စပါးအသင်းက လစ်လပ်နေသည့် နည်းပြရာထူးအတွက် နည်းပြသစ်အဖြစ် ဒီဇာဘီအား ငါးနှစ်စာချုပ်ဖြင့်ခန့်အပ်

NoahJune222

News Image

  • စပါးအသင်းက လစ်လပ်နေသည့် နည်းပြရာထူးအတွက် နည်းပြသစ်အဖြစ် ဒီဇာဘီအား ငါးနှစ်စာချုပ်ဖြင့်ခန့်အပ်

လန်ဒန်   ဧပြီ   ၁

စပါးအသင်းက   နည်းပြတူဒေါနှင့်   လမ်းခွဲပြီး နောက်  လစ်လပ်နေသည့်နည်းပြရာထူးအတွက် နည်းပြသစ်အဖြစ်  ဒီဇာဘီအား  ငါးနှစ်စာချုပ်ဖြင့် ခန့်အပ်နိုင်ခဲ့ကြောင်း သိရသည်။

စပါးအသင်းသည်  ယခုဘောလုံးရာသီတွင် ရလဒ်များ  ဆက်တိုက်ဆိုးရွားနေသည့်အတွက် နည်းပြသောမက်ဖရန့်ကို ထုတ်ပယ်ပြီးနောက် ရာသီကုန်အထိ နည်းပြအဖြစ် တူဒေါအား ခန့်အပ်ခဲ့ သော်လည်း  အသင်းအနေဖြင့် နည်းပြတူဒေါလက် အောက်တွင်လည်း  ရလဒ်များဆက်လက်ဆိုးရွားနေ ပြီး  တန်းဆင်းဇုန်ဖိအားများရှိလာ၍ ပြီးခဲ့သည့်ရက် ပိုင်းက နည်းပြတူဒေါအား  ရာထူးမှ ထုတ်ပယ်ခဲ့ခြင်း ဖြစ်သည်။

စပါးအသင်းက  နည်းပြသစ်အဖြစ်    ဒီဇာဘီအား ခန့်အပ်ရန်  ဆွေးနွေးမှုများလုပ်ဆောင်ရာမှ   ငါးနှစ်စာချုပ်ဖြင့်    ခန့်အပ်နိုင်ခဲ့ပြီး  ယခုဘောလုံးရာသီ အကုန်တွင်  စပါးအသင်းကို  တန်းမဆင်းရအောင်စွမ်းဆောင်နိုင်မည်ဆိုပါကလည်း အပိုဆုကြေးပေးအပ် မည်ဖြစ်သည်။

အစောပိုင်းက  စပါးအသင်းသည်   နည်းပြသစ် ရာထူးအတွက် မိုနာကိုအသင်းနည်းပြဟောင်း အဒီ ဟတ်တာအား ခန့်အပ်ရန်ဆွေးနွေးရာ ခန့်အပ်နိုင်ရန် နီးစပ်ခဲ့သော်လည်း နောက်ပိုင်းတွင် ပရီးမီးယားလိဂ် ပြိုင်ပွဲနှင့်  အတွေ့အကြုံကောင်းများရှိသည့်  နည်းပြ ဒီဇာဘီနှင့်ဆွေးနွေးခဲ့ရာ အဆင်ပြေသည့်အတွက်   နည်းပြဒီဇာဘီအား   ခန့်အပ်ရန် ဆုံးဖြတ်ခဲ့ခြင်းဖြစ်သည်။

နည်းပြဒီဇာဘီသည် ဘရိုက်တန်အသင်းကို ၂၀၂၂ ခုနှစ်မှ  ၂၀၂၄  ခုနှစ်အထိ တာဝန်ယူကိုင်တွယ်ကာ  အသင်းကို ရလဒ်ကောင်းများရရှိအောင် စွမ်းဆောင် ပေးနိုင်ခဲ့သော   ပြိုင်ပွဲအတွေ့အကြုံကောင်းများရှိ သည့် နည်းပြတစ်ဦးဖြစ်သည့်အတွက် စပါးအသင်းက ပရိသတ်များ၏  ကန့်ကွက်မှုများကြားမှ  နည်းပြ သစ်အဖြစ်ခန့်အပ်ရန် ဆုံးဖြတ်ခဲ့ခြင်းဖြစ်ပြီး ဒီဇာဘီ အနေဖြင့်  စပါးအသင်း၌  မြင့်မားသည့်လုပ်ခလစာ ကိုလည်း ရရှိမည်ဖြစ်သည်။

