အီရန်၏ ဟော်မုရေလက်ကြား ပြန်ဖွင့်ရေး အဆိုပြုချက်ကို ထရမ့် ကျေနပ်မှုမရှိဟုဆို

NoahJune222

News Image

  • အီရန်၏ ဟော်မုရေလက်ကြား ပြန်ဖွင့်ရေး အဆိုပြုချက်ကို ထရမ့် ကျေနပ်မှုမရှိဟုဆို

ဟော်မုရေလက်ကြား ပြန်လည်ဖွင့်လှစ်ရန်နှင့် စစ်ပွဲအဆုံးသတ်ရန် အီရန်ဘက်မှ ပေးပို့လာသည့် နောက်ဆုံးအဆိုပြုချက်ကို အမေရိကန်သမ္မတ ဒေါ်နယ်ထရမ့်က ကျေနပ်မှုမရှိကြောင်း အိမ်ဖြူတော် အကြံပေးများအား ပြောကြားခဲ့သည်ဟု သိရသည်။ ဧပြီလ ၂၇ ရက်တွင် အိမ်ဖြူတော်၌ ပြုလုပ်သည့် ဆွေးနွေးမှုအတွင်း ထရမ့်က ၎င်း၏သဘောထားကို ထုတ်ဖော်ပြသခဲ့ခြင်းဖြစ်သည်။

အဆိုပါ အီရန်၏အဆိုပြုချက်တွင် အမေရိကန်၏ ရေကြောင်းပိတ်ဆို့မှုကို ရုပ်သိမ်းပေးရန် တောင်းဆိုထားသော်လည်း အီရန်၏ နျူကလီးယားအစီအစဉ်နှင့် ပတ်သက်သည့် အရေးကြီးမေးခွန်းများကိုမူ ရှင်းလင်းစွာ မဖော်ပြထားကြောင်း အမေရိကန်တာဝန်ရှိသူများက ဆိုသည်။ အီရန်သည် ၎င်းတို့၏ နျူကလီးယားအစီအစဉ်ကို ရပ်ဆိုင်းရန်နှင့် သန့်စင်ပြီး ယူရေနီယံများကို လွှဲပြောင်းပေးရန် အမေရိကန်၏ တောင်းဆိုချက်များကို အကြိမ်ကြိမ် ငြင်းဆိုထားသည်။

ထရမ့်က အဆိုပါအဆိုပြုချက်ကို မည်သည့်အကြောင်းကြောင့် ငြင်းပယ်သည်ဆိုသည့် အသေးစိတ်အချက်အလက်များကို တိတိကျကျ မထုတ်ပြန်သေးသော်လည်း အီရန်အနေဖြင့် နျူကလီးယားလက်နက် ပိုင်ဆိုင်ခွင့်မရှိစေရဟူသော အမေရိကန်၏ မူဝါဒရှိနေကြောင်း သိရသည်။ ထိုအဆိုပြုချက်ကို လက်ခံလိုက်ပါက ထရမ့်အတွက် နိုင်ငံရေးအရ အောင်မြင်မှုမဟုတ်နိုင်ကြောင်းလည်း အမေရိကန်အရာရှိတစ်ဦးက သုံးသပ်ထားသည်။

MWD

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အီရန်၏ ဟော်မုရေလက်ကြား ပြန်ဖွင့်ရေး အဆိုပြုချက်ကို ထရမ့် ကျေနပ်မှုမရှိဟုဆို
အီရန်၏ ဟော်မုရေလက်ကြား ပြန်ဖွင့်ရေး အဆိုပြုချက်ကို ထရမ့် ကျေနပ်မှုမရှိဟုဆို
