ဂျာမနီနိုင်ငံရှိ ယူကရိန်းအမျိုးသားများကို ရှေ့တန်းစစ်မျက်နှာပြင်သို့ ပြန်လည်စေလွှတ်ရန် မာ့ဇ် လိုလား

KookieSpace97

News Image

  • ဂျာမနီနိုင်ငံရှိ ယူကရိန်းအမျိုးသားများကို ရှေ့တန်းစစ်မျက်နှာပြင်သို့ ပြန်လည်စေလွှတ်ရန် မာ့ဇ် လိုလား

ဂျာမနီရောက် စစ်မှုထမ်းအရွယ် ယူကရိန်းအမျိုးသားများကို မိခင်နိုင်ငံသို့ ပြန်လည်စေလွှတ်နိုင်ရေးအတွက် ဂျာမနီ ဝန်ကြီးချုပ် ဖရိုင်းဒရစ် မာ့ဇ်နှင့် ယူကရိန်းသမ္မတ ဇီလန်စကီးတို့ ဘာလင်မြို့တွင် တွေ့ဆုံဆွေးနွေးခဲ့ကြပြီး ပူးပေါင်းဆောင်ရွက်သွားရန် သဘောတူညီခဲ့ကြသည်။ 

အဆိုပါ ဆုံးဖြတ်ချက်သည် ယူကရိန်းနိုင်ငံ၏ ကာကွယ်ရေးစွမ်းရည်နှင့် ပြန်လည်တည်ဆောက်ရေးလုပ်ငန်းများအတွက် မရှိမဖြစ်လိုအပ်ကြောင်း မာ့ဇ်က အလေးပေးပြောကြားခဲ့သည်။ လက်ရှိတွင် ယူကရိန်းစစ်မျက်နှာပြင်၌ အကျအဆုံးများပြားလာပြီး မိမိသဘောဆန္ဒအလျောက် စစ်မှုထမ်းလိုသူ ရှားပါးလာခြင်းကြောင့် ယူကရိန်း အာဏာပိုင်များသည် အင်အားသုံး၍ စစ်သားစုဆောင်းသည့် နည်းလမ်းများကို ပိုမိုအသုံးပြုလာနေရသည်။

ယူကရိန်းလွှတ်တော်၏ ထုတ်ပြန်ချက်များအရ စစ်တပ်အတွင်းသို့ အသစ်ဝင်ရောက်လာသူများ၏ ၁၀ ရာခိုင်နှုန်းဝန်းကျင်ခန့်သာ မိမိသဘောဆန္ဒဖြင့် ဝင်ရောက်လာခြင်းဖြစ်ပြီး ကျန်ရှိသူများမှာ အတင်းအဓမ္မ ဖမ်းဆီးစုဆောင်းခံရသူများဖြစ်နေသဖြင့် ပြည်တွင်း၌ လူထု၏မကျေနပ်မှုများ မြင့်တက်လျက်ရှိသည်။ 

၂၀၂၂ ခုနှစ်နောက်ပိုင်း ဂျာမနီနိုင်ငံသည် ယူကရိန်းရွှေ့ပြောင်းနေထိုင်သူ တစ်သန်းကျော်ကို လက်ခံထားရာ ဥရောပတွင် အများဆုံး ဖြစ်လာခဲ့သည်။ ယင်းအခြေအနေအပေါ် ရုရှားနိုင်ငံဘက်ကမူ အနောက်အုပ်စုသည် ယူကရိန်းနိုင်ငံသားများကိုအသုံးချ၍ ၎င်းတို့ကို Proxy စစ်ပွဲဆင်နွှဲ နေသည်ဟု စွပ်စွဲထားသော်လည်း ဂျာမနီနှင့် ယူကရိန်း ခေါင်းဆောင်များကမူ စစ်မှုထမ်းအရွယ် အမျိုးသားများ နေရပ်ပြန်ရေးသည် နိုင်ငံ တည်ငြိမ်ရေးအတွက် လက်တွေ့ကျသော ခြေလှမ်းတစ်ရပ်ဖြစ်ကြောင်း ရှုမြင်နေကြသည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

နိုင်ငံတကာအလယ်မှာ ထည်ထည်ဝါဝါတို့မြန်မာ
နိုင်ငံတကာအလယ်မှာ ထည်ထည်ဝါဝါတို့မြန်မာ