စပါးအသင်းသည် ပရီးမီးယားလိဂ်ပြိုင်ပွဲ၌ ၃၁ ပွဲ ကစားပြီးချိန်တွင် ရမှတ် ၃၀ ဖြင့် အဆင့်(၁၇)နေရာ ၌ရပ်တည်နေပြီး တန်းဆင်းဇုန်မှ ဝက်စ်ဟမ်းအသင်း နှင့်  ရမှတ်တစ်မှတ်သာ  ကွာဟနေကြောင်း   သိရ သည်။ 

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

UFC ဖလိုင်းဝိတ်တန်းချန်ပီယံ မြန်မာဖိုက်တာ ဂျိုရှုအာဗန်၏ ပထမဆုံးကမ္ဘာ့ချန်ပီယံကာကွယ်ပွဲ ဧပြီ ၁၂ ရက်တွင် ကျင်းပမည်
UFC ဖလိုင်းဝိတ်တန်းချန်ပီယံ မြန်မာဖိုက်တာ ဂျိုရှုအာဗန်၏ ပထမဆုံးကမ္ဘာ့ချန်ပီယံကာကွယ်ပွဲ ဧပြီ ၁၂ ရက်တွင် ကျင်းပမည်
ရန်ကုန်     ဧပြီ     ၂ဧပြီ ၁၁ ရက်(မြန်မာစံတော်ချိန် ဧပြီ ၁၂ ရက်)တွင် အမေရိကန်နိုင်ငံ မိုင်ယာမီမြို့၌ ကျင်းပမည့် UFC 327 ပြိုင်ပွဲတွင် မြန်မာဖိုက်တာ ဂျိုရှုအာဗန်၏ ပထမဆုံး ကမ္ဘာ့ချန်ပီယံကာကွယ်ပွဲ ပါဝင်လာမည်ဖြစ်ပြီး ဂျပန်ဖိုက်တာ တက်ဆုရိုတီအီရိုနှင့် ထိုးသတ်ရမည်ဖြစ်သည်။ဂျိရှုအာဗန်သည်  ၂၀၂၃  ခုနှစ်တွင် နာမည်ကျော်တိုက်ခိုက်ရေးအဖွဲ့အစည်း UFC နှင့် စတင်လက်တွဲပြီးနောက် နှစ်နှစ်ကျော်ကာလအတွင်း ကမ္ဘာ့ချန်ပီယံဖြစ်လာခြင်းဖြစ်သည်။ ဂျိုရှုအာဗန် သည် ပရော်ဖက်ရှင်နယ် MMA ကစားသမားဘဝ စုစုပေါင်း ၁၈ ပွဲထိုးသတ်ရာတွင် ၁၆ ပွဲနိုင် နှစ်ပွဲရှုံးနိမ့်ထားပြီး UFC နှင့် ၁၀ ပွဲထိုးသတ်ရာတွင် ကိုးပွဲနိုင် တစ်ပွဲရှုံးနိမ့်ထားသည်။ ဂျိုရှုအာဗန်သည် UFC တွင် နောက်ဆုံး ခြောက်ပွဲဆက်တိုက်အနိုင်ရပြီး ကမ္ဘာ့ချန်ပီယံပါ ဖြစ်လာခဲ့ခြင်းဖြစ်သည်။  ဂျိုရှုအာဗန်သည် ဒီဇင်ဘာ ၆ ရက်က ထိုးသတ်သည့်ပွဲတွင် ဘရာဇီးဖိုက်တာ ပန်တိုဂျာကို အလဲထိုးအနိုင်ယူပြီးနောက် ကမ္ဘာ့ချန်ပီယံဖြစ်လာပြီး လေးလကျော်အကြာတွင် ချန်ပီယံကာကွယ်ပွဲ ပထမဆုံးအကြိမ် ထိုးသတ်ရမည်ဖြစ်သည်။ဂျိုရှုအာဗန်နှင့် ထိုးသတ်မည့် ဂျပန်ဖိုက်တာ တက်ဆုရိုသည် ပရော်ဖက်ရှင်နယ် MMA ကစားသမားဘ၀ စုစုပေါင်း ၁၉ ပွဲထိုးသတ်ရာတွင် ၁၈ ပွဲနိုင်၊ တစ်ပွဲရှုံးနိမ့်ထားပြီး ပရော်ဖက်ရှင်နယ် ကစားသမားဘဝတွင် ၁၆ ပွဲဆက်တိုက် အနိုင်ရခဲ့ဖူးသူဖြစ်သည်။                       သတင်း-ရှိုင်းထက်ဇော်ဓာတ်ပုံ-UFCMDN
