ယခုဘောလုံးရာသီ စပိန်လာလီဂါပြိုင်ပွဲ၏ တစ်နှစ်တာ အကောင်းဆုံးနည်းပြဆုကို ဘာစီလိုနာအသင်းနည်းပြ ဟန်ဆီဖလစ်ရရှိ

NoahJune222

News Image

  • ယခုဘောလုံးရာသီ စပိန်လာလီဂါပြိုင်ပွဲ၏ တစ်နှစ်တာ အကောင်းဆုံးနည်းပြဆုကို ဘာစီလိုနာအသင်းနည်းပြ ဟန်ဆီဖလစ်ရရှိ

ဘာစီလိုနာ   ဇွန်  ၄

ယခုဘောလုံးရာသီ စပိန်လာလီဂါပြိုင်ပွဲ၏ တစ်နှစ်တာအကောင်းဆုံးနည်းပြဆုကို ဘာစီလိုနာအသင်းအတွက်  စပိန်လာလီဂါ ပြိုင်ပွဲတွင်  ချန်ပီယံဆုဖလားဆွတ်ခူးပေးနိုင်သည့်  နည်းပြဟန်ဆီဖလစ်က ရရှိခဲ့ကြောင်း သိရသည်။

အသက်  ၆၁ နှစ်အရွယ် နည်းပြဟန်ဆီဖလစ်သည်  ဘာစီလိုနာအသင်းကို ၂၀၂၄ ခုနှစ်က စတင်တာဝန်ယူကိုင်တွယ်ခဲ့ပြီး ပြီးခဲ့သည့် ဘောလုံးရာသီက အသင်းအတွက်  စပိန်လာလီဂါပြိုင်ပွဲ၌   ချန်ပီယံဆုဖလားဆွတ်ခူးပေးနိုင်ခဲ့သည်။ 

ထို့ပြင် ယခုဘောလုံးရာသီတွင်လည်း စပိန်လာလီဂါပြိုင်ပွဲ၌  ၃၈ ပွဲတာဝန်ယူကိုင်တွယ်ရာတွင်  ၃၁ ပွဲအနိုင်ရရှိကာ တစ်ပွဲသရေရလဒ်နှင့် ခြောက်ပွဲရှုံးနိမ့်ပြီး ရမှတ်  ၉၄ မှတ်ဖြင့် အ ဆင့်(၂)နေရာမှ   ရီးယဲလ်မက်ဒရစ်အသင်းကို ရမှတ်ရှစ်မှတ်ဖြတ်တောက်ကာ နှစ်ရာသီဆက် ချန်ပီယံဆုဖလားဆွတ်ခူးနိုင်အောင် စွမ်းဆောင်ပေးနိုင်ခဲ့သူဖြစ်သည်။

နည်းပြဟန်ဆီဖလစ်သည်   ပြီးခဲ့သည့်ဘောလုံးရာသီကလည်း   ဘာစီလိုနာအသင်းအတွက်   စပိန်လာလီဂါပြိုင်ပွဲတွင် ချန်ပီယံဆုဖလား ဆွတ်ခူးပေးနိုင်ပြီးနောက် ပြိုင်ပွဲ၏တစ်နှစ်တာအကောင်းဆုံးနည်းပြဆုကိုရရှိသည့်အပြင် ယခုဘောလုံး ရာသီတွင်လည်း တစ်နှစ်တာ အကောင်းဆုံးနည်းပြဆုကို နှစ်ရာသီဆက်ရရှိခဲ့ခြင်းဖြစ်သည်။

နည်းပြဟန်ဆီဖလစ်သည်    ဘာစီလိုနာအသင်းအတွက်       ဘောလုံးရာသီနှစ်ရာသီအတွင်း     စပိန်လာလီဂါဖလား  နှစ်ကြိမ်၊ စပိန်ကိုပါဒယ်ရေး ဖလားတစ်ကြိမ်နှင့် စပိန်စူပါဖလားနှစ်ကြိမ်    ဆွတ်ခူးပေးနိုင်ခဲ့ကြောင်း  သိရသည်။   

 Ref;Fabrizio Romano

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

