လူငယ်များကြား ကင်ဆာဖြစ်ပွားနှုန်းမြင့်တက်မှုက အသင့်စားအစားအစာဓာတုပစ္စည်းများနှင့် ဆက်စပ်နိုင်

KookieSpace97

News Image

  • လူငယ်များကြား ကင်ဆာဖြစ်ပွားနှုန်းမြင့်တက်မှုက အသင့်စားအစားအစာဓာတုပစ္စည်းများနှင့် ဆက်စပ်နိုင်

လန်ဒန် မေ ၅

လူငယ်များကြား အသက်အန္တရာယ်ကြီးမားသော ကင်ဆာရောဂါဖြစ်ပွားမှုနှုန်း မြင့်တက်လာမှုတွင် အသင့်စား အစားအစာများ၌ပါဝင်သော ဓာတုပစ္စည်းများ၊ အဝတ်အထည်နှင့် မီးဖိုချောင်သုံးပစ္စည်းများတွင်ပါဝင်သော ဓာတုပစ္စည်းများနှင့် ဆက်စပ်နေနိုင်ကြောင်း သုတေသနပညာရှင်များ၏ အဆိုကိုကိုးကား၍ မေ ၄ ရက် သတင်းများအရ သိရသည်။

ပြီးခဲ့သည့် ဆယ်စုနှစ်များအတွင်း အသက် ၂၀ နှင့် ၄၉ နှစ် ကြား လူငယ်များကြား ကင်ဆာရောဂါ ၁၁ မျိုးဖြစ်ပွားမှုမြင့်တက်လာခဲ့ရာ ဆေးပညာရှင်များက အဖြေရှာရန် ကြိုးပမ်းခဲ့ရသည်။

အဆိုပါ ကင်ဆာရောဂါများထဲတွင် ရင်သားကင်ဆာ၊ အူမကြီးကင်ဆာ၊ သိုင်းရွိုက်ကင်ဆာ၊ ခံတွင်းကင်ဆာ၊ အသည်းကင်ဆာနှင့် ကျောက်ကပ်ကင်ဆာရောဂါများလည်း ပါဝင်သည်။

ဗြိတိန် သုတေသနပညာရှင်များ၏ လေ့လာချက်အရ အသက် ၅၀ အောက် လူငယ်များကြား အထက်ပါ ကင်ဆာရောဂါများ ဖြစ်ပွားမှုနှုန်းမြင့်တက်လာမှုသည် အသင့်စားအစားအစာများထဲတွင်ပါဝင်သည့် ဓာတုပစ္စည်းများ၊ အဝတ်အထည်နှင့် မီးဖိုချောင်သုံးပစ္စည်းများ၌ပါဝင်သည့် ဓာတုပစ္စည်းနှင့် ဆက်စပ်နေနိုင်သည်။ 

အသက် ၅၀ အောက် လူငယ်များကြား အထက်ပါ ကင်ဆာရောဂါများဖြစ်ပွားမှုနှုန်း မြင့်တက်လာမှုသည် အဝလွန်မှုပြဿနာနှင့်သာမက အလွန်အကျွံပြုပြင် စီရင်ထားသော အစားအစာများ၌ ပါဝင်သည့် ဓာတုပစ္စည်းများနှင့်လည်း ဆက်စပ်နေကြောင်း ဗြိတိန် သုတေသနပညာရှင်များက ပြောကြားသည်။ 

