ချယ်လ်ဆီးတောင်ပံကစားသမား အက်စ်တီဗာအို ဒဏ်ရာကြောင့် သုံးပတ်အနားယူရမည်

NoahJune222

News Image

  • ချယ်လ်ဆီးတောင်ပံကစားသမား အက်စ်တီဗာအို ဒဏ်ရာကြောင့် သုံးပတ်အနားယူရမည်

ချယ်လ်ဆီးအသင်း တောင်ပံကစားသမား အက်စ်တီဗာအိုသည် မန်ယူအသင်းနှင့် ကစားခဲ့သည့်ပွဲစဉ်တွင် ရရှိခဲ့သော တံကောက်ကြောဒဏ်ရာကြောင့် ရက်သတ္တသုံးပတ်ခန့် အနားယူရမည်ဖြစ်ကြောင်း သိရသည်။

အသက် ၁၈ နှစ်အရွယ် အက်စ်တီဗာအိုသည် ပြီးခဲ့သည့် နွေရာသီအပြောင်းအရွှေ့ကာလတွင် ပါးမီးယက်အသင်းမှ ချယ်လ်ဆီးအသင်းသို့ ပြောင်းရွှေ့လာသူဖြစ်ပြီး ယခုရာသီတွင် အသင်း၏ အဓိကကစားသမားတစ်ဦးအဖြစ် ပါဝင်ကစားနေသူဖြစ်သည်။

မန်ယူအသင်းနှင့်ပွဲစဉ်တွင် အက်စ်တီဗာအိုသည် ပွဲချိန် ၁၆ မိနစ်၌ တံကောက်ကြောဒဏ်ရာရရှိခဲ့ပြီး ဆက်လက်ကစားနိုင်ခြင်းမရှိသဖြင့် လူစားလဲထွက်ခွာခဲ့ရသည်။

ဆေးစစ်မှုများအရ ကြံ့ခိုင်မှုပြန်လည်ပြည့်ဝရန် ရက်သတ္တသုံးပတ်ခန့် အနားယူရမည်ဖြစ်ပြီး ချယ်လ်ဆီးအသင်း၏ ပွဲစဉ်အချို့ကို လွဲချော်မည်ဖြစ်သည်။

အက်စ်တီဗာအိုသည် ယခင်ဖေဖော်ဝါရီလအတွင်းကလည်း တံကောက်ကြောဒဏ်ရာကြောင့် တစ်လခန့်အနားယူခဲ့ရပြီး ယခုအကြိမ်သည် ဒုတိယအကြိမ် ဒဏ်ရာရရှိခြင်းဖြစ်သည်။

သို့သော် ၎င်းသည် ဘရာဇီးလ်အသင်းနှင့်အတူ ၂၀၂၆ ကမ္ဘာ့ဖလားပြိုင်ပွဲတွင် ပါဝင်ကစားနိုင်မည်ဟု မျှော်လင့်ထားကြောင်း သိရသည်။

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

အာရှ သဲသောင်ပြင်အားကစားပြိုင်ပွဲတွင် မြန်မာတက်ဂ်ဘောအသင်း ဝင်ရောက်ယှဉ်ပြိုင်မည်
အာရှ သဲသောင်ပြင်အားကစားပြိုင်ပွဲတွင် မြန်မာတက်ဂ်ဘောအသင်း ဝင်ရောက်ယှဉ်ပြိုင်မည်
