ဒုတိယသမ္မတ ဦးညိုစော ဦးဆောင်သည့် မြန်မာကိုယ်စားလှယ်အဖွဲ့ ရုရှားဖက်ဒရေးရှင်းနိုင်ငံသို့ ထွက်ခွာ

NoahJune222

News Image

  • ဒုတိယသမ္မတ ဦးညိုစော ဦးဆောင်သည့် မြန်မာကိုယ်စားလှယ်အဖွဲ့ ရုရှားဖက်ဒရေးရှင်းနိုင်ငံသို့ ထွက်ခွာ

နေပြည်တော် ဇွန် ၂

ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဦးညိုစော ဦးဆောင်သည့် မြန်မာကိုယ်စားလှယ်အဖွဲ့သည် ရုရှားဖက်ဒရေးရှင်းနိုင်ငံ စိန့်ပီတာစဘတ်မြို့၌ ကျင်းပမည့် (၂၉) ကြိမ်မြောက် နိုင်ငံတကာစီးပွားရေးဖိုရမ် (29th St. Petersburg International Economic Forum - SPIEF 2026) သို့ တက်ရောက်ရန် ယနေ့နံနက်ပိုင်းတွင် ရန်ကုန်မြို့မှ လေကြောင်းခရီးဖြင့် ထွက်ခွာကြရာ ပြည်ထောင်စုဝန်ကြီး ဦးမြင့်ကြိုင်၊ ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူ၊ ရန်ကုန်တိုင်းစစ်ဌာနချုပ်တိုင်းမှူး၊ တိုင်းဒေသကြီးဝန်ကြီးများ၊ မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံသံရုံးမှ တာဝန်ရှိသူများက ရန်ကုန်အပြည်ပြည် ဆိုင်ရာလေဆိပ်၌ ပို့ဆောင်နှုတ်ဆက်ကြသည်။

ဒုတိယသမ္မတနှင့်အတူ ပြည်ထောင်စုဝန်ကြီးများ ဖြစ်ကြသည့် ဦးအောင်ကျော်ဟိုး၊ ဦးထိန်လင်း၊ ဦးဆန်းဦး၊ ဦးကိုကိုလွင်၊ ဦးခင်မောင်စိုးနှင့် ဦးထွန်းအုံ၊ ဒုတိယဝန်ကြီး ဦးကိုကိုကျော်၊ ဌာနဆိုင်ရာအကြီးအကဲများနှင့် တာဝန်ရှိသူများ လိုက်ပါသွားကြသည်။