ရတနာပုံ

MM-News-Category
လူမှုရေးကဏ္ဍသတင်း
လူမှုရေး-ကျန်းမာရေး

ဆက်စပ်သတင်းများ

လူငယ်များကြား ကင်ဆာဖြစ်ပွားနှုန်းမြင့်တက်မှုက အသင့်စားအစားအစာဓာတုပစ္စည်းများနှင့် ဆက်စပ်နိုင်
လူငယ်များကြား ကင်ဆာဖြစ်ပွားနှုန်းမြင့်တက်မှုက အသင့်စားအစားအစာဓာတုပစ္စည်းများနှင့် ဆက်စပ်နိုင်
လန်ဒန် မေ ၅လူငယ်များကြား အသက်အန္တရာယ်ကြီးမားသော ကင်ဆာရောဂါဖြစ်ပွားမှုနှုန်း မြင့်တက်လာမှုတွင် အသင့်စား အစားအစာများ၌ပါဝင်သော ဓာတုပစ္စည်းများ၊ အဝတ်အထည်နှင့် မီးဖိုချောင်သုံးပစ္စည်းများတွင်ပါဝင်သော ဓာတုပစ္စည်းများနှင့် ဆက်စပ်နေနိုင်ကြောင်း သုတေသနပညာရှင်များ၏ အဆိုကိုကိုးကား၍ မေ ၄ ရက် သတင်းများအရ သိရသည်။ပြီးခဲ့သည့် ဆယ်စုနှစ်များအတွင်း အသက် ၂၀ နှင့် ၄၉ နှစ် ကြား လူငယ်များကြား ကင်ဆာရောဂါ ၁၁ မျိုးဖြစ်ပွားမှုမြင့်တက်လာခဲ့ရာ ဆေးပညာရှင်များက အဖြေရှာရန် ကြိုးပမ်းခဲ့ရသည်။အဆိုပါ ကင်ဆာရောဂါများထဲတွင် ရင်သားကင်ဆာ၊ အူမကြီးကင်ဆာ၊ သိုင်းရွိုက်ကင်ဆာ၊ ခံတွင်းကင်ဆာ၊ အသည်းကင်ဆာနှင့် ကျောက်ကပ်ကင်ဆာရောဂါများလည်း ပါဝင်သည်။ဗြိတိန် သုတေသနပညာရှင်များ၏ လေ့လာချက်အရ အသက် ၅၀ အောက် လူငယ်များကြား အထက်ပါ ကင်ဆာရောဂါများ ဖြစ်ပွားမှုနှုန်းမြင့်တက်လာမှုသည် အသင့်စားအစားအစာများထဲတွင်ပါဝင်သည့် ဓာတုပစ္စည်းများ၊ အဝတ်အထည်နှင့် မီးဖိုချောင်သုံးပစ္စည်းများ၌ပါဝင်သည့် ဓာတုပစ္စည်းနှင့် ဆက်စပ်နေနိုင်သည်။ အသက် ၅၀ အောက် လူငယ်များကြား အထက်ပါ ကင်ဆာရောဂါများဖြစ်ပွားမှုနှုန်း မြင့်တက်လာမှုသည် အဝလွန်မှုပြဿနာနှင့်သာမက အလွန်အကျွံပြုပြင် စီရင်ထားသော အစားအစာများ၌ ပါဝင်သည့် ဓာတုပစ္စည်းများနှင့်လည်း ဆက်စပ်နေကြောင်း ဗြိတိန် သုတေသနပညာရှင်များက ပြောကြားသည်။ ရတနာပုံ
Wed, 6-May-2026
ပျော်ရွှင်ရယ်မောခြင်းက အစာခြေလမ်းကြောင်းစနစ်ကျန်းမာရေးကို အထောက်အကူပြုနိုင်
ပျော်ရွှင်ရယ်မောခြင်းက အစာခြေလမ်းကြောင်းစနစ်ကျန်းမာရေးကို အထောက်အကူပြုနိုင်
