အာရှဖလား ယူ-၁၇ အမျိုးသမီးပြိုင်ပွဲတွင် မြန်မာအသင်း နှစ်ပွဲဆက်အရေးနိမ့်

News Image

ရန်ကုန် မေ ၄

၂၀၂၆ အာရှဖလား ယူ-၁၇ အမျိုးသမီးပြိုင်ပွဲ အုပ်စု(A) ဒုတိယနေ့ကို မေ ၄ ရက်တွင် တရုတ်နိုင်ငံ၌ ဆက်လက်ကျင်းပရာ မြန်မာအသင်းက ထိုင်းအသင်းကို တစ်ဂိုး-ဂိုးမရှိဖြင့် အရေးနိမ့်ခဲ့သဖြင့် နှစ်ပွဲဆက် အရေးနိမ့်ခဲ့သည်။

မြန်မာအသင်း၏ နောက်တစ်ဆင့်တက်ရေး မျှော်လင့်ချက်အတွက် အရေးပါသည့်ပွဲဖြစ်သော်လည်း ထိုင်းကိုအရေးနိမ့်ခဲ့သဖြင့် ရုန်းကန်ရတော့မည်ဖြစ်သည်။ ပြိုင်ပွဲကျင်းပနေသည့်ပုံစံအရ အုပ်စုသုံးခုမှ တတိယနေရာရသည့်သုံးသင်းအနက် အကောင်းဆုံးနှစ်သင်း နောက်တစ်ဆင့်တက်ခွင့်ရမည် ဖြစ်သောကြောင့် မြန်မာအသင်း၏ နောက်တစ်ဆင့်တက်ရေး မျှော်လင့်ချက်အဆုံးမသတ်သေးသော်လည်း နောက်ဆုံးပွဲတွင် ဗီယက်နမ်ကို အနိုင်ရမှသာ မျှော်လင့်နိုင်မည်ဖြစ်သည်။

မြန်မာ ယူ-၁၇ အမျိုးသမီးအသင်းနည်းပြချုပ်ဖြစ်သူ ဂျပန်နိုင်ငံသူ ကုမီကိုသည် တရုတ်နှင့် ကစားသည့် ပထမပွဲမှ ပွဲထွက်လူစာရင်းကို အပြောင်းအလဲအနည်းငယ်သာ ပြုလုပ်ခဲ့ပြီး ဆောင်းပွင့်ဖြူ (ဂိုး)၊ သဲအိလှိုင်၊ ချစ်ပွင့်အောင်၊ ပင်မြင့်ယံ၊ မင်ထုန်မေဇီတာ၊ ဆောင်းသဇင်ဦး၊ ရှင်းသန့်ဖြူစင်ပြုံး၊ သော်တာနှင်း၊ အယ်အယ်ဆိုင်းလွှာနန်း၊ ခိုင်ဇင်မြင့်၊ သက်သက်ဝေတို့ကို အသုံးပြုခဲ့သည်။ မြန်မာအသင်းသည် ထိုင်းကို အပြန်အလှန်ကစားနိုင်သော်လည်း ရရှိသည့်အခွင့်အရေးများ အသုံးမချနိုင်သဖြင့် နစ်နာခဲ့ရသည်။ ထိုင်းအသင်းအတွက် တစ်လုံးတည်းသောအနိုင်ဂိုးကို ၂၄ မိနစ်တွင် မီရီကတ်က သွင်းယူခဲ့သည်။

အုပ်စု(A) အခြားပွဲတွင် အိမ်ရှင်တရုတ်အသင်းက ဗီယက်နမ်အသင်းကို သုံးဂိုး-ဂိုးမရှိဖြင့် အနိုင်ရရှိပြီး ကွာတားဖိုင်နယ်သို့ အစောဆုံး တက်ရောက်ခဲ့သည်။ အုပ်စု(A) တွင် အိမ်ရှင်တရုတ်အသင်းက နှစ်ပွဲနိုင် ခြောက်မှတ်ရထားပြီး ထိုင်းအသင်းက လေးမှတ်၊ ဗီယက်နမ်အသင်းက တစ်မှတ်၊ မြန်မာအသင်းက အမှတ်မရသေးပေ။ အုပ်စုနောက်ဆုံးပွဲအဖြစ် မေ ၇ ရက်တွင် မြန်မာအသင်းနှင့် ဗီယက်နမ်အသင်း၊ တရုတ်အသင်းနှင့် ထိုင်းအသင်းတို့ ယှဉ်ပြိုင်ကစားမည်ဖြစ်သည်။

