၉ မိနစ်အတွင်း ၉၅ ရာခိုင်နှုန်းအထိ အားသွင်းနိုင်သည့် ဘက်ထရီနည်းပညာအသစ် တရုတ်ကုမ္ပဏီမှ မိတ်ဆက်

NoahJune222

News Image

  • ၉ မိနစ်အတွင်း ၉၅ ရာခိုင်နှုန်းအထိ အားသွင်းနိုင်သည့် ဘက်ထရီနည်းပညာအသစ် တရုတ်ကုမ္ပဏီမှ မိတ်ဆက်

တရုတ်နိုင်ငံရှိ Sunwoda Power ကုမ္ပဏီသည် လျှပ်စစ်ကား (EV) များအတွက် ဘက်ထရီအား ၉ မိနစ်အတွင်း ၅ ရာခိုင်နှုန်းမှ ၉၅ ရာခိုင်နှုန်းအထိ အားသွင်းနိုင်မည့် အလွန်မြန်ဆန်သော အားသွင်းနည်းပညာအသစ်ကို မိတ်ဆက်လိုက်ကြောင်း သိရသည်။

“Xingchi Supercharge Battery 2.0” ဟု ခေါ်သော ယင်းဘက်ထရီသည် ၅ မိနစ်ခွဲခန့်အတွင်း ၇၅ ရာခိုင်နှုန်းအထိ အားသွင်းနိုင်ပြီး လျှပ်စစ်ကားအသုံးပြုသူများအတွက် အားသွင်းချိန်ကို လောင်စာဆီဖြည့်သည့်အချိန်ကဲ့သို့ အလွန်တိုတောင်းစေမည်ဖြစ်သည်။

နည်းပညာပိုင်းအရ ယင်းဘက်ထရီသည် လျှပ်စီးကြောင်း ၁၈၀၀ အမ်ပီယာအထိ လက်ခံနိုင်ပြီး ဗို့အား ၈၄၄.၈ ဗို့တွင် လုပ်ဆောင်နိုင်သဖြင့် အားသွင်းနှုန်း အလွန်မြန်ဆန်ကြောင်း သိရသည်။

ထို့ပြင် ဘက်ထရီ၏ သက်တမ်းသည် ၁၀ နှစ်အထိ အသုံးပြုနိုင်ပြီး အားသွင်းအကြိမ်ရေ ၁၅၀၀ ကျော်အထိ ခံနိုင်ရည်ရှိကြောင်း ဖော်ပြထားသည်။ အာမခံကာလအတွင်းတွင်လည်း အားသွင်းနှုန်းကို အကန့်အသတ်မရှိ အသုံးပြုနိုင်မည်ဖြစ်သည်။

ယင်းနည်းပညာသည် လျှပ်စစ်ကားအသုံးပြုသူများ ကြုံတွေ့နေသည့် အားသွင်းချိန်ကြာမြင့်မှု ပြဿနာကို လက်တွေ့ကျကျ ဖြေရှင်းပေးနိုင်မည့် အရေးပါသော တိုးတက်မှုတစ်ခုအဖြစ် သတ်မှတ်ခံရသည်။