       မြန်မာနိုင်ငံတွင် စစ်မှန်၍စည်းကမ်းပြည့်ဝသော ပါတီစုံဒီမိုကရေစီသည် ပြန်လည်၍ ဦးမော့လာပြီဖြစ်သည်။ ဒီမိုကရေစီစနစ်၏ အခင်းအကျင်းများဖြစ်သည့် ဥပဒေပြုရေး၊ အုပ်ချုပ်ရေးနှင့် တရားစီရင်ရေးဟူသော မဏ္ဍိုင်ကြီး ၃ ရပ်မှာလည်းပီပြင်ထင်ရှားစွာ ထွက်ပေါ်လာပြီဖြစ်သည်။ မိမိတို့ပြည်သူများ မျှော်လင့်ခဲ့ရသော အစိုးရသစ်ကိုရရှိသည့်အခါ မိမိတို့ပြည်သူများ ကိုယ်တိုင်ကူညီအားပေး၍ အစိုးရသစ်နှင့်အတူ လက်တွဲကာ နိုင်ငံတော် တည်ဆောက်ရေးတွင် ပါဝင်သယ်ပိုးကြဖို့ အဆင်သင့်ဖြစ်နေကြပေပြီ။ ပြည်သူများဘက်က အဆင်သင့်ဖြစ်နေခြင်းနှင့်အတူ  အစိုးရအဖွဲ့ကိုကောင်းမွန်စွာ ထောက်ကူပေးမည့် နိုင်ငံ့ဝန်ထမ်းများကလည်း အဆင်သင့်ရှိနေကြပြီဖြစ်သည်။ပြည်သူတို့ရွေးချယ် တင်မြှောက်လိုက်သည့် ပြည်သူ့ခေါင်းဆောင်  နိုင်ငံတော်သမ္မတကြီး၏ ဦးဆောင်မှုဖြင့် ပေါ်ထွက်လာသော  ပြည်ထောင်စုမြန်မာနိုင်ငံတော် အစိုးရသည် မြန်မာနိုင်ငံတော်၏ ငြိမ်းချမ်းသာယာ ဖွံ့ဖြိုးတိုးတက်ရေး၊ ပြည်ထောင်စုသားများ၏ စည်းလုံးညီညွတ်ရေး၊ ပြည်ထောင်စုသားအားလုံး တန်းတူညီတူအေးအတူပူအမျ ှနေနိုင်ရေး၊ စစ်မှန်စည်းကမ်းပြည့်ဝသည့် ပါတီစုံဒီမိုကရေစီစနစ် ခိုင်မာစေရေးနှင့် ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေးကို ကြိုးစားဆောင်ရွက်နေပြီဖြစ်သည်။ဒီမိုကရေစီအုတ်မြစ်ခိုင်ခံ့ သွားအောင်တည်ဆောက်မည့်   အစိုးရသစ်ပေါ်ထွက် လာခဲ့ပြီဖြစ်၍ မြန်မာနိုင်ငံ၏ ပါတီစုံဒီမိုကရေစီစနစ် လမ်းကြောင်းသည် ဖြောင့်ဖြောင့်တန်းတန်း တည့်တည့်မတ်မတ်လျှောက်လှမ်းနိုင်တော့မည်ဖြစ်သည်။ ပြည်သူလူထု၏ တစ်ခဲနက်မဲပေး ရွေးချယ်ထောက်ခံမှုဖြင့် ပေါ်ပေါက်လာသည့် နိုင်ငံတော်အစိုးရသစ်သည် ပြည်သူလူထု၏ကောင်းကျိုး စီးပွားများစွာဖန်တီး တည်ဆောက်အကောင်အထည် ဖော်ဆောင်ပေးမည်ဖြစ်သည်။၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲကြောင့် တိမ်းစောင်းခဲ့သည်များကို ပြန်လည်တည့်မတ်နိုင်ခဲ့ပြီဖြစ်၍ ပြည်သူတစ်ရပ်လုံးကလည်း အားရဝမ်းသာ ပျော်ရွှင်လျက်ရှိနေကြသည်။ဤသို့ပျော်ရွှင်လျက်ရှိသည့် မြင်ကွင်းများကို မြန်မာသက္ကရာဇ် ၁၃၈၇ ခုနှစ်မှ ၁၃၈၈  ခုနှစ်သို့ ကူးပြောင်းသည့် မဟာသင်္ကြန်ကာလ ရေသဘင်ပွဲတော်အခမ်းအနားများက သက်သေပြခဲ့ပြီးဖြစ်သည်ကို ပြည်သူများမြင်တွေ့ခဲ့ကြရပြီးဖြစ်သည်။ လူငယ်လူရွယ် သိန်းပေါင်းများစွာတို့ အေးချမ်းပျော်ရွှင်စွာ ပါဝင်ဆင်နွှဲခဲ့ကြသည်။ ၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲတွင်လည်း လူငယ်များ၏ပါဝင်မဲပေးမှုမှာ အခြားသောအရွယ်ထက် အများဆုံးဖြစ်ခဲ့သည်။ လူငယ်လူရွယ်များ အပါအဝင် ပြည်သူလူထု၏ စည်းလုံးညီညွတ်မှုအင်အားနှင့်  ထောက်ခံကူညီမှုကိုအားပြု၍အနာဂတ်နိုင်ငံတော်ကို အကောင်းဆုံးအနေအထားသို့ရောက်ရှိအောင် ဆောင်ရွက်ကြမည်ဖြစ်သည်။ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်သည် ဧပြီလ ၁၀ ရက်က နိုင်ငံတော်အဆင့် ပုဂ္ဂိုလ်များ၊ ပြည်ထောင်စုအစိုးရအဖွဲ့ဝင်များ၊ တိုင်းဒေသကြီးအစိုးရ၊ ပြည်နယ်အစိုးရများမှ ဝန်ကြီးချုပ်များ၊ ဒုတိယဝန်ကြီးများအား တွေ့ဆုံမှာကြားသည့်မိန့်ခွန်းတွင် “ခုအချိန်မှာ ကျွန်တော်တို့ဟာ ပြည်သူ့ဆန္ဒနဲ့အညီ ပြည်သူတွေလိုလားတဲ့ လမ်းကြောင်းမှန်ပေါ်ကိုပြန်ရောက်နေပါပြီ။ ဒီမိုကရေစီစာမျက်နှာသစ်၊ တစ်နည်းအားဖြင့်ပြောရရင် ဒုတိယစာမျက်နှာကိုရေးဆွဲကြဖို့ အစပြုနေကြပြီဖြစ်ပါတယ်။ ဒါ့ကြောင့် ကျွန်တော်တို့အနေနဲ့ ဥပဒေပြုရေးမဏ္ဍိုင်၊ အုပ်ချုပ်ရေးမဏ္ဍိုင်နဲ့ တရားစီရင်ရေးမဏ္ဍိုင်တို့အကြားမှာ ညှိညှိနှိုင်းနှိုင်း၊တိုင်တိုင်ပင်ပင်နဲ့ နိုင်ငံ့အကျိုးကို ရှေးရှုဆောင်ရွက်သွားကြဖို့မှာကြားလိုပါတယ်။ တွေ့ကြုံလာရမယ့် အခက်အခဲမှန်သမျှကို ဆွေးနွေးညှိနှိုင်းအဖြေရှာပြီး စည်းစည်းလုံးလုံး ဆောင်ရွက်သွားကြရမှာဖြစ်ပါတယ်။ “အစကောင်းမှအနှောင်းသေချာ”ဆိုသလို အတိတ်ကလိုနောက်ကြောင်း ပြန်လှည့်သွားရတာမျိုးမဖြစ်အောင် အားလုံးက ထိန်းထိန်းသိမ်းသိမ်း ဆောင်ရွက်သွားကြဖို့ တိုက်တွန်းမှာကြားလိုပါတယ်”ဟူ၍ ထည့်သွင်းပြောကြားခဲ့သည်။နိုင်ငံတော်အစိုးရသစ်အနေဖြင့်  နိုင်ငံတော်ကို ဘက်စုံထောင့်စုံကဏ္ဍစုံ ကောင်းမွန်ရေး အလေးထားဆောင်ရွက်မည်ဖြစ်ပေရာ အဂတိလိုက်စားမှု ကင်းရှင်းအောင် ဆောင်ရွက်ရေးကိုလည်း အလေးထားဆောင်ရွက်မည်ဖြစ်သည်။ အဂတိလိုက်စားမှုမှာ နိုင်ငံ၏ဖွံ့ဖြိုးတိုးတက်မှုကို များစွာထိခိုက်စေပြီး လူတစ်ဦးချင်းစီ၏ အကျင့်စာရိတ္တနှင့်စိတ်ဓာတ်ကိုလည်းပျက်စီးစေသည်။  ထို့ကြောင့်လည်း နိုင်ငံတော်သမ္မတကြီးက “အဓိကကတော့ ကျွန်တော်တို့အစိုးရအဖွဲ့နဲ့ နိုင်ငံ့ဝန်ထမ်းများ အပါအဝင် စီးပွားရေးလုပ်ငန်းရှင်များ၊ တိုင်းရင်းသားပြည်သူအားလုံး စိတ်ထားမှန်ကန်ကြဖို့နဲ့ စိတ်ကောင်းစေတနာတွေရှိကြဖို့ Mindset တွေကိုပြုပြင် ပြောင်းလဲနိုင်အောင်ကြိုးစားကြပါ” ဟုတိုက်တွန်းထားခြင်းဖြစ်သည်။မြန်မာနိုင်ငံတွင် ခိုင်မာအားကောင်းသော ပြည်သူ့အစိုးရတစ်ရပ် ပေါ်ပေါက်လာခြင်းမှာ ပြည်သူလူထုအတွက် ဝမ်းသာဖွယ်ဖြစ်သည်။ အစိုးရကောင်းတစ်ရပ်၏ ဦးဆောင်မှုနှင့်အတူ မြန်မာနိုင်ငံသည် ကမ္ဘာ့အလယ်တွင် ထည်ထည်ဝါဝါ ဂုဏ်သိက္ခာမြင့်မားစွာ ရပ်တည်နေနိုင်တော့မည်ဖြစ်ပါကြောင်း ရေးသားလိုက်ရပေသည်။    ။MWDအယ်ဒီတာ့အာဘော်(၂ဝ၂၆  ခုနှစ်၊ ဧပြီ ၂၀  ရက်)
Mon, 20-Apr-2026
အပစ်အခတ်ရပ်စဲရေး သဘောတူညီချက်ချိုးဖောက်မှုအပေါ် အမေရိကန်နှင့် အီရန် အပြန်အလှန်စွပ်စွဲ
အပစ်အခတ်ရပ်စဲရေး သဘောတူညီချက်ချိုးဖောက်မှုအပေါ် အမေရိကန်နှင့် အီရန် အပြန်အလှန်စွပ်စွဲ
