အမေရိကန်လေတပ်က လေသူရဲတိုက်ရိုက် ထိန်းချုပ်စရာမလိုတဲ့ Anduril ရဲ့ တိုက်ခိုက်ရေးဒရုန်းကို စမ်းသပ်

NoahJune222

News Image

  • အမေရိကန်လေတပ်က လေသူရဲတိုက်ရိုက် ထိန်းချုပ်စရာမလိုတဲ့ Anduril ရဲ့ တိုက်ခိုက်ရေးဒရုန်းကို စမ်းသပ်

      အမေရိကန်တပ်မတော်က လေသူရဲရဲ့ တိုက်ရိုက်ထိန်းချုပ် မောင်းနှင်စရာမလိုဘဲ သူ့အလိုအလျောက်ပျံသန်းနိုင်တဲ့ Anduril ကုမ္ပဏီထုတ် ဂျက်အင်ဂျင်တပ်တိုက်ခိုက်ရေးဒရုန်းအသစ်ကို  အောင်မြင်စွာစမ်းသပ်နိုင်ခဲ့ပါတယ်။ အခုစမ်းသပ်မှုမှာ အမေရိကန် လေတပ်သားတွေဟာ Anduril Industries ရဲ့ YFQ-44A ရှေ့ပြေးပုံစံကို အသုံးပြုခဲ့ကြတာပါ။ အရင်က ဒရုန်းတွေဟာ မြေပြင်မှလေသူရဲက အဆက်မပြတ ထိန်းချုပ်ရတာမျိုးရှိခဲ့ပေမယ့် အခုစနစ်မှာတော့ နောက်ကွယ်ကနေ  ထိန်းချုပ်မောင်းနှင်နေတဲ့ အော်ပရေတာမရှိဘူးလို့ ကုမ္ပဏီရဲ့အင်ဂျင်နီယာပိုင်းဆိုင်ရာ ဒုတိယဥက္ကဋ္ဌ Jason Levin က ပြောပါတယ်။

အော်ပရေတာတွေက လပ်တော့သုံးပြီး မစ်ရှင်အစီအစဉ်ကို ထည့်သွင်းပေးရုံနဲ့ ဒရုန်းဟာ လမ်းကြောင်းအတိုင်း သူ့အလိုအလျောက် ပျံတက်တာ၊ ပျံသန်းတာနဲ့ တာဝန်ထမ်းဆောင်တာတွေကို လုပ်သွားမှာဖြစ်ပါတယ်။ ဒီစမ်းသပ်မှုရဲ့ ထူးခြားမှုက သာမန်လေတပ်သားဟာ ရက်အနည်းငယ်မျှသာ သင်တန်းတက်ရုံနဲ့ ဒီဒရုန်းကိုအစအဆုံး ကိုင်တွယ်သွားနိုင်ခဲ့တာဖြစ်ပါတယ်။

MWD

MM-News-Category
နည်းပညာသတင်း
နည်းပညာ - နိုင်ငံတကာသတင်း

ဆက်စပ်သတင်းများ

အရှေ့အလယ်ပိုင်းရှိ အမေရိကန်တပ်များအတွက် အိပ်မက်ဆိုးတစ်ခုအဖြစ် ထွက်ပေါ်လာနိုင်သည့် အဆင့်မြှင့်တင်ထားသော Shahed ဒရုန်းများ
အရှေ့အလယ်ပိုင်းရှိ အမေရိကန်တပ်များအတွက် အိပ်မက်ဆိုးတစ်ခုအဖြစ် ထွက်ပေါ်လာနိုင်သည့် အဆင့်မြှင့်တင်ထားသော Shahed ဒရုန်းများ