လန်ဒန် မေ ၅ပျော်ရွှင်ရယ်မောမှုသည် အစာခြေလမ်းကြောင်းစနစ် ကျန်းမာရေးကို အထောက်အကူပြုနိုင်ကြောင်း သုတေသနပညာရှင်များ၏ အဆိုကိုကိုးကား၍ မေ ၄ ရက် သတင်းများတွင် ရေးသားဖော်ပြထားသည်။ယခင်ပြုလုပ်ခဲ့သည့် လေ့လာမှုများအရ မကြာခဏရယ်မောပေးရမှုသည် ခုခံအားစနစ်မြှင့်တင် ပေးနိုင်ပြီး စိတ်ဖိအားကို လျှော့ချပေးနိုင်သကဲ့သို့ ဝမ်းဗိုက်ကြွက်သားများကို ပိုမိုအားကောင်းစေနိုင်ကြောင်း သိရသည်။တချို့သော လေ့လာချက်များတွင်မူ တစ်ရက်လျှင် ၁၀ မိနစ် ရယ်မောခြင်းဖြင့် ကယ်လိုရီပမာဏ ၅၀ ထိ ချေဖျက်လောင်ကျွမ်းနိုင်ကြောင်းလည်း တင်ပြထားသည်။ ထို့ပြင် ဗြိတိန်သုတေသနပညာရှင်များ၏ အဆိုအရ ရယ်မောခြင်းသည် အစာခြေလမ်းကြောင်းစနစ်ကျန်းမာရေးကိုလည်း မြှင့်တင်ပေးနိုင်ကြောင်း သိရသည်။ရယ်မောချိန်တွင် ဝမ်းဗိုက်ကြွက်သားများ အကျုံ့အဆန့်ရှိလာတတ်ပြီး အစာခြေလမ်းကြောင်းစနစ်လှုပ်ရှားမှုကို အထောက်အကူပြုကြောင်း ဗြိတိန် သုတေသနပညာရှင်များက ပြောကြားသည်။ထို့ပြင် ရယ်မောချိန်တွင် နာကျင်ကိုက်ခဲမှုကိုလျှော့ချရာ၌ အထောက်အကူပြုသော အင်ဒိုဖင်း(Endorphins) ခေါ် ဓာတုပစ္စည်းများ ပေါ်ထွက်လာတတ်ကြောင်း သုတေသနပညာရှင်များက ပြောကြားသည်။ရတနာပုံPhoto: Healthline
Wed, 6-May-2026
ဒုတိယသမ္မတ ဒေါ်နန်းနီနီအေး မြန်မာနိုင်ငံဆိုင်ရာ ပါကစ္စတန်နိုင်ငံ သံအမတ်ကြီး H.E. Mr. Tariq Karim အား လက်ခံတွေ့ဆုံ
ဒုတိယသမ္မတ ဒေါ်နန်းနီနီအေး မြန်မာနိုင်ငံဆိုင်ရာ ပါကစ္စတန်နိုင်ငံ သံအမတ်ကြီး H.E. Mr. Tariq Karim အား လက်ခံတွေ့ဆုံ
နေပြည်တော် မေ ၄ ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဒေါ်နန်းနီနီအေးသည် မြန်မာနိုင်ငံဆိုင်ရာ ပါကစ္စတန်နိုင်ငံ သံအမတ်ကြီး H.E. Mr. Tariq Karim အား ယနေ့မွန်းလွဲပိုင်းတွင် နေပြည်တော်ရှိ နိုင်ငံတော်သမ္မတရုံး ဧည့်တွေ့ခန်းမ၌ လက်ခံတွေ့ဆုံသည်။ အမြင်ချင်းဖလှယ်ဆွေးနွေး တွေ့ဆုံစဉ် မြန်မာ - ပါကစ္စတန် နှစ်နိုင်ငံအကြား