Fri, 3-Apr-2026
ရေကြည်မြို့နယ်၌ နွေရာသီအခြေခံအားကစားသင်တန်းဆင်းပွဲ ကျင်းပ
ရေကြည်မြို့နယ်၌ နွေရာသီအခြေခံအားကစားသင်တန်းဆင်းပွဲ ကျင်းပ
ရေကြည်    ဧပြီ   ၂ဧရာဝတီတိုင်းဒေသကြီး  ရေကြည်မြို့နယ်တွင် မတ် ၃ ရက်မှ  ဧပြီ   ၂  ရက်‌အထိ  နွေရာသီအခြေခံအားကစားသင်တန်းများကို  ဖွင့်လှစ်သင်ကြားခဲ့ပြီး သင်တန်းဆင်းပွဲကို မြို့နယ် အားကစားနှင့်  ကာယပညာဦးစီးဌာန  အားကစားခန်းမ၌  ယနေ့ နံနက်ပိုင်းက ကျင်းပသည်။ဦးစွာ  ရေကြည်မြို့နယ် စီမံခန့်ခွဲရေးနှင့်  အုပ်ချုပ်ရေးကော်မတီဥက္ကဋ္ဌ  ဦးသန်းဇော်လင်းက အမှာစကားပြောကြားသည်။ထို့နောက်  ဘောလုံး၊ ကြက်တောင်၊   ဘတ်စကက်ဘော၊ ပိုက်ကျော်ခြင်း၊  ရိုးရာခြင်းလုံး၊ Fitness   Dance   အဖွဲ့များက  သရုပ်ပြ ဖျော်ဖြေတင်ဆက်ကြပြီး တာဝန်ရှိသူများက နည်းပြဆရာများနှင့်  သင်တန်းသား သင်တန်းသူများအား  သင်တန်းဆင်းလက်မှတ်များနှင့် ဂုဏ်ပြုလက်ဆောင်များ  ပေးအပ်ခဲ့‌ကြောင်း သိရသည်။မြို့နယ် (ပြန်/ဆက်)MDN
Fri, 3-Apr-2026
လာမည့်ရာသီတွင် လိဂ်ချန်ပီယံနှစ်သင်းဖြစ်သည့် ရှမ်းယူနိုက်တက်အမျိုးသားအသင်းနှင့် ဧရာဝတီအမျိုးသမီးအသင်း ပြည်ပပြိုင်ပွဲများ ယှဉ်ပြိုင်ခွင့်ရမည်
လာမည့်ရာသီတွင် လိဂ်ချန်ပီယံနှစ်သင်းဖြစ်သည့် ရှမ်းယူနိုက်တက်အမျိုးသားအသင်းနှင့် ဧရာဝတီအမျိုးသမီးအသင်း ပြည်ပပြိုင်ပွဲများ ယှဉ်ပြိုင်ခွင့်ရမည်
ရန်ကုန်   ဧပြီ    ၂ကျင်းပပြီးစီးခဲ့သည့်  ၂၀၂၅-၂၀၂၆ ရာသီ MNL အမှတ်ပေးပြိုင်ပွဲတွင် ဗိုလ်စွဲခဲ့သည့်  ရှမ်းယူနိုက်တက်အသင်းနှင့် မြန်မာအမျိုးသမီးလိဂ်ပြိုင်ပွဲတွင်   ဗိုလ်စွဲခဲ့သည့် ဧရာဝတီအသင်းတို့သည် လာမည့်ရာသီ ပြည်ပကလပ်ပြိုင်ပွဲများတွင် ဝင်ရောက်ယှဉ်ပြိုင်ခွင့်ရမည်ဖြစ်သည်။ရှမ်းယူနိုက်တက်အသင်းသည် အမှတ်ပေးချန်ပီယံဖြစ်ခဲ့သောကြောင့် လာမည့်ရာသီတွင် နိုင်ငံတကာပြိုင်ပွဲနှစ်ခု ယှဉ်ပြိုင်ရမည်ဖြစ်ပြီး  အာဆီယံဘောလုံးအဖွဲ့ချုပ်က စီစဉ်ကျင်းပမည့် အာဆီယံကလပ် ချန်ပီယံရှစ်ပြိုင်ပွဲနှင့်   