ကျောက်ဆည်မြို့၌ ကျင်းပခဲ့သည့် ပါတီစုံ ဒီမိုကရေစီ အထွေထွေ ရွေးကောက်ပွဲ မဲရလဒ်များ ထုတ်ပြန်

KookieSpace97

News Image

  • ကျောက်ဆည်မြို့၌ ကျင်းပခဲ့သည့် ပါတီစုံ ဒီမိုကရေစီ အထွေထွေ ရွေးကောက်ပွဲ မဲရလဒ်များ ထုတ်ပြန်

ကျောက်ဆည်   ဒီဇင်ဘာ ၂၉

မန္တလေးတိုင်းဒေသကြီး၊ ကျောက်ဆည်မြို့နယ်၌ ၂၀၂၅ ခုနှစ်၊ ဒီဇင်ဘာ ၂၈ ရက်နေ့က ပါတီစုံ ဒီမိုကရေစီ အထွေထွေရွေးကောက်ပွဲအပိုင်း(၁)ကို ကျောက်ဆည်မြို့နယ် ရပ်ကွက်၊ ကျေးရွာ၌ မဲရုံအသီးသီးတွင် ကျင်းပ ပြုလုပ်ခဲ့ပြီး ရွေးကောက်ပွဲရလဒ်များကို ဒီဇင်ဘာ ၂၉ ရက် နံနက် ၉ နာရီက ကျောက်ဆည်မြို့ မြို့တော် ခန်းမတွင် ကျင်းပပြုလုပ်ခဲ့ကြောင်း သိရသည်။

ရှေးဦးစွာ ခရိုင်ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌ ဦးကြည်စိန်က ရွေးကောက်ပွဲဥပဒေများ၊ လုပ်ထုံး     လုပ်နည်းများနှင့်အညီ မဲစာရင်းရလဒ်များ ထုတ်ပြန်ကြေညာရခြင်းဖြစ်ကြောင်း ရှင်းလင်းပြောကြားခဲ့ပြီး မြို့နယ်အတွင်း ဝင်ရောက်ယှဉ်ပြိုင်ခဲ့သည့် သက်ဆိုင်ရာပါတီကိုယ်စားလှယ်များအား ကြည့်ရှုစေပြီး မဲရလဒ် များ ထုတ်ပြန်ခဲ့ကြောင်း သိရသည်။

သက်မောင် (ကျောက်ဆည်)  

MM-News-Category
နိုင်ငံရေးကဏ္ဍသတင်းများ
နိုင်ငံရေး-ပြည်တွင်းသတင်းများ

ဆက်စပ်သတင်းများ

အရှေ့အလယ်ပိုင်းနှင့် ပင်လယ်ကွေ့ဒေသတွင် ငြိမ်းချမ်းရေး ပြန်လည်ဆောင်ကြဉ်းနိုင်ရန်အတွက် တရုတ်နှင့် ပါကစ္စတန်တို့က အချက် ၅ ချက်ပါ အဆိုပြုချက် ထုတ်ပြန်
အရှေ့အလယ်ပိုင်းနှင့် ပင်လယ်ကွေ့ဒေသတွင် ငြိမ်းချမ်းရေး ပြန်လည်ဆောင်ကြဉ်းနိုင်ရန်အတွက် တရုတ်နှင့် ပါကစ္စတန်တို့က အချက် ၅ ချက်ပါ အဆိုပြုချက် ထုတ်ပြန်
