စပိန်နိုင်ငံနှင့် ကုန်သွယ်မှုအားလုံးကို ဖြတ်တောက်မည်ဟု ထရမ့် ပြောကြား

KookieSpace97

News Image

  • စပိန်နိုင်ငံနှင့် ကုန်သွယ်မှုအားလုံးကို ဖြတ်တောက်မည်ဟု ထရမ့် ပြောကြား

အမေရိကန်သမ္မတ ဒေါ်နယ်ထရမ့်က စပိန်နိုင်ငံရှိ ပူးတွဲ စစ်အခြေစိုက်စခန်းများကို အီရန်အား တိုက်ခိုက်ရာတွင် အသုံးပြုခွင့်ပေးရန် ငြင်းဆိုခဲ့သည့်အတွက် စပိန်နှင့် ကုန်သွယ်မှုအားလုံးကိုဖြတ်တောက်မည်ဟု ကြေညာလိုက်သဖြင့် နှစ်နိုင်ငံအကြား တင်းမာမှုများ အထူးမြင့်တက် နေသည်။ 

စပိန်ဝန်ကြီးချုပ် ပက်ဒရို ဆန်းချက်ဇ်က အမေရိကန်၏ ‘Operation Epic Fury’ စစ်ဆင်ရေးကို “မတရားသော၊ အန္တရာယ်ရှိသော စစ်ရေးအရ ကြားဝင်စွက်ဖက်မှု” ဟု ပြင်းပြင်းထန်ထန် ဝေဖန်ခဲ့ပြီး နိုင်ငံတကာ ဥပဒေနှင့်မညီကြောင်း တုံ့ပြန်ခဲ့သည်။ သို့သော်လည်း သမ္မတထရမ့်က စပိန်၏ တားမြစ်ချက်ကို ဂရုမစိုက်ဘဲ အမေရိကန်အနေဖြင့် အလိုရှိပါက အဆိုပါ အခြေစိုက်စခန်းများကို အချိန်မရွေး ဝင်ရောက်အသုံးပြုနိုင်ကြောင်း သတင်းထောက်များကို ပြောကြားခဲ့သည်။

သမိုင်းတစ်လျှောက်တွင် စပိန်ရှိ Rota ရေတပ်စခန်း နှင့် Moron လေတပ် စခန်း တို့သည် အာဖဂန်နစ္စတန်၊ အီရတ်နှင့် လစ်ဗျားစစ်ပွဲများတွင် အမေရိကန်အတွက် အဓိကကျသော ထောက်ပံ့ရေးစခန်းများ ဖြစ်ခဲ့သည်။ယခုအခါ စပိန်နိုင်ငံခြားရေးဝန်ကြီးက အဆိုပါစခန်းများကို အီရန်နှင့် ဖြစ်ပွားနေသော ပဋိပက္ခတွင် အသုံးပြုခွင့်လုံးဝပေးမည်မဟုတ်ကြောင်း အတိအလင်း ကြေညာထားသည်။ အဆိုပါအခြေအနေသည် အမေရိကန်၏ ဥရောပမဟာမိတ်များအကြား သဘောထားကွဲလွဲမှုများကိုပါ ဖော်ထုတ်ပြသရာရောက်ခဲ့သည်။

ဥရောပသမဂ္ဂ (EU) အတွင်း၌ စပိန်က ပြင်းပြင်းထန်ထန် ကန့်ကွက်နေချိန်တွင် ယူကေ၊ ပြင်သစ်နှင့် ဂျာမနီတို့ကမူ အကန့်အသတ်ဖြင့် ခုခံကာကွယ်သည့် စစ်ဆင်ရေးများအတွက် အမေရိကန်ကို ပူးပေါင်းဆောင်ရွက်ရန် လမ်းဖွင့်ပေးထားကြသည်။ တစ်ဖက်တွင်လည်း လစ်သူ ယေးနီးယားကဲ့သို့သောနိုင်ငံများက အမေရိကန်၏ စစ်ဆင်ရေးတွင် တိုက်ရိုက်ပါဝင်ရန် အသင့်ရှိကြောင်း ပြောကြားထားသည်။ 

