အီရန်စစ်ပွဲနှင့်ပတ်သက်၍ ရက်ပေါင်း ၆၀ သတ်မှတ်ချက်နှင့် ရင်ဆိုင်နေရသည့် ထရမ့်အစိုးရက စစ်ပွဲပြီးဆုံးသွားပြီဟုတုံ့ပြန်

NoahJune222

News Image

  • အီရန်စစ်ပွဲနှင့်ပတ်သက်၍ ရက်ပေါင်း ၆၀ သတ်မှတ်ချက်နှင့် ရင်ဆိုင်နေရသည့် ထရမ့်အစိုးရက စစ်ပွဲပြီးဆုံးသွားပြီဟုတုံ့ပြန်

အီရန်စစ်ပွဲနှင့်ပတ်သက်၍ ရက်ပေါင်း (၆၀) ကန့်သတ်ချက်နှင့် ရင်ဆိုင်နေရသည့် အမေရိကန်သမ္မတ ဒေါ်နယ်ထရမ့်အစိုးရအဖွဲ့က အဆိုပါစစ်ပွဲသည် ဧပြီလအစောပိုင်းတွင် စတင်ခဲ့သည့် အပစ်အခတ်ရပ်စဲရေးကြောင့် ပြီးဆုံးသွားပြီဖြစ်ကြောင်း တုံ့ပြန်ပြောဆိုခဲ့သည်။

အဆိုပါထုတ်ပြန်ချက်သည် စစ်ရေးလှုပ်ရှားမှုများအတွက် လွှတ်တော်၏ ခွင့်ပြုချက်ရယူရမည့်ကာလကို ရှောင်လွှဲရန် ရည်ရွယ်သည်ဟုလည်း သုံးသပ်မှုများရှိသည်။

၁၉၇၃ ခုနှစ်တွင် ပြဋ္ဌာန်းထားသည့် စစ်ပွဲဆိုင်ရာလုပ်ပိုင်ခွင့်ဥပဒေအရ သမ္မတသည် လွှတ်တော်၏ ခွင့်ပြုချက်မရှိဘဲ စစ်ရေးလှုပ်ရှားမှုများကို ရက်ပေါင်း (၆၀) ထက်ကျော်လွန် ဆောင်ရွက်ခွင့်မရှိပေ။ အဆိုပါသတ်မှတ်ရက်သည် မေလ ၁ ရက်တွင် ပြည့်မြောက်ခဲ့သည်။

သို့သော် ကာကွယ်ရေးဝန်ကြီးက အပစ်အခတ်ရပ်စဲရေးကြောင့် စစ်ပွဲသည် ရပ်တန့်သွားပြီးဖြစ်သဖြင့် လွှတ်တော်ခွင့်ပြုချက်ကိစ္စကိုလည်း ဆိုင်းငံ့ထားနိုင်ကြောင်း အထက်လွှတ်တော်၌ ထွက်ဆိုခဲ့သည်။

ထို့ပြင် ဖေဖော်ဝါရီလ ၂၈ ရက်မှ စတင်ခဲ့သည့် တိုက်ခိုက်မှုများသည် ဥပဒေအရ ပြီးဆုံးသွားပြီဖြစ်ကြောင်း အစိုးရအဆင့်မြင့်အရာရှိတစ်ဦးကလည်း ပြောကြားခဲ့သည်။ ဧပြီလ ၇ ရက်မှစတင်သည့် နှစ်ပတ်ကြာ အပစ်အခတ်ရပ်စဲရေးအပြီး အမေရိကန်နှင့် အီရန်အကြား တိုက်ခိုက်မှုများ မရှိတော့ကြောင်းလည်း သိရသည်။

Ref: SCMP

MWD

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အီရန်စစ်ပွဲနှင့်ပတ်သက်၍ ရက်ပေါင်း ၆၀ သတ်မှတ်ချက်နှင့် ရင်ဆိုင်နေရသည့် ထရမ့်အစိုးရက စစ်ပွဲပြီးဆုံးသွားပြီဟုတုံ့ပြန်