အမေရိကန်ပြည်ထောင်စုနှင့် အီရန်နိုင်ငံတို့သည် အပစ်အခတ်ရပ်စဲရေး သဘောတူညီချက်ကို ချိုးဖောက်နေသည်ဟု ဧပြီလ ၁၉ ရက်နေ့တွင် အပြန်အလှန်စွပ်စွဲမှုများ ပြုလုပ်ခဲ့ကြောင်း သိရသည်။အမေရိကန်ဘက်မှ အီရန်၏ ဆိပ်ကမ်းများနှင့် ကမ်းရိုးတန်းများကို ပိတ်ဆို့ထားခြင်းသည် အပစ်အခတ်ရပ်စဲရေးကို ချိုးဖောက်သည့် လုပ်ရပ်ဖြစ်ပြီး တရားမဝင်သော ရာဇဝတ်မှုဖြစ်ကြောင်း အီရန်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ အက်စမာအီဘာဂါအီက ပြောကြားခဲ့သည်။တစ်ဖက်တွင်လည်း အမေရိကန်သမ္မတ ဒေါ်နယ်ထရမ့်က အီရန်သည် အပစ်အခတ်ရပ်စဲရေး သဘောတူညီချက်ကို ပြင်းထန်စွာ ချိုးဖောက်နေကြောင်း စွပ်စွဲထားသည်။ထို့အပြင် ၎င်းက သဘောတူညီချက်တစ်ခုကို နည်းလမ်းကောင်းဖြင့်ဖြစ်စေ၊ နည်းလမ်းကြမ်းဖြင့်ဖြစ်စေ ရရှိအောင် ဆောင်ရွက်မည်ဖြစ်ကြောင်း ပြောကြားထားသည်။ဧပြီလ ၂၀ ရက်တွင် အမေရိကန်ကိုယ်စားလှယ်အဖွဲ့သည် အီရန်နှင့် ဆွေးနွေးပွဲအသစ်အတွက် ပါကစ္စတန်နိုင်ငံသို့ သွားရောက်မည်ဖြစ်ကြောင်းလည်း ၎င်း၏ Truth Social လူမှုကွန်ရက်တွင် ရေးသားထားသည်။ထရမ့်က အမေရိကန်အနေဖြင့် မျှတပြီး သင့်လျော်သော သဘောတူညီချက်တစ်ခုကို ကမ်းလှမ်းထားကြောင်း၊ အကယ်၍ အီရန်ဘက်မှ လက်မခံပါက အီရန်နိုင်ငံရှိ လျှပ်စစ်ဓာတ်အားပေးစက်ရုံများနှင့် တံတားများအားလုံးကို ဖျက်ဆီးမည်ဟု သတိပေးထားသည်။လက်ရှိတွင် နှစ်ဖက်တင်းမာမှုများကြောင့် ဟော်မုရေလက်ကြားကို ပိတ်ဆို့ထားဆဲဖြစ်ကြောင်း သိရသည်။Ref: XinhuaMWD
Mon, 20-Apr-2026
ထရမ့်၏ ပြောဆိုချက်များမှာ လိမ်ညာမှုများသာဖြစ်ကြောင်းနှင့် ဟော်မုဇ် ရေလက်ကြားအား ပြန်လည်ပိတ်ဆို့ကြောင်း အီရန် ထုတ်ပြန်
ထရမ့်၏ ပြောဆိုချက်များမှာ လိမ်ညာမှုများသာဖြစ်ကြောင်းနှင့် ဟော်မုဇ် ရေလက်ကြားအား ပြန်လည်ပိတ်ဆို့ကြောင်း အီရန် ထုတ်ပြန်
အီရန်အစိုးရက ကမ္ဘာ့ရေနံစိမ်းကုန်သွယ်မှု၏ ၂၅ ရာခိုင်နှုန်းခန့် ဖြတ်သန်းရာ ဟော်မုဇ်ရေလက်ကြားအား ယာယီပြန်လည် ဖွင့်လှစ်ပေးမည်ဟု ကြေညာခဲ့ခြင်းအပေါ် အမေရိကန်သမ္မတ ဒေါ်နယ်ထရမ့်၏ တုံ့ပြန်ပြောကြားချက်များမှာ လိမ်ညာမှုများသာဖြစ်ကြောင်း အီရန် လွှတ်တော်ဥက္ကဋ္ဌနှင့် ထိပ်တန်းညှိနှိုင်းရေးမှူး မိုဟာမက် ဘာဂါ ဂါလီဘတ်ဖ် က ပြင်းပြင်းထန်ထန် ဝေဖန်လိုက်သည်။ သမ္မတထရမ့်သည် တစ်နာရီအတွင်း အချက်အလက် ၇ ခုကို ထုတ်ဖော်ပြောဆိုခဲ့သော်လည်း ထိုအချက်အားလုံးမှာ မှားယွင်းနေကြောင်း ဂါလီဘတ်ဖ်က တုံ့ပြန်ခဲ့ခြင်းဖြစ်သည်။ပြီးခဲ့သည့် သောကြာနေ့ (ဧပြီ ၁၇) က