သတင်းစဉ်

MOI

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

အီသီယိုးပီးယားလေကြောင်းလိုင်းက မောရစ်ရှပ်စ်နိုင်ငံသို့ ခရီးစဉ်သစ်ပျံသန်းပြေးဆွဲမည်
အီသီယိုးပီးယားလေကြောင်းလိုင်းက မောရစ်ရှပ်စ်နိုင်ငံသို့ ခရီးစဉ်သစ်ပျံသန်းပြေးဆွဲမည်
အဒစ္စအဘာဘာ ဇွန် ၂ အာဖရိကထိပ်တန်း လေကြောင်းလိုင်းဖြစ်သော အီသီယိုးပီးယား လေကြောင်းလိုင်းသည် နိုင်ငံ၏ မြို့တော် အဒစ္စအဘာဘာမှ မောရစ်ရှပ်စ်နိုင်ငံမြို့တော် ပေါ့သ် လူဝီမြို့သို့ တစ်ပတ်လျှင် သုံးကြိမ် ခရီးသည်တင်လေကြောင်း ခရီးစဉ်သစ်ကိုလာမည့် ဇူလိုင် ၁၂ ရက်မှ စတင်ကာ ပျံသန်းပြေးဆွဲမည်ဖြစ်ကြောင်း ဇွန် ၁ ရက်တွင် ထုတ်ပြန်ကြေညာခဲ့သည်။ မောရစ်ရှပ်စ်နိုင်ငံသို့ ခရီးသည်တင်လေကြောင်း ပျံသန်းပြေးဆွဲမှုသည် အာဖရိကတိုက်အတွင်း ပေါင်းစည်းချိတ်ဆက်မှုကို ပိုမို နက်ရှိုင်းစေရန်နှင့် အရှေ့တောင် အာဖရိကနှင့် အခြားဒေသများအတွက် စီးပွားရေးဖွံ့ဖြိုးတိုးတက်မှုကို ဖော်ဆောင်ရန် လေကြောင်းလိုင်း၏ မဟာဗျူဟာမြောက် ကတိကဝတ်ကို ပေါ်လွင်ကြောင်း ထုတ်ပြန်ချက်တွင် ဖော်ပြထားသည်။ မောရစ်ရှပ်စ်နိုင်ငံသို့ တိုက်ရိုက် လေကြောင်းခရီးစဉ် ပျံသန်းပြေးဆွဲ ခွင့်ရရှိသည့်အတွက် ဝမ်းမြောက်မိကြောင်း၊ ယင်းကဲ့သို့ ပျံသန်း ပြေးဆွဲမှုက အာဖရိကလူမျိုးများနှင့် ကမ္ဘာလှည့်ခရီးသွားများအတွက် သွားလာမှုပိုမိုလွယ်ကူစေမည်ဖြစ်ကြောင်း၊ စီးပွားရေးနှင့် ကုန်သွယ်ရေး အခွင့်အလမ်းများလည်း ပိုမိုတိုးတက်ကောင်းမွန် လာစေမည်ဖြစ်ကြောင်း အီသီယိုးပီးယား လေကြောင်းလိုင်း အုပ်စု အမှုဆောင်အရာရှိချုပ် မက်ဖင်းတာ ဆူးက ပြောသည်။ ဆင်ဟွာMDN
Wed, 3-Jun-2026
ဖိလစ်ပိုင်နိုင်ငံ၌ ဆောက်လက်စ အဆောက်အအုံပြိုကျမှုမှ သေဆုံးသူ ၂၀ အထိ မြင့်တက်လာ
ဖိလစ်ပိုင်နိုင်ငံ၌ ဆောက်လက်စ အဆောက်အအုံပြိုကျမှုမှ သေဆုံးသူ ၂၀ အထိ မြင့်တက်လာ
မနီလာ ဇွန် ၂ ဖိလစ်ပိုင်နိုင်ငံ မြောက်ပိုင်း ပမ်ပန်ဂါပြည်နယ် အိန်ဂျလိစ်မြို့တွင် ဆောက်လက်စ အဆောက်အအုံပြိုကျမှုမှ သေဆုံးသူ ၂၀ အထိ မြင့်တက်လာကြောင်း ဒေသအာဏာပိုင်များက ဇွန် ၂ ရက်တွင် ပြောသည်။ ကယ်ဆယ်ရေးသမားများက အပျက်အစီးများအောက်မှ ရုပ်အလောင်းသုံးခု ထပ်မံတွေ့ရှိ သည့်အတွက် သေဆုံးသူအရေအတွက် မြင့်တက်လာခြင်း ဖြစ်သည်။ ဒေသခံမီးဘေး ကာကွယ်ရေးဌာနက အဆောက်အအုံ ပြိုကျမှုကြောင့် လူပေါင်း ၂၀ သေဆုံးကြောင်း အတည်ပြုထား သည်။ ထို့အပြင် ၂၇ ဦးကို ကယ်တင်နိုင်ခဲ့ပြီး ပျောက်ဆုံးသူ မရှိတော့ကြောင်း ပြောသည်။ ယင်းအဆောက်အအုံသည် ဆောက်လုပ်ရေး လုပ်သားများ အိပ်ပျော်နေစဉ် မေ ၂၄ ရက် နံနက် ၃ နာရီဝန်းကျင်က ပြိုကျမှု ဖြစ်ပွားခဲ့ခြင်းဖြစ်ပြီး လူပေါင်း ဒါဇင်နှင့်ချီ၍ အပျက်အစီးများ အောက်ပိတ်မိနေခဲ့ကြောင်း သိရသည်။   ဆင်ဟွာMDN
