ကရင်ပြည်နယ်ဝန်ကြီးချုပ် ဦးစောမြင့်ဦး ကျေးလက်ရေပေးဝေရေးနှင့် မြစိမ်းရောင် ကျေးရွာစီမံကိန်းလုပ်ငန်းများ ကြည့်ရှုစစ်ဆေး

NoahJune222

News Image

  • ကရင်ပြည်နယ်ဝန်ကြီးချုပ် ဦးစောမြင့်ဦး ကျေးလက်ရေပေးဝေရေးနှင့် မြစိမ်းရောင် ကျေးရွာစီမံကိန်းလုပ်ငန်းများ ကြည့်ရှုစစ်ဆေး

ဘားအံ မေ ၁၁

ကရင်ပြည်နယ်ဝန်ကြီးချုပ် ဦးစောမြင့်ဦးနှင့် ပြည်နယ်ဝန်ကြီးများသည် ယနေ့နံနက်ပိုင်းက ဘားအံမြို့နယ် အိန္ဒုကျေးရွာအုပ်စု မိုက်အောင် ကျေးရွာနှင့် ကော့စိန်ဘန်အထက်ကျေးရွာများရှိ ကျေးလက်ရေပေးဝေရေးနှင့် မြစိမ်းရောင် ကျေးရွာစီမံကိန်းလုပ်ငန်းများကို ကွင်းဆင်းကြည့်ရှု စစ်ဆေးသည်။

ကြည့်ရှုစစ်ဆေး

 

ဦးစွာ အိန္ဒုကျေးရွာအုပ်စု မိုက်အောင်ကျေးရွာတွင် ကျေးရွာရေရရှိရေး ၄ ဒသမ ၅ လက်မ စက်ရေတွင်းတူးဖော်ခြင်း၊ ဂါလန် ၂၄၀၀ ဆံ့ အမြင့်တင် ရေစင်တည်ဆောက်ခြင်း၊ 5 KW ဆိုလာစနစ် တည်ဆောက်ခြင်းနှင့် ရေပိုက်လိုင်းသွယ်တန်းခြင်း လုပ်ငန်းများ ဆောင်ရွက်ပြီးစီးမှု အခြေအနေများနှင့် နေအိမ်များသို့ အိမ်တိုင်ရာရောက်ရေပေးဝေနိုင်မှု အခြေအနေများကို လိုက်လံကြည့်ရှုစစ်ဆေးသည်။

 

ယင်းနောက် ကျောင်းတိုက်ဓမ္မာရုံ၌ မြစိမ်းရောင် ကျေးရွာစီမံကိန်းလုပ်ငန်း အသင်းသား အသင်းသူများနှင့် တွေ့ဆုံဆွေးနွေးပြီး ကော့စိန်ဘန်အထက် ကျေးရွာရှိ မြစိမ်းရောင်ကျေးရွာစီမံကိန်းဖြင့် ဆောင်ရွက်သော အသင်းသူနန်းကေသီလင်း၏ ဖူးစားပြောင်းနှင့်ကြံစိုက်ခင်း၊ အသင်းသူ နန်းအေး သီရိထွန်း၏ ဆိတ်နှင့်နွား တစ်နိုင်တစ်ပိုင် မွေးမြူရေးခြံ၊ အသင်းသား ဦးစောဇင်မင်းအောင်၏ ပဲတောင့်ရှည် နှင့်သခွားစိုက်ခင်းတို့ကို ကြည့်ရှုအားပေးခဲ့ကြောင်း သိရသည်။

 

စောမျိုးမင်းသိန်း(ပြန်/ဆက်)

