တပ်မတော်သား တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်ကိုယ်စားလှယ် တစ်ဦး အစားထိုးပြောင်းလဲခြင်း
News Image
MM-News-Category
ဆက်စပ်သတင်းများ
အမေရိကန်သမ္မတ ဒေါ်နယ်ထရမ့်က ၎င်း၏ Truth Social လူမှုကွန်ရက်စာမျက်နှာတွင် အင်္ဂါနေ့ (ဧပြီ ၂၈) က ဝေဖန်ရေးသားခဲ့ပြီးနောက် ဂျာမနီ ဝန်ကြီးချုပ် ဖရိုင်းဒရစ် မာ့ဇ် (Friedrich Merz) က ၎င်းနှင့်ထရမ့်ကြား ဆက်ဆံရေးမှာ ကောင်းမွန်မြဲကောင်းမွန်နေဆဲဖြစ်သည်ဟု ဧပြီ ၂၉ ရက်နေ့တွင် အခိုင်အမာ ပြောကြားခဲ့သည်။“ကျွန်တော့်အမြင်အရတော့ အမေရိကန်သမ္မတနဲ့ ကျွန်တော့်ရဲ့ ပုဂ္ဂိုလ်ရေးဆိုင်ရာဆက်ဆံရေးဟာ ကောင်းမွန်နေဆဲပါပဲ” ဟု မာ့ဇ်က ဘာလင်မြို့ရှိ သတင်းထောက်များကို ပြောကြားခဲ့သည်။ “အဲဒီမှာစတင်ခဲ့တဲ့ အီရန် စစ်ပွဲနဲ့ပတ်သက်လို့တော့ အစကတည်းက ကျွန်တော့်မှာ သံသယတွေရှိနေခဲ့တာပါ” ဟု ၎င်းက ဆိုသည်။ဟော်မုဇ် ရေလက်ကြားပိတ်ဆို့မှု၏ နောက်ဆက်တွဲဆိုးကျိုးများကို ဂျာမနီနှင့် ဥရောပတို့ ခံစားနေရကြောင်း ၎င်းက ဆက်လက်ပြောကြားခဲ့သည်။“ဒါဟာ ကျွန်တော်တို့ရဲ့ စွမ်းအင်ထောက်ပံ့မှုအပေါ် တိုက်ရိုက်သက်ရောက်မှုရှိသလို ကျွန်တော်တို့ရဲ့ စီးပွားရေးစွမ်းဆောင်ရည်အပေါ်မှာလည်း အကြီး အကျယ် သက်ရောက်မှုရှိနေပါတယ်” ဟု ၎င်းက ဆိုသည်။အင်္ဂါနေ့ (ဧပြီ ၂၈) က ထရမ့်၏ Truth Social ပို့စ်တွင် စစ်ပွဲအပေါ် မာ့ဇ်၏ ရပ်တည်ချက်ကို ပြင်းပြင်းထန်ထန် တိုက်ခိုက်ခဲ့ပြီး “ဂျာမနီဝန်ကြီးချုပ် ဖရိုင်းဒရစ် မာ့ဇ်က အီရန်မှာ နျူကလီးယားလက်နက်ရှိတာဟာ အဆင်ပြေတယ်လို့ ထင်နေတာပဲ၊ သူ ဘာအကြောင်းပြောနေမှန်းတောင် သူကိုယ်တိုင်မသိဘူး!” ဟု ရေးသားခဲ့သည်။ ၎င်းက ဆက်လက်၍ “ဂျာမနီ နိုင်ငံဟာစီးပွားရေးအရရော တခြားကိစ္စရပ်တွေမှာပါ ဘာကြောင့် ဒီလောက်အခြေအနေဆိုးနေရသလဲဆိုတာ မဆန်းတော့ပါဘူး!” ဟု ဆိုခဲ့သည်။ပဋိပက္ခတွင် ပါဝင်ပတ်သက်ရန် ငြင်းဆန်မှုကြောင့် ဥရောပ ခေါင်းဆောင်များကို ထရမ့်က ယခင်ကလည်း ပြစ်တင်ရှုတ်ချခဲ့ဖူးသည်။ မာ့ဇ်သည် အီရန်အနေဖြင့် နျူကလီးယားလက်နက် မပိုင်ဆိုင်ရဟု ယခင်က ကိုင်စွဲထားသော်လည်း လက်ရှိပဋိပက္ခနှင့်ပတ်သက်၍ ဝေဖန်မှုများကို ပြောင်ပြောင်တင်းတင်း ထုတ်ဖော်ပြောဆိုနေသူဖြစ်သည်။တနင်္လာနေ့ (ဧပြီ ၂၇) ကလည်း မာ့ဇ်က အမေရိကန်သည် အီရန်၏ အရှက်ခွဲခြင်းကိုခံနေရသည်ဟု ပြောကြားခဲ့ပြီး အမေရိကန်၏ မဟာဗျူဟာကင်းမဲ့မှုကို ဝေဖန်ခဲ့သည်။ ထို့ပြင် ထွက်ပေါက်မရှိဘဲ စစ်ပွဲများအတွင်းသို့ဝင်ရောက်ခြင်းအတွက် အီရတ်နှင့် အာဖဂန်နစ္စတန် တို့ကို နမူနာများအဖြစ် ထောက်ပြခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး (OHCHR) ၏ ထုတ်ပြန်ချက်အရ အမေရိကန်နှင့် အစ္စရေးတို့နှင့် စစ်ပွဲစတင်ပြီးနောက်ပိုင်း အီရန်နိုင်ငံတွင် အနည်းဆုံး လူ ၂၁ ဦး ကွပ်မျက်ခံခဲ့ရပြီး ၄,၀၀၀ ခန့် ဖမ်းဆီးခံခဲ့ရကြောင်း သိရှိရသည်။အီရန်အစိုးရ၏ အတိုက်အခံများအပေါ် နှိမ်နင်းမှုများအတွင်း အထူးသဖြင့် ‘နိုင်ငံတော်လုံခြုံရေးဆိုင်ရာ စွဲချက်များ’ ဖြင့် ယခုကဲ့သို့ ကွပ်မျက်မှုများကို လုပ်ဆောင်ခဲ့ခြင်းဖြစ်ကြောင်း ကုလသမဂ္ဂလူ့အခွင့်အရေးဆိုင်ရာ အကြီးအကဲ Volker Türk က ဧပြီ ၂၉ ရက်နေ့တွင် ပြောကြားခဲ့သည်။၂၀၂၆ ခုနှစ် ဇန်နဝါရီလ ဆန္ဒပြပွဲများနှင့်ဆက်နွှယ်၍ အနည်းဆုံး လူ ၉ ဦး၊ အတိုက်အခံအုပ်စုများတွင်ပါဝင်သည်ဟု စွပ်စွဲချက်ဖြင့် ၁၀ ဦးနှင့် သူလျှို လုပ်မှု စွပ်စွဲချက်ဖြင့် ၂ ဦးတို့ကို ကွပ်မျက်ခဲ့ကြောင်း အဆိုပါ အေဂျင်စီက ဆိုသည်။ဖေဖော်ဝါရီ ၂၈ ရက်နေ့မှစ၍ အီရန် နိုင်ငံတွင် နိုင်ငံတော်လုံခြုံရေးဆိုင်ရာစွဲချက်များဖြင့် ဖမ်းဆီးခံရသူ ဦးရေ ၄,၀၀၀ ကျော်ရှိမည်ဟု ခန့်မှန်းရကြောင်း ဆက်လက်ဖော်ပြထားသည်။ဖမ်းဆီးခံရသူအများအပြားမှာ ပျောက်ဆုံးခြင်း၊ ညှင်းပန်းနှိပ်စက်ခံရခြင်း သို့မဟုတ် ရက်စက်ကြမ်းကြုတ်၍ လူမဆန်သော၊ ဂုဏ်သိက္ခာညှိုးနွမ်းစေသောဆက်ဆံမှုများ ခံနေရကြောင်း အဆိုပါ ထုတ်ပြန်ချက်တွင် ပါရှိသည်။"ပဋိပက္ခရဲ့ ပြင်းထန်တဲ့ ရိုက်ခတ်မှုတွေအပြင် အီရန်ပြည်သူတွေရဲ့ အခွင့်အရေးတွေကို အာဏာပိုင်တွေက ရက်စက်ကြမ်းကြုတ်တဲ့ နည်းလမ်းတွေနဲ့ ဆက်လက်ပိတ်ပင်တားဆီးနေတာကို ကျွန်တော် တုန်လှုပ် ချောက်ချားမိပါတယ်" ဟု Türk က ပြောကြားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