ရန်ကုန် ဧပြီ ၂၁ တရုတ်နိုင်ငံ ဆန်ညာမြို့တွင် ဧပြီ ၂၄ ရက်မှ ၂၇ ရက်အထိ ကျင်းပမည့် (၆) ကြိမ်မြောက် အာရှသဲသောင်ပြင် အားကစား ပြိုင်ပွဲ (6th Asian Beach Games) ဝင်ရောက်ယှဉ်ပြိုင်ရန် မြန်မာ့ လက်ရွေးစင်တက်ဂ်ဘောအသင်းသည် ဧပြီ ၂၁ ရက် နံနက်ပိုင်းက ထွက်ခွာသွားသည်။ မြန်မာနိုင်ငံတက်ဂ်ဘောအဖွဲ့ချုပ် ဒုတိယဥက္ကဋ္ဌများဖြစ်ကြသည့် ဦးစိုးမိုးကျော်နှင့် ဦးချစ်ကိုကိုတို့ ဦးဆောင်သော မြန်မာ့လက်ရွေးစင် တက်ဂ်ဘောအသင်းတွင် အုပ်ချုပ်/ နည်းပြအဖွဲ့ လေးဦးနှင့် ကစားသမားခြောက်ဦး လိုက်ပါသွားပြီး မြန်မာနိုင်ငံတက်ဂ်ဘောအဖွဲ့ချုပ် အတွင်းရေးမှူး ဦးဖြိုးဇာနည်နှင့် တာဝန်ရှိသူများက ရန်ကုန် အပြည်ပြည်ဆိုင်ရာ လေဆိပ်တွင် လိုက်ပါပို့ဆောင်ကြသည်။ အဆိုပါ အာရှအားကစားပြိုင်ပွဲတွင် မြန်မာတက်ဂ်ဘော လက်ရွေးစင်အသင်း အနေဖြင့် ပြိုင်ပွဲသတ်မှတ်ချက်အရ Event သုံးမျိုးဖြစ်သည့် အမျိုးသား နှစ်ယောက်တွဲ၊ အမျိုးသမီး နှစ်ယောက်တွဲနှင့် အမျိုးသား + အမျိုးသမီး နှစ်ယောက်တွဲပြိုင်ပွဲ များတွင် ဝင်ရောက်ယှဉ်ပြိုင်မည် ဖြစ်ပြီး ပြိုင်ပွဲမတိုင်မီ တစ်ရက် အလိုတွင် အုပ်စုပွဲစဉ်များမဲနှိုက် ရွေးချယ်မည်ဖြစ်သည်။ ပြိုင်ပွဲဝင်မည့် မြန်မာတက်ဂ်ဘောအသင်း တွင် အမျိုးသား နှစ်ယောက်တွဲ ပြိုင်ပွဲ၌ စောဖရိုက်ဒေးနှင့် စည်သူထွန်း၊ အမျိုးသမီးနှစ်ယောက်တွဲ ပြိုင်ပွဲ၌ နိုင်နိုင်ဝင်းနှင့် ဆုမွန်အောင်၊ အမျိုးသား+အမျိုးသမီး နှစ်ယောက် တွဲပြိုင်ပွဲ၌ ကိုကိုလွင်နှင့် ခင်ဆုဝေ တို့ ယှဉ်ပြိုင်မည်ဖြစ်သည်။ မြန်မာတက်ဂ်ဘော လက်ရွေး စင်အသင်းတွင် ပြီးခဲ့သည့် ၂၀၁၅ ဆီးဂိမ်းပြိုင်ပွဲတွင် ငွေတံဆိပ်နှစ်ခု၊ ကြေးတံဆိပ်နှစ်ခု ရရှိခဲ့သော ကစားသမားများကို အခြေခံပြီး ကစားသမားသစ်နှစ်ဦးဖြင့် ပေါင်းစပ်ရွေးချယ်ဖွဲ့စည်းထားကြောင်း သိရသည်။ သတင်း - ကိုညီလေး  ဓာတ်ပုံ - MTFMDN
Wed, 22-Apr-2026
ချယ်လ်ဆီးတောင်ပံကစားသမား အက်စ်တီဗာအို ဒဏ်ရာကြောင့် သုံးပတ်အနားယူရမည်