အာရှဘောလုံးအဖွဲ့ချုပ်က စီစဉ်ကျင်းပမည့် AFC Challenge League ပြိုင်ပွဲ ယှဉ်ပြိုင်ရမည်ဖြစ်သည်။ အာဆီယံဘောလုံးအဖွဲ့ချုပ်သည်  အာဆီယံကလပ် ချန်ပီယံရှစ်ပြိုင်ပွဲကို နှစ်ပေါင်း ၂၀ ဝန်းကျင်အကြာတွင် ပြန်လည်ကျင်းပခြင်းဖြစ်ပြီး ရှမ်းယူနိုက်တက်အသင်းအနေဖြင့် လာမည့်ရာသီတွင် သုံးကြိမ်ဆက်တိုက် ယှဉ်ပြိုင်ရမည်ဖြစ်သည်။ထို့ပြင် အာရှဘောလုံးအဖွဲ့ချုပ်သည် ၂၀၂၄-၂၀၂၅ ရာသီမှစတင်ကာ ကလပ်ပြိုင်ပွဲကျင်းပသည့်ပုံစံ ပြောင်းလဲပြီး  မြန်မာကလပ်အသင်းများသည် AFC Challenge League ပြိုင်ပွဲတွင် ယှဉ်ပြိုင်ခွင့်ရခဲ့သည်။  AFC Challenge League ပြိုင်ပွဲ၏  ၂၀၂၄-၂၀၂၅ ရာသီတွင် ရှမ်းယူနိုက်တက်အသင်း၊ ၂၀၂၅-၂၀၂၆ ရာသီတွင် ရှမ်းယူနိုက်တက်အသင်းက အုပ်စုအဆင့်၊ ရန်ကုန်ယူနိုက်တက်အသင်းက ခြေစစ်ပွဲအဆင့်မှ ယှဉ်ပြိုင်ခွင့်ရကာ ရှမ်းယူနိုက်တက်အသင်းသည် လာမည့်ရာသီတွင် ထပ်မံယှဉ်ပြိုင်ခွင့်ရမည်ဖြစ်သည်။ ရှမ်းယူနိုက်တက်အသင်းသည် ပြည်တွင်းပြိုင်ပွဲများတွင် စံချိန်တင် အောင် မြင်မှုများစွာရထားသော်လည်း ပြည်ပပြိုင်ပွဲများတွင် အောင်မြင်မှုမရသေးသဖြင့်   လာမည့်ရာသီတွင် လုံလောက်သည့်  ပြင်ဆင်မှုများစွာပြုလုပ်ရန်   လိုအပ်နေသည်။မြန်မာအမျိုးသမီးလိဂ်ပြိုင်ပွဲတွင်  ဗိုလ်စွဲခဲ့သည့်  ဧရာဝတီအသင်းသည် လာမည့်ရာသီတွင် အာရှဘောလုံးအဖွဲ့ချုပ်က စီစဉ်ကျင်းပမည့် အာရှအမျိုးသမီး ချန်ပီယံလိဂ်ခြေစစ်ပွဲယှဉ်ပြိုင်ရမည်ဖြစ်သည်။ ဧရာဝတီအသင်းသည်  ပြည်တွင်းလိဂ်ဖြစ်သော မြန်မာအမျိုးသမီးလိဂ်တွင် ပထမဆုံး ဗိုလ်စွဲခဲ့သလို   အာရှအမျိုးသမီး   ချန်ပီယံလိဂ်တွင်လည်း  ပထမဆုံးယှဉ်ပြိုင်ရမည်ဖြစ်သည်။  သတင်း-ကိုညီလေးဓာတ်ပုံ-စိုးညွန့်သော်MDN
Fri, 3-Apr-2026
‌ဧပြီလအတွက် ကမ္ဘာ့အဆင့် သတ်မှတ်ချက်တွင် အပြောင်းအလဲများဖြစ်ခဲ့ပြီး ပြင်သစ်အသင်း ထိပ်ဆုံး၌ရပ်တည်
‌ဧပြီလအတွက် ကမ္ဘာ့အဆင့် သတ်မှတ်ချက်တွင် အပြောင်းအလဲများဖြစ်ခဲ့ပြီး ပြင်သစ်အသင်း ထိပ်ဆုံး၌ရပ်တည်