အီရန်နိုင်ငံခြားရေးဝန်ကြီး အဘတ်စ် အာရက်ချီက အစ္စရေးနှင့် လက်ဘနွန်တို့အကြား ဆယ်ရက်ကြာ အပစ်အခတ်ရပ်စဲရေးကာလအတွင်း ကုန်သွယ်ရေးသင်္ဘောများအတွက် ရေလမ်းကြောင်းအား "အပြည့်အဝ ဖွင့်လှစ်ပေးမည်" ဟု ကြေညာခဲ့ရာ ကမ္ဘာ့ရေနံဈေးနှုန်း ၁၀ ရာခိုင်နှုန်းခန့်အထိ ကျဆင်းသွားခဲ့သည်။ သို့သော်လည်း အမေရိကန်သမ္မတက ၎င်း၏ Truth Social လူမှု ကွန်ရက် တွင် အီရန်အနေဖြင့် ရေလက်ကြားအား နောက်နောင် မည်သည့်အခါမျှ ပြန်လည်မပိတ်ရန် သဘောတူညီခဲ့ပြီးဖြစ်ကြောင်း၊ ယခုဖွင့်လှစ်မှုသည် လက်ဘနွန်အရေးနှင့် မသက်ဆိုင်ကြောင်းနှင့် ငြိမ်းချမ်းရေးသဘော တူညီချက်အများစုကို ညှိနှိုင်းပြီးဖြစ်ကြောင်း ရေးသားခဲ့သည်။အဆိုပါ ပြောဆိုချက်များနှင့်ပတ်သက်၍ အီရန်ဘက်က ငြင်းဆိုလိုက်ပြီး စနေနေ့ (ဧပြီ ၁၈) တွင် ရေလမ်းကြောင်းအား မူလအခြေအနေအတိုင်း ပြန်လည်ပိတ်ဆို့ကာ စစ်တပ်၏ တင်းကျပ်သောထိန်းချုပ်မှုအောက်သို့ ပြန်လည်ပို့ဆောင်ခဲ့သည်။ ယခုကဲ့သို့ ဆုံးဖြတ်ချက်ကို ပြောင်းလဲကာပြန်လည်ပိတ်ဆို့ရခြင်းမှာ အီရန်ဆိပ်ကမ်းများအပေါ် အမေရိကန်က ချမှတ်ထားသည့် ပိတ်ဆို့မှုများကို ရုပ်သိမ်းပေးရန် ငြင်းဆန်ခဲ့ခြင်းကြောင့် ဖြစ်သည်ဟု အီရန်အရာရှိများက ရှင်းလင်းပြောကြားခဲ့သည်။ဂါလီဘတ်ဖ်က အမေရိကန်၏ လုပ်ရပ်များကို ပင်လယ်ဓားပြဆန်သောလုပ်ရပ်ဟု စွပ်စွဲလိုက်ပြီး အမေရိကန်တို့အနေဖြင့် လိမ်ညာမှုများဖြင့် စစ်ပွဲတွင်အနိုင်မရနိုင်သကဲ့သို့ ဆွေးနွေးပွဲများတွင်လည်း ရလဒ်ထွက်ပေါ် လာမည်မဟုတ်ကြောင်း သတိပေးခဲ့သည်။ ထို့အပြင် ဟော်မုဇ် ရေလက်ကြား ထိန်းချုပ်မှုသည် ဆိုရှယ်မီဒီယာပေါ်တွင်မဟုတ်ဘဲ လက်တွေ့ မြေပြင်အခြေအနေပေါ်တွင်သာ မူတည်ကြောင်းနှင့် အီရန်ပြည်သူများ သည် အမေရိကန်၏ မီဒီယာစစ်ပွဲနှင့် လူထုအမြင်ကို လှည့်စားသည့်လှည့်ကွက်များကြောင့် အထိခိုက်ခံမည်မဟုတ်ကြောင်း ၎င်းက အလေး အနက် ပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 19-Apr-2026
ဟော်မုဇ်ရေလက်ကြားအရေးကြောင့် အီရန်ခေါင်းဆောင်ပိုင်းအတွင်း အက်ကြောင်းများ ပိုမိုထင်ရှားလာ
ဟော်မုဇ်ရေလက်ကြားအရေးကြောင့် အီရန်ခေါင်းဆောင်ပိုင်းအတွင်း အက်ကြောင်းများ ပိုမိုထင်ရှားလာ