ယခုဘောလုံးရာသီ စပိန်လာလီဂါပြိုင်ပွဲ၏ တစ်နှစ်တာ အကောင်းဆုံးနည်းပြဆုကို ဘာစီလိုနာအသင်းနည်းပြ ဟန်ဆီဖလစ်ရရှိ
ယခုဘောလုံးရာသီ စပိန်လာလီဂါပြိုင်ပွဲ၏ တစ်နှစ်တာ အကောင်းဆုံးနည်းပြဆုကို ဘာစီလိုနာအသင်းနည်းပြ ဟန်ဆီဖလစ်ရရှိ
ဘာစီလိုနာ   ဇွန်  ၄ယခုဘောလုံးရာသီ စပိန်လာလီဂါပြိုင်ပွဲ၏ တစ်နှစ်တာအကောင်းဆုံးနည်းပြဆုကို ဘာစီလိုနာအသင်းအတွက်  စပိန်လာလီဂါ ပြိုင်ပွဲတွင်  ချန်ပီယံဆုဖလားဆွတ်ခူးပေးနိုင်သည့်  နည်းပြဟန်ဆီဖလစ်က ရရှိခဲ့ကြောင်း သိရသည်။အသက်  ၆၁ နှစ်အရွယ် နည်းပြဟန်ဆီဖလစ်သည်  ဘာစီလိုနာအသင်းကို ၂၀၂၄ ခုနှစ်က စတင်တာဝန်ယူကိုင်တွယ်ခဲ့ပြီး ပြီးခဲ့သည့် ဘောလုံးရာသီက အသင်းအတွက်  စပိန်လာလီဂါပြိုင်ပွဲ၌   ချန်ပီယံဆုဖလားဆွတ်ခူးပေးနိုင်ခဲ့သည်။ ထို့ပြင် ယခုဘောလုံးရာသီတွင်လည်း စပိန်လာလီဂါပြိုင်ပွဲ၌  ၃၈ ပွဲတာဝန်ယူကိုင်တွယ်ရာတွင်  ၃၁ ပွဲအနိုင်ရရှိကာ တစ်ပွဲသရေရလဒ်နှင့် ခြောက်ပွဲရှုံးနိမ့်ပြီး ရမှတ်  ၉၄ မှတ်ဖြင့် အ ဆင့်(၂)နေရာမှ   ရီးယဲလ်မက်ဒရစ်အသင်းကို ရမှတ်ရှစ်မှတ်ဖြတ်တောက်ကာ နှစ်ရာသီဆက် ချန်ပီယံဆုဖလားဆွတ်ခူးနိုင်အောင် စွမ်းဆောင်ပေးနိုင်ခဲ့သူဖြစ်သည်။နည်းပြဟန်ဆီဖလစ်သည်   ပြီးခဲ့သည့်ဘောလုံးရာသီကလည်း   ဘာစီလိုနာအသင်းအတွက်   စပိန်လာလီဂါပြိုင်ပွဲတွင် ချန်ပီယံဆုဖလား ဆွတ်ခူးပေးနိုင်ပြီးနောက် ပြိုင်ပွဲ၏တစ်နှစ်တာအကောင်းဆုံးနည်းပြဆုကိုရရှိသည့်အပြင် ယခုဘောလုံး ရာသီတွင်လည်း တစ်နှစ်တာ အကောင်းဆုံးနည်းပြဆုကို နှစ်ရာသီဆက်ရရှိခဲ့ခြင်းဖြစ်သည်။နည်းပြဟန်ဆီဖလစ်သည်    ဘာစီလိုနာအသင်းအတွက်       ဘောလုံးရာသီနှစ်ရာသီအတွင်း     စပိန်လာလီဂါဖလား  နှစ်ကြိမ်၊ စပိန်ကိုပါဒယ်ရေး ဖလားတစ်ကြိမ်နှင့် စပိန်စူပါဖလားနှစ်ကြိမ်    ဆွတ်ခူးပေးနိုင်ခဲ့ကြောင်း  သိရသည်။    Ref;Fabrizio RomanoMWD
Fri, 5-Jun-2026
ချယ်လ်ဆီးအသင်းက ကိုးလ်ပယ်မာ ဂျာအိုပက်ဒရိုနှင့်ကိုင်စီဒိုတို့ကို ရောင်းချမည်မဟုတ်ကြောင်း အတည်ပြုကြေညာ