ဟော်မုရေလက်ကြား ပြန်လည်ဖွင့်လှစ်ရန်နှင့် စစ်ပွဲအဆုံးသတ်ရန် အီရန်ဘက်မှ ပေးပို့လာသည့် နောက်ဆုံးအဆိုပြုချက်ကို အမေရိကန်သမ္မတ ဒေါ်နယ်ထရမ့်က ကျေနပ်မှုမရှိကြောင်း အိမ်ဖြူတော် အကြံပေးများအား ပြောကြားခဲ့သည်ဟု သိရသည်။ ဧပြီလ ၂၇ ရက်တွင် အိမ်ဖြူတော်၌ ပြုလုပ်သည့် ဆွေးနွေးမှုအတွင်း ထရမ့်က ၎င်း၏သဘောထားကို ထုတ်ဖော်ပြသခဲ့ခြင်းဖြစ်သည်။အဆိုပါ အီရန်၏အဆိုပြုချက်တွင် အမေရိကန်၏ ရေကြောင်းပိတ်ဆို့မှုကို ရုပ်သိမ်းပေးရန် တောင်းဆိုထားသော်လည်း အီရန်၏ နျူကလီးယားအစီအစဉ်နှင့် ပတ်သက်သည့် အရေးကြီးမေးခွန်းများကိုမူ ရှင်းလင်းစွာ မဖော်ပြထားကြောင်း အမေရိကန်တာဝန်ရှိသူများက ဆိုသည်။ အီရန်သည် ၎င်းတို့၏ နျူကလီးယားအစီအစဉ်ကို ရပ်ဆိုင်းရန်နှင့် သန့်စင်ပြီး ယူရေနီယံများကို လွှဲပြောင်းပေးရန် အမေရိကန်၏ တောင်းဆိုချက်များကို အကြိမ်ကြိမ် ငြင်းဆိုထားသည်။ထရမ့်က အဆိုပါအဆိုပြုချက်ကို မည်သည့်အကြောင်းကြောင့် ငြင်းပယ်သည်ဆိုသည့် အသေးစိတ်အချက်အလက်များကို တိတိကျကျ မထုတ်ပြန်သေးသော်လည်း အီရန်အနေဖြင့် နျူကလီးယားလက်နက် ပိုင်ဆိုင်ခွင့်မရှိစေရဟူသော အမေရိကန်၏ မူဝါဒရှိနေကြောင်း သိရသည်။ ထိုအဆိုပြုချက်ကို လက်ခံလိုက်ပါက ထရမ့်အတွက် နိုင်ငံရေးအရ အောင်မြင်မှုမဟုတ်နိုင်ကြောင်းလည်း အမေရိကန်အရာရှိတစ်ဦးက သုံးသပ်ထားသည်။MWD
Wed, 29-Apr-2026
အနောက်အုပ်စု၏ ဦးဆောင်မှုကဏ္ဍ ပြိုလဲနေပြီး နိုင်ငံတကာအခင်းအကျင်းအသစ် ပေါ်ထွက်လာနေဟု ပူတင်ပြော
အနောက်အုပ်စု၏ ဦးဆောင်မှုကဏ္ဍ ပြိုလဲနေပြီး နိုင်ငံတကာအခင်းအကျင်းအသစ် ပေါ်ထွက်လာနေဟု ပူတင်ပြော
အနောက်အုပ်စု၏ ဦးဆောင်မှုကဏ္ဍ ပြိုလဲနေပြီး နိုင်ငံတကာအခင်းအကျင်းအသစ် ပေါ်ထွက်လာနေဟု ပူတင်ပြောကမ္ဘာ့ဇာတ်ခုံပေါ်တွင် အနောက်နိုင်ငံများ၏ ဦးဆောင်နိုင်စွမ်းမှာ တဖြည်းဖြည်း လျော့ပါးလာနေပြီး အခင်းအကျင်းအသစ်တစ်ခု ပေါ်ထွက်လာနေကြောင်း ရုရှားသမ္မတ ဗလာဒီမာ ပူတင်က ပြောကြားသည်။ ဖွံ့ဖြိုးဆဲနိုင်ငံများ ပါဝင်သည့် Global South အုပ်စုသည် အနောက်အုပ်စု၏ ဦးဆောင်မှုကို