အီရန်နိုင်ငံ၏ အချက်အခြာကျသော ဟော်မုဇ်ရေလက်ကြားဖွင့်လှစ်မှုနှင့်ပတ်သက်၍ အစိုးရအတွင်း သဘောထားကွဲလွဲမှုများ ပေါ်ပေါက် လာခြင်းသည် အီရန်ခေါင်းဆောင်ပိုင်းကြားရှိ နက်ရှိုင်းသော အကွဲအပြားများကိုဖော်ပြနေကြောင်း ဒေသတွင်းကျွမ်းကျင်သူများက သုံးသပ်ထား သည်။ အဆိုပါဖြစ်ရပ်သည် ရိုးရှင်းသော နိုင်ငံရေးသဘောထားကွဲလွဲမှုထက် အမေရိကန်အပေါ်ထားရှိမည့် ရေရှည်မဟာဗျူဟာနှင့်ပတ်သက်၍ အီရန်အာဏာပိုင်များကြား အားပြိုင်နေသည့် အခြေအနေကို မီးမောင်းထိုးပြနေခြင်းဖြစ်သည်။ပြီးခဲ့သည့် သောကြာနေ့ (ဧပြီ ၁၇) က အီရန်နိုင်ငံခြားရေးဝန်ကြီး Abbas Araghchi က ဟော်မုဇ်ရေလက်ကြားသည် ပုံမှန်အတိုင်း ပြန်လည်ဖွင့်လှစ်ခဲ့ပြီဖြစ်ကြောင်း X လူမှုကွန်ရက်တွင် ရေးသားခဲ့သည်။ သို့သော် နာရီပိုင်း အတွင်းမှာပင် အီရန်အစိုးရပိုင် မီဒီယာများနှင့် သဘောထားတင်းမာသည့် သတင်းဌာနများက အဆိုပါပြောကြားချက်ကို ဝေဖန်ကန့်ကွက်ခဲ့ကြသည်။Tasnim နှင့် Mehr News ကဲ့သို့သော ရှေးရိုးစွဲသတင်းဌာနများက နိုင်ငံခြားရေးဝန်ကြီး၏ လုပ်ရပ်သည် အားနည်းချက်ရှိပြီး အမေရိကန် သမ္မတ ဒေါ်နယ်ထရမ့်၏ အနေအထားကို အသာစီးရစေကြောင်း ပြင်းပြင်းထန်ထန်တိုက်ခိုက်ခဲ့ကြကာ စစ်တပ်၏ အပြည့်အဝ ကြီးကြပ်မှုအောက်တွင်သာ ရှိနေကြောင်း ပြန်လည်တုံ့ပြန်ခဲ့သည်။အစ္စရေးအမျိုးသားလုံခြုံရေးလေ့လာမှုတက္ကသိုလ် (INSS) မှ အီရန် အရေးကျွမ်းကျင်သူ Danny Citrinowicz ၏ အဆိုအရ ထိုဖြစ်ရပ်သည် သမ္မတ Pezeshkian ဦးဆောင်သော လက်တွေ့ကျသည့် နိုင်ငံရေးခေါင်းဆောင်ပိုင်းနှင့် သဘောထားတင်းမာသည့် အစ္စလာမ္မစ်တော်လှန်ရေးအစောင့်တပ်ဖွဲ့ (IRGC) ကြားရှိ ကြီးထွားလာသော မယုံကြည်မှုကို ထင်ဟပ်နေခြင်းဖြစ်သည်။ အီရန် အစိုးရအနေဖြင့် နိုင်ငံအတွင်း စည်းလုံးညီညွတ်မှုကိုပြသရန် ကြိုးပမ်းနေသော်လည်း ယခုဝေဖန်မှုများက ထိုညီညွတ်ရေးသည် အလွန်ပင် ထိလွယ်ရှလွယ်ဖြစ်နေကြောင်း ပြသနေသည်။လက်ရှိအခြေအနေအရ အီရန်၏ အာဏာချိန်ခွင်လျှာသည် သဘောထားတင်းမာသည့် အုပ်စုများဘက်သို့ ပိုမိုယိမ်းနေပြီး နောင်တွင် အမေရိကန် နှင့် ဆွေးနွေးပွဲများ ပြန်လည်စတင်နိုင်သည့် အလားအလာရှိသော်လည်း အီရန်သည် ၎င်း၏ အဓိကမဟာဗျူဟာမြောက် ရပ်တည်ချက်ဖြစ်သော ဟော်မုဇ်ရေလက်ကြား ထိန်းချုပ်မှုအပေါ်  အလျှော့ပေးမည်မဟုတ်ကြောင်း သုံးသပ်ရသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sat, 18-Apr-2026
လက်ဘနွန်အတွင်း အစ္စရေး၏ ထပ်မံတိုက်ခိုက်မှုများကို ခွင့်မပြုတော့ကြောင်း ထရမ့်၏ ပြောကြားချက်ကြောင့် ဝန်ကြီးချုပ် နေတန်ယာဟု အံ့အားသင့်တုန်လှုပ်နေ
လက်ဘနွန်အတွင်း အစ္စရေး၏ ထပ်မံတိုက်ခိုက်မှုများကို ခွင့်မပြုတော့ကြောင်း ထရမ့်၏ ပြောကြားချက်ကြောင့် ဝန်ကြီးချုပ် နေတန်ယာဟု အံ့အားသင့်တုန်လှုပ်နေ