အီရန်နှင့်   အမေရိကန်တို့အကြား ဟော်မုရေလက်ကြားအရေးနှင့် စပ်လျဉ်း၍ တင်းမာနေစဉ် အီရန်နိုင်ငံအတွင်းမှ လွှတ်တင်လိုက်သည့် Shahed ဒရုန်း တစ်စင်း၏ တိုက်ခိုက်မှုကြောင့် အီရတ်နိုင်ငံ ဘဂ္ဂဒက်မြို့ရှိ အမေရိကန်သံရုံး၌ မတ်လ ၁၇ ရက်တွင်   ပေါက်ကွဲမှုများဆက်တိုက်ဖြစ်ပွားခဲ့သည်။ အဆိုပါတိုက်ခိုက်မှုကို    အီရန်တပ်မတော်က လုပ်ဆောင်ခဲ့ခြင်းဖြစ်သည်။ အဆိုပါတိုက်ခိုက်မှုမဖြစ်ပွားမီ သီတင်းပတ်နှစ်ပတ်အလိုတွင်လည်း   ဆော်ဒီအာရေဗျနိုင်ငံရှိ အမေရိကန်သံရုံးနှင့်အာရပ် စော်ဘွားများပြည်ထောင်စု ဒူဘိုင်းမြို့ရှိ အမေရိကန်ကောင်စစ်ဝန်ရုံးတို့သည် Shahed ဒရုန်းများ၏  တိုက်ခိုက်ခြင်းကို ခံခဲ့ရသည်။ အီရန်နိုင်ငံက  အသုံးပြုလျက်ရှိသည့် အဆိုပါဒရုန်းများသည် အရှေ့အလယ်ပိုင်းဒေသအတွင်းရှိ အမေရိကန်လေတပ် အခြေစိုက်စခန်းများကိုလည်း တိုက်ခိုက်နိုင်ခဲ့ပြီး ရပ်နားထားသည့် အမေရိကန်စစ်လေယာဉ်များကိုပင်  တိုက်ခိုက်ဖျက်ဆီး ပစ်ခြင်းအားဖြင့် အဆိုပါဒရုန်းများ၏ အံ့ဩဖွယ်ကောင်းသောပစ်မှတ်တိကျမှုနှင့် အလှမ်းဝေးကွာသောပစ်မှတ်များကိုပါ ပစ်ခတ်နိုင်စွမ်းကို သက်သေပြသနိုင်ခဲ့သည်။ ရုရှားနိုင်ငံသည်   ယူကရိန်းစစ်ပွဲအစပိုင်းတွင် အီရန်နိုင်ငံမှ အဆိုပါ Shahed ဒရုန်းများကို  တင်သွင်းခဲ့သော်လည်း နောက်ပိုင်းတွင် အီရန်မှလိုင်စင်ရယူပြီး ကိုယ်တိုင်ထုတ်လုပ်လျက်ရှိသည့်အပြင် ဒရုန်းပုံစံသစ်များကိုလည်း အဆင့်မြှင့်တင်မှုများ လုပ်ဆောင်လျက်ရှိကြောင်း နိုင်ငံခြားရေးမူဝါဒနှင့် လုံခြုံရေးဆိုင်ရာအဖွဲ့အစည်းကြီးတစ်ခုဖြစ်သည့် Henry Jackson Society မှပညာရှင်တစ်ဦးဖြစ်သူ ဒေးဗစ်ကီရစ်ချန်ကိုက ပြောကြားထားသည်။ စင်စစ်တွင် ရုရှားနိုင်ငံသည် အီရန်နိုင်ငံက ထုတ်လုပ်သည့်  ရှုပ်ထွေးလှသောတိုက်ခိုက် ရေးဒရုန်းအမျိုးအစားပေါင်းစုံကို အတုယူလုပ်ဆောင်ခြင်းမပြုဘဲ  Shahed ဒရုန်း တစ်မျိုးတည်းကိုသာ အကောင်းဆုံးဖြစ်စေရေး မွမ်းမံရန် အာရုံစိုက်လုပ်ဆောင်ခဲ့ခြင်းဖြစ်သည်။ ယခုအခါ ရုရှားနိုင်ငံသည် ဒရုန်းထုတ်လုပ်သည့် စက်ပစ္စည်းများကို အီရန်နိုင်ငံသို့  ပြန်လည်တင်ပို့ပေးလျက်ရှိသည်။ အဆင့်မြှင့်တင်ထားသည့် ဒရုန်းနည်းပညာများကြောင့် အဆိုပါ Shahed ဒရုန်းများသည် ယခုအခါ  အရှေ့အလယ်ပိုင်းဒေသသို့ ပြန်လည်ရောက်ရှိလာပြီး  အမေရိကန်တပ်ဖွဲ့များအား   ခြိမ်းခြောက်လာသည့် အစွမ်းထက်လက်နက်များအဖြစ် ထွက်ပေါ် လာစေလျက်ရှိသည်။ အခြေခံအားဖြင့် Shahed-136 ဒရုန်းတစ်စင်းသည် အလေးချိန် ၄၄၀ ပေါင်ရှိပြီး တောင်ပံ အကျယ် ၇ ပေရှိသည်။ ဒရုန်းတွင် မြင်းကောင်ရေ ၅၀ အားရှိသည့် ပစ္စတင်အင်ဂျင်ကို အသုံးပြုထားသောကြောင့် တစ်နာရီလျှင် ၁၂၀ မိုင်နှုန်းဖြင့် ပျံသန်းနိုင်သည်။ အားနည်းချက်မှာ အဆိုပါ ဒရုန်းများသည် ပထမကမ္ဘာစစ်အတွင်းက အသုံးပြုခဲ့သည့်  လေယာဉ်များကဲ့သို့ ပျံသန်းခြင်းကြောင့် ရန်သူက ၎င်းတို့အားပစ်ချရလွယ်ကူခြင်းဖြစ်သည်။သို့သော် Shahed ဒရုန်းများ၏ အဓိက အားသာချက်မှာ  အရေအတွက်ဖြစ်ပြီး အဆိုပါဒရုန်းများကို အုပ်စုလိုက်လွှတ်တင်လေ့ရှိသောကြောင့် ဒရုန်းအများစုမှာ ရန်သူ၏ပစ်ချခြင်းကိုခံရသော်လည်း အချို့ ဒရုန်းများမှာမူ ရန်သူ၏ကာကွယ်ရေးစနစ်များကို ဖောက်ထွက်ပြီး ပစ်မှတ်ကိုထိမှန်သွားလေ့ရှိသည်။ရုရှားနိုင်ငံသည် ရန်သူ၏လေကြောင်းရန်ကာကွယ်ရေးစနစ်အား   ထိုကဲ့သို့ ဖောက်ထွက်နိုင်ပြီး အရေအတွက်အများအပြားကို အသုံးပြုခြင်းဖြင့် ရန်သူအပေါ် ထိခိုက်မှုပိုမိုပြင်းထန်လာစေရန်အတွက် အဓိကထားလုပ်ဆောင်နေခြင်းဖြစ်သည်။၂၀၂၃ ခုနှစ်တွင် ရုရှားနိုင်ငံသည် ပုံမှန်မီးခိုးရောင်ဒရုန်းအစား အမည်းရောင် Shahed ဒရုန်းများကို စတင်အသုံးပြုလာခဲ့သည်။အဆိုပါဒရုန်းများ၏ ဆေးသားအတွင်း၌ ရေဒါလှိုင်းများကိုစုပ်ယူနိုင်သည့် ကာဗွန်အမှုန်အမွှားများပါဝင်နေပြီး ၎င်းနည်းပညာသည် ရိုးရှင်းသောကိုယ်ပျောက်နည်းပညာ တစ်ခုပင်ဖြစ်ကြောင်း ယူကရိန်းလေတပ်မှ ပြောရေးဆိုခွင့်ရှိသူ   ယူရီအင်နက်က ပြောကြားထားသည်။     ထို့ကြောင့်ပင် အမည်းရောင် Shahed ဒရုန်းများကို ရေဒါမှတစ်ဆင့်ရှာဖွေရာတွင် ပိုမိုခက်ခဲသွားစေခြင်း ဖြစ်သည်။ ထို့ပြင် Shahed ဒရုန်းများ၏ ပုံစံကွဲများသည် ယခုအခါ တစ်နေ့ထက်တစ်နေ့ ပိုမိုများပြားလာလျက်ရှိပြီး  အခိုင်အမာတည်ဆောက်ထားသည့်နေရာများကို ဖောက်ခွဲနိုင်သည့် ဒရုန်း၊ မီးလောင်စေသော စနစ်များတပ်ဆင်ထားသည့်ဒရုန်း၊ သာမိုဘာရစ်ဒရုန်းတို့ပါဝင်လာခဲ့ပြီဖြစ်သည်။သာမိုဘာရစ်ဒရုန်းတွင် ပုံမှန်ယမ်းအစား သာမိုဘာရစ်အရောအနှောကို အသုံးပြု ထားခြင်းကြောင့် ပေါက်ကွဲသည့်အခါ လေထုအတွင်း၌ ပေါက်ကွဲစေတတ်သော တိမ်တိုက်ကိုဖြစ်ပေါ်စေပြီး ပုံမှန်ယမ်းများထက် ပိုမိုပြင်းထန်သော လေဖိအားလှိုင်းကို ထွက်ပေါ်စေသည်။ ထို့ကြောင့် အဆိုပါ ဒရုန်းအမျိုးအစားသည်     ရန်သူ၏ အဆောက်အအုံများကို တိုက်ခိုက်ဖျက်ဆီးရာတွင် အလွန်ထိရောက်မှုရှိသည်။အချုပ်အားဖြင့်ဆိုရပါမူ  ရုရှားနိုင်ငံသည် Shahed ဒရုန်းများ၏ ကိုယ်ပျောက်စနစ်၊ လမ်းကြောင်းရှာစနစ်နှင့်  လှိုင်း နှောင့်ယှက်မှုဒဏ်   ခံနိုင်ရည်ရှိမှုတို့ကို မြှင့်တင်ပေးခြင်းအားဖြင့် အဆိုပါဒရုန်းများအား ပိုမိုအစွမ်းထက်စေရန် လုပ်ဆောင်နိုင်ခဲ့သည်။ အဆိုပါလုပ်ဆောင်ချက်များကြောင့် အနာဂတ်ကာလ၌  ဆက်လက်ထွက်ပေါ်လာမည့် အီရန်လုပ်ဒရုန်းမူကွဲအသစ်များကို ရန်သူက အလွယ်တကူ ကြားဖြတ်တားဆီးရန် ပိုမိုခက်ခဲသွားစေနိုင်သည့်အပြင်   အကယ်၍ အီရန်နှင့် အမေရိကန်တို့အကြား ခိုင်မာသည့် သဘောတူညီချက်ချမှတ်နိုင်ခြင်းမရှိပါက အရှေ့အလယ်ပိုင်းဒေသရှိ အမေရိကန်တပ်များအတွက်  အိပ်မက်ဆိုးတစ်ခုအဖြစ် ထွက်ပေါ်လာမည့်  အလားအလာရှိနေကြောင်း ရေးသားဖော်ပြလိုက်ရပါသည်။Ref: PMMWD
Tue, 21-Apr-2026
အပူချိန် ၁၃၀၀ ဒီဂရီစင်တီဂရိတ်အထိ ခံနိုင်ရည်ရှိသည့် “မီးတံတိုင်း” ဘက်ထရီနည်းပညာအသစ် တီထွင်
အပူချိန် ၁၃၀၀ ဒီဂရီစင်တီဂရိတ်အထိ ခံနိုင်ရည်ရှိသည့် “မီးတံတိုင်း” ဘက်ထရီနည်းပညာအသစ် တီထွင်
