ပါရှန်ပင်လယ်ကွေ့နိုင်ငံများစွာထံမှ ကာကွယ်ရေးဆိုင်ရာတောင်းဆိုမှုများကို လက်ခံရရှိထားကြောင်း ယူကရိန်း ပြောကြား

KookieSpace97

News Image

  • ပါရှန်ပင်လယ်ကွေ့နိုင်ငံများစွာထံမှ ကာကွယ်ရေးဆိုင်ရာ တောင်းဆိုမှုများကို လက်ခံရရှိထားကြောင်း ယူကရိန်း ပြောကြား

ယူကရိန်းသမ္မတ ဗလာဒီမာ ဇီလန်စကီး၏ ပြောကြားချက်အရ ဒရုန်း စစ်ဆင်ရေး (Drone Warfare) ဆိုင်ရာ ယူကရိန်း၏ ကျွမ်းကျင်မှုများကို ရယူရန်အတွက် ပါရှန်ပင်လယ်ကွေ့နိုင်ငံများက ကြိုးပမ်းလာကြရာတွင် ဘာရိန်းနှင့် အိုမန်နိုင်ငံတို့ထံမှလည်း ကာကွယ်ရေးဆိုင်ရာ ပူးပေါင်း ဆောင်ရွက်ရန် တောင်းဆိုမှုများလက်ခံရရှိထားကြောင်း သိရှိရသည်။

ဆော်ဒီအာရေဗျ၊ အာရပ်စော်ဘွားများပြည်ထောင်စု (UAE) နှင့် ကာတာ နိုင်ငံတို့နှင့် သဘောတူညီချက်များ ရရှိထားပြီးဖြစ်ကြောင်း ဇီလန်စကီး က မတ်လ ၃၀ ရက်နေ့တွင် ပြောကြားခဲ့သည်။ ထို့အပြင် ယူကရိန်းသည် ဂျော်ဒန်နှင့် ကူဝိတ်နိုင်ငံတို့နှင့်လည်း ပူးပေါင်းဆောင်ရွက်နေသည်ဟု ဆိုသည်။

“ဘာရိန်းနှင့် အိုမန်နိုင်ငံတို့ဆီကနေ နောက်ထပ် တောင်းဆိုမှုတွေ ရရှိထားပါတယ်” ဟု ဇီလန်စကီးက ပြောကြားခဲ့သည်။ “ဒေသတွင်း နိုင်ငံတွေက မိမိတို့ အစိုးရ၊ ကာကွယ်ရေးတပ်ဖွဲ့တွေ၊ ကျွမ်းကျင်ပညာရှင်များနှင့် အတူတကွ လက်တွဲလုပ်ဆောင်ဖို့ ဘုံရည်မှန်းချက် ရှိကြပါတယ်” ဟု ယူကရိန်းခေါင်းဆောင်က ဖြည့်စွက်ပြောကြားခဲ့သည်။

အီရန် ဒီဇိုင်းဖြင့် ရုရှားတွင် ထုတ်လုပ်ထားသော Shahed ဒရုန်းများကို ကိုင်တွယ်ဖြေရှင်းခဲ့သည့် ကိယက်ဗ်၏ အတွေ့အကြုံမှာ ယခုအခါ အလွန် တန်ဖိုးရှိလာခြင်း ဖြစ်သည်။ Shahed ဒရုန်းသည် အီရန်က လက်ရှိ အသုံးပြုနေသောလက်နက်များထဲမှ တစ်ခုဖြစ်သည်။

ကိုးကား- CNN

Photo: Defense News

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

အစ္စရေးနှင့် အမေရိကန်တို့၏ စစ်ရေးစွမ်းဆောင်ရည်များအား လျော့နည်းကုန်ခန်းစေမည့် မဟာဗျူဟာကို အသုံးပြုမည်ဟု အီရန်ပြော