သတင်း - ကိုညီလေး

ဓာတ်ပုံ - MFF

MDN

MM-News-Category

လူမှုရေးကဏ္ဍသတင်း

လူမှုရေး-အားကစား

ဒုတိယသမ္မတ ဒေါ်နန်းနီနီအေး မြန်မာနိုင်ငံဆိုင်ရာ ပါကစ္စတန်နိုင်ငံ သံအမတ်ကြီး H.E. Mr. Tariq Karim အား လက်ခံတွေ့ဆုံ

နေပြည်တော် မေ ၄ ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဒေါ်နန်းနီနီအေးသည် မြန်မာနိုင်ငံဆိုင်ရာ ပါကစ္စတန်နိုင်ငံ သံအမတ်ကြီး H.E. Mr. Tariq Karim အား ယနေ့မွန်းလွဲပိုင်းတွင် နေပြည်တော်ရှိ နိုင်ငံတော်သမ္မတရုံး ဧည့်တွေ့ခန်းမ၌ လက်ခံတွေ့ဆုံသည်။ အမြင်ချင်းဖလှယ်ဆွေးနွေး တွေ့ဆုံစဉ် မြန်မာ - ပါကစ္စတန် နှစ်နိုင်ငံအကြား ချစ်ကြည်ရင်းနှီးမှု ပိုမိုခိုင်မြဲစေရေး၊ ပညာရေးနှင့် အမျိုးသမီးကဏ္ဍဖွံ့ဖြိုးတိုးတက်ရေး ဆောင်ရွက်သွားမည့်ကိစ္စရပ်များ၊ ဆေးဘက်ဆိုင်ရာနှီးနှောဖလှယ်ပွဲများ၊ ကုသရေးအတွေ့အကြုံများ ဖလှယ်ခြင်းနှင့် ဆေးဘက်ဆိုင်ရာ သုတေသနလုပ်ငန်းများ ပူးပေါင်းဆောင်ရွက်သွားနိုင်ရေး ကိစ္စရပ်များနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးကြသည်။ တက်ရောက် တွေ့ဆုံပွဲသို့ ဒုတိယသမ္မတနှင့်အတူ နိုင်ငံခြားရေးဝန်ကြီးဌာန ဒုတိယဝန်ကြီး ဦးနိုင်မင်းကျော်နှင့် တာဝန်ရှိသူများတက်ရောက်ကြပြီး မြန်မာနိုင်ငံဆိုင်ရာ ပါကစ္စတန်နိုင်ငံ သံအမတ်ကြီးနှင့်အတူ တာဝန်ရှိသူများ တက်ရောက်ကြသည်။ သတင်းစဉ်MDN

