လောင်စာဆီပြတ်လပ်နေစဉ် အိန္ဒိယနိုင်ငံက ဘင်္ဂလားဒေ့ရှ်သို့ ဒီဇယ်ဆီများထောက်ပံ့ပေးမည်

dpWEB1234

News Image

  • လောင်စာဆီပြတ်လပ်နေစဉ် အိန္ဒိယနိုင်ငံက ဘင်္ဂလားဒေ့ရှ်သို့ ဒီဇယ်ဆီများထောက်ပံ့ပေးမည်

အရှေ့အလယ်ပိုင်းဒေသတွင် ဖြစ်ပွားနေသည့် ပဋိပက္ခကြောင့် လောင်စာဆီ ပြတ်လပ်မှုများဖြစ်ပွားနေစဉ် အိန္ဒိယနိုင်ငံက ဘင်္ဂလားဒေ့ရှ် နိုင်ငံသို့ ဒီဇယ်ဆီများ ထောက်ပံ့ပေးသွားမည်ဖြစ်ကြောင်း ထုတ်ပြန်ချက်များအရသိရသည်။

ဘင်္ဂလားဒေ့ရှ်နိုင်ငံသည် လက်ရှိတွင် စွမ်းအင်အကျပ်အတည်းနှင့် ရင်ဆိုင်နေရသောကြောင့် အိန္ဒိယနိုင်ငံအနေဖြင့် ပါဘာတီပူရ နယ်စပ်ရှိ ပိုက်လိုင်းမှတစ်ဆင့် ဒီဇယ် တန်ချိန် ၅၀၀၀ ကို ပေးပို့မည်ဖြစ်ကြောင်း ဘင်္ဂလားဒေ့ရှ် ရေနံကော်ပိုရေးရှင်းဥက္ကဋ္ဌ မိုဟာမက် ရီဇာနူရာမန်၏ ပြောကြားချက်ကို ကိုးကား၍ ANI သတင်းဌာနက ဖော်ပြသည်။

ဘင်္ဂလားဒေ့ရှ်နိုင်ငံသည် အိန္ဒိယနှင့်သဘောတူညီချက် ချမှတ်ထားကြောင်း၊ အဆိုပါသဘောတူညီချက်အရ အိန္ဒိယနိုင်ငံက တစ်နှစ်လျှင် ဒီဇယ်တန်ချိန် ၁၈၀၀၀၀ ကို ပိုက်လိုင်းမှတစ်ဆင့် ဘင်္ဂလားဒေ့ရှ်နိုင်ငံသို့ ပေးပို့မည်ဖြစ်ကြောင်း ရာမန်ကပြောကြားထားသည်။ 

ဘင်္ဂလားဒေ့ရှ် နိုင်ငံသည် ၎င်းတို့နိုင်ငံ အတွက်လိုအပ်သော  ရေနံနှင့် သဘာဝဓာတ်ငွေ့  ၉၅  ရာခိုင်နှုန်းကို ပြည်ပမှ တင်သွင်းနေရခြင်းဖြစ်သည်။

ဘင်္ဂလားဒေ့ရှ်နိုင်ငံတွင်  ၂၀၂၄ ခုနှစ်အုံကြွမှုအပြီး ဝန်ကြီးချုပ်ဟောင်း ရှိတ်ဟာဆီနာက အိန္ဒိယနိုင်ငံသို့ ထွက်ပြေးသွားခဲ့ခြင်းကြောင့် တင်းမာခဲ့သော နှစ်နိုင်ငံဆက်ဆံရေးသည် ယခုနှစ် ဖေဖော်ဝါရီလတွင် တာရစ်ရာမန်အစိုးရ အာဏာရလာပြီးနောက်ပိုင်း ပြန်လည်ကောင်းမွန် လာခဲ့ကြောင်း သိရသည်။                                     

 Ref: RT

MWD

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အပေးအယူလုပ်ဆောင်ခြင်းမပြုပါက အီရန်ခေါင်းဆောင်သစ်အား လုပ်ကြံသတ်ဖြတ်ရန် ထောက်ခံမည်ဟု အမေရိကန်ပြော
အပေးအယူလုပ်ဆောင်ခြင်းမပြုပါက အီရန်ခေါင်းဆောင်သစ်အား လုပ်ကြံသတ်ဖြတ်ရန် ထောက်ခံမည်ဟု အမေရိကန်ပြော
မကြာသေးမီက ရွေးချယ်တင်မြှောက်ခြင်း ခံထားရသည့် အီရန်ခေါင်းဆောင်သစ် မော့တာဘာခါမေနီအနေဖြင့် အမေရိကန်အစိုးရနှင့်  အပေးအယူလုပ်ဆောင်ခြင်းမရှိပါက ၎င်းအားလုပ်ကြံသတ်ဖြတ်မည့် အစီအစဉ်အား အမေရိကန်က ထောက်ခံမည်ဖြစ်ကြောင်း Wall Street Journal ကဖော်ပြခဲ့ကြောင်း သိရသည်။အကယ်၍ အီရန်ခေါင်းဆောင်သစ်မော့တာဘာခါမေနီအနေဖြင့် အမေရိကန်အစိုးရအား အလျှော့ပေးရန်အသင့်မဖြစ်သေးပါက ၎င်းအားဖယ်ရှားရှင်းလင်းမည့် အစီအစဉ်ကိုထောက်ခံမည်ဟု အမေရိကန်သမ္မတ ဒေါ်နယ်ထရမ့်က  ၎င်း၏အကြံပေးများကို ပြောကြားထားခြင်းဖြစ်သည်။ အထူးသဖြင့်   ခေါင်းဆောင်သစ်လက်ထက်တွင်  အီရန်အစိုးရအနေဖြင့် ၎င်းတို့၏  နျူကလီးယားအစီအစဉ်ကို စွန့်လွှတ်စေရန် ဒေါ်နယ်ထရမ့်က ဆန္ဒဖြစ်ပေါ်နေခြင်းဖြစ်သည်။ သို့သော် မော့တာဘာ ခါမေနီသည် အမေရိကန်နှင့်စေ့စပ်ဆွေးနွေး၍ အပေးအယူလုပ်ဆောင်ရန် ဆန္ဒရှိနေသူမဟုတ်ဟု ယူဆခြင်းခံထားရသည်။ တစ်ချိန်တည်းမှာပင်   အမေရိကန်အစိုးရက   မော့တာဘာခါမေနီကို သဘောထားတင်းမာသည့်   နိုင်ငံရေးသမားတစ်ဦးအဖြစ်   ရှုမြင်ထားပြီး ၎င်းအနေဖြင့်  အီရန်၏နျူကလီးယား လက်နက်ပိုင်ဆိုင်ရန် ကြိုးပမ်းမှုကို စွန့်လွှတ်မည် သို့မဟုတ်  အမေရိကန်အစိုးရ၏ စည်းကမ်းသတ်မှတ်ချက်များဖြင့် ဆွေးနွေးညှိနှိုင်းမည်ဟု မျှော်လင့်ထားခြင်းမရှိဟု ဂျာနယ်တွင်ရေးသား ဖော်ပြထားသည်။သတင်းရင်းမြစ်များ၏   အဆိုအရ မော့တာဘာခါမေနီကို   ဖယ်ရှားမည့်စစ်ဆင်ရေးကို အစ္စရေးနိုင်ငံက ဆောင်ရွက်နိုင်ဖွယ်ရှိကြောင်း   ခန့်မှန်းထားသည်။ ယခင်အီရန်နိုင်ငံ၏ အမြင့်ဆုံးခေါင်းဆောင်ဟောင်း   အလီခါမေနီနှင့်   ၎င်း၏ဇနီး သေဆုံးခဲ့ရသည့် လေကြောင်းတိုက်ခိုက်မှုကိုလည်း အစ္စရေးကပင် လုပ်ဆောင်ခဲ့ခြင်းဖြစ်ကြောင်း  အဆိုပါဂျာနယ်တွင် ဆက်လက်ဖော်ပြထားကြောင်း  သိရသည်။                               Ref: TaMWD