အီရန်စစ်ပွဲနှင့်ပတ်သက်၍ ရက်ပေါင်း ၆၀ သတ်မှတ်ချက်နှင့် ရင်ဆိုင်နေရသည့် ထရမ့်အစိုးရက စစ်ပွဲပြီးဆုံးသွားပြီဟုတုံ့ပြန်
အီရန်စစ်ပွဲနှင့်ပတ်သက်၍ ရက်ပေါင်း (၆၀) ကန့်သတ်ချက်နှင့် ရင်ဆိုင်နေရသည့် အမေရိကန်သမ္မတ ဒေါ်နယ်ထရမ့်အစိုးရအဖွဲ့က အဆိုပါစစ်ပွဲသည် ဧပြီလအစောပိုင်းတွင် စတင်ခဲ့သည့် အပစ်အခတ်ရပ်စဲရေးကြောင့် ပြီးဆုံးသွားပြီဖြစ်ကြောင်း တုံ့ပြန်ပြောဆိုခဲ့သည်။အဆိုပါထုတ်ပြန်ချက်သည် စစ်ရေးလှုပ်ရှားမှုများအတွက် လွှတ်တော်၏ ခွင့်ပြုချက်ရယူရမည့်ကာလကို ရှောင်လွှဲရန် ရည်ရွယ်သည်ဟုလည်း သုံးသပ်မှုများရှိသည်။၁၉၇၃ ခုနှစ်တွင် ပြဋ္ဌာန်းထားသည့် စစ်ပွဲဆိုင်ရာလုပ်ပိုင်ခွင့်ဥပဒေအရ သမ္မတသည် လွှတ်တော်၏ ခွင့်ပြုချက်မရှိဘဲ စစ်ရေးလှုပ်ရှားမှုများကို ရက်ပေါင်း (၆၀) ထက်ကျော်လွန် ဆောင်ရွက်ခွင့်မရှိပေ။ အဆိုပါသတ်မှတ်ရက်သည် မေလ ၁ ရက်တွင် ပြည့်မြောက်ခဲ့သည်။သို့သော် ကာကွယ်ရေးဝန်ကြီးက အပစ်အခတ်ရပ်စဲရေးကြောင့် စစ်ပွဲသည် ရပ်တန့်သွားပြီးဖြစ်သဖြင့် လွှတ်တော်ခွင့်ပြုချက်ကိစ္စကိုလည်း ဆိုင်းငံ့ထားနိုင်ကြောင်း အထက်လွှတ်တော်၌ ထွက်ဆိုခဲ့သည်။ထို့ပြင် ဖေဖော်ဝါရီလ ၂၈ ရက်မှ စတင်ခဲ့သည့် တိုက်ခိုက်မှုများသည် ဥပဒေအရ ပြီးဆုံးသွားပြီဖြစ်ကြောင်း အစိုးရအဆင့်မြင့်အရာရှိတစ်ဦးကလည်း ပြောကြားခဲ့သည်။ ဧပြီလ ၇ ရက်မှစတင်သည့် နှစ်ပတ်ကြာ အပစ်အခတ်ရပ်စဲရေးအပြီး အမေရိကန်နှင့် အီရန်အကြား တိုက်ခိုက်မှုများ မရှိတော့ကြောင်းလည်း သိရသည်။Ref: SCMPMWD
Sat, 2-May-2026
အီရန်နှင့် နျူကလီးယား သဘောတူညီချက်မရမချင်း အမေရိကန်ရေတပ်က ဆက်လက် ပိတ်ဆို့ထားမည်ဟု ထရမ့်ပြော
အီရန်နှင့် နျူကလီးယား သဘောတူညီချက်မရမချင်း အမေရိကန်ရေတပ်က ဆက်လက် ပိတ်ဆို့ထားမည်ဟု ထရမ့်ပြော