အစားထိုးနေရာယူနေပြီဖြစ်ကြောင်း ၎င်းကဆိုသည်။“နိုင်ငံရေး၊ စီးပွားရေး၊ ယဉ်ကျေးမှုနှင့် လူမှုရေးကဏ္ဍများတွင် နိုင်ငံတော်အချုပ်အခြာအာဏာ၏ အရေးပါမှုကို နားလည်တန်ဖိုးထားသော နိုင်ငံများသည် ယခုအခါ ပိုမိုအရေးပါသော အခန်းကဏ္ဍတွင် ပါဝင်လာနေသည်။ ၎င်းတို့သည် ကိုယ်ပိုင်တန်ဖိုး၊ အရင်းအမြစ်နှင့် ဦးစားပေးချက်များအပေါ် မူတည်၍ ကိုယ်ပိုင်လမ်းကြောင်းကို သတ်မှတ်လာနိုင်ပြီဖြစ်သည်” ဟု ပူတင်က Open Dialogue Forum သို့ ပေးပို့သည့် ဗီဒီယိုမိန့်ခွန်းတွင် ပြောကြားခဲ့သည်။အနောက်နိုင်ငံများ၏ လုပ်ဆောင်ချက်များကြောင့် ယခင်က ကျင့်သုံးခဲ့သည့် နိုင်ငံတကာဆက်ဆံရေးစံနှုန်းများနှင့် လုပ်ထုံးလုပ်နည်းများသည် ထိရောက်မှု လျော့နည်းလာပြီး ၎င်းတို့၏ ဦးဆောင်မှုကဏ္ဍကို အင်အားစုအသစ်များနှင့် Global South နိုင်ငံများထံ လွှဲပြောင်းပေးနေရပြီဖြစ်ကြောင်း ပူတင်က ထောက်ပြသည်။ထို့အပြင် ပြီးခဲ့သည့်နှစ်များအတွင်း ဖြစ်ပေါ်ခဲ့သော စီးပွားရေး၊ ဘဏ္ဍာရေး၊ နည်းပညာနှင့် လူဦးရေဆိုင်ရာ ပြောင်းလဲမှုများသည် ပြန်လည်ပြင်ဆင်၍မရသော အခြေအနေတစ်ရပ်သို့ ရောက်ရှိနေပြီဖြစ်ကြောင်းလည်း ပူတင်က ပြောကြားထားသည်။Ref: SputnikMWD
Wed, 29-Apr-2026
အမေရိကန်နှင့် တင်းမာမှု ပြေလည်စေရန် အီရန်က ကမ်းလှမ်းချက်အသစ် ပေး
အမေရိကန်နှင့် တင်းမာမှု ပြေလည်စေရန် အီရန်က ကမ်းလှမ်းချက်အသစ် ပေး
အမေရိကန်နှင့် တင်းမာမှု ပြေလည်စေရန် အီရန်က ကမ်းလှမ်းချက်အသစ် ပေးအမေရိကန်နှင့် အီရန်တို့ကြား တင်းမာမှု ပြေလျော့ရေးအတွက် ဟော်မုရေလက်ကြား ပြန်ဖွင့်ပေးရန်နှင့် စစ်ပွဲအဆုံးသတ်ရန် အီရန်က အမေရိကန်ထံသို့ ကမ်းလှမ်းချက်အသစ်တစ်ခု ပေးထားကြောင်း Axios သတင်းဌာနက ဧပြီလ ၂၇ ရက်တွင် ဖော်ပြထားသည်။အဆိုပါကမ်းလှမ်းချက်တွင် အဓိကအကျပ်အတည်းဖြစ်သည့် နျူကလီးယားဆိုင်ရာ ဆွေးနွေးမှုများကို နောက်ဆုံးအဆင့်တွင်သာ ဆွေးနွေးရန်နှင့် လက်ရှိတင်းမာမှုများကို