တံတားဦးမြို့နယ်၌ မြို့နယ်သဘင်အစည်းအရုံးဖွင့်ပွဲ ကျင်းပ

NoahJune222

News Image

  • တံတားဦးမြို့နယ်၌ မြို့နယ်သဘင်အစည်းအရုံးဖွင့်ပွဲ ကျင်းပ

တံတားဦး မေ ၂၅

မန္တလေးတိုင်းဒေသကြီး တံတားဦးမြို့နယ်တွင် မြို့နယ်သဘင်အစည်းအရုံးဖွင့်ပွဲကို ယမန်နေ့နံနက်ပိုင်းက တံတားဦးမြို့ အမှတ်(၁) ရပ်ကွက် ဘူတာရပ်၌ ကျင်းပသည်။ 

 

ဦးစွာ မြို့နယ်သဘင်အစည်းအရုံး ဆိုင်းဘုတ်ကို တံတားဦးခရိုင် စီမံခန့်ခွဲရေးနှင့် အုပ်ချုပ်ရေးကော်မတီဝင် ခရိုင်လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ခရိုင်ဦးစီးမှူး ဦးမျိုးသန့်၊ အမျိုးသားလွှတ်တော်ကိုယ်စားလှယ် ဦးခင်မောင်ဝင်း၊ မန္တလေးတိုင်းဒေသကြီး သဘင်အစည်းအရုံးဥက္ကဋ္ဌ ဦးပစ်တိုင်းထောင်တို့က ဖဲကြိုးဖြတ်ဖွင့်လှစ်ပေးကြသည်။

 

ထို့နောက် ပြည်သူ့လွှတ်တော် ကိုယ်စားလှယ် ဦးအောင်သူ၊ တိုင်းဒေသကြီး လွှတ်တော်ကိုယ်စားလှယ် ဦးတိုက်ကြည်နှင့် တာဝန်ရှိသူများက မြို့နယ်သဘင်အစည်းအရုံး ဆိုင်းဘုတ်ကို အမွှေးနံ့သာရည်များဖြင့် ပတ်ဖျန်းပေးကြပြီး မြို့နယ်သဘင်အစည်းအရုံးဥက္ကဋ္ဌ  ဦးတင်ဝင်းက ကျေးဇူးတင်စကား ပြန်လည်ပြောကြားခဲ့ကြောင်း သိရသည်။

မြို့နယ်(ပြန်/ဆက်)