လျှပ်စစ်ကား (EV) များတွင် ဘက်ထရီမီးလောင်ပေါက်ကွဲမှုကို ကာကွယ်နိုင်ရန် အပူချိန် ၁၃၀၀ ဒီဂရီစင်တီဂရိတ်အထိ ခံနိုင်ရည်ရှိသော “မီးတံတိုင်း” နည်းပညာအသစ်တစ်ခုကို တရုတ်သုတေသီများက တီထွင်လိုက်ကြောင်း သိရသည်။နန်ကျင်းစက်မှုတက္ကသိုလ်မှ ဖန်တီးထားသည့် ယင်းနည်းပညာသည် ဘက်ထရီအကန့်တစ်ခုတွင် မီးလောင်မှုဖြစ်ပွားပါက အခြားအကန့်များသို့ အပူမကူးစက်စေရန် အထူးကာကွယ်ပေးနိုင်သော စနစ်ဖြစ်သည်။နည်းပညာတွင် Silica Aerogel ဟုခေါ်သော အလွန်ပေါ့ပါးသည့် အလွှာကို အသုံးပြုထားပြီး အထူ ၂.၃ မီလီမီတာသာရှိသော်လည်း တစ်ဖက်တွင် အပူချိန် ၁၀၀၀ ဒီဂရီစင်တီဂရိတ်အထိ ရှိနေသည့်အခြေအနေတွင်ပင် အခြားတစ်ဖက်သို့ အပူမကူးစက်စေဘဲ ၅ မိနစ်ကျော်ကြာ ထိန်းသိမ်းပေးနိုင်ကြောင်း သိရသည်။ထို့အပြင် ဘက်ထရီများ အားသွင်းစဉ်အတွင်း ပွလာခြင်း သို့မဟုတ် ကျုံ့သွားခြင်းတို့ကိုလည်း ၉၀ ရာခိုင်နှုန်းကျော်အထိ ခံနိုင်ရည်ရှိကြောင်း ဖော်ပြထားသည်။လက်ရှိတွင် CATL၊ BYD နှင့် Xiaomi ကဲ့သို့သော ထိပ်တန်းကုမ္ပဏီကြီးများသည် ယင်းနည်းပညာကို စတင်အသုံးပြုနေပြီဖြစ်ကြောင်း သိရပြီး လျှပ်စစ်ကားများတွင် မတော်တဆမှုကြောင့် ဘက်ထရီမီးလောင်သည့်အခြေအနေများတွင် ဘေးလွတ်ရာသို့ ထွက်ခွာနိုင်ရန် အချိန်ပိုရရှိစေနိုင်မည်ဖြစ်သည်။Ref: IEကိုထက်MWD
Mon, 20-Apr-2026
၉ မိနစ်အတွင်း ၉၅ ရာခိုင်နှုန်းအထိ အားသွင်းနိုင်သည့် ဘက်ထရီနည်းပညာအသစ် တရုတ်ကုမ္ပဏီမှ မိတ်ဆက်
၉ မိနစ်အတွင်း ၉၅ ရာခိုင်နှုန်းအထိ အားသွင်းနိုင်သည့် ဘက်ထရီနည်းပညာအသစ် တရုတ်ကုမ္ပဏီမှ မိတ်ဆက်
တရုတ်နိုင်ငံရှိ Sunwoda Power ကုမ္ပဏီသည် လျှပ်စစ်ကား (EV) များအတွက် ဘက်ထရီအား ၉ မိနစ်အတွင်း ၅ ရာခိုင်နှုန်းမှ ၉၅ ရာခိုင်နှုန်းအထိ အားသွင်းနိုင်မည့် အလွန်မြန်ဆန်သော အားသွင်းနည်းပညာအသစ်ကို မိတ်ဆက်လိုက်ကြောင်း သိရသည်။“Xingchi Supercharge Battery 2.0” ဟု ခေါ်သော ယင်းဘက်ထရီသည် ၅ မိနစ်ခွဲခန့်အတွင်း ၇၅ ရာခိုင်နှုန်းအထိ အားသွင်းနိုင်ပြီး လျှပ်စစ်ကားအသုံးပြုသူများအတွက် အားသွင်းချိန်ကို လောင်စာဆီဖြည့်သည့်အချိန်ကဲ့သို့ အလွန်တိုတောင်းစေမည်ဖြစ်သည်။နည်းပညာပိုင်းအရ ယင်းဘက်ထရီသည် လျှပ်စီးကြောင်း ၁၈၀၀ အမ်ပီယာအထိ လက်ခံနိုင်ပြီး ဗို့အား ၈၄၄.