    အီရန်နိုင်ငံနှင့် နျူကလီးယားသဘောတူညီချက်မရမချင်း  အမေရိကန်ရေတပ်က  ဆက်လက်ပိတ်ဆို့ထားမည်ဟု အမေရိကန်သမ္မတဒေါ်နယ်ထရမ့်က ဧပြီလ ၂၉ ရက်တွင်ပြောသည်။ "အခုလိုမျိုးပိတ်ဆို့ထားခြင်းက ဗုံးကြဲခြင်းထက် ပိုပြီးတော့ ထိရောက်မှုရှိပါတယ်" ဟု ထရမ့်က Axioသတင်းဌာနနှင့်တွေ့ဆုံစဉ်  ပြောထားခြင်းဖြစ်သည်။  ထို့ပြင်   အီရန်နိုင်ငံတွင် နျူကလီးယားလက်နက်ရှိလာနိုင်မည် မဟုတ်ကြောင်း    ထရမ့်ကအလေးပေးပြောထားသည်။တစ်ချိန်တည်းမှာပင် အီရန်နိုင်ငံသည် ပိတ်ဆို့ခံထားရမှုမှ လွတ်မြောက်နိုင်စေရေးအတွက် သဘောတူညီချက်တစ်ရပ်ရရှိလိုသည့် ဆန္ဒရှိနေကြောင်း ထရမ့်ကဆက်ပြောသည်။ "သူတို့ကတော့ ဒီကိစ္စကိုပြေလည်စေချင်နေပါပြီ။ သူတို့ကပိတ်ဆို့ခံထားရတာကို မလိုချင်ဘူးလေ။ မိမိအနေနဲ့ကလည်း သူတို့အပေါ်ပိတ်ဆို့မှုကို မဖြေလျှော့ပေးချင်ပါဘူး။ ဘာဖြစ်လို့လဲဆိုရင် သူတို့အနေနဲ့ နျူကလီးယားလက်နက်ပိုင်ဆိုင်သွားမှာကို မမြင်လိုလို့ပါ" ဟု ထရမ့်ကပြောသည်။လက်ရှိတွင် အမေရိကန်နိုင်ငံနှင့်အီရန်နိုင်ငံတို့ကြား သဘောတူညီချက်မရသေးသောကြောင့် ထိုအခြေအနေကိုဖိအားပေးနိုင်ရေးအတွက် ရေတိုနှင့်ပြင်းထန်သော တိုက်ခိုက်မှုများလုပ်ရန် အမေရိကန်၏ အလယ်ပိုင်းစစ်ဌာနချုပ်က အစီအစဉ်တစ်ရပ်ကို အသင့်ပြင်ဆင်ထားသည်။ သို့သော် အမေရိကန်အနေဖြင့် မကြုံဖူးသော အခြေအနေနှင့် ရင်ဆိုင်ရတော့မည်ဖြစ်ကြောင်း အီရန်တာဝန်ရှိသူ တစ်ဦးကပြောသည်။MWD
Fri, 1-May-2026
အီရန် အပေါ် စီးပွားရေးဖိအားပေး၍ အရှုံးပေးလာစေရန် ထရမ့် ကြိုးပမ်းနေပြီး စစ်ရေးရွေးချယ်ခွင့်များကိုလည်း လမ်းဖွင့်ထား
အီရန် အပေါ် စီးပွားရေးဖိအားပေး၍ အရှုံးပေးလာစေရန် ထရမ့် ကြိုးပမ်းနေပြီး စစ်ရေးရွေးချယ်ခွင့်များကိုလည်း လမ်းဖွင့်ထား
အမေရိကန်သမ္မတ ဒေါ်နယ်ထရမ့်သည် အီရန်နိုင်ငံအား ၎င်း၏ နျူကလီးယားအစီအစဉ် ထိန်းချုပ်ရေးဆိုင်ရာ သဘောတူညီချက်အသစ်တွင် ပါဝင်လာ စေရန် စီးပွားရေးအရ အပြင်းအထန် ဖိအားပေးလျက်ရှိပြီး ပင်တဂွန် စစ်ဌာနချုပ် အရာရှိကြီးများနှင့်တွေ့ဆုံကာ နောက်ဆုံးရ စစ်ရေးရွေးချယ်ခွင့်များကို