Wed, 3-Jun-2026
ဒုတိယသမ္မတ ဦးညိုစော ဦးဆောင်သည့် မြန်မာကိုယ်စားလှယ်အဖွဲ့ ရုရှားဖက်ဒရေးရှင်းနိုင်ငံသို့ ထွက်ခွာ
ဒုတိယသမ္မတ ဦးညိုစော ဦးဆောင်သည့် မြန်မာကိုယ်စားလှယ်အဖွဲ့ ရုရှားဖက်ဒရေးရှင်းနိုင်ငံသို့ ထွက်ခွာ
နေပြည်တော် ဇွန် ၂ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဦးညိုစော ဦးဆောင်သည့် မြန်မာကိုယ်စားလှယ်အဖွဲ့သည် ရုရှားဖက်ဒရေးရှင်းနိုင်ငံ စိန့်ပီတာစဘတ်မြို့၌ ကျင်းပမည့် (၂၉) ကြိမ်မြောက် နိုင်ငံတကာစီးပွားရေးဖိုရမ် (29th St. Petersburg International Economic Forum - SPIEF 2026) သို့ တက်ရောက်ရန် ယနေ့နံနက်ပိုင်းတွင် ရန်ကုန်မြို့မှ လေကြောင်းခရီးဖြင့် ထွက်ခွာကြရာ ပြည်ထောင်စုဝန်ကြီး ဦးမြင့်ကြိုင်၊ ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူ၊ ရန်ကုန်တိုင်းစစ်ဌာနချုပ်တိုင်းမှူး၊ တိုင်းဒေသကြီးဝန်ကြီးများ၊ မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံသံရုံးမှ တာဝန်ရှိသူများက ရန်ကုန်အပြည်ပြည် ဆိုင်ရာလေဆိပ်၌ ပို့ဆောင်နှုတ်ဆက်ကြသည်။ဒုတိယသမ္မတနှင့်အတူ ပြည်ထောင်စုဝန်ကြီးများ ဖြစ်ကြသည့် ဦးအောင်ကျော်ဟိုး၊ ဦးထိန်လင်း၊ ဦးဆန်းဦး၊ ဦးကိုကိုလွင်၊ ဦးခင်မောင်စိုးနှင့် ဦးထွန်းအုံ၊ ဒုတိယဝန်ကြီး ဦးကိုကိုကျော်၊ ဌာနဆိုင်ရာအကြီးအကဲများနှင့် တာဝန်ရှိသူများ လိုက်ပါသွားကြသည်။သတင်းစဉ်MOI
Wed, 3-Jun-2026
ကုန်စည်စီးဆင်းမှုမြန်ဆန်ရေး အမှတ် (၂) ခရိုင်ချင်းဆက်လမ်းတွင် လိုအပ်ချက်ရှိသည့် လမ်းပိုင်းနေရာများတွင် ကတ္တရာထပ်ပိုးလွှာခင်းခြင်းနှင့် လမ်းတိုးချဲ့ခြင်းများ ဆောင်ရွက်ပေးသွားမည်ဖြစ်
ကုန်စည်စီးဆင်းမှုမြန်ဆန်ရေး အမှတ် (၂) ခရိုင်ချင်းဆက်လမ်းတွင် လိုအပ်ချက်ရှိသည့် လမ်းပိုင်းနေရာများတွင် ကတ္တရာထပ်ပိုးလွှာခင်းခြင်းနှင့် လမ်းတိုးချဲ့ခြင်းများ ဆောင်ရွက်ပေးသွားမည်ဖြစ်
ကျောက်ဆည်၊ ဇွန် ၂ကုန်စည်စီးဆင်းမှုမြန်ဆန်စေရေး ၂၀၂၆-၂၀၂၇ ဘဏ္ဍာနှစ်တွင် မြို့နယ်လမ်းဦးစီးဌာနမှ အမှတ်(၂) ခရိုင်ချင်းဆက်လမ်းပိုင်းတွင် လိုအပ်ချက်ရှိသည့် လမ်းပိုင်းနေရာများတွင် ကတ္တာထပ်ပိုးလွှာခင်းခြင်းနှင့် လမ်းတိုးချဲ့ခြင်းများ ဆောင်ရွက်ပေးသွားမည်ဖြစ်ကြောင်း သိရသည်။  ပြန်လည်ပြုပြင်ပေးသွားမည့် လမ်းပိုင်းနေရာများမှာ မိုင်တိုင် ၅၈ ဒဿမ ၃ ကီလိုမီတာနှင့် ၅၈ ဒဿမ ၇ ကီလိုမီတာကြား၊ မိုင်တိုင် ၆၁ ဒဿမ ၂ ကီလိုမီတာနှင့် ၆၁ ဒဿမ ၈ ကီလိုမီတာကြား၊ မိုင်တိုင် ၆၉ ဒဿမ ၈ ကီလိုမီတာနှင့် ၇၀ ဒဿမ ၄ ကီလိုမီတာကြား လမ်းအကျယ် ၃ ဒဿမ ၆၆ မီတာအား ကတ္တရာ ထပ်ပိုးလွှာ ခင်းခြင်းနှင့် မိုင်တိုင် ၆၂ ဒဿမ ၈ ကီလိုမီတာနှင့် ၆၃ ဒဿမ ၈ ကီလိုမီတာကြား လမ်းအကျယ် ၃ ဒဿမ ၆၆ မီတာအား ၅ ဒဿမ ၅ မီတာ လမ်းတိုးချဲ့ပြီး ကတ္တရာခင်းခြင်းလုပ် လုပ်ငန်းများ ဖြစ်ကြောင်း မြို့နယ်လမ်းဦးစီး ဌာနမှ သိရသည်။ အမှတ်(၂)ခရိုင်ချင်းဆက်လမ်းသည် ဒေသတွင်းကုန်စည်စီးဆင်းမှုမြန်ဆန်ရေး ခရိုင်၊ မြို့နယ်၊ ကျေးရွာများအား ဆက်သွယ်ထားသည့် လမ်းတစ်ခုဖြစ်ကြောင်းနှင့် လုပ်ငန်းများပြီးစီးပါက ပြည်သူများ၏ လူမှုရေး၊ စီးပွားရေး၊ ကျန်းမာရေး စသည့်ကဏ္ဍများနှင့် ကုန်စည်စီးဆင်းမှုများ ပိုမိုဖွံ့ဖြိုးတိုးတက်လာမည် ဖြစ်ကြောင်း သိရှိရသည်။သက်မောင်(ကျောက်ဆည်)          
Tue, 2-Jun-2026
အမေရိကန်ဒေါ်လာ သန်း(၅၀ဝ)ကျော်ဖြင့် ရောင်းချခဲ့သည့် မိုနာကိုနိုင်ငံရှိ ကမ္ဘာ့ဈေးအကြီးဆုံး တိုက်ခန်း
အမေရိကန်ဒေါ်လာ သန်း(၅၀ဝ)ကျော်ဖြင့် ရောင်းချခဲ့သည့် မိုနာကိုနိုင်ငံရှိ ကမ္ဘာ့ဈေးအကြီးဆုံး တိုက်ခန်း
မိုနာကိုနိုင်ငံတွင် ကမ္ဘာ့ဈေးအကြီးဆုံး အိမ်ရာအချို့ရှိပြီး ကမ္ဘာ့ဈေးအကြီးဆုံးတိုက်ခန်းကို ရောင်းချခဲ့ပြီးနောက် စံချိန်သစ်တစ်ခုကို တင်နိုင်ခဲ့ကြောင်းသိရသည်။ ယူကရိန်း၏အချမ်းသာဆုံးပုဂ္ဂိုလ် ရီနတ် အက်ခ်မက်တော့ဗ် ပိုင်ဆိုင်သောကုမ္ပဏီ System Capital Management (SCM) သည် Le Renzo အဆောက်အအုံရှိ အခန်း(၂၁)ခန်းပါသောတိုက်ခန်းကို အမေရိကန်ဒေါ်လာသန်း(၅၀ဝ)ကျော်ဖြင့်ဝယ်ယူခဲ့ပြီးနောက် စံချိန်သစ်တစ်ခုကို တင်နိုင်ခဲ့ခြင်းဖြစ်ကြောင်းသိရသည်။ကမ္ဘာ့ဈေးအကြီးဆုံး တိုက်ခန်းသည် မိုနာကိုကမ်းစပ်ရှိ သီးသန့်အဆောက်အအုံတစ်ခု၏ အပေါ်ဆုံးတွင်ရှိကာ ဧရိယာစတုရန်း ပေ(၂၆၉၀ဝ) ကျော်ကျယ်ဝန်းပြီး ပင်လယ်ပြင်၏လှပသောမြင်ကွင်းများကို ပေးစွမ်းနိုင်ကြောင်းသိရသည်။ အဆိုပါ တိုက်ခန်းတွင် အခန်း(၂၁)ခန်း၊ သီးသန့်ကားပါကင်နေရာ(၈)ခု၊ မြေထဲပင်လယ်၏ တိုက်ရိုက်မြင်ကွင်းများကိုမြင်တွေ့နိုင်သော လသာဆောင်များစွာ၊ သီးသန့်ရေကူးကန်၊ ပရီမီယံပရိဘောဂများနှင့် ခေတ်မီအိမ်တွင်း အလိုအလျောက်နည်းပညာများပါဝင်ကြောင်း သိရသည်။ဗာတီကန်စီးတီးပြီးလျှင် ဒုတိယမြောက် ကမ္ဘာ့အသေးဆုံးနိုင်ငံဖြစ်သော