အစ္စရေးနှင့် အမေရိကန်တို့၏ စစ်ရေးစွမ်းဆောင်ရည်များအား လျော့နည်းကုန်ခန်းစေမည့် မဟာဗျူဟာကို အသုံးပြုမည်ဟု အီရန်ပြော
အီရန်နိုင်ငံအနေဖြင့် ဒေသတွင်းရှိ အစ္စရေးနှင့် အမေရိကန်တို့၏ စစ်ရေးစွမ်းဆောင်ရည်များကို လျော့နည်းကုန်ခန်းစေမည့် မဟာဗျူဟာတစ်ရပ်ကို အသုံးပြုမည်ဖြစ်ကြောင်း အစ္စလာမ်မစ်တော်လှန်ရေးအစောင့်တပ်ဖွဲ့၏ ထုတ်ပြန်ချက်ကို ကိုးကား၍ ISNA သတင်းဌာနက မတ်လ ၃၁ ရက်တွင် ဖော်ပြထားသည်။အီရန်နိုင်ငံက ကျင့်သုံးမည့် မဟာဗျူဟာသည် ဒေသတွင်းရှိ အစ္စရေးနှင့် အမေရိကန်တပ်ဖွဲ့တို့၏ စစ်ရေးစွမ်းဆောင်ရည်ကို တိုက်စားယိုယွင်းစေရန် ရေရှည်ရည်ရွယ်ထားခြင်းဖြစ်ကြောင်း အဆိုပါသတင်းဌာနက ၎င်းတို့၏ လူမှုမီဒီယာစာမျက်နှာတွင် ဖော်ပြထားသည်။ထို့ပြင် အစ္စလာမ်မစ်တော်လှန်ရေးအစောင့်တပ်ဖွဲ့၏ လေကြောင်းနှင့် အာကာသတပ်ဖွဲ့များသည် Emad၊ Khorramshahr-4 နှင့် Kadr ဒုံးကျည်စနစ်များကို အသုံးပြု၍ တိုက်ခိုက်မှုများ လုပ်ဆောင်ခဲ့ကြောင်း ISNA သတင်းဌာနက ဆက်လက်ဖော်ပြထားသည်။အဆိုပါ တိုက်ခိုက်မှုများတွင် ဘနီဘရက်၊ တဲအဗစ်နှင့် ဂါလီလီဒေသများအပါအဝင် အစ္စရေးတပ်မှူးများ အစည်းအဝေးပြုလုပ်ရာနေရာများလည်း ပါဝင်ကြောင်း သိရသည်။Ref: IvMWD
Wed, 1-Apr-2026
အမေရိကန်နှင့် သဘောတူညီချက် မရရှိပါက အီရန်အပေါ် ပိုမိုပြင်းထန်သော တိုက်ခိုက်မှုများ လုပ်ဆောင်မည်ဟု အမေရိကန်ပြော
အမေရိကန်နှင့် သဘောတူညီချက် မရရှိပါက အီရန်အပေါ် ပိုမိုပြင်းထန်သော တိုက်ခိုက်မှုများ လုပ်ဆောင်မည်ဟု အမေရိကန်ပြော
အကယ်၍ အီရန်နိုင်ငံအနေဖြင့် အမေရိကန်အစိုးရနှင့် သဘောတူညီချက်တစ်ရပ် ချမှတ်နိုင်ခြင်းမရှိပါက အမေရိကန်က အီရန်အပေါ် ယခုထက်ပိုမိုပြင်းထန်သော တိုက်ခိုက်မှုများကို ဆက်လက်လုပ်ဆောင်သွားမည်ဖြစ်ကြောင်း အမေရိကန်ကာကွယ်ရေးဝန်ကြီး ပိဟက်ဆက်က မတ်လ ၃၁ ရက်တွင် ပြောကြားခဲ့သည်။အီရန်အရေးနှင့်စပ်လျဉ်း၍ ရှေ့လာမည့်နေ့ရက်များသည် အလွန်အရေးကြီးကြောင်း၊ အကယ်၍ အီရန်နိုင်ငံအနေဖြင့် အမြော်အမြင်ရှိမည်ဆိုပါက