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန အဆောက်အအုံသစ် ပန္နက်တော်တင် မင်္ဂလာအခမ်းအနားကျင်းပ
အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန အဆောက်အအုံသစ် ပန္နက်တော်တင် မင်္ဂလာအခမ်းအနားကျင်းပ
နေပြည်တော် မေ ၂၆အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန အဆောက်အအုံသစ်ဆောက်လုပ်မည့် ပန္နက်တော်တင် မင်္ဂလာအခမ်းအနားကို ယနေ့နံနက်ပိုင်းတွင် နေပြည်တော်ရှိ ဇမ္ဗူသီရိမြို့နယ် ဓနသိဒ္ဓိရပ်ကွက် ရွှေကြာပင်လမ်းနှင့် မြတ်မင်္ဂလာလမ်းထောင့်ရှိ မြေနေရာ၌ ကျင်းပသည်။အခမ်းအနားသို့ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီဥက္ကဋ္ဌ ဒုတိယဗိုလ်ချုပ်ကြီး ရာပြည့်၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီအတွင်းရေးမှူး ဒုတိယဗိုလ်ချုပ်ကြီး မင်းနိုင်နှင့် ကော်မတီဝင်များ၊ ပြည်ထောင်စုဝန်ကြီးများ၊ ဌာနဆိုင်ရာအကြီးအကဲများနှင့် တာဝန်ရှိသူများ၊ ဖိတ်ကြားထားသောဧည့်သည်တော်များနှင့် တာဝန်ယူဆောက်လုပ်မည့် ကုမ္ပဏီလီမိတက်မှ အုပ်ချုပ်မှုဒါရိုက်တာနှင့် အင်ဂျင်နီယာချုပ်များ တက်ရောက်ကြသည်။ဦးစွာ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီအတွင်းရေးမှူး ဒုတိယဗိုလ်ချုပ်ကြီး မင်းနိုင်က ဆောက်လုပ်မည့် အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန အဆောက်အအုံသစ်နှင့်ပတ်သက်၍ အသေးစိတ်ရှင်းလင်းတင်ပြသည်။ထို့နောက် ညှိနှိုင်းရေးကော်မတီဥက္ကဋ္ဌက ဗဟိုပန္နက်တိုင်ကိုလည်းကောင်း၊ ညှိနှိုင်းရေးကော်မတီအတွင်းရေးမှူး ဒုတိယဗိုလ်ချုပ်ကြီး မင်းနိုင်၊ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ဖုန်းမြတ်၊ တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဦးသန်းမောင်၊ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမင်းနောင်၊ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးဆန်းဦး၊ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးမျိုးသန့်၊ နေပြည်တော်ကောင်စီဥက္ကဋ္ဌ ဦးကံမြင့်သန်းနှင့် စစ်ဥပဒေချုပ် ဒုတိယဗိုလ်ချုပ်ကြီး မျိုးသန့်နိုင်တို့က သတ်မှတ်နေရာအသီးသီးရှိ ပန္နက်တိုင်များကိုလည်းကောင်း မင်္ဂလာပန္နက်တော်တင်ကြပြီး မင်္ဂလာပန်းကြဲခြင်း၊ အမွှေးနံ့သာရည်များ ပက်ဖျန်းခြင်းတို့ကို ဆောင်ရွက်ကြကာ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန တည်ဆောက်မည့်နေရာအား လိုက်လံကြည့်ရှုသည်။အဆိုပါ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန နှစ်ထပ်အဆောက်အအုံသစ်အား အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဦးစီးဌာန၏ ပြည်ထောင်စုဘဏ္ဍာရန်ပုံငွေ အစီအစဉ်ဖြင့် ကျခံသုံးစွဲတည်ဆောက်ခြင်းဖြစ်ပြီး မြေဧက ၈ ဒသမ ၅ ဧက အကျယ်အဝန်းရှိကြောင်း၊ အဆောက်အအုံ၏ ပထမထပ်တွင် စုစုပေါင်းအခန်း ၄၁ ခန်းနှင့် မြေညီထပ်တွင် အစည်းအဝေးများပြုလုပ်နိုင်ရန် အင်အား ၁၈၀ ခန့် ဝင်ဆံ့သည့် ခန်းမတစ်ခန်း၊ ၂၀၀ ခန့်ဝင်ဆံ့သည့် ထမင်းစားခန်းတစ်ခန်းအပါအဝင် စုစုပေါင်း ၄၂ ခန်း ပါဝင်ကြောင်းနှင့် ငလျင်ဒဏ်ခံ နှစ်ထပ်အဆောက်အအုံဖြစ်ကြောင်း သိရသည်။သတင်းစဉ်MOI
Wed, 27-May-2026
လာအိုရှိ လိုဏ်ဂူအတွင်း ပိတ်မိနေသူများကို ကယ်ဆယ်ရေးတွင် ထိုင်းနိုင်ငံ ပါဝင်ကူညီ
လာအိုရှိ လိုဏ်ဂူအတွင်း ပိတ်မိနေသူများကို ကယ်ဆယ်ရေးတွင် ထိုင်းနိုင်ငံ ပါဝင်ကူညီ
   လာအိုနိုင်ငံ၌ ရွှေတူးဖော်ရေး လုပ်နေ သည့် ရွာသားခုနစ်ဦးသည် မိုးသည်းထန်စွာ ရွာသွန်းစဉ် လိုဏ်ဂူတစ်ခုထဲတွင် ပိတ်မိနေကြောင်းနှင့် ယခုအခါ အဆိုပါလိုဏ်ဂူအတွင်း ပိတ်မိနေသူများကိုကယ်ဆယ်ရေးတွင် ထိုင်းနိုင်ငံမှ ကျွမ်းကျင်ရေငုပ်သမားများက ပါဝင်ကူညီပေးနေကြောင်း တာဝန်ရှိသူများက မေလ ၂၅ ရက်တွင်ပြောသည်။အဆိုပါရွှေတူးဖော်သူများသည် ပြီးခဲ့သည့်မေလ ၁၉ ရက်ကတည်းက လိုဏ်ဂူအတွင်းပိတ်မိနေခြင်းဖြစ်ပြီး ၎င်းတို့နှင့်အတူ လိုက်ပါသွားသည့် အခြားရွှေတူးသူသုံးဦးမှာ သေဆုံးသွားပြီဖြစ်သည်။ ရွှေတူးသူများ ဝင်သွားသည့်လိုဏ်ဂူသည် ကျဉ်းမြောင်းသည့်အပြင် အသက်ရှူနိုင်သည့်နေရာသည်လည်းအမြင့် ၂၃ လက်မခန့်သာရှိရာ ကယ်ဆယ်ရေးအဖွဲ့များကရွှေတူးသူများကို ကယ်ထုတ်နိုင်ရန် ခဲရာခဲဆစ်ဖြင့် ကြိုးပမ်းနေရခြင်းဖြစ်ကြောင်း တာဝန်ရှိသူများကပြောသည်။ထိုကယ်ဆယ်ရေးလုပ်ငန်းတွင်ပါဝင်ကူညီပေးနေသူများမှာ ထိုင်းနိုင်ငံ၌ ၂၀၁၈ ခုနှစ်ကဖြစ်ပွားပြီး ကမ္ဘာကျော်သွားသည့် တောဝက်ဘောလုံးအသင်းက ထမ်းလောင်လိုဏ်ဂူအတွင်း ပိတ်မိနေသည့်ဖြစ်စဉ်တွင် ကယ်ဆယ်ရေး လုပ်ပေးသူများဖြစ်သည်။ထိုင်းကယ်ဆယ်ရေးသမားများ အနေဖြင့် ကူညီပေးရန် လာအိုအစိုးရက တရားဝင် အကူအညီတောင်းခံလာခြင်း ဖြစ်ကြောင်း သိရသည်။MWD
Tue, 26-May-2026
ကမ္ဘောဒီးယားနိုင်ငံ၌ ၂၀၂၆ သားပေါက်ရာသီအတွင်း ရှားပါးလိပ် ၂၉၇ ကောင် ပေါက်ပွား
ကမ္ဘောဒီးယားနိုင်ငံ၌ ၂၀၂၆ သားပေါက်ရာသီအတွင်း ရှားပါးလိပ် ၂၉၇ ကောင် ပေါက်ပွား
ဖနောင်ပင်  မေ  ၂၅ကမ္ဘောဒီးယားနိုင်ငံ၌ ၂၀၂၆ သားပေါက်ရာသီအတွင်း မျိုးစိတ်နှစ်ခုတွင် ရှားပါးလိပ် ၂၉၇ ကောင်ကို ၎င်းတို့၏ အသိုက်များမှ ပေါက်ပွားခဲ့ကြောင်း ကမ္ဘောဒီးယားတောရိုင်းတိရစ္ဆာန် ထိန်းသိမ်းရေးအဖွဲ့ (WCS) က မေ ၂၅ ရက်တွင် သတင်းထုတ်ပြန်ထားသည်။Cantors Giant Softshell လိပ်သားပေါက်ကောင်ရေ  ၂၅၇ ကောင်ခန့်ကို  မဲခေါင်မြစ်တစ်လျှောက်ရှိ သဲသောင်ပြင်များတွင် ရှာဖွေတွေ့ရှိခဲ့ကြောင်း၊ ယခုအချိန်အထိ အသိုက် ၁၄ ခုအနက် အသိုက် ၁၂ ခုတွင် လိပ် ၂၅၇ ကောင်  အောင်မြင်စွာပေါက်ပွားခဲ့ကြောင်း၊ ကျန်ရှိသည့်အသိုက်နှစ်ခုကိုလည်း ထိန်းသိမ်းရေးအဖွဲ့များက  စောင့်ကြည့်လျက်ရှိကြောင်း သတင်းထုတ်ပြန်ချက်အရ  သိရသည်။၂၀၂၆  သားပေါက်ရာသီတွင်   တော်ဝင်လိပ်သားပေါက်  ၄၀  အောင်မြင်စွာပေါက်ပွားခဲ့ကြောင်း၊   ယင်းမှာ ယခုနှစ်အတွင်း ကမ္ဘောဒီးယားနိုင်ငံ၏  လိပ်ထိန်းသိမ်းရေးအဖွဲ့အတွက် အကြီးမားဆုံးအောင်မြင်မှုတစ်ခုဖြစ်ကြောင်း သိရသည်။၂၀၂၆ ခုနှစ် ဖေဖော်ဝါရီလတွင် ကော့ကောင် (Koh Kong)နှင့် ပရက်ဆီဟမ်နော့(Preah Sihanouk) ပြည်နယ်တို့အတွင်း Sre Ambel မြစ်တစ်လျှောက်  တော်ဝင်လိပ်သားပေါက် အကောင်ရေ ၄၀ ကို ထိန်းသိမ်းရေးအဖွဲ့များက အသိုက်သုံးခုအတွင်းရှိ ဥ ၅၀ မှ ပေါက်ပွားခဲ့သည်ကို ရှာဖွေတွေ့ရှိခဲ့ကြောင်း  သိရသည်။         ဆင်ဟွာMDN
Tue, 26-May-2026
ဒလမြို့နယ်၌ အခွန်ဆိုင်ရာအသိပညာပေး ရှင်းလင်းဆွေးနွေးပွဲကျင်းပ
ဒလမြို့နယ်၌ အခွန်ဆိုင်ရာအသိပညာပေး ရှင်းလင်းဆွေးနွေးပွဲကျင်းပ
ဒလ မေ ၂၅ ရန်ကုန်တိုင်းဒေသကြီး ဒလမြို့နယ် အခွန်ဦးစီးဌာနမှူးရုံးအနေဖြင့် ၂၀၂၆ ခုနှစ် ပြည်ထောင်စု၏ အခွန်အကောက် ဥပဒေအပါအဝင် တည်ဆဲအခွန် ဥပဒေများအရ လိုက်နာဆောင်ရွက်ရမည့် ကိစ္စရပ်များနှင့် စပ်လျဉ်း၍ ရှင်းလင်းဆွေးနွေးပွဲကို ယမန်နေ့မွန်းလွဲပိုင်းက ဒလမြို့နယ် အခွန်ဦးစီးဌာနမှူးရုံးခန်းမ၌ ကျင်းပသည်။ အဆိုပါဆွေးနွေးပွဲတွင် မြို့နယ်အခွန်ဦးစီးဌာနမှူး ဦးခင်မောင်စိုးက အခွန်ဆိုင်ရာ သိသင့်သိထိုက် သည်များကို ရှင်းလင်းဆွေးနွေးရာ တက်ရောက်လာသူများက သိရှိလိုသည်များ မေးမြန်းဆွေးနွေးခဲ့ကြောင်း သိရသည်။ခင်စန္ဒာမြင့်(ပြန်/ဆက်)MDN
Tue, 26-May-2026
ဗဟိုအမျိုးသမီးဆေးရုံကြီး (ရန်ကုန်)တွင် သားသမီးလိုချင်သည့်ဇနီးမောင်နှံများအတွက် ကိုယ်ဝန်ရစေသော နည်းပညာများ အသုံးပြု၍ ဝန်ဆောင်မှုပေးနေ
ဗဟိုအမျိုးသမီးဆေးရုံကြီး (ရန်ကုန်)တွင် သားသမီးလိုချင်သည့်ဇနီးမောင်နှံများအတွက် ကိုယ်ဝန်ရစေသော နည်းပညာများ အသုံးပြု၍ ဝန်ဆောင်မှုပေးနေ
ရန်ကုန်တိုင်း၊ လမ်းမတော်မြို့နယ်၊ မင်းရဲကျော်စွာလမ်းရှိ ဗဟိုအမျိုးသမီးဆေးရုံကြီးတွင် သားသမီးလိုချင်သည့် ဇနီးမောင်နှံများအတွက် ကိုယ်ဝန်ရစေသောနည်းပညာများ အသုံးပြု၍ ဝန်ဆောင်မှုပေးနေကြောင်း သိရသည်။အဆိုပါဆေးရုံကြီးတွင် သားသမီးရလိုသော ဇနီးမောင်နှံများအတွက် ရည်ရွယ်ကာ Fertility Centre ကို ဖွင့်လှစ်၍ ဝန်ဆောင်မှုများဆောင်ရွက်ပေးလျက်ရှိပြီး ၂၀၂၂ ခုနှစ်မှ ယနေ့အထိ လူနာပေါင်း (၅,၄၀၀) ကျော်ကို လက်ခံ ကုသပေးလျက်ရှိကြောင်း သိရသည်။Fertility Centre တွင် ဖန်ပြွန်သန္ဓေသား နည်းပညာ၊ သားအိမ်အတွင်းသို့ သုတ်ပိုးထည့်ခြင်း နည်းပညာ၊ မျိုးဥကြီး စေ၍ အချိန်ကိုက် ကိုယ်ဝန်ရစေသောနည်းပညာများ အသုံးပြု၍ ကျွမ်းကျင်သော ဆရာဝန်၊ ဆရာမများက အစိုးရရုံးဖွင့်ရက်တိုင်း နံနက် (၈) နာရီမှ ညနေ (၄) နာရီအထိ ဝန်ဆောင်မှုပေးလျက်ရှိကြောင်း သိရသည်။ပြီးခဲ့သည့် (၂၀၂၃) ခုနှစ်တွင် သားအိမ်အတွင်း သုတ်ပိုးထည့်ခြင်းနည်းပညာ (IUI) ဖြင့် လူနာ (၁၅) ဦးကို ဆောင်ရွက်ပေးနိုင်ခဲ့ပြီး ယင်းတို့မှ လူနာ(၃)ဦး၊ (၂၀၂၄) ခုနှစ်တွင် IUI ဖြင့် လူနာ (၆၁) ဦး အနက် လူနာ (၁၂) ဦး၊ (၂၀၂၅) ခုနှစ်တွင် IUI ဖြင့် လူနာ (၁၅၇) ဦးအနက် လူနာ (၂၁) ဦး အောင်မြင်ခဲ့ကြောင်း သိရသည်။အဆိုပါ လူနာ (၂၁) ဦးမှ (၂၀၂၆) ခုနှစ်၊ (မေ ၁၇ ရက်)က အမြွှာ ယောကျာ်းလေးနှစ်ဦး၊ (မေ ၁၈ ရက်)တွင် ယောကျာ်းလေးတစ်ဦး အောင်မြင်စွာ ခွဲစိတ်မွေးဖွားပေးနိုင်ခဲ့ပြီး ၂၀၂၆ ခုနှစ်၊ မေလအထိ IUI ဖြင့် လူနာ (၃၀) အား ဆောင်ရွက်ပေးနိုင်ခဲ့ပြီး လူနာငါးဦး အောင်မြင်ခဲ့ကြောင်း သိရသည်။ထို့ပြင် ယခုနှစ်၊ ဧပြီလနှင့်မေလအတွင်းတွင်လည်း ဖန်ပြွန်သန္ဓေသားနည်းပညာအသုံးပြု၍ ဇနီးမောင်နှံ (၁၂) တွဲ အား ကလေးရရှိစေနိုင်ရန် ဆောင်ရွက်ထားဆဲဖြစ်ကြောင်း သိရသည်။ထို့ကြောင့် ဗဟိုအမျိုးသမီးဆေးရုံကြီး(ရန်ကုန်) ၏ Fertility Centre တွင် သားသမီးရလိုသော ဇနီးမောင်နှံများ၏ ကျန်းမာရေးစောင့်ရှောက်မှုများကို ဝန်ဆောင်မှုကောင်းစွာ ဆောင်ရွက်လျက်ရှိပြီး သားသမီး ရလိုသော ဇနီးမောင်နှံများ စိတ်အေးချမ်းသာစွာ ကုသမှုခံယူလျက် ရှိကြောင်း သိရသည်။Np News
Tue, 26-May-2026
မူဆယ်မြို့၌ သီးသန့်မီးသတ်တပ်ဖွဲ့ဝင်များ အကြိုအခြေခံမီးသတ်ပညာသင်တန်းဖွင့်
မူဆယ်မြို့၌ သီးသန့်မီးသတ်တပ်ဖွဲ့ဝင်များ အကြိုအခြေခံမီးသတ်ပညာသင်တန်းဖွင့်
မူဆယ် မေ ၂၅ ရှမ်းပြည်နယ် (မြောက်ပိုင်း) မူဆယ်မြို့တွင် သီးသန့်မီးသတ်တပ်ဖွဲ့ဝင်များ အကြိုအခြေခံမီးသတ်ပညာသင်တန်း အမှတ်စဉ် (၁/၂၀၂၆) ဖွင့်ပွဲအခမ်းအနားကို မီးသတ်ဦးစီးဌာန ခရိုင်မီးသတ်ဦးစီးမှူးရုံး၌ ယနေ့နံနက် ၁၀ နာရီက ကျင်းပသည်။ အခမ်းအနားတွင် မူဆယ်ခရိုင် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးစန်းမင်းက အမှာစကားပြောကြားပြီး မီးသတ်ဦးစီးဌာနမှ ခင်းကျင်းပြသထားသည့် မီးငြှိမ်းသတ်ခြင်းနှင့် ကယ်ဆယ်ရေး လုပ်ငန်းများတွင် အသုံးပြုသော အထောက်အကူပြုပစ္စည်းများအား လှည့်လည်ကြည့်ရှုခဲ့ကြသည်။ အဆိုပါသင်တန်းကို ခရိုင်မီးသတ်ဦးစီးမှူးရုံးက ကြီးမှူး၍ ရပ်ကွက်အတွင်းမှ သင်တန်းသား ၅၈ ဦးအား ၁၀ ရက်ကြာ သင်ကြားပေးမည်ဖြစ်ပြီး သန္ဓေမီးသတ်တပ်ဖွဲ့ဝင်များက လေ့ကျင့်သင်ကြားပေးမည်ဖြစ်ကြောင်း သိရသည်။ခရိုင်(ပြန်/ဆက်)MDN
Tue, 26-May-2026
© Copyright 2024 SAC All Rights Reserved.