ကြားနာသုံးသပ်သွားရန်ရှိကြောင်း သိရှိရသည်။ အဆိုပါ တွေ့ဆုံမှုတွင် အမေရိကန် အလယ်ပိုင်းစစ်ဌာနချုပ် တပ်မှူးနှင့် ပူးတွဲစစ်ဦးစီးချုပ်များအဖွဲ့ ဥက္ကဋ္ဌတို့ ပါဝင်မည်ဖြစ်ပြီး ၎င်းသည် စစ်ပွဲ အဆုံးသတ်ရေး ဆွေးနွေးမှုများ နှေးကွေးနေချိန်တွင် သမ္မတအနေဖြင့် စစ်ရေးနည်းလမ်းကိုပါ ရွေးချယ်ခွင့်တစ်ခုအဖြစ် ဆက်လက် ကိုင်စွဲထားသည့် လက္ခဏာတစ်ရပ် ဖြစ်သည်။လက်ရှိတွင် ထရမ့်သည် အီရန်နိုင်ငံအား စီးပွားရေးအရ အကျပ်ရိုက်စေရန်ရည်ရွယ်သည့် မဟာဗျူဟာကိုကျင့်သုံးနေပြီး အထူးသဖြင့် အီရန် ဆိပ်ကမ်းများကို အမေရိကန်ရေတပ်က ပိတ်ဆို့ထားမှုကို ဆက်လက် လုပ်ဆောင်ရန် အကြံပေးများကို ညွှန်ကြားထားသည်။ ထို့အပြင် ကမ္ဘာ့ ရေနံသယ်ယူပို့ဆောင်ရေးတွင်အရေးပါသည့် ဟော်မုဇ် ရေလက်ကြားကိုပါ ရေရှည်ပိတ်ဆို့နိုင်ရန် ပြင်ဆင်မှုများပြုလုပ်နေကြောင်း သိရှိရသည်။ သမ္မတထရမ့်က အဆိုပါပိတ်ဆို့မှုသည် အလွန်ထိရောက်သော နည်းလမ်းဖြစ်ကြောင်းနှင့် အီရန်နိုင်ငံအနေဖြင့် မကြာမီ အရှုံးပေးကြောင်း ဝန်ခံလာရမည်ဖြစ်ကြောင်း သတင်းထောက်များကို ပြောကြားခဲ့သည်။သို့သော်လည်း ထရမ့်သည် စစ်ရေးအရပြင်ဆင်မှုများကို ကြားနာသုံးသပ်နေသော်လည်း လက်တွေ့တွင်မူ ဗုံးကြဲတိုက်ခိုက်မှုများ ပြန်လည် စတင် ခြင်းထက် အီရန်နှင့် သဘောတူညီချက်တစ်ခုရရှိရေးကိုသာ ပိုမိုလိုလားနေကြောင်း ၎င်းနှင့်နီးစပ်သည့် သတင်းရင်းမြစ်များက ဆိုသည်။ လက်ရှိတွင် နှစ်ဖက်အကြား အကန့်အသတ်မရှိ အပစ်အခတ်ရပ်စဲထားသည့် အခြေအနေရှိနေသဖြင့် ထရမ့်အနေဖြင့် အလျင်စလို လုပ်ဆောင်ရန် ဖိအားမရှိဟု ယူဆနေပြီး စီးပွားရေးပိတ်ဆို့မှုများမှတစ်ဆင့် အီရန် အစိုးရကို အပေးအယူလုပ်လာစေရန် စိတ်ရှည်စွာ စောင့်ဆိုင်းမည့် ပုံစံရှိနေကြောင်း သုံးသပ်ရပါသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 30-Apr-2026
လာဗရော့ဗ်၏ အိန္ဒိယခရီးစဉ်အသေးစိတ်ကို မော်စကို ထုတ်ပြန် ကြေညာ
