အရှေ့အလယ်ပိုင်းဒေသတွင် အပစ်အခတ်ရပ်စဲရန်နှင့် တင်းမာမှုများလျှော့ချရန်အတွက် ဆုံးဖြတ်ချက် မူကြမ်းတစ်စောင်ကို ရုရှားပြင်ဆင်

dpWEB1234

News Image

  • အရှေ့အလယ်ပိုင်းဒေသတွင် အပစ်အခတ်ရပ်စဲရန်နှင့် တင်းမာမှုများလျှော့ချရန်အတွက် ဆုံးဖြတ်ချက် မူကြမ်းတစ်စောင်ကို ရုရှားပြင်ဆင်

အရှေ့အလယ်ပိုင်း ဒေသတွင် လက်နက်ကိုင်ပဋိပက္ခများမြင့်တက်ဖြစ်ပွားနေစဉ် သက်ဆိုင်ရာနိုင်ငံများအကြား အပစ်အခတ် ရပ်စဲရန်နှင့် တင်းမာမှုများ လျှော့ချရန် တိုက်တွန်းထားသည့် ကုလသမဂ္ဂလုံခြုံရေးကောင်စီဆုံးဖြတ်ချက်  မူကြမ်းတစ်စောင်ကို ရုရှားနိုင်ငံက ပြင်ဆင်လျက်ရှိသည်ဟု ခိုင်လုံသောသတင်းရင်းမြစ်တစ်ခုက မတ်လ ၉ ရက်တွင် ပြောကြားခဲ့ကြောင်း သိရသည်။

အဆိုပါ ဆုံးဖြတ်ချက်မူကြမ်းပါ အချက်အလက်များအရ  သက်ဆိုင်ရာနိုင်ငံအားလုံးအနေဖြင့်   စစ်ရေးလှုပ်ရှားမှုများ ချက်ချင်း ရပ်တန့်ရန်နှင့် အရှေ့အလယ်ပိုင်းဒေသတွင် တင်းမာမှုများထပ်မံမြင့်တက်လာခြင်း မရှိစေရေးအတွက် ထိန်းသိမ်းကြရန် တိုက်တွန်းထားကြောင်း RIA Novosti သတင်းဌာနက ဆုံးဖြတ်ချက်မူကြမ်းအားကိုးကား၍  ဖော်ပြထားသည်။

ထို့ပြင် အရပ်သားများနှင့် အရပ်ဘက်အခြေခံ အဆောက်အဦများအပေါ် တိုက်ခိုက်မှုအားလုံးကို ပြစ်တင်ရှုတ်ချထားပြီး နိုင်ငံတကာ လူသားချင်းစာနာ ထောက်ထားမှုဆိုင်ရာ ဥပဒေအပါအဝင် နိုင်ငံတကာဥပဒေများကိုလိုက်နာရန်နှင့်   အရပ်သားများကို အကာအကွယ်ပေးရန် အဆိုပါမူကြမ်း၌ တောင်းဆိုထားကြောင်း သိရသည်။                               

Ref: Iv

MWD

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အီရန်အပေါ်တိုက်ခိုက်နေခြင်းအား ရပ်တန့်ရန် တောင်းဆိုလာသည့် ရုရှား
အီရန်အပေါ်တိုက်ခိုက်နေခြင်းအား ရပ်တန့်ရန် တောင်းဆိုလာသည့် ရုရှား
အီရန်နိုင်ငံအနေဖြင့်      မိမိကိုယ်ကို ခုခံကာကွယ်ပိုင်ခွင့်ရှိကြောင်း ရုရှားနိုင်ငံက အတည်ပြုပြောကြားလိုက်ပြီး အီရန်အပေါ် တိုက်ခိုက်နေခြင်းအားရပ်တန့်ရန် အမေရိကန်နှင့် အစ္စရေးနိုင်ငံတို့အား ရုရှားနိုင်ငံက  တောင်းဆိုလိုက်သည်။ အဆိုပါတောင်းဆိုချက်ကို ရုရှားနိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ မာရီယာ ဇာခါရိုဗာက မတ်လ ၁၂ ရက်နေ့တွင် ထုတ်ပြန်လိုက်ခြင်းဖြစ်သည်။ထို့ပြင် အီရန်နိုင်ငံ၊ အိမ်နီးချင်းအာရပ်နိုင်ငံများနှင့်  အခြားနေရာဒေသများရှိ အရပ်ဘက်ပစ်မှတ်များနှင့်     အခြေခံ အဆောက်အဦများအပေါ် ပစ်မှတ်ထားတိုက်ခိုက်ခြင်းအား ရုရှားနိုင်ငံက လက်ခံနိုင်ဖွယ်မရှိသော လုပ်ဆောင်မှုများအဖြစ် ယူဆကြောင်း၊ အမေရိကန်နှင့် အစ္စရေးတို့အနေဖြင့်  ၎င်းတို့တိုက်ခိုက်မှုများကို ရပ်တန့်ရန်နှင့်    တွေ့ဆုံဆွေးနွေးမှုများ လုပ်ဆောင်ရန် ရုရှားအစိုးရက တောင်းဆိုကြောင်း ဇာခါရိုဗာက သတင်းစာရှင်းလင်းပွဲတွင် ပြောကြားခြင်းဖြစ်သည်။ထို့ပြင် အရှေ့အလယ်ပိုင်းဒေသတွင် လက်ရှိဖြစ်ပွားနေသော ပဋိပက္ခအတွင်း ပါဝင်နေသည့် အဖွဲ့အစည်းအားလုံးအနေဖြင့် အကျိုးအကြောင်း ဆင်ခြင်တုံတရားနှင့်ထိန်းသိမ်းစောင့်ရှောက်မှုကိုကျင့်သုံးရန်၊ ဘက်လိုက်မှုရှိသော      စံနှုန်းနှစ်မျိုးကျင့်သုံးမှုကို စွန့်လွှတ်ရန်နှင့် အိမ်နီးချင်း ကောင်းပီသမှုအပေါ်အခြေခံ၍ ထိပ်တိုက်ရင်ဆိုင်မှုများကို အမြန်ဆုံးအဆုံးသတ်နိုင်ရေး ကြိုးပမ်းကြရန် အလွန်အရေးကြီးကြောင်း ၎င်းက  ဆက်လက်ပြောကြားသည်။တစ်ချိန်တည်းမှာပင် ရုရှားနိုင်ငံအနေဖြင့် အရှေ့အလယ်ပိုင်းဒေသတွင် ဖြစ်ပွားနေသော ပဋိပက္ခများ    အရှိန်မြင့်တက်လာမှုကို အမြန်ဆုံး အဆုံးသတ်နိုင်ရန်နှင့် မတူကွဲပြားမှုမှန်သမျှကို ငြိမ်းချမ်းသောနည်းလမ်းဖြင့်      ဖြေရှင်းနိုင်ရန်အတွက် ဆက်လက်ကြိုးပမ်း ဆောင်ရွက်မည်ဟု တရားဝင်ပြောကြားထားသည်။ Ref: Ta, IvMWD
Fri, 13-Mar-2026
အီရန်ပဋိပက္ခတွင် တစ်စိတ်တစ်ဒေသပါဝင်လာစေရန် တွန်းအားပေးခံလာရသည့် တူကီယဲ
အီရန်ပဋိပက္ခတွင် တစ်စိတ်တစ်ဒေသပါဝင်လာစေရန် တွန်းအားပေးခံလာရသည့် တူကီယဲ
အင်အားကြီးနိုင်ငံများကြားတွင် ဟန်ချက်ညီအောင်   အစဉ်တစိုက်ကြိုးပမ်းလေ့ရှိသည့် တူကီယဲနိုင်ငံသည် ယခုအခါ အရှေ့အလယ်ပိုင်းဒေသတွင် ဖြစ်ပွားနေသည့် ပဋိပက္ခအတွင်းသို့ မဖြစ်မနေ ဆွဲသွင်းခံနေရပြီး ဘက်တစ်ခုခုကိုရွေးချယ်ရန် ဖိအားပေးခံနေရပြီဟု ကျွမ်းကျင်သူများက  ယူဆ လျက်ရှိသည်ကိုတွေ့ရသည်။ ပြီးခဲ့သည့်ရက်ပိုင်းအတွင်း၌ အီရန်နိုင်ငံမှပစ်လွှတ်လိုက်သည်ဟု ယူဆရပြီး တူကီယဲ လေပိုင်နက်အတွင်းသို့       ကျူးကျော် ဝင်ရောက်လာသည့် ပဲ့ထိန်းဒုံးကျည်များကို နေတိုးအဖွဲ့၏ လေကြောင်းနှင့် ဒုံးကျည်ကာကွယ်ရေးတပ်ဖွဲ့များက     နှစ်ကြိမ်တိုင်တိုင် ကြားဖြတ်ဟန့်တား၍ ဖျက်ဆီးနိုင်ခဲ့သည်။ တူကီယဲနိုင်ငံအတွင်းသို့ ပထမအကြိမ်ဝင်ရောက်လာသည့် ဒုံးကျည်ကို မတ်လ ၄ ရက်နေ့တွင်   နေတိုးအဖွဲ့က ဟန့်တားခဲ့ခြင်းဖြစ်ပြီး  ဒုတိယအကြိမ်မြောက် ဒုံးကျည်ကို မတ်လ ၉ ရက်နေ့တွင်  မြေထဲပင်လယ် အရှေ့ပိုင်း၌ ကြားဖြတ်ဟန့်တားခဲ့ခြင်းဖြစ်သည်။ သို့သော်အဆိုပါ ဖြစ်စဉ်များအတွင်း    ထိခိုက်ဒဏ်ရာရသူမရှိခဲ့ပေ။စိတ်ဝင်စားဖွယ်ကောင်းသည့် အချက်မှာ တူကီယဲပိုင်နက်အတွင်းသို့ ဝင်ရောက်လာသည့်     အဆိုပါ ဒုံးကျည်များသည် ဆီးရီးယားနိုင်ငံရှိ အမေရိကန်တပ်ဖွဲ့ဝင်များ၊ မြေထဲပင်လယ်အရှေ့ပိုင်းရှိ အမေရိကန်စစ်သင်္ဘော သို့မဟုတ် ဆိုက်ပရပ်စ်နိုင်ငံရှိ ဗြိတိသျှ  စစ်အခြေစိုက်စခန်းများကိုသာ ပစ်မှတ်ထားခြင်း       ပိုမိုဖြစ်နိုင်သည်ဟု တူကီယဲသတင်းစာကြီးတစ်စောင်ဖြစ်သည့်  Cumhuriyet က ဖော်ပြခဲ့ခြင်းဖြစ်သည်။အဆိုပါဖြစ်စဉ်များ  ဖြစ်ပွားပြီးနောက်တွင် တူကီယဲအစိုးရသည်   မြောက်ပိုင်းဆိုက်ပရပ်စ်ဒေသတွင် F-16 အမျိုးအစား တိုက်လေယာဉ် ခြောက်စင်းနှင့် လေကြောင်းကာကွယ်ရေးစနစ်များကို ဖြန့်ချထားလိုက်သည်။တူကီယဲနိုင်ငံသည်   နေတိုးအဖွဲ့ဝင် တစ်နိုင်ငံဖြစ်ပြီး ဒေသတွင်းရှိ အီရန်နိုင်ငံနှင့်လည်း  ကုန်သွယ်ဖက်နိုင်ငံဖြစ်ခြင်းကြောင့် လက်ရှိဖြစ်ပွားနေသည့် စစ်ပွဲတွင်မည်သည့် ဘက်မှမပါဘဲ      ကြားနေရန်ကြိုးပမ်းလျက်ရှိသည်။   သို့သော်လည်း နိုင်ငံ၏ပိုင်နက် အတွင်းသို့   ဒုံးကျည်များ ဝင်ရောက်လာခြင်းကြောင့် လုံခြုံရေးအရ စစ်ရေးပြင်ဆင်မှုများကို တိုးမြှင့်လာရခြင်းဖြစ်သည်။အီရန်စစ်ပွဲ  ပိုမိုပြင်းထန်လာခြင်းနှင့်စပ်လျဉ်း၍ တူကီယဲနိုင်ငံက စိုးရိမ်မကင်းဖြစ်လျက်ရှိသည်။ အရှေ့အလယ်ပိုင်းဒေသတွင် အီရန်စစ်ပွဲ ပိုမိုဆိုးရွားလာခြင်းသည် တူကီယဲနိုင်ငံ၏ စီးပွားရေးကို ထိခိုက်လာနိုင်မည်ကို တူကီယဲအစိုးရကစိုးရိမ်နေသည်။ ထိုသို့ဖြစ်လာပါက   ၎င်းတို့၏ငွေကြေး ဖောင်းပွမှုနှုန်း    ပိုမိုမြင့်တက်လာစေနိုင်သည့်အပြင် စွမ်းအင်ထောက်ပံ့မှုကွင်းဆက်များတွင် အခက်အခဲများ ဖြစ်ပေါ်စေပြီး ခရီးသွားလုပ်ငန်းကိုလည်း နှေးကွေးသွားစေနိုင်သောကြောင့်ဖြစ်သည်။ထို့ပြင် အန်ကာရာ တူကီယဲအစိုးရသည် အရှေ့အလယ်ပိုင်းဒေသရှိ ခန့်မှန်းရခက်သော နိုင်ငံရေးအပြောင်းအလဲများအတွက်လည်း စိုးရိမ်နေပြီး    ဒေသတွင်းရှိ ကာ့ဒ်လက်နက်ကိုင် အဖွဲ့များနှင့် တင်းမာမှုများ တစ်ကျော့ပြန်ဖြစ်လာမည်ကို မလိုလားပေ။လူသားချင်းစာနာထောက်ထားမှုဆိုင်ရာ ရှုထောင့်မှကြည့်လျှင်လည်း တူကီယဲနိုင်ငံ၏ အိမ်နီးချင်းနိုင်ငံများတွင် ဒုံးကျည်များဖြင့် တိုက်ခိုက် ခံနေရခြင်းကြောင့် ၂၀၁၅ ခုနှစ်တွင် ကြုံတွေ့ခဲ့ရသကဲ့သို့ နိုင်ငံအတွင်းသို့ ဒုက္ခသည်များ အလုံးအရင်းနှင့် ထပ်မံဝင်ရောက်လာမည်ကို တူကီယဲအစိုးရက စိုးရိမ်လျက်ရှိနေသည်။ထိုသို့သော အကြောင်းရင်းများကြောင့် မြင့်တက်လာသည့်   အရှေ့အလယ်ပိုင်း ပဋိပက္ခတွင်   တူကီယဲနိုင်ငံသည် ပါဝင်ပတ်သက်မှုမရှိဘဲ ခပ်ကင်းကင်းသာနေခဲ့ခြင်း ဖြစ်သည်။ အစဉ်အလာအရ အင်အားစုနှစ်ရပ်ကြားခွထိုင်ကာ ဟန်ချက်ညီအောင် ကြိုးပမ်းလေ့ရှိသည့် တူကီယဲအစိုးရသည် မည်သည့်အင်အားစုဘက်မှ   မလိုက်ဘဲ ကြားနေခြင်းကိုသာ    ရွေးချယ်ခြင်းဖြစ်သည်။ထို့ပြင် တူကီယဲနိုင်ငံသည် ယခုဖြစ်ပွားနေသည့်ဖြစ်စဉ်များကို