Ref: IE
ကိုထက်

MWD

MM-News-Category
နည်းပညာသတင်း
နည်းပညာ - နိုင်ငံတကာသတင်း

ဆက်စပ်သတင်းများ

အပူချိန် ၁၃၀၀ ဒီဂရီစင်တီဂရိတ်အထိ ခံနိုင်ရည်ရှိသည့် “မီးတံတိုင်း” ဘက်ထရီနည်းပညာအသစ် တီထွင်
အပူချိန် ၁၃၀၀ ဒီဂရီစင်တီဂရိတ်အထိ ခံနိုင်ရည်ရှိသည့် “မီးတံတိုင်း” ဘက်ထရီနည်းပညာအသစ် တီထွင်
လျှပ်စစ်ကား (EV) များတွင် ဘက်ထရီမီးလောင်ပေါက်ကွဲမှုကို ကာကွယ်နိုင်ရန် အပူချိန် ၁၃၀၀ ဒီဂရီစင်တီဂရိတ်အထိ ခံနိုင်ရည်ရှိသော “မီးတံတိုင်း” နည်းပညာအသစ်တစ်ခုကို တရုတ်သုတေသီများက တီထွင်လိုက်ကြောင်း သိရသည်။နန်ကျင်းစက်မှုတက္ကသိုလ်မှ ဖန်တီးထားသည့် ယင်းနည်းပညာသည် ဘက်ထရီအကန့်တစ်ခုတွင် မီးလောင်မှုဖြစ်ပွားပါက အခြားအကန့်များသို့ အပူမကူးစက်စေရန် အထူးကာကွယ်ပေးနိုင်သော စနစ်ဖြစ်သည်။နည်းပညာတွင် Silica Aerogel ဟုခေါ်သော အလွန်ပေါ့ပါးသည့် အလွှာကို အသုံးပြုထားပြီး အထူ ၂.၃ မီလီမီတာသာရှိသော်လည်း တစ်ဖက်တွင် အပူချိန် ၁၀၀၀ ဒီဂရီစင်တီဂရိတ်အထိ ရှိနေသည့်အခြေအနေတွင်ပင် အခြားတစ်ဖက်သို့ အပူမကူးစက်စေဘဲ ၅ မိနစ်ကျော်ကြာ ထိန်းသိမ်းပေးနိုင်ကြောင်း သိရသည်။ထို့အပြင် ဘက်ထရီများ အားသွင်းစဉ်အတွင်း ပွလာခြင်း သို့မဟုတ် ကျုံ့သွားခြင်းတို့ကိုလည်း ၉၀ ရာခိုင်နှုန်းကျော်အထိ ခံနိုင်ရည်ရှိကြောင်း ဖော်ပြထားသည်။လက်ရှိတွင် CATL၊ BYD နှင့် Xiaomi ကဲ့သို့သော ထိပ်တန်းကုမ္ပဏီကြီးများသည် ယင်းနည်းပညာကို စတင်အသုံးပြုနေပြီဖြစ်ကြောင်း သိရပြီး လျှပ်စစ်ကားများတွင် မတော်တဆမှုကြောင့် ဘက်ထရီမီးလောင်သည့်အခြေအနေများတွင် ဘေးလွတ်ရာသို့ ထွက်ခွာနိုင်ရန် အချိန်ပိုရရှိစေနိုင်မည်ဖြစ်သည်။Ref: IEကိုထက်MWD
Mon, 20-Apr-2026
၉ မိနစ်အတွင်း ၉၅ ရာခိုင်နှုန်းအထိ အားသွင်းနိုင်သည့် ဘက်ထရီနည်းပညာအသစ် တရုတ်ကုမ္ပဏီမှ မိတ်ဆက်
၉ မိနစ်အတွင်း ၉၅ ရာခိုင်နှုန်းအထိ အားသွင်းနိုင်သည့် ဘက်ထရီနည်းပညာအသစ် တရုတ်ကုမ္ပဏီမှ မိတ်ဆက်