လက်ရှိတွင် အမေရိကန်၏ ကုန်သွယ်ရေးပိတ်ဆို့မှုသည် မည်သည့်အချိန်တွင် စတင်မည်ကို အတိအကျမသိရသေးသော်လည်း အဆိုပါ အခြေအနေသည် အတ္တလန္တိတ်သမုဒ္ဒရာဖြတ်ကျော် မဟာမိတ်ဆက်ဆံရေးကို ကြီးမားသော စိန်ခေါ်မှုများ ဖြစ်ပေါ်စေလျက်ရှိသည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ပြည်သူ့လွှတ်တော်ဥက္ကဋ္ဌ ဦးခင်ရီ ပဲခူးတိုင်းဒေသကြီးအတွင်းရှိ လွှတ်တော်ကိုယ်စားလှယ်များနှင့်တွေ့ဆုံ
ပြည်သူ့လွှတ်တော်ဥက္ကဋ္ဌ ဦးခင်ရီ ပဲခူးတိုင်းဒေသကြီးအတွင်းရှိ လွှတ်တော်ကိုယ်စားလှယ်များနှင့်တွေ့ဆုံ
ပဲခူး မေ ၁ပြည်သူ့လွှတ်တော်ဥက္ကဋ္ဌ ဦးခင်ရီသည် ပဲခူးတိုင်းဒေသကြီးအတွင်းရှိ ပြည်သူ့လွှတ်တော်၊ အမျိုးသားလွှတ်တော်နှင့် တိုင်းဒေသကြီးလွှတ်တော် ကိုယ်စားလှယ်များအား ယနေ့နံနက်ပိုင်းတွင် ပဲခူး တိုင်းဒေသကြီးလွှတ်တော်ရုံး ဥဿာပြည့်စုံခန်းမ၌ တွေ့ဆုံသည်။ တွေ့ဆုံစဉ် ပြည်သူ့လွှတ်တော်ဥက္ကဋ္ဌက နိုင်ငံတော်၏ မဏ္ဍိုင်ကြီးသုံးရပ်ထဲတွင် တစ်ခုအပါအဝင် ဖြစ်သည့် ဥပဒေပြုရေးမဏ္ဍိုင်ကို လွှတ်တော်ကိုယ်စားလှယ်များက တာဝန်ယူထမ်းဆောင်ရပါကြောင်း၊ လွှတ်တော်ကိုယ်စားလှယ်များအနေဖြင့် နိုင်ငံသူ နိုင်ငံသားများကို ဥပဒေအကာအကွယ်အောက်တွင် ငြိမ်းငြိမ်းချမ်းချမ်း သာသာယာယာနေနိုင်အောင် ဆောင်ရွက်ပေးရန် တာဝန်ရှိပါကြောင်း၊ လွှတ်တော် ကိုယ်စားလှယ်များအနေဖြင့် မိမိတာဝန်ကို မိမိကျေပွန်စွာ ထမ်းဆောင်နိုင်ကြစေရန် ဆန္ဒပြုပါကြောင်း၊ ပြည်သူ့ကိုယ်စားလှယ်များအနေဖြင့် ပြည်သူလူထုနှင့် တစ်သားတည်းဖြစ်စေရန်နှင့် ပြည်သူလူထု၏ ဆန္ဒများကို ဖြည့်ဆည်းကူညီဆောင်ရွက်ပေးရန် တာဝန်ရှိပါကြောင်း။ ဥပဒေပြုရေး လုပ်ငန်းတာဝန်များကို ဆောင်ရွက်သည့်အခါပြဋ္ဌာန်းထားသည့် တည်ဆဲဥပဒေများနှင့် စပ်လျဉ်း၍ ယနေ့ခေတ် ကာလအချိန်အခါနှင့် ကိုက်ညီမှု ရှိ မရှိ၊ ပြင်ဆင်ဖြည့်စွက်ရန် လိုမလို၊ ဖျက်သိမ်းရန်နှင့် အသစ်ပြန်လည်ပြဋ္ဌာန်းရန် လိုမလိုနှင့် ပြည်သူများကို ကာကွယ်ပေးနိုင်သည့် ဥပဒေ ဟုတ်၊ မဟုတ်တို့ကို စိစစ်ဆောင်ရွက်ရမည်မှာ လွှတ်တော်ကိုယ်စားလှယ်များ၏ တာဝန်ဖြစ်ပါကြောင်း။ဒီမိုကရေစီအစိုးရတစ်ရပ်တွင် ဥပဒေပြုရေးမဏ္ဍိုင်၊ အုပ်ချုပ်ရေးမဏ္ဍိုင်၊ တရားစီရင်ရေးမဏ္ဍိုင် စသည့် မဏ္ဍိုင်ကြီးသုံးရပ်ရှိပါကြောင်း၊ မိမိတို့အနေဖြင့် အုပ်ချုပ်ရေးမဏ္ဍိုင်၊ တရားစီရင်ရေးမဏ္ဍိုင်တို့နှင့် ပေါင်းစပ်ညှိနှိုင်းဆောင်ရွက်သွားရမည်ဖြစ်ပါကြောင်း၊ မိမိတို့လွှတ်တော်သည် ပြည်သူလူထု၏ ဆန္ဒနှင့်အညီ ရွေးကောက်တင်မြှောက်ခြင်းခံရသော လွှတ်တော်ကိုယ်စားလှယ်များဖြင့် ဖွဲ့စည်းထားသည့် ဥပဒေပြုအဖွဲ့ အစည်းတစ်ခုဖြစ်ပါကြောင်း၊ ထို့ကြောင့် လွှတ်တော်ကိုယ်စားလှယ်များကလည်း ပြည်သူလူထု၏ဆန္ဒများကို အထူးအလေးထား အကောင်အထည်ဖော် ဆောင်ရွက်ပေးကြ ရမည်ဖြစ်ပါကြောင်း။ လွှတ်တော်ကိုယ်စားလှယ်များအနေဖြင့် နိုင်ငံတော်တွင် လက်ရှိဖြစ်ပေါ်နေသည့် အခြေအနေကို အချိန်နှင့်တစ်ပြေးညီ သိရှိထားရန် လိုအပ်ပါကြောင်း၊ သို့မှသာ တစ်နိုင်ငံလုံး လွှမ်းခြုံနိုင်သော ကိစ္စရပ်များနှင့် ပြည်သူလူထု၏ လိုလားချက်များကို အနီးစပ်ဆုံး ဖော်ဆောင်ပေးသွားနိုင်မည်ဖြစ်ပါ ကြောင်း၊ လွှတ်တော်သည် နိုင်ငံနှင့် ပြည်သူလူထုအတွက် အားကိုးအားထားပြုရသည့် အဖွဲ့အစည်း တစ်ရပ်ဖြစ်အောင် ဆောင်ရွက်သွားကြစေလိုကြောင်း။ လွှတ်တော်ကိုယ်စားလှယ်များအနေဖြင့် ပြည်သူလူထုနှင့် တိုက်ရိုက်ထိတွေ့ဆောင်ရွက်နိုင်ရန်အတွက် လွှတ်တော်ကိုယ်စား လှယ်ရုံးခန်းများဖွင့်လှစ်၍ လူထုနှင့် တိုက်ရိုက်ထိတွေ့ဆက်ဆံပြီး ဒေသခံပြည်သူများ၏ ပုဂ္ဂိုလ်ရေးဆိုင်ရာလိုအပ်ချက်များ၊ ဒေသဆိုင်ရာလိုအပ်ချက်များကို နားထောင်၍ တွေ့ဆုံဖြေရှင်း ဆောင်ရွက်ပေးကြရန် လိုအပ်ပါကြောင်း၊ ကိုယ်စားလှယ်များအနေဖြင့် မိမိမဲဆန္ဒ နယ်မြေရှိ ပညာရှင်များ၊ ဒေသခံပြည်သူများနှင့် စဉ်ဆက်မပြတ် ထိတွေ့ဆက်ဆံဆောင်ရွက်သွား ရမည်ဖြစ်ပါကြောင်း။ နိုင်ငံတော်အစိုးရ၏ မူဝါဒနှင့်လုပ်ဆောင်ချက်များကို ပြည်သူလူထု သိရှိနားလည်ယုံကြည်မှုရှိလာစေရန် လွှတ်တော်မှ ဆောင်ရွက်ပေးကြရမည်ဖြစ်ပါကြောင်း၊ ဒီမိုကရေစီအစိုးရတစ်ရပ်တွင် လွှတ်တော်နှင့် အစိုးရအဖွဲ့ ဟန်ချက်ညီညီ ပူးပေါင်းဆောင်ရွက်ပြီး နိုင်ငံတော်ဖွံ့ဖြိုးတိုးတက်ရေးနှင့် အာဆီယံ ဒေသအတွင်း ပိုမိုပူးပေါင်းဆောင်ရွက်နိုင်ရေးလုပ်ငန်းများ ဖော်ဆောင်သွားရမည်ဖြစ်ပါကြောင်း၊ မိမိတို့တာဝန် ယူစဉ်အချိန်တွင်း ဥပဒေပြုရေးမဏ္ဍိုင်ဖြစ်သည့် လွှတ်တော်ကဏ္ဍကို မြင့်မားစေလိုပါ ကြောင်း၊ လွှတ်တော်သည် နိုင်ငံနှင့် ပြည်သူလူထုအတွက် တစ်ထောင့်တစ်နေရာမှ အရေးပါစေရေး