အလျှော့မပေးဘဲ လက်တုံ့ပြန်နေသည့် အီရန်နှင့်အမေရိကန်တို့၏ ဟော်မုရေလက်ကြား ဖွင့်လှစ်ရေးကြိုးပမ်းမှု

NoahJune222

News Image

  • အလျှော့မပေးဘဲ လက်တုံ့ပြန်နေသည့် အီရန်နှင့်အမေရိကန်တို့၏ ဟော်မုရေလက်ကြား ဖွင့်လှစ်ရေးကြိုးပမ်းမှု

   အီရန်ကထိန်းချုပ်ထားသည့် ဟော်မု ရေလက်ကြားကို ပြန်လည်ဖွင့်လှစ်ပြီး ရေနံများ စတင်သယ်ယူနိုင်ရန်အတွက် အချိန်အနည်းငယ်သာ လိုအပ်သည်ဟု အမေရိကန်သမ္မတ ဒေါ်နယ်ထရမ့်က ဧပြီလ ၃ ရက်တွင် ပြောကြားလိုက်သည်ကို တွေ့ရသည်။ 

အမေရိကန်အနေဖြင့် အချိန်အနည်းငယ်ယူ၍ လုပ်ဆောင်နိုင်မည်ဆိုပါက မိမိတို့အနေဖြင့် ဟော်မုရေလက်ကြားကို အလွယ်တကူ ဖွင့်လှစ်နိုင်မည်ဖြစ်သည်ဟု ထရမ့်က ၎င်း၏လူမှုကွန်ရက်ပေါ်တွင် ရေးသားဖော်ပြခဲ့ခြင်းဖြစ်သည်။

သို့သော် အီရန်နှင့်လက်ရှိဖြစ်ပွားနေသည့် စစ်ပွဲပြီးဆုံးသွားသည့်တိုင်အောင် အီရန်နိုင်ငံက အဆိုပါရေလက်ကြားကို ဆက်လက် ထိန်းချုပ်ထားနိုင်ပါက ထိုသို့သော အခြေအနေမျိုးကို  အမေရိကန်အစိုးရ၏ ဗျူဟာမြောက် ရှုံးနိမ့်မှုတစ်ခုအဖြစ် နိုင်ငံတကာအသိုက်အဝန်းက ရှုမြင်ကြမည် ဖြစ်ကြောင်း အနောက်နိုင်ငံမှ သတင်းဌာနကြီးတစ်ခု ထောက်ပြထားသည်။ 

ထိုသို့သောအခြေအနေမျိုးတွင် အီရန်အနေဖြင့် ဟော်မုရေလက်ကြားမှ ဖြတ်သန်းသွားလာသည့် ရေနံတင်သင်္ဘောများအပေါ် အခွန်အခများ ကောက်ခံခြင်းဖြင့် ငွေကြေးအကျိုးအမြတ် ရှာဖွေရန်ကြိုးပမ်းလာမည်ဖြစ်ကြောင်း    အဆိုပါသတင်းဌာနကဆက်လက်ဖော်ပြထားသည်။

လက်ရှိတွင် အီရန်နိုင်ငံသည် အခြေခံ စားသောက်ကုန်များနှင့် လူသားချင်းစာနာ ထောက်ထားမှုဆိုင်ရာ   အကူအညီများ တင်ဆောင်လာသည့် သင်္ဘောများအား ဟော်မုရေလက်ကြားမှတစ်ဆင့် ဖြတ်သန်းခွင့်ပြုလိုက်ပြီဖြစ်ကြောင်း   တက်စမင်သတင်းဌာနက ဧပြီလ ၄ ရက်တွင် ဖော်ပြထားသည်။

တစ်နည်းအားဖြင့်ဆိုရပါမူ  အခြေခံစားသောက်ကုန်များနှင့် လူသားချင်းစာနာ ထောက်ထားမှုဆိုင်ရာ အကူအညီများ တင်ဆောင်လာသည့် သင်္ဘောများအနေဖြင့် အီရန်နိုင်ငံအတွင်းရှိ  ဆိပ်ကမ်းများ သို့မဟုတ် အိုမန်ပင်လယ်ကွေ့တွင် တည်ရှိသောဆိပ်ကမ်းများသို့ ဟော်မုရေလက်ကြားမှတစ်ဆင့် ဖြတ်သန်းသွားလာခွင့်ပြုလိုက်ပြီဖြစ်သည်။

 ထို့ပြင် အီရန်နိုင်ငံသည် ၎င်းနှင့်ဆက်ဆံရေး ကောင်းမွန်နေသည့်  နိုင်ငံများမှ သင်္ဘောများကိုလည်း  ရေလက်ကြားမှတစ်ဆင့် ဖြတ်သန်းခွင့်ပေးထားပြီဖြစ်သည်။