ချယ်လ်ဆီးအသင်းက ကိုးလ်ပယ်မာ ဂျာအိုပက်ဒရိုနှင့်ကိုင်စီဒိုတို့ကို ရောင်းချမည်မဟုတ်ကြောင်း အတည်ပြုကြေညာ
လန်ဒန်    ဇွန်  ၄ချယ်လ်ဆီးအသင်းက   အသင်းမှ အဓိက ကစားသမားများဖြစ်သည့်  ကိုးလ်ပယ်မာ၊ ဂျာအိုပက်ဒရိုနှင့် ကိုင်စီဒိုတို့ကို  ရောင်းချမည် မဟုတ်ဘဲ  ကမ်းလှမ်းမှုအားလုံးကို   ပယ်ချမည်ဟု   အတည်ပြုကြေညာခဲ့ကြောင်း သိရသည်။ချယ်လ်ဆီးအသင်းသည် လာမည့်ဘောလုံးရာသီ တွင် ဥရောပအဆင့်ပြိုင်ပွဲအားလုံး  ဝင်ခွင့်နှင့်လွဲချော်ရပြီးနောက်   အဓိက ကစားသမား တချို့အနေဖြင့် အသင်းမှထွက်ခွာရန်ပြင်ဆင်နေသကဲ့သို့ ပြိုင်ဘက် ထိပ်တန်းအသင်းကြီးများကလည်း ချယ်လ်ဆီးအသင်း ၏ ဥရောပအဆင့်ပြိုင်ပွဲအားလုံးလွဲချော်မှုကို အခွင့် ကောင်းယူပြီး   ချယ်လ်ဆီးအသင်းမှ  အဓိကကစားသမားတချို့ကိုခေါ်ယူရန် ပြင်ဆင်နေခြင်းဖြစ်သည်။ချယ်လ်ဆီးအသင်း တိုက်စစ်ကစားသမား ကိုးလ်ပယ်မာသည်   ၂၀၂၃  ခုနှစ်က  မန်စီးတီးအသင်းမှ ချယ်လ်ဆီးအသင်းသို့ ပြောင်းရွှေ့ ကစားပြီးနောက် ပြီးခဲ့သည့်ဘောလုံးရာသီနှစ်ရာသီတွင် အကောင်းဆုံးခြေစွမ်းပြနိုင်သော်လည်း   ယခုဘောလုံးရာသီတွင် ခြေစွမ်းပိုင်း အနည်းငယ် ကျဆင်းမှုကြောင့် ဝေဖန်မှုများနှင့်ရင်ဆိုင်ခဲ့ရသည်။လက်ရှိကစားသမားအပြောင်းအရွှေ့ကာလတွင် ကိုးလ်ပယ်မာသည် ချယ်လ်ဆီးအသင်းနှင့် အနာဂတ်မရေမရာဖြစ်နေသော်လည်း   ချယ်လ်ဆီးအသင်းက အသင်း၌သာ ဆက်လက်ထိန်းထားရန် ဆုံးဖြတ်ခဲ့ခြင်းဖြစ်သည်။ထို့ပြင် ကွင်းလယ်ကစားသမားကိုင်စီဒိုနှင့် တိုက်စစ် ကစားသမား ဂျာအိုပက်ဒရိုတို့သည်လည်း အသင်း တွင်  အရေးပါသည့် ကစားသမားများအဖြစ် ပါဝင်နေသည့်အတွက်      ချယ်လ်ဆီးအသင်းက အသင်း၌ ဆက်လက်ထိန်းထားမည်ဖြစ်သည်။လက်ရှိတွင် ချယ်လ်ဆီးအသင်းသည် အပြောင်းအရွှေ့သတင်းများ ထွက်ပေါ်နေသော အဓိကကစားသမားများ ဖြစ်သည့် အန်ဇိုဖာနန်ဒက်နှင့် ကူကူရယ်လာတို့နှစ်ဦးကိုမူ  သင့်လျော်သည့် ပြောင်းရွှေ့ကြေးရရှိမည်ဆိုပါက လက်ခံဆွေးနွေးဖွယ်ရှိနေကြောင်း သိရသည်။ Ref;Transfer NewsMWD