MDN

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

နိုင်ငံသားများကို လောင်စာဆီချွေတာသုံးစွဲရန် အိန္ဒိယဝန်ကြီးချုပ် တိုက်တွန်း
နိုင်ငံသားများကို လောင်စာဆီချွေတာသုံးစွဲရန် အိန္ဒိယဝန်ကြီးချုပ် တိုက်တွန်း
နယူးဒေလီ   မေ  ၁၂ကမ္ဘာ့စွမ်းအင်ဈေးနှုန်းများ မြင့်တက်နေချိန်တွင် နိုင်ငံသားများကို လောင်စာဆီ လျှော့ချအသုံးပြုရေးအပါအဝင်  ခြိုးခြံချွေတာရေးအစီအစဉ်များအား  လိုက်နာကျင့်သုံးကြရန် အိန္ဒိယဝန်ကြီးချုပ် နာရိန်ဒရာမိုဒီက တိုက်တွန်းလိုက်သည်။ကိုဗစ်-၁၉ ကပ်ရောဂါ  ကူးစက်ဖြစ်ပွားသည့် ကာလအတွင်း  ကျင့်သုံးခဲ့သည့် နေအိမ်မှ အလုပ်လုပ်သည့်အစီအစဉ်အား လိုအပ်၍ နိုင်ငံအကျိုးရှိမည်ဆိုပါက ပြန်လည်စတင်သင့်ပြီး နည်းလမ်းပေါင်းစုံဖြင့် ဓာတ်ဆီနှင့် ဒီဇယ် စသည့်စက်သုံးဆီအသုံးပြုမှုများကို လျှော့ချသွားရမည်ဖြစ်ကြောင်း ယမန်နေ့ လူထုအစည်းအဝေးပွဲတစ်ခုတွင်  ၎င်းက ပြောကြားခဲ့သည်။  ပြည်သူများအား အများပြည်သူသယ်ယူပို့ဆောင်ရေးယာဉ်များကို ပိုမိုအသုံးပြုရန်နှင့် ပြည်ပသို့ မလိုအပ်ဘဲ ခရီးမသွားရန်တို့အပြင်  နိုင်ငံခြားမှတင်သွင်းသည့် စားရေရိက္ခာများကိုလည်း ဝယ်ယူမှုလျှော့ချရန် တိုက်တွန်းခဲ့သည်။နယူးဒေလီရှိ မြို့ခံများမှာ စက်သုံးဆီနှင့်ပတ်သက်၍ စိုးရိမ်မကင်းရှိနေကြပြီး အမျိုးသားတစ်ဦးက ယခုအစီအစဉ်မှာ ထင်သလောက်မလွယ်ကူဟုပြောကြားခဲ့သော်လည်း အများစုမှာ  ဝန်ကြီးချုပ်၏  အစီအမံများကို  သဘောကျလျက်ရှိသည်။အိန္ဒိယနိုင်ငံသည် ရေနံစိမ်းနှင့် သဘာဝဓာတ်ငွေ့ကဏ္ဍတွင် အဓိကအားဖြင့် အရှေ့အလယ်ပိုင်းကို မှီခိုနေရသည်။ အစိုးရက ဓာတ်ဆီနှင့် ဒီဇယ်ဈေးနှုန်းများကို ထိန်းချုပ်ထားသော်လည်း အရှေ့အလယ်ပိုင်းဒေသ မတည်ငြိမ်မှုများ ရှည်ကြာလာပါက အိန္ဒိယ၏ စီးပွားရေးအပေါ် ဝန်ထုပ်ဝန်ပိုး ဖြစ်လာမည်ကို စိုးရိမ်မှုများ တိုးလာနေသည်။ဆင်ဟွာ၊ အင်န်အိတ်ချ်ကေMDN
Wed, 13-May-2026
အမေရိကန်၌ လျှပ်စစ်ကားထုတ်လုပ်ခြင်းထက် အိန္ဒိယတွင် ရင်းနှီးမြှုပ်နှံရန် ဂျပန်ကားကုမ္ပဏီများ ပိုမိုစိတ်ဝင်စားလာ