အတွက် ကိုယ်စားလှယ်များအနေဖြင့် အရည်အသွေး၊ အရည်အချင်းများ ပြည့်စုံစေရန် မြှင့်တင် ဆောင်ရွက်သွားကြရမည်ဖြစ်ပါကြောင်း ပြောကြားသည်။ မွန်းလွဲပိုင်းတွင် ပြည်သူ့လွှတ်တော်ဥက္ကဋ္ဌသည် တိုင်းဒေသကြီးဝန်ကြီးချုပ် ဦးမျိုးဆွေဝင်းနှင့်အတူ ဥဿာရတနာခန်းမ၌ ပဲခူးမြို့မှ မြို့မိမြို့ဖများ၊ ကဏ္ဍအသီးသီးမှ လုပ်ငန်းရှင်များနှင့် တွေ့ဆုံပြီး ဒေသ ဖွံ့ဖြိုးတိုးတက်ရေးနှင့် တည်ငြိမ်အေးချမ်းရေးဆိုင်ရာကိစ္စရပ်များကို ရင်းရင်းနှီးနှီး ဆွေးနွေးခဲ့ကြကြောင်း သိရသည်။သတင်းစဉ်MDN
Sat, 2-May-2026
အီရန်စစ်ပွဲနှင့်ပတ်သက်၍ ရက်ပေါင်း ၆၀ သတ်မှတ်ချက်နှင့် ရင်ဆိုင်နေရသည့် ထရမ့်အစိုးရက စစ်ပွဲပြီးဆုံးသွားပြီဟုတုံ့ပြန်
အီရန်စစ်ပွဲနှင့်ပတ်သက်၍ ရက်ပေါင်း ၆၀ သတ်မှတ်ချက်နှင့် ရင်ဆိုင်နေရသည့် ထရမ့်အစိုးရက စစ်ပွဲပြီးဆုံးသွားပြီဟုတုံ့ပြန်
အီရန်စစ်ပွဲနှင့်ပတ်သက်၍ ရက်ပေါင်း (၆၀) ကန့်သတ်ချက်နှင့် ရင်ဆိုင်နေရသည့် အမေရိကန်သမ္မတ ဒေါ်နယ်ထရမ့်အစိုးရအဖွဲ့က အဆိုပါစစ်ပွဲသည် ဧပြီလအစောပိုင်းတွင် စတင်ခဲ့သည့် အပစ်အခတ်ရပ်စဲရေးကြောင့် ပြီးဆုံးသွားပြီဖြစ်ကြောင်း တုံ့ပြန်ပြောဆိုခဲ့သည်။အဆိုပါထုတ်ပြန်ချက်သည် စစ်ရေးလှုပ်ရှားမှုများအတွက် လွှတ်တော်၏ ခွင့်ပြုချက်ရယူရမည့်ကာလကို ရှောင်လွှဲရန် ရည်ရွယ်သည်ဟုလည်း သုံးသပ်မှုများရှိသည်။၁၉၇၃ ခုနှစ်တွင် ပြဋ္ဌာန်းထားသည့် စစ်ပွဲဆိုင်ရာလုပ်ပိုင်ခွင့်ဥပဒေအရ သမ္မတသည် လွှတ်တော်၏ ခွင့်ပြုချက်မရှိဘဲ စစ်ရေးလှုပ်ရှားမှုများကို ရက်ပေါင်း (၆၀) ထက်ကျော်လွန် ဆောင်ရွက်ခွင့်မရှိပေ။ အဆိုပါသတ်မှတ်ရက်သည် မေလ ၁ ရက်တွင် ပြည့်မြောက်ခဲ့သည်။သို့သော် ကာကွယ်ရေးဝန်ကြီးက အပစ်အခတ်ရပ်စဲရေးကြောင့် စစ်ပွဲသည် ရပ်တန့်သွားပြီးဖြစ်သဖြင့် လွှတ်တော်ခွင့်ပြုချက်ကိစ္စကိုလည်း ဆိုင်းငံ့ထားနိုင်ကြောင်း အထက်လွှတ်တော်၌ ထွက်ဆိုခဲ့သည်။ထို့ပြင် ဖေဖော်ဝါရီလ ၂၈ ရက်မှ စတင်ခဲ့သည့် တိုက်ခိုက်မှုများသည် ဥပဒေအရ ပြီးဆုံးသွားပြီဖြစ်ကြောင်း အစိုးရအဆင့်မြင့်အရာရှိတစ်ဦးကလည်း ပြောကြားခဲ့သည်။ ဧပြီလ ၇ ရက်မှစတင်သည့် နှစ်ပတ်ကြာ အပစ်အခတ်ရပ်စဲရေးအပြီး အမေရိကန်နှင့် အီရန်အကြား တိုက်ခိုက်မှုများ မရှိတော့ကြောင်းလည်း သိရသည်။Ref: SCMPMWD