ချယ်လ်ဆီးတောင်ပံကစားသမား အက်စ်တီဗာအို ဒဏ်ရာကြောင့် သုံးပတ်အနားယူရမည်
ချယ်လ်ဆီးအသင်း တောင်ပံကစားသမား အက်စ်တီဗာအိုသည် မန်ယူအသင်းနှင့် ကစားခဲ့သည့်ပွဲစဉ်တွင် ရရှိခဲ့သော တံကောက်ကြောဒဏ်ရာကြောင့် ရက်သတ္တသုံးပတ်ခန့် အနားယူရမည်ဖြစ်ကြောင်း သိရသည်။အသက် ၁၈ နှစ်အရွယ် အက်စ်တီဗာအိုသည် ပြီးခဲ့သည့် နွေရာသီအပြောင်းအရွှေ့ကာလတွင် ပါးမီးယက်အသင်းမှ ချယ်လ်ဆီးအသင်းသို့ ပြောင်းရွှေ့လာသူဖြစ်ပြီး ယခုရာသီတွင် အသင်း၏ အဓိကကစားသမားတစ်ဦးအဖြစ် ပါဝင်ကစားနေသူဖြစ်သည်။မန်ယူအသင်းနှင့်ပွဲစဉ်တွင် အက်စ်တီဗာအိုသည် ပွဲချိန် ၁၆ မိနစ်၌ တံကောက်ကြောဒဏ်ရာရရှိခဲ့ပြီး ဆက်လက်ကစားနိုင်ခြင်းမရှိသဖြင့် လူစားလဲထွက်ခွာခဲ့ရသည်။ဆေးစစ်မှုများအရ ကြံ့ခိုင်မှုပြန်လည်ပြည့်ဝရန် ရက်သတ္တသုံးပတ်ခန့် အနားယူရမည်ဖြစ်ပြီး ချယ်လ်ဆီးအသင်း၏ ပွဲစဉ်အချို့ကို လွဲချော်မည်ဖြစ်သည်။အက်စ်တီဗာအိုသည် ယခင်ဖေဖော်ဝါရီလအတွင်းကလည်း တံကောက်ကြောဒဏ်ရာကြောင့် တစ်လခန့်အနားယူခဲ့ရပြီး ယခုအကြိမ်သည် ဒုတိယအကြိမ် ဒဏ်ရာရရှိခြင်းဖြစ်သည်။သို့သော် ၎င်းသည် ဘရာဇီးလ်အသင်းနှင့်အတူ ၂၀၂၆ ကမ္ဘာ့ဖလားပြိုင်ပွဲတွင် ပါဝင်ကစားနိုင်မည်ဟု မျှော်လင့်ထားကြောင်း သိရသည်။MWD
Tue, 21-Apr-2026
ဂျာမန်ဘွန်ဒက်စ်လီဂါတွင် ဘိုင်ယန်မြူးနစ်အသင်း ချန်ပီယံဆုဆွတ်ခူး
ဂျာမန်ဘွန်ဒက်စ်လီဂါတွင် ဘိုင်ယန်မြူးနစ်အသင်း ချန်ပီယံဆုဆွတ်ခူး
ဂျာမန်ဘွန်ဒက်စ်လီဂါပြိုင်ပွဲ ပွဲစဉ် (၃၀) အဖြစ် ဘိုင်ယန်မြူးနစ်အသင်းနှင့် စတုဂတ်အသင်းတို့ ကစားခဲ့သည့်ပွဲတွင် ဘိုင်ယန်မြူးနစ်အသင်းက ၄ ဂိုး-၂ ဂိုးဖြင့် အနိုင်ရရှိခဲ့ပြီး ပြိုင်ပွဲပြီးဆုံးရန် လေးပွဲအလိုတွင်ပင် ချန်ပီယံဆုကို ဆွတ်ခူးနိုင်ခဲ့သည်။အဆိုပါပွဲစဉ်တွင် ဘိုင်ယန်မြူးနစ်အသင်းအတွက် သွင်းဂိုးများကို