Fri, 5-Jun-2026
EU နှင့် WHO တို့ ပူးပေါင်း၍ အီဘိုလာရောဂါထိန်းချုပ်ရေးလုပ်ငန်းများ ပံ့ပိုးကူညီ
EU နှင့် WHO တို့ ပူးပေါင်း၍ အီဘိုလာရောဂါထိန်းချုပ်ရေးလုပ်ငန်းများ ပံ့ပိုးကူညီ
အော့စလို  ဇွန်  ၃ကွန်ဂိုဒီမိုကရက်တစ်သမ္မတနိုင်ငံနှင့် ယူဂန်ဒါနိုင်ငံတို့တွင်  ဖြစ်ပွားလျက်ရှိသော  အီဘိုလာရောဂါကူးစက်မှုထိန်းချုပ်နိုင်ရေး  တုံ့ပြန်ဆောင်ရွက်မှုများကို   ပံ့ပိုးကူညီရန်  ဥရောပသမဂ္ဂ(EU)နှင့် ကမ္ဘာ့ကျန်းမာရေးအဖွဲ့(WHO)တို့ ပူးပေါင်းဆောင်ရွက်လျက်ရှိကြောင်း ကမ္ဘာ့ကျန်းမာရေးအဖွဲ့ဥရောပ ဒေသဆိုင်ရာရုံးက ဇွန် ၂ ရက်တွင် ပြောသည်။ထိုကဲ့သို့ ပူးပေါင်းဆောင်ရွက်မှုမှာ ရောဂါကူးစက်ပြန့်ပွားမှုကို လျင်မြန်စွာထိန်းချုပ်နိုင်ရေး၊ ပြည်သူလူထုကို ကာကွယ်ပေးရေးနှင့် ဒေသတွင်း   ကြိုတင်ပြင်ဆင်မှုများ  အားကောင်းစေရေးတို့အတွက် သက်ဆိုင်ရာအာဏာပိုင်များကို ပံ့ပိုးကူညီရန် ရည်ရွယ်ကြောင်း ကိုပင်ဟေဂင်အခြေစိုက် WHO ဥရောပဒေသဆိုင်ရာရုံးက သတင်းစာရှင်းလင်းပွဲတွင် ပြောသည်။EU သည် ကူးစက်မှုဖြစ်ပွားရာဒေသများတွင် အရေးပေါ်လုပ်ငန်းစဉ်များကို ပံ့ပိုးရန်အပြင် ကွန်ဂိုဒီမိုကရက်တစ်သမ္မတနိုင်ငံ၊ ယူဂန်ဒါနိုင်ငံတို့နှင့် အိမ်နီးချင်းနိုင်ငံများတွင် ကြိုတင်ပြင်ဆင်မှုနှင့် ကာကွယ်ရေးကြိုးပမ်းအားထုတ်မှုများကို ပံ့ပိုးကူညီရန် လူသားချင်းစာနာထောက်ထားမှုဆိုင်ရာ  ရန်ပုံငွေ  အမေရိကန်ဒေါ်လာ  ၁၇  ဒသမ ၄၄ သန်းကို ခွဲဝေချထားပေးလျက်ရှိကြောင်း သိရသည်။EU နှင့် WHO တို့သည် ရောဂါကူးစက်မှုများကို ထိန်းချုပ်နိုင်သည်အထိ အတူတကွလက်တွဲ လုပ်ဆောင်သွားမည်ဖြစ်ကြောင်း ပြောကြားသည်။      ဆင်ဟွာMDN
Thu, 4-Jun-2026
အင်ဒိုနီးရှားနိုင်ငံ၌ အသည်းရောဂါတိုက်ဖျက်ရေးအတွက် အခမဲ့စစ်ဆေးပေးမည့် အစီအစဉ် တိုးမြှင့်ဆောင်ရွက်
အင်ဒိုနီးရှားနိုင်ငံ၌ အသည်းရောဂါတိုက်ဖျက်ရေးအတွက် အခမဲ့စစ်ဆေးပေးမည့် အစီအစဉ် တိုးမြှင့်ဆောင်ရွက်