Sat, 2-May-2026
နေတန်ယာဟုကို ပြစ်ဒဏ်လွတ်ငြိမ်းခွင့်ပေးရန် အစ္စရေးသမ္မတကို ဒေါ်နယ်ထရမ့် ထပ်မံဖိအားပေး
နေတန်ယာဟုကို ပြစ်ဒဏ်လွတ်ငြိမ်းခွင့်ပေးရန် အစ္စရေး သမ္မတကို ဒေါ်နယ်ထရမ့် ထပ်မံဖိအားပေး
အမေရိကန်သမ္မတ ဒေါ်နယ်ထရမ့်သည် အဂတိလိုက်စားမှုစွဲချက်များဖြင့် တရားရင်ဆိုင်နေရသော အစ္စရေးဝန်ကြီးချုပ် ဘင်ဂျမင်နေတန်ယာဟု ကို အကြွင်းမဲ့ ပြစ်ဒဏ်လွတ်ငြိမ်းခွင့် (Full Pardon) ပေးရန် အစ္စရေး သမ္မတ အိုက်ဇက်ဟာဇော့ဂ်ကို ထပ်မံတိုက်တွန်းလိုက်ကြောင်း Axios သတင်းဌာနက ဖော်ပြခဲ့သည်။ နေတန်ယာဟုသည် ၂၀၁၉ ခုနှစ်ကတည်းက လာဘ်ပေးလာဘ်ယူမှု၊ လိမ်လည်မှုနှင့် ယုံကြည်အပ်နှံမှုကို အလွဲသုံးစားလုပ်မှုစသည့် စွဲချက်များဖြင့် တရားစွဲဆိုခံထားရခြင်း ဖြစ်သော်လည်း ၎င်းအနေဖြင့် အပြစ်မရှိကြောင်း အစဉ်တစိုက် ငြင်းဆိုလာခဲ့သည်။သမ္မတထရမ့်က နေတန်ယာဟုသည် စစ်တွင်းကာလ ဝန်ကြီးချုပ်တစ်ဦး ဖြစ်သည့်အတွက် ကမ္ဘာ့စီးပွားရေးကို ရိုက်ခတ်နေသည့် စစ်ပွဲအပေါ် အာရုံစိုက်ရမည့်အစား တရားရုံးတွင် အချိန်ကုန်နေရခြင်းမှာ လက်ခံနိုင်စရာ မရှိကြောင်းနှင့် ယခုအမှုများကြောင့် အစ္စရေးနိုင်ငံ၏ ပုံရိပ်ကို ထိခိုက်စေကြောင်း ပြောကြားခဲ့သည်။ ထို့ပြင် နေတန်ယာဟုကို လွတ်ငြိမ်းခွင့်ပေးရန် ငြင်းဆန်နေသည့် အစ္စရေးသမ္မတ ဟာဇော့ဂ်ကိုလည်း ‘ပျော့ညံ့သူ’ ဟု ဝေဖန်ခဲ့ဖူးပြီး အကယ်၍ လွတ်ငြိမ်းခွင့်ပေးလိုက်ပါက ဟာဇော့ဂ်သည် ‘အမျိုးသားအာဇာနည်’ ဖြစ်လာလိမ့်မည်ဟု ဆိုသည်။အစ္စရေးသမ္မတ ဟာဇော့ဂ်ကမူ အမှုကျေအေးရေး (Settlement) အတွက် ရှေ့နေများနှင့် ညှိနှိုင်းမှုများပြုလုပ်နေသော်လည်း ထရမ့်ကမူ နေတန်ယာဟု အနေဖြင့် အပြစ်ရှိကြောင်း ဝန်ခံရမည့် မည်သည့်သဘောတူညီချက်ကိုမျှ လက်ခံနိုင်မည်မဟုတ်ဘဲ အလုံးစုံလွတ်ငြိမ်းခွင့်သာ လိုအပ်ကြောင်း အခိုင်အမာ ပြောဆိုထားသည်။ ထရမ့်သည် ၂၀၂၅ ခုနှစ် ဇွန်လအတွင်းကလည်း နေတန်ယာဟုအပေါ် စွဲဆိုထားသည့် အမှုများကို “နိုင်ငံရေးအရ အကွက်ချတိုက်ခိုက်မှု” (Witch Hunt) သာဖြစ်ကြောင်း တရားဝင်စာပေးပို့ကာ ကာကွယ်ပြောဆိုခဲ့သည်။ အဆိုပါ တရားရင်ဆိုင်မှုမှာ ၂၀၂၀ ပြည့်နှစ်တွင် စတင်ခဲ့ခြင်းဖြစ်ပြီး လက်ရှိတွင် ကြန့်ကြာမှုများစွာနှင့်အတူ နောက်ထပ် နှစ်ပေါင်းများစွာ ကြာမြင့်ဦးမည်ဟု ခန့်မှန်းရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 1-May-2026
