစာချုပ်မချုပ်ဘဲ ပရော်ဖက်ရှင်နယ်ကစားသမားဘဝမှ အနားယူနိုင်မည်ဖြစ်သည်။နူအာသည် ဘိုင်ယန်မြူးနစ်နှင့် ပွဲစုံပွဲပေါင်း ၅၉၀ အထိကစားပြီး အသင်း၌ ပွဲအများဆုံးကစားသမားအဖြစ် ရပ်တည်နေကြောင်း၊ ချန်ပီယံလိဂ်ဖလားအပါအဝင် ဆုဖလားများစွာ ဆွတ်ခူးနိုင်ခဲ့ပြီး အသင်း၌ ဆုဖလားအများဆုံးရရှိသည့် ကစားသမားအဖြစ်မှတ်တမ်းတင်ထားကြောင်း သိရသည်။Ref: BildMWD
Wed, 1-Apr-2026
ရာဖင်ဟာ ဒဏ်ရာကြောင့် ဘာစီလိုနာအသင်း အတွက် နစ်နာကြေးယူရမည်
ရာဖင်ဟာ ဒဏ်ရာကြောင့် ဘာစီလိုနာအသင်း အတွက် နစ်နာကြေးယူရမည်
မတ်လ ၃၁ ရက်၊ ဘာစီလိုနာအသင်းက တိုက်စစ်ကစားသမား ရာဖင်ဟာ၏ တံကောက်ကြောဒဏ်ရာကြောင့် ကမ္ဘာ့ဘောလုံးအဖွဲ့ချုပ် (ဖီဖာ) ထံမှ နစ်နာကြေး ယူရို ၁၄၄၀၀၀ ရရှိမည်ဖြစ်ကြောင်း သိရသည်။ရာဖင်ဟာသည် လက်ရှိနိုင်ငံတကာပွဲစဉ်ကာလအတွင်း ဘရာဇီးအသင်းနှင့်အတူ နိုင်ငံတကာခြေစမ်းပွဲစဉ်များတွင် ပါဝင်ကစားစဉ် တံကောက်ကြောဒဏ်ရာရရှိခဲ့ပြီး တစ်လခန့်အနားယူရမည်ဖြစ်သည်။ ထို့ကြောင့် ဘာစီလိုနာအသင်းအနေဖြင့် ဖီဖာထံမှ နစ်နာကြေးရရှိမည်ဖြစ်သည်။ကမ္ဘာ့ဘောလုံးအဖွဲ့ချုပ် (ဖီဖာ) သတ်မှတ်ချက်အရ နိုင်ငံတကာပွဲစဉ်အတွက် လက်ရွေးစင်အသင်းများထံ လာကစားသည့် ကစားသမားများ ဒဏ်ရာရရှိပါက သက်ဆိုင်ရာကလပ်အသင်းများအတွက် နစ်နာကြေး ပေးအပ်ရန် လိုအပ်သည်။ ယခုအခါ ရာဖင်ဟာသည် တံကောက်ကြောဒဏ်ရာကြောင့် တစ်လခန့်အနားယူရမည်ဖြစ်ပြီး တစ်နေ့လျှင် ယူရို ၂၀၅၀၀ အဖြစ် ငွေချေးအပ်ခံရမည်ဖြစ်သည်။ရာဖင်ဟာသည် တံကောက်ကြောဒဏ်ရာကြောင့် လာမည့်ပွဲစဉ်အများစုကို လွဲချော်ရမည်ဖြစ်ပြီး ရာသီကုန်အထိ အနားယူရနိုင်မည့်အခြေအနေရှိနေကြောင်း သိရသည်။Ref: Fabrizio RomanoMWD
Wed, 1-Apr-2026
တိုက်စစ်ကစားသမား ရက်ရှ်ဖို့ဒ်ကို အချို့အသင်းများ ခေါ်ယူရန် ကြိုးပမ်းနေခြင်း
တိုက်စစ်ကစားသမား ရက်ရှ်ဖို့ဒ်ကို အချို့အသင်းများ ခေါ်ယူရန် ကြိုးပမ်းနေခြင်း
ဘာစီလိုနာ၊ မတ် ၃၀  လာမည့်နွေရာသီ ကစားသမားအပြောင်းအရွှေ့ကာလတွင် တိုက်စစ်ကစားသမား ရက်ရှ်ဖို့ဒ်အား ဘာစီလိုနာအသင်းအပြင် ပီအက်စ်ဂျီအသင်းနှင့် အေစီမီလန်အသင်းတို့ကလည်း ခေါ်ယူရန် ကြိုးပမ်းနေကြောင်း သိရသည်။ရက်ရှ်ဖို့ဒ်သည် ပြီးခဲ့သည့်နှစ်နွေရာသီ ကစားသမားအပြောင်းအရွှေ့ကာလတွင် မန်ယူအသင်းမှ ဘာစီလိုနာအသင်းသို့ တစ်ရာသီအငှားစာချုပ်ဖြင့် ပြောင်းရွှေ့ကစားလျက်ရှိပြီး စာချုပ်အချက်အလက်များအရ ဘာစီလိုနာအသင်းအနေဖြင့် ရာသီအကုန်တွင် ပြောင်းရွှေ့ကြေး စတာလင်ပေါင် ၃၀ ဖြင့် ခေါ်ယူနိုင်မည့်အချက်ရှိနေသည်။တိုက်စစ်ကစားသမား ရက်ရှ်ဖို့ဒ်ကိုယ်တိုင်က ဘာစီလိုနာအသင်းနှင့် စာချုပ်သက်တမ်းကုန်ဆုံးလျှင်လည်း မန်ယူအသင်းထံ ပြန်လည်မပူးပေါင်းလိုသည့်အတွက် ဘာစီလိုနာအသင်းထံ အပြီးသတ် ပြောင်းရွှေ့ကစားလိုပြီး အစောပိုင်းကတည်းက ဆွေးနွေးမှုများလုပ်ဆောင်နေခြင်း ဖြစ်သည်။အလားတူ ဘာစီလိုနာအသင်းနှင့်အပြိုင် ဥရောပထိပ်တန်းကလပ်အသင်းကြီးများဖြစ်သည့် ပီအက်စ်ဂျီအသင်းနှင့် အေစီမီလန်အသင်းတို့ကလည်း ခေါ်ယူလိုပြီး၊ ပီအက်စ်ဂျီအသင်းက ရက်ရှ်ဖို့ဒ်ကို မန်ယူအသင်းတွင်ရှိနေစဉ်ကတည်းက ခေါ်ယူရန် ကြိုးပမ်းခဲ့ဖူးကာ ယခုအခါ ဒုတိယအကြိမ် ကြိုးပမ်းမှုများ လုပ်ဆောင်နေခြင်း ဖြစ်ပြီး အေစီမီလန်အသင်းကလည်း ခေါ်ယူရန် စောင့်ကြည့်နေကြောင်း သိရသည်။Ref: Fabrizio RomanoMWD
Tue, 31-Mar-2026
စပါးအသင်း နည်းပြအဒီဟတ်တာ ခန့်အပ်ရေး နီးစပ်လျက်ရှိ
စပါးအသင်း နည်းပြအဒီဟတ်တာ ခန့်အပ်ရေး နီးစပ်လျက်ရှိ
လန်ဒန်၊ မတ် ၃၀  စပါးအသင်းက နည်းပြတူဒေါနှင့် လမ်းခွဲပြီးနောက် လစ်လပ်နေသည့် အသင်းနည်းပြရာထူးအတွက် မိုနာကို အသင်းနည်းပြဟောင်း အဒီဟတ်တာအား ခန့်အပ်ရန် နီးစပ်လျက်ရှိကြောင်း သိရသည်။စပါးအသင်းသည် ယခုဘောလုံးရာသီတွင် ရလဒ်များ ဆက်တိုက်ဆိုးရွားနေသည့်အတွက် နည်းပြသော်မက်ဖရန့်နှင့် လမ်းခွဲပြီးနောက် နည်းပြသစ် အဖြစ် တူဒေါကို ခန့်အပ်ခဲ့သော်လည်း အသင်းအနေဖြင့် ရလဒ်များ တိုးတက်လာခြင်းမရှိသောကြောင့် နှစ်ဖက်သဘောတူ လမ်းခွဲခဲ့ပြီး လက်ရှိတွင် နည်းပြရာထူးနေရာ လစ်လပ်နေခြင်း ဖြစ်သည်။အသက် ၅၄ နှစ်အရွယ် အဒီဟတ်တာသည် နည်းပြဘဝတွင် ဆဲလ်ဘတ်အသင်း၊ ယန်းဘွိုင်းအသင်း၊ ဖရန့်ဖက်အသင်း၊ ဂလာဘတ်အသင်းနှင့် မိုနာကိုအသင်း စသည့် ဥရောပထိပ်တန်းကလပ်အသင်းများကို တာဝန်ယူကိုင်တွယ်ခဲ့ပြီး ၂၀၂၅ ခုနှစ် အောက်တိုဘာလတွင် မိုနာကိုအသင်းနှင့် လမ်းခွဲပြီးနောက် ကလပ်အသင်း လက်မဲ့ဖြစ်နေခြင်း ဖြစ်သည်။အစောပိုင်းတွင် စပါးအသင်းက နည်းပြသစ်ရာထူးအတွက် မာဆေးလ်အသင်းနှင့် လမ်းခွဲပြီး ကလပ်အသင်း လက်မဲ့ဖြစ်နေသည့် ဒီဇာဘီအား ခန့်အပ်လိုသော်လည်း အသင်းပရိသတ်များက ကန့်ကွက်ခဲ့ကြသောကြောင့် ခန့်အပ်မည့်အစီအစဉ်ကို ရပ်တန့်ခဲ့ရသည်။လက်ရှိတွင် စပါးအသင်းက နည်းပြအဒီဟတ်တာနှင့် ဆွေးနွေးမှုများလုပ်ဆောင်နေပြီး လာမည့်ရက်ပိုင်းအတွင်း အပြီးသတ် ခန့်အပ်နိုင်ရန် ကြိုးပမ်းနေကာ ဧပြီလ ၁၂ ရက်တွင် ကစားမည့် ဆန်းဒါးလန်းအသင်းနှင့် ပွဲစဉ်မတိုင်မီ ခန့်အပ်လိုခြင်း ဖြစ်သည်။စပါးအသင်းသည် ပရီးမီးယားလိဂ် ပြိုင်ပွဲ၌ ၃၁ ပွဲ ကစားပြီးချိန်တွင် ရမှတ် ၃၀ ဖြင့် အဆင့် (၁၇) နေရာ၌ ရပ်တည်နေပြီး တန်းဆင်းဇုန်မှ ဝက်စ်ဟမ်အသင်းနှင့် ရမှတ် တစ်မှတ်သာကွာနေကာ လက်ကျန်ပွဲစဉ် ခုနစ်ပွဲတွင် ရလဒ်များ ဆက်လက်ဆိုးရွားနေမည်ဆိုပါက ရာသီအကုန်တွင် ပရီးမီးယားလိဂ်ပြိုင်ပွဲမှ ချန်ပီယံရှစ် ပြိုင်ပွဲသို့ တန်းဆင်းရမည့် အရေးနှင့် ရင်ဆိုင်နေရကြောင်း သိရသည်။Ref: Top Skills Sports UKMWD
Tue, 31-Mar-2026
ကျောက်ဆည်ခရိုင် လူထုအခြေပြုဗဟိုဌာနတွင် အခမဲ့ သင်ကြားပေးလျက်ရှိသော အခြေခံအင်္ဂလိပ်စာနှင့် အခြေခံပန်းချီရေးဆွဲနည်း သင်တန်းဆင်းပွဲ ကျင်းပ
ကျောက်ဆည်ခရိုင် လူထုအခြေပြုဗဟိုဌာနတွင် အခမဲ့ သင်ကြားပေးလျက်ရှိသော အခြေခံအင်္ဂလိပ်စာနှင့် အခြေခံပန်းချီရေးဆွဲနည်း သင်တန်းဆင်းပွဲ ကျင်းပ
ကျောက်ဆည်၊ မတ်-၃၁မန္တလေးတိုင်းဒေသကြီး၊ ကျောက်ဆည်ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန၌ နွေရာသီအားလပ်ရက်များတွင် အချိန်ကို အကျိုးရှိစွာ အသုံးချနိုင်ရေးအတွက် အခမဲ့သင်ကြားပေးလျက် ရှိသော အခြေခံအင်္ဂလိပ်စာနှင့် အခြေခံပန်းချီရေးဆွဲနည်း သင်တန်းဆင်းပွဲကို ယနေ့ နံနက်ပိုင်းက လူထု အခြေပြုဗဟိုဌာနတွင် ကျင်းပပြုလုပ်ခဲ့ကြောင်း သိရသည်။ဦးစွာ ကျောက်ဆည်ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လက်ထောက်ညွှန်ကြားရေးမှူး ဒေါ်တင်တင်ထွေးက သင်တန်းဆင်းအမှာစကားပြောကြားခဲ့ပြီး  မြို့နယ်စာရေးဆရာအသင်း နာယက ပန်းချီ ဆရာ ဦးစိုးမြင့်ဒွဏ်းက သင်တန်းသား/သင်တန်းသူများအနေဖြင့် သင်တန်း၌ သင်ကြားခဲ့သော အခြေခံ အင်္ဂလိပ်စာ နှင့် အခြေခံပန်းချီပညာများကို ဆက်လက်လေ့လာပြီး အောင်မြင်တိုးတက်အောင် ဆောင်ရွက်သွားကြရန် ရှင်းလင်း ပြောကြားခဲ့သည်။ထို့နောက် သင်တန်းနည်းပြဆရာ/ ဆရာများအား လက်ထောက်ညွှန်ကြားရေးမှူးဒေါ်တင်တင်ထွေးက ဂုဏ်ပြု လက်ဆောင်များ ချီးမြှင့်ခဲ့ပြီး စာစီစာကုံးပြိုင်ပွဲ၌ ပထမ၊ ဒုတိယ၊ တတိယဆု ရရှိခဲ့သော မရွှန်းလဲ့ဝေဖူး၊ မသွန်းမေသဒ္ဒါဖူးနှင့် မဇူးဇူးအောင်တို့အား လက်ထောက်ညွှန်ကြားရေးမှူးနှင့် တာဝန်ရှိသူများက ဆုများ အသီးသီး ချီးမြှင့်ခဲ့ပြီး နှစ်သိမ့်ဆုရရှိခဲ့သော မောင်ထက်ဖြိုးဝေနှင့် မခိုင်ဝေလွင်တို့အား မြို့နယ်စာရေးဆရာ အသင်း နာယက ပန်းချီဆရာ ဦးစိုးမြင့်ဒွဏ်းနှင့် တာဝန်ရှိသူများက ဆုများအသီးသီးချီးမြှင့်ခဲ့ကြောင်း သိရသည်။သက်မောင် (ကျောက်ဆည်)
Tue, 31-Mar-2026
© Copyright 2024 SAC All Rights Reserved.