ဇူးရစ်   ဧပြီ   ၂      ကမ္ဘာ့ဘောလုံးအဖွဲ့ချုပ် (ဖီဖာ) က ဧပြီလအတွက် ကမ္ဘာ့အဆင့်သတ်မှတ်ချက်ထုတ်ပြန်ရာတွင်   အဆင့် အပြောင်းအလဲများဖြစ်ခဲ့ပြီး   ပြင်သစ်အသင်းအနေဖြင့် ကမ္ဘာ့အဆင့်(၁)နေရာ၌ ရပ်တည်နိုင်ခဲ့ကြောင်း သိရသည်။ဧပြီလအတွက် ကမ္ဘာ့အဆင့်သတ်မှတ်ချက်တွင် ပြင်သစ်အသင်းသည် နှစ်ဆင့်မြင့်တက်လာပြီး နောက် စပိန်အသင်းကို ကျော်ဖြတ်ကာ ကမ္ဘာ့အဆင့် (၁)နေရာသို့ ရောက်ရှိလာခဲ့ခြင်းဖြစ်သည်။ပြီးခဲ့သည့်လအတွက် ကမ္ဘာ့အဆင့်သတ်မှတ်ချက် အဆင့်(၁)နေရာ၌ ဦးဆောင်ခဲ့သည့် စပိန်အသင်းသည်  တစ်ဆင့်ကျဆင်းပြီးနောက်  ကမ္ဘာ့အဆင့်(၂)နေရာသို့ ကျဆင်းခဲ့ရပြီး ထိပ်ဆုံး ၁၀ သင်းစာရင်းတွင် အဆင့်ရပ်တည်မှုပြောင်းလဲခဲ့သည့် အသင်းများအဖြစ် စပိန်အသင်းနှင့်အတူ  အာဂျင်တီးနားအသင်း၊ ပေါ်တူဂီအသင်းနှင့်   ဘရာဇီးအသင်းတို့ပါဝင်ခဲ့ကြ သည်။ကမ္ဘာ့ဘောလုံးအဖွဲ့ချုပ်၏      ဧပြီလအတွက် ကမ္ဘာ့အဆင့်သတ်မှတ်ချက်၏  ထိပ်ဆုံး  ၁၀  သင်း စာရင်းတွင် ပြင်သစ်အသင်းနောက်၌   စပိန်အသင်း က အဆင့်(၂)၊  အာဂျင်တီးနားအသင်းကလည်း တစ်ဆင့်ကျဆင်းခဲ့ပြီး    အဆင့်(၃)၊  အင်္ဂလန်အသင်း က အဆင့်(၄)၊ ပေါ်တူဂီအသင်းက တစ်ဆင့်မြင့်တက်လာပြီး  အဆင့်(၅)၊     ဘရာဇီးအသင်းက တစ်ဆင့် ကျဆင်းခဲ့ပြီး   အဆင့်(၆)၊    နယ်သာလန်အသင်းက အဆင့်(၇)၊ မော်ရိုကိုအသင်းက အဆင့်(၈)၊ ဘယ်လ်ဂျီ ယံအသင်းက အဆင့်(၉)နှင့် ဂျာမနီအသင်းက အဆင့် (၁၀)နေရာ၌    အသီးသီး ရပ်တည်နေကြောင်း   သိရသည်။         MWD
Fri, 3-Apr-2026
နော်တင်ဟမ်အသင်းက ကွင်းလယ်ကစားသမား အန်ဒါဆန်အတွက် ပြောင်းရွှေ့ကြေးကို စတာလင်ပေါင် သန်း ၁၀၀ သတ်မှတ်
နော်တင်ဟမ်အသင်းက ကွင်းလယ်ကစားသမား အန်ဒါဆန်အတွက် ပြောင်းရွှေ့ကြေးကို စတာလင်ပေါင် သန်း ၁၀၀ သတ်မှတ်
လန်ဒန်  ဧပြီ   ၂‌      နော်တင်ဟမ်အသင်းက ထိပ်တန်းအသင်းကြီး များက ခေါ်ယူလိုနေသည့် အသင်းမှ ကွင်းလယ်ကစား သမား အန်ဒါဆန်အတွက် ပြောင်းရွှေ့ကြေးကို စတာလင်ပေါင်  သန်း  ၁၀၀ သတ်မှတ်ခဲ့ကြောင်း     သိရသည်။အသက် ၂၃ နှစ်အရွယ် အန်ဒါဆန်သည်  နယူး ကာဆယ်အသင်းတွင်  ကစားခွင့်မရရှိသည့်အတွက် ၂၀၂၄ ခုနှစ်က နော်တင်ဟမ်အသင်းသို့ ပြောင်းရွှေ့ ကစားခဲ့ပြီး  