သို့သော် အမေရိကန်၊ အစ္စရေးနိုင်ငံတို့နှင့် ဆက်နွှယ်နေသည့် နိုင်ငံများကိုမူ ဆက်လက် ပိတ်ပင်ထားဆဲပင်ဖြစ်သည်။ ထိုသို့သော  အခြေအနေမျိုးတွင် အမေရိကန်သမ္မတ ထရမ့်၏ပြောဆိုချက်များသည် အကောင်းမြင်လွန်းနေသည်ဟု အကဲခတ်သူများနှင့် လေ့လာသူများက ပြောဆိုထားသည်။

အကြောင်းမှာ အီရန်အနေဖြင့် စွမ်းအင်ကြွယ်ဝပြီး ဒုံးကျည်နည်းပညာမြင့်မားသည့် နိုင်ငံတစ်နိုင်ငံအဖြစ် အရှေ့အလယ်ပိုင်းတွင် အမေရိကန်ကို အန်တုနိုင်ရန်အတွက် ဟော်မုရေလက်ကြားကို   ဆက်လက်ထိန်းချုပ်နိုင်မှသာဖြစ်နိုင်မည်ကို အီရန်မူဝါဒချမှတ်သူများက သဘောပေါက်ထား သလို အမေရိကန်ထောက်လှမ်းရေးအရာရှိများကလည်း ယင်းအချက်ကို နားလည်ထားသည်။

ထို့ပြင် အီရန်အစိုးရသည် အမေရိကန်ပြည်ထောင်စုက ၄၈ နာရီကြာ အပစ်အခတ်ရပ်စဲရန် ကမ်းလှမ်းခဲ့သော်လည်း အဆိုပါကမ်းလှမ်းမှုကို  အကြောင်းပြန်ခြင်းမရှိဘဲ ငြင်းပယ်ခဲ့ပြီး ပြင်းထန်သော တိုက်ခိုက်မှုများကို ဆက်လက်လုပ်ဆောင်လျက် ရှိနေခြင်းကလည်း ဟော်မုရေလက်ကြား ပြန်လည်ဖွင့်လှစ်ရေး အမေရိကန်တို့၏ကြိုးပမ်းမှုကို အီရန်ဘက်က ငြင်းဆန် နေခြင်းကို ပြသနေခြင်းဖြစ်သည်ဟုလည်း ဆိုနိုင်သည်။

ထို့ကြောင့်ပင် အမေရိကန်နှင့် အစ္စရေးတို့သည် အီရန်မြို့တော် တီဟီရန်အပါအဝင် တစ်နိုင်ငံလုံးအနှံ့တွင် ဗုံးကြဲတိုက်ခိုက်မှုများ   လုပ်ဆောင်နေလင့်ကစား အီရန်အနေဖြင့် ဒေသတွင်းရှိ အမေရိကန်နှင့် အစ္စရေးတို့၏ စစ်ဘက်နှင့်စီးပွားရေးနှင့်အခြားနည်းပညာဆိုင်ရာ အခြေခံအဆောက် အဦများကိုပါ လက်တုံ့ပြန်လျက်ရှိနေခြင်းကြောင့် ရေလက်ကြားပြန်လည် ဖွင့်လှစ်နိုင်မည်ဟူသော ထရမ့်၏အိပ်မက်သည် လောလောဆယ်တွင်   အလှမ်းဝေးကွာနေမည်ဖြစ်ကြောင်း ရေးသား တင်ပြလိုက်ရပါသည်။

MWD

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အရှေ့အလယ်ပိုင်း ပဋိပက္ခများကြောင့် ရုရှားရေနံနှင့် သဘာဝဓာတ်ငွေ့များ တင်သွင်းမှုကန့်သတ်ထားခြင်းအား ရုပ်သိမ်းပေးရေး တောင်းဆိုသွားမည်ဟု ဟန်ဂေရီနှင့် ဆလိုဗက်ကီးယားက သဘောတူ
အရှေ့အလယ်ပိုင်း ပဋိပက္ခများကြောင့် ရုရှားရေနံနှင့် သဘာဝဓာတ်ငွေ့များ တင်သွင်းမှုကန့်သတ်ထားခြင်းအား ရုပ်သိမ်းပေးရေး တောင်းဆိုသွားမည်ဟု ဟန်ဂေရီနှင့် ဆလိုဗက်ကီးယားက သဘောတူ
    အရှေ့အလယ်ပိုင်း ပဋိပက္ခများကြောင့် စွမ်းအင်အကျပ်အတည်းနှင့် ရင်ဆိုင်နေရသည့် ဥရောပနိုင်ငံများသို့ ရုရှားရေနံနှင့် သဘာဝဓာတ်ငွေ့များ    တင်သွင်းမှုကို ကန့်သတ်ထားခြင်းအား ရုပ်သိမ်းပေးရေးအတွက် ဥရောပသမဂ္ဂထံ တောင်းဆိုသွားမည်ဟု ဟန်ဂေရီနှင့် ဆလိုဗက်ကီးယားနိုင်ငံတို့က သဘောတူညီလိုက်ကြောင်း သိရသည်။အဆိုပါသဘောတူညီချက်သည် ဆလိုဗက်ကီးယားဝန်ကြီးချုပ် ရောဘတ်ဖီကိုနှင့် ဖုန်းမှတစ်ဆင့် ပြောဆိုဆွေးနွေးပြီးနောက်ပိုင်းတွင် ဟန်ဂေရီဝန်ကြီးချုပ် ဗစ်တာအော်ဘန်က ပြောကြားခြင်းဖြစ်သည်။ဥရောပသမဂ္ဂအဖွဲ့ဝင်နိုင်ငံများအနေဖြင့် ကုန်ကြမ်းနှင့် လောင်စာဆီပြတ်လပ်မှုမရှိစေရန်နှင့် စွမ်းအင်ဈေးနှုန်းများ မြင့်တက်လာမှုကိုရှောင်ရှားနိုင်ရန်    အရေးပေါ်ဆောင်ရွက်မှုများ လုပ်ဆောင်ရန် လိုအပ်သည်ဟုရှုမြင်လျက်ရှိကြောင်း ဟန်ဂေရီနှင့် ဆလိုဗက်ကီးယားနိုင်ငံတို့က ပြောကြားထားသည်။ ထို့ကြောင့် ဥရောပသမဂ္ဂအနေဖြင့် ရုရှားစွမ်းအင်အပေါ်  ချမှတ်ထားသည့် ပိတ်ဆို့မှုများနှင့်  ကန့်သတ်မှုများကို ချက်ချင်းရပ်ဆိုင်းပေးရန် တောင်းဆိုကြောင်း အော်ဘန်က ဟန်ဂေရီရုပ်သံမှတစ်ဆင့် ဗီဒီယိုမိန့်ခွန်းပြောကြားရာတွင် ထည့်သွင်းပြောကြားသည်။ဥရောပနိုင်ငံများ၏  စီးပွားရေးသည် စွမ်းအင်ပြတ်လပ်မည့် အန္တရာယ်နှင့်  ရင်ဆိုင်နေရပြီး စွမ်းအင်ဈေးနှုန်းများ မြင့်တက်လာနေကြောင်း၊ ထို့ကြောင့် ဥရောပသမဂ္ဂအနေဖြင့် ဖြစ်နိုင်သမျှ အရင်းအမြစ် အားလုံးကို အသုံးပြုခြင်းအားဖြင့် ရေနံနှင့်သဘာဝဓာတ်ငွေ့ကို တတ်နိုင်သမျှ ပမာဏ အများအပြားကို အမြန်ဆုံးဖြည့်တင်းမှသာ အဆိုပါအန္တရာယ်ကို      ကာကွယ်နိုင်မည်ဖြစ်ကြောင်း ဟန်ဂေရီဝန်ကြီးချုပ်   အော်ဘန်က ဆက်လက်ပြောကြားခဲ့ကြောင်း သိရသည်။   MWD
Sun, 5-Apr-2026
အလျှော့မပေးဘဲ လက်တုံ့ပြန်နေသည့် အီရန်နှင့်အမေရိကန်တို့၏ ဟော်မုရေလက်ကြား ဖွင့်လှစ်ရေးကြိုးပမ်းမှု
အလျှော့မပေးဘဲ လက်တုံ့ပြန်နေသည့် အီရန်နှင့်အမေရိကန်တို့၏ ဟော်မုရေလက်ကြား ဖွင့်လှစ်ရေးကြိုးပမ်းမှု