အမေရိကန်၌ လျှပ်စစ်ကားထုတ်လုပ်ခြင်းထက် အိန္ဒိယတွင် ရင်းနှီးမြှုပ်နှံရန် ဂျပန်ကားကုမ္ပဏီများ ပိုမိုစိတ်ဝင်စားလာ
တိုကျို  မေ  ၁၂ဂျပန်ကားထုတ်လုပ်သော ကုမ္ပဏီများသည် ဝယ်လိုအားမြင့်တက်နေသော အိန္ဒိယနိုင်ငံ၌ မော်တော်ကားထုတ်လုပ်မှုနှင့် အရောင်းမြှင့်တင်ရေး ကြိုးပမ်းအားထုတ်မှုများကို အရှိန်အဟုန်မြှင့်  ဆောင်ရွက်လျက်ရှိသည်။တိုယိုတာမော်တော်ကားကုမ္ပဏီက အိန္ဒိယနိုင်ငံအနောက်ပိုင်းတွင် တပ်ဆင်ရေးစက်ရုံအသစ်ကို တည်ဆောက်သွားရန်  စီစဉ်နေပြီး ၂၀၂၉ ခုနှစ် ပထမနှစ်ဝက်အတွင်း မဟာရပ်ရှ်ထရာပြည်နယ်၌ SUVs ကားများ  စတင်ထုတ်လုပ်သွားမည်ဖြစ်ကြောင်း မေ ၁၁ ရက်က ကြေညာခဲ့သည်။ အဆိုပါ စက်ရုံအသစ်မှာ   အိန္ဒိယနိုင်ငံရှိ တိုယိုတာကုမ္ပဏီ၏ လေးခုမြောက်စက်ရုံဖြစ်လာမည်ဖြစ်ပြီး နိုင်ငံအတွင်း ကားထုတ်လုပ်နိုင်စွမ်းကိုလည်း  တစ်နှစ်လျှင် အစီးရေ ငါးသိန်းခန့်အထိ  တိုးမြှင့် ထုတ်လုပ်ပေးနိုင်မည်ဖြစ်သည်။အိန္ဒိယကားဈေးကွက်ကို ဦးဆောင်လျက်ရှိသော ဆူဇူကီးကားကုမ္ပဏီက ၂၀၃၀ ဘဏ္ဍာနှစ် နောက်ဆုံးထား၍  နှစ်စဉ်ကားထုတ်လုပ်နိုင်စွမ်းကို  အစီးရေ လေးသန်းအထိ တိုးမြှင့်ထုတ်လုပ်ရန် ရည်ရွယ်ထားပြီး  ဟွန်ဒါကားကုမ္ပဏီကလည်း အိန္ဒိယနိုင်ငံကို အဓိကဈေးကွက်တစ်ခုအဖြစ် အလေးထားရှုမြင်ကာ မော်ဒယ်လ်အသစ်များကို  ရောင်းချသွားရန် စီစဉ်နေသည်။ဂျပန်မော်တော်ကားထုတ်လုပ်သည့် ကုမ္ပဏီအများစုသည် အမေရိကန်ပြည်ထောင်စုရှိ ၎င်းတို့၏  လျှပ်စစ်ကားဆိုင်ရာ မဟာဗျူဟာများကို ပြန်လည်သုံးသပ်နေချိန်တွင်  ဝယ်လိုအားမြင့်တက်နေသော အိန္ဒိယမော်တော်ကားဈေးကွက်ဆီသို့ အာရုံကျလာခြင်းဖြစ်သည်။နစ်ဆန်းကုမ္ပဏီကလည်း ၂၀၂၈   ခုနှစ်မှစတင်ကာ မစ္စစ္စပီပြည်နယ်ရှိ   ၎င်းတို့၏စက်ရုံတွင် လျှပ်စစ်ကား SUVs အမျိုးအစား နှစ်မျိုးထုတ်လုပ်မည့်အစီအစဉ်ကို ဖျက်သိမ်းလိုက်ပြီး စက်ရုံတွင် ဟိုက်ဘရစ်နှင့် အခြားမော်ဒယ်လ်များ  ထုတ်လုပ်မှုမြှင့်တင်ရန်  ရည်ရွယ်ထားကြောင်း  သိရသည်။အင်န်အိတ်ချ်ကေMDN
Wed, 13-May-2026
လပွတ္တာမြို့နယ်မှ ရန်ကုန်ဈေးကွက်သို့ ပြီးခဲ့သည့်ဧပြီလအတွင်း မျှင်ငါးပိ ပိဿာအများအပြား တင်ပို့ရောင်းချနိုင်