ဂျကာတာ  ဇွန်  ၃အင်ဒိုနီးရှားနိုင်ငံသည် မြင့်တက်လာသော အသည်းရောဂါနှင့်  ကင်ဆာရောဂါများကို တိုက်ဖျက် ရန် ကြိုးပမ်းမှုတစ်စိတ်တစ်ပိုင်းအနေဖြင့် ယခုနှစ်ကုန်တွင်  လူပေါင်း  ၁၃၆ သန်းကို   ဦးတည်ကာ   အခမဲ့အမျိုးသား ကျန်းမာရေးစစ်ဆေးမှုအစီအစဉ်ကို တိုးချဲ့ဆောင်ရွက်လျက်ရှိကြောင်း သိရသည်။ယခုဦးတည်လုပ်ဆောင်သော လူဦးရေမှာ ယခင်ဦးတည်ထားသည့် လူပေါင်းသန်း ၇၀ ထက် နှစ်ဆနီးပါးပိုမိုများပြားပြီး အသည်းရောင်အသားဝါရောဂါ  ကူးစက်မှုများကို ရှာဖွေဖော်ထုတ်ခြင်းနှင့် ကုသခြင်းလုပ်ငန်းများမြှင့်တင်ရန် ရည်ရွယ်ခြင်းဖြစ်ကြောင်း ကျန်းမာရေးဝန်ကြီး ဘူဒီဂူနာဒီ ဆာဒီကင်က ဇွန် ၂ ရက်တွင် ပြောသည်။အင်ဒိုနီးရှားအစိုးရသည် အစောပိုင်းအဆင့် အသည်းအဆီဖုံးခြင်းကဲ့သို့သော ရောဂါလက္ခဏာများကို တွေ့ရှိနိုင်ရန် အထွေထွေရောဂါကုဆရာဝန်များကို သင်တန်းပေးကာ ရပ်ရွာအခြေပြု ကျန်းမာရေးဌာနများမှတစ်ဆင့် ရောဂါအခြေအနေများကို ဆောလျင်စွာရှာဖွေဖော်ထုတ်သည့်စနစ်ကို အားကောင်းခိုင်မာစေရန် စီစဉ်လုပ်ဆောင်နေကြောင်း ဆာဒီကင်က ပြောသည်။အင်ဒိုနီးရှားနိုင်ငံရှိ အသည်းရောင်အသားဝါပိုးဆေးဝါးဈေးနှုန်းများမှာ မြင့်မားနေသောကြောင့် ကုသရေးအပိုင်းတွင် စိန်ခေါ်မှုတစ်ရပ်အဖြစ် ဆက်လက်ရှိနေဆဲဖြစ်ကြောင်း ၎င်းက ဆက်လက်ပြောကြားသည်။                                   ဆင်ဟွာMDN
Thu, 4-Jun-2026
အန်ဇိုဖာနန်ဒက်အားခေါ်ယူလိုပါက ဗယ်ဗာဒီအပြင် ယူရို သန်း ၂၀ အလိုက်ပေးရန် ချယ်လ်ဆီးအသင်းက ရီးယဲလ်မက်ဒရစ်အသင်းထံတောင်းဆို
အန်ဇိုဖာနန်ဒက်အားခေါ်ယူလိုပါက ဗယ်ဗာဒီအပြင် ယူရို သန်း ၂၀ အလိုက်ပေးရန် ချယ်လ်ဆီးအသင်းက ရီးယဲလ်မက်ဒရစ်အသင်းထံတောင်းဆို