အမေရိကန်နှင့် သဘောတူညီချက်တစ်ရပ် ချမှတ်မည်ဖြစ်ကြောင်း ဟက်ဆက်က သတင်းစာရှင်းလင်းပွဲတစ်ခုတွင် ပြောကြားခဲ့ကြောင်း CBS သတင်းဌာနက ကိုးကားဖော်ပြထားသည်။ထို့ပြင် အမေရိကန်သမ္မတ ဒေါ်နယ်ထရမ့်အနေဖြင့် အီရန်နိုင်ငံနှင့် ချစ်ကြည်ရင်းနှီးသော သဘောတူညီမှုတစ်ရပ် ချမှတ်ရန် အဆင်သင့်ရှိနေပြီး အီရန်ဘက်မှလည်း အဆိုပါ သဘောတူညီချက်ပါ စည်းကမ်းချက်များကို ကောင်းစွာသိရှိထားကြောင်း ၎င်းက ဆက်လက်ပြောကြားသည်။ထို့အပြင် လက်ရှိအခြေအနေတွင် အမေရိကန်၏ တိုက်ခိုက်ရေးစွမ်းအားမှာ ပိုမိုအားကောင်းလာသော်လည်း အီရန်တပ်မတော်၏ အင်အားမှာ အားနည်းလာလျက်ရှိနေကြောင်း၊ ယင်းအခြေအနေကို အီရန်အစိုးရက သိနားလည်ထားကြောင်း ဟက်ဆက်က ဆက်လက်ပြောကြားခဲ့သည်။အမေရိကန်အစိုးရသည် ၎င်းတို့၏ အထူးတပ်ဖွဲ့ဝင် ရာပေါင်းများစွာကို အရှေ့အလယ်ပိုင်းဒေသသို့ ပို့ဆောင်ထားကြောင်း နယူးယောက်တိုင်းမ် သတင်းစာက အမေရိကန်စစ်ဘက်အရင်းအမြစ်များ၏ ပြောကြားချက်ကို ကိုးကား၍ မတ်လ ၂၉ ရက်တွင် ဖော်ပြထားသည်။အဆိုပါ အမေရိကန်အထူးတပ်ဖွဲ့ဝင်များသည် ဒေသအတွင်း ဖြန့်ကြက်ထားပြီးဖြစ်သည့် အမေရိကန်ကမ်းတက်တပ်ဖွဲ့ဝင်များနှင့် ရေတပ်ဖွဲ့ဝင်များနှင့် ပူးပေါင်းဆောင်ရွက်မည်ဖြစ်ကြောင်း သိရသည်။MWD
Wed, 1-Apr-2026
ပါရှန်ပင်လယ်ကွေ့နိုင်ငံများစွာထံမှ ကာကွယ်ရေးဆိုင်ရာ တောင်းဆိုမှုများကို လက်ခံရရှိထားကြောင်း ယူကရိန်း ပြောကြား
ပါရှန်ပင်လယ်ကွေ့နိုင်ငံများစွာထံမှ ကာကွယ်ရေးဆိုင်ရာတောင်းဆိုမှုများကို လက်ခံရရှိထားကြောင်း ယူကရိန်း ပြောကြား
ယူကရိန်းသမ္မတ ဗလာဒီမာ ဇီလန်စကီး၏ ပြောကြားချက်အရ ဒရုန်း စစ်ဆင်ရေး (Drone Warfare) ဆိုင်ရာ ယူကရိန်း၏ ကျွမ်းကျင်မှုများကို ရယူရန်အတွက် ပါရှန်ပင်လယ်ကွေ့နိုင်ငံများက ကြိုးပမ်းလာကြရာတွင် ဘာရိန်းနှင့် အိုမန်နိုင်ငံတို့ထံမှလည်း ကာကွယ်ရေးဆိုင်ရာ ပူးပေါင်း ဆောင်ရွက်ရန် တောင်းဆိုမှုများလက်ခံရရှိထားကြောင်း သိရှိရသည်။ဆော်ဒီအာရေဗျ၊ အာရပ်စော်ဘွားများပြည်ထောင်စု (UAE) နှင့် ကာတာ နိုင်ငံတို့နှင့် သဘောတူညီချက်များ ရရှိထားပြီးဖြစ်ကြောင်း ဇီလန်စကီး က မတ်လ ၃၀ ရက်နေ့တွင် ပြောကြားခဲ့သည်။ ထို့အပြင် ယူကရိန်းသည် ဂျော်ဒန်နှင့် ကူဝိတ်နိုင်ငံတို့နှင့်လည်း ပူးပေါင်းဆောင်ရွက်နေသည်ဟု ဆိုသည်။“ဘာရိန်းနှင့် အိုမန်နိုင်ငံတို့ဆီကနေ နောက်ထပ် တောင်းဆိုမှုတွေ ရရှိထားပါတယ်” ဟု ဇီလန်စကီးက ပြောကြားခဲ့သည်။ “ဒေသတွင်း နိုင်ငံတွေက မိမိတို့ အစိုးရ၊ ကာကွယ်ရေးတပ်ဖွဲ့တွေ၊ ကျွမ်းကျင်ပညာရှင်များနှင့် အတူတကွ လက်တွဲလုပ်ဆောင်ဖို့ ဘုံရည်မှန်းချက် ရှိကြပါတယ်” ဟု ယူကရိန်းခေါင်းဆောင်က ဖြည့်စွက်ပြောကြားခဲ့သည်။အီရန် ဒီဇိုင်းဖြင့် ရုရှားတွင် ထုတ်လုပ်ထားသော Shahed ဒရုန်းများကို ကိုင်တွယ်ဖြေရှင်းခဲ့သည့် ကိယက်ဗ်၏ အတွေ့အကြုံမှာ ယခုအခါ အလွန် တန်ဖိုးရှိလာခြင်း ဖြစ်သည်။ Shahed ဒရုန်းသည် အီရန်က လက်ရှိ အသုံးပြုနေသောလက်နက်များထဲမှ တစ်ခုဖြစ်သည်။ကိုးကား- CNNPhoto: Defense Newsဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 31-Mar-2026
လက်ဘနွန်တောင်ပိုင်းတွင် အင်ဒိုနီးရှား ကုလသမဂ္ဂ ငြိမ်းချမ်းရေးတပ်ဖွဲ့ဝင်တစ်ဦး သေဆုံး
လက်ဘနွန်တောင်ပိုင်းတွင် အင်ဒိုနီးရှား ကုလသမဂ္ဂ ငြိမ်းချမ်းရေးတပ်ဖွဲ့ဝင်တစ်ဦး သေဆုံး
အစ္စရေးစစ်တပ်က လက်ဘနွန်နိုင်ငံအတွင်း ညလုံးပေါက် ဗုံးကြဲတိုက်ခိုက်မှုများ ပြုလုပ်နေစဉ်အတွင်း တနင်္ဂနွေနေ့ (မတ် ၂၉) က လက်ဘနွန်တောင်ပိုင်း Adchit Al Qusayr မြူနီစီပယ်ဒေသတွင် အင်ဒိုနီးရှား ကုလသမဂ္ဂငြိမ်းချမ်းရေးတပ်ဖွဲ့ဝင်တစ်ဦး သေဆုံးခဲ့ကြောင်း အင်ဒိုနီးရှားအစိုးရနှင့် လူ့အခွင့်အရေး တာဝန်ရှိသူများက အတည်ပြု ပြောကြားခဲ့သည်။အင်ဒိုနီးရှား နိုင်ငံခြားရေးဝန်ကြီးဌာန၏ ထုတ်ပြန်ချက်အရ လက်ဘနွန်ရှိ ကုလသမဂ္ဂ ယာယီတပ်ဖွဲ့ (UNIFIL) ၏ အင်ဒိုနီးရှားတပ်ခွဲ အခြေစိုက် စခန်းအနီးသို့ လက်နက်ကြီးကျည်ကျရောက်ခဲ့သဖြင့် အခြားဝန်ထမ်း သုံးဦးလည်း ဒဏ်ရာရရှိခဲ့ကြောင်း သိရှိရသည်။ အဆိုပါ သေဆုံးမှုသည် အစ္စရေးစစ်တပ်နှင့် လက်ဘနွန်တောင်ပိုင်းရှိ လက်နက်ကိုင်အဖွဲ့များအကြား ဖြစ်ပွားနေသော ပဋိပက္ခများအတွင်း ဖြစ်ပွားခဲ့ခြင်းဖြစ်ကြောင်း ဝန်ကြီးဌာနက ဆိုသည်။ အင်ဒိုနီးရှားအစိုးရက အဆိုပါသေဆုံးမှုနှင့် ပတ်သက်၍ သေချာစွာ စုံစမ်းစစ်ဆေးရန် တောင်းဆိုထားသည်။အင်ဒိုနီးရှားနိုင်ငံက အစ္စရေး၏ လက်ဘနွန် တောင်ပိုင်း တိုက်ခိုက်မှုများကို ပြင်းထန်စွာ ကန့်ကွက်ရှုတ်ချခဲ့ပြီး အဖွဲ့အစည်းအားလုံးအနေဖြင့် လက်ဘနွန်၏ အချုပ်အခြာအာဏာနှင့် နယ်မြေတည်တံ့မှုကို လေးစားရန် တိုက်တွန်းထားသည်။ အစ္စရေးစစ်တပ်သည် အီရန်ကျောထောက် နောက်ခံပြု ဟစ်ဇဘိုလာအဖွဲ့ကို ပစ်မှတ်ထားသည်ဟုဆိုကာ လက်ဘနွန် နိုင်ငံအတွင်းသို့ ကျူးကျော်ဝင်ရောက်ခြင်း၊ သိမ်းပိုက်ခြင်းနှင့် တိုက်ခိုက်ခြင်း များကို ဆယ်စုနှစ်ပေါင်းများစွာ လုပ်ဆောင်လာခဲ့ခြင်း ဖြစ်သည်။၂၀၀၀ ပြည့်နှစ်တွင် အစ္စရေးစစ်တပ် ဒုတိယအကြိမ် ကျူးကျော်မှုအပြီး ပြန်လည်ဆုတ်ခွာသွားချိန်တွင် UNIFIL သည် အစ္စရေးနှင့် လက်ဘနွန် တောင်ပိုင်း နယ်စပ်တစ်လျှောက် ကီလိုမီတာ ၁၂၀ (၇၅ မိုင်ခန့်) ရှည်လျားသော "အပြာရောင်မျဉ်း" (Blue Line) ကို သတ်မှတ်ခဲ့သည်။ အဆိုပါငြိမ်းချမ်းရေးတပ်ဖွဲ့ဝင်များသည် နယ်စပ်ချိုးဖောက်မှုများကို စောင့်ကြည့်ရန် နှင့် အရပ်သားများကို အကြမ်းဖက်မှုများမှကာကွယ်ရန် တာဝန်ပေးအပ်ခြင်း ခံထားရသူများ ဖြစ်သည်။ယခုလအစောပိုင်းတွင် အစ္စရေးစစ်တပ်သည် လီတာနီ (Litani) မြစ် တောင်ဘက်ရှိ နယ်မြေများကိုသိမ်းပိုက်ခဲ့ပြီး ဟစ်ဇဘိုလာတို့၏ ဒုံးကျည်ဖြင့်ပစ်ခတ်မှုများကို တုံ့ပြန်သည့်အနေဖြင့် ဒေသခံများကို ဖယ်ရှားခိုင်းခဲ့သည်။ လက်ဘနွန် ကျန်းမာရေးဝန်ကြီးဌာန၏ တနင်္ဂနွေနေ့ (မတ် ၂၉) ထုတ်ပြန်ချက်အရ မတ်လ ၂ ရက်နေ့မှစ၍ အစ္စရေး၏ တိုက်ခိုက်မှုများကြောင့် လူပေါင်း ၁,၂၃၈ ဦး သေဆုံးခဲ့ပြီး ဖြစ်သည်။လက်ဘနွန်သမ္မတ ဂျိုးဆက်ဖ်အောင်း (Joseph Aoun) ကလည်း တောင်ပိုင်းတွင် တာဝန်ထမ်းဆောင်နေသော UNIFIL ဝန်ထမ်းများ၏ ပေးဆပ်မှု များကို ချီးကျူးဂုဏ်ပြုခဲ့ပြီး နိုင်ငံတကာတာဝန်ရှိသူများကလည်း အဆိုပါ သေဆုံးမှုအပေါ် စုံစမ်းစစ်ဆေးမှုများ အမြန်ဆုံးပြုလုပ်ရန် တောင်းဆို ထားကြသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 31-Mar-2026