   အီရန်ကထိန်းချုပ်ထားသည့် ဟော်မု ရေလက်ကြားကို ပြန်လည်ဖွင့်လှစ်ပြီး ရေနံများ စတင်သယ်ယူနိုင်ရန်အတွက် အချိန်အနည်းငယ်သာ လိုအပ်သည်ဟု အမေရိကန်သမ္မတ ဒေါ်နယ်ထရမ့်က ဧပြီလ ၃ ရက်တွင် ပြောကြားလိုက်သည်ကို တွေ့ရသည်။ အမေရိကန်အနေဖြင့် အချိန်အနည်းငယ်ယူ၍ လုပ်ဆောင်နိုင်မည်ဆိုပါက မိမိတို့အနေဖြင့် ဟော်မုရေလက်ကြားကို အလွယ်တကူ ဖွင့်လှစ်နိုင်မည်ဖြစ်သည်ဟု ထရမ့်က ၎င်း၏လူမှုကွန်ရက်ပေါ်တွင် ရေးသားဖော်ပြခဲ့ခြင်းဖြစ်သည်။သို့သော် အီရန်နှင့်လက်ရှိဖြစ်ပွားနေသည့် စစ်ပွဲပြီးဆုံးသွားသည့်တိုင်အောင် အီရန်နိုင်ငံက အဆိုပါရေလက်ကြားကို ဆက်လက် ထိန်းချုပ်ထားနိုင်ပါက ထိုသို့သော အခြေအနေမျိုးကို  အမေရိကန်အစိုးရ၏ ဗျူဟာမြောက် ရှုံးနိမ့်မှုတစ်ခုအဖြစ် နိုင်ငံတကာအသိုက်အဝန်းက ရှုမြင်ကြမည် ဖြစ်ကြောင်း အနောက်နိုင်ငံမှ သတင်းဌာနကြီးတစ်ခု ထောက်ပြထားသည်။ ထိုသို့သောအခြေအနေမျိုးတွင် အီရန်အနေဖြင့် ဟော်မုရေလက်ကြားမှ ဖြတ်သန်းသွားလာသည့် ရေနံတင်သင်္ဘောများအပေါ် အခွန်အခများ ကောက်ခံခြင်းဖြင့် ငွေကြေးအကျိုးအမြတ် ရှာဖွေရန်ကြိုးပမ်းလာမည်ဖြစ်ကြောင်း    အဆိုပါသတင်းဌာနကဆက်လက်ဖော်ပြထားသည်။လက်ရှိတွင် အီရန်နိုင်ငံသည် အခြေခံ စားသောက်ကုန်များနှင့် လူသားချင်းစာနာ ထောက်ထားမှုဆိုင်ရာ   အကူအညီများ တင်ဆောင်လာသည့် သင်္ဘောများအား ဟော်မုရေလက်ကြားမှတစ်ဆင့် ဖြတ်သန်းခွင့်ပြုလိုက်ပြီဖြစ်ကြောင်း   တက်စမင်သတင်းဌာနက ဧပြီလ ၄ ရက်တွင် ဖော်ပြထားသည်။တစ်နည်းအားဖြင့်ဆိုရပါမူ  အခြေခံစားသောက်ကုန်များနှင့် လူသားချင်းစာနာ ထောက်ထားမှုဆိုင်ရာ အကူအညီများ တင်ဆောင်လာသည့် သင်္ဘောများအနေဖြင့် အီရန်နိုင်ငံအတွင်းရှိ  ဆိပ်ကမ်းများ သို့မဟုတ် အိုမန်ပင်လယ်ကွေ့တွင် တည်ရှိသောဆိပ်ကမ်းများသို့ ဟော်မုရေလက်ကြားမှတစ်ဆင့် ဖြတ်သန်းသွားလာခွင့်ပြုလိုက်ပြီဖြစ်သည်။ ထို့ပြင် အီရန်နိုင်ငံသည် ၎င်းနှင့်ဆက်ဆံရေး ကောင်းမွန်နေသည့်  နိုင်ငံများမှ သင်္ဘောများကိုလည်း  ရေလက်ကြားမှတစ်ဆင့် ဖြတ်သန်းခွင့်ပေးထားပြီဖြစ်သည်။သို့သော် အမေရိကန်၊ အစ္စရေးနိုင်ငံတို့နှင့် ဆက်နွှယ်နေသည့် နိုင်ငံများကိုမူ ဆက်လက် ပိတ်ပင်ထားဆဲပင်ဖြစ်သည်။ ထိုသို့သော  အခြေအနေမျိုးတွင် အမေရိကန်သမ္မတ ထရမ့်၏ပြောဆိုချက်များသည် အကောင်းမြင်လွန်းနေသည်ဟု အကဲခတ်သူများနှင့် လေ့လာသူများက ပြောဆိုထားသည်။အကြောင်းမှာ အီရန်အနေဖြင့် စွမ်းအင်ကြွယ်ဝပြီး ဒုံးကျည်နည်းပညာမြင့်မားသည့် နိုင်ငံတစ်နိုင်ငံအဖြစ် အရှေ့အလယ်ပိုင်းတွင် အမေရိကန်ကို အန်တုနိုင်ရန်အတွက် ဟော်မုရေလက်ကြားကို   ဆက်လက်ထိန်းချုပ်နိုင်မှသာဖြစ်နိုင်မည်ကို အီရန်မူဝါဒချမှတ်သူများက သဘောပေါက်ထား သလို အမေရိကန်ထောက်လှမ်းရေးအရာရှိများကလည်း ယင်းအချက်ကို နားလည်ထားသည်။ထို့ပြင် အီရန်အစိုးရသည် အမေရိကန်ပြည်ထောင်စုက ၄၈ နာရီကြာ အပစ်အခတ်ရပ်စဲရန် ကမ်းလှမ်းခဲ့သော်လည်း