အစ္စရေးဝန်ကြီးချုပ် နေတန်ယာဟု၏    ရန်စမှုဟု ခေါ်ဆိုခဲ့ပြီး အဆိုပါတိုက်ခိုက်မှုများနှင့်   စပ်လျဉ်း၍ အလွန်အမင်း   ဝမ်းနည်းစိုးရိမ်မိကြောင်း ထုတ်ဖော်ပြောကြားခဲ့သည်။ တစ်ချိန်တည်းမှာပင် တူကီယဲအစိုးရသည် တစ်ဖက်တွင်မူ အမေရိကန်သမ္မတ    ဒေါ်နယ်ထရမ့်နှင့် ဆွေးနွေးခဲ့သလို အခြားတစ်ဖက်တွင်လည်း  အီရန်သမ္မတနှင့် ဆွေးနွေးမှုများပြုလုပ်၍ ၎င်းတို့၏ကြားနေမှုကို အထင်အရှားပြသခဲ့သည်ကို တွေ့ရမည်ဖြစ်သည်။ထိုသို့သော   အခြေအနေမျိုးတွင် တူကီယဲပိုင်နက်အတွင်းသို့  ဒုံးကျည်များဝင်ရောက်လာခြင်းသည် တူကီယဲအစိုးရအား ၎င်းတို့၏ ရပ်တည်ချက်ကို ပြောင်းလဲလာစေရန် ဖိအားပေးလာခဲ့ပြီဖြစ်သည်။ ထို့ပြင် လက်ရှိအီရန်အစိုးရသည် နိုင်ငံအတွင်းအခြေအနေအရပ်ရပ်ကို ထိန်းချုပ်နိုင်ခြင်းမရှိဘဲ စွမ်းဆောင်ရည်အားနည်းသည့် အစိုးရတစ်ရပ်အဖြစ် ထွက်ပေါ်လာမည်ဆိုပါက ကာ့ဒ်လက်နက်ကိုင်အဖွဲ့သည် တူကီယဲနိုင်ငံအား   ကြီးကြီးမားမား ခြိမ်းခြောက် လာနိုင်မည့် အလားအလာရှိနေသည်။ ထို့ကြောင့် တူကီယဲအစိုးရအနေဖြင့် ထိုသို့သောအခြေအနေကို ရှောင်လွှဲနိုင်ရေးအတွက် လက်ရှိဖြစ်ပွားနေသည့် ပဋိပက္ခတွင် တစ်စိတ်တစ်ဒေသ ပါဝင်လာစေရန် တွန်းအားပေးခြင်း ခံနေရသည်ဟု အမေရိကန်ဒီမိုကရေစီ   ကာကွယ်ရေး ဖောင်ဒေးရှင်းမှ ကျွမ်းကျင်သူများဖြစ်သည့် ဆီနန်ဆစ်ဒီနှင့် ဝီလီယံဒိုရန်တို့က သုံးသပ်ဖော်ပြထားကြောင်း ရေးသား ဖော်ပြလိုက်ရပါသည်။                               Ref: IvMWD
Thu, 12-Mar-2026
ရုရှားနိုင်ငံသားများအား အကူအညီပေးခဲ့သည့် အိမ်ရှင်အာရပ်စော်ဘွားများပြည်ထောင်စုကို ကျေးဇူးတင်ဟု ပူတင်ပြော
ရုရှားနိုင်ငံသားများအား အကူအညီပေးခဲ့သည့် အိမ်ရှင်အာရပ်စော်ဘွားများပြည်ထောင်စုကို ကျေးဇူးတင်ဟု ပူတင်ပြော
အရှေ့အလယ်ပိုင်းတွင် စစ်ရေးပဋိပက္ခမြင့်တက်နေစဉ် ရုရှားနိုင်ငံသားများအား အကူအညီပေးအပ်ခဲ့သည့် အိမ်ရှင်အာရပ် စော်ဘွားများ ပြည်ထောင်စုအား   ရုရှားသမ္မတဗလာဒီမာပူတင်က ကျေးဇူးတင်ရှိကြောင်း ရုရှားအစိုးရက မတ်လ ၁၁ ရက်တွင် ထုတ်ပြန်သည်။ထို့ပြင်     အာရပ်စော်ဘွားများပြည်ထောင်စုခေါင်းဆောင်    ဇာယစ် အယ်လ်နာယန်၏ ၆၅ နှစ်ပြည့်မွေးနေ့အတွက်လည်း       ဂုဏ်ပြုစကား ပြောကြားခဲ့ပြီး ကျန်းမာချမ်းသာစေကြောင်း   သမ္မတပူတင်က  ဆုမွန်ကောင်းတောင်းပေးခဲ့သည်။ ယင်းနောက် နှစ်နိုင်ငံခေါင်းဆောင်များသည် ရုရှားနှင့်အာရပ်စော်ဘွားများ ပြည်ထောင်စုတို့အကြား ချစ်ကြည်ရင်းနှီးသော ဆက်ဆံရေး တိုးတက်လာမှုကို မှတ်တမ်းတင်ခဲ့ကြပြီး     အရှေ့အလယ်ပိုင်းဒေသရှိ ပဋိပက္ခများ မြင့်တက်လာသည့် အခြေအနေကိုလည်း ဆွေးနွေးခဲ့ကြကြောင်း   သိရသည်။                                      Ref: IvMWD