Merz အနေဖြင့် ယူကရိန်းပဋိပက္ခ အဆုံးသတ်ရေးကိုသာ ပိုမိုအာရုံစိုက် သင့်ကြောင်း Trump ပြောကြား
Merz အနေဖြင့် ယူကရိန်းပဋိပက္ခ အဆုံးသတ်ရေးကိုသာ ပိုမိုအာရုံစိုက်သင့်ကြောင်း Trump ပြောကြား
အမေရိကန်သမ္မတ Donald Trump သည် ဂျာမန်ဝန်ကြီးချုပ် Friedrich Merz အား ၎င်း၏ အရှေ့အလယ်ပိုင်း မဟာဗျူဟာကို ဝေဖန်နေမည့် အစား ယူကရိန်းပဋိပက္ခ အဆုံးသတ်ရေးနှင့် ဂျာမနီနိုင်ငံတွင်းရှိ လူဝင်မှုကြီးကြပ်ရေးနှင့် စွမ်းအင်ဆိုင်ရာပြဿနာများကိုသာ အာရုံစိုက်ရန် ပြင်းပြင်းထန်ထန် တုံ့ပြန်ပြောဆိုလိုက်သည်။ အဆိုပါတင်းမာမှုသည် အမေရိကန် အစိုးရအနေဖြင့် အီရန်နှင့်ပတ်သက်၍ ရှင်းလင်းသော မဟာ ဗျူဟာမရှိဘဲ အရှက်ခွဲခံနေရသည်ဟု Merz က စတင်ဝေဖန်ခဲ့ရာမှ အစပြုခဲ့ခြင်းဖြစ်သည်။Trump က ၎င်း၏ Truth Social လူမှုကွန်ရက်တွင် Merz သည် ယူကရိန်း စစ်ပွဲရပ်တန့်ရေး၌ လုံးဝထိရောက်မှုမရှိကြောင်းစွပ်စွဲခဲ့ပြီး အီရန်၏ နျူကလီးယားခြိမ်းခြောက်မှုကို ဖယ်ရှားရန် ကြိုးပမ်းနေသည့် အမေရိကန် ၏လုပ်ရပ်များအပေါ် ဝင်ရောက်စွက်ဖက်ခြင်းမပြုရန် သတိပေးခဲ့သည်။ ထို့အပြင် ဂျာမန်ဝန်ကြီးချုပ်သည် အီရန်တွင် နျူကလီးယား လက်နက်ရှိခြင်းကို လက်ခံနိုင်သည်ဟု ယူဆနေသူဖြစ်ကြောင်းလည်း ထပ်လောင်း စွပ်စွဲခဲ့သည်။ သို့သော် Merz ဘက်ကမူ အီရန်စစ်ပွဲသည် NATO နှင့် မသက်ဆိုင်ကြောင်းနှင့် ဂျာမနီအနေဖြင့် ပါဝင်ပတ်သက်မည် မဟုတ်ကြောင်း ရှင်းလင်းစွာ ငြင်းဆိုထားသည်။အချက်အလက်များအရ ဂျာမနီသည် ၂၀၂၂ ခုနှစ်မှ ၂၀၂၅ ခုနှစ်အထိ ယူကရိန်းသို့ ယူရို ဘီလီယံ ၂၀ နီးပါးတန်ဖိုးရှိ စစ်ရေးအကူအညီများ ပေးအပ်ခဲ့ကာ ဒုတိယအကြီးဆုံး လက်နက်ထောက်ပံ့သည့် နိုင်ငံဖြစ်နေသော်လည်း ရုရှားကမူ ထိုသို့သော လက်နက်ထောက်ပံ့မှုများသည် စစ်ပွဲကို ပိုမိုကြာရှည်စေရုံသာရှိသည်ဟု ဆိုသည်။ လက်ရှိတွင် Trump အစိုးရသည် အီရန်ပဋိပက္ခတွင် အမေရိကန်နှင့် အစ္စရေးကိုကူညီရန် ငြင်းဆန်သော ဥရောပနိုင်ငံများအပေါ် မကျေနပ်မှုများရှိနေပြီး NATO အဖွဲ့ဝင်နိုင်ငံများ၏ ပူးပေါင်းပါဝင်မှုအပေါ်မူတည်၍ ‘အကောင်းနှင့် အဆိုး’ စာရင်းပြုစုကာ စောင့်ကြည့်လျက်ရှိကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 1-May-2026