Wed, 11-Mar-2026
ပူတင်နှင့် ထရမ့်တို့အကြားဆွေးနွေးမှုက အီရန်ပဋိပက္ခကိုရပ်တန့်ရန်အထောက်အကူဖြစ်လာနိုင်ဟု ပါလက်စတိုင်းသံအမတ်ပြော
ပူတင်နှင့် ထရမ့်တို့အကြားဆွေးနွေးမှုက အီရန်ပဋိပက္ခကိုရပ်တန့်ရန်အထောက်အကူဖြစ်လာနိုင်ဟု ပါလက်စတိုင်းသံအမတ်ပြော
ရုရှားသမ္မတ   ဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့်တို့အကြား လုပ်ဆောင်ခဲ့သည့် တယ်လီဖုန်းမှတစ်ဆင့် ဆွေးနွေးမှုသည် အီရန်ပဋိပက္ခကို ရပ်တန့်ရန် အထောက်အကူ ဖြစ်လာနိုင်ကြောင်း ရုရှားနိုင်ငံဆိုင်ရာ ပါလက်စတိုင်းသံအမတ်ကြီး   အက်ဒယ်ဟာဖစ်နိုဖဲက ရုရှားသတင်းဌာနကြီးတစ်ခုသို့ ပြောကြားခဲ့ကြောင်း သိရသည်။သမ္မတပူတင်နှင့် ထရမ့်တို့နှစ်ဦးသည် မတ်လ  ၉ ရက်တွင် တယ်လီဖုန်းမှတစ်ဆင့် ဆွေးနွေးခဲ့ခြင်းဖြစ်ပြီး ၎င်းတို့၏ ဆွေးနွေးမှုများသည်  အီရန်နိုင်ငံနှင့် ဖြစ်ပွားနေသည့် စစ်ပွဲကို ရပ်တန့်စေရန်အတွက် အထောက်အကူဖြစ်နိုင်မည်ဟု မျှော်လင့်ကြောင်းနှင့် အမေရိကန် အစိုးရအနေဖြင့်လည်း အီရန်အပေါ်  တိုက်ခိုက်မှုများကို အဆုံးသတ်သင့်ကြောင်း ပါလက်စတိုင်း သံအမတ်ကြီး နိုဖဲကဆက်လက်ပြောကြားသည်။ထို့ပြင် နိုဖဲ၏ပြောကြားချက်အရ အီရန်အပေါ် လုပ်ဆောင်နေသည့် တိုက်ခိုက်မှုများ ပြီးဆုံးသွားပါက ရုရှား၊ တရုတ်နှင့် အခြားနိုင်ငံများ၏ အကူအညီဖြင့် ဖြေရှင်းချက်တစ်ခုရရှိရန် ညှိနှိုင်းဆွေးနွေးနိုင်မည်ဖြစ်ကြောင်း သိရသည်။                  Ref: TaMWD
Wed, 11-Mar-2026
လောင်စာဆီပြတ်လပ်နေစဉ် အိန္ဒိယနိုင်ငံက ဘင်္ဂလားဒေ့ရှ်သို့ ဒီဇယ်ဆီများထောက်ပံ့ပေးမည်
လောင်စာဆီပြတ်လပ်နေစဉ် အိန္ဒိယနိုင်ငံက ဘင်္ဂလားဒေ့ရှ်သို့ ဒီဇယ်ဆီများထောက်ပံ့ပေးမည်