လာဗရော့ဗ်၏ အိန္ဒိယခရီးစဉ်အသေးစိတ်ကို မော်စကို ထုတ်ပြန် ကြေညာ
ရုရှားနိုင်ငံခြားရေးဝန်ကြီး ဆာဂေး လာဗရော့ဗ်သည် မေလတွင် ကျင်းပမည့် BRICS နိုင်ငံခြားရေးဝန်ကြီးများ အစည်းအဝေးသို့တက်ရောက်ရန် အိန္ဒိယ နိုင်ငံသို့ သွားရောက်မည်ဖြစ်ကြောင်း မော်စကိုက အတည်ပြုခဲ့သည်။ လက်ရှိတွင် အိန္ဒိယနိုင်ငံသည် အဆိုပါအဖွဲ့၏ အလှည့်ကျဥက္ကဋ္ဌအဖြစ် တာဝန်ယူထားသည်။ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မာရီယာ ဇာခါရိုဗာက ဗုဒ္ဓဟူးနေ့ (ဧပြီ ၂၉) တွင် ပြောကြားရာ၌ လာဗရော့ဗ်၏ ခရီးစဉ်အတွင်း လက်ရှိ နိုင်ငံတကာပြဿနာရပ်များနှင့် ကမ္ဘာလုံးဆိုင်ရာအုပ်ချုပ်မှုစနစ် တိုးတက်ကောင်းမွန်လာစေရန် မျှော်မှန်းချက်များအပေါ် အနှစ်သာရရှိပြီး နက်နက်ရှိုင်းရှိုင်းဆွေးနွေးသွားရန် မျှော်လင့်ထားကြောင်း ပြောဆိုခဲ့သည်။ထို့အပြင် စက်တင်ဘာလတွင် နယူးဒေလီမြို့၌ ကျင်းပမည့် (၁၈) ကြိမ်မြောက် BRICS ထိပ်သီးအစည်းအဝေးအတွက် ပြင်ဆင်မှုများကိုလည်း ဆွေးနွေးမည်ဖြစ်သည်။ အဆိုပါ ထိပ်သီးအစည်းအဝေးသို့ ရုရှားသမ္မတ ဗလာဒီမာ ပူတင် တက်ရောက်ရန် အလားအလာရှိနေသည်။ အလားတူပင် အိန္ဒိယ ဝန်ကြီးချုပ် နာရိန်ဒရာ မိုဒီသည်လည်း ယခုနှစ်နှောင်းပိုင်းတွင် မော်စကို သို့ သွားရောက်ရန် စီစဉ်ထားသည်။လာဗရော့ဗ်သည် အိန္ဒိယနိုင်ငံခြားရေးဝန်ကြီး အက်စ် ဂျိုင်ရှန်ကာ နှင့်လည်း သီးခြားတွေ့ဆုံဆွေးနွေးမည်ဖြစ်သည်။ "အဆင့်မြင့်ခေါင်းဆောင်ပိုင်းနဲ့လုပ်ငန်းအဆင့် ဆက်သွယ်မှု အစီအစဉ်တွေအပါအဝင် နှစ်နိုင်ငံ ဆက်ဆံရေးကဏ္ဍစုံကိုဆွေးနွေးဖို့ စီစဉ်ထားပါတယ်" ဟု ဇာခါရိုဗာက ဆိုသည်။အိန္ဒိယနိုင်ငံသည် ရုရှားထံမှ စတုတ္ထမြောက် S-400 Triumf မြေပြင်မှ ဝေဟင်ပစ်ဒုံးကျည်စနစ်ကို မေလတွင် လက်ခံရရှိရန် ရှိနေကြောင်း PTI သတင်းဌာနက ဖော်ပြခဲ့သည်။ ၂၀၁၈ ခုနှစ်တွင် ချုပ်ဆိုခဲ့သော ဒေါ်လာ ၅ ဘီလီယံတန် သဘောတူညီချက်အရ ဒုံးကျည်စနစ် ၅ ခုအနက် ၃ ခုကို ပေးပို့ပြီးဖြစ်သည်။ ထို့အပြင် Su-57 တိုက်လေယာဉ်များ ထုတ်လုပ်ရေးအတွက် ညှိနှိုင်းမှုများသည်လည်း နည်းပညာပိုင်းဆိုင်ရာ အဆင့်မြင့် အဆင့် သို့ ရောက်ရှိနေပြီဖြစ်သည်။ပြီးခဲ့သည့် ဒီဇင်ဘာလက သမ္မတ ပူတင်၏ အိန္ဒိယ ခရီးစဉ်အတွင်း လက်မှတ်ရေးထိုးခဲ့သော အလုပ်သမားရွှေ့ပြောင်းသွားလာမှု သဘောတူညီချက် အရ ရုရှားနိုင်ငံသည် အိန္ဒိယနိုင်ငံမှ ကျွမ်းကျင်လုပ်သားများကို အကန့်အသတ်မရှိလက်ခံရန် စိတ်အားထက်သန်လျက် ရှိသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 30-Apr-2026
အီရန်စစ်ပွဲအပေါ် လူထုထောက်ခံမှုနှင့်ပတ်သက်၍ အိမ်ဖြူတော်နှင့် စစ်တမ်းများအကြား အမြင်ကွဲလွဲမှုများ ဖြစ်ပေါ်နေ
အီရန်စစ်ပွဲအပေါ် လူထုထောက်ခံမှုနှင့်ပတ်သက်၍ အိမ်ဖြူတော်နှင့် စစ်တမ်းများအကြား အမြင်ကွဲလွဲမှုများ ဖြစ်ပေါ်နေ
အမေရိကန် စစ်မက်ရေးရာဝန်ကြီး (Secretary of War) Pete Hegseth သည် အီရန်အပေါ် ဆင်နွှဲနေသည့်စစ်ဆင်ရေးကို ပြည်သူများက ထောက်ခံ နေကြောင်း လွှတ်တော်တွင် ထွက်ဆိုခဲ့သော်လည်း လက်တွေ့ထွက်ပေါ်နေသည့် နိုင်ငံလုံးဆိုင်ရာစစ်တမ်းများမှာမူ ထိုပြောကြားချက်နှင့် ဆန့်ကျင်ဘက် ဖြစ်နေကြောင်း တွေ့ရှိရသည်။ ပြီးခဲ့သည့် ဖေဖော်ဝါရီလက အမေရိကန်-အစ္စရေးတို့၏ ဗုံးကြဲတိုက်ခိုက်မှုဖြင့် စတင်ခဲ့သော အဆိုပါစစ်ပွဲသည် ရက်သတ္တပတ်အနည်းငယ်အတွင်း ပြီးဆုံးမည်ဟု ခန့်မှန်းခဲ့သော်လည်း ယခုအခါ ကုန်ကျစရိတ် ဒေါ်လာ ၂၅ ဘီလီယံအထိ မြင့်တက်လာပြီး အရပ်သား ၁,၃၀၀ ကျော် သေဆုံးခဲ့ရကာ ဟော်မုဇ်ရေလက်ကြားပိတ်ဆို့မှုကြောင့် ကမ္ဘာ့စွမ်းအင်ကဏ္ဍတွင်လည်း ကြီးမားသော အကျပ်အတည်းများ ဆိုက်ရောက်လျက်ရှိသည်။သမ္မတ ဒေါ်နယ်ထရမ့်ကမူ Harvard Harris စစ်တမ်းကိုကိုးကား၍ ပြည်သူအများစုက ၎င်း၏မူဝါဒကို ထောက်ခံသည်ဟု လူမှုကွန်ရက်တွင် ရေးသားခဲ့သည်။ သို့သော် အဆိုပါစစ်တမ်းကို အသေးစိတ်လေ့လာကြည့်ပါက