ပွဲချိန် ၃၁ မိနစ်တွင် ဂူရီယာရို၊ ၃၃ မိနစ်တွင် ဂျက်ဆင်၊ ၃၇ မိနစ်တွင် ဒေးဗီးနှင့် ၅၂ မိနစ်တွင် ဟယ်ရီကိန်းတို့က သွင်းယူပေးခဲ့သည်။ဘိုင်ယန်မြူးနစ်အသင်းသည် ပွဲစဉ် (၃၀) အပြီးတွင် ၂၅ ပွဲနိုင်၊ ၄ ပွဲသရေ၊ ၁ ပွဲရှုံးနိမ့်ထားပြီး ရမှတ် ၇၉ မှတ်ဖြင့် အမှတ်ပေးဇယားအဆင့် (၂) နေရာမှ ဒေါ့မွန်အသင်းကို ၁၅ မှတ်အထိ ဖြတ်တောက်ထားနိုင်ခဲ့သည်။ ဒေါ့မွန်အသင်းအနေဖြင့် လက်ကျန်ပွဲအားလုံး အနိုင်ရရှိလျှင်ပင် ဘိုင်ယန်မြူးနစ်အသင်းကို မီနိုင်ခြင်းမရှိတော့သဖြင့် ချန်ပီယံဆု အတည်ပြုနိုင်ခဲ့ခြင်းဖြစ်သည်။ပြီးခဲ့သည့်ရာသီတွင် ချန်ပီယံဆု လက်လွှတ်ခဲ့ရသော်လည်း ယခုရာသီတွင် ဘိုင်ယန်မြူးနစ်အသင်းသည် ပြန်လည်ရယူနိုင်ခဲ့ပြီး သမိုင်းတစ်လျှောက် ၃၅ ကြိမ်မြောက် ဘွန်ဒက်စ်လီဂါချန်ပီယံဆုကို ဆွတ်ခူးနိုင်ခဲ့သည်။ထို့ပြင် ဘိုင်ယန်မြူးနစ်အသင်းသည် ယခုရာသီတွင် ပွဲစဉ် (၃၀) အပြီး၌ သွင်းဂိုး ၁၀၉ ဂိုးအထိ ရရှိထားပြီး ဥရောပထိပ်တန်းလိဂ်များအတွင်း သွင်းဂိုး ၁၀၀ ကျော်သည့် တစ်သင်းတည်းသောအသင်းအဖြစ်လည်း ရပ်တည်နေသည်။ဘွန်ဒက်စ်လီဂါပြိုင်ပွဲတွင် နောက်ဆုံး ၁၅ ရာသီအတွင်း ဘိုင်ယန်မြူးနစ်အသင်းသည် ၁၃ ရာသီချန်ပီယံဆုကို ဆွတ်ခူးနိုင်ခဲ့ပြီး ဒေါ့မွန်အသင်းနှင့် လေဗာကူဆင်အသင်းတို့သာ အနည်းငယ်သောရာသီများတွင် ချန်ပီယံဖြစ်ခဲ့သည်။ယခုရာသီတွင် သွင်းဂိုးအများဆုံးကစားသမားအဖြစ် ဘိုင်ယန်မြူးနစ်တိုက်စစ်မှူး ဟယ်ရီကိန်းက ၃၂ ဂိုးဖြင့် ထိပ်ဆုံးတွင် ရပ်တည်နေသည်။MWD
Tue, 21-Apr-2026
အာရှဖလား ယူ-၁၇ ပြိုင်ပွဲမတိုင်မီ မြန်မာယူ-၁၇ အမျိုးသမီးအသင်း တရုတ်၊ ဖိလစ်ပိုင်အသင်းတို့နှင့် ခြေစမ်းပွဲများ ကစားရန်စီစဉ်
အာရှဖလား ယူ-၁၇ ပြိုင်ပွဲမတိုင်မီ မြန်မာယူ-၁၇ အမျိုးသမီးအသင်း တရုတ်၊ ဖိလစ်ပိုင်အသင်းတို့နှင့် ခြေစမ်းပွဲများ ကစားရန်စီစဉ်
