ရေအောက်မိုင်းရှင်းလင်းရေးလုပ်ငန်းကို ပိုမိုလွယ်ကူလာစေမယ့် ပြင်သစ်နိုင်ငံရဲ့ AI နည်းပညာသုံးစနစ်

NoahJune222

News Image

  • ရေအောက်မိုင်းရှင်းလင်းရေးလုပ်ငန်းကို ပိုမိုလွယ်ကူလာစေမယ့် ပြင်သစ်နိုင်ငံရဲ့ AI နည်းပညာသုံးစနစ်

ပြင်သစ်အခြေစိုက် Thales ကုမ္ပဏီကရေအောက်မိုင်းတွေကို AI နည်းပညာအသုံးပြုပြီး အလိုအလျောက် ရှာဖွေဖော်ထုတ်နိုင်မယ့် စနစ်အသစ်တစ်ခုကို မိတ်ဆက်လိုက်ပါတယ်။ ဒီစနစ်အသစ်က ရေအောက်မိုင်းရှင်းလင်းရေးလုပ်ငန်းကို ပိုမိုလွယ်ကူလာစေမယ်လို့ ဆိုပါတယ်။

Expeditionary PathMaster လို့ခေါ်တဲ့ဒီစနစ်ဟာ ပင်လယ်ပြင်ရှိရေအောက်မိုင်းအန္တရာယ်တွေကို လူသားတွေတိုက်ရိုက် ထိတွေ့စရာမလိုဘဲ     ဘေးကင်းကင်းနဲ့ မြန်မြန်ဆန်ဆန် ရှင်းလင်းပေးနိုင်မှာပါ။

ဒီစနစ်မှာ ထူးခြားတာက AI နည်းပညာကို အသုံးပြုထားတာဖြစ်ပါတယ်။ ဒါကြောင့် ရရှိလာတဲ့အချက်အလက်တွေကို သာမန်ထက်  လေးဆပိုမြန်အောင် တွက်ချက်ပေးနိုင်ပြီး မိုင်းဟုတ် မဟုတ်ဆိုတာကို ခွဲခြားရာမှာလည်း ၉၉ ရာခိုင်နှုန်းအထိ တိကျပါတယ်။

သူ့ကိုသယ်ဆောင်ရတာ လွယ်ကူတာကြောင့် ဆိပ်ကမ်းတွေ ဒါမှမဟုတ် သာမန်လှေငယ်လေးတွေပေါ်ကနေပါ အလွယ်တကူ ထိန်းချုပ်နိုင်တဲ့အပြင် မိုင်းရှာတာကအစ ဖျက်ဆီးတဲ့အထိ အဆင့်တိုင်းကို အလိုအလျောက် လုပ်ဆောင်ပေးသွားမှာ ဖြစ်ပါတယ်။                             