Tue, 5-May-2026

အာရှဖလား ယူ-၁၇ အမျိုးသမီးပြိုင်ပွဲတွင် မြန်မာအသင်း နှစ်ပွဲဆက်အရေးနိမ့်

ရန်ကုန် မေ ၄၂၀၂၆ အာရှဖလား ယူ-၁၇ အမျိုးသမီးပြိုင်ပွဲ အုပ်စု(A) ဒုတိယနေ့ကို မေ ၄ ရက်တွင် တရုတ်နိုင်ငံ၌ ဆက်လက်ကျင်းပရာ မြန်မာအသင်းက ထိုင်းအသင်းကို တစ်ဂိုး-ဂိုးမရှိဖြင့် အရေးနိမ့်ခဲ့သဖြင့် နှစ်ပွဲဆက် အရေးနိမ့်ခဲ့သည်။ မြန်မာအသင်း၏ နောက်တစ်ဆင့်တက်ရေး မျှော်လင့်ချက်အတွက် အရေးပါသည့်ပွဲဖြစ်သော်လည်း ထိုင်းကိုအရေးနိမ့်ခဲ့သဖြင့် ရုန်းကန်ရတော့မည်ဖြစ်သည်။ ပြိုင်ပွဲကျင်းပနေသည့်ပုံစံအရ အုပ်စုသုံးခုမှ တတိယနေရာရသည့်သုံးသင်းအနက် အကောင်းဆုံးနှစ်သင်း နောက်တစ်ဆင့်တက်ခွင့်ရမည် ဖြစ်သောကြောင့် မြန်မာအသင်း၏ နောက်တစ်ဆင့်တက်ရေး မျှော်လင့်ချက်အဆုံးမသတ်သေးသော်လည်း နောက်ဆုံးပွဲတွင် ဗီယက်နမ်ကို အနိုင်ရမှသာ မျှော်လင့်နိုင်မည်ဖြစ်သည်။မြန်မာ ယူ-၁၇ အမျိုးသမီးအသင်းနည်းပြချုပ်ဖြစ်သူ ဂျပန်နိုင်ငံသူ ကုမီကိုသည် တရုတ်နှင့် ကစားသည့် ပထမပွဲမှ ပွဲထွက်လူစာရင်းကို အပြောင်းအလဲအနည်းငယ်သာ ပြုလုပ်ခဲ့ပြီး ဆောင်းပွင့်ဖြူ (ဂိုး)၊ သဲအိလှိုင်၊ ချစ်ပွင့်အောင်၊ ပင်မြင့်ယံ၊ မင်ထုန်မေဇီတာ၊ ဆောင်းသဇင်ဦး၊ ရှင်းသန့်ဖြူစင်ပြုံး၊ သော်တာနှင်း၊ အယ်အယ်ဆိုင်းလွှာနန်း၊ ခိုင်ဇင်မြင့်၊ သက်သက်ဝေတို့ကို အသုံးပြုခဲ့သည်။ မြန်မာအသင်းသည် ထိုင်းကို အပြန်အလှန်ကစားနိုင်သော်လည်း ရရှိသည့်အခွင့်အရေးများ အသုံးမချနိုင်သဖြင့် နစ်နာခဲ့ရသည်။ ထိုင်းအသင်းအတွက် တစ်လုံးတည်းသောအနိုင်ဂိုးကို ၂၄ မိနစ်တွင် မီရီကတ်က သွင်းယူခဲ့သည်။အုပ်စု(A) အခြားပွဲတွင် အိမ်ရှင်တရုတ်အသင်းက ဗီယက်နမ်အသင်းကို သုံးဂိုး-ဂိုးမရှိဖြင့် အနိုင်ရရှိပြီး ကွာတားဖိုင်နယ်သို့ အစောဆုံး တက်ရောက်ခဲ့သည်။ အုပ်စု(A) တွင် အိမ်ရှင်တရုတ်အသင်းက နှစ်ပွဲနိုင် ခြောက်မှတ်ရထားပြီး ထိုင်းအသင်းက လေးမှတ်၊ ဗီယက်နမ်အသင်းက တစ်မှတ်၊ မြန်မာအသင်းက အမှတ်မရသေးပေ။ အုပ်စုနောက်ဆုံးပွဲအဖြစ် မေ ၇ ရက်တွင် မြန်မာအသင်းနှင့် ဗီယက်နမ်အသင်း၊ တရုတ်အသင်းနှင့် ထိုင်းအသင်းတို့ ယှဉ်ပြိုင်ကစားမည်ဖြစ်သည်။သတင်း - ကိုညီလေးဓာတ်ပုံ - MFFMDN

Tue, 5-May-2026

ဘန်ကောက်မြို့၌ အပူအညွှန်းကိန်း အလွန်အန္တရာယ်ရှိသောအဆင့်သို့ ရောက်ရှိ

ဘန်ကောက်မြို့၌ မေလ ၄ ရက်တွင် အပူအညွှန်းကိန်းက ၅၂ ဒီဂရီစင်တီဂရိတ် ကျော်လွန်သွားပြီး အလွန်အန္တရာယ်ရှိသောအဆင့်သို့ ရောက်ရှိလာကြောင်း ဘန်ကောက်မြို့တော် စီမံခန့်ခွဲရေးအဖွဲ့၏ ပတ်ဝန်းကျင်ထိန်းသိမ်းရေးဌာနက ထုတ်ပြန်သည်။အဆိုပါ အလွန်အမင်းပူပြင်းသည့်အခြေအနေကြောင့် ပြည်သူများအနေဖြင့် အပြင်မထွက်ရန်၊ ပြင်ပလုပ်ငန်းဆောင်တာများ လုပ်ဆောင်ခြင်းကို ရှောင်ကြဉ်ရန်နှင့် အပူလျှပ်ခြင်းအန္တရာယ်ကို သတိပြုရန် သတိပေးထားသည်။ယခုထုတ်ပြန်ချက်သည် အပြင်တွင် အလုပ်လုပ်ကိုင်သူများသာမက ကလေးငယ်များ၊ သက်ကြီးရွယ်အိုများ၊ ကိုယ်ဝန်ဆောင်များနှင့် နာတာရှည်ရောဂါရှိသူများအတွက်ပါ အထူးသတိပြုရမည့် အနီရင့်ရောင်အဆင့် သတိပေးချက်ဖြစ်သည်။အပူအညွှန်းကိန်း မြင့်တက်နေစဉ် ပုံမှန်မဟုတ်သော ရောဂါလက္ခဏာများ ခံစားရပါက ဆေးကုသမှုကို ချက်ချင်းခံယူရန် တာဝန်ရှိသူများက တိုက်တွန်းထားသည်။အထူးသဖြင့် အသက်ငါးနှစ်အောက် ကလေးငယ်များ၊ အသက် ၆၀ ကျော် သက်ကြီးရွယ်အိုများ၊ အဝလွန်သူများ၊ အရက်သောက်သုံးသူများနှင့် အပြင်၌ ကိုယ်လက်လှုပ်ရှားမှု ပြုလုပ်သူများအနေဖြင့် ပိုမိုဂရုစိုက်ရန် လိုအပ်ကြောင်း သိရသည်။Ref: STMWD