လပွတ္တာမြို့နယ်မှ ရန်ကုန်ဈေးကွက်သို့ ပြီးခဲ့သည့်ဧပြီလအတွင်း မျှင်ငါးပိ ပိဿာအများအပြား တင်ပို့ရောင်းချနိုင်
လပွတ္တာ   မေ   ၁၂     ဧရာဝတီတိုင်းဒေသကြီး လပွတ္တာမြို့နယ်မှ ရန်ကုန်ဈေးကွက်သို့ ပြီးခဲ့သည့် ဧပြီလအတွင်း မျှင်ငါးပိ ပိဿာအများအပြား တင်ပို့ရောင်းချနိုင်ကြောင်း လပွတ္တာမြို့နယ်၌ ငါးပိ၊ ငါးခြောက်ရောင်းဝယ်ရေးလုပ်ငန်း လုပ်ကိုင်သူ ဒေါ်ဝင်းမော်၏ ပြောကြားချက်အရ သိရသည်။လပွတ္တာမြို့နယ်မှ ဒေသထွက် မျှင်ငါးပိများကို ရန်ကုန်ဈေးကွက်သို့ အဓိကတင်ပို့ ရောင်းချရာ ပြီးခဲ့သည့်မတ်လက မျှင်ငါးပိ ပိဿာ ၅၅၀၀၀ ခန့် တင်ပို့ရောင်းချနိုင်ခဲ့ပြီး ဧပြီလ ၁ ရက်မှ ၃၀ ရက်အထိ တစ်လတာကာလအတွင်း မျှင်ငါးပိ ပိဿာ ၆၆၀၀၀ ခန့်အထိ တင်ပို့ရောင်းချနိုင်ကြောင်း သိရသည်။ "ရန်ကုန်ဈေးကွက်ဘက်က လက်ရှိမှာလည်း  မျှင်ငါးပိဝယ်ကုန်က အရမ်းများနေပါတယ်။ မျှင်ငါးပိတွေက ပြည်တွင်းဈေးကွက်မှာ ဝယ်လိုအားကောင်းလာတဲ့အပြင် ဈေးကောင်းလည်းရနေတယ်။  အခုလို မျှင်ငါးပိတွေ  ပြန်ပြီးတော့ အရောင်းအဝယ်ကောင်းလာလို့ လုပ်ငန်းရှင်တွေအပြင် လုပ်သားတွေပါ အဆင်ပြေလာပါတယ်'' ဟု ဒေါ်ဝင်းမော်ကပြောသည်။ လပွတ္တာမြို့နယ်၌  ရေထွက်ကုန်ရောင်းဝယ်ရေးလုပ်ငန်း လုပ်ကိုင်သူများသည် ဒေသခံရေလုပ်သားများ ပင်လယ်ပြင်မှရရှိသော မျှင်ကောင်များကို ဝယ်ယူပြီး အသင့်စားသုံးနိုင်သော  မျှင်ငါးပိအဖြစ် ထုတ်လုပ်ရောင်းချကြောင်း၊ အဆိုပါမျှင်ငါးပိထုတ်လုပ် ရောင်းချသည့်လုပ်ငန်းသည် ဒေသထုတ်ကုန်စီးပွားရေး လုပ်ငန်းတစ်ခု ဖြစ်ကြောင်း သိရသည်။   MWD
Wed, 13-May-2026
ကျောက်ဆည်မြို့နယ်၌ မိုးပဲတီစိမ်း ၃၀၆၈ ဧက စိုက်ပျိုးပြီးဖြစ်
ကျောက်ဆည်မြို့နယ်၌ မိုးပဲတီစိမ်း ၃၀၆၈ ဧက စိုက်ပျိုးပြီးဖြစ်
ကျောက်ဆည်၊ မေ ၁၂မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်တွင် ပဲမျိုးစုံ ဖူလုံပိုလျှံရေး ဒေသန္တရစီမံချက်ဖြင့် ရာသီအလိုက် စိုက်ပျိုးလျက်ရှိရာ ၂၀၂၆-၂၀၂၇ ခုနှစ် မိုးရာသီ၌ မိုးပဲတီစိမ်း ၃၀၆၈ ဧက စိုက်ပျိုးပြီးကြောင်း မြို့နယ်မြေစာရင်းဦးစီးဌာနနမှ သိရှိရသည်။ ထိုသို့ မိုးပဲတီစိမ်းသီးနှံများ စိုက်ပျိုးရာတွင် တိုက်နယ်(၁)တွင် ၂၀၇ ဧက၊ တိုက်နယ်(၂)တွင် ၄၉၀ ဧက၊ တိုက်နယ် (၃) တွင် ၁၆၈၉ ဧက၊ တိုက်နယ် (၆) တွင် ၃၁၇ ဧက၊ တိုက်နယ်(၈) တွင် ၂၃၇ ဧက၊ တိုက်နယ်(၉)တွင် ၈၆ ဧက၊ တိုက်နယ်(၁၀)တွင် ၁၂ ဧက၊ တိုက်နယ်(၁၂)တွင် ၃၀ ဧက  စုစုပေါင်း ၃၀၆၈ ဧက စိုက်ပျိုးပြီးကြောင်းနှင့် မိုးကြို ပဲတီစိမ်းသီးနှံများအောင်မြင်ဖြစ်ထွန်းစေရေး မြို့နယ်ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာနမှ စိုက်ပျိုးရေ များလုံလောက်စွာ ပေးဝေလျက်ရှိကြောင်း သိရသည်။ သက်မောင်(ကျောက်ဆည်)
Tue, 12-May-2026
အီရန်စစ်ပွဲကြောင့် အမေရိကန် အိမ်ထောင်စုများ စွမ်းအင်စရိတ် ပိုမို ကုန်ကျနေ
အီရန်စစ်ပွဲကြောင့် အမေရိကန် အိမ်ထောင်စုများ စွမ်းအင်စရိတ် ပိုမို ကုန်ကျနေ
Brown တက္ကသိုလ်၏ သုတေသနပြုချက်အရ အီရန်နှင့် စစ်ပွဲစတင်ကတည်းက ဓာတ်ဆီနှင့် ဒီဇယ်စျေးနှုန်းများ အဆမတန်မြင့်တက်လာမှု ကြောင့် အမေရိကန် စားသုံးသူများသည် ဒေါ်လာ ၃၇ ဘီလီယံခန့် ထိခိုက်နစ်နာမှုနှင့် ရင်ဆိုင်နေရသည်။ တနင်္လာနေ့ (မေ ၁၁) မွန်းလွဲပိုင်းအထိ စာရင်းများအရ ထိုသို့ ကုန်ကျစရိတ်မြင့်တက်လာမှုသည် အိမ်ထောင်စု တစ်စုလျှင် ပျမ်းမျှ ၂၈၄ ဒေါ်လာကျော်အထိ ရှိလာခဲ့သည်။အဆိုပါ ခန့်မှန်းချက်များကို ဖေဖော်ဝါရီ ၂၈ ရက်တွင် စစ်ပွဲစတင်ကတည်းက ဓာတ်ဆီနှင့် ဒီဇယ်အတွက် ပိုမိုကုန်ကျလာသော စရိတ်စကများကို Brown တက္ကသိုလ်က တွက်ချက်ထားသည့် အီရန်စစ်ပွဲ စွမ်းအင်စရိတ်ခြေရာခံစနစ် (Iran War Energy Cost Tracker) အပေါ် အခြေခံထားခြင်းဖြစ်သည်။ အဆိုပါစနစ်သည် လက်ရှိစျေးနှုန်းများကို စစ်ပွဲမဖြစ်ပွားခဲ့လျှင် ရှိနေမည့် စွမ်းအင်စျေးနှုန်းခန့်မှန်းချက်များနှင့် နှိုင်းယှဉ်တွက်ချက်ထားခြင်း ဖြစ်သည်။ဓာတ်ဆီဈေးနှုန်းသည် စစ်ပွဲစတင်ချိန်တွင် တစ်ဂါလန်လျှင် ၂.၉၈ ဒေါ်လာ ရှိရာမှ တနင်္လာနေ့ (မေ ၁၁) တွင် ၄.