Ref: IE                                    

ကိုထက်

MWD

MM-News-Category
နည်းပညာသတင်း
နည်းပညာ - နိုင်ငံတကာသတင်း

ဆက်စပ်သတင်းများ

AI ဒရုန်းနည်းပညာပြိုင်ပွဲတွင် အမေရိကန် နောက်ကျကျန်နေကြောင်း NYT ဖော်ပြ
AI ဒရုန်းနည်းပညာပြိုင်ပွဲတွင် အမေရိကန် နောက်ကျကျန်နေကြောင်း NYT ဖော်ပြ
အမေရိကန်သည် AI စနစ်သုံး ဒရုန်းနည်းပညာဖွံ့ဖြိုးတိုးတက်မှုတွင် ရုရှားနှင့်တရုတ်နိုင်ငံတို့၏ နောက်ကောက်သို့ ရောက်ရှိနေပြီ ဖြစ်ကြောင်းNew York Times (NYT) က အမေရိကန် ကာကွယ်ရေးနှင့် ထောက်လှမ်းရေး အရာရှိများကို ကိုးကား၍ ဖော်ပြခဲ့သည်။ လူသားတို့၏ ညွှန်ကြားချက်မပါဘဲ ပစ်မှတ်များကို ကိုယ်တိုင်ရှာဖွေ တိုက်ခိုက်နိုင်သည့် အဆိုပါ မျိုးဆက်သစ် ဒရုန်းနည်းပညာနှင့် ပတ်သက်၍ ပေကျင်းတွင်ကျင်းပခဲ့သော စစ်ရေးပြပွဲအတွင်း တရုတ်၏ တိုးတက်မှုများကို မြင်တွေ့ခဲ့ရပြီးနောက် ပင်တဂွန်အရာရှိများက စိုးရိမ်ပူပန်မှုများ ရှိလာခြင်းဖြစ်သည်။ အထူးသဖြင့် ပြီးခဲ့သည့်နှစ်နှောင်းပိုင်းက အောင်မြင်စွာ စမ်းသပ်နိုင်ခဲ့သည့် တရုတ်နိုင်ငံ၏ Jiutian ဒရုန်းသည် AI လမ်းညွှန်စနစ်သုံး ဒရုန်းအငယ်စား အစင်း ၁၀၀ အထိ တင်ဆောင်ကာ ပင်မဒရုန်းအဖြစ်လုပ်ဆောင်နိုင်စွမ်းရှိသဖြင့် အမေရိကန်၏ စီမံကိန်းများထက် သိသိသာသာ ရှေ့ပြေးနေသည်ဟု ယူဆရသည်။အလားတူပင် ရုရှားနိုင်ငံသည်လည်း ၎င်းတို့၏ Lancet ဝေဟင်သုံး ခဲယမ်းများတွင် အလိုအလျောက် ပစ်မှတ်ရှာဖွေနိုင်သည့်စနစ်များကို အောင်မြင်စွာ တပ်ဆင်လာနိုင်ခဲ့သည်။ ရုရှားသည် ယူကရိန်းစစ်မြေပြင်ကို နည်းပညာစမ်းသပ်ကွင်းအဖြစ်အသုံးချကာ ၎င်းတို့၏ ဒရုန်းစွမ်းဆောင်ရည်များကို အဆင့်မြှင့်တင်နေသကဲ့သို့ အဆင့်မြင့်ဒရုန်းများ အမြောက်အမြား ထုတ်လုပ်နိုင်မည့် စက်ရုံအဆောက်အအုံများကိုလည်း အရှိန်အဟုန်ဖြင့် တည်ဆောက်လျက်ရှိသည်။ တရုတ်နိုင်ငံတွင်မူ အရပ်ဘက်-စစ်ဘက် ပေါင်းစည်းရေးမူဝါဒအရ နည်းပညာကုမ္ပဏီများနှင့် စစ်ဘက်အဖွဲ့အစည်းများ ပူးပေါင်းဆောင်ရွက် နေမှုနှင့် ကုန်ထုတ်လုပ်မှုကဏ္ဍတွင် စိုးမိုးထားနိုင်မှုတို့ကြောင့် အလိုအလျောက်မောင်းနှင်သည့် လက်နက်များကို အမေရိကန်ထက် ပိုမို ကြီးမားသော အတိုင်းအတာဖြင့် ထုတ်လုပ်နိုင်စွမ်း