အဆိုပါကမ်းလှမ်းမှုကို  အကြောင်းပြန်ခြင်းမရှိဘဲ ငြင်းပယ်ခဲ့ပြီး ပြင်းထန်သော တိုက်ခိုက်မှုများကို ဆက်လက်လုပ်ဆောင်လျက် ရှိနေခြင်းကလည်း ဟော်မုရေလက်ကြား ပြန်လည်ဖွင့်လှစ်ရေး အမေရိကန်တို့၏ကြိုးပမ်းမှုကို အီရန်ဘက်က ငြင်းဆန် နေခြင်းကို ပြသနေခြင်းဖြစ်သည်ဟုလည်း ဆိုနိုင်သည်။ထို့ကြောင့်ပင် အမေရိကန်နှင့် အစ္စရေးတို့သည် အီရန်မြို့တော် တီဟီရန်အပါအဝင် တစ်နိုင်ငံလုံးအနှံ့တွင် ဗုံးကြဲတိုက်ခိုက်မှုများ   လုပ်ဆောင်နေလင့်ကစား အီရန်အနေဖြင့် ဒေသတွင်းရှိ အမေရိကန်နှင့် အစ္စရေးတို့၏ စစ်ဘက်နှင့်စီးပွားရေးနှင့်အခြားနည်းပညာဆိုင်ရာ အခြေခံအဆောက် အဦများကိုပါ လက်တုံ့ပြန်လျက်ရှိနေခြင်းကြောင့် ရေလက်ကြားပြန်လည် ဖွင့်လှစ်နိုင်မည်ဟူသော ထရမ့်၏အိပ်မက်သည် လောလောဆယ်တွင်   အလှမ်းဝေးကွာနေမည်ဖြစ်ကြောင်း ရေးသား တင်ပြလိုက်ရပါသည်။MWD
Sun, 5-Apr-2026
ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် နီကာရာဂွါသမ္မတနိုင်ငံ၊ ပူးတွဲသမ္မတများဖြစ်ကြသည့် မစ္စတာ ဒန်နီရယ်အော်တီဂါ ဆာဗေဒရာနှင့် မစ္စစ်ရိုဆာရီယို မူရီလို တို့ထံမှ ဝမ်းမြောက်ကြောင်းသဝဏ်လွှာ ပေးပို့
ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် နီကာရာဂွါသမ္မတနိုင်ငံ၊ ပူးတွဲသမ္မတများဖြစ်ကြသည့် မစ္စတာ ဒန်နီရယ်အော်တီဂါ ဆာဗေဒရာနှင့် မစ္စစ်ရိုဆာရီယို မူရီလို တို့ထံမှ ဝမ်းမြောက်ကြောင်းသဝဏ်လွှာ ပေးပို့
နေပြည်တော် ဧပြီ ၄ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်အား နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် နီကာရာဂွါသမ္မတနိုင်ငံ၊ ပူးတွဲသမ္မတများဖြစ်ကြသည့် မစ္စတာဒန်နီရယ် အော်တီဂါ ဆာဗေဒရာနှင့် မစ္စစ် ရိုဆာရီယို မူရီလိုတို့ထံမှ ဝမ်းမြောက်ကြောင်း သဝဏ်လွှာပေးပို့လာပါသည်။အဆွေတော်ဦးမင်းအောင်လှိုင်ရွေးကောက်ခံသမ္မတပြည်ထောင်စုသမ္မတမြန်မာနိုင်ငံတော်နေပြည်တော်ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတအဖြစ် အဆွေတော် ရွေးကောက်တင်မြှောက်ခြင်းခံရသည့်အတွက် နီကာရာဂွါသမ္မတနိုင်ငံ၊ အမျိုးသားပြန်လည်သင့်မြတ်ရေးနှင့် ညီညွတ်ရေးအစိုးရနှင့် ပြည်သူများကိုယ်စား မိမိမှ ဂုဏ်ယူဝမ်းမြောက်ကြောင်း ဖော်ပြလိုပါသည်။မာနာဂွါမြို့၊ ၂၀၂၆ ခုနှစ်၊ ဧပြီလ ၃ ရက်အခါအခွင့်ကြုံခိုက် မိမိတို့နှစ်နိုင်ငံအကြား တည်ရှိနေသည့် ချစ်ကြည်ရင်းနှီးမှုနှင့် စည်းလုံးညီညွတ်မှုကို ဆက်လက်ခိုင်မာအောင်လုပ်ဆောင်သွားမည့် ကတိကဝတ်ကို ထပ်လောင်းအတည်ပြုပါသည်။ မိမိတို့၏ ပြည်သူများအတွက် ငြိမ်းချမ်းရေး၊ တည်ငြိမ်ရေး၊ သာယာဝပြောရေး၊ ကျန်းမာသုခနှင့် ဖွံ့ဖြိုးတိုးတက်ရေးများကို ဆောင်ကြဉ်းပေးနိုင်မည်ဟု ယုံကြည်ပါသည်။မင်္ဂလာအပေါင်းနှင့်ပြည့်စုံ၍ အစဉ်အမြဲလွတ်လပ်သော နီကာရာဂွါနိုင်ငံရှိ ပြည်သူများ၏ ချစ်ကြည်ရင်းနှီးမှုနှင့် ညီရင်းအစ်ကိုပမာ နွေးထွေးစွာနှုတ်ခွန်းဆက်သပါကြောင်း ပြောကြားလိုပါသည်။ဒန်နီရယ် အော်တီဂါ ဆာဗေဒရာ  ရိုဆာရီယို မူရီလိုmoi