အစ္စရေးဝန်ကြီးချုပ် ဘင်ဂျမင် နေတန်ယာဟုနှင့် ၎င်း၏အကြံပေးများသည် အမေရိကန်သမ္မတ ဒေါ်နယ်ထရမ့်က လက်ဘနွန်နိုင်ငံအတွင်း အစ္စရေး၏ ထပ်မံတိုက်ခိုက်မှုများကို ခွင့်ပြုတော့မည်မဟုတ်ကြောင်း ပြောကြားခဲ့သည့်အပေါ် ရုတ်တရက် အံ့အားသင့်တုန်လှုပ်သွားခဲ့ကြကြောင်း အဆိုပါကိစ္စနှင့်ပတ်သက်၍နီးစပ်သူ သတင်းရင်းမြစ်များကို ကိုးကား၍ Axios သတင်းဌာနက ဖော်ပြခဲ့သည်။ပြီးခဲ့သည့် သောကြာနေ့ (ဧပြီ ၁၇) တွင် ထရမ့်၏ အစိုးရအဖွဲ့မှ ကြားဝင်စေ့စပ်ပေးခဲ့သော အစ္စရေးနှင့် လက်ဘနွန်အစိုးရကြား (၁၀) ရက်ကြာ အပစ်အခတ်ရပ်စဲရေး သဘောတူညီချက် စတင်သက်ရောက်လာချိန်တွင် အမေရိကန်အနေဖြင့် လက်ဘနွန်အတွင်း တိုက်ခိုက်မှုများကို တားမြစ် ပိတ်ပင်လိုက်ပြီဖြစ်ကြောင်း သမ္မတထရမ့်က ပြောကြားခဲ့ခြင်းဖြစ်သည်။ Axios ၏ ဖော်ပြချက်အရ နေတန်ယာဟုသည် ထိုထုတ်ပြန်ချက်ကြောင့် စိုးရိမ်ထိတ်လန့်သွားခဲ့ပြီးနောက် အစ္စရေးတာဝန်ရှိသူများသည် ဝါရှင်တန် ထံမှ ရှင်းလင်းချက်တောင်းခံရန် ကြိုးပမ်းခဲ့ကြသည်။အဆိုပါ သဘောတူညီချက်အရ အစ္စရေးသည် ထိုးစစ်ဆင်မှုများကို ရပ်တန့်မည်ဖြစ်သော်လည်း ဖြစ်ပေါ်လာနိုင်သည့် တိုက်ခိုက်မှုများကို တုံ့ပြန်ရန်အတွက် ကိုယ်ပိုင်ကာကွယ်ခွင့်အရ လိုအပ်သောအစီအမံများအားလုံးကို အချိန်မရွေးလုပ်ဆောင်ပိုင်ခွင့်ရှိမည်ဟု သိရှိရသည်။ဆွေးနွေးပွဲများကို သပိတ်မှောက်ခဲ့သည့် လက်နက်ကိုင်အဖွဲ့ ဟစ်ဇဘိုလာ ကမူ အစ္စရေးအနေဖြင့် လက်ဘနွန်တောင်ပိုင်းရှိ တပ်ဖွဲ့ဝင်လှုပ်ရှားမှု အားလုံးကို ရပ်တန့်ရမည်ဖြစ်ပြီး လွန်ခဲ့သော တစ်လကျော်က တိုက်ပွဲများ မဖြစ်ပွားမီရှိခဲ့သည့် အနေအထားများသို့ ပြန်လည်ဆုတ်ခွာရမည်ဟု ပြောကြားခဲ့သည်။အီရန်ကို ထောက်ခံသည့်အနေဖြင့် ဟစ်ဇဘိုလာတို့က အစ္စရေး နိုင်ငံအတွင်းသို့ ဒုံးကျည်များဖြင့် ပစ်ခတ်ခဲ့ပြီးနောက် မတ်လအစောပိုင်းတွင် အစ္စရေးက ဘေရွတ်မြို့နှင့်အခြားမြို့များကို လေကြောင်းမှ စတင် တိုက်ခိုက်ခဲ့ကာ လက်ဘနွန်တောင်ပိုင်းရှိ ၎င်းတို့၏ ‘လုံခြုံရေးဇုန်’ ကို တိုးချဲ့ ခဲ့သည်။ ထိုအချိန်မှစ၍ အီရန်အစိုးရက လက်ဘနွန်ရှိ အစ္စရေး၏ စစ်ဆင်ရေးများ အဆုံးသတ်ရေးကို အမေရိကန်၊ အစ္စရေးတို့နှင့် ပြုလုပ်မည့် ၎င်းတို့၏ ငြိမ်းချမ်းရေးသဘောတူညီချက်အတွက် ကနဦး အခြေအနေတစ်ရပ်အဖြစ် ထည့်သွင်းသတ်မှတ်ခဲ့သည်။လက်ဘနွန်တာဝန်ရှိသူများ၏ အဆိုအရ မတ်လအစောပိုင်းမှစတင်ကာ လက်ဘနွန် နိုင်ငံအတွင်း လူပေါင်း ၂,၂၀၀ နီးပါး သေဆုံးခဲ့ပြီး ၁.၂ သန်းခန့် အိုးအိမ်စွန့်ခွာ ထွက်ပြေးခဲ့ရကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sat, 18-Apr-2026
ဂါဇာအရေး ရပ်တည်ချက်ကြောင့် တောင်အာဖရိက အတိုက်အခံပါတီ DA ‘လူဖြူအထက်တန်းစားဝါဒ’ ကျင့်သုံးသည်ဟု စွပ်စွဲခံရ