အသင်းနှင့်အတူ အကောင်းဆုံးခြေစွမ်း ပြနိုင်ခဲ့သူဖြစ်သည်။အန်ဒါဆန်သည် ယခုဘောလုံးရာသီတွင်လည်း နော်တင်ဟမ်အသင်းနှင့်အတူ အကောင်းဆုံးခြေစွမ်း ပြလျက်ရှိနေသည့်အတွက် လာမည့်နွေရာသီ ကစားသမား အပြောင်းအရွှေ့ကာလတွင်  မန်ချက်စတာမြို့ခံနှစ်သင်းဖြစ်သည့်   မန်စီးတီးအသင်းနှင့် မန်ယူအသင်းတို့က အပြိုင်ခေါ်ယူရန်ပြင်ဆင်နေခြင်း ဖြစ်သည်။မန်ယူအသင်းသည်  ယခုဘောလုံးရာသီ အကုန်တွင် အသင်းမှ ဝါရင့်ကွင်းလယ်ကစားသမား ကက်စ်မဲရိုး ထွက်ခွာမည်ဖြစ်သည့်အတွက် အန်ဒါဆန်နှင့်အစားထိုး လိုနေပြီး   မန်စီးတီးအသင်းကလည်း   ကွင်းလယ် ကစားသမား   အင်အားဖြည့်တင်းလိုသည့်အတွက် အန်ဒါဆန်ကို ခေါ်ယူလိုနေခြင်းဖြစ်သည်။အန်ဒါဆန်ကို   ၂၀၂၅ ခုနှစ် နွေရာသီကစားသမား  အပြောင်းအရွှေ့ ကာလကတည်းက ထိပ်တန်းအသင်း ကြီးများက ခေါ်ယူရန် တရားဝင် ကမ်းလှမ်းမှုများ လုပ်ဆောင်ခဲ့သော်လည်း နော်တင်ဟမ်အသင်းက ပယ်ချခဲ့ပြီး လာမည့်နွေရာသီကစားသမားအပြောင်း အရွှေ့ကာလတွင် အန်ဒါဆန်ကိုယ်တိုင်က အသင်းမှ ထွက်ခွာလိုသည့်အတွက်  နော်တင်ဟမ်အသင်းက ဆက်လက်ထိန်းထားရန် ခက်ခဲနိုင်သည့်  အခြေအနေများကြောင့် မြင့်မားသည့်ပြောင်းရွှေ့ကြေးဖြစ်သည့် စတာလင်ပေါင်  သန်း   ၁၀၀   သတ်မှတ်ခဲ့ခြင်းဖြစ် သည်။မန်စီးတီးအသင်းနှင့်  မန်ယူအသင်းတို့ကလည်း နော်တင်ဟမ်အသင်း သတ်မှတ်ထားသည့် ပြောင်းရွှေ့ ကြေး စတာလင်ပေါင် သန်း ၁၀၀ကို ပေးချေရန်အသင့် ရှိနေသည့်အတွက် အန်ဒါဆန်အနေဖြင့် ပြောင်းရွှေ့ မည့်အသင်းကိုသာ  ရွေးချယ်ရဖွယ်ရှိကြောင်း  သိရသည်။MWD
Fri, 3-Apr-2026
ဘာသာပေါင်းစုံချစ်ကြည် ညီညွတ်ရေး အဖွဲ့မှ ဒသမအကြိမ်မြောက် စုပေါင်းသွေးလှူဒါန်းပွဲကျင်းပ
ဘာသာပေါင်းစုံချစ်ကြည် ညီညွတ်ရေး အဖွဲ့မှ ဒသမအကြိမ်မြောက် စုပေါင်းသွေးလှူဒါန်းပွဲကျင်းပ