ဥရောပရှိ ပြတိုက်ကြီးများတွင် တန်ဖိုးကြီးအနုပညာလက်ရာနှင့် ရတနာ များ ဆက်တိုက်ခိုးယူခံရ
ဥရောပရှိ ပြတိုက်ကြီးများတွင် တန်ဖိုးကြီးအနုပညာလက်ရာနှင့် ရတနာများ ဆက်တိုက်ခိုးယူခံရ
ဥရောပတစ်လွှားရှိ ပြတိုက်များ၏ လုံခြုံရေးအားနည်းချက်များကို သိသာစေသည့် တန်ဖိုးကြီး အနုပညာလက်ရာ ခိုးယူမှုများ ဆက်တိုက်ဖြစ်ပွား လျက်ရှိရာ ယခုလ မတ်လ ၂၂ ရက်နေ့ ညပိုင်းကလည်း အီတလီနိုင်ငံ၊ ပါးမားမြို့အနီးရှိ Magnani Rocca Foundation ပြတိုက်တွင် ရဲတင်းသောခိုးမှုတစ်ခု ဖြစ်ပွားခဲ့သည်။ မျက်နှာဖုံးစွပ်သူခိုး ၄ ဦးသည် နောက်ဖေးတံခါးမှတစ်ဆင့် ဝင်းအတွင်းသို့ ကျူးကျော်ဝင်ရောက်ကာ တူးရွင်းပြားများဖြင့် အဝင်တံခါးကို ကလော် ဖွင့်၍ ၃ မိနစ်ပင်မပြည့်သော အချိန်အတွင်း စနစ်တကျ ခိုးယူသွားခဲ့ကြခြင်းဖြစ်သည်။ ခိုးယူခံရသည့် လက်ရာများထဲတွင် နာမည်ကျော် ပန်းချီ ဆရာကြီးများဖြစ်သည့် Renoir ၊ Matisse နှင့် Cezanne တို့၏ လက်ရာများပါဝင်ပြီး စုစုပေါင်းတန်ဖိုးမှာ အမေရိကန်ဒေါ်လာ ၁၀ သန်းခန့် ရှိမည်ဟု ခန့်မှန်းရသည်။အလားတူပင် ပြီးခဲ့သည့် အောက်တိုဘာလကလည်း ပြင်သစ်နိုင်ငံ၊ ပါရီမြို့ရှိ ကမ္ဘာကျော် လူဗာပြတိုက် (Louvre Museum) တွင် ‘ရာစုနှစ်အတွင်း အကြီးမားဆုံးခိုးမှု’ ဟု တင်စားရလောက်သည့် ရတနာပစ္စည်းခိုးယူမှုကြီးတစ်ခု ဖြစ်ပွားခဲ့သည်။ လွှစက်များနှင့် ကရိန်းများကို အသုံးပြုကာ ပြတိုက်၏ ဒုတိယထပ်သို့ ကျူးကျော်ဝင်ရောက်ခဲ့သည့် မျက်နှာဖုံးစွပ်အဖွဲ့သည် ဒေါ်လာ သန်း ၁၀၀ ခန့် တန်ဖိုးရှိသော ရတနာပစ္စည်းများကို ယူဆောင်သွားခဲ့ခြင်း ဖြစ်သည်။ အဆိုပါဖြစ်ရပ်ကြောင့် ပြတိုက်ညွှန်ကြားရေးမှူး Laurence des Cars ရာထူးမှ နုတ်ထွက်ခဲ့ရပြီး