Tue, 5-May-2026

ပိဋကသုံးပုံ အဋ္ဌကထာ ကွန်ပျူတာစာစီမူကျမ်းစာအုပ်များ ဆက်ကပ်လှူဒါန်းပွဲ မင်္ဂလာအခမ်းအနားကျင်းပ

ရန်ကုန် မေ ၃ ပိဋကသုံးပုံအဋ္ဌကထာကွန်ပျူတာ စာစီမူကျမ်းစာအုပ်များ ဆက်ကပ်လှူဒါန်းပွဲမင်္ဂလာအခမ်းအနားကို ယနေ့နံနက်ပိုင်းက ရန်ကုန်မြို့ မရမ်းကုန်းမြို့နယ်ရှိ မဟာ ပါသာဏလိုဏ်ဂူ သိမ်တော်၌ ကျင်းပသည်။ အခမ်းအနားသို့ နိုင်ငံတော်သံဃမဟာနာယကအဖွဲ့ဥက္ကဋ္ဌ အဘိဓဇမဟာရဋ္ဌဂုရု အဂ္ဂမဟာပဏ္ဍိတ အဂ္ဂမဟာသဒ္ဓမ္မဇောတိက ဓဇသန်လျင်မင်းကျောင်း ဆရာတော် ဒေါက်တာ ဘဒ္ဒန္တစန္ဒိမာ ဘိဝံသအမှူးပြုသည့် ရန်ကုန်တိုင်းဒေသကြီးအတွင်းရှိ စာသင်တိုက်ကြီးများမှ ဆရာတော်သံဃာတော်များ ကြွရောက်တော်မူကြပြီး သာသနာရေးဝန်ကြီးဌာန ပြည်ထောင်စုဝန်ကြီး ဦးတင်ဦးလွင်နှင့် ဇနီး၊ ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူ၊ တိုင်းဒေသကြီးဝန်ကြီးများ၊ အလှူရှင်များနှင့် ဖိတ်ကြားထားသူများ တက်ရောက်ကြသည်။ ဦးစွာ နိုင်ငံတော်သံဃမဟာနာယကအဖွဲ့ဥက္ကဋ္ဌ သန်လျင်မင်းကျောင်းဆရာတော် ဒေါက်တာ ဘဒ္ဒန္တစန္ဒိမာဘိဝံသမဟာထေရ်မြတ်ထံမှ ဧည့်ပရိသတ်များက ငါးပါးသီလခံယူဆောက်တည်ကြပြီး ဆရာတော်သံဃာတော်အရှင်သူမြတ်များက အန္တရာယ်ကင်းပရိတ်တရားတော်များ ရွတ်ပွားချီးမြှင့်တော်မူကြသည်။ ယင်းနောက် ပြည်ထောင်စုဝန်ကြီးက ပိဋကသုံးပုံအဋ္ဌကထာ ကွန်ပျူတာစာစီမူကျမ်းစာအုပ်များအား လှူဒါန်းရခြင်းအကြောင်းနှင့် စပ်လျဉ်း၍ ရှင်းလင်းလျှောက်ထားသည်။ ထို့နောက် ပြည်ထောင်စုဝန်ကြီးနှင့် ဇနီး၊ တိုင်းဒေသကြီး ဝန်ကြီးချုပ်၊ တိုင်းဒေသကြီး ဝန်ကြီးများ၊ အလှူရှင်များနှင့် တာဝန်ရှိသူများက ပိဋကသုံးပုံအဋ္ဌကထာ ကွန်ပျူတာစာစီမူ ကျမ်းစာအုပ်များအား နိုင်ငံတော်သံဃမဟာနာယကအဖွဲ့ဥက္ကဋ္ဌ ဆရာတော်ကြီး အမှူးပြုသည့် ရန်ကုန်တိုင်းဒေသကြီးအတွင်းရှိ စာသင်တိုက်ကြီးများမှ ဆရာတော်သံဃာတော်များထံ ဆက်ကပ်လှူဒါန်းကြပြီး အလှူရှင်များက အလှူငွေများ လှူဒါန်းကြရာ ပြည်ထောင်စုဝန်ကြီးက လက်ခံရယူသည်။ ဆက်လက်၍ နိုင်ငံတော်သံဃမဟာနာယကအဖွဲ့ဥက္ကဋ္ဌ သန်လျင်မင်းကျောင်းဆရာတော် မဟာထေရ်မြတ်က အနုမောဒနာနှင့် ရေစက်သွန်းချတရားဟောကြားချီးမြှင့်တော်မူပြီး အခမ်းအနားကို ရုပ်သိမ်းခဲ့သည်။ ယနေ့လှူဒါန်းသည့် ဆဋ္ဌသင်္ဂါယနာတင်အဋ္ဌကထာကျမ်းစာ ၅၁ အုပ် ကွန်ပျူတာစာမူပြုစုခြင်းလုပ်ငန်းအား ၂၀၂၄ ခုနှစ် ဇန်နဝါရီလမှ စတင်ခဲ့ခြင်းဖြစ်ကာ စာမူစိစစ်ရေးလုပ်ငန်းများကို အဆင့်ဆင့်ဆောင်ရွက်ခဲ့ပြီး ၂၀၂၅ ခုနှစ် စက်တင်ဘာလတွင် ပုံနှိပ်ထုတ်ဝေပြီးစီးခဲ့ပြီး ယခုကဲ့သို့ ဆရာတော်ကြီးများထံ ဆက်ကပ်လှူဒါန်းနိုင်ခဲ့ခြင်းဖြစ်ကြောင်း သိရသည်။ ဆက်လက်၍ ဆဋ္ဌသင်္ဂါယနာတင်ဋီကာကျမ်းစာ ၂၆ အုပ်ကို ကွန်ပျူတာစာမူပြုစုခြင်း စတင်ဆောင်ရွက်လျက်ရှိပြီး ဋီကာကျမ်းစာနှစ်အုပ်ပြီးစီးပြီး ကျန်စာအုပ်များ ဆက်လက်ဆောင်ရွက်လျက်ရှိကြောင်းနှင့် ပုံနှိပ်ထုတ်ဝေပြီးသော အဋ္ဌကထာကျမ်းစာ ၅၁ အုပ်ကို သာသနာရေးဦးစီးဌာနက e-book စနစ်ဖြင့် ဖတ်ရှုနိုင်ရေးဆက်လက်ဆောင်ရွက်လျက်ရှိ၍ ယခုပြုစုထုတ်ဝေခဲ့သော ဆဋ္ဌမူကွန်ပျူတာ စာစီကျမ်းစာများကို ပရိယတ္တိသာသနာပြန့်ပွားအောင် ဆောင်ရွက်တော်မူကြသည့် သံဃာတော်များ၏ စာချစာသင်လုပ်ငန်းများတွင် အထောက်အကူပြုစေရန် ဓမ္မဒါနကုသိုလ်ယူ ပါဝင်လှူဒါန်းကြခြင်းဖြစ်ကြောင်း သိရသည်။ သတင်းစဉ်MDN

Mon, 4-May-2026

ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ် မဟာမင်္ဂလာအထိမ်းအမှတ် အထူးပြပွဲ မေ ၁၀ ရက်အထိ ဖွင့်လှစ်ပြသမည်