ချစ်ကြည်ရင်းနှီးမှု ပိုမိုခိုင်မြဲစေရေး၊ ပညာရေးနှင့် အမျိုးသမီးကဏ္ဍဖွံ့ဖြိုးတိုးတက်ရေး ဆောင်ရွက်သွားမည့်ကိစ္စရပ်များ၊ ဆေးဘက်ဆိုင်ရာနှီးနှောဖလှယ်ပွဲများ၊ ကုသရေးအတွေ့အကြုံများ ဖလှယ်ခြင်းနှင့် ဆေးဘက်ဆိုင်ရာ သုတေသနလုပ်ငန်းများ ပူးပေါင်းဆောင်ရွက်သွားနိုင်ရေး ကိစ္စရပ်များနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးကြသည်။ တက်ရောက် တွေ့ဆုံပွဲသို့ ဒုတိယသမ္မတနှင့်အတူ နိုင်ငံခြားရေးဝန်ကြီးဌာန ဒုတိယဝန်ကြီး ဦးနိုင်မင်းကျော်နှင့် တာဝန်ရှိသူများတက်ရောက်ကြပြီး မြန်မာနိုင်ငံဆိုင်ရာ ပါကစ္စတန်နိုင်ငံ သံအမတ်ကြီးနှင့်အတူ တာဝန်ရှိသူများ တက်ရောက်ကြသည်။ သတင်းစဉ်MDN
Tue, 5-May-2026
အာရှဖလား ယူ-၁၇ အမျိုးသမီးပြိုင်ပွဲတွင် မြန်မာအသင်း နှစ်ပွဲဆက်အရေးနိမ့်
အာရှဖလား ယူ-၁၇ အမျိုးသမီးပြိုင်ပွဲတွင် မြန်မာအသင်း နှစ်ပွဲဆက်အရေးနိမ့်
ရန်ကုန်     မေ    ၄၂၀၂၆ အာရှဖလား ယူ-၁၇ အမျိုးသမီးပြိုင်ပွဲ အုပ်စု(A) ဒုတိယနေ့ကို မေ ၄ ရက်တွင် တရုတ်နိုင်ငံ၌ ဆက်လက်ကျင်းပရာ မြန်မာအသင်းက ထိုင်းအသင်းကို တစ်ဂိုး-ဂိုးမရှိဖြင့် အရေးနိမ့်ခဲ့သဖြင့် နှစ်ပွဲဆက် အရေးနိမ့်ခဲ့သည်။  မြန်မာအသင်း၏ နောက်တစ်ဆင့်တက်ရေး  မျှော်လင့်ချက်အတွက်  အရေးပါသည့်ပွဲဖြစ်သော်လည်း   ထိုင်းကိုအရေးနိမ့်ခဲ့သဖြင့် ရုန်းကန်ရတော့မည်ဖြစ်သည်။ ပြိုင်ပွဲကျင်းပနေသည့်ပုံစံအရ အုပ်စုသုံးခုမှ တတိယနေရာရသည့်သုံးသင်းအနက် အကောင်းဆုံးနှစ်သင်း နောက်တစ်ဆင့်တက်ခွင့်ရမည် ဖြစ်သောကြောင့်   မြန်မာအသင်း၏  နောက်တစ်ဆင့်တက်ရေး မျှော်လင့်ချက်အဆုံးမသတ်သေးသော်လည်း နောက်ဆုံးပွဲတွင် ဗီယက်နမ်ကို အနိုင်ရမှသာ မျှော်လင့်နိုင်မည်ဖြစ်သည်။မြန်မာ ယူ-၁၇ အမျိုးသမီးအသင်းနည်းပြချုပ်ဖြစ်သူ ဂျပန်နိုင်ငံသူ ကုမီကိုသည် တရုတ်နှင့် ကစားသည့် ပထမပွဲမှ ပွဲထွက်လူစာရင်းကို အပြောင်းအလဲအနည်းငယ်သာ  ပြုလုပ်ခဲ့ပြီး ဆောင်းပွင့်ဖြူ (ဂိုး)၊ သဲအိလှိုင်၊ ချစ်ပွင့်အောင်၊ ပင်မြင့်ယံ၊ မင်ထုန်မေဇီတာ၊ ဆောင်းသဇင်ဦး၊ ရှင်းသန့်ဖြူစင်ပြုံး၊ သော်တာနှင်း၊ အယ်အယ်ဆိုင်းလွှာနန်း၊ ခိုင်ဇင်မြင့်၊ သက်သက်ဝေတို့ကို အသုံးပြုခဲ့သည်။ မြန်မာအသင်းသည် ထိုင်းကို အပြန်အလှန်ကစားနိုင်သော်လည်း ရရှိသည့်အခွင့်အရေးများ အသုံးမချနိုင်သဖြင့် နစ်နာခဲ့ရသည်။ ထိုင်းအသင်းအတွက် တစ်လုံးတည်းသောအနိုင်ဂိုးကို  ၂၄ မိနစ်တွင်   မီရီကတ်က သွင်းယူခဲ့သည်။အုပ်စု(A) အခြားပွဲတွင် အိမ်ရှင်တရုတ်အသင်းက ဗီယက်နမ်အသင်းကို သုံးဂိုး-ဂိုးမရှိဖြင့်   အနိုင်ရရှိပြီး   ကွာတားဖိုင်နယ်သို့ အစောဆုံး တက်ရောက်ခဲ့သည်။   အုပ်စု(A) တွင်   အိမ်ရှင်တရုတ်အသင်းက   နှစ်ပွဲနိုင် ခြောက်မှတ်ရထားပြီး  ထိုင်းအသင်းက လေးမှတ်၊   ဗီယက်နမ်အသင်းက   တစ်မှတ်၊ မြန်မာအသင်းက အမှတ်မရသေးပေ။   အုပ်စုနောက်ဆုံးပွဲအဖြစ် မေ ၇ ရက်တွင်   မြန်မာအသင်းနှင့် ဗီယက်နမ်အသင်း၊ တရုတ်အသင်းနှင့် ထိုင်းအသင်းတို့ ယှဉ်ပြိုင်ကစားမည်ဖြစ်သည်။သတင်း - ကိုညီလေးဓာတ်ပုံ - MFFMDN
Tue, 5-May-2026
ဘန်ကောက်မြို့၌ အပူအညွှန်းကိန်း အလွန်အန္တရာယ်ရှိသောအဆင့်သို့ ရောက်ရှိ
ဘန်ကောက်မြို့၌ အပူအညွှန်းကိန်း အလွန်အန္တရာယ်ရှိသောအဆင့်သို့ ရောက်ရှိ
ဘန်ကောက်မြို့၌ မေလ ၄ ရက်တွင် အပူအညွှန်းကိန်းက ၅၂ ဒီဂရီစင်တီဂရိတ် ကျော်လွန်သွားပြီး အလွန်အန္တရာယ်ရှိသောအဆင့်သို့ ရောက်ရှိလာကြောင်း ဘန်ကောက်မြို့တော် စီမံခန့်ခွဲရေးအဖွဲ့၏ ပတ်ဝန်းကျင်ထိန်းသိမ်းရေးဌာနက ထုတ်ပြန်သည်။အဆိုပါ အလွန်အမင်းပူပြင်းသည့်အခြေအနေကြောင့် ပြည်သူများအနေဖြင့် အပြင်မထွက်ရန်၊ ပြင်ပလုပ်ငန်းဆောင်တာများ လုပ်ဆောင်ခြင်းကို ရှောင်ကြဉ်ရန်နှင့် အပူလျှပ်ခြင်းအန္တရာယ်ကို သတိပြုရန် သတိပေးထားသည်။ယခုထုတ်ပြန်ချက်သည် အပြင်တွင် အလုပ်လုပ်ကိုင်သူများသာမက ကလေးငယ်များ၊ သက်ကြီးရွယ်အိုများ၊ ကိုယ်ဝန်ဆောင်များနှင့် နာတာရှည်ရောဂါရှိသူများအတွက်ပါ အထူးသတိပြုရမည့် အနီရင့်ရောင်အဆင့် သတိပေးချက်ဖြစ်သည်။အပူအညွှန်းကိန်း