အီရန်နှင့် နျူကလီးယား သဘောတူညီချက်မရမချင်း အမေရိကန်ရေတပ်က ဆက်လက် ပိတ်ဆို့ထားမည်ဟု ထရမ့်ပြော
အီရန်နှင့် နျူကလီးယား သဘောတူညီချက်မရမချင်း အမေရိကန်ရေတပ်က ဆက်လက် ပိတ်ဆို့ထားမည်ဟု ထရမ့်ပြော
    အီရန်နိုင်ငံနှင့် နျူကလီးယားသဘောတူညီချက်မရမချင်း  အမေရိကန်ရေတပ်က  ဆက်လက်ပိတ်ဆို့ထားမည်ဟု အမေရိကန်သမ္မတဒေါ်နယ်ထရမ့်က ဧပြီလ ၂၉ ရက်တွင်ပြောသည်။ "အခုလိုမျိုးပိတ်ဆို့ထားခြင်းက ဗုံးကြဲခြင်းထက် ပိုပြီးတော့ ထိရောက်မှုရှိပါတယ်" ဟု ထရမ့်က Axioသတင်းဌာနနှင့်တွေ့ဆုံစဉ်  ပြောထားခြင်းဖြစ်သည်။  ထို့ပြင်   အီရန်နိုင်ငံတွင် နျူကလီးယားလက်နက်ရှိလာနိုင်မည် မဟုတ်ကြောင်း    ထရမ့်ကအလေးပေးပြောထားသည်။တစ်ချိန်တည်းမှာပင် အီရန်နိုင်ငံသည် ပိတ်ဆို့ခံထားရမှုမှ လွတ်မြောက်နိုင်စေရေးအတွက် သဘောတူညီချက်တစ်ရပ်ရရှိလိုသည့် ဆန္ဒရှိနေကြောင်း ထရမ့်ကဆက်ပြောသည်။ "သူတို့ကတော့ ဒီကိစ္စကိုပြေလည်စေချင်နေပါပြီ။ သူတို့ကပိတ်ဆို့ခံထားရတာကို မလိုချင်ဘူးလေ။ မိမိအနေနဲ့ကလည်း သူတို့အပေါ်ပိတ်ဆို့မှုကို မဖြေလျှော့ပေးချင်ပါဘူး။ ဘာဖြစ်လို့လဲဆိုရင် သူတို့အနေနဲ့ နျူကလီးယားလက်နက်ပိုင်ဆိုင်သွားမှာကို မမြင်လိုလို့ပါ" ဟု ထရမ့်ကပြောသည်။လက်ရှိတွင် အမေရိကန်နိုင်ငံနှင့်အီရန်နိုင်ငံတို့ကြား သဘောတူညီချက်မရသေးသောကြောင့် ထိုအခြေအနေကိုဖိအားပေးနိုင်ရေးအတွက် ရေတိုနှင့်ပြင်းထန်သော တိုက်ခိုက်မှုများလုပ်ရန် အမေရိကန်၏ အလယ်ပိုင်းစစ်ဌာနချုပ်က အစီအစဉ်တစ်ရပ်ကို အသင့်ပြင်ဆင်ထားသည်။ သို့သော် အမေရိကန်အနေဖြင့် မကြုံဖူးသော အခြေအနေနှင့် ရင်ဆိုင်ရတော့မည်ဖြစ်ကြောင်း အီရန်တာဝန်ရှိသူ တစ်ဦးကပြောသည်။MWD
Fri, 1-May-2026
အီရန် အပေါ် စီးပွားရေးဖိအားပေး၍ အရှုံးပေးလာစေရန် ထရမ့် ကြိုးပမ်းနေပြီး စစ်ရေးရွေးချယ်ခွင့်များကိုလည်း လမ်းဖွင့်ထား
အီရန် အပေါ် စီးပွားရေးဖိအားပေး၍ အရှုံးပေးလာစေရန် ထရမ့် ကြိုးပမ်းနေပြီး စစ်ရေးရွေးချယ်ခွင့်များကိုလည်း လမ်းဖွင့်ထား
