ပြစ်ဒဏ်လွတ်ငြိမ်းခွင့်အမိန့် (၅၂/၂၀၂၆)
News Image
MM-News-Category
ဆက်စပ်သတင်းများ
နေပြည်တော် မေ ၁ပြည်ထောင်စုသမ္မတမြန်မာနိုင်ငံတော်သို့ ချစ်ကြည်ရေးခရီးလည်ပတ်ရန်အတွက် အိန္ဒိယရေတပ်ဦးစီးချုပ် Admiral Dinesh Kumar Tripathi, PVSM, AVSM, NM ဦးဆောင်သော ကိုယ်စားလှယ်အဖွဲ့သည် ယနေ့ညနေပိုင်းတွင် ရန်ကုန်မြို့သို့ လေကြောင်းခရီးဖြင့်ရောက်ရှိလာရာ တပ်မတော် (ရေ) မှ အရာရှိကြီးများ၊ မြန်မာနိုင်ငံဆိုင်ရာ အိန္ဒိယရေတပ်စစ်သံမှူးနှင့်တာဝန်ရှိသူများက ရန်ကုန်အပြည်ပြည်ဆိုင်ရာလေဆိပ်၌ ကြိုဆိုနှုတ်ဆက်ကြသည်။အဆိုပါ ချစ်ကြည်ရေးကိုယ်စားလှယ်အဖွဲ့သည် ရွှေတိဂုံစေတီတော်မြတ်ကြီးအား သွားရောက်ဖူးမြော်ကြည်ညိုကြပြီး မြန်မာနိုင်ငံတွင် မေလ ၆ ရက်အထိနေထိုင်၍ အထင်ကရ နေရာများသို့ သွားရောက်လေ့လာလည်ပတ်ခြင်းနှင့် နှစ်နိုင်ငံရေတပ်ဆိုင်ရာ ချစ်ကြည်ရေးခရီးစဉ်များ ဆက်လက်ဆောင်ရွက်သွားမည်ဖြစ်ကြောင်း သတင်းရရှိသည်။moi
Fri, 1-May-2026
တောင်ကိုရီးယားနိုင်ငံ၌ တစ်နှစ်အတွင်း နိုင်ငံသားတစ်ဦး၏ အသားစားသုံးမှုကြောင့် ထွက်ရှိလာသော ကာဗွန်ဓာတ်ငွေ့ပမာဏသည် ပြည်တွင်းလေယာဉ်ခရီးစဉ်ကြောင့်ထွက်သည့် ကာဗွန်ဓာတ်ငွေ့ပမာဏထက်၁၀ ဆပိုများကြောင်း သုတေသနတစ်ခုက ဧပြီလ ၂၉ ရက်တွင်ဖော်ပြထားသည်။တောင်ကိုရီးယား၌ ၂၀၂၄ ခုနှစ်အတွင်း စားသုံးခဲ့သည့် အမဲသား၊ ဝက်သားနှင့် ကြက်သား တန်ချိန် ၃ ဒသမ ၀၈ သန်းမှ ကာဗွန်ဒိုင်အောက်ဆိုက်ပမာဏ တန်ချိန် ၅၆ ဒသမ ၉၄ သန်းခန့် ထွက်ရှိခဲ့ကြောင်း Solutions for Our Climate အဖွဲ့က ခန့်မှန်းထားသည်။ ထိုပမာဏသည် တောင်ကိုရီးယားနိုင်ငံရှိ ကျောက်မီးသွေးသုံးလျှပ်စစ်ဓာတ်အားပေးစက်ရုံများမှ တစ်နှစ်တာ ထုတ်လွှတ်သည့် ကာဗွန်ပမာဏ၏ ၃၄ ရာခိုင်နှုန်းနှင့် ညီမျှနေသည်။လူတစ်ဦးချင်းစီအလိုက် တွက်ချက်ပါက အသားစားသုံးမှုကြောင့် တစ်နှစ်လျှင် ကာဗွန်ဒိုင်အောက်ဆိုက် ၁၁၁၅ ကီလိုဂရမ် ထွက်ရှိနေပြီး ယင်းပမာဏသည် ဆိုးမြို့နှင့် ဂျယ်ဂျူးကျွန်းအကြား လေယာဉ်ဖြင့်အသွားအပြန် ၁၀ ကြိမ်ခွဲ သို့မဟုတ် အသွားခရီးစဉ် ၂၁ ကြိမ် ပျံသန်းမှုမှထွက်ရှိသည့် ကာဗွန်ဒိုင်အောက်ဆိုက်ပမာဏနှင့်ညီမျှနေသည်။တောင်ကိုရီးယား၏ အသားစားသုံးမှုပုံစံသည် တရုတ်နှင့် ဂျပန်နိုင်ငံတို့ထက် ကာဗွန်ထုတ်လွှတ်မှု ပိုမိုများပြားနေကြောင်း သုတေသနက ဖော်ပြထားသည်ဟု သိရသည်။MWD