၈ ဗို့တွင် လုပ်ဆောင်နိုင်သဖြင့် အားသွင်းနှုန်း အလွန်မြန်ဆန်ကြောင်း သိရသည်။ထို့ပြင် ဘက်ထရီ၏ သက်တမ်းသည် ၁၀ နှစ်အထိ အသုံးပြုနိုင်ပြီး အားသွင်းအကြိမ်ရေ ၁၅၀၀ ကျော်အထိ ခံနိုင်ရည်ရှိကြောင်း ဖော်ပြထားသည်။ အာမခံကာလအတွင်းတွင်လည်း အားသွင်းနှုန်းကို အကန့်အသတ်မရှိ အသုံးပြုနိုင်မည်ဖြစ်သည်။ယင်းနည်းပညာသည် လျှပ်စစ်ကားအသုံးပြုသူများ ကြုံတွေ့နေသည့် အားသွင်းချိန်ကြာမြင့်မှု ပြဿနာကို လက်တွေ့ကျကျ ဖြေရှင်းပေးနိုင်မည့် အရေးပါသော တိုးတက်မှုတစ်ခုအဖြစ် သတ်မှတ်ခံရသည်။Ref: IEကိုထက်MWD
Mon, 20-Apr-2026
အမေရိကန်လေတပ်က လေသူရဲတိုက်ရိုက် ထိန်းချုပ်စရာမလိုတဲ့ Anduril ရဲ့ တိုက်ခိုက်ရေးဒရုန်းကို စမ်းသပ်
အမေရိကန်လေတပ်က လေသူရဲတိုက်ရိုက် ထိန်းချုပ်စရာမလိုတဲ့ Anduril ရဲ့ တိုက်ခိုက်ရေးဒရုန်းကို စမ်းသပ်
      အမေရိကန်တပ်မတော်က လေသူရဲရဲ့ တိုက်ရိုက်ထိန်းချုပ် မောင်းနှင်စရာမလိုဘဲ သူ့အလိုအလျောက်ပျံသန်းနိုင်တဲ့ Anduril ကုမ္ပဏီထုတ် ဂျက်အင်ဂျင်တပ်တိုက်ခိုက်ရေးဒရုန်းအသစ်ကို  အောင်မြင်စွာစမ်းသပ်နိုင်ခဲ့ပါတယ်။ အခုစမ်းသပ်မှုမှာ အမေရိကန် လေတပ်သားတွေဟာ Anduril Industries ရဲ့ YFQ-44A ရှေ့ပြေးပုံစံကို အသုံးပြုခဲ့ကြတာပါ။ အရင်က ဒရုန်းတွေဟာ မြေပြင်မှလေသူရဲက အဆက်မပြတ ထိန်းချုပ်ရတာမျိုးရှိခဲ့ပေမယ့် အခုစနစ်မှာတော့ နောက်ကွယ်ကနေ  ထိန်းချုပ်မောင်းနှင်နေတဲ့ အော်ပရေတာမရှိဘူးလို့ ကုမ္ပဏီရဲ့အင်ဂျင်နီယာပိုင်းဆိုင်ရာ ဒုတိယဥက္ကဋ္ဌ Jason Levin က ပြောပါတယ်။အော်ပရေတာတွေက လပ်တော့သုံးပြီး မစ်ရှင်အစီအစဉ်ကို ထည့်သွင်းပေးရုံနဲ့ ဒရုန်းဟာ လမ်းကြောင်းအတိုင်း သူ့အလိုအလျောက် ပျံတက်တာ၊ ပျံသန်းတာနဲ့ တာဝန်ထမ်းဆောင်တာတွေကို လုပ်သွားမှာဖြစ်ပါတယ်။ ဒီစမ်းသပ်မှုရဲ့ ထူးခြားမှုက သာမန်လေတပ်သားဟာ ရက်အနည်းငယ်မျှသာ သင်တန်းတက်ရုံနဲ့ ဒီဒရုန်းကိုအစအဆုံး ကိုင်တွယ်သွားနိုင်ခဲ့တာဖြစ်ပါတယ်။MWD