      အရှေ့အလယ်ပိုင်းနှင့်  ပင်လယ်ကွေ့ဒေသတွင် ငြိမ်းချမ်းရေးကိုပြန်လည် ဆောင်ကြဉ်းနိုင်ရန်အတွက် တရုတ်နိုင်ငံခြားရေး ဝန်ကြီးဝမ်ယိနှင့်  ပါကစ္စတန်ဒုတိယဝန်ကြီးချုပ်နှင့် နိုင်ငံခြားရေးဝန်ကြီး  မိုဟာမက်အီရှက်ဒါးတို့က   အချက် ၅ ချက်ပါ အဆိုပြုချက်တစ်စောင်ကို ထုတ်ပြန်လိုက်သည်။နှစ်နိုင်ငံနိုင်ငံခြားရေးဝန်ကြီးများသည် အရှေ့အလယ်ပိုင်းဒေသနှင့်  ပင်လယ်ကွေ့ဒေသရှိ အခြေအနေများကို  ပြန်လည်သုံးသပ်ရန် မတ်လ ၃၁ ရက်တွင် ပေကျင်းမြို့၌ တွေ့ဆုံခဲ့ပြီးနောက် အဆိုပါ အဆိုပြုချက်ကို ထုတ်ပြန်ခြင်းဖြစ်သည်။အဆိုပြုချက်တွင် ပါဝင်သည့်အချက်များမှာ (၁)တိုက်ခိုက်မှုများကို ချက်ချင်းရပ်တန့်ရန်(၂) ငြိမ်းချမ်းရေး ဆွေးနွေးပွဲများကို အမြန်ဆုံးစတင်ရန် (၃)အရပ်သားများနှင့် စစ်ဘက်ဆိုင်ရာ မဟုတ်သော ပစ်မှတ်များအပေါ် တိုက်ခိုက်နေမှုများကို ချက်ချင်းရပ်တန့်ရန် (၄) သင်္ဘောလမ်းကြောင်းများ၏ လုံခြုံရေးကို  အကာအကွယ်ပေးရန်နှင့် ရေလက်ကြားမှ တစ်ဆင့် ပုံမှန်ဖြတ်သန်း သွားလာမှုကို အမြန်ဆုံးပြန်လည်ဖော်ဆောင်ရန်နှင့် (၅) ကုလသမဂ္ဂ ပဋိညာဉ်စာတမ်း၏ အခန်းကဏ္ဍကို ပူးပေါင်းမြှင့်တင်ရန်နှင့် ကုလသမဂ္ဂ ပဋိညာဉ်စာတမ်းပါ ရည်ရွယ်ချက်များ၊  အခြေခံမူများနှင့် နိုင်ငံတကာဥပဒေများအပေါ် အခြေခံ၍ ဘက်စုံငြိမ်းချမ်းရေး မူဘောင်တစ်ခု ထူထောင်ရန်နှင့် ရေရှည်တည်တံ့သော ငြိမ်းချမ်းရေးကို ဖော်ဆောင်ရန်တို့ ပါဝင်ကြောင်း သိရသည်။ MWD
Thu, 2-Apr-2026
ထရမ့်က အီရန်အရေးနှင့်ပတ်သက်သည့် အရေးကြီးသော နောက်ဆုံး အခြေအနေကို ဧပြီ ၁ ရက်နေ့ည နိုင်ငံတော်သို့ မိန့်ခွန်းပြောကြားရာတွင် ထည့်သွင်းပြောကြားမည်
ထရမ့်က အီရန်အရေးနှင့်ပတ်သက်သည့် အရေးကြီးသော နောက်ဆုံးအခြေအနေကို ဧပြီ ၁ ရက်နေ့ည နိုင်ငံတော်သို့ မိန့်ခွန်းပြောကြားရာတွင် ထည့်သွင်းပြောကြားမည်
အမေရိကန်သမ္မတ ဒေါ်နယ်ထရမ့်သည် အီရန်နိုင်ငံနှင့်ပတ်သက်၍ ဗုဒ္ဓဟူးနေ့ (ဧပြီ ၁) ညတွင် နိုင်ငံတော်သို့ မိန့်ခွန်းပြောကြားမည်ဖြစ်ကြောင်း အိမ်ဖြူတော် ပြောရေးဆိုခွင့်ရှိသူက ပြောကြားခဲ့သည်။အိမ်ဖြူတော် ပြောရေးဆိုခွင့်ရှိသူ Karoline Leavitt