Sun, 5-Apr-2026
တောင်အာဖရိက သင်္ဘောများ ဟော်မုဇ် ရေလက်ကြားကို ဖြတ်သန်းသွားလာနိုင်သည်ဟု အီရန် ပြောကြား
တောင်အာဖရိက သင်္ဘောများ ဟော်မုဇ် ရေလက်ကြားကို ဖြတ်သန်းသွားလာနိုင်သည်ဟု အီရန် ပြောကြား
ပင်လယ်ကွေ့ဒေသတွင် တင်းမာမှုများမြင့်တက်လာခြင်းကြောင့် ဖြစ်ပေါ်လာမည့်အကျိုးဆက်များမှ နိုင်ငံ၏စွမ်းအင်လုံခြုံရေးကို ကာကွယ်ရန် တောင်အာဖရိကက ကြိုးပမ်းနေစဉ်အတွင်း တောင်အာဖရိက သင်္ဘောများကို ဟော်မုဇ်ရေလက်ကြားမှတစ်ဆင့် ဖြတ်သန်းခွင့်ပြုမည် ဖြစ်ကြောင်း အီရန်နိုင်ငံက အတည်ပြုလိုက်သည်။ကမ္ဘာ့ရေနံတင်ပို့မှုတွင် အရေးပါဆုံးသော အချက်အခြာနေရာတစ်ခု၌ အရှေ့အလယ်ပိုင်းတင်းမာမှုများ ဆက်လက်ဖြစ်ပွားနေစဉ် တောင်အာဖရိက ရှိ အီရန်သံရုံးက ထိုသို့ အသိပေးပြောကြားလိုက်ခြင်း ဖြစ်သည်။ ကမ္ဘာ့ ရေနံထောက်ပံ့မှု အများအပြားဖြတ်သန်းရာ ထိုကျဉ်းမြောင်းသော ရေလမ်းကြောင်းသည် အီရန်၊ အမေရိကန်နှင့် အစ္စရေးတို့ကြား အားပြိုင်မှုများ ပြင်းထန်လာရာ အဓိကနေရာတစ်ခုဖြစ်လာခဲ့သည်။တောင်အာဖရိက နိုင်ငံတကာဆက်ဆံရေးနှင့် ပူးပေါင်းဆောင်ရွက်ရေးဌာန (Dirco) က အခြေအနေကို အနီးကပ် စောင့်ကြည့်နေကြောင်း ပြောကြားခဲ့ပြီး ဝန်ကြီး Ronald Lamola က ၎င်းတို့နိုင်ငံ၏ သံတမန်ရေးရာ ကြိုးပမ်းမှုများကို အလေးပေး ပြောဆိုခဲ့သည်။ “လတ်တလော အရှေ့ အလယ်ပိုင်း မတည်ငြိမ်မှုတွေကြောင့် သက်ရောက်မှုရှိနေတဲ့ ပင်လယ်ကွေ့နိုင်ငံတွေက ကျွန်တော့်ရဲ့ လုပ်ဖော်ကိုင်ဖက် တော်တော်များများနဲ့ အကျယ်တဝင့် တိုင်ပင်ဆွေးနွေးပြီးနောက် အီရန်နိုင်ငံခြားရေးဝန်ကြီး Abbas Araghchi နဲ့ အနှစ်သာရရှိတဲ့ ဆွေးနွေးမှုတစ်ခု ပြုလုပ်ခဲ့ပါတယ်” ဟု Lamola က ပြောကြားသည်။၎င်းက ဆက်လက်၍ “ဒေသတွင်းမှာ အရပ်သားတွေ သေကျေပျက်စီးမှုတိုးလာနေတာနဲ့ လူသားချင်းစာနာထောက်ထားမှုဆိုင်ရာ အခြေအနေ တွေ ပိုမိုဆိုးရွားလာနေတာနဲ့ ပတ်သက်ပြီး ကျွန်တော်တို့ရဲ့ အလွန်အမင်း စိုးရိမ်ပူပန်မှုကို ထုတ်ဖော်ပြောကြားခဲ့ပါတယ်” ဟု ဆိုသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sat, 4-Apr-2026
အမေရိကန်မှ အာဖရိကနိုင်ငံသားများအား ပြည်နှင်ဒဏ်ပေးခြင်းသည် လူသားမဆန်သည့် လုပ်ရပ်ဖြစ်ကြောင်း ပြင်းထန်စွာ ဝေဖန်ခံနေရ
အမေရိကန်မှ အာဖရိကနိုင်ငံသားများအား ပြည်နှင်ဒဏ်ပေးခြင်းသည် လူသားမဆန်သည့် လုပ်ရပ်ဖြစ်ကြောင်း ပြင်းထန်စွာ ဝေဖန်ခံနေရ
အငြင်းပွားဖွယ်ရာ တတိယနိုင်ငံသဘောတူညီချက်အရ အမေရိကန်မှ ပြည်နှင်ဒဏ်ပေးခံရသည့် လူ ၁၂ ဦးပါဝင်သော အဖွဲ့တစ်ဖွဲ့သည် ယူဂန်ဒါနိုင်ငံသို့ ရောက်ရှိလာပြီဖြစ်ကြောင်း အရှေ့အာဖရိက ရှေ့နေများအသင်းက ပြောကြားခဲ့ပြီး အဆိုပါ လွှဲပြောင်းမှုသည် တရားမဝင်သကဲ့သို့ လူသားမဆန်သည့်လုပ်ရပ်ဖြစ်ကြောင်း ရှုတ်ချပြောဆိုလိုက်သည်။ယူဂန်ဒါရှေ့နေများအသင်း၏ ပြောကြားချက်အရ ပြည်နှင်ဒဏ်ပေးခံရသူများကို သီးသန့်လေယာဉ်ဖြင့် ခေါ်ဆောင်လာခြင်းဖြစ်ပြီး ကြာသပတေးနေ့ (ဧပြီ ၂) တွင် ကမ်ပလာမြို့ အနောက်တောင်ဘက် ၄၀ ကီလိုမီတာခန့် အကွာရှိ အင်တက်ဘေး အပြည်ပြည်ဆိုင်ရာလေဆိပ်သို့ ဆင်းသက်ရန် စီစဉ်ထားခြင်းဖြစ်သည်ဟု ဆိုသည်။ရှေ့နေများက ယခုလုပ်ရပ်ကို ရွှေ့ပြောင်းနေထိုင်သူများအား ယူဂန်ဒါ နိုင်ငံအတွင်းသို့ အတင်းအဓမ္မစွန့်ပစ်ရန် ကြိုတင်ကြံစည်ထားသည့် အစီအစဉ်တစ်ခုဟု ဖော်ပြခဲ့ကြပြီး "သိက္ခာမဲ့ပြီး ကြောက်မက်ဖွယ်ကောင်းကာ လူသားမဆန်သည့် လုပ်ငန်းစဉ်မှတစ်ဆင့် ၎င်းတို့ကို လူသားချင်းစာနာမှုမရှိဘဲ ရောင်းကုန်ပစ္စည်းသဖွယ် ဆက်ဆံခဲ့ခြင်း ဖြစ်သည်" ဟု ဝေဖန်ခဲ့ကြသည်။ယခုလွှဲပြောင်းမှုသည် အမေရိကန်မှ ပြည်နှင်ဒဏ်ပေးခံရသည့် အခြား နိုင်ငံသားအချို့ကို လက်ခံရန် ယူဂန်ဒါအစိုးရနှင့် ဝါရှင်တန်တို့ ပြီးခဲ့သည့် သြဂုတ်လကချုပ်ဆိုခဲ့သော သဘောတူညီချက်အရ ပထမဆုံးအကြိမ် လုပ်ဆောင်ခြင်းဖြစ်သည်။ ယူဂန်ဒါအစိုးရကမူ ရာဇဝတ်မှုမှတ်တမ်းရှိသူများနှင့် လူကြီးအုပ်ထိန်းသူမပါသည့် ကလေးငယ်များကို လက်ခံမည်မဟုတ်ကြောင်းနှင့် အာဖရိကနွယ်ဖွားများကိုသာ ဦးစားပေးလက်ခံသွားမည်ဖြစ်ကြောင်း ပြောကြားထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sat, 4-Apr-2026
ပြင်သစ်သမ္မတ မက်ခရွန်က နိုင်ငံများအနေဖြင့် အမေရိကန် သို့မဟုတ် တရုတ်နိုင်ငံတို့၏ လက်ဝေခံနိုင်ငံများမဖြစ်ကြရန် တိုက်တွန်းနှိုးဆော်
ပြင်သစ်သမ္မတ မက်ခရွန်က နိုင်ငံများအနေဖြင့် အမေရိကန် သို့မဟုတ် တရုတ်နိုင်ငံတို့၏ လက်ဝေခံနိုင်ငံများမဖြစ်ကြရန် တိုက်တွန်းနှိုးဆော်
ပြင်သစ်သမ္မတ အီမန်နျူရယ် မက်ခရွန်သည် အီရန်နိုင်ငံအရေးနှင့် NATO အဖွဲ့အရေးတို့နှင့် ပတ်သက်ပြီး အမေရိကန်သမ္မတ ဒေါ်နယ်ထရမ့် နှင့် လူသိရှင်ကြား အခြေအတင်ဖြစ်ပွားခဲ့ပြီးနောက် ကမ္ဘာတစ်ဝှမ်းရှိ နိုင်ငံများအနေဖြင့် အမေရိကန် သို့မဟုတ် တရုတ်နိုင်ငံတို့၏ လက်ဝေခံများမဖြစ်ကြရန် တိုက်တွန်းပြောကြားလိုက်သည်။သောကြာနေ့ (ဧပြီ ၃) က ဆိုးလ်မြို့သို့ သွားရောက်ခဲ့သည့် ခရီးစဉ် အတွင်း မက်ခရွန်က တောင်ကိုရီးယား၊ ဂျပန်၊ ဘရာဇီး၊ အိန္ဒိယ၊ သြစတြေးလျနှင့် ကနေဒါ အစရှိသည့် နိုင်ငံများအနေဖြင့် အပြည်ပြည်ဆိုင်ရာဥပဒေ၊ ဒီမိုကရေစီနှင့် ရာသီဥတုပြောင်းလဲမှုဆိုင်ရာ ကိစ္စရပ်များတွင် ဘုံကတိကဝတ် များအပေါ် အခြေခံသည့် လွတ်လပ်သောမဟာမိတ်အဖွဲ့ (Coalition of independence) တစ်ခု ဖွဲ့စည်းရန် တိုက်တွန်းခဲ့သည်။"ဆယ်စုနှစ်များစွာအတွင်းမှာ ကျွန်တော်တို့ဟာ ဒီနိုင်ငံတကာစနစ်နဲ့ ကျွန်တော်တို့ဆီမှာရှိတဲ့ သေချာမှုအနည်းငယ်အပေါ် အခြေခံပြီး တည်ငြိမ်မှုဆိုတာကို ရရှိခဲ့ကြပါတယ်၊ အခုတော့ အဲဒါက တက်လိုက်ကျလိုက် ဖြစ်နေပါပြီ၊ ဒီလို ပရမ်းပတာဖြစ်နေတဲ့ အခြေအနေသစ်မှာ ကျွန်တော်တို့က ငြိမ်ခံနေလို့မဖြစ်ပါဘူး၊ စနစ်သစ်တစ်ခုကို တည်ဆောက်ရပါမယ်" ဟု ယွန်ဆေး တက္ကသိုလ် (Yonsei University) တွင် ပြောကြားသည့် မိန့်ခွန်း၌ မက်ခရွန်က ထည့်သွင်းပြောဆိုခဲ့သည်။ဆက်လက်၍ ၎င်းက "ကျွန်တော်တို့ရဲ့ ရည်မှန်းချက်က အင်အားကြီး နိုင်ငံနှစ်ခုရဲ့ လက်ဝေခံတွေ မဖြစ်စေဖို့ပါပဲ ၊ ကျွန်တော်တို့ဟာ တရုတ် နိုင်ငံရဲ့ လွှမ်းမိုးမှုအပေါ်မှာ မှီခိုမနေချင်သလို အမေရိကန်ရဲ့ ခန့်မှန်းလို့မရနိုင်တဲ့ အခြေအနေတွေအောက်မှာလည်း အလွန်အမင်း အထိခိုက်မခံ နိုင်တဲ့ အနေအထားမျိုးမှာ မရှိချင်ပါဘူး" ဟု ဖြည့်စွက်ပြောကြားခဲ့သည်။မက်ခရွန်သည် အီရန်အပေါ် အမေရိကန်နှင့် အစ္စရေးတို့၏ စစ်မက်ပြုမှုကိုထောက်ခံရန် ငြင်းဆန်ခဲ့ပြီး ဥရောပအဖွဲ့ဝင်နိုင်ငံများက ဟော်မုဇ် ရေလက်ကြား ပိတ်ဆို့မှုကို ရှင်းလင်းပေးရန် ၎င်း၏တောင်းဆိုချက်ကို ငြင်းပယ်ခဲ့ပြီးနောက် NATO အဖွဲ့အား "စက္ကူကျား" ဟု လှောင်ပြောင် ခဲ့သော ထရမ့်ကိုလည်း ပြန်လည်တုံ့ပြန်ခဲ့သည်။"ဗုံးကြဲတာ ဒါမှမဟုတ် စစ်ရေးအရ လုပ်ဆောင်ရုံနဲ့ အခြေအနေကို ပြုပြင်နိုင်မယ်လို့ ကျွန်တော် မယုံကြည်ပါဘူး" ဟု ပြင်သစ်ခေါင်းဆောင်က အရှေ့အလယ်ပိုင်းတွင် အမေရိကန်၏ အတိတ်နှင့် လက်ရှိ စွက်ဖက်မှုများကို ရည်ညွှန်း၍ ပြောကြားခဲ့သည်။The New York Times သတင်းစာ၏ ဖော်ပြချက်အရ ဟော်မုဇ် ရေလက်ကြားတွင် အီရန်အပေါ် စစ်ရေးအရ အရေးယူ ဆောင်ရွက်ခွင့်ပြုမည့် ကုလသမဂ္ဂလုံခြုံရေးကောင်စီ၏ ဆုံးဖြတ်ချက်ကို ပြင်သစ်သည် ရုရှား၊ တရုတ်တို့နှင့်အတူ ပူးပေါင်း၍ ကန့်ကွက်ခဲ့သည်။ မူလက သောကြာနေ့ (ဧပြီ ၃) တွင် ပြုလုပ်ရန် စီစဉ်ထားသည့် ထိုမဲခွဲမှုကို ရွှေ့ဆိုင်းလိုက်ပြီဖြစ်သည်။မက်ခရွန်သည် မကြာသေးမီနှစ်များအတွင်း ဒုံးကျည်၊ ဒရုန်းနှင့် ရေငုပ် သင်္ဘောစွမ်းရည်များကို အဓိကထား၍ ပြင်သစ်၏ ကာကွယ်ရေး အသုံးစရိတ်ကို သိသိသာသာ တိုးမြှင့်ခဲ့သည်။ ပြီးခဲ့သည့်လကလည်း ဂျာမနီနှင့် အခြားဥရောပနိုင်ငံများကို အကာအကွယ်ပေးရန်အတွက် ပြင်သစ်၏ နျူကလီးယားထီးရိပ် (Nuclear umbrella) ကို တိုးချဲ့ ပံ့ပိုး ပေးနိုင်ကြောင်း ၎င်းက ပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sat, 4-Apr-2026
© Copyright 2024 SAC All Rights Reserved.