Fri, 1-May-2026
အီရန်နိုင်ငံ၏ တရားစီရင်ရေးကဏ္ဍ အကြီးအကဲဖြစ်ပြီး အတိုက်အခံများကို နှိမ်နင်းရာတွင် အဓိကအခန်းကဏ္ဍမှ ပါဝင်နေသော သဘောထား တင်းမာသူ ဂိုလမ်ဟိုစိန် မိုဆန်နီ အီဂျေယီ (Gholamhossein Mohseni Ejei) က နိုင်ငံအတွင်း ကျယ်ကျယ်ပြန့်ပြန့် လုပ်ဆောင်နေသည့် ကွပ်မျက်မှု များသည် ‘ပြည်သူတို့၏ တရားဝင်တောင်းဆိုချက်များ’ ကို ထင်ဟပ်ဖော်ပြနေခြင်းဖြစ်သည်ဟု ပြောကြားခဲ့သည်။ကုလသမဂ္ဂ လူ့အခွင့်အရေးဆိုင်ရာမဟာမင်းကြီးရုံး (UNHCR) ၏ အဆို အရ အမေရိကန်နှင့် အစ္စရေးတို့က အီရန်နိုင်ငံကို စတင်ဗုံးကြဲ တိုက်ခိုက်ခဲ့သည့် လွန်ခဲ့သောနှစ်လကျော်ကတည်းက အီရန်တွင် လူပေါင်း အနည်းဆုံး ၂၁ ဦးကို ကွပ်မျက်ခဲ့ပြီး ၄,၀၀၀ ခန့်ကို ဖမ်းဆီးခဲ့ကြောင်း သိရှိရသည်။ကုလသမဂ္ဂ လူ့အခွင့်အရေးဆိုင်ရာ အကြီးအကဲ ဗော်ကာ တာ့ခ် (Volker Türk) က အဆိုပါ အရေးယူဆောင်ရွက်မှုများသည် အီရန်ပြည်သူတို့၏ အခွင့်အရေးများကို ပြင်းထန်ရက်စက်သည့် နည်းလမ်းများဖြင့် နှိမ့်ချဖျက်ဆီးနေခြင်းဖြစ်ကြောင်း သတ်မှတ်ကာ ဝေဖန်ခဲ့သည်။ယင်းအပေါ် တုံ့ပြန်ရာတွင် အီဂျေယီက “မိမိတို့ ပြည်သူတွေရဲ့ သွေးစွန်းနေတဲ့ ဘယ်လို ရာဇဝတ်ကောင်ကိုမဆို တရားဥပဒေနဲ့အညီ အပြစ်ပေး အရေးယူတဲ့နေရာမှာ အီရန်တရားစီရင်ရေးအဖွဲ့အနေနဲ့ ပေါ့ဆမှု ဒါမှမဟုတ် လျှော့ပေါ့ပေးမှုတွေ လုံးဝရှိမှာမဟုတ်ဘူး” ဟု ပြောကြားခဲ့သည်။ ၎င်းက ဆက်လက်၍ “မောက်မာတဲ့ အင်အားကြီးနိုင်ငံတွေနဲ့ သူတို့ရဲ့ ဝါဒဖြန့်ချိရေးဌာနတွေရဲ့ ပြောဆိုချက်တွေကို မိမိတို့ ဂရုမစိုက်ပါ” ဟုလည်း ဆိုသည်။ယခုနောက်ဆုံးဖြစ်ပွားနေသည့် ကွပ်မျက်မှုများသည် ယခုနှစ် အစောပိုင်းက အစိုးရဆန့်ကျင်ရေး ဆန္ဒပြသူထောင်ပေါင်းများစွာကို အီရန် လုံခြုံရေးတပ်ဖွဲ့များက သတ်ဖြတ်ခဲ့သည့် ပြင်းထန်ရက်စက်သော နှိမ်နင်းမှုများအပြီး လအနည်းငယ်အကြာတွင် ပေါ်ပေါက်လာခြင်း ဖြစ်သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 30-Apr-2026
Thu, 30-Apr-2026
Thu, 30-Apr-2026