သံသယရှိသူ ၄ ဦးကို ဖမ်းဆီးနိုင်ခဲ့သော်လည်း ရတနာများကိုမူ ယနေ့တိုင် ပြန်လည်ရှာဖွေတွေ့ရှိခြင်း မရှိသေးပေ။ လက်ရှိတွင် ပြင်သစ် ယဉ်ကျေးမှုဝန်ကြီးဌာနအနေဖြင့် ပြတိုက်များ၏ လုံခြုံရေးပိုင်းကိုပိုမိုတင်းကျပ်စွာ ဆောင်ရွက်နိုင်ရန် ပြန်လည် ပြင်ဆင်ရေးအစီအစဉ်များကို ဦးစားပေး လုပ်ဆောင်လျက်ရှိသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 31-Mar-2026
အီရန်ကျောင်းအား တိုက်ခိုက်မှုတွင် ပင်တဂွန်က စမ်းသပ်ဆဲလက်နက်ကို အသုံးပြုခဲ့ကြောင်း NYT ဖော်ပြ
အီရန်ကျောင်းအား တိုက်ခိုက်မှုတွင် ပင်တဂွန်က စမ်းသပ်ဆဲလက်နက်ကို အသုံးပြုခဲ့ကြောင်း NYT ဖော်ပြ
အီရန်နိုင်ငံတောင်ပိုင်း လာမာ့ဒ် (Lamerd) မြို့ရှိ ကျောင်းတစ်ကျောင်းနှင့် အားကစားခန်းမတစ်ခုကို အမေရိကန်က တိုက်ခိုက်မှုတွင် ယခင်က အသုံးမပြုဖူးသေးသည့် ပဲ့ထိန်းဒုံးကျည် (Ballistic Missile) ဖြင့် တိုက်ခိုက်ခဲ့ကြောင်း New York Times က တနင်္ဂနွေနေ့ (မတ် ၂၉) တွင် ဖော်ပြခဲ့သည်။ ၎င်းတို့သည် ရုပ်သံမှတ်တမ်းများကို ကိုယ်တိုင် စိစစ်သုံးသပ်ချက်နှင့် လက်နက်ကျွမ်းကျင်သူများ၏ သုံးသပ်ချက်များကို ကိုးကား၍ ယခုကဲ့သို့ ဖော်ပြခဲ့ခြင်းဖြစ်သည်။အဆိုပါတိုက်ခိုက်မှုသည် ဖေဖော်ဝါရီလ ၂၈ ရက်နေ့တွင် ပြုလုပ်ခဲ့သော အမေရိကန်နှင့် အစ္စရေးတို့၏ ပထမအကျော့ တိုက်ခိုက်မှုလှိုင်းအတွင်း ဖြစ်ပွားခဲ့ခြင်းဖြစ်သည်။ ထိုနေ့မှာပင် အမေရိကန် ဒုံးကျည်တစ်စင်းသည် အီရန်နိုင်ငံ မီနပ်ဘ် (Minab) မြို့ရှိ မိန်းကလေးမူလတန်းကျောင်း တစ်ကျောင်းကို တိုက်ခိုက်ဖျက်ဆီးခဲ့ရာ ကျောင်းသူအများစုအပါအဝင် လူပေါင်း ၁၇၅ ဦး သေဆုံးခဲ့သည်။ အီရန် တာဝန်ရှိသူများ၏ အဆိုအရ လာမာ့ဒ်မြို့ တိုက်ခိုက်မှုတွင် အနည်းဆုံး ၂၁ ဦး သေဆုံးခဲ့ကြောင်း သိရှိ ရသည်။တိုက်ခိုက်မှုကြောင့် ဖြစ်ပေါ်လာသည့် ပျက်စီးဆုံးရှုံးမှုများသည် Precision Strike Missile (PrSM) အမျိုးအစားနှင့် ကိုက်ညီနေကြောင်း NYT က ဆိုသည်။ အဆိုပါလက်နက်သည် ပစ်မှတ်၏ အထက်တွင်ပေါက်ကွဲပြီး တန်စတင် (Tungsten) သတ္တုစအသေးလေးများကို ဖြန့်ကြဲ ပစ်ခတ်သည့် စနစ် ဖြစ်သည်။ ပင်တဂွန်စစ်ဌာနချုပ်၏အဆိုအရ အဆိုပါ လက်နက်သည် လွန်ခဲ့သောနှစ်ကမှ ၎င်း၏ ရှေ့ပြေးပုံစံ (Prototype) စမ်းသပ်မှု အဆင့်ကို ပြီးမြောက်ခဲ့ခြင်း ဖြစ်သည်။မီနပ်ဘ် (Minab) မြို့တွင်ဖြစ်ပွားခဲ့သည့်ဖြစ်စဉ်ကဲ့သို့ပင် လာမာ့ဒ် (Lamerd) မြို့ရှိ ပစ်မှတ်ထားခံရသော ကျောင်းနှင့် အားကစားခန်းမတို့သည် အီရန် တော်လှန်ရေးအစောင့်တပ် (IRGC) ၏ အဆောက်အအုံနှင့် ကပ်လျက်တည်ရှိနေကြောင်း NYT က ဖော်ပြခဲ့သည်။ ဂြိုဟ်တုမှတ်တမ်းဟောင်းများကို လေ့လာကြည့်ရှုရာတွင် အဆိုပါကျောင်းနှင့် အားကစားခန်းမတို့သည် IRGC နယ်မြေနှင့် အနည်းဆုံး လွန်ခဲ့သည့် ၁၅ နှစ်ခန့်ကပင် တံတိုင်းခတ်၍ သီးခြားခွဲထားပြီးဖြစ်ကြောင်း၊ ထို့အပြင် Google Maps အပါအဝင် လူသုံးများသော အွန်လိုင်းမြေပုံ ဝန်ဆောင်မှုများတွင်လည်း အရပ်ဘက်သုံးအဆောက်အအုံများအဖြစ် စာရင်းသွင်းထားကြောင်း အဆိုပါ သတင်းစာက ဆက်လက်ဖော်ပြထားသည်။ယခုအသုံးပြုခဲ့သည့် PrSM ဒုံးကျည်သည် အမျိုးအစားသစ်ဖြစ်သောကြောင့် ယင်းတိုက်ခိုက်မှုမှာ တမင်ရည်ရွယ်ချက်ရှိရှိ လုပ်ဆောင်ခြင်း (သို့မဟုတ်) လက်နက်၏ ဒီဇိုင်းပိုင်းချို့ယွင်းချက်နှင့် ထောက်လှမ်းရေးသတင်းအချက်အလက် မှားယွင်းမှုတို့ကြောင့်ဆိုသည်ကို အကဲဖြတ်ရန် ခက်ခဲကြောင်း NYT က ဆိုသည်။တရားဝင်ထုတ်ပြန်ချက်များအရ အီရန်နိုင်ငံအတွင်း အမေရိကန်နှင့် အစ္စရေးတို့၏ တိုက်ခိုက်မှုများကြောင့် သေဆုံးရသည့် အရပ်သား အရေအတွက်မှာ ၁,၀၀၀ ကျော်ရှိပြီဖြစ်သည်။ အမေရိကန်သမ္မတ ဒေါ်နယ်ထရမ့် က မီနပ်ဘ်မြို့ရှိကျောင်းကို တိုက်ခိုက်ခဲ့မှုအပေါ် တာဝန်ယူရန် ငြင်းဆန်ထားသော်လည်း ပင်တဂွန်စစ်ဌာနချုပ်ကမူ ယင်းဖြစ်စဉ်နှင့်ပတ်သက်၍ စုံစမ်းစစ်ဆေးမှုများ စတင်ပြုလုပ်နေပြီဖြစ်သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 31-Mar-2026
© Copyright 2024 SAC All Rights Reserved.