ဦးစွာဖြေရှင်းရန် အီရန်ဘက်မှ အဆိုပြုထားသည်။ထိုကမ်းလှမ်းချက်ကို အီရန်နိုင်ငံခြားရေးဝန်ကြီး အဘတ် အာရတ်ချီက ပါကစ္စတန်၊ အီဂျစ်၊ တူကီယဲနှင့် ကာတာနိုင်ငံတို့ရှိ ကြားဝင်စေ့စပ်ပေးသူများမှတစ်ဆင့် အမေရိကန်အစိုးရထံသို့ ပေးပို့ခဲ့ခြင်းဖြစ်သည်။အီရန်၏ အဆိုပြုချက်တွင် အဆင့် (၃) ဆင့် ပါဝင်ပြီး ပထမအဆင့်တွင် တိုက်ခိုက်မှုများ ရပ်စဲရေးနှင့် အီရန်နှင့် လက်ဘနွန်တို့အပေါ် နောက်ထပ်မတိုက်ခိုက်ရေး အာမခံချက် ရယူရန် ပါဝင်သည်။ ဒုတိယအဆင့်တွင် အိုမန်နိုင်ငံနှင့် ပူးပေါင်းကာ ဟော်မုရေလက်ကြား စီမံခန့်ခွဲမှုအတွက် ဥပဒေကြောင်းအရ စနစ်အသစ်တစ်ခု ဖော်ဆောင်ရန် ဖြစ်ပြီး တတိယအဆင့်တွင် နျူကလီးယားကိစ္စ ဆွေးနွေးရန် ပါဝင်သည်။သို့သော် အမေရိကန်ဘက်ကမူ အီရန်၏ နျူကလီးယားအစီအစဉ်ကို ဖျက်သိမ်းပြီး သန့်စင်ပြီး ယူရေနီယံအားလုံးကို လွှဲပြောင်းပေးရန် တောင်းဆိုထားဆဲဖြစ်သည်။Ref: RT
Tue, 28-Apr-2026
အမေရိကန်နှင့် အီရန် ထိပ်တိုက်တွေ့မှုကြောင့် ဥရောပသမဂ္ဂတွင် နိုင်ငံရေးအကျပ်အတည်း ဖြစ်လာနိုင်ဟုဆို
အမေရိကန်နှင့် အီရန် ထိပ်တိုက်တွေ့မှုကြောင့် ဥရောပသမဂ္ဂတွင် နိုင်ငံရေးအကျပ်အတည်း ဖြစ်လာနိုင်ဟုဆို
အမေရိကန်နှင့် အီရန်တို့ကြား ဖြစ်ပွားနေသည့် ထိပ်တိုက်တွေ့ဆုံမှုများသည် စီးပွားရေးရိုက်ခတ်မှုများအပြင် ဥရောပသမဂ္ဂ (EU) အတွက် နိုင်ငံရေးအကျပ်အတည်းအထိ ဖြစ်လာနိုင်ကြောင်း ဥရောပတာဝန်ရှိသူများ၏ ပြောဆိုချက်များကို ကိုးကား၍ သတင်းဌာနများက ဖော်ပြထားသည်။လောင်စာဆီကုန်ကျစရိတ် မြင့်တက်လာမှုသည် စားသောက်ကုန်၊ သယ်ယူပို့ဆောင်ရေးနှင့် အိမ်ရာစရိတ်များအပေါ် သက်ရောက်မှုရှိနေပြီး ဝင်ငွေနည်းပါးသည့် မိသားစုများတွင် အခက်အခဲများနှင့် ရင်ဆိုင်နေရသည်။ဥရောပစီးပွားရေးနှင့် လူမှုရေးကော်မတီ အကြီးအကဲ ရှီးမတ်ဘိုလန်က ယခုအခြေအနေသည် နိုင်ငံအလိုက်အစိုးရများအပေါ်သာမက ဥရောပသမဂ္ဂအပေါ်တွင်ပါ ပြည်သူများ၏ ယုံကြည်မှု လျော့နည်းလာစေနိုင်ကြောင်း