ထောက်ခံမှုမှာ ပါတီအစွဲအလိုက် အလွန်ကွဲပြားနေပြီး NPR ၊ CNN နှင့် Reuters တို့၏ စစ်တမ်းများအရ ဧပြီလကုန်ပိုင်းတွင် အမေရိကန် ပြည်သူအများစုမှာ စစ်ရေးအရအရေးယူမှုကို ဆန့်ကျင်လာကြကြောင်း တွေ့ရှိရသည်။ အထူးသဖြင့် ပါတီစွဲမရှိသူများနှင့် ဒီမိုကရက်များအကြား ထောက်ခံမှု သိသိသာသာကျဆင်းနေခြင်း ဖြစ်သည်။ဝန်ကြီး Hegseth ကမူ လွှတ်တော်တွင် စစ်ပွဲကိုဝေဖန်နေသည့် အမတ်များကို ပြင်းပြင်းထန်ထန် တုံ့ပြန်ခဲ့ပြီး ၎င်းတို့ကို ရန်သူ့ဘက်တော်သားများအဖြစ် စွပ်စွဲခဲ့သည်။ သို့သော်လည်း လက်တွေ့တွင် သမ္မတထရမ့်၏ လူထုထောက်ခံမှုနှုန်းမှာ စံချိန်တင် ကျဆင်းနေပြီး မြင့်တက်လာသော စွမ်းအင်ဈေးနှုန်းများကြောင့် ရှေ့လာမည့် ကြားဖြတ်ရွေးကောက်ပွဲတွင် ရီပတ်ဘလစ်ကန်တို့အတွက် နိုင်ငံရေးအရထိုးနှက်ချက် ဖြစ်လာနိုင်ကြောင်း စီးပွားရေးခေါင်းဆောင်များက သတိပေးနေကြသည်။တစ်ဖက်တွင်လည်း ဒီမိုကရက်များက လွှတ်တော်ခွင့်ပြုချက်မပါဘဲ စစ်ပွဲဆင်နွှဲနေခြင်းမှာ ဥပဒေချိုးဖောက်ခြင်းဖြစ်သည်ဟုဆိုကာ သမ္မတကို တရား စွဲဆိုရန် ပြင်ဆင်နေကြသဖြင့် အိမ်ဖြူတော်အနေဖြင့် စစ်ရေးရော နိုင်ငံရေးအရပါ ဖိအားများစွာနှင့် ရင်ဆိုင်နေရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 30-Apr-2026
ဟော်မုဇ်ရေလက်ကြားကို ထိန်းချုပ်ရန် အမေရိကန်၏ စီမံချက်အသစ် တွင် ရုရှားနှင့် တရုတ်တို့ကို ချန်လှပ်ထား
ဟော်မုဇ်ရေလက်ကြားကို ထိန်းချုပ်ရန် အမေရိကန်၏ စီမံချက်အသစ်တွင် ရုရှားနှင့် တရုတ်တို့ကို ချန်လှပ်ထား
ဟော်မုဇ်ရေလက်ကြားအတွင်း ရေကြောင်းသွားလာမှု လွတ်လပ်ခွင့်ကို ထိန်းချုပ်ရန်နှင့် အီရန်၏ ပိတ်ဆို့မှုများကို တုံ့ပြန်ရန်အတွက် အမေရိကန် က "Maritime Freedom Construct (MFC)" မဟာဗျူဟာမြောက် စီမံချက် အသစ်တစ်ရပ်ကို စတင်လိုက်သည်။ အမေရိကန် နိုင်ငံခြားရေးဝန်ကြီး မာကို ရူဘီယိုက ကမ္ဘာတစ်ဝန်းရှိ သံရုံးများသို့ပေးပို့ခဲ့သော