က “ဧပြီ ၁ ရက်နေ့ ည အရှေ့ဘက်စံတော်ချိန် (ET) ၉ နာရီမှာ သမ္မတထရမ့်ဟာ အီရန် အရေးနှင့်ပတ်သက်ပြီး အရေးကြီးသည့် နောက်ဆုံးအခြေအနေတွေကို တင်ပြဖို့ နိုင်ငံတော်ကို မိန့်ခွန်းပြောကြားသွားမှာ ဖြစ်ပါတယ်” ဟု ၎င်း၏ X လူမှုကွန်ရက်စာမျက်နှာတွင် ရေးသားဖော်ပြခဲ့သည်။မတ်လ ၃၁ ရက်နေ့အစောပိုင်းက သမ္မတရုံးခန်းတွင် ပြုလုပ်ခဲ့သည့်တွေ့ဆုံမှု၌ သမ္မတထရမ့်က အဆိုပါစစ်ပွဲသည် “ဖြစ်နိုင်လျှင် နှစ်ပတ်အတွင်း” အဆုံးသတ်သွားလိမ့်မည်ဟု ခန့်မှန်းကြောင်းပြောဆိုခဲ့ပြီး အခြေအနေများကို ပြေလည်စေမည့် သဘောတူညီချက်တစ်ခု ရရှိနိုင်ခြေရှိသည်ကို အလေးပေး ပြောကြားသွားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
အမေရိကန်-အီရန် စစ်ပွဲသည် ၂ ပတ် သို့မဟုတ် ၃ ပတ်အတွင်း ပြီးဆုံးနိုင်ကြောင်း သမ္မတ ထရမ့် ပြောကြား
အမေရိကန်-အီရန် စစ်ပွဲသည် ၂ ပတ် သို့မဟုတ် ၃ ပတ်အတွင်း ပြီးဆုံးနိုင်ကြောင်း သမ္မတ ထရမ့် ပြောကြား
အမေရိကန်အနေဖြင့် အီရန်နှင့်ဖြစ်ပွားနေသောစစ်ပွဲကို နောက်လာမည့် နှစ်ပတ်မှ သုံးပတ်အတွင်း အဆုံးသတ်နိုင်ဖွယ်ရှိကြောင်း သမ္မတ ဒေါ်နယ်ထရမ့်က မတ်လ ၃၁ ရက်နေ့တွင် ပြောကြားလိုက်သည်။Oval Office မှနေ၍ ထရမ့်က "ကျွန်တော်တို့ အစိုးရအဖွဲ့ အပြောင်းအလဲ (Regime change) လုပ်နိုင်ခဲ့ပြီ၊ တကယ်တော့ အစိုးရအဖွဲ့ အပြောင်း အလဲဆိုတာ ကျွန်တော့်ရဲ့ ရည်မှန်းချက်ထဲမှာ မပါပါဘူး ၊ ကျွန်တော့်မှာ ရည်မှန်းချက်တစ်ခုပဲ ရှိတာပါ၊ အဲ့ဒါက သူတို့ (အီရန်) မှာ နျူကလီးယား လက်နက် လုံးဝမရှိစေရဘူးဆိုတာပါပဲ ၊ အခု အဲ့ဒီပန်းတိုင်ကို ရောက်သွားပြီ၊ သူတို့မှာ နျူကလီးယားလက်နက် ရှိတော့မှာမဟုတ်ဘူး ၊ ဒါပေမဲ့ ကျွန်တော်တို့ ဒီအလုပ်ကို အပြီးသတ်ဖို့လုပ်နေပါတယ် ၊ နောက် ၂ ပတ်၊ ဒါမှမဟုတ် အဲ့ဒီထက် နည်းနည်းပိုတဲ့ ရက်ပိုင်းအတွင်းမှာ အပြီးသတ်နိုင်မယ် လို့ ထင်ပါတယ် ၊ သူတို့ဆီမှာရှိတဲ့ အရာအားလုံးကို ကျွန်တော်တို့ အပြတ် ရှင်းပစ်ချင်တာပါ" ဟု ပြောကြားခဲ့သည်။အကယ်၍ သဘောတူညီချက်တစ်ခုရရှိခဲ့ပါက စစ်ပွဲမှာ ယခုထက် ပိုမို မြန်ဆန်စွာ ပြီးဆုံးသွားနိုင်ကြောင်းလည်း သမ္မတက ထည့်သွင်း ပြောကြား ခဲ့သည်။ "သူတို့ဘက်က သဘောတူညီချက်တစ်ခု လုပ်ချင်နေတဲ့အတွက် ကျွန်တော်တို့ သဘောတူညီမှု ရနိုင်ခြေရှိပါတယ်၊ သူတို့က ကျွန်တော့် ထက်တောင် ပိုပြီး သဘောတူညီမှုရချင်နေကြတာ၊ ဘာပဲဖြစ်ဖြစ် အချိန်တိုအတွင်းမှာပဲ ကျွန်တော်တို့ အပြီးသတ်နိုင်မှာပါ" ဟု ထရမ့်က ဆိုသည်။ဆွေးနွေးပွဲများနှင့် ပတ်သက်၍လည်း အကောင်းမြင်သည့် သဘောဖြင့် "အခု ကျွန်တော်တို့နဲ့ ဆွေးနွေးနေတဲ့အုပ်စုက အရင်လူတွေနဲ့မတူဘဲ အများကြီးကွဲပြားပါတယ်၊ သူတို့က ပိုပြီးတော့ အကျိုးအကြောင်း သိနားလည်ကြတယ်" ဟု ပြောကြားခဲ့သည်။ထို့အပြင် ဟော်မုဇ်ရေလက်ကြား ပြန်လည်ဖွင့်လှစ်ရေးမှာ အခြားနိုင်ငံများ၏ ပြဿနာသာဖြစ်ကြောင်း ထရမ့်က ထပ်လောင်းပြောကြားခဲ့ပြီး ထိုအရေးကြီးသည့် ရေလမ်းကြောင်းလုံခြုံရေးအတွက် သက်ဆိုင်ရာ နိုင်ငံများကသာ တာဝန်ယူရမည်ဟု ဆိုသည်။ "ပြင်သစ် ဒါမှမဟုတ် တခြားနိုင်ငံတစ်ခုခုက ရေနံနဲ့ဂတ် လိုချင်တယ်ဆိုရင် ဟော်မုဇ် ရေလက်ကြားထဲကို သူတို့ဘာသာ သွားကြရမယ်၊ သူတို့ဘာသာပဲ ခုခံကာကွယ်ကြရမယ် ၊ အဲ့ဒီ ရေလက်ကြားထဲမှာဘာပဲဖြစ်ဖြစ် ကျွန်တော်တို့နဲ့ ဘာမှ မဆိုင်တော့ပါဘူး" ဟု ၎င်းက ဖြည့်စွက်ပြောကြားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
အီရန်စစ်ပွဲတွင် UAE ပါဝင်လာနိုင်ကြောင်း WSJ ဖော်ပြ
အီရန်စစ်ပွဲတွင် UAE ပါဝင်လာနိုင်ကြောင်း WSJ ဖော်ပြ
အီရန်ကိုတိုက်ခိုက်နေသည့် အမေရိကန်-အစ္စရေးစစ်ပွဲတွင် ယူအေအီး (UAE) နိုင်ငံသည် ၎င်း၏စစ်တပ်ကို ပထမဆုံးပါဝင်စေမည့် ပင်လယ်ကွေ့ နိုင်ငံဖြစ်လာရန် ပြင်ဆင်နေကြောင်း Wall Street Journal က အာရပ် အရာရှိများကို ကိုးကား၍ ဖော်ပြခဲ့သည်။လွန်ခဲ့သော