တိုကျို ဧပြီ ၂၈ ဂျပန်ဝန်ကြီးချုပ် တာကာအိချီ ဆာနာအဲသည် လာမည့် မေ ၁ ရက်မှ ၅ ရက်အထိ ဗီယက်နမ်နှင့် ဩစတြေးလျနိုင်ငံတို့သို့ သွားရောက်မည်ဖြစ်ကြောင်း သိရသည်။ ဧပြီ ၂၈ ရက်က ပြုလုပ်သော သတင်းစာရှင်းလင်းပွဲတွင် အစိုးရအဖွဲ့ အတွင်းဝန်ချုပ် ကီဟာရမီနိုရုက ယင်းခရီးစဉ်နှင့်ပတ်သက်၍ ထုတ်ဖော်ပြောကြားခဲ့သည်။ ဝန်ကြီးချုပ် တာကာအိချီ ဆာနာအဲသည် ဗီယက်နမ်တွင် သမ္မတနှင့် ကွန်မြူနစ်ပါတီ အထွေထွေအတွင်းရေးမှူး တိုလမ်၊ ဝန်ကြီးချုပ် လီမင်ဟွန်းတို့ အပါအဝင် အခြားအဆင့်မြင့်အရာရှိများနှင့် တွေ့ဆုံမည်ဖြစ်သည်။ ယင်းတွေ့ဆုံမှုများတွင် စွမ်းအင်နှင့် အရေးကြီးသတ္တုတွင်းထွက်ကဏ္ဍများအပါအဝင် နယ်ပယ်အသီးသီး၌ နှစ်နိုင်ငံအကြား မိတ်ဖက်ပူးပေါင်း ဆောင်ရွက်မှုကို ပိုမိုတိုးမြှင့်ဆောင်ရွက်နိုင်မည်ဟု မျှော်လင့်ရသည်။ ထို့အပြင် ဝန်ကြီးချုပ်သည် ဩစတြေးလျနိုင်ငံတွင် ဝန်ကြီးချုပ် အန်တိုနီ အယ်ဘာနိစ်နှင့် တွေ့ဆုံကာ စီးပွားရေး၊ လုံခြုံရေးနှင့် အပြန်အလှန်ပူးပေါင်းမှု အစီအစဉ်များအပါအဝင် နယ်ပယ်ပေါင်းစုံတွင် ပူးပေါင်းဆောင်ရွက်မှုတိုးမြှင့်ရေးကို ဆွေးနွေးသွားမည်ဖြစ်သည်။ အင်န်အိတ်ချ်ကေMDN
Wed, 29-Apr-2026
ဟော်မုရေလက်ကြား ပြန်လည်ဖွင့်လှစ်ရန်နှင့် စစ်ပွဲအဆုံးသတ်ရန် အီရန်ဘက်မှ ပေးပို့လာသည့် နောက်ဆုံးအဆိုပြုချက်ကို အမေရိကန်သမ္မတ ဒေါ်နယ်ထရမ့်က ကျေနပ်မှုမရှိကြောင်း အိမ်ဖြူတော် အကြံပေးများအား ပြောကြားခဲ့သည်ဟု သိရသည်။ ဧပြီလ ၂၇ ရက်တွင် အိမ်ဖြူတော်၌ ပြုလုပ်သည့် ဆွေးနွေးမှုအတွင်း ထရမ့်က ၎င်း၏သဘောထားကို ထုတ်ဖော်ပြသခဲ့ခြင်းဖြစ်သည်။အဆိုပါ အီရန်၏အဆိုပြုချက်တွင် အမေရိကန်၏ ရေကြောင်းပိတ်ဆို့မှုကို ရုပ်သိမ်းပေးရန် တောင်းဆိုထားသော်လည်း အီရန်၏ နျူကလီးယားအစီအစဉ်နှင့် ပတ်သက်သည့် အရေးကြီးမေးခွန်းများကိုမူ ရှင်းလင်းစွာ မဖော်ပြထားကြောင်း အမေရိကန်တာဝန်ရှိသူများက ဆိုသည်။ အီရန်သည် ၎င်းတို့၏ နျူကလီးယားအစီအစဉ်ကို ရပ်ဆိုင်းရန်နှင့် သန့်စင်ပြီး ယူရေနီယံများကို လွှဲပြောင်းပေးရန် အမေရိကန်၏ တောင်းဆိုချက်များကို အကြိမ်ကြိမ် ငြင်းဆိုထားသည်။ထရမ့်က