ရှိနေသည်။အမေရိကန်အစိုးရသည် ယခုအခါ ပြိုင်ဘက်များကို အမီလိုက်ရန် ဒေါ်လာ ဘီလီယံနှင့်ချီ၍ ရင်းနှီးမြှုပ်နှံနေသော်လည်း အစဉ်အလာ ကန်ထရိုက်တာ ကြီးများနှင့် အချိန်ကာလရှည်ကြာစွာ စောင့်ဆိုင်းရသည့် ပင်တဂွန်၏ ပစ္စည်းဝယ်ယူရေးစနစ်မှာ အကျိုးသက်ရောက်မှု အားနည်းနေကြောင်း ဝေဖန်မှုများ ရှိနေသည်။ CNN ၏ ဖော်ပြချက်အရလည်း အမေရိကန် ကာကွယ်ရေး ကုမ္ပဏီများ သည် ဂျက်တိုက်လေယာဉ်နှင့် တင့်ကားများကဲ့သို့သော ကြီးမားပြီး ဈေးကြီးသည့် လက်နက်စနစ်များကိုသာ နှစ်ပေါင်းများစွာ အာရုံစိုက်ခဲ့ကြသဖြင့် လက်ရှိ စစ်မြေပြင်တွင် အလွန်အရေးပါလာသည့် သေးငယ်ပြီး ကုန်ကျစရိတ်သက်သာသော ဒရုန်းများကို ထုတ်လုပ်ရန် ရုန်းကန်နေရကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 14-Apr-2026
Artemis II လူလိုက်ပါသည့် အာကာသယာဉ် ကမ္ဘာမြေသို့ ပြန်လည်ရောက်ရှိ
Artemis II လူလိုက်ပါသည့် အာကာသယာဉ် ကမ္ဘာမြေသို့ ပြန်လည်ရောက်ရှိ
ဝါရှင်တန် ဧပြီ ၁၁ အမေရိကန်ဦးဆောင်သော လကမ္ဘာစူးစမ်းလေ့လာရေး စီမံကိန်း၏ ပထမဆုံးလူလိုက်ပါသည့် အာကာသယာဉ်သည် လကမ္ဘာကို လှည့်ပတ်ပျံသန်းသည့် ခရီးစဉ်ပြီးဆုံးပြီးနောက် ကမ္ဘာမြေသို့ ပြန်လည်ရောက်ရှိလာပြီဖြစ်ကြောင်း အင်န်အိတ်ချ်ကေ သတင်းတစ်ရပ်တွင် ဖော်ပြထားသည်။ Orion အာကာသယာဉ်သည် အမေရိကန်ပြည်ထောင်စု ကယ်လီဖိုးနီးယားပြည်နယ် ကမ်းလွန်ပစိဖိတ် သမုဒ္ဒရာထဲသို့ ဧပြီ ၁၁ ရက်တွင် ဘေးအန္တရာယ်ကင်းစွာ ဆင်းသက်နိုင်ခဲ့သည်ဟု အမေရိကန် အာကာသအေဂျင်စီ နာဆာက ထုတ်ပြန်ထားသည်။ ပစိဖိတ်သမုဒ္ဒရာထဲသို့ ဘေးအန္တရာယ်ကင်းစွာ ဆင်းသက်ပြီးမကြာမီ လှေများနှင့် ရဟတ်ယာဉ် တစ်စင်းက အဆိုပါအာကာသယာဉ်အနီးသို့ ချဉ်းကပ်သွားခဲ့ကြောင်း ရုပ်သံမှတ်တမ်းတွင် တွေ့ရသည်။ အာကာသယာဉ်မှူးလေးဦးသည် ကျန်းမာရေးစစ်ဆေးမှုများနှင့် ပြန်လည်ထူထောင်ရေး လုပ်ငန်းစဉ်များကို ဆက်လက်လုပ်ဆောင်သွားမည်ဖြစ်ကြောင်း နာဆာ က ပြောသည်။ အဆိုပါ အာကာသယာဉ်မှူးများသည် ၁၀ ရက် ကြာ Artemis II မစ်ရှင်၏ ခြောက်ရက်မြောက်နေ့တွင် ကမ္ဘာမြေမှ ၄၀၆၇၇၁ ကီလိုမီတာ အကွာအဝေးသို့ ရောက်ရှိခဲ့ကြောင်း၊ ယင်းမှာ ကမ္ဘာ့သမိုင်းတစ်လျှောက် လူသားများအဝေးဆုံးအကွာအဝေးသို့ သွားရောက်နိုင်သည့် ခရီးစဉ်အဖြစ် စံချိန်မှတ်တမ်းသစ် စိုက်ထူနိုင်ခဲ့ကြောင်း သိရသည်။ ထို့အပြင် ယင်းအကွာအဝေးသည် ၁၉၇၀ ပြည့်နှစ်က Apollo 13 ရောက်ရှိခဲ့သော ယခင်စံချိန်ထက် ၆၆၀၀ ကီလိုမီတာခန့် ပိုမိုရောက်ရှိခဲ့ကြောင်း သိရသည်။ စံချိန်မှတ်တမ်းသစ်မရေးထိုးမီ Orion အာကာသယာဉ်သည် လနှင့်အနီးဆုံးသို့ ချဉ်းကပ်နိုင်ခဲ့ပြီး ကမ္ဘာမြေမှ မမြင်တွေ့နိုင်သော ချိုင့်ခွက်များအပါအဝင် ဓာတ်ပုံနှင့် ဗီဒီယိုအများအပြားကို ရိုက်ယူနိုင်ခဲ့ကြောင်းသိရသည်။ Artemis စီမံကိန်းသည် လွန်ခဲ့သော ရာစုနှစ်ဝက်ခန့်က Apollo အစီ အစဉ်နောက်ပိုင်း ပထမဆုံးအကြိမ်အဖြစ် အာကာသယာဉ်မှူးများ လပေါ်သို့ ဆင်းသက်ရန် ရည်ရွယ်ထားသည်။                                                  အင်န်အိတ်ချ်ကေMDN
Sun, 12-Apr-2026
ဆန်းသစ်တဲ့ နည်းပညာကို လက်တွေ့မြင်ရမယ့် တရုတ်နိုင်ငံရဲ့ ရေပေါ်ဒုံးလွှတ်စင်
ဆန်းသစ်တဲ့ နည်းပညာကို လက်တွေ့မြင်ရမယ့် တရုတ်နိုင်ငံရဲ့ ရေပေါ်ဒုံးလွှတ်စင်
တရုတ်နိုင်ငံက တောင်တရုတ်ပင်လယ်ပြင်မှာ အသုံးပြုဖို့အတွက် ရေပေါ်ဒုံးလွှတ်စင်တစ်ခုကို စမ်းသပ်ဖို့ ပြင်ဆင်နေပါတယ်။ ဒါဟာ တရုတ်နိုင်ငံရဲ့ အာကာသစွမ်းရည်ကို ပင်လယ်ပြင်အထိ တိုးချဲ့လာတာဖြစ်ပြီး မဟာဗျူဟာအရလည်း အရေးပါသလို ဆန်းသစ်တဲ့ နည်းပညာတစ်ခုကို လက်တွေ့မြင်ရမယ့် လုပ်ဆောင်ချက်တစ်ခု ဖြစ်ပါတယ်။အခုစမ်းသပ်မယ့် ဒုံးလွှတ်စင်ဟာ ရွေ့လျားနိုင်တဲ့ ရေပေါ်ပလက်ဖောင်းအမျိုးအစားဖြစ်ပြီး Jielong-3 လို ဒုံးပျံတွေကို လွှတ်တင်ဖို့ ရည်ရွယ်ထားတာပါ။ ပင်လယ်ပြင်ကနေ ဒုံးပျံလွှတ်တင်တာဟာ လူနေထူထပ်တဲ့ ဒေသတွေအပေါ် ဒုံးပျံအစိတ်အပိုင်းတွေ ပြုတ်ကျလာနိုင်တဲ့ အန္တရာယ်ကို လျှော့ချပေးနိုင်သလို အီကွေတာနဲ့ ပိုနီးတဲ့ နေရာကနေ လွှတ်တင်နိုင်တာကြောင့် လောင်စာဆီလည်း ပိုမိုသက်သာစေပါတယ်။တရုတ်နိုင်ငံဟာ အရင်က ရေပေါ်လွှတ်တင်မှုတွေကို အောင်မြင်အောင် လုပ်ဆောင်ခဲ့ဖူးပေမယ့် အခုလို တောင်တရုတ်ပင်လယ်ပြင်ဘက် တိုးချဲ့လာတာကတော့ သူတို့ရဲ့ ရေကြောင်းအခြေပြု အာကာသလုပ်ငန်းတွေကို ပိုမိုကျယ်ပြန့်လာအောင် လုပ်ဆောင်တာဖြစ်ပြီး လက်ရှိ ဒုံးပျံတွေကို ရေပေါ်မှာ ပြန်လည်သိမ်းဆည်းနိုင်မယ့် စနစ်တွေကိုလည်း ဖော်ဆောင်နေပါတယ်။Ref: IEကိုထက်MWD
Sun, 12-Apr-2026