ဂါဇာအရေး ရပ်တည်ချက်ကြောင့် တောင်အာဖရိက အတိုက်အခံပါတီ DA ‘လူဖြူအထက်တန်းစားဝါဒ’ ကျင့်သုံးသည်ဟု စွပ်စွဲခံရ
တောင်အာဖရိက အတိုက်အခံပါတီဖြစ်သော Democratic Alliance (DA) သည် ဂါဇာကမ်းမြောင်ဒေသရှိ အစ္စရေး၏ စစ်ရေးလုပ်ဆောင်မှု များကို ‘လူမျိုးတုံးသတ်ဖြတ်မှု’ အဖြစ် သတ်မှတ်ရန်ပျက်ကွက်မှုကြောင့် ‘လူဖြူအထက်တန်းစားဝါဒ (White Supremacy)’ ကျင့်သုံးနေသည်ဟု ပြင်းပြင်းထန်ထန် စွပ်စွဲခံနေရသည်။ဂျိုဟန်နက်စဘတ်မြို့တွင် ပြုလုပ်သည့် ပါတီအခမ်းအနားတစ်ခု၌ တက်ကြွလှုပ်ရှားသူ ပါစတာ နိုင်ဂျယ်လ် ဘရန်ကန် (Nigel Branken) က DA ပါတီသည် လူမျိုးရေးခွဲခြားမှုကို အားပေးနေပြီး ဂါဇာတွင် ဖြစ်ပွားနေသည့် အခြေအနေများအပေါ် မျက်ကွယ်ပြုနေကြောင်း လူသိရှင်ကြား ဝေဖန်ခဲ့သည်။ ၎င်းက ICJ နှင့် နိုင်ငံတကာလူ့အခွင့်အရေးအဖွဲ့များ၏ တွေ့ရှိချက်များကို ထောက်ပြကာ “ဂါဇာမှာ လူမျိုးတုံးသတ်ဖြတ်မှု ဖြစ်နေတာကိုတောင် အသိအမှတ်မပြုနိုင်ဘဲ ခင်ဗျားတို့ရဲ့ ဦးဆောင်မှုကို ပြည်သူတွေက ဘယ်လိုယုံကြည်ရမလဲ” ဟု ပါတီခေါင်းဆောင် ဟယ်လင်ဇီလာ (Helen Zille) ကို တိုက်ရိုက်မေးခွန်းထုတ်ခဲ့သည်။ ထို့အပြင် DA ပါတီအနေဖြင့် အစ္စရေးအပေါ် စီးပွားရေးပိတ်ဆို့မှုများ သို့မဟုတ် စစ်ရေးဆိုင်ရာ အရေးယူမှုများကို ထောက်ခံခြင်းဖြင့် သြဇာသက်ရောက်အောင် လုပ်ဆောင် နိုင်သော်လည်း ကိုယ်ကျင့်တရားကင်းမဲ့စွာ ငြင်းဆိုနေသည်ဟု ၎င်းက ဆိုသည်။ယင်းစွပ်စွဲချက်များအပေါ် ဟယ်လင်ဇီလာက တည်ငြိမ်စွာတုံ့ပြန်ခဲ့ပြီး ကမ္ဘာ့ပြဿနာများကို စိတ်ဝင်စားသော်လည်း မိမိတို့နိုင်ငံအတွင်းရှိလူမျိုးစုအားလုံး သဟဇာတဖြစ်စွာ နေထိုင်ရေးစီမံကိန်းမှာ ပိုမိုအရေးကြီးကြောင်း ပြောကြားခဲ့သည်။ သူမက ဂါဇာသို့ လူသားချင်းစာနာမှုအကူအညီ များပေးပို့ရန် ICJ ၏ အမိန့်ကို ကြိုဆိုသော်လည်း လူမျိုးတုံးသတ်ဖြတ်မှုအဖြစ် စွဲဆိုထားသည့်အမှုအပေါ် ပါတီ၏ ကန့်ကွက်သည့်ရပ်တည်ချက် ကိုမူ ဆက်လက်ဆုပ်ကိုင်ထားခဲ့သည်။ အဆိုပါ ဖြစ်ရပ်ဗီဒီယိုမှာ လူမှုကွန်ရက်ပေါ်တွင် ကျယ်ကျယ်ပြန့်ပြန့် ပျံ့နှံ့နေပြီး အချို့က ဘရန်ကန်၏ အမှန်တရားကို ရဲဝံ့စွာပြောဆိုမှုကို ချီးကျူး နေကြသကဲ့သို့ အချို့ကလည်း အဆိုပါရပ်တည်ချက်ကြောင့် လာမည့်ရွေးကောက်ပွဲတွင် DA ပါတီအနေဖြင့် မဲဆန္ဒရှင်များ၏ ထောက်ခံမှု လျော့နည်းသွားနိုင်ကြောင်း ဝေဖန်သုံးသပ်နေကြသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sat, 18-Apr-2026
© Copyright 2024 SAC All Rights Reserved.