Sun, 19-Apr-2026
EV များအတွက် လမ်းမပေါ်မှာ မောင်းနှင်ရင်း အားသွင်းနိုင်မယ့် စွမ်းဆောင်ရည်မြင့် ကြိုးမဲ့အားသွင်းစနစ်
EV များအတွက် လမ်းမပေါ်မှာ မောင်းနှင်ရင်း အားသွင်းနိုင်မယ့် စွမ်းဆောင်ရည်မြင့် ကြိုးမဲ့အားသွင်းစနစ်
    လျှပ်စစ်စွမ်းအင်သုံးကား (EV) တွေကိုအားသွင်းကြိုးတပ်စရာမလိုဘဲ ရပ်ထားတဲ့အချိန်မှာ ၉၅ ရာခိုင်နှုန်းနဲ့ မောင်းနေချိန်မှာ ၉၀ ရာခိုင်နှုန်းအထိ စွမ်းဆောင်ရည်ရှိတဲ့ ကြိုးမဲ့အားသွင်းစနစ်အသစ်တစ်ခု ပေါ်ထွက်လာပါတယ်။ ဂျာမနီနိုင်ငံ Stuttgart တက္ကသိုလ်မှ သုတေသီတွေဟာ ပုံမှန်အားသွင်းကြိုးတွေနဲ့ ရင်ပေါင်တန်းနိုင်တဲ့အထိ စွမ်းဆောင်ရည်မြင့်တဲ့ အခုလိုနည်းပညာကိုဖော်ထုတ်နိုင်ခဲ့တာဖြစ်ပါတယ်။ဒီစနစ်က သံလိုက်စက်ကွင်းပြောင်းလဲမှု နိယာမကို အသုံးပြုထားတာပါ။ ကွိုင်တစ်ခုထဲကို လျှပ်စစ်စီးခိုင်းပြီး သံလိုက်စက်ကွင်း ဖြစ်ပေါ်စေကာ အနားမှာရှိတဲ့ ဒုတိယကွိုင်တစ်ခုဆီကို လျှပ်စစ်ဓာတ်အား ကူးပြောင်းပေးပို့တာဖြစ်ပါတယ်။ အရင်ကဒီလိုကြားထဲလေဟာနယ်ရှိနေရင်  စွမ်းဆောင်ရည်ကျဆင်းတတ်ပေမယ့် အခုတော့အဆင့်မြင့်ထိန်းချုပ်စနစ်တွေသုံးပြီး စွမ်းဆောင်ရည် အမြင့်ဆုံးရအောင် လုပ်ဆောင်နိုင်ခဲ့တာပါ။ဒီနည်းပညာရဲ့ထူးခြားချက်တွေက ကားမောင်းနေရင်းနဲ့အလိုအလျောက် အားသွင်းနိုင်ခြင်း၊ ကားထဲကစွမ်းအင်တွေကို ဓာတ်အားလိုင်းထဲပြန်ပို့နိုင်ခြင်း၊ အားသွင်းကြိုးတွေ ရှုပ်ယှက်ခတ်နေတာမျိုး မရှိတော့တဲ့အပြင် ကြိုးတွေကြောင့်ဖြစ်တဲ့ပြဿနာတွေကိုလည်း လျှော့ချနိုင်ခြင်းတို့ဖြစ်တယ်လို့ ဆိုပါတယ်။MWD
Sun, 19-Apr-2026
အီရန်၏ နျူကလီးယားလက်ကျန်များကို ‘နျူကလီးယား ဖုန်မှုန့်’ ဟု သမ္မတထရမ့် သုံးနှုန်းပြောဆိုမှုအပေါ် ကျွမ်းကျင်သူများ ဝေဖန်
အီရန်၏ နျူကလီးယားလက်ကျန်များကို ‘နျူကလီးယား ဖုန်မှုန့်’ ဟု သမ္မတထရမ့် သုံးနှုန်းပြောဆိုမှုအပေါ် ကျွမ်းကျင်သူများ ဝေဖန်