ရန်ကုန် မေ ၃ ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ် မဟာမင်္ဂလာအထိမ်းအမှတ် အထူးပြပွဲကို ရန်ကုန်မြို့ မရမ်းကုန်းမြို့နယ် သီရိမင်္ဂလာကမ္ဘာအေးကုန်းမြေ မဟာပါသာဏလိုဏ်ဂူတော် ပရိဝုဏ်အတွင်း၌ မေ ၁၀ ရက်အထိ ပြသသွားမည်ဖြစ်ကြောင်း သိရသည်။ ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ်အထူးပြပွဲပြခန်းကို ဧပြီ ၃၀ ရက်က စတင်ဖွင့်လှစ်ခဲ့ရာ စိတ်ပါဝင်စားသူပြည်သူများ လာရောက်ကြည်ညိုနိုင်ရန်အတွက် မေ ၁၀ ရက်အထိ နေ့စဉ်နံနက် ၉ နာရီမှ ညနေ ၅ နာရီအထိ ဖွင့်လှစ်ပြသထားမည်ဖြစ်ပြီး မည်သူမဆို အခမဲ့ဝင်ရောက်ကြည့်ရှု လေ့လာနိုင်ကြသည်။ ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ်မဟာမင်္ဂလာအထိမ်းအမှတ် အထူးပြပွဲတွင် ပထမသင်္ဂါယနာတင်မှ ဆဋ္ဌသင်္ဂါယနာတင်အကြောင်းအရာများနှင့် ယနေ့ခေတ်သာသနာရေးဆိုင်ရာ ဆောင်ရွက်ချက်များဖြင့် ပြကွက် ၁၀ ကွက်ဖြင့် ပြသထားကာ ပြကွက် (၁) တွင် ဘုရားလောင်းပဋိသန္ဓေယူခန်း၊ ဘုရားလောင်းဖွားတော်မူခန်း၊ ဘုရားဖြစ်တော်မူခန်း၊ ပဉ္စဝဂ္ဂီငါးဦးအား ဓမ္မစကြာတရားဦးဟောတော်မူခန်း၊ ပရိနိဗ္ဗာန်စံတော်မူခန်း ပြကွက်၊ ပြကွက် (၂) တွင် အိန္ဒိယနိုင်ငံတွင် နှုတ်တက်အာဂုံရွတ်ဆို၍ တင်တော်မူခဲ့ကြသည့် သင်္ဂါယနာ၏ အဓိပ္ပာယ်ဖွင့်ဆိုချက်၊ ပထမသင်္ဂါယနာတင်ပြကွက်၊ ဒုတိယသင်္ဂါယနာတင်ပြကွက်၊ တတိယသင်္ဂါယ နာတင်ပြကွက်၊ ပြကွက် (၃) တွင် သီရိလင်္ကာနိုင်ငံ၌ ပေထက်အက္ခရာတင်ခဲ့သည့် စတုတ္ထသင်္ဂါယနာတင်ပြကွက်နှင့် မြန်မာနိုင်ငံ မန္တလေးမြို့၌ မင်းတုန်းမင်းကြီးလက်ထက် ကျောက်ထက်အက္ခရာတင်ခဲ့သည့် ပဉ္စမသင်္ဂါယနာတင်ပြကွက်ကို ကုသိုလ်တော်ဓမ္မစေတီများနှင့် အတူပြသခြင်း၊ ပြကွက် (၄) တွင် ဆဋ္ဌသင်္ဂါယနာတင်ရန် မဟာပါသာဏလိုဏ်ဂူတော် တည်ဆောက်မှုမှတ်တမ်း၊ ဖွားဖက်တော်အဆောက်အအုံကိုးခုနှင့် ဆဋ္ဌသင်္ဂါယနာတင် အခမ်းအနားကျင်းပနေသည့် မှတ်တမ်းများ၊ ပြကွက် (၅) တွင် ထေရဝါဒငါးနိုင်ငံမှ သံဃရာဇာခြောက်ပါးနှင့် ဆဋ္ဌဝန်ဆောင်ဆရာတော်ကြီး ၂၄ ပါး၊ ညောင်ရမ်းဆရာတော်၊ မစိုးရိမ်ဆရာတော်၊ မဟာစည်ဆရာတော်၊ မင်းကွန်းဆရာတော်တို့၏ ရုပ်တုများ၊ ဒါယကာဦးနု၏ ကိုယ်တစ်ပိုင်းရုပ်တု၊ ဆာဦးသွင်၏ ကိုယ်တစ်ပိုင်း ရုပ်တု၊ ပြကွက် (၆) တွင် ဆဋ္ဌသင်္ဂါယနာတင်ရာတွင် ဆဋ္ဌသင်္ဂါယနာတင်ပွဲဖိတ်ကြားစာ၊ ဆဋ္ဌသင်္ဂါယနာတင်ရာတွင် တပ်ဆင်အသုံးပြုခဲ့သော တံဆိပ်များ၊ ဆဋ္ဌသင်္ဂါယနာတင်ပွဲတွင် မင်းကွန်းဆရာတော်ဘုရားကြီးအား ဆက်ကပ်ခဲ့သော ဆင်စွယ်ယပ်ဝန်း၊ ဆရာတော်ကြီးများ ဆွမ်းဘုဉ်းပေးရန် အင်္ဂလန်မှ မှာယူသည့် ပန်းကန်ခွက်ယောက်များ၊ ဇွန်းများ၊ ဆရာတော်ကြီးများ၏ အသုံးအဆောင်ပစ္စည်းများ၊ ပြကွက် (၇) တွင် အခြားနိုင်ငံများမှ လှူဒါန်းသော ပစ္စည်းများပြကွက်၌ ထိုင်းပြခန်းမှ ပြသထားသော ဓာတ်ပုံလေးပုံ၊ ထိုင်းပေ ၁၀ ချပ်၊ ကမ္ဘောဒီးယား၊ လာအို၊ တိဘက် (တရုတ်) တို့မှ လှူဒါန်းပစ္စည်းများ၊ လာအိုစေတီများ၊ အိန္ဒိယသံအမတ်ကြီးလှူဒါန်းသော ဆင်းတု၊ ဆဋ္ဌသင်္ဂါယနာတင်ကာလအတွင်း အိန္ဒိယနိုင်ငံမှ လှူဒါန်းခဲ့သော ရုပ်တု၊ သီရိလင်္ကာပြခန်း၊ နံရံကပ်ပန်းချီပုံ၊ ပြကွက်(၈)တွင် ရှေးပုံနှိပ်စက်များ၊ ခဲစာလုံးများ၊ ပိဋကတ်တော်ဆိုင်ရာ ပုံနှိပ်စာအုပ်မူသုံးမျိုး၊ ပြကွက် (၉) တွင် အဋ္ဌကထာပြခန်းသီးသန့်ပြုလုပ်ခြင်း၊ အဋ္ဌကထာစာအုပ်များ ထုတ်ဝေရန် ဆရာတော်ကြီး ဩဝါဒပေးခြင်း၊ စာစီစာရိုက်ခြင်း၊ အကြီးအကဲအား ပြည်ထောင်စုဝန်ကြီး စာအုပ်ပြနေသောပုံ၊ သာသနာတော်ထွန်းကားပြန့်ပွားရေးဦးစီးဌာနက ဆောင်ရွက်နေသော အင်္ဂလိပ်ဘာသာပြန်နေသောပုံများ၊ ပါဠိ၊ မြန်မာအဘိဓာန်စာအုပ်များ ၂၅တွဲ ၂၉ အုပ်၊ ပါဠိ-မြန်မာ-အင်္ဂလိပ်ဘာသာပြန်စာအုပ်များ၊ ပြကွက် (၁၀) တွင် သာသနာတော် ဆက်လက်အဓွန့်ရှည်တည်တံ့ခြင်း အထိမ်းအမှတ်ကို ရည်ရွယ်၍ တည်ထားကိုးကွယ်ပူဇော်သော သာသနိကအဆောက်အအုံများ၏ ပြကွက်များ ပြသထားသည်။ သင်္ဂါယနာကို သာသနာသက္ကရာဇ် ၁ ခုနှစ်တွင် ပထမအကြိမ်၊ သာသနာသက္ကရာဇ် ၁၀၀ ပြည့်နှစ်တွင် ဒုတိယအကြိမ်၊ သာသနာသက္ကရာဇ် ၂၃၅ ခုနှစ်တွင် တတိယအကြိမ်၊ သာသနာသက္ကရာဇ် ၄၅၀ ပြည့်နှစ်တွင် စတုတ္ထအကြိမ်၊ သာသနာသက္ကရာဇ် ၂၄၁၅ ခုနှစ်တွင် ပဉ္စမအကြိမ်၊ သာသနာနှစ် ၂၄၉၈ ခုနှစ် (ခရစ်နှစ် ၁၉၅၄ ခုနှစ်) ဝန်ကြီးချုပ် ဦးနုလက်ထက်တွင် ဤမဟာပါသာဏလိုဏ်ဂူသိမ်တော်ကြီး၌ မြန်မာနိုင်ငံမှ ညောင်ရမ်းဆရာတော်ကြီး ဘဒ္ဒန္တရေဝတနှင့် မစိုးရိမ်ဆရာတော်ကြီး ဘဒ္ဒန္တသူရိယာဘိဝံသတို့ အမှူးပြုသော ပြည်ပထေရဝါဒလေးနိုင်ငံနှင့် အိန္ဒိယ၊ နီပေါ၊ ပါကစ္စတန်နိုင်ငံအပါအဝင် သံဃာတော်အပါး ၂၅၀၀ တို့က နှစ်နှစ်တိုင် စုပေါင်းရွတ်ဆို၍ ဆဋ္ဌသင်္ဂါယနာတင်ခဲ့ပြီး ယခု ၂၀၂၆ ခုနှစ်တွင် နှစ်ပေါင်း ၇၀ ပြည့်မြောက်ခဲ့ပြီဖြစ်သည်။ ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ်မဟာမင်္ဂလာအထိမ်းအမှတ် အထူးပြပွဲကို ဗုဒ္ဓရှင်တော်မြတ်၏ မူလသာသနာ တော်တည်တံ့ခိုင်မြဲပြန့်ပွားစေရန်၊ ဗုဒ္ဓသာသနာတော်ကို သင်္ဂါယနာတင်ပွဲများ ပထမအကြိမ်မှ ဆဋ္ဌမအကြိမ်ထိ ခဲယဉ်းစွာကျင်းပပြီး ထိန်းသိမ်းခဲ့ပုံကို သိမြင်နိုင်စေရန်နှင့် အထောက်အထားများ ပြည်စုံစွာ သိရှိနိုင်စေရန် ဆဋ္ဌသင်္ဂါယနာတင်ခြင်းနှင့် ပတ်သက်သောအကြောင်းအရာ အချက်အလက်များ ပြည်စုံစွာသိရှိနိုင်စေရန်၊ ထေရဝါဒဗုဒ္ဓ သာသနာတော်တည်တံ့ခိုင်မြဲစေရန် ဆရာတော်သံဃာတော်ကြီးများ၊ နိုင်ငံတော်အစိုးရနှင့် တိုင်းသူပြည်သားများက ခေတ်အဆက်ဆက်တွင် ဘက်ပေါင်းစုံမှ ကြိုးစား၍ ထိန်းသိမ်းစောင့်ရှောက်ဆောင်ရွက်ခဲ့ပုံများကို လေ့လာသိရှိကြည်ညိုသဒ္ဓါပွားများနိုင်စေရန် ယနေ့ခေတ် ဗုဒ္ဓဘာသာဝင်တိုင်းတွင် အလားတူတာဝန်ရှိသည်ကို သိမြင်နိုင်စေရန် ရည်ရွယ်ချက်ဖြင့် ပြသကြောင်း သိရသည်။ သတင်းစဉ်MDN