တရုတ်နိုင်ငံရှိ Sunwoda Power ကုမ္ပဏီသည် လျှပ်စစ်ကား (EV) များအတွက် ဘက်ထရီအား ၉ မိနစ်အတွင်း ၅ ရာခိုင်နှုန်းမှ ၉၅ ရာခိုင်နှုန်းအထိ အားသွင်းနိုင်မည့် အလွန်မြန်ဆန်သော အားသွင်းနည်းပညာအသစ်ကို မိတ်ဆက်လိုက်ကြောင်း သိရသည်။“Xingchi Supercharge Battery 2.0” ဟု ခေါ်သော ယင်းဘက်ထရီသည် ၅ မိနစ်ခွဲခန့်အတွင်း ၇၅ ရာခိုင်နှုန်းအထိ အားသွင်းနိုင်ပြီး လျှပ်စစ်ကားအသုံးပြုသူများအတွက် အားသွင်းချိန်ကို လောင်စာဆီဖြည့်သည့်အချိန်ကဲ့သို့ အလွန်တိုတောင်းစေမည်ဖြစ်သည်။နည်းပညာပိုင်းအရ ယင်းဘက်ထရီသည် လျှပ်စီးကြောင်း ၁၈၀၀ အမ်ပီယာအထိ လက်ခံနိုင်ပြီး ဗို့အား ၈၄၄.၈ ဗို့တွင် လုပ်ဆောင်နိုင်သဖြင့် အားသွင်းနှုန်း အလွန်မြန်ဆန်ကြောင်း သိရသည်။ထို့ပြင် ဘက်ထရီ၏ သက်တမ်းသည် ၁၀ နှစ်အထိ အသုံးပြုနိုင်ပြီး အားသွင်းအကြိမ်ရေ ၁၅၀၀ ကျော်အထိ ခံနိုင်ရည်ရှိကြောင်း ဖော်ပြထားသည်။ အာမခံကာလအတွင်းတွင်လည်း အားသွင်းနှုန်းကို အကန့်အသတ်မရှိ အသုံးပြုနိုင်မည်ဖြစ်သည်။ယင်းနည်းပညာသည် လျှပ်စစ်ကားအသုံးပြုသူများ ကြုံတွေ့နေသည့် အားသွင်းချိန်ကြာမြင့်မှု ပြဿနာကို လက်တွေ့ကျကျ ဖြေရှင်းပေးနိုင်မည့် အရေးပါသော တိုးတက်မှုတစ်ခုအဖြစ် သတ်မှတ်ခံရသည်။Ref: IEကိုထက်MWD
Mon, 20-Apr-2026
အမေရိကန်လေတပ်က လေသူရဲတိုက်ရိုက် ထိန်းချုပ်စရာမလိုတဲ့ Anduril ရဲ့ တိုက်ခိုက်ရေးဒရုန်းကို စမ်းသပ်
အမေရိကန်လေတပ်က လေသူရဲတိုက်ရိုက် ထိန်းချုပ်စရာမလိုတဲ့ Anduril ရဲ့ တိုက်ခိုက်ရေးဒရုန်းကို စမ်းသပ်
      အမေရိကန်တပ်မတော်က လေသူရဲရဲ့ တိုက်ရိုက်ထိန်းချုပ် မောင်းနှင်စရာမလိုဘဲ သူ့အလိုအလျောက်ပျံသန်းနိုင်တဲ့ Anduril ကုမ္ပဏီထုတ် ဂျက်အင်ဂျင်တပ်တိုက်ခိုက်ရေးဒရုန်းအသစ်ကို  အောင်မြင်စွာစမ်းသပ်နိုင်ခဲ့ပါတယ်။ အခုစမ်းသပ်မှုမှာ အမေရိကန် လေတပ်သားတွေဟာ Anduril Industries ရဲ့ YFQ-44A ရှေ့ပြေးပုံစံကို အသုံးပြုခဲ့ကြတာပါ။ အရင်က ဒရုန်းတွေဟာ မြေပြင်မှလေသူရဲက အဆက်မပြတ ထိန်းချုပ်ရတာမျိုးရှိခဲ့ပေမယ့် အခုစနစ်မှာတော့ နောက်ကွယ်ကနေ  ထိန်းချုပ်မောင်းနှင်နေတဲ့ အော်ပရေတာမရှိဘူးလို့ ကုမ္ပဏီရဲ့အင်ဂျင်နီယာပိုင်းဆိုင်ရာ ဒုတိယဥက္ကဋ္ဌ Jason Levin က ပြောပါတယ်။အော်ပရေတာတွေက လပ်တော့သုံးပြီး မစ်ရှင်အစီအစဉ်ကို ထည့်သွင်းပေးရုံနဲ့ ဒရုန်းဟာ လမ်းကြောင်းအတိုင်း သူ့အလိုအလျောက် ပျံတက်တာ၊ ပျံသန်းတာနဲ့ တာဝန်ထမ်းဆောင်တာတွေကို လုပ်သွားမှာဖြစ်ပါတယ်။ ဒီစမ်းသပ်မှုရဲ့ ထူးခြားမှုက သာမန်လေတပ်သားဟာ ရက်အနည်းငယ်မျှသာ သင်တန်းတက်ရုံနဲ့ ဒီဒရုန်းကိုအစအဆုံး ကိုင်တွယ်သွားနိုင်ခဲ့တာဖြစ်ပါတယ်။MWD