မြင့်တက်နေစဉ် ပုံမှန်မဟုတ်သော ရောဂါလက္ခဏာများ ခံစားရပါက ဆေးကုသမှုကို ချက်ချင်းခံယူရန် တာဝန်ရှိသူများက တိုက်တွန်းထားသည်။အထူးသဖြင့် အသက်ငါးနှစ်အောက် ကလေးငယ်များ၊ အသက် ၆၀ ကျော် သက်ကြီးရွယ်အိုများ၊ အဝလွန်သူများ၊ အရက်သောက်သုံးသူများနှင့် အပြင်၌ ကိုယ်လက်လှုပ်ရှားမှု ပြုလုပ်သူများအနေဖြင့် ပိုမိုဂရုစိုက်ရန် လိုအပ်ကြောင်း သိရသည်။Ref: STMWD
Tue, 5-May-2026
ပိဋကသုံးပုံ အဋ္ဌကထာ ကွန်ပျူတာစာစီမူကျမ်းစာအုပ်များ ဆက်ကပ်လှူဒါန်းပွဲ မင်္ဂလာအခမ်းအနားကျင်းပ
ပိဋကသုံးပုံ အဋ္ဌကထာ ကွန်ပျူတာစာစီမူကျမ်းစာအုပ်များ ဆက်ကပ်လှူဒါန်းပွဲ မင်္ဂလာအခမ်းအနားကျင်းပ
ရန်ကုန် မေ ၃ ပိဋကသုံးပုံအဋ္ဌကထာကွန်ပျူတာ စာစီမူကျမ်းစာအုပ်များ ဆက်ကပ်လှူဒါန်းပွဲမင်္ဂလာအခမ်းအနားကို ယနေ့နံနက်ပိုင်းက ရန်ကုန်မြို့ မရမ်းကုန်းမြို့နယ်ရှိ မဟာ ပါသာဏလိုဏ်ဂူ သိမ်တော်၌ ကျင်းပသည်။ အခမ်းအနားသို့ နိုင်ငံတော်သံဃမဟာနာယကအဖွဲ့ဥက္ကဋ္ဌ အဘိဓဇမဟာရဋ္ဌဂုရု အဂ္ဂမဟာပဏ္ဍိတ အဂ္ဂမဟာသဒ္ဓမ္မဇောတိက ဓဇသန်လျင်မင်းကျောင်း ဆရာတော် ဒေါက်တာ ဘဒ္ဒန္တစန္ဒိမာ ဘိဝံသအမှူးပြုသည့် ရန်ကုန်တိုင်းဒေသကြီးအတွင်းရှိ စာသင်တိုက်ကြီးများမှ ဆရာတော်သံဃာတော်များ ကြွရောက်တော်မူကြပြီး သာသနာရေးဝန်ကြီးဌာန ပြည်ထောင်စုဝန်ကြီး ဦးတင်ဦးလွင်နှင့် ဇနီး၊ ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူ၊ တိုင်းဒေသကြီးဝန်ကြီးများ၊ အလှူရှင်များနှင့် ဖိတ်ကြားထားသူများ တက်ရောက်ကြသည်။ ဦးစွာ နိုင်ငံတော်သံဃမဟာနာယကအဖွဲ့ဥက္ကဋ္ဌ သန်လျင်မင်းကျောင်းဆရာတော် ဒေါက်တာ ဘဒ္ဒန္တစန္ဒိမာဘိဝံသမဟာထေရ်မြတ်ထံမှ ဧည့်ပရိသတ်များက ငါးပါးသီလခံယူဆောက်တည်ကြပြီး ဆရာတော်သံဃာတော်အရှင်သူမြတ်များက အန္တရာယ်ကင်းပရိတ်တရားတော်များ ရွတ်ပွားချီးမြှင့်တော်မူကြသည်။ ယင်းနောက် ပြည်ထောင်စုဝန်ကြီးက ပိဋကသုံးပုံအဋ္ဌကထာ ကွန်ပျူတာစာစီမူကျမ်းစာအုပ်များအား