Mon, 4-May-2026

ညောင်လေးပင်မြို့နယ်၌ ကျွဲ၊ နွားများအား ကာကွယ်ဆေးထိုးနှံပေး

ညောင်လေးပင် မေ ၃ ပဲခူးတိုင်းဒေသကြီး ညောင်လေးပင်မြို့နယ် မွေးမြူရေးနှင့် ကုသရေးဦးစီးဌာနက မေ ၃ ရက် နံနက်ပိုင်းက စံဖဲကျေးရွာရှိ ဒေသခံတောင်သူများအား မွေးမြူရေးဆိုင်ရာ အသိပညာပေး ဟောပြောခြင်းနှင့် ကာကွယ်ဆေး ထိုးနှံပေးခြင်းလုပ်ငန်းများကို ဆောင်ရွက်သည်။ ညောင်လေးပင်မြို့နယ် မွေးမြူရေးနှင့်ကုသရေးဦးစီးဌာနမှ မြို့နယ်ဦးစီးမှူး ဒေါက်တာမျိုးမင်းအောင် ဦးဆောင်၍ ဝန်ထမ်းများက မွေးမြူသူ ဒေသခံတောင်သူများနှင့်တွေ့ဆုံကာ မွေးမြူရေးဆိုင်ရာ အသိပညာပေး ဟောပြောဆွေးနွေးခြင်းများဆောင်ရွက်ပေးကြပြီး ဒေသခံတောင်သူများ မွေးမြူထားသော ကျွဲ၊ နွားများအား ကူးစက်ရောဂါ ကာကွယ်ဆေးများ ထိုးနှံပေးခဲ့ကြောင်း သိရသည်။နေလင်း(ညောင်လေးပင်)MDN

Mon, 4-May-2026

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

အာရှဖလား ယူ-၁၇ အမျိုးသမီးပြိုင်ပွဲတွင် မြန်မာအသင်း နှစ်ပွဲဆက်အရေးနိမ့်

News Image

Event & Guidlines

Contact

Quick Link

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

လူမှုရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

လူမှုရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

လူမှုရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

News Image

ဆက်စပ်သတင်းများ

Event & Guidlines

Contact

Quick Link