Sun, 19-Apr-2026
EV များအတွက် လမ်းမပေါ်မှာ မောင်းနှင်ရင်း အားသွင်းနိုင်မယ့် စွမ်းဆောင်ရည်မြင့် ကြိုးမဲ့အားသွင်းစနစ်
EV များအတွက် လမ်းမပေါ်မှာ မောင်းနှင်ရင်း အားသွင်းနိုင်မယ့် စွမ်းဆောင်ရည်မြင့် ကြိုးမဲ့အားသွင်းစနစ်
    လျှပ်စစ်စွမ်းအင်သုံးကား (EV) တွေကိုအားသွင်းကြိုးတပ်စရာမလိုဘဲ ရပ်ထားတဲ့အချိန်မှာ ၉၅ ရာခိုင်နှုန်းနဲ့ မောင်းနေချိန်မှာ ၉၀ ရာခိုင်နှုန်းအထိ စွမ်းဆောင်ရည်ရှိတဲ့ ကြိုးမဲ့အားသွင်းစနစ်အသစ်တစ်ခု ပေါ်ထွက်လာပါတယ်။ ဂျာမနီနိုင်ငံ Stuttgart တက္ကသိုလ်မှ သုတေသီတွေဟာ ပုံမှန်အားသွင်းကြိုးတွေနဲ့ ရင်ပေါင်တန်းနိုင်တဲ့အထိ စွမ်းဆောင်ရည်မြင့်တဲ့ အခုလိုနည်းပညာကိုဖော်ထုတ်နိုင်ခဲ့တာဖြစ်ပါတယ်။ဒီစနစ်က သံလိုက်စက်ကွင်းပြောင်းလဲမှု နိယာမကို အသုံးပြုထားတာပါ။ ကွိုင်တစ်ခုထဲကို လျှပ်စစ်စီးခိုင်းပြီး သံလိုက်စက်ကွင်း ဖြစ်ပေါ်စေကာ အနားမှာရှိတဲ့ ဒုတိယကွိုင်တစ်ခုဆီကို လျှပ်စစ်ဓာတ်အား ကူးပြောင်းပေးပို့တာဖြစ်ပါတယ်။ အရင်ကဒီလိုကြားထဲလေဟာနယ်ရှိနေရင်  စွမ်းဆောင်ရည်ကျဆင်းတတ်ပေမယ့် အခုတော့အဆင့်မြင့်ထိန်းချုပ်စနစ်တွေသုံးပြီး စွမ်းဆောင်ရည် အမြင့်ဆုံးရအောင် လုပ်ဆောင်နိုင်ခဲ့တာပါ။ဒီနည်းပညာရဲ့ထူးခြားချက်တွေက ကားမောင်းနေရင်းနဲ့အလိုအလျောက် အားသွင်းနိုင်ခြင်း၊ ကားထဲကစွမ်းအင်တွေကို ဓာတ်အားလိုင်းထဲပြန်ပို့နိုင်ခြင်း၊ အားသွင်းကြိုးတွေ ရှုပ်ယှက်ခတ်နေတာမျိုး မရှိတော့တဲ့အပြင် ကြိုးတွေကြောင့်ဖြစ်တဲ့ပြဿနာတွေကိုလည်း လျှော့ချနိုင်ခြင်းတို့ဖြစ်တယ်လို့ ဆိုပါတယ်။MWD
Sun, 19-Apr-2026
အီရန်၏ နျူကလီးယားလက်ကျန်များကို ‘နျူကလီးယား ဖုန်မှုန့်’ ဟု သမ္မတထရမ့် သုံးနှုန်းပြောဆိုမှုအပေါ် ကျွမ်းကျင်သူများ ဝေဖန်
အီရန်၏ နျူကလီးယားလက်ကျန်များကို ‘နျူကလီးယား ဖုန်မှုန့်’ ဟု သမ္မတထရမ့် သုံးနှုန်းပြောဆိုမှုအပေါ် ကျွမ်းကျင်သူများ ဝေဖန်
အမေရိကန်သမ္မတ ဒေါ်နယ်ထရမ့်က အီရန်နိုင်ငံအနေဖြင့် နျူကလီးယားလက်နက် ထုတ်လုပ်မည်မဟုတ်ကြောင်း သဘောတူညီခဲ့ပြီး ၎င်းတို့ထံတွင်ရှိသော "နျူကလီးယား ဖုန်မှုန့်" (Nuclear Dust) များကို လွှဲပြောင်းပေးအပ်မည်ဖြစ်ကြောင်း ယမန်နေ့ (ဧပြီ ၁၆) က ထုတ်ဖော်ပြောကြားခဲ့သည်။ သမ္မတထရမ့်သည် "နျူကလီးယား