မိုနာကိုနိုင်ငံသည် ကမ္ဘာ့အမြင့်ဆုံးအိမ်ခြံမြေဈေးနှုန်းများထဲမှ အချို့ကိုပိုင်ဆိုင်ထားပြီး ပြီးခဲ့သည့်နှစ်တွင် တစ်စတုရန်းမီတာလျှင် ခန့်မှန်းဈေးနှုန်းမှာ အမေရိကန် ဒေါ်လာ(၈၂၃၀ဝ)ဒေါ်လာကျော်ရှိကြောင်းသိရသည်။ ထို့ပြင် အဆိုပါတိုက်ခန်း၏ အပြင်အဆင်သည် မြေထဲပင်လယ်ရှိ ဇိမ်ခံတိုက်ခန်းအဆောက်အအုံတစ်ခု၏ အပေါ်ဆုံးရှိ ငါးထပ်အိမ်ကြီးနှင့်ဆင်တူကြောင်းလည်း သိရသည်။Np News
Tue, 2-Jun-2026
ယာဉ်အစီးရေ(၁၀ဝဝဝ)ကျော်တင်ဆောင်နိုင်သည့် ကမ္ဘာ့အကြီးဆုံးယာဉ်တင်သင်္ဘောကြီး
ယာဉ်အစီးရေ(၁၀ဝဝဝ)ကျော်တင်ဆောင်နိုင်သည့် ကမ္ဘာ့အကြီးဆုံးယာဉ်တင်သင်္ဘောကြီး
Guangzhou Shipyard Interna tional ကုမ္ပဏီသည် EV ယာဉ်များ၊ ဟိုက်ဒရိုဂျင် စွမ်းအင်သုံးယာဉ်များနှင့် ကြီးမားသောထရပ်ကားများအပါအဝင်ယာဉ်အမျိုးမျိုးကို သယ်ယူပို့ဆောင်နိုင်စွမ်းရှိသည့် အရှည်(၂၃၀)မီတာ၊ အကျယ်(၄၀)မီတာရှိသော ကမ္ဘာ့အကြီးဆုံးယာဉ်တင်သင်္ဘောကြီးကို မကြာသေးမီက တည်ဆောက်ပြီးစီးခဲ့ကြောင်းသိရသည်။ Pure Car and Truck Carrier (PCTC) အဖြစ်ဖော်ပြထား သော Glovis Leader ဟု အမည်ပေးထားသည့် သင်္ဘောအသစ်ကြီးကို တောင်ကိုရီးယားကား ကုမ္ပဏီ ဟွန်ဒိုင်းက မှာယူခဲ့ခြင်းဖြစ်ပြီး China State Shipbuilding Corporation (CSSC) လက်အောက်ရှိ Guangzhou Shipyard International Company Limited နှင့် China Shipbuilding Trading Co. Ltd တို့က သတ်မှတ်ထားသည့် အချိန်ဇယားထက်စောကာ တည်ဆောက်ပြီးစီးခဲ့ခြင်းဖြစ်ကြောင်းသိရသည်။ Glovis Leader သင်္ဘောကြီးသည် အရှည်(၂၃၀)မီတာ၊ အကျယ် (၄၀)မီတာနှင့် မြန်နှုန်းမှာ(၁၉) knots ရှိကြောင်းလည်းသိရသည်။ ၎င်းတွင် ယာဉ်အစီးရေ(၁၀၈၀ဝ)အထိ တင်ဆောင်နိုင်သော သီးသန့်ကုန်းပတ် (၁၄)ခုပါရှိပြီး တည်ဆောက်ခဲ့ဖူးသမျှထဲတွင် အကြီးဆုံး ယာဉ်တင်သင်္ဘောကြီးဖြစ်လာခဲ့ကြောင်းလည်းသိရသည်။ ပြီးခဲ့သည့်နှစ်တွင် ကမ္ဘာ့အကြီးဆုံးကားနှင့် ထရပ်ကားတင် သင်္ဘောအဖြစ် Höegh Aurora သင်္ဘောက စံချိန်တင်ခဲ့သော်လည်း ၎င်းတွင် ယာဉ်အစီးရေ(၉၁၀ဝ)သာ တင်ဆောင်နိုင်ကြောင်းလည်း သိရသည်။ လက်ရှိအချိန်တွင် Glovis Leader သင်္ဘောကြီးက Höegh Aurora သင်္ဘောထက် သိသိသာသာပိုမိုကြီးမားကာ Höegh Aurora သင်္ဘောက တင်ဆောင်နိုင်သည့် ယာဉ်အစီးရေထက် (၁၇၀ဝ) စီး ပိုများအောင် တင်ဆောင်နိုင်စွမ်းရှိကြောင်းလည်းသိရသည်။
Tue, 2-Jun-2026
© Copyright 2024 SAC All Rights Reserved.