ဆိုးလ် ဧပြီ ၂၉ ကိုရီးယားသမ္မတနိုင်ငံ ဂယောင်းဂီပြည်နယ် ဟွာဆောင်းမြို့ရှိ သံမဏိပုံသွင်း စက်ရုံတစ်ရုံ၌ တရားဝင် အလုပ်လုပ်ကိုင်လျက်ရှိသော မြန်မာနိုင်ငံသား မောင်စန်းယုသည် မတ် ၂၄ ရက်တွင် လုပ်ငန်းခွင် အတွင်း အလုပ်လုပ်ကိုင်နေစဉ် ထိခိုက်မှုဖြစ်ပွားခဲ့ပြီး ဆေးရုံတက်ရောက်ကုသစဉ် သေဆုံး သွားခဲ့သည်။ မြန်မာသံရုံး ဆိုးလ်မြို့က ကျန်ရစ်သူမိသားစု ကိုရီးယားနိုင်ငံသို့ လာရောက်ပြီး ဈာပနကျင်းပနိုင်ရေး အတွက် ဗီဇာရရှိရေး အချိန်မီကူညီဆောင်ရွက်ပေးကာ ရသင့်ရထိုက်သည့်အခွင့်အရေးများ အပြည့်အဝ ရရှိစေရန် အလုပ်သမားသံအရာရှိ၊ အလုပ်သမားဝန်ကြီးဌာနနှင့် တရားဝင်ပူးပေါင်းဆောင်ရွက်ရေး လက်မှတ် ရေးထိုးထားသော E9 Friends Law Firm ကုမ္ပဏီတို့နှင့်အတူ လုပ်ဆောင်ပေးခဲ့ကြောင်း၊ ဈာပနအခမ်းအနားကိုလည်း မြန်မာသံရုံး၊ စစ်သံရုံးတို့မှဝန်ထမ်းများက လိုက်ပါပို့ဆောင်ပြီး လိုအပ်သည်များ ကူညီဆောင်ရွက်ပေးခဲ့ကြောင်း သိရသည်။ ကျန်ရစ်သူမိသားစု ကိုရီးယားနိုင်ငံ၌ နေထိုင်စဉ်ကာလအတွင်း သွားလာနေထိုင်ရေးကိစ္စများ အဆင်ပြေစေရေး၊ ယာယီဘဏ်အကောင့်ဖွင့်လှစ်နိုင်ရေး၊ လိုအပ်သည့် စာရွက်စာတမ်းကိစ္စရပ်များ ပံ့ပိုးကူညီခြင်းနှင့် သက်ဆိုင်ရာအဖွဲ့အစည်းများထံမှ ရသင့်ရထိုက်သည်များရရှိရန် ညှိနှိုင်းခြင်းတို့ကို မြန်မာသံရုံး ဆိုးလ်မြို့မှ အလုပ်သမားသံအရာရှိက လိုက်ပါဆောင်ရွက်ပေးခဲ့ကြောင်း သိရသည်။ ထို့သို့ဆောင်ရွက်ပေးမှုများကြောင့် ကွယ်လွန်သူမောင်စန်းယု၏ဇနီးမှာ လုပ်သက်ဆုကြေးများ၊ လုပ်ခ လစာကျန်ငွေများ၊ အချိန်ပိုကြေးနှင့်ခွင့်ဆုကြေးများ၊ လုပ်ငန်းခွင်ထိခိုက်မှု အာမခံငွေများ၊ အသုဘ စရိတ်ထောက်ပံ့ငွေများ၊ အလုပ်ရှင်မှပေးအပ်သည့် နစ်နာကြေးများ စသည့်ခံစားပိုင်ခွင့် ရှိသည်တို့ကို ပြည့်ပြည့်ဝဝ တိုက်ရိုက်ရရှိခဲ့သည့်အပြင် ရှေ့နေခကိုလည်း အနည်းဆုံးနှုန်းထားဖြင့် ရရှိအောင် ညှိနှိုင်းပေးနိုင်ခဲ့ကြောင်း သိရသည်။ မြန်မာသံရုံး ဆိုးလ်မြို့က ကိုရီးယားသမ္မတနိုင်ငံ၌ ရောက်ရှိနေသည့် တရားဝင်လာရောက်လုပ်ကိုင် နေသူများအပါအဝင် မြန်မာနိုင်ငံသားများ၏ အကျိုးစီးပွားများကို နှစ်နိုင်ငံတည်ဆဲဥပဒေများနှင့်အညီ ကူညီဆောင်ရွက်ပေးလျက်ရှိကြောင်း သိရသည်။ သတင်းစဉ်MDN
Thu, 30-Apr-2026