လှူဒါန်းရခြင်းအကြောင်းနှင့် စပ်လျဉ်း၍ ရှင်းလင်းလျှောက်ထားသည်။ ထို့နောက် ပြည်ထောင်စုဝန်ကြီးနှင့် ဇနီး၊ တိုင်းဒေသကြီး ဝန်ကြီးချုပ်၊ တိုင်းဒေသကြီး ဝန်ကြီးများ၊ အလှူရှင်များနှင့် တာဝန်ရှိသူများက ပိဋကသုံးပုံအဋ္ဌကထာ ကွန်ပျူတာစာစီမူ ကျမ်းစာအုပ်များအား နိုင်ငံတော်သံဃမဟာနာယကအဖွဲ့ဥက္ကဋ္ဌ ဆရာတော်ကြီး အမှူးပြုသည့် ရန်ကုန်တိုင်းဒေသကြီးအတွင်းရှိ စာသင်တိုက်ကြီးများမှ ဆရာတော်သံဃာတော်များထံ ဆက်ကပ်လှူဒါန်းကြပြီး အလှူရှင်များက အလှူငွေများ လှူဒါန်းကြရာ ပြည်ထောင်စုဝန်ကြီးက လက်ခံရယူသည်။ ဆက်လက်၍ နိုင်ငံတော်သံဃမဟာနာယကအဖွဲ့ဥက္ကဋ္ဌ သန်လျင်မင်းကျောင်းဆရာတော် မဟာထေရ်မြတ်က အနုမောဒနာနှင့် ရေစက်သွန်းချတရားဟောကြားချီးမြှင့်တော်မူပြီး အခမ်းအနားကို ရုပ်သိမ်းခဲ့သည်။ ယနေ့လှူဒါန်းသည့် ဆဋ္ဌသင်္ဂါယနာတင်အဋ္ဌကထာကျမ်းစာ ၅၁ အုပ် ကွန်ပျူတာစာမူပြုစုခြင်းလုပ်ငန်းအား ၂၀၂၄ ခုနှစ် ဇန်နဝါရီလမှ စတင်ခဲ့ခြင်းဖြစ်ကာ စာမူစိစစ်ရေးလုပ်ငန်းများကို အဆင့်ဆင့်ဆောင်ရွက်ခဲ့ပြီး ၂၀၂၅ ခုနှစ် စက်တင်ဘာလတွင် ပုံနှိပ်ထုတ်ဝေပြီးစီးခဲ့ပြီး ယခုကဲ့သို့ ဆရာတော်ကြီးများထံ ဆက်ကပ်လှူဒါန်းနိုင်ခဲ့ခြင်းဖြစ်ကြောင်း သိရသည်။ ဆက်လက်၍ ဆဋ္ဌသင်္ဂါယနာတင်ဋီကာကျမ်းစာ ၂၆ အုပ်ကို ကွန်ပျူတာစာမူပြုစုခြင်း စတင်ဆောင်ရွက်လျက်ရှိပြီး ဋီကာကျမ်းစာနှစ်အုပ်ပြီးစီးပြီး ကျန်စာအုပ်များ ဆက်လက်ဆောင်ရွက်လျက်ရှိကြောင်းနှင့် ပုံနှိပ်ထုတ်ဝေပြီးသော အဋ္ဌကထာကျမ်းစာ ၅၁ အုပ်ကို သာသနာရေးဦးစီးဌာနက e-book စနစ်ဖြင့် ဖတ်ရှုနိုင်ရေးဆက်လက်ဆောင်ရွက်လျက်ရှိ၍ ယခုပြုစုထုတ်ဝေခဲ့သော ဆဋ္ဌမူကွန်ပျူတာ စာစီကျမ်းစာများကို ပရိယတ္တိသာသနာပြန့်ပွားအောင် ဆောင်ရွက်တော်မူကြသည့် သံဃာတော်များ၏ စာချစာသင်လုပ်ငန်းများတွင် အထောက်အကူပြုစေရန် ဓမ္မဒါနကုသိုလ်ယူ ပါဝင်လှူဒါန်းကြခြင်းဖြစ်ကြောင်း သိရသည်။ သတင်းစဉ်MDN
Mon, 4-May-2026
© Copyright 2024 SAC All Rights Reserved.