ဖုန်မှုန့်" ဆိုသည့် စကားရပ်ကို အီရန်၏ သန့်စင်ပြီးယူရေနီယံ လက်ကျန်များကိုရည်ညွှန်းရန် အသုံးပြုခဲ့ခြင်းဖြစ်သော်လည်း အဆိုပါအသုံးအနှုန်းမှာ နျူကလီးယားသိပ္ပံနယ်ပယ်တွင် သုံးစွဲလေ့မရှိသည့်အတွက် ပညာရှင်များအကြား ဝေဖန်မှုများ ထွက်ပေါ်နေသည်။အထူးသဖြင့် သမ္မတထရမ့်နှင့် ၎င်း၏ထိပ်တန်းညှိနှိုင်းရေးမှူးဖြစ်သူ အိမ်ခြံမြေလုပ်ငန်းရှင်ဟောင်း စတိဗ် ဝစ်ကော့ဖ်တို့၏ ပြောဆိုချက်များသည် နျူကလီးယားဆိုင်ရာ နည်းပညာရပ်များကို အမှန်တကယ် နားလည်သဘောပေါက်မှု ရှိ၊ မရှိ သံသယဖြစ်ဖွယ် ရှိနေကြောင်း ကျွမ်းကျင်သူများက ထောက်ပြကြသည်။ နျူကလီးယားစွမ်းအင် သို့မဟုတ် လက်နက်ထုတ်လုပ်ရန်အတွက် ယူရေနီယံကို သန့်စင်ခြင်း (Enrichment) လုပ်ငန်းစဉ်ကို မဖြစ်မနေလုပ်ဆောင်ရခြင်းဖြစ်ပြီး သဘာဝအလျောက်တွေ့ရသော ယူရေနီယံ-၂၃၈ ထက် နျူကလိယပ်စ်ခွဲထုတ်ရန်ပိုမိုလွယ်ကူသည့်ယူရေနီယံ-၂၃၅ ပါဝင်မှုနှုန်း မြင့်မားလာစေရန် လုပ်ဆောင်ရခြင်း ဖြစ်သည်။အမေရိကန်အစိုးရသည် ယခင်က အီရန်နျူကလီးယား သဘောတူညီချက်မှ နုတ်ထွက်ခဲ့ပြီးနောက်ပိုင်း အီရန်သည် ယူရေနီယံသန့်စင်မှုကို လက်နက် အဆင့်မီ (Weapons-grade) အထိ နီးကပ်စွာ လုပ်ဆောင်လာခဲ့သည်။ လက်ရှိတွင် ထရမ့်၏ ညှိနှိုင်းရေးအဖွဲ့က အီရန်နှင့် ပြန်လည် ဆွေးနွေးမှုများ ပြုလုပ်နေသော်လည်း နည်းပညာဆိုင်ရာ အခြေခံအချက်အလက်များအပေါ် ၎င်းတို့၏ နားလည်မှုအားနည်းချက်များက ဆွေးနွေးမှုရလဒ်များအပေါ် မည်သို့သက်ရောက်မှုရှိလာမည်ကို စောင့်ကြည့်ရမည်ဖြစ်သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 17-Apr-2026
AI ဒရုန်းနည်းပညာပြိုင်ပွဲတွင် အမေရိကန် နောက်ကျကျန်နေကြောင်း NYT ဖော်ပြ
AI ဒရုန်းနည်းပညာပြိုင်ပွဲတွင် အမေရိကန် နောက်ကျကျန်နေကြောင်း NYT ဖော်ပြ
အမေရိကန်သည် AI စနစ်သုံး ဒရုန်းနည်းပညာဖွံ့ဖြိုးတိုးတက်မှုတွင် ရုရှားနှင့်တရုတ်နိုင်ငံတို့၏ နောက်ကောက်သို့ ရောက်ရှိနေပြီ ဖြစ်ကြောင်းNew York Times (NYT) က အမေရိကန် ကာကွယ်ရေးနှင့် ထောက်လှမ်းရေး အရာရှိများကို ကိုးကား၍ ဖော်ပြခဲ့သည်။ လူသားတို့၏ ညွှန်ကြားချက်မပါဘဲ ပစ်မှတ်များကို ကိုယ်တိုင်ရှာဖွေ တိုက်ခိုက်နိုင်သည့် အဆိုပါ မျိုးဆက်သစ် ဒရုန်းနည်းပညာနှင့် ပတ်သက်၍ ပေကျင်းတွင်ကျင်းပခဲ့သော စစ်ရေးပြပွဲအတွင်း တရုတ်၏ တိုးတက်မှုများကို မြင်တွေ့ခဲ့ရပြီးနောက် ပင်တဂွန်အရာရှိများက စိုးရိမ်ပူပန်မှုများ ရှိလာခြင်းဖြစ်သည်။ အထူးသဖြင့် ပြီးခဲ့သည့်နှစ်နှောင်းပိုင်းက အောင်မြင်စွာ စမ်းသပ်နိုင်ခဲ့သည့် တရုတ်နိုင်ငံ၏ Jiutian ဒရုန်းသည် AI လမ်းညွှန်စနစ်သုံး ဒရုန်းအငယ်စား အစင်း ၁၀၀ အထိ တင်ဆောင်ကာ ပင်မဒရုန်းအဖြစ်လုပ်ဆောင်နိုင်စွမ်းရှိသဖြင့် အမေရိကန်၏ စီမံကိန်းများထက် သိသိသာသာ ရှေ့ပြေးနေသည်ဟု ယူဆရသည်။အလားတူပင် ရုရှားနိုင်ငံသည်လည်း ၎င်းတို့၏ Lancet ဝေဟင်သုံး ခဲယမ်းများတွင် အလိုအလျောက် ပစ်မှတ်ရှာဖွေနိုင်သည့်စနစ်များကို အောင်မြင်စွာ တပ်ဆင်လာနိုင်ခဲ့သည်။ ရုရှားသည် ယူကရိန်းစစ်မြေပြင်ကို နည်းပညာစမ်းသပ်ကွင်းအဖြစ်အသုံးချကာ ၎င်းတို့၏ ဒရုန်းစွမ်းဆောင်ရည်များကို အဆင့်မြှင့်တင်နေသကဲ့သို့ အဆင့်မြင့်ဒရုန်းများ အမြောက်အမြား ထုတ်လုပ်နိုင်မည့် စက်ရုံအဆောက်အအုံများကိုလည်း အရှိန်အဟုန်ဖြင့် တည်ဆောက်လျက်ရှိသည်။ တရုတ်နိုင်ငံတွင်မူ အရပ်ဘက်-စစ်ဘက် ပေါင်းစည်းရေးမူဝါဒအရ နည်းပညာကုမ္ပဏီများနှင့် စစ်ဘက်အဖွဲ့အစည်းများ ပူးပေါင်းဆောင်ရွက် နေမှုနှင့် ကုန်ထုတ်လုပ်မှုကဏ္ဍတွင် စိုးမိုးထားနိုင်မှုတို့ကြောင့် အလိုအလျောက်မောင်းနှင်သည့် လက်နက်များကို အမေရိကန်ထက် ပိုမို ကြီးမားသော အတိုင်းအတာဖြင့် ထုတ်လုပ်နိုင်စွမ်း ရှိနေသည်။အမေရိကန်အစိုးရသည် ယခုအခါ ပြိုင်ဘက်များကို အမီလိုက်ရန် ဒေါ်လာ ဘီလီယံနှင့်ချီ၍ ရင်းနှီးမြှုပ်နှံနေသော်လည်း အစဉ်အလာ ကန်ထရိုက်တာ ကြီးများနှင့် အချိန်ကာလရှည်ကြာစွာ စောင့်ဆိုင်းရသည့် ပင်တဂွန်၏ ပစ္စည်းဝယ်ယူရေးစနစ်မှာ အကျိုးသက်ရောက်မှု အားနည်းနေကြောင်း ဝေဖန်မှုများ ရှိနေသည်။ CNN ၏ ဖော်ပြချက်အရလည်း အမေရိကန် ကာကွယ်ရေး ကုမ္ပဏီများ သည် ဂျက်တိုက်လေယာဉ်နှင့် တင့်ကားများကဲ့သို့သော ကြီးမားပြီး ဈေးကြီးသည့် လက်နက်စနစ်များကိုသာ နှစ်ပေါင်းများစွာ အာရုံစိုက်ခဲ့ကြသဖြင့် လက်ရှိ စစ်မြေပြင်တွင် အလွန်အရေးပါလာသည့် သေးငယ်ပြီး ကုန်ကျစရိတ်သက်သာသော ဒရုန်းများကို ထုတ်လုပ်ရန် ရုန်းကန်နေရကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 14-Apr-2026
© Copyright 2024 SAC All Rights Reserved.