အရှေ့အလယ်ပိုင်းဒေသတွင် ဖြစ်ပွားနေသည့် ပဋိပက္ခကြောင့် လောင်စာဆီ ပြတ်လပ်မှုများဖြစ်ပွားနေစဉ် အိန္ဒိယနိုင်ငံက ဘင်္ဂလားဒေ့ရှ် နိုင်ငံသို့ ဒီဇယ်ဆီများ ထောက်ပံ့ပေးသွားမည်ဖြစ်ကြောင်း ထုတ်ပြန်ချက်များအရသိရသည်။ဘင်္ဂလားဒေ့ရှ်နိုင်ငံသည် လက်ရှိတွင် စွမ်းအင်အကျပ်အတည်းနှင့် ရင်ဆိုင်နေရသောကြောင့် အိန္ဒိယနိုင်ငံအနေဖြင့် ပါဘာတီပူရ နယ်စပ်ရှိ ပိုက်လိုင်းမှတစ်ဆင့် ဒီဇယ် တန်ချိန် ၅၀၀၀ ကို ပေးပို့မည်ဖြစ်ကြောင်း ဘင်္ဂလားဒေ့ရှ် ရေနံကော်ပိုရေးရှင်းဥက္ကဋ္ဌ မိုဟာမက် ရီဇာနူရာမန်၏ ပြောကြားချက်ကို ကိုးကား၍ ANI သတင်းဌာနက ဖော်ပြသည်။ဘင်္ဂလားဒေ့ရှ်နိုင်ငံသည် အိန္ဒိယနှင့်သဘောတူညီချက် ချမှတ်ထားကြောင်း၊ အဆိုပါသဘောတူညီချက်အရ အိန္ဒိယနိုင်ငံက တစ်နှစ်လျှင် ဒီဇယ်တန်ချိန် ၁၈၀၀၀၀ ကို ပိုက်လိုင်းမှတစ်ဆင့် ဘင်္ဂလားဒေ့ရှ်နိုင်ငံသို့ ပေးပို့မည်ဖြစ်ကြောင်း ရာမန်ကပြောကြားထားသည်။ ဘင်္ဂလားဒေ့ရှ် နိုင်ငံသည် ၎င်းတို့နိုင်ငံ အတွက်လိုအပ်သော  ရေနံနှင့် သဘာဝဓာတ်ငွေ့  ၉၅  ရာခိုင်နှုန်းကို ပြည်ပမှ တင်သွင်းနေရခြင်းဖြစ်သည်။ဘင်္ဂလားဒေ့ရှ်နိုင်ငံတွင်  ၂၀၂၄ ခုနှစ်အုံကြွမှုအပြီး ဝန်ကြီးချုပ်ဟောင်း ရှိတ်ဟာဆီနာက အိန္ဒိယနိုင်ငံသို့ ထွက်ပြေးသွားခဲ့ခြင်းကြောင့် တင်းမာခဲ့သော နှစ်နိုင်ငံဆက်ဆံရေးသည် ယခုနှစ် ဖေဖော်ဝါရီလတွင် တာရစ်ရာမန်အစိုးရ အာဏာရလာပြီးနောက်ပိုင်း ပြန်လည်ကောင်းမွန် လာခဲ့ကြောင်း သိရသည်။                                      Ref: RTMWD
Wed, 11-Mar-2026
စစ်ရေးဖိအားများနှင့်ရင်ဆိုင်နေရစဉ်အတွင်းထွက်ပေါ်လာသည့် အီရန်၏အမြင့်ဆုံးခေါင်းဆောင်သစ် မော့တာဘာခါမေနီ
စစ်ရေးဖိအားများနှင့်ရင်ဆိုင်နေရစဉ်အတွင်းထွက်ပေါ်လာသည့် အီရန်၏အမြင့်ဆုံးခေါင်းဆောင်သစ် မော့တာဘာခါမေနီ
အမေရိကန်နှင့်အစ္စရေးတို့၏ တိုက်ခိုက်မှုအတွင်း သေဆုံးသွားခဲ့ရသည့်  အီရန်နိုင်ငံ၏ခေါင်းဆောင်ဟောင်း အယာတိုလာ အလီခါမေနီ၏ နေရာတွင် ဆက်ခံမည့်သူအဖြစ် ၎င်း၏သားဖြစ်သူ မော့တာဘာခါမေနီအား အီရန်နိုင်ငံ၏ အမြင့်ဆုံး ခေါင်းဆောင်သစ်အဖြစ် မတ်လ ၈ ရက်တွင် ရွေးချယ်လိုက်ပြီဖြစ်သည်။သေဆုံးသွားသည့် အလီခါမေနီသည် ၁၉၈၉ ခုနှစ်မှစတင်၍ အီရန်နိုင်ငံကို ဦးဆောင်ခဲ့သူဖြစ်ပြီး ယခုနှစ် ဖေဖော်ဝါရီလ ၂၈ ရက်တွင်   တီဟီရန်မြို့၌ အမေရိကန်နှင့် အစ္စရေးတို့၏ လေကြောင်းတိုက်ခိုက်မှုများအတွင်း သေဆုံးခဲ့ခြင်းဖြစ်သည်။ ထို့ကြောင့်       နိုင်ငံ၏အမြင့်ဆုံးခေါင်းဆောင်သစ်ကို စိစစ်ရွေးချယ်ရန် တာဝန်ရှိသည့် အီရန်နိုင်ငံ၏ကျွမ်းကျင်သူများကောင်စီက ဆွေးနွေးညှိနှိုင်းမှုများကို တိကျစွာလုပ်ဆောင်ခဲ့ပြီးနောက် မော့တာဘာခါမေနီကို ရွေးချယ်ခဲ့ခြင်းဖြစ်သည်။ အဆိုပါခေါင်းဆောင်သစ်ရွေးချယ်ပွဲတွင် ပါဝင်ခဲ့သည့်      ကိုယ်စားလှယ်များမှာ မေဒီမီယာဘေဂါရီ၊    ဟက်ဆန်ခိုမေနီ၊ ဆာဒက်လာရီဂျာနီနှင့် အလီရီဇာအေဖာရီတို့ပါဝင်သည်။ထို့ပြင် အီရန်နိုင်ငံ၌ ၁၉၇၉ တော်လှန်ရေးအပြီး ရှားဘုရင်ကိုဖြုတ်ချပြီး ဘုရင်စနစ်ကို      အပြီးအပိုင်ဖယ်ရှားခဲ့သည့် အစ္စလာမ်မစ်အုပ်ချုပ်ရေးစနစ်ကို ဆက်လက်ဖော်ဆောင်မည့် ခေါင်းဆောင်သစ်အား သစ္စာခံကြရန် ကျွမ်းကျင်သူများ ကောင်စီကတိုက်တွန်းထားသည်။ခေါင်းဆောင်သစ်က ဘယ်လိုလူမျိုးလဲအမြင့်ဆုံးခေါင်းဆောင်သစ်အဖြစ် ရွေးချယ်ခံရသည့် မော့တာဘာခါမေနီကို ၁၉၆၉ ခုနှစ်တွင်မွေးဖွားခဲ့ပြီး ၎င်းသည်အလီခါမေနီ၏ သားသမီးခြောက်ဦးအနက် ဒုတိယမြောက်သားဖြစ်သည်။ မော့တာဘာခါမေနီသည်   ၎င်း၏လူငယ်ဘဝဖြစ်သည့် ၁၉၈၀ ပြည့်လွန်နှစ်များက  ဖြစ်ပွားခဲ့သည့် အီရန်-အီရတ်စစ်ပွဲတွင် မိုဟာမက် ရာဆူလိုလာတပ်မကြီး၌ စေတနာ့ဝန်ထမ်းအဖြစ် ပါဝင်တိုက်ခိုက်ခဲ့ပြီး ထိုစဉ်ကပင် အီရန်လုံခြုံရေးအဖွဲ့အစည်း၏ အနာဂတ်ခေါင်းဆောင်ပိုင်း ဖြစ်လာမည့်သူများနှင့် ရင်းနှီးသည့်ဆက်ဆံရေးများကို တည်ဆောက်ထားနိုင်ခဲ့သည်။နောက်ပိုင်းတွင်  မော့တာဘာခါမေနီသည် ကွန်းမြို့တွင် ဘာသာရေးပညာကို ဆက်လက်ဆည်းပူးခဲ့သည်။ ၎င်းသည် အစိုးရအဖွဲ့အတွင်း တရားဝင်ရာထူးနေရာများရယူခဲ့ခြင်းမရှိသော်လည်း ၎င်း၏ဖခင်အတွက်   အဓိက လက်ထောက်တစ်ဦး အဖြစ်နှင့် သော်လည်းကောင်း၊ နောက်ကွယ် မှနေ၍ ဩဇာအာဏာကြီးမားသူတစ်ဦးအဖြစ်လည်းကောင်း  လူသိများသူဖြစ်သည်။ ၂၀၁၉  ခုနှစ်တွင်  အမေရိကန် ဘဏ္ဍာရေးဝန်ကြီးဌာနက    အီရန်ခေါင်းဆောင်ပိုင်းနှင့် နီးစပ်သူများကို ပစ်မှတ်ထားအရေးယူသည့် အစီအစဉ်၏တစ်စိတ်တစ်ပိုင်းအဖြစ် မော့တာဘာခါမေနီအပေါ်သို့လည်း အမေရိကန်က ပိတ်ဆို့အရေးယူမှုများ ချမှတ်ခဲ့သည်။ဖခင်ဖြစ်သူသေဆုံးခဲ့သည့် အမေရိကန်နှင့်အစ္စရေးတို့၏ လေကြောင်းတိုက်ခိုက်မှုအတွင်း၌ မော့တာဘာခါမေနီ၏ ညီမနှင့်အခြားဆွေမျိုး အတော်များများ သေဆုံးသွားခဲ့သည်။ အဆိုပါတိုက်ခိုက်မှုအတွင်း မော့တာဘာကိုယ်တိုင်လည်း ဒဏ်ရာရရှိခဲ့ကြောင်း အစ္စရေးမီဒီယာများက ဖော်ပြထားသည်။ အီရန်နိုင်ငံ၏ အမြင့်ဆုံးခေါင်းဆောင်သစ်အဖြစ်   ရွေးချယ်ခံရပြီးနောက်ပိုင်းတွင် မော့တာဘာခါမေနီအား ခေါင်းဆောင်သစ်အဖြစ် အသိအမှတ်ပြုသစ္စာခံသည်ဟု အစ္စလာမ်မစ်တော်လှန်ရေး    အစောင့်တပ်ဖွဲ့က ၎င်းတို့၏မီဒီယာတစ်ခုဖြစ်သည့် Sepah တွင်ဖော်ပြ၍ကတိပြုထားသည်။အီရန်အနေဖြင့် လက်ရှိအခြေအနေတွင် အကြွင်းမဲ့လက်နက်ချခြင်းမှလွဲ၍ စစ်ပွဲကို အဆုံးသတ်နိုင်မည့် မည်သည့် သဘောတူညီချက်မျှ ရှိလာမည်မဟုတ်ဟု အမေရိကန်သမ္မတ ဒေါ်နယ်ထရမ့်က ပြောကြားခဲ့ပြီးနောက်  အီရန်ခေါင်းဆောင်သစ် ရွေးချယ်တင်မြှောက်မှု ထွက်ပေါ်လာခြင်း ဖြစ်သည်။သို့သော် လုပ်ကြံသတ်ဖြတ် ခံလိုက်ရသည့် အယာတိုလာအလီခါမေနီ၏ နေရာတွင် အီရန်၏ အမြင့်ဆုံးခေါင်းဆောင်အဖြစ် အစားထိုး ဝင်ရောက်လာသူ မည်သူ့ကိုမဆို လုပ်ကြံသတ်ဖြတ်သွားမည်ဟု အစ္စရေးနိုင်ငံက ခြိမ်းခြောက်ထားသည်။သို့ရာတွင် မော့တာဘာခါမေနီအား အီရန်၏ အမြင့်ဆုံးခေါင်းဆောင်အဖြစ် ရွေးချယ်တင်မြှောက်လိုက်ခြင်းသည် အီရန်အနေဖြင့် လက်ရှိ အခြေအနေတွင် စစ်ရေးဖိအားများနှင့် ရင်ဆိုင်နေရသော်လည်း ဖိအားပေးမှုများအား အလျှော့မပေးခြင်းကို ပြသခဲ့ခြင်း ဖြစ်သည်ဟု တူကီယဲနိုင်ငံရေး သမားနှင့် ရှေ့နေတစ်ဦးဖြစ်သူ အိုနာဆီနာဂူဇာတန်က   သုံးသပ်ပြောကြားထားသည်။Ref: Sputnik, RTMWD
Tue, 10-Mar-2026
အရှေ့အလယ်ပိုင်းဒေသတွင် အပစ်အခတ်ရပ်စဲရန်နှင့် တင်းမာမှုများလျှော့ချရန်အတွက် ဆုံးဖြတ်ချက် မူကြမ်းတစ်စောင်ကို ရုရှားပြင်ဆင်