အဆိုပါအဆိုပြုချက်ကို မည်သည့်အကြောင်းကြောင့် ငြင်းပယ်သည်ဆိုသည့် အသေးစိတ်အချက်အလက်များကို တိတိကျကျ မထုတ်ပြန်သေးသော်လည်း အီရန်အနေဖြင့် နျူကလီးယားလက်နက် ပိုင်ဆိုင်ခွင့်မရှိစေရဟူသော အမေရိကန်၏ မူဝါဒရှိနေကြောင်း သိရသည်။ ထိုအဆိုပြုချက်ကို လက်ခံလိုက်ပါက ထရမ့်အတွက် နိုင်ငံရေးအရ အောင်မြင်မှုမဟုတ်နိုင်ကြောင်းလည်း အမေရိကန်အရာရှိတစ်ဦးက သုံးသပ်ထားသည်။MWD
Wed, 29-Apr-2026
အနောက်အုပ်စု၏ ဦးဆောင်မှုကဏ္ဍ ပြိုလဲနေပြီး နိုင်ငံတကာအခင်းအကျင်းအသစ် ပေါ်ထွက်လာနေဟု ပူတင်ပြောကမ္ဘာ့ဇာတ်ခုံပေါ်တွင် အနောက်နိုင်ငံများ၏ ဦးဆောင်နိုင်စွမ်းမှာ တဖြည်းဖြည်း လျော့ပါးလာနေပြီး အခင်းအကျင်းအသစ်တစ်ခု ပေါ်ထွက်လာနေကြောင်း ရုရှားသမ္မတ ဗလာဒီမာ ပူတင်က ပြောကြားသည်။ ဖွံ့ဖြိုးဆဲနိုင်ငံများ ပါဝင်သည့် Global South အုပ်စုသည် အနောက်အုပ်စု၏ ဦးဆောင်မှုကို အစားထိုးနေရာယူနေပြီဖြစ်ကြောင်း ၎င်းကဆိုသည်။“နိုင်ငံရေး၊ စီးပွားရေး၊ ယဉ်ကျေးမှုနှင့် လူမှုရေးကဏ္ဍများတွင် နိုင်ငံတော်အချုပ်အခြာအာဏာ၏ အရေးပါမှုကို နားလည်တန်ဖိုးထားသော နိုင်ငံများသည် ယခုအခါ ပိုမိုအရေးပါသော အခန်းကဏ္ဍတွင် ပါဝင်လာနေသည်။ ၎င်းတို့သည် ကိုယ်ပိုင်တန်ဖိုး၊ အရင်းအမြစ်နှင့် ဦးစားပေးချက်များအပေါ် မူတည်၍ ကိုယ်ပိုင်လမ်းကြောင်းကို သတ်မှတ်လာနိုင်ပြီဖြစ်သည်” ဟု ပူတင်က Open Dialogue Forum သို့ ပေးပို့သည့် ဗီဒီယိုမိန့်ခွန်းတွင် ပြောကြားခဲ့သည်။အနောက်နိုင်ငံများ၏ လုပ်ဆောင်ချက်များကြောင့် ယခင်က ကျင့်သုံးခဲ့သည့် နိုင်ငံတကာဆက်ဆံရေးစံနှုန်းများနှင့် လုပ်ထုံးလုပ်နည်းများသည် ထိရောက်မှု လျော့နည်းလာပြီး ၎င်းတို့၏ ဦးဆောင်မှုကဏ္ဍကို အင်အားစုအသစ်များနှင့် Global South နိုင်ငံများထံ လွှဲပြောင်းပေးနေရပြီဖြစ်ကြောင်း ပူတင်က ထောက်ပြသည်။ထို့အပြင် ပြီးခဲ့သည့်နှစ်များအတွင်း ဖြစ်ပေါ်ခဲ့သော စီးပွားရေး၊ ဘဏ္ဍာရေး၊ နည်းပညာနှင့် လူဦးရေဆိုင်ရာ ပြောင်းလဲမှုများသည် ပြန်လည်ပြင်ဆင်၍မရသော အခြေအနေတစ်ရပ်သို့ ရောက်ရှိနေပြီဖြစ်ကြောင်းလည်း ပူတင်က ပြောကြားထားသည်။Ref: SputnikMWD
Wed, 29-Apr-2026