တစ်လက ပဋိပက္ခစတင်ခဲ့ချိန်မှစ၍ UAE နိုင်ငံသည် အီရန်၏ ဒုံးကျည်နှင့်ဒရုန်းဖြင့် တိုက်ခိုက်မှုပေါင်း ၂,၅၀၀ ခန့် ခံခဲ့ရပြီး ၎င်းမှာ အစ္စရေးအပါအဝင် ဒေသတွင်းရှိ မည်သည့်နိုင်ငံထက်မဆို ပိုမို များပြားသော ပမာဏဖြစ်သည်။ တိုက်ပွဲများကြောင့် ဟော်မုဇ် ရေလက်ကြားမှာလည်း ထိရောက်စွာပိတ်ဆို့ခံထားရသဖြင့် UAE ၏ ရေနံထုတ်လုပ်မှုမှာ ထက်ဝက်ကျော် လျော့ကျသွားခဲ့ရုံမက ဒူဘိုင်းနှင့်အဘူဒါဘီ စတော့ စျေးကွက်များတွင်လည်း အမေရိကန်ဒေါ်လာ ၁၂၀ ဘီလီယံခန့် တန်ဖိုး ဆုံးရှုံးခဲ့ရသည်။UAE အနေဖြင့် ရေနံကုန်သွယ်ရေးအတွက် ဟော်မုဇ်ရေလက်ကြားကို အမြန်ဆုံးပြန်လည်ဖွင့်လှစ်လိုသဖြင့် အမေရိကန်အား စစ်ရေးအရ ကူညီရန် အသင့်ရှိနေကြောင်း အင်္ဂါနေ့ (မတ် ၃၁) က ထုတ်ဝေခဲ့သည့် WSJ ဆောင်းပါးတွင် ဖော်ပြထားသည်။အဆိုပါ ရေလမ်းကြောင်းကို ထိန်းချုပ်နိုင်ရန်အတွက် ဥရောပနှင့် အာရှ နိုင်ငံများ ပါဝင်သော စစ်ရေးမဟာမိတ်အဖွဲ့တစ်ခု ဖွဲ့စည်းရန် UAE သံတမန် များက ဝါရှင်တန်အား သီးသန့်တိုက်တွန်းထားကြောင်း သတင်းရင်းမြစ်များက ဆိုသည်။ ထို့အပြင် ဟော်မုဇ်ရေလက်ကြားတွင် အင်အားသုံးခွင့်ပြုမည့် ကုလသမဂ္ဂလုံခြုံရေးကောင်စီ၏ ဆုံးဖြတ်ချက်တစ်ရပ် ထွက်ပေါ် လာစေရန်အတွက်လည်း UAE က စည်းရုံးလှုံ့ဆော်လျက်ရှိသည်။အဘူဒါဘီခေါင်းဆောင်ပိုင်းသည် လက်ရှိတွင် မိုင်းရှင်းလင်းရေးနှင့် အခြားသောထောက်ပံ့ရေးလုပ်ငန်းများအပါအဝင် ရေလမ်းကြောင်း လုံခြုံရေးအတွက် စစ်ရေးအရမည်ကဲ့သို့ ပါဝင်ကူညီနိုင်မည်ကို တက်ကြွစွာ ရှာဖွေနေကြကြောင်း အရာရှိများက ပြောကြားခဲ့သည်။တစ်ဆက်တည်းမှာပင် အီရန်က နှစ်ပေါင်း ၅၀ ကြာ ထိန်းချုပ်ထားသော်လည်း UAE က ၎င်း၏ပိုင်နက်အဖြစ် အခိုင်အမာဆိုထားသည့် Abu Musa အပါအဝင် ရေလက်ကြားရှိ ကျွန်းများကို အမေရိကန်က သိမ်းပိုက်ပေးစေလိုကြောင်း အာရပ်အရာရှိများက ထပ်လောင်းပြောဆိုခဲ့သည်။သို့သော်လည်း အမေရိကန်သမ္မတ ဒေါ်နယ်ထရမ့်က အင်္ဂါနေ့ (မတ် ၃၁) တွင် ပြောကြားရာ၌ ဝါရှင်တန်အနေဖြင့် ၂ ပတ်မှ ၃ ပတ်အတွင်း ပဋိပက္ခမှ နုတ်ထွက်နိုင်ပြီး ထို့နောက်တွင် ဟော်မုဇ်ရေလက်ကြား၌ဖြစ်ပျက်သမျှနှင့် မည်သို့မျှ သက်ဆိုင်တော့မည်မဟုတ်ဟု ဆိုသည်။ ကမ္ဘာ့ ရေကြောင်းရေနံကုန်သွယ်မှု ၂၀ ရာခိုင်နှုန်း ဖြတ်သန်းရာ အဆိုပါ ရေလမ်းကြောင်းကို ပြန်လည်ဖွင့်လှစ်ရန်မှာ ရေလက်ကြားကို အသုံးပြုမည့်သူတိုင်း၏ တာဝန်သာဖြစ်ကြောင်း ၎င်းက အခိုင်အမာ ပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
အီရန်စစ်ပွဲကြောင့် ထောက်ခံသူတချို့ ဝေဖန်နေသော်လည်း သမ္မတ ထရမ့်၏ စွမ်းဆောင်ရည်အပေါ် ယုံကြည်ရန် စစ်မက်ရေးရာဝန်ကြီး တိုက်တွန်း
အီရန်စစ်ပွဲကြောင့် ထောက်ခံသူတချို့ ဝေဖန်နေသော်လည်း သမ္မတ ထရမ့်၏ စွမ်းဆောင်ရည်အပေါ် ယုံကြည်ရန် စစ်မက်ရေးရာဝန်ကြီး တိုက်တွန်း
သမ္မတ ဒေါ်နယ်ထရမ့်ကို ထောက်ခံသော်လည်း အမေရိကန် မြေပြင်တိုက်ပွဲဝင်တပ်ဖွဲ့များ စေလွှတ်ခြင်းကို မလိုလားသည့် ပြည်သူများ၏ ဝေဖန်မှုအပေါ် စစ်မက်ရေးရာဝန်ကြီး ပိဟက်ဆက် (Pete Hegseth) က တုံ့ပြန်ပြောကြားရာတွင် သမ္မတ၏ စီမံခန့်ခွဲနိုင်စွမ်းအပေါ် အမာခံ ထောက်ခံသူများအနေဖြင့် “ဘာကြောင့် ယုံကြည်မှုမရှိဘဲ နေကြသနည်း” ဟု မေးခွန်းထုတ်ခဲ့သည်။အင်္ဂါနေ့ (မတ် ၃၁) က ပင်တဂွန်စစ်ဌာနချုပ်၌ ပြုလုပ်ခဲ့သော သတင်းစာရှင်းလင်းပွဲတွင် ဟက်ဆက်က “အမာခံထောက်ခံသူများအနေဖြင့် သမ္မတကို နားလည်ပြီးသားဖြစ်သည့်အပြင် ၎င်း၏ အကောင်အထည်ဖော်နိုင်စွမ်းအပေါ်တွင်လည်း အဘယ်ကြောင့် ယုံကြည်မှုမရှိရသနည်း ဆိုသည်ကို ကျွန်တော် နားမလည်နိုင်ပါ” ဟု ပြောကြားခဲ့သည်။“အဆုံးမသတ်နိုင်သော စစ်ပွဲများကို အဆုံးသတ်မည်” ဟူသည့် ကြွေးကြော်သံဖြင့် သမ္မတအဖြစ် အရွေးခံခဲ့သော ထရမ့်သည် ယခု အီရန်နှင့် ဖြစ်ပွား နေသည့် စစ်ပွဲကြောင့် ၎င်း၏ အမာခံထောက်ခံသူတချို့နှင့် ဝေးကွာသွားနိုင်သည့် အန္တရာယ်ရှိနေကြောင်း CNN က ယခင်က သတင်းဖော်ပြခဲ့ဖူးသည်။လတ်တလော လူထုသဘောထားစစ်တမ်းများအရ မိမိကိုယ်ကို “MAGA မဲဆန္ဒရှင်” ဟု သတ်မှတ်ထားသူအများစုမှာ အီရန်နှင့်စစ်ဖြစ်ပွားမှုကို ထောက်ခံ ကြသော်လည်း Reuters-Ipsos ၏ စစ်တမ်းတွင် ရီပတ်ဘလီကန် ၂၁ ရာခိုင်နှုန်းက ကန့်ကွက်ကြောင်း တွေ့ရှိရသည်။ ထို့အတူ Yahoo News-YouGov စစ်တမ်းအရ ၂၀၂၄ ရွေးကောက်ပွဲတွင် ထရမ့်ကိုမဲပေးခဲ့သူ လေးဦးလျှင် တစ်ဦးနီးပါးမှာ အဆိုပါစစ်ပွဲကို ဆန့်ကျင်နေကြသည်။သမ္မတထရမ့်သည် အီရတ်နှင့် အာဖဂန်နစ္စတန်တို့တွင် ဖြစ်ပွားခဲ့သော အမေရိကန်၏ နွံနစ်ခဲ့သည့် သင်ခန်းစာများကို အခြားသူများထက် ပိုမို နက်ရှိုင်းစွာသဘောပေါက်ထားသူဖြစ်ပြီး အဆိုပါအမှားမျိုးကို နောက်ထပ် ကျူးလွန်လိမ့်မည်မဟုတ်ကြောင်းလည်း ဝန်ကြီး ဟက်ဆက်က ဆက်လက် ပြောကြားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
အစ္စရေးက ပြင်သစ်ကို လက်တုံ့ပြန် အရေးယူ
အစ္စရေးက ပြင်သစ်ကို လက်တုံ့ပြန် အရေးယူ
ပြင်သစ်နိုင်ငံက အရှေ့အလယ်ပိုင်းသို့ပေးပို့မည့် လက်နက်ခဲယမ်းများအတွက် ၎င်း၏ လေပိုင်နက်အား အသုံးချခွင့် ငြင်းပယ်ခဲ့ခြင်းအပေါ် အမေရိကန်သမ္မတ ဒေါ်နယ်ထရမ့်က လူသိရှင်ကြား ဝေဖန်ပြစ်တင်ခဲ့ပြီးနောက် အစ္စရေး ကာကွယ်ရေးဝန်ကြီးဌာနက ပြင်သစ်အပေါ် လက်တုံ့ပြန်မည့် အစီအစဉ်များကို ကြေညာလိုက်သည်။အင်္ဂါနေ့ (မတ် ၃၁) တွင် Truth Social လူမှုကွန်ရက်၌ ထရမ့်က ရေးသားရာတွင် ပြင်သစ်၏ ဆုံးဖြတ်ချက်သည် အီရန်နှင့်ဖြစ်ပွားနေသော အမေရိကန်-အစ္စရေး စစ်ပွဲအတွက် အလွန်ပင် အနှောင့်အယှက်ဖြစ်စေသည်ဟု ဖော်ပြခဲ့ပြီး ဝါရှင်တန်အနေဖြင့် အဆိုပါလုပ်ရပ်ကို "မှတ်သားထားမည်" ဟု ထည့်သွင်းပြောကြားခဲ့သည်။ အစ္စရေးသို့ လက်နက်များ လွှဲပြောင်းပေးပို့မှုကို ပြင်သစ်ကကန့်သတ်လိုက်ခြင်းမှာ လွန်ခဲ့သော တစ်နှစ်ကျော် ကတည်းက စတင်ခဲ့သော အနောက်