ရန်ကုန်၊ ဧပြီ ၂၀ — တရုတ်နိုင်ငံတွင် အိမ်ရှင်အဖြစ် လက်ခံကျင်းပမည့် ၂၀၂၆ အာရှယူ-၁၇ အမျိုးသမီးဘောလုံးပြိုင်ပွဲ (2026 AFC U-17 Women’s Asian Cup) တွင် ပါဝင်ယှဉ်ပြိုင်မည့် မြန်မာယူ-၁၇ အမျိုးသမီးအသင်းသည် ပြိုင်ပွဲမတိုင်မီ တရုတ်ယူ-၁၇ အမျိုးသမီးအသင်းနှင့် ဖိလစ်ပိုင်ယူ-၁၇ အမျိုးသမီးအသင်းတို့နှင့် ခြေစမ်းပွဲများ ကစားရန် စီစဉ်ထားကြောင်း သိရသည်။မြန်မာယူ-၁၇ အမျိုးသမီးအသင်းသည် ပြိုင်ပွဲမတိုင်မီ နောက်ဆုံးအဆင့် ပြင်ဆင်မှုများ ပြုလုပ်ရန် ဧပြီလ ၁၈ ရက်တွင် တရုတ်နိုင်ငံသို့ ထွက်ခွာသွားပြီး လက်ရှိတွင် Suzhou မြို့၌ ပုံမှန်လေ့ကျင့်ခန်းများ ဆောင်ရွက်လျက်ရှိသည်။မြန်မာနိုင်ငံဘောလုံးအဖွဲ့ချုပ်အနေဖြင့် အသင်းအဆင်ပြေစေရန်နှင့် ပြိုင်ပွဲကျင်းပရာ တရုတ်နိုင်ငံ၏ ရာသီဥတုနှင့် ကွင်းအနေအထားများနှင့် အသားကျစေရန်အတွက် ပြိုင်ပွဲမစတင်မီ ၁၀ ရက်ကျော် ကြိုတင်သွားရောက် လေ့ကျင့်နိုင်ရန် စီစဉ်ပေးခဲ့ခြင်းဖြစ်သည်။ဂျပန်လူမျိုး နည်းပြချုပ် Ms. Kumiko Tashiro ဦးဆောင်သည့် မြန်မာယူ-၁၇ အမျိုးသမီးအသင်းတွင် အပြီးသတ်ရွေးချယ်ထားသည့် ကစားသမား ၂၃ ဦး လိုက်ပါသွားကြောင်း သိရသည်။မြန်မာယူ-၁၇ အမျိုးသမီးအသင်းသည် အုပ်စု (က) တွင် အိမ်ရှင်တရုတ်၊ ထိုင်းနှင့် ဗီယက်နမ်အသင်းများနှင့် တစ်အုပ်စုတည်း ကျရောက်နေပြီး မေလ ၁ ရက် ည ၆ နာရီတွင် Suzhou Sports Centre ၌ အိမ်ရှင်တရုတ်အသင်းနှင့်၊ မေလ ၄ ရက် မွန်းလွဲ ၂ နာရီတွင် Suzhou Taihu Centre ၌ ထိုင်းအသင်းနှင့်၊ မေလ ၇ ရက် ည ၆ နာရီတွင် Suzhou Taihu Centre ၌ ဗီယက်နမ်အသင်းနှင့် ယှဉ်ပြိုင်ရမည်ဖြစ်သည်။ထို့အတူ အုပ်စု (ခ) တွင် ဂျပန်၊ သြစတြေးလျ၊ အိန္ဒိယနှင့် လက်ဘနွန်အသင်းများ ပါဝင်ပြီး အုပ်စု (ဂ) တွင် မြောက်ကိုရီးယား၊ တောင်ကိုရီးယား၊ ဖိလစ်ပိုင်နှင့် တရုတ် (တိုင်ပေ) အသင်းများ ပါဝင်ကြသည်။အဆိုပါပြိုင်ပွဲတွင် အုပ်စုသုံးစုခွဲ၍ ယှဉ်ပြိုင်ကြမည်ဖြစ်ပြီး အုပ်စုတစ်ခုချင်းစီမှ ထိပ်ဆုံးနှစ်သင်းအပြင် အကောင်းဆုံးအုပ်စုတတိယရရှိသည့် နှစ်သင်းလည်း ကွာတားဖိုင်နယ်အဆင့်သို့ တက်ရောက်ခွင့်ရရှိမည်ဖြစ်ကြောင်း သိရသည်။ဝန်းရံခMWD
Tue, 21-Apr-2026
ဂျပန်နိုင်ငံ၌ ယခုနှစ်အတွင်းဝက်သက်ရောဂါဖြစ်ပွားမှုအရေအတွက် ယခင်နှစ်ကထက်မြင့်တက်မှုရှိ
ဂျပန်နိုင်ငံ၌ ယခုနှစ်အတွင်းဝက်သက်ရောဂါဖြစ်ပွားမှုအရေအတွက် ယခင်နှစ်ကထက်မြင့်တက်မှုရှိ
ဧပြီ ၂၁ဂျပန်နိုင်ငံတစ်ဝန်းတွင် ၂၀၂၀ ခုနှစ်မှစတင်ကာ ဝက်သက်ရောဂါဖြစ်ပွားမှုများ တိုးပွားလာလျက်ရှိရာ ယခုနှစ်တွင် ယင်းရောဂါဖြစ်ပွားမှုအရေအတွက်သည် ပြီးခဲ့သည့်နှစ်က ဖြစ်ပွားမှုထက် ကျော်လွန်သွားခဲ့သည်ဟု သိရသည်။ဂျပန်ကျန်းမာရေးလုံခြုံရေးအင်စတီကျုက ဧပြီလ ၁၂ ရက်နေ့အထိ ရက်သတ္တပတ်အတွင်း ဝက်သက်ရောဂါဖြစ်ပွားသူ  ၅၆  ဦးရှိကြောင်း ကနဦးဖော်ပြထားသည်။  ယခုနှစ်အတွင်း ဝက်သက်ရောဂါဖြစ်ပွားသူပေါင်း ၂၉၉ ဦးရှိပြီး ပြီးခဲ့သည့်နှစ်က  ရောဂါဖြစ်ပွားသူဦးရေ ၂၆၅ ဦးထက် ပိုမိုမြင့်တက်ခဲ့သည်။လူနာဦးရေ ၃၀ သို့မဟုတ် လူနာစုစုပေါင်း၏ ၁၀ ရာခိုင်နှုန်းခန့်သည် အင်ဒိုနီးရှားနှင့် နယူးဇီလန်နိုင်ငံကဲ့သို့သော နိုင်ငံများတွင်  ကူးစက်ခံရသည်ဟု ယူဆရသည်။ဝက်သက်ရောဂါသည် လေမှတစ်ဆင့် အလွန်ကူးစက်တတ်သောရောဂါတစ်ခုဖြစ်ပြီး ရေစက်များနှင့် ရုပ်ပိုင်းဆိုင်ရာထိတွေ့မှုများမှတစ်ဆင့်လည်း ကူးစက်နိုင်သည်။ ရောဂါဖြစ်ပွားမှုပြင်းထန်ပါက အသက်ဆုံးရှုံးနိုင်သည်။ထိုရောဂါလက္ခဏာများတွင် အဖုအပိမ့်များ၊ ဖျားနာခြင်းနှင့် ချောင်းဆိုးခြင်းတို့ပါဝင်သည်ဟု သိရသည်။ကိုးကား-အင်န်အိတ်ချ်ကေဘာသာပြန်-မြင့်မြင့်ချိုMDN
Tue, 21-Apr-2026
တရုတ်နိုင်ငံ၌ အမျိုးသားစာဖတ်ရှိန်မြှင့်တင်ရေးသီတင်းပတ် ကျင်းပ
တရုတ်နိုင်ငံ၌ အမျိုးသားစာဖတ်ရှိန်မြှင့်တင်ရေးသီတင်းပတ် ကျင်းပ
နန်ချန်   ဧပြီ   ၂၀တရုတ်နိုင်ငံ၏ (၅)ကြိမ်မြောက် အမျိုးသားစာဖတ်ရှိန်မြှင့်တင်ရေး ညီလာခံနှင့် အမျိုးသားစာဖတ်ရှိန် မြှင့်တင်ရေးသီတင်းပတ်ကို ဧပြီ ၂၀ ရက်က တရုတ်နိုင်ငံအရှေ့ပိုင်း  ကျန်းဇုပြည်နယ် နန်ချန်မြို့တွင် ကျင်းပခဲ့ကြောင်း သိရသည်။အဆိုပါအခမ်းအနားသို့ တရုတ်နိုင်ငံ ကွန်မြူနစ်ပါတီ ပေါ်လစ်ဗျူရိုအဖွဲ့ဝင်နှင့် တရုတ်ကွန်မြူနစ်ပါတီ ဗဟိုကော်မတီ ပြည်သူ့ဆက်ဆံရေးဌာနအကြီးအကဲ လီရှူလိုင် တက်ရောက်၍   အမှာစကား ပြောကြားခဲ့သည်။ နိုင်ငံတစ်ဝန်းတွင် စာဖတ်ရှိန်မြှင့်တင်ရေး ကြိုးပမ်းဆောင်ရွက်မှုများ အရှိန် မြှင့်တင်ရန်နှင့်  နိုင်ငံသားများ၏ လူမှုအသိုင်းအဝိုင်းတွင် စာဖတ်ရှိန်မြှင့်တင်သည့် ယဉ်ကျေးမှုထူထောင်ရန် အခမ်းအနားတက်ရောက်လာသူများက ပန်ကြားခဲ့သည်။ပြောကြားစာပေဖတ်ရှုခြင်းသည် ယဉ်ကျေးမှုဖွံ့ဖြိုးတိုးတက်ခြင်း၏ အခြေခံအကြောင်းတရားဖြစ်သဖြင့်  နိုင်ငံတစ်ဝန်း စာဖတ်ရှိန်မြှင့်တင်ခြင်းဖြင့် ယဉ်ကျေးမှုမြင့်မားသည့်နိုင်ငံ ဖြစ်လာစေရေးဆောင်ရွက်မည် ဖြစ်ကြောင်း အခမ်းအနားတက်ရောက်လာသူများက ပြောကြားသည်။ ပြည်သူ့စာဖတ်ခန်း ဖွံ့ဖြိုး ရေးနှင့်   စီမံခန့်ခွဲမှုမြှင့်တင်ရေးအတွက်လည်း ၎င်းတို့က  တောင်းဆိုခဲ့သည်။  ယခုနှစ်၏ အမျိုးသားစာဖတ်ရှိန်မြှင့်တင်ရေး  သီတင်းပတ်ကို ဧပြီ ၂၀ ရက်မှ ၂၆ ရက်အထိကျင်းပမည်ဖြစ်ပြီး ၎င်းသီတင်းပတ်အတွင်း စာဖတ်ရှိန်မြှင့်တင်သည့် လှုပ်ရှားမှုများကို ဆောင်ရွက်သွားမည်ဖြစ်ကြောင်း သိရသည်။ကိုးကား - ဆင်ဟွာဘာသာပြန် - စိုးသူရMDN
Tue, 21-Apr-2026
© Copyright 2024 SAC All Rights Reserved.