အမေရိကန်သမ္မတ ဒေါ်နယ်ထရမ့်သည် အီရန်နိုင်ငံအား ၎င်း၏ နျူကလီးယားအစီအစဉ် ထိန်းချုပ်ရေးဆိုင်ရာ သဘောတူညီချက်အသစ်တွင် ပါဝင်လာ စေရန် စီးပွားရေးအရ အပြင်းအထန် ဖိအားပေးလျက်ရှိပြီး ပင်တဂွန် စစ်ဌာနချုပ် အရာရှိကြီးများနှင့်တွေ့ဆုံကာ နောက်ဆုံးရ စစ်ရေးရွေးချယ်ခွင့်များကို ကြားနာသုံးသပ်သွားရန်ရှိကြောင်း သိရှိရသည်။ အဆိုပါ တွေ့ဆုံမှုတွင် အမေရိကန် အလယ်ပိုင်းစစ်ဌာနချုပ် တပ်မှူးနှင့် ပူးတွဲစစ်ဦးစီးချုပ်များအဖွဲ့ ဥက္ကဋ္ဌတို့ ပါဝင်မည်ဖြစ်ပြီး ၎င်းသည် စစ်ပွဲ အဆုံးသတ်ရေး ဆွေးနွေးမှုများ နှေးကွေးနေချိန်တွင် သမ္မတအနေဖြင့် စစ်ရေးနည်းလမ်းကိုပါ ရွေးချယ်ခွင့်တစ်ခုအဖြစ် ဆက်လက် ကိုင်စွဲထားသည့် လက္ခဏာတစ်ရပ် ဖြစ်သည်။လက်ရှိတွင် ထရမ့်သည် အီရန်နိုင်ငံအား စီးပွားရေးအရ အကျပ်ရိုက်စေရန်ရည်ရွယ်သည့် မဟာဗျူဟာကိုကျင့်သုံးနေပြီး အထူးသဖြင့် အီရန် ဆိပ်ကမ်းများကို အမေရိကန်ရေတပ်က ပိတ်ဆို့ထားမှုကို ဆက်လက် လုပ်ဆောင်ရန် အကြံပေးများကို ညွှန်ကြားထားသည်။ ထို့အပြင် ကမ္ဘာ့ ရေနံသယ်ယူပို့ဆောင်ရေးတွင်အရေးပါသည့် ဟော်မုဇ် ရေလက်ကြားကိုပါ ရေရှည်ပိတ်ဆို့နိုင်ရန် ပြင်ဆင်မှုများပြုလုပ်နေကြောင်း သိရှိရသည်။ သမ္မတထရမ့်က အဆိုပါပိတ်ဆို့မှုသည် အလွန်ထိရောက်သော နည်းလမ်းဖြစ်ကြောင်းနှင့် အီရန်နိုင်ငံအနေဖြင့် မကြာမီ အရှုံးပေးကြောင်း ဝန်ခံလာရမည်ဖြစ်ကြောင်း သတင်းထောက်များကို ပြောကြားခဲ့သည်။သို့သော်လည်း ထရမ့်သည် စစ်ရေးအရပြင်ဆင်မှုများကို ကြားနာသုံးသပ်နေသော်လည်း လက်တွေ့တွင်မူ ဗုံးကြဲတိုက်ခိုက်မှုများ ပြန်လည် စတင် ခြင်းထက် အီရန်နှင့် သဘောတူညီချက်တစ်ခုရရှိရေးကိုသာ ပိုမိုလိုလားနေကြောင်း ၎င်းနှင့်နီးစပ်သည့် သတင်းရင်းမြစ်များက ဆိုသည်။ လက်ရှိတွင် နှစ်ဖက်အကြား အကန့်အသတ်မရှိ အပစ်အခတ်ရပ်စဲထားသည့် အခြေအနေရှိနေသဖြင့် ထရမ့်အနေဖြင့် အလျင်စလို လုပ်ဆောင်ရန် ဖိအားမရှိဟု ယူဆနေပြီး စီးပွားရေးပိတ်ဆို့မှုများမှတစ်ဆင့် အီရန် အစိုးရကို အပေးအယူလုပ်လာစေရန် စိတ်ရှည်စွာ စောင့်ဆိုင်းမည့် ပုံစံရှိနေကြောင်း သုံးသပ်ရပါသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 30-Apr-2026
© Copyright 2024 SAC All Rights Reserved.