ကြေးနန်းစာအရ အဆိုပါစီမံချက်ကို နိုင်ငံခြားရေးဝန်ကြီးဌာနနှင့် CENTCOM စစ်ဌာနချုပ်တို့ ပူးတွဲစီမံခန့်ခွဲမည်ဖြစ်ကြောင်း သိရှိရသည်။ သို့သော် ထိုစီမံချက်တွင် အမေရိကန်၏ ပြိုင်ဘက်များဖြစ်ကြသော ရုရှား၊ တရုတ်၊ ဘယ်လာရုစ် နှင့် ကျူးဘားနိုင်ငံတို့ကိုမူ ပါဝင်ခွင့်မပြုဘဲ အတိအလင်း ချန်လှပ်ထားသည်။အဆိုပါစီမံချက်သည် သမ္မတ ထရမ့်၏ ယခင်က ‘အပြင်းထန်ဆုံး ဖိအားပေးမှု’ (Maximum Pressure) မဟာဗျူဟာနှင့်သီးခြားစီဖြစ်ပြီး ပါဝင်လာမည့် မိတ်ဖက်နိုင်ငံများအနေဖြင့်လည်း စစ်အင်အား ထည့်ဝင်ရန် တာဝန်ရှိမည် မဟုတ်ကြောင်း ဖော်ပြထားသည်။ အမေရိကန်၏ ရည်ရွယ်ချက်မှာ အီရန် ၏ အဟန့်အတားများကို စုပေါင်းအင်အားဖြင့်ရင်ဆိုင်ရန်နှင့် ကမ္ဘာ့စီးပွားရေးအတွက် အရေးပါသော ရေနံတင်ပို့သည့်လမ်းကြောင်းကို အကာအကွယ်ပေးရန်ဖြစ်သည်။အခြားတစ်ဖက်တွင်လည်း အီရန်၌ အစိုးရအပြောင်းအလဲဖြစ်စေရန် ရည်ရွယ်သည့် အမေရိကန်-အစ္စရေး စစ်ဆင်ရေးကို မထောက်ခံခဲ့ကြသော ဥရောပ နေတိုးအဖွဲ့ဝင်နိုင်ငံအချို့နှင့် အမေရိကန်အကြား တင်းမာမှုများ ရှိနေသည်။ အထူးသဖြင့် အဆိုပါစစ်ဆင်ရေးကို ကန့်ကွက်ခဲ့သော စပိန်ကဲ့သို့သော နိုင်ငံများသည် အိမ်ဖြူတော်၏ အရေးယူမှုစာရင်းတွင် ပါဝင်နေကြောင်း သတင်းများက ဆိုသည်။ အီရန်နိုင်ငံသည် ဖေဖော်ဝါရီလအတွင်းက အာရပ်နိုင်ငံများရှိ အမေရိကန် စခန်းများကို တိုက်ခိုက်ခြင်းနှင့် ဟော်မုဇ်ရေလက်ကြားကို ပိတ်ဆို့ခြင်းတို့ဖြင့်တုံ့ပြန်ခဲ့ရာ ဒေသတွင်း တင်းမာမှုများ မြင့်တက်နေခဲ့သည်။ ပါကစ္စတန်၏ ကြားဝင်စေ့စပ်မှု ပျက်ပြယ်သွားပြီးနောက် သမ္မတ ထရမ့် က အီရန်ဆိပ်ကမ်းများကို ရေတပ်ဖြင့်ပိတ်ဆို့ရန် ကြေညာထားခြင်းကြောင့် အရှေ့အလယ်ပိုင်းအခြေအနေမှာ ပိုမိုစိုးရိမ်ဖွယ်ရာ ဖြစ်လာနေသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 30-Apr-2026
© Copyright 2024 SAC All Rights Reserved.