လန်ဒန်   ဇွန်   ၃ချယ်လ်ဆီးအသင်းက ၎င်းတို့အသင်းမှ ကွင်းလယ် ကစားသမား  အန်ဇိုဖာနန်ဒက်အား  ခေါ်ယူလိုပါက ကွင်းလယ်ကစားသမား ဗယ်ဗာဒီအပြင် ယူရို သန်း ၂၀ အလိုက်ပေးရန်     ရီးယဲလ်မက်ဒရစ်အသင်းထံ တောင်းဆိုခဲ့ကြောင်း သိရသည်။အန်ဇိုဖာနန်ဒက်သည်     ယခုဘောလုံးရာသီတွင် ချယ်လ်ဆီးအသင်းနှင့်အတူ   အကောင်းဆုံးခြေစွမ်း ပြနိုင်သော်လည်း     ရာသီဝက်ကာလ၌  ရီးယဲလ် မက်ဒရစ်အသင်းထံ     ပြောင်းရွှေ့ကစားလိုသည်ဟု ပြောကြားပြီးနောက်      အသင်းတာဝန်ရှိသူများနှင့် ဆက်ဆံရေးတင်းမာမှုများရှိလာကာ     အသင်းက ပြစ်ဒဏ်ချမှတ်သည့်အနေဖြင့် ၎င်းကို ပွဲကစားခွင့် ယာယီပိတ်ပင်ခဲ့သည်။ချယ်လ်ဆီးအသင်းသည်    ယခုဘောလုံးရာသီ တွင် ရလဒ်မတည်ငြိမ်မှုများကြောင့် ဥရောပဝင်ခွင့် နှင့်လွဲချော်ခဲ့ရသော်လည်း   အန်ဇိုဖာနန်ဒက်အနေ ဖြင့် အသင်းနှင့်အတူ  အကောင်းဆုံးခြေစွမ်းပြနိုင်ခဲ့ကာ   ပြိုင်ပွဲစုံ ၆၁ ပွဲကစားရာတွင် ၁၆ ဂိုးသွင်းယူပြီး ဂိုးဖန်တီးမှု ၁၀ ကြိမ် ပြုလုပ်နိုင်သည်အထိ ခြေစွမ်းပြ နိုင်ခဲ့သည်။နောက်ပိုင်းတွင်   ချယ်လ်ဆီးအသင်းတာဝန်ရှိသူများနှင့် အန်ဇိုဖာနန်ဒက်တို့ကြား ညှိနှိုင်းမှုများအဆင် ပြေခဲ့၍  အသင်း၌ ပြန်လည် ကစားပေးခဲ့သော်လည်း ၎င်း၏အနာဂတ်မှာ  မရေမရာဖြစ်နေဆဲဖြစ်သည်။ ထို့ကြောင့် လာမည့် နွေရာသီကစားသမားအပြောင်း အရွှေ့ကာလတွင် ရီးယဲလ်မက်ဒရစ်အသင်းက အန်ဇို ဖာနန်ဒက်အား  ခေါ်ယူရန် ပြင်ဆင်နေခြင်းဖြစ်သည်။ရီးယဲလ်မက်ဒရစ်အသင်းတွင်    ကွင်းလယ်ကစားသမား ဗယ်ဗာဒီနှင့် ချူအာမန်ဒီတို့   ခိုက်ရန်ဖြစ်ပွား ခဲ့ပြီး    ဆက်ဆံရေး တင်းမာမှုများ ရှိလာပြီးနောက်   ဗယ်ဗာဒီကိုယ်တိုင်က    အသင်းမှထွက်ခွာရန်ဆန္ဒရှိ နေ၍     ရီးယဲလ်မက်ဒရစ်အသင်းက   ရောင်းချပြီး အန်ဇိုဖာနန်ဒက်နှင့်     ပြန်လည်အစားထိုးလိုနေခြင်း ဖြစ်သည်။ ချယ်လ်ဆီးအသင်းအနေဖြင့် ဥရောပအဆင့်ပြိုင်ပွဲ ဝင်ခွင့်နှင့်လွဲချော်ထားသောကြောင့် လာမည့်နွေရာသီ  ကစားသမား အပြောင်းအရွှေ့ကာလတွင်    အသင်းမှ ထွက်ခွာလိုနေသည့်          အန်ဇိုဖာနန်ဒက်အတွက် ချယ်လ်ဆီးအသင်းက   ရီးယဲလ်မက်ဒရစ် အသင်းထံ ယခုကဲ့သို့ တောင်းဆိုခဲ့ခြင်း ဖြစ်ကြောင်း သိရသည်။Ref;Transfer News LiveMWD