Thu, 12-Mar-2026
အီရန်စစ်ပွဲ အဆုံးသတ်နိုင်ရေး ထရမ့်နှင့်ပူတင် ဆွေးနွေး
အီရန်စစ်ပွဲ အဆုံးသတ်နိုင်ရေး ထရမ့်နှင့်ပူတင် ဆွေးနွေး
ထရမ့်က အီရန်စစ်ပွဲ အမြန်ဆုံး အဆုံးသတ်နိုင်ရေး အခြေအနေနှင့်ပတ်သက်ပြီး ရုရှားသမ္မတ ပူတင် (Vladimir Putin) နှင့် ဖုန်းဆက်သွယ် ဆွေးနွေးခဲ့ကြောင်း ဖလော်ရီဒါ (Florida) ပြည်နယ်၌ ပြုလုပ်သော သတင်းစာရှင်းလင်းပွဲတွင် ထည့်သွင်းပြောကြားခဲ့သည်ဟု South China Morning Post မှ ဖော်ပြခဲ့သည်။“ကျနော်တို့ရဲ့ စစ်ရေးရည်မှန်းချက်တွေ ပြီးမြောက်ဖို့အတွက် အဓိက ခြေလှမ်းတွေကို လှမ်းနိုင်ခဲ့ပြီ။ တချို့ ရည်မှန်းချက်တွေဆိုရင် ပြီးမြောက်သွားပြီလို့တောင် ပြောနိုင်ပါတယ်” ဟု ထရမ့်က ဆိုသည်။အီရန်နိုင်ငံရှိ အမေရိကန်၏ စစ်ရေးရည်မှန်းချက်များသည် ပြီးဆုံးကာနီးပြီဖြစ်ကြောင်းနှင့် အရှေ့ အလယ်ပိုင်း ပဋိပက္ခသည်လည်း အဆုံးသတ်ရန် နီးကပ်နေပြီဖြစ်ကြောင်း အမေရိကန်သမ္မတ ဒေါ်နယ်ထရမ့် (Donald Trump) က မတ်လ ၉ ရက်တွင် ပြောကြားခဲ့သည်။ထရမ့်၏ ပြောကြားချက်အပေါ် တုန့်ပြန်သည့် အနေဖြင့် အီရန်တော်လှန်ရေးအစောင့်တပ်ဖွဲ့က “ဒီစစ်ပွဲရဲ့ အဆုံး သတ်ကို ဆုံးဖြတ်မှာက ကျွန်တော်တို့ပဲ ဖြစ်တယ်” ဟု မတ်လ ၁၀ ရက်တွင် ထုတ်ပြန် ခဲ့သည်။“အချိန်ဘယ်လောက်ပဲ ကြာပါစေ။ ကျွန်တော်တို့ရဲ့ ဒုံးကျည်တွေနဲ့ သူတို့ကို ဆက်လက် တိုက်ခိုက်ဖို့ အပြည့်အဝ ပြင်ဆင်ထားပါတယ်” ဟု အီရန်နိုင်ငံခြားရေးဝန်ကြီး အာဘက်စ် အာရက်ချီ (Abbas Araghchi) က PBS သတင်းဌာနကို ပြောကြားခဲ့သည်။ ထို့ပြင် အီရန်လုံခြုံရေးအကြီးအကဲ အလီ လာရီဂျာနီ (Ali Larijani) ကလည်း ဟော်မုဇ် ရေလက်ကြား (Strait of Hormuz) မှတဆင့် ရေနံစီးဆင်းမှု ရပ်တန့်သွားပါက အီရန်နိုင်ငံကို ပိုမိုပြင်းထန်စွာ တိုက်ခိုက်မည်ဆိုသည့် ထရမ့် ၏ ခြိမ်းခြောက်မှုများကို တုန့်ပြန်ခဲ့သည်။“အီရန်ဟာ သင့်ရဲ့ ခြိမ်းခြောက်မှုတွေကို မကြောက်ဘူး။သင့်ထက် ပိုပြီးအင်အားကြီးမားတဲ့ သူတွေတောင် အီရန်လူမျိုးတွေကို အမြစ်ပြတ်အောင် မလုပ်နိုင်ခဲ့ဘူး။ ခင်ဗျားကိုယ်တိုင် အမြစ်ပြတ် မသွားအောင်ပဲ သတိထားပါ” ဟု လာရီဂျာနီက X လူမှုမီဒီယာတွင် ရေးသားခဲ့သည်။ထရမ့်က ဟော်မုဇ် ရေလက်ကြားမှတစ်ဆင့် ဘေးကင်းလုံခြုံစွာ ဖြတ်သန်းသွားလာနိုင်ရေးအတွက် အစွမ်းကုန် လုပ်ဆောင်သွားမည်ဟု ပြောကြားခဲ့သည်။ထိုရေလက်ကြားကို ပိတ်ဆို့ရန် ကြိုးပမ်းမှုမှန်သမျှသည် ပျက်စီးဆုံးရှုံးမှုများကိုသာ ဖြစ်ပေါ်စေလိမ့်မည် ဟု အီရန်အစိုးရကို သတိပေးခဲ့သည်။ပါရှန်းပင်လယ်ကွေ့နှင့် အိန္ဒိယသမုဒ္ဒရာတို့ကို ဆက်သွယ်ပေးထားသည့် ဟော်မုဇ်ရေလက်ကြားသည် ကမ္ဘာလုံးဆိုင်ရာ ကုန်သွယ်ရေးနှင့် ရေနံစိမ်း၊ သဘာဝဓာတ်ငွေ့ရည် (LNG) များ သယ်ယူပို့ဆောင်ရေး အတွက် အလွန်အရေးပါသော အဓိက လမ်းကြောင်းတစ်ခုဖြစ်သည်။ကိုးကား - CNI International News
Thu, 12-Mar-2026
တရုတ်နိုင်ငံသည် လူ့အခွင့်အရေးအဖွဲ့များ၏ ပြင်းထန်စွာ ဝေဖန်မှုများရှိနေသည့် "လူမျိုးစုစည်းလုံးညီညွတ်ရေး" ဥပဒေကို အတည်ပြုရန် ပြင်ဆင်နေ
တရုတ်နိုင်ငံသည် လူ့အခွင့်အရေးအဖွဲ့များ၏ ပြင်းထန်စွာ ဝေဖန်မှုများရှိနေသည့် "လူမျိုးစုစည်းလုံးညီညွတ်ရေး" ဥပဒေကို အတည်ပြုရန် ပြင်ဆင်နေ
တရုတ်နိုင်ငံသည် လူ့အခွင့်အရေးထိန်းသိမ်းစောင့်ရှောက်သူများက လူနည်းစုများအား ပိုမိုဖယ်ကြဉ်ခံရစေနိုင်သည်ဟု သတိပေးထားသည့် "လူမျိုးစု စည်းလုံးညီညွတ်ရေး" ဥပဒေကို ကြာသပတေးနေ့ (မတ် ၁၂) တွင် အတည်ပြုရန် စီစဉ်ထားသည်။အမျိုးသားပြည်သူ့ကွန်ဂရက် (NPC) အားဖြင့် အတည်ပြုပြဋ္ဌာန်းဖွယ်ရှိသည့် အဆိုပါဥပဒေမူကြမ်းတွင် မန်ဒရင်းဘာသာစကားအား ပညာရေး၊ အစိုးရလုပ်ငန်းစဉ်များနှင့် လူထုသွားလာလှုပ်ရှားရာနေရာများတွင် "အမျိုးသားသုံး ဘုံဘာသာစကား" အဖြစ်မြှင့်တင်ရန် မူဝါဒများကို တရားဝင်သတ်မှတ်ပြဋ္ဌာန်းသွားမည်ဖြစ်သည်။တရုတ်အစိုးရသည် ၎င်းတို့၏ ကျယ်ပြန့်သောနိုင်ငံတော်အတွင်း ဟန်လူမျိုးအများစုနှင့် ရောယှက်ပေါင်းစပ်သွားစေရန် အတင်းအကျပ် ဆောင်ရွက်သည့် မူဝါဒများကို ကျင့်သုံးနေသည်ဟု ဆယ်စုနှစ်များစွာကြာ ဝေဖန်ခံလာခဲ့ရသည်။ ယခုအသစ်ထွက်ရှိလာသည့် "လူမျိုးစုစည်းလုံးညီညွတ်ရေး" ဥပဒေသည် လူမှုရေးဆိုင်ရာစည်းလုံးညီညွတ်မှုကို အဓိကထား၍ ဆောင်ရွက်သွားမည်ဖြစ်ပြီး "အကြမ်းဖက်လုပ်ရပ်များ၊ လူမျိုးရေးခွဲထွက်ရေးလုပ်ရပ်များ သို့မဟုတ် ဘာသာရေးအစွန်းရောက်လုပ်ဆောင်မှုများ" တွင် ပါဝင်ပတ်သက်သူများကို ပြစ်မှုကျူးလွန်သူများအဖြစ် သတ်မှတ်အရေးယူသွားမည်ဖြစ်သည်။တရုတ်အစိုးရ၏ အဆိုပါဥပဒေမူကြမ်းသည် နိုင်ငံအတွင်းဖြစ်ပေါ်နေသည့် မကြုံစဖူး လူမှုရေးပြောင်းလဲမှုများကြားတွင် "စည်းလုံးညီညွတ်မှု ကို ခိုင်မာစေရန်" ရည်ရွယ်ကြောင်း ဖော်ပြထားသည်။ တရုတ်နိုင်ငံတွင် ဘာသာစကားနှင့် ဒေသိယစကား ရာပေါင်းများစွာကို ပြောဆိုကြသည့် လူမျိုးစုငယ် (၅၅) မျိုးကို တရားဝင် အသိအမှတ်ပြုထားသည်။ ယခင်ကတည်းက တရုတ်အစိုးရသည် တိဘက်နှင့် အတွင်းမွန်ဂိုလီးယား ကဲ့သို့သော လူမျိုးစုငယ်များ အများအပြားနေထိုင်သည့်ဒေသများတွင် မန်ဒရင်းဘာသာစကားကို ပညာရေးဆိုင်ရာ သင်ကြားမှုဘာသာစကား အဖြစ် အသုံးပြုရန် မူဝါဒများ ချမှတ်ထားပြီးဖြစ်သည်။Human Rights Watch မှ တရုတ်နိုင်ငံဆိုင်ရာ သုတေသီ Yalkun Uluyol က ယခုဥပဒေအသစ်သည် လူနည်းစုများ၏ ကိုယ်ပိုင်ဘာသာစကားကို အသုံးပြုခွင့်ရှိစေရန် အာမခံချက်ပေးခဲ့သည့် တိန်ရှောင်ဖိန်ခေတ်မူဝါဒမှ "သိသာထင်ရှားစွာ သွေဖည်သွားခြင်း" ဖြစ်ကြောင်း သုံးသပ်ထားသည်။အဆိုပါဥပဒေအရ ပညာရေးဆိုင်ရာအဖွဲ့အစည်းများသည် မန်ဒရင်း ဘာသာစကားကို အဓိကသင်ကြားရေးဘာသာစကားအဖြစ် အသုံးပြုရန် လိုအပ်မည်ဖြစ်သည်။ မသင်မနေရပညာရေးစနစ်ကို ပြီးဆုံးချိန်တွင် ဆယ်ကျော်သက်များသည် မန်ဒရင်းဘာသာစကားကို "အခြေခံ ကျွမ်းကျင်စွာ" တတ်မြောက်ထားရန် လိုအပ်မည်ဖြစ်သည်။ ဥပဒေတွင် လူမျိုးစုဘာသာစကားများကို အတိအလင်းဖော်ပြထားခြင်း မရှိသော် လည်း ဝီဂါ၊ မွန်ဂိုနှင့် တိဘက်ဘာသာစကား ပြောဆိုသူများအပေါ် သက်ရောက်မှုရှိလာနိုင်ကြောင်း ခန့်မှန်းရသည်။PEN America မှ Erika Nguyen က "ကလေးငယ်များ မိခင် ဘာသာစကားကို သင်ယူလေ့လာနိုင်သည့်နေရာများကို ဥပဒေက ပစ်မှတ်ထားခြင်း မှာ မတော်တဆဖြစ်ရပ်မျိုး မဟုတ်ပါ" ဟု ဆိုသည်။ "ယင်း၏ ရည်ရွယ်ချက်မှာ ကလေးငယ်များ၏ အထောက်အထား၊ သမိုင်းနှင့် ယဉ်ကျေးမှုတို့နှင့် ဆက်သွယ်မှုကို ဖြတ်တောက်ရန်ဖြစ်သည်" ဟု ၎င်းက ထပ်လောင်းပြောကြားခဲ့သည်။PEN နှင့် တောင်ပိုင်းမွန်ဂိုလီးယား လူ့အခွင့်အရေးဆိုင်ရာ သတင်းအချက်အလက်စင်တာ (SMHRIC) တို့၏ မကြာသေးမီက ထုတ်ပြန်ခဲ့သည့် အစီရင်ခံစာတစ်ခုတွင် တရုတ်နိုင်ငံရှိ မွန်ဂိုဘာသာစကားသုံး ဝဘ်ဆိုက်ပေါင်း ၈၀ ရာခိုင်နှုန်းကျော် ကို "ဆင်ဆာဖြတ်တောက်ခြင်း သို့မဟုတ် ပိတ်ပင်ခြင်း" ပြုလုပ်ထားကြောင်း ဖော်ပြထားသည်။SMHRIC ၏ ဒါရိုက်တာ Enghebatu Togochog က အများပြည်သူဆိုင်ရာ လုပ်ငန်းများတွင် မန်ဒရင်းဘာသာစကား ကျွမ်းကျင်ရန် လိုအပ်ချက် သည် မွန်ဂိုဘာသာစကားပြောဆိုသူများ၏ အသက်မွေးဝမ်းကျောင်းဆိုင်ရာတိုးတက်မှုကို ဟန့်တားနိုင်ကြောင်း သတိပေးခဲ့သည်။ "တရုတ် ဘာသာစကား ကျွမ်းကျင်မှုသည် အလုပ်အကိုင်ရရှိရေးနှင့် တိုးတက်မှုအတွက် တံခါးစောင့်သဖွယ်ဖြစ်လာသည့်အတွက် စီးပွားရေးအရ မွန်ဂို လူမျိုးများ ပိုမိုဖယ်ကြဉ်ခံလာရသည်" ဟု ၎င်းက ပြောသည်။ထို့ပြင် အဆိုပါဥပဒေသည် တရုတ်နိုင်ငံ နယ်နိမိတ်ပြင်ပတွင်လည်း အကျုံးဝင်ကြောင်း ဖော်ပြထားသည်။ ပြည်ပရောက် တရုတ်လူမျိုးစုများနှင့် "ဆက်ဆံရေးကို ခိုင်မာစေရန်" ရည်ရွယ်သည်ဟု ဆိုသော်လည်း တရုတ်နိုင်ငံပြင်ပတွင် လူမျိုးစုစည်းလုံးညီညွတ်မှုကို ထိခိုက်စေသည့် လုပ်ဆောင်ချက်များ သို့မဟုတ် လူမျိုးရေးခွဲထွက်ရေးကို လှုံ့ဆော်သူများကို တရားဥပဒေအရ အရေးယူသွားမည်ဖြစ်ကြောင်း သတိပေးထားသည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 12-Mar-2026