အမေရိကန်သမ္မတ ဒေါ်နယ်ထရမ့်က အီရန်နိုင်ငံအနေဖြင့် နျူကလီးယားလက်နက် ထုတ်လုပ်မည်မဟုတ်ကြောင်း သဘောတူညီခဲ့ပြီး ၎င်းတို့ထံတွင်ရှိသော "နျူကလီးယား ဖုန်မှုန့်" (Nuclear Dust) များကို လွှဲပြောင်းပေးအပ်မည်ဖြစ်ကြောင်း ယမန်နေ့ (ဧပြီ ၁၆) က ထုတ်ဖော်ပြောကြားခဲ့သည်။ သမ္မတထရမ့်သည် "နျူကလီးယား ဖုန်မှုန့်" ဆိုသည့် စကားရပ်ကို အီရန်၏ သန့်စင်ပြီးယူရေနီယံ လက်ကျန်များကိုရည်ညွှန်းရန် အသုံးပြုခဲ့ခြင်းဖြစ်သော်လည်း အဆိုပါအသုံးအနှုန်းမှာ နျူကလီးယားသိပ္ပံနယ်ပယ်တွင် သုံးစွဲလေ့မရှိသည့်အတွက် ပညာရှင်များအကြား ဝေဖန်မှုများ ထွက်ပေါ်နေသည်။အထူးသဖြင့် သမ္မတထရမ့်နှင့် ၎င်း၏ထိပ်တန်းညှိနှိုင်းရေးမှူးဖြစ်သူ အိမ်ခြံမြေလုပ်ငန်းရှင်ဟောင်း စတိဗ် ဝစ်ကော့ဖ်တို့၏ ပြောဆိုချက်များသည် နျူကလီးယားဆိုင်ရာ နည်းပညာရပ်များကို အမှန်တကယ် နားလည်သဘောပေါက်မှု ရှိ၊ မရှိ သံသယဖြစ်ဖွယ် ရှိနေကြောင်း ကျွမ်းကျင်သူများက ထောက်ပြကြသည်။ နျူကလီးယားစွမ်းအင် သို့မဟုတ် လက်နက်ထုတ်လုပ်ရန်အတွက် ယူရေနီယံကို သန့်စင်ခြင်း (Enrichment) လုပ်ငန်းစဉ်ကို မဖြစ်မနေလုပ်ဆောင်ရခြင်းဖြစ်ပြီး သဘာဝအလျောက်တွေ့ရသော ယူရေနီယံ-၂၃၈ ထက် နျူကလိယပ်စ်ခွဲထုတ်ရန်ပိုမိုလွယ်ကူသည့်ယူရေနီယံ-၂၃၅ ပါဝင်မှုနှုန်း မြင့်မားလာစေရန် လုပ်ဆောင်ရခြင်း ဖြစ်သည်။အမေရိကန်အစိုးရသည် ယခင်က အီရန်နျူကလီးယား သဘောတူညီချက်မှ နုတ်ထွက်ခဲ့ပြီးနောက်ပိုင်း အီရန်သည် ယူရေနီယံသန့်စင်မှုကို လက်နက် အဆင့်မီ (Weapons-grade) အထိ နီးကပ်စွာ လုပ်ဆောင်လာခဲ့သည်။ လက်ရှိတွင် ထရမ့်၏ ညှိနှိုင်းရေးအဖွဲ့က အီရန်နှင့် ပြန်လည် ဆွေးနွေးမှုများ ပြုလုပ်နေသော်လည်း နည်းပညာဆိုင်ရာ အခြေခံအချက်အလက်များအပေါ် ၎င်းတို့၏ နားလည်မှုအားနည်းချက်များက ဆွေးနွေးမှုရလဒ်များအပေါ် မည်သို့သက်ရောက်မှုရှိလာမည်ကို စောင့်ကြည့်ရမည်ဖြစ်သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 17-Apr-2026
© Copyright 2024 SAC All Rights Reserved.