သတိပေးထားသည်။ ထို့ပြင် ယခုအကျပ်အတည်းကြောင့် နိုင်ငံအသီးသီးတွင် ကိုယ်ကျိုးစီးပွားဦးစားပေးသည့် ဝါဒများကို ပိုမိုအားပေးလာနိုင်သည့် အန္တရာယ်ရှိကြောင်းလည်း ၎င်းက ဆက်လက်ပြောကြားသည်။အမေရိကန်ရေတပ်သည် ဧပြီလ ၁၃ ရက်မှစတင်ကာ ကမ္ဘာ့ရေနံနှင့် သဘာဝဓာတ်ငွေ့၏ ၂၀ ရာခိုင်နှုန်းခန့် ဖြတ်သန်းရာ ဟော်မုရေလက်ကြားတစ်လျှောက်ရှိ အီရန်ဆိပ်ကမ်းများသို့ ဝင်ထွက်မည့် ရေကြောင်းကုန်သွယ်မှုအားလုံးကို ပိတ်ဆို့ထားသည်။ အမေရိကန်အစိုးရက အီရန်သို့ အခွန်ပေးဆောင်ခြင်း မပြုသည့် နိုင်ငံများမှ သင်္ဘောများကိုသာ ဖြတ်သန်းခွင့်ပြုမည်ဟု ကြေညာထားခြင်းကြောင့် ဒေသတွင်း တင်းမာမှု ပိုမိုမြင့်တက်လာနေသည်။Ref: SputnikMWD
Tue, 28-Apr-2026
ဂျပန်၊ တရုတ်၊ တောင်ကိုရီးယားနိုင်ငံတို့သို့ ဩစတြေးလျနိုင်ငံခြားရေးဝန်ကြီး သွားရောက်မည်
ဂျပန်၊ တရုတ်၊ တောင်ကိုရီးယားနိုင်ငံတို့သို့ ဩစတြေးလျနိုင်ငံခြားရေးဝန်ကြီး သွားရောက်မည်
ဆစ်ဒနီ ဧပြီ ၂၇လာမည့်ရက်သတ္တပတ်အတွင်း ဂျပန်၊ တရုတ်၊ တောင်ကိုရီးယားနိုင်ငံ တို့သို့ သွားရောက်ရန်စီစဉ်ထားကြောင်း ဩစတြေးလျနိုင်ငံခြားရေးဝန်ကြီး ပင်နီဝေါင်က ယနေ့တွင် သတင်းထုတ်ပြန်ထားသည် ဟု Xinhua သတင်းဌာနက ဖော်ပြထားသည်။အရှေ့အလယ်ပိုင်း စစ်ရေးပဋိပက္ခကြောင့် စွမ်းအင်ဖြည့်ဆည်းမှုလမ်းကြောင်းများ ပြတ်တောက်နေချိန်တွင် အဆိုပါအာရှအင်အားကြီးနိုင်ငံ သုံးနိုင်ငံသို့ သွားရောက်ရန် ဩစတြေးလျနိုင်ငံခြားရေးဝန်ကြီးက စီစဉ်ထားခြင်းဖြစ်သည်။ ဂျပန်နိုင်ငံ ခရီးစဉ်အတွင်း ဩစတြေးလျ နိုင်ငံခြားရေးဝန်ကြီး ပင်နီဝေါင်သည် ဂျပန် နိုင်ငံခြားရေးဝန်ကြီး တိုရှီမစ်ဆု မိုတီဂီတိုနှင့် တွေ့ဆုံ၍ စွမ်းအင်လုံခြုံရေးကိစ္စများကို ဆွေးနွေးမည်ဖြစ်သည်။ အလားတူ ဩစတြေးလျ နိုင်ငံခြားရေးဝန်ကြီးသည် တရုတ်ခရီးစဉ်တွင်လည်း တရုတ်နိုင်ငံခြားရေးဝန်ကြီး ဝမ်ယီနှင့် တွေ့ဆုံ၍ အဋ္ဌမ အကြိမ်မြောက် ဩစတြေးလျ-တရုတ်နိုင်ငံခြားရေးနှင့် မဟာဗျူဟာဆွေးနွေးပွဲကို