ဟန်ဂေရီရွေးကောက်ပွဲဝင် အတိုက်အခံပါတီအား ယူကရိန်းက ငွေကြေးထောက်ပံ့နေဟု ဘူဒါပက် စွပ်စွဲ
ဟန်ဂေရီရွေးကောက်ပွဲဝင် အတိုက်အခံပါတီအား ယူကရိန်းက ငွေကြေးထောက်ပံ့နေဟု ဘူဒါပက် စွပ်စွဲ
လာမည့်လတွင်ကျင်းပမည့် ဟန်ဂေရီပါလီမန်ရွေးကောက်ပွဲတွင် ယူကရိန်း နိုင်ငံသည် အတိုက်အခံ Tisza ပါတီကို လျှို့ဝှက်စွာ ငွေကြေးထောက်ပံ့ နေကြောင်း ဟန်ဂေရီအစိုးရက ပြင်းထန်စွာ စွပ်စွဲလိုက်သည်။ ဟန်ဂေရီ အစိုးရပြောရေးဆိုခွင့်ရှိသူ Zoltan Kovacs ၏ ပြောကြားချက်အရ အဆိုပါငွေကြေးစီးဆင်းမှုများနှင့်ပတ်သက်သည့် အထောက်အထားများကို အမျိုးသားလုံခြုံရေးဝန်ဆောင်မှုအဖွဲ့များက ပါလီမန်လုံခြုံရေးကော်မတီထံ တင်ပြထားပြီးဖြစ်ကြောင်း သိရှိရသည်။Tisza ပါတီခေါင်းဆောင်များအနေဖြင့် ရွေးကောက်ပွဲအတွက် ဒေါ်လာ သန်း ၃၀ မှ ၆၀ ကြား လိုအပ်ကြောင်း ထုတ်ဖော်ပြောဆိုထားခြင်းမှာ လက်ရှိအာဏာရ Fidesz ပါတီ၏ ဩဇာလွှမ်းမိုးမှုကို ယှဉ်ပြိုင်လိုခြင်းဖြစ်ကြောင်းလည်း အစိုးရဘက်က ထောက်ပြထားသည်။အဆိုပါစွပ်စွဲချက်သည် ဘူဒါပက်အနီးတွင် ယူကရိန်းယာဉ်တန်းတစ်ခုကို ဖမ်းဆီးထိန်းသိမ်းခဲ့သည့် ဖြစ်စဉ်နောက်ပိုင်းတွင် ပေါ်ပေါက်လာခြင်း ဖြစ်သည်။ အဆိုပါယာဉ်တန်းတွင် အမေရိကန်ဒေါ်လာ သန်း ၄၀၊ ယူရို သန်း ၃၅ နှင့် ရွှေ ၉ ကီလိုဂရမ်တို့ ပါဝင်နေပြီး ငွေကြေးခဝါချမှုဆိုင်ရာ စုံစမ်းစစ်ဆေးမှုတစ်ခု၏ တစ်စိတ်တစ်ပိုင်းအဖြစ် ဖမ်းဆီးထားခြင်းဖြစ်သည်။ဟန်ဂေရီအာဏာပိုင်များက ငွေကြေးသယ်ဆောင်မှု လမ်းကြောင်းနှင့်ပတ်သက်၍ မေးခွန်းထုတ်နေချိန်တွင် ယူကရိန်းဘက်ကမူ ၎င်းတို့၏ လုပ်ဆောင်ချက်မှာ ၂၀၂၂ ခုနှစ် စစ်ပွဲစတင်ပြီးနောက်ပိုင်း ပုံမှန် လုပ်ဆောင်နေကျ ငွေကြေးလွှဲပြောင်းမှုသာဖြစ်ကြောင်းနှင့် ယခုဖမ်းဆီးမှုမှာ နိုင်ငံတော် အဆင့် ဓားပြတိုက်မှုဖြစ်ကြောင်း ပြန်လည်တုံ့ပြန်ခဲ့သည်။ဟန်ဂေရီနှင့် ယူကရိန်းကြား ဆက်ဆံရေးမှာ ယူကရိန်း၏ အီးယူ အဖွဲ့ဝင်ဖြစ်ရေးကိစ္စ၊ Druzhba ရေနံပိုက်လိုင်း ပိတ်ပင်မှုအပါအဝင် အငြင်းပွားမှုများစွာကြောင့် တင်းမာလျက်ရှိသည်။ Tisza ပါတီသည် ယူကရိန်း၏ အီးယူလမ်းကြောင်းကို ထောက်ခံထားသော်လည်း ဟန်ဂေရီ အစိုးရကမူ ယင်းရပ်တည်ချက်သည် နိုင်ငံ၏ လုံခြုံရေးနှင့်စီးပွားရေးကို ထိခိုက်စေနိုင်ပြီး ဥရောပသမဂ္ဂတစ်ခုလုံးကို ရုရှားနှင့် တိုက်ရိုက်ပဋိပက္ခ ဖြစ်စေမည့် အခြေအနေသို့ တွန်းပို့နိုင်ကြောင်း သတိပေးထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 12-Mar-2026
© Copyright 2024 SAC All Rights Reserved.