အရှေ့အလယ်ပိုင်းဒေသတွင် အပစ်အခတ်ရပ်စဲရန်နှင့် တင်းမာမှုများလျှော့ချရန်အတွက် ဆုံးဖြတ်ချက် မူကြမ်းတစ်စောင်ကို ရုရှားပြင်ဆင်
အရှေ့အလယ်ပိုင်း ဒေသတွင် လက်နက်ကိုင်ပဋိပက္ခများမြင့်တက်ဖြစ်ပွားနေစဉ် သက်ဆိုင်ရာနိုင်ငံများအကြား အပစ်အခတ် ရပ်စဲရန်နှင့် တင်းမာမှုများ လျှော့ချရန် တိုက်တွန်းထားသည့် ကုလသမဂ္ဂလုံခြုံရေးကောင်စီဆုံးဖြတ်ချက်  မူကြမ်းတစ်စောင်ကို ရုရှားနိုင်ငံက ပြင်ဆင်လျက်ရှိသည်ဟု ခိုင်လုံသောသတင်းရင်းမြစ်တစ်ခုက မတ်လ ၉ ရက်တွင် ပြောကြားခဲ့ကြောင်း သိရသည်။အဆိုပါ ဆုံးဖြတ်ချက်မူကြမ်းပါ အချက်အလက်များအရ  သက်ဆိုင်ရာနိုင်ငံအားလုံးအနေဖြင့်   စစ်ရေးလှုပ်ရှားမှုများ ချက်ချင်း ရပ်တန့်ရန်နှင့် အရှေ့အလယ်ပိုင်းဒေသတွင် တင်းမာမှုများထပ်မံမြင့်တက်လာခြင်း မရှိစေရေးအတွက် ထိန်းသိမ်းကြရန် တိုက်တွန်းထားကြောင်း RIA Novosti သတင်းဌာနက ဆုံးဖြတ်ချက်မူကြမ်းအားကိုးကား၍  ဖော်ပြထားသည်။ထို့ပြင် အရပ်သားများနှင့် အရပ်ဘက်အခြေခံ အဆောက်အဦများအပေါ် တိုက်ခိုက်မှုအားလုံးကို ပြစ်တင်ရှုတ်ချထားပြီး နိုင်ငံတကာ လူသားချင်းစာနာ ထောက်ထားမှုဆိုင်ရာ ဥပဒေအပါအဝင် နိုင်ငံတကာဥပဒေများကိုလိုက်နာရန်နှင့်   အရပ်သားများကို အကာအကွယ်ပေးရန် အဆိုပါမူကြမ်း၌ တောင်းဆိုထားကြောင်း သိရသည်။                               Ref: IvMWD
Tue, 10-Mar-2026
ဂျာမနီအနောက်ပိုင်း ပြည်နယ်ရွေးကောက်ပွဲတွင် လက်ယာယိမ်း AfD ပါတီ သမိုင်းဝင်အောင်ပွဲခံ
ဂျာမနီအနောက်ပိုင်း ပြည်နယ်ရွေးကောက်ပွဲတွင် လက်ယာယိမ်း AfD ပါတီ သမိုင်းဝင်အောင်ပွဲခံ
ဂျာမနီနိုင်ငံ၊ ဘေဒင်-ဗျူတင်ဘတ် (Baden-Württemberg) ပြည်နယ်တွင် မကြာသေးမီက ကျင်းပခဲ့သည့် ဒေသန္တရရွေးကောက်ပွဲ၌ AfD ပါတီ သည် သမိုင်းဝင်ရလဒ်ကောင်းတစ်ခုကို ရရှိခဲ့သည်။ ၎င်းသည် ယခင် ရွေးကောက်ပွဲထက် မဲရလဒ် နှစ်ဆနီးပါး တိုးတက်လာခြင်းဖြစ်ပြီး ပါတီ၏ အမာခံနယ်မြေဖြစ်သည့် အရှေ့ဂျာမနီဒေသများပြင်ပတွင် အကောင်းဆုံးသော