ကျင်းပမည်ဖြစ်သည်။ဂျပန်နှင့် တရုတ်နိုင်ငံ ခရီးစဉ်များအပြီးတွင် ဩစတြေးလျ နိုင်ငံခြားရေးဝန်ကြီးသည် တောင်ကိုရီး ယားနိုင်ငံသို့ ဆက်လက်သွားရောက်၍ တောင်ကိုရီးယားနိုင်ငံခြားရေးဝန်ကြီး ချိုဟွန်းနှင့် တွေ့ဆုံ ဆွေးနွေးရန် စီစဉ်ထားသည်။ပြည်တွင်းလောင်စာဆီ လိုအပ်ချက်စုစုပေါင်း၏ အများစုကို ပြည်ပမှမှာယူတင်သွင်းနေရသော ဩစတြေးလျနိုင်ငံသည် အရှေ့အလယ်ပိုင်းစစ်ရေးပဋိပက္ခ၌ ဒေသအလိုက်နေရာကွက်၍ လောင်စာဆီပြတ်လပ်မှုပြဿနာနှင့် ရင်ဆိုင်နေရကြောင်း သိရသည်။ရတနာပုံ
Tue, 28-Apr-2026
ပြည်ထောင်စုဝန်ကြီး ဦးတင်မောင်ဆွေ ကာတာနိုင်ငံ ဒုတိယဝန်ကြီးချုပ်ဟောင်းနှင့် ကာကွယ်ရေးဝန်ကြီးဟောင်း ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံ
ပြည်ထောင်စုဝန်ကြီး ဦးတင်မောင်ဆွေ ကာတာနိုင်ငံ ဒုတိယဝန်ကြီးချုပ်ဟောင်းနှင့် ကာကွယ်ရေးဝန်ကြီးဟောင်း ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံ
နေပြည်တော် ဧပြီ ၂၇ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေသည် ကာတာနိုင်ငံ ဒုတိယဝန်ကြီးချုပ်ဟောင်းနှင့် ကာကွယ်ရေးဝန်ကြီးဟောင်းဖြစ်သူ ဒေါက်တာ ခါလစ်ဘင်မို ဟာမက်အယ်လ် အက်တီယာဦးဆောင်သော ကိုယ်စားလှယ်အဖွဲ့အား ယနေ့ မွန်းလွဲ ၂ နာရီတွင် နေပြည်တော်ရှိ နိုင်ငံခြား‌ရေးဝန်ကြီးဌာန၌ လက်ခံတွေ့ဆုံသည်။ တွေ့ဆုံစဉ် မြန်မာနိုင်ငံနှင့် ကာတာနိုင်ငံတို့အကြား နှစ်နိုင်ငံစီးပွားရေး ပူးပေါင်းဆောင်ရွက်မှုတိုးမြှင့်ရေးနှင့် မြန်မာနိုင်ငံ၏ စိုက်ပျိုးရေး၊ သတ္တုတူးဖော်ရေး၊ လျှပ်စစ်နှင့် စွမ်းအင်ကဏ္ဍတို့တွင် ရင်းနှီးမြှုပ်နှံမှုများ ပြုလုပ်သွားရေးတို့နှင့် စပ်လျဉ်း၍ ဆွေးနွေးကြသည်။ တွေ့ဆုံပွဲသို့ နိုင်ငံခြားရေးဝန်ကြီးဌာန ဒုတိယဝန်ကြီး ဦးနိုင်မင်းကျော်နှင့် တာဝန်ရှိသူများ တက်ရောက်ခဲ့ကြသည်။ သတင်းစဉ်MDN
Tue, 28-Apr-2026
© Copyright 2024 SAC All Rights Reserved.