Thu, 4-Jun-2026
ရက်ရှ်ဖို့ဒ်က ဘာစီလိုနာအသင်းသို့ ပြောင်းရွှေ့မည့် အစီအစဉ်ကိုရုပ်သိမ်းပြီး မန်ယူအသင်းနှင့် ပြန်လည်ပူးပေါင်းမည်
ရက်ရှ်ဖို့ဒ်က ဘာစီလိုနာအသင်းသို့ ပြောင်းရွှေ့မည့် အစီအစဉ်ကိုရုပ်သိမ်းပြီး မန်ယူအသင်းနှင့် ပြန်လည်ပူးပေါင်းမည်
မန်ချက်စတာ   ဇွန်  ၃‌မန်ယူအသင်းမှ   ဘာစီလိုနာအသင်းသို့    အငှား စာချုပ်ဖြင့်     ပြောင်းရွှေ့ကစားနေသည့်     တိုက်စစ်ကစားသမားရက်ရှ်ဖို့ဒ်က       ဘာစီလိုနာအသင်းသို့ ပြောင်းရွှေ့မည့် အစီအစဉ်ကိုရုပ်သိမ်းပြီး      မန်ယူအသင်းနှင့်   ပြန်လည်ပူးပေါင်းမည်ဖြစ်ကြောင်း   သိရ သည်။ရက်ရှ်ဖို့ဒ်သည်    ပြီးခဲ့သည့်နွေရာသီကစားသမား အပြောင်းအရွှေ့ကာလက  မန်ယူအသင်းမှ ဘာစီလို နာအသင်းထံ တစ်ရာသီ အငှားစာချုပ်ဖြင့် ပြောင်းရွှေ့ ကစားခဲ့ပြီး အငှားစာချုပ်ပါ အချက်အလက်များအရ  ဘာစီလိုနာအသင်းမှ   ပြောင်းရွှေ့ကြေး   စတာလင် ပေါင် ၂၆  သန်းဖြင့်  အပြီးသတ်ခေါ်ယူနိုင်မည့်အချက် ပါဝင်နေခြင်းဖြစ်သည်။အစောပိုင်းက    ရက်ရှ်ဖို့ဒ်သည်   မန်ယူအသင်းသို့ ပြန်လည်ပြောင်းရွှေ့ခြင်း မပြုတော့ဘဲ    ဘာစီလိုနာ အသင်း၌သာ ဆက်လက်ကစားရန် ဆုံးဖြတ်ခဲ့ပြီး ဘာစီလိုနာအသင်းကလည်း  အပြီးသတ်စာချုပ်ဖြင့် ခေါ်ယူရန် ကြိုးပမ်းခဲ့သည်။ သို့သော် ဘာစီလိုနာအသင်းက စာချုပ်ပါအချက် အလက်များအတိုင်း ပြောင်းရွှေ့ကြေး စတာလင်ပေါင် ၂၆ သန်းကို   ပေးချေလိုခြင်းမရှိဘဲ   စတာလင်ပေါင် ၁၅ သန်းသာပေးချေလိုသည့်အတွက်   မန်ယူအသင်း နှင့်ဘာစီလိုနာအသင်းတို့ကြား ညှိနှိုင်းမှုအဆင်မပြေ ဖြစ်ခဲ့သည့်အပြင် ရက်ရှ်ဖို့ဒ်ကိုယ်တိုင်ကလည်း မန်ယူ အသင်းနှင့် ပြန်လည်ပူးပေါင်းရန်သာ ဆုံးဖြတ်ခဲ့သည်။    ရက်ရှ်ဖို့ဒ်သည်   လာမည့်ရာသီကြိုခြေစမ်းပွဲကာလ မတိုင်မီ    မန်ယူအသင်းနှင့်    ပြန်လည်ပူးပေါင်းရန် စီစဉ်ထားကြောင်း သိရသည်။Ref;Fabrizio RomanoMWD
Thu, 4-Jun-2026
© Copyright 2024 SAC All Rights Reserved.