ရလဒ်အဖြစ် မှတ်တမ်းဝင်ခဲ့သည်။ အဆိုပါ ရွေးကောက်ပွဲတွင် Greens ပါတီနှင့် ဝန်ကြီးချုပ် ဖရိုင်းဒရစ် မာ့ဇ် ဦးဆောင်သည့် CDU ပါတီ တို့က မဲအရေအတွက် ၃၀ ရာခိုင်နှုန်း ဝန်းကျင်ခန့် ရရှိခဲ့ကြပြီး Greens ပါတီက ၁ ရာခိုင်နှုန်းအောက် ကွာခြားချက်ဖြင့် အနိုင်ရရှိခဲ့သည်။AfD ပါတီအနေဖြင့် ၁၉ ရာခိုင်နှုန်းနီးပါးရရှိကာ တတိယနေရာတွင် ရပ်တည်နိုင်ခဲ့ခြင်းသည် နိုင်ငံရေးအခင်းအကျင်းတွင် အရေးပါသော အပြောင်းအလဲတစ်ခုဟု လေ့လာသူများက သုံးသပ်ကြသည်။ AfD ဒေသ ဆိုင်ရာ ပူးတွဲဥက္ကဋ္ဌ မာကပ်စ် ဖရွန်မိုင်ယာကမူ အဆိုပါရလဒ်သည် မဲဆန္ဒရှင်များ၏ "ကွန်ဆာဗေးတစ်" သဘောထားကို ထင်ဟပ်ပြသနေပြီး နိုင်ငံရေးအပြောင်းအလဲအတွက် ရှင်းလင်းသောအချက်ပြမှု ဖြစ်ကြောင်း ပြောကြားခဲ့သည်။ ထို့ပြင် AfD ပါတီအနေဖြင့် CDU နှင့် ပူးပေါင်းဆောင်ရွက်ရန် သို့မဟုတ် ညွန့်ပေါင်းအစိုးရတွင် ပါဝင်ရန် ဆန္ဒရှိကြောင်း အရိပ်အမြွက် ပြောကြားထားသော်လည်း လက်ရှိတွင် CDU ဘက်ကမူ ယင်းကမ်းလှမ်းချက်ကို ပယ်ချထားဆဲဖြစ်သည်။ပြီးခဲ့သည့် နှစ်များအတွင်း ဂျာမနီနိုင်ငံတွင် AfD ပါတီ၏ လူထုထောက်ခံမှုမှာ တဖြည်းဖြည်း မြင့်တက်လာခဲ့ရာ အဓိကပါတီကြီးများအပေါ် စိတ်ပျက်မှုများ၊ လူဝင်မှုကြီးကြပ်ရေးနှင့် ဥရောပသမဂ္ဂ (EU) ၏ မူဝါဒများအပေါ် ဆွေးနွေးမှုများက တွန်းအားပေးလျက်ရှိသည်။ ၂၀၂၅ ခုနှစ် ဖေဖော်ဝါရီလ ရွေးကောက်ပွဲနောက်ပိုင်းတွင်လည်း အတိုက်အခံပါတီများထဲတွင် လူကြိုက်အများဆုံးပါတီအဖြစ် ဆက်လက် ရပ်တည်နိုင်ခဲ့သည်။ နောက်ဆုံးရရှိထားသည့် လူထုသဘောထားစစ်တမ်းများအရ ဂျာမန်နိုင်ငံသား ၂၄ ရာခိုင်နှုန်းမှ ၂၅ ရာခိုင်နှုန်းအထိက AfD ပါတီကို ထောက်ခံလျက်ရှိပြီး အာဏာရ CDU/CSU မဟာမိတ်အဖွဲ့နှင့် ကွာခြားချက်မှာ ၁ ရာခိုင်နှုန်းအထိ ကျဉ်းမြောင်းလာပြီဖြစ်သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 10-Mar-2026
© Copyright 2024 SAC All Rights Reserved.