ရန်ကုန်   ဧပြီ  ၂                               နိုင်ငံတော်ကာကွယ်ရေးနှင့် လုံခြုံရေးတာဝန်ကို ထမ်းဆောင်လျက်ရှိကြသော တပ်မတော်သားအပေါင်းတို့အား ဂုဏ်ပြုသောအားဖြင့် ပြည်ထောင်စုသမ္မတမြန်မာနိုင်ငံတော်   ဘာသာပေါင်းစုံချစ်ကြည် ညီညွတ်ရေးအဖွဲ့မှ ဒသမအကြိမ်မြောက် ဒါနဥပပါရမီ စုပေါင်းသွေးလှူဒါန်းပွဲကို ယနေ့နံနက်ပိုင်းတွင် ရန်ကုန်မြို့တပ်မတော်ဆေးရုံကြီး(ခုတင်-၁၀၀၀)၌ ပြုလုပ်သည်။အဆိုပါ သွေးလှူဒါန်းပွဲသို့ ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းနှင့် တိုင်းဒေသကြီးအစိုးရ  အဖွဲ့ဝင်များ၊တပ်မတော်ဆေးရုံကြီး(ခုတင်-၁၀၀၀) တပ်မှူး ဗိုလ်မှူးချုပ်မြင့်ဇော်၊ ပြည်ထောင်စုသမ္မတ မြန်မာနိုင်ငံတော် ဘာသာပေါင်းစုံချစ်ကြည် ညီညွတ်ရေးအဖွဲ့ ဥက္ကဋ္ဌ ဦးဝဏ္ဏ၊ ဗဟိုဒုတိယဥက္ကဋ္ဌများ ဖြစ်ကြသည့် ဦးကျော်ဇင်လတ်(ဟိန္ဒူဘာသာ)၊ ဦးဗိုလ်ဗိုလ်မောင် (အစ္စလာမ်ဘာသာ)နှင့် ဘာသာပေါင်းစုံချစ်ကြည်ညီညွတ်ရေး အဖွဲ့ဝင်များနှင့် တာဝန်ရှိသူများ  တက်ရောက်ခဲ့ကြသည်။ဦးစွာ သွေးလှူဒါန်းကြမည့် သွေးအလှူရှင်များအား တပ်မတော်ဆေးတပ်ဖွဲ့ဝင်များက ကျန်းမာရေးစစ်ဆေးခြင်းများ ဆောင်ရွက်ပြီး  သွေးလှူဒါန်းခြင်းကို ဆောင်ရွက်ခဲ့ကြရာ အဆိုပါသွေးလှူဒါန်းနေမှုများအား ရန်ကုန်တိုင်းဒေသကြီးဝန်ကြီးချုပ်  ဦးစိုးသိန်း၊ တိုင်းဒေသကြီးအစိုးရအဖွဲ့ဝင်များနှင့် တာဝန်ရှိသူများက   လိုက်လံကြည့်ရှုအားပေးပြီး    အာဟာရပြည့်စားသောက်ဖွယ်ရာများ ပေးအပ်ခဲ့သည်။ဆက်လက်ပြီး ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းက တပ်မတော် ဆေးရုံကြီး(ခုတင်-၁၀၀၀)နှင့် ပြည်ထောင်စု သမ္မတမြန်မာနိုင်ငံတော် ဘာသာပေါင်းစုံ ချစ်ကြည်ညီညွတ်ရေးအဖွဲ့အတွက် အလှူငွေများပေးအပ်ရာ  တပ်မတော်ဆေးရုံကြီး (ခုတင်-၁၀၀၀)တပ်မှူး ဗိုလ်မှူးချုပ်မြင့်ဇော်နှင့် ပြည်ထောင်စုသမ္မတ မြန်မာနိုင်ငံတော် ဘာသာပေါင်းစုံ  ချစ်ကြည်ညီညွတ်ရေးအဖွဲ့ဥက္ကဋ္ဌ   ဦးဝဏ္ဏတို့က လက်ခံရယူခဲ့သည်။ပြည်ထောင်စုသမ္မတ မြန်မာနိုင်ငံတော် ဘာသာပေါင်းစုံ   ချစ်ကြည်ညီညွတ်ရေး အဖွဲ့သည်    စုပေါင်းသွေးလှူဒါန်းပွဲကို လေးလတစ်ကြိမ် ကျင်းပလျက်ရှိရာ ယနေ့ကျင်းပသည့် ဒသမအကြိမ်မြောက် သွေးလှူဒါန်းပွဲတွင် သွေးအလှူရှင်  ၂၂၇ ဦးရှိကြောင်း သိရသည်။           MWD
Fri, 3-Apr-2026
© Copyright 2024 SAC All Rights Reserved.