၅၂ ဒေါ်လာအထိ မြင့်တက်လာခဲ့ပြီး ယင်းကြောင့် အမေရိကန် စားသုံးသူများအတွက် ဒေါ်လာ ၂၀ ဘီလီယံ ခန့် ပိုမိုကုန်ကျစေခဲ့သည်။ လယ်သမားများ၊ ကုန်တင်ကားမောင်းသူများနှင့် ရထားလမ်းကဏ္ဍတို့အတွက် အရေးပါသော ဒီဇယ်စျေးနှုန်းသည် ၂၀၂၂ ခုနှစ်တွင် ဖြစ်ပေါ်ခဲ့သောအမြင့်ဆုံးစံချိန်တင်စျေးနှုန်းထက် ၁၈ ဆင့်သာ လျော့နည်းတော့သည့် အခြေအနေတွင်ရှိနေပြီး ဒီဇယ်စျေးနှုန်း မြင့်တက်မှုကြောင့် နောက်ထပ် ဒေါ်လာ ၁၆.၉ ဘီလီယံခန့် ကုန်ကျစရိတ် တက်လာခဲ့သည်။ အဆိုပါတွက်ချက်မှုတွင် စားသုံးသူများအပေါ် တိုက်ရိုက်နှင့် သွယ်ဝိုက်သော သက်ရောက်မှုနှစ်ခုလုံးပါဝင်ပြီး အလုပ်အကိုင်အခွင့်အလမ်း နည်းပါးလာမှု၊ စီးပွားရေးတိုးတက်မှု နှေးကွေးခြင်း၊ စစ်ရေးအသုံးစရိတ် မြင့်တက်လာခြင်းနှင့် အမေရိကန်၏ ကြွေးမြီများအပေါ် အတိုးနှုန်းပိုမို ပေးဆောင်ရခြင်း စသည့် ပိုမိုကျယ်ပြန့်သော နောက်ဆက်တွဲစရိတ်စကများကိုမူ ထည့်သွင်းတွက်ချက်ထားခြင်း မရှိသေးကြောင်း Brown တက္ကသိုလ်က ဆိုသည်။ကိုးကား- CNNPhoto: PBSဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 12-May-2026
တောင်ကိုရီးယားနိုင်ငံ၏ပို့ကုန်များ မေလ ပထမ ၁၀ ရက်အတွင်း ၄၃ ဒသမ ၇ ရာခိုင်နှုန်း မြင့်တက်
တောင်ကိုရီးယားနိုင်ငံ၏ပို့ကုန်များ မေလ ပထမ ၁၀ ရက်အတွင်း ၄၃ ဒသမ ၇ ရာခိုင်နှုန်း မြင့်တက်
မေ ၁၂တောင်ကိုရီးယား၏ပို့ကုန်များသည် ပြည်တွင်းထုတ် တစ်ပိုင်းလျှပ်ကူးပစ္စည်းများအတွက် ၀ယ်လိုအား မြင့်တက်လာခြင်းကြောင့် မေလ ပထမ ၁၀ ရက်အတွင်း  ၄၃ ဒသမ ၇ ရာခိုင်နှုန်းမြင့်တက်ခဲ့ကြောင်း အကောက်ခွန်ရုံး၏ အချက်အလက်များက ယမန်နေ့ကဖော်ပြထားသည်။ကိုရီးယား အကောက်ခွန်ဌာန၏ ပြောကြားချက်အရ မေလ ၁ ရက်မှ ၁၀ ရက်အတွင်း ပြည်ပတင်ပို့မှု အမေရိကန်ဒေါ်လာ ၁၈ ဒသမ ၄၃ ဘီလီယံ ရှိကာ ယမန်နှစ်အလားတူကာလတူနှင့် နှိုင်းယှဉ်ပါက ၄၃ ဒသမ ၇ ရာခိုင်နှုန်း မြင့်တက်ခဲ့သည်ဟု သိရသည်။၎င်းသည် ဖော်ပြထားသောကာလအတွင်း အမြင့်ဆုံးစံချိန်တင်ခဲ့ပြီး ၂၀၂၄ ခုနှစ်က စံတင်ခဲ့သည့် ဒေါ်လာ ၁၆ ဒသမ ၈ ဘီလီယံကို  ကျော်လွန်သွားသည်ဟု သိရသည်။ကိုးကား-ဆင်ဟွာဘာသာပြန်-မြင့်မြင့်ချိုMDN
Tue, 12-May-2026
© Copyright 2024 SAC All Rights Reserved.