ရေအောက်မိုင်းရှင်းလင်းရေးလုပ်ငန်းကို ပိုမိုလွယ်ကူလာစေမယ့် ပြင်သစ်နိုင်ငံရဲ့ AI နည်းပညာသုံးစနစ်
ရေအောက်မိုင်းရှင်းလင်းရေးလုပ်ငန်းကို ပိုမိုလွယ်ကူလာစေမယ့် ပြင်သစ်နိုင်ငံရဲ့ AI နည်းပညာသုံးစနစ်
ပြင်သစ်အခြေစိုက် Thales ကုမ္ပဏီကရေအောက်မိုင်းတွေကို AI နည်းပညာအသုံးပြုပြီး အလိုအလျောက် ရှာဖွေဖော်ထုတ်နိုင်မယ့် စနစ်အသစ်တစ်ခုကို မိတ်ဆက်လိုက်ပါတယ်။ ဒီစနစ်အသစ်က ရေအောက်မိုင်းရှင်းလင်းရေးလုပ်ငန်းကို ပိုမိုလွယ်ကူလာစေမယ်လို့ ဆိုပါတယ်။Expeditionary PathMaster လို့ခေါ်တဲ့ဒီစနစ်ဟာ ပင်လယ်ပြင်ရှိရေအောက်မိုင်းအန္တရာယ်တွေကို လူသားတွေတိုက်ရိုက် ထိတွေ့စရာမလိုဘဲ     ဘေးကင်းကင်းနဲ့ မြန်မြန်ဆန်ဆန် ရှင်းလင်းပေးနိုင်မှာပါ။ဒီစနစ်မှာ ထူးခြားတာက AI နည်းပညာကို အသုံးပြုထားတာဖြစ်ပါတယ်။ ဒါကြောင့် ရရှိလာတဲ့အချက်အလက်တွေကို သာမန်ထက်  လေးဆပိုမြန်အောင် တွက်ချက်ပေးနိုင်ပြီး မိုင်းဟုတ် မဟုတ်ဆိုတာကို ခွဲခြားရာမှာလည်း ၉၉ ရာခိုင်နှုန်းအထိ တိကျပါတယ်။သူ့ကိုသယ်ဆောင်ရတာ လွယ်ကူတာကြောင့် ဆိပ်ကမ်းတွေ ဒါမှမဟုတ် သာမန်လှေငယ်လေးတွေပေါ်ကနေပါ အလွယ်တကူ ထိန်းချုပ်နိုင်တဲ့အပြင် မိုင်းရှာတာကအစ ဖျက်ဆီးတဲ့အထိ အဆင့်တိုင်းကို အလိုအလျောက် လုပ်ဆောင်ပေးသွားမှာ ဖြစ်ပါတယ်။                             Ref: IE                                    ကိုထက်MWD
Sun, 12-Apr-2026
ကာဗွန်ထုတ်လွှတ်မှုကို ကောင်းစွာလျှော့ချနိုင်မယ့် မီးတောင်ကျောက်အသုံးပြု ဘိလပ်မြေ
ကာဗွန်ထုတ်လွှတ်မှုကို ကောင်းစွာလျှော့ချနိုင်မယ့် မီးတောင်ကျောက်အသုံးပြု ဘိလပ်မြေ
စတန်းဖို့တက္ကသိုလ်မှ ဘူမိရူပပညာရှင်တစ်ဦးဖြစ်တဲ့ တီဇီယာနာဗာနိုရီယိုက ဘိလပ်မြေထုတ်လုပ်ရာမှာ အဓိကသုံးစွဲရတဲ့ထုံးကျောက်အစား မီးတောင်ကျောက်တွေကိုအသုံးပြုပြီး ကာဗွန်ထုတ်လွှတ်မှုကို ၆၇ ရာခိုင်နှုန်းအထိ လျှော့ချပေးနိုင်မယ့် ဘိလပ်မြေအမျိုးအစားသစ်ကို တီထွင်လိုက်ပါတယ်။ ဒါဟာ   ကမ္ဘာ့လေထုကိုညစ်ညမ်းစေတဲ့ ဖန်လုံအိမ်ဓာတ်ငွေ့ထုတ်လွှတ်မှုမှာ      ကြီးကြီးမားမားပါဝင်နေတဲ့ ဆောက်လုပ်ရေးလုပ်ငန်းခွင်တွေအတွက် တကယ့်ကိုထူးခြားတဲ့ပြောင်းလဲမှုတစ်ခု ဖြစ်လာနိုင်ပါတယ်။ပုံမှန်ဘိလပ်မြေထုတ်လုပ်တဲ့အခါ ထုံးကျောက်တွေကို အပူချိန်အလွန်မြင့်မားစွာ ပေးရတာကြောင့် ကာဗွန်ဒိုင်အောက်ဆိုက်တွေ အမြောက်အမြားထွက်ရှိလာတတ်ပါတယ်။ အခုစမ်းသပ်ထုတ်လုပ်ထားတဲ့ မီးတောင်ကျောက်သုံး ဘိလပ်မြေကတော့ အပူပေးစရာ မလိုသလောက်နီးပါးဖြစ်တာကြောင့် စွမ်းအင်သုံးစွဲမှုကိုလည်း လျှော့ချပေးနိုင်မှာပါ။ဒါ့အပြင် ဒီဘိလပ်မြေက သာမန်ဘိလပ်မြေတွေထက် ပိုပြီးခိုင်ခံ့မှုရှိသလို ဓာတုပစ္စည်းတွေရဲ့တိုက်စားမှုကိုလည်း    ပိုမိုခံနိုင်ရည်ရှိတယ်လို့ဆိုပါတယ်။  အခုလို သဘာဝပတ်ဝန်းကျင်နဲ့ လိုက်လျောညီထွေဖြစ်မယ့်နည်းပညာက ရာသီဥတုပြောင်းလဲမှုကိုတိုက်ဖျက်ရာမှာ အရေးပါတဲ့အခန်းကဏ္ဍကနေပါဝင်နေတာဖြစ်တယ်လို့ ပညာရှင်များကပြောထားပါတယ်။ Ref: IE ကိုထက်MWD
Sun, 12-Apr-2026
Artemis-II လကမ္ဘာပတ်ခရီးစဉ်မှ အာကာသယာဉ်မှူးများ ကမ္ဘာမြေသို့ ဘေးကင်းစွာ ပြန်လည်ရောက်ရှိ
Artemis-II လကမ္ဘာပတ်ခရီးစဉ်မှ အာကာသယာဉ်မှူးများ ကမ္ဘာမြေသို့ ဘေးကင်းစွာ ပြန်လည်ရောက်ရှိ
Artemis-II အာကာသခရီးစဉ်မှ အာကာသယာဉ်မှူးလေးဦးသည် မိုင်ပေါင်း ၆၉၀,၀၀၀ ကျော်ရှိသည့် လကမ္ဘာပတ်ခရီးစဉ်ကို အောင်မြင်စွာ အဆုံးသတ်ပြီး ဧပြီလ ၁၁ ရက်နေ့တွင် ကမ္ဘာမြေသို့ ဘေးကင်းစွာ ပြန်လည်ရောက်ရှိလာကြသည်။သူတို့လိုက်ပါလာသော Orion အာကာသယာဉ်သည် ကြိုတင်သတ်မှတ်ထားသည့်အတိုင်း ပစိဖိတ်သမုဒ္ဒရာအတွင်းသို့ စနစ်တကျ ဆင်းသက်နိုင်ခဲ့ကြောင်း သိရသည်။ဤခရီးစဉ်သည် ဆယ်စုနှစ်ငါးခုကျော်အတွင်း လူသားများအနေဖြင့် လကမ္ဘာအနီးသို့ ပထမဆုံး ပြန်လည်ရောက်ရှိနိုင်ခဲ့သော အရေးပါသည့် အာကာသခရီးစဉ်တစ်ခုလည်း ဖြစ်သည်။ခရီးစဉ်အတွင်း အမေရိကန်အာကာသအေဂျင်စီ NASA နှင့် ကနေဒါအာကာသအေဂျင်စီမှ အာကာသယာဉ်မှူးများသည် လ၏ မမြင်နိုင်သော တစ်ဖက်ခြမ်းအထိ ပတ်သန်းပျံသန်းခဲ့ပြီး အာကာသယာဉ်၏ စနစ်များကိုလည်း အသေးစိတ် စမ်းသပ်ခဲ့ကြသည်။ခရီးစဉ်အောင်မြင်မှုကြောင့် နောက်ထပ် လကမ္ဘာပေါ်သို့ တိုက်ရိုက်ဆင်းသက်မည့် Artemis-III ခရီးစဉ်အတွက်လည်း အားတက်စရာဖြစ်လာခဲ့သည်။ကမ္ဘာမြေသို့ ပြန်လည်ရောက်ရှိလာသည့် အာကာသယာဉ်မှူးများ၏ ကျန်းမာရေးအခြေအနေမှာလည်း ပုံမှန်ကောင်းမွန်နေကြောင်း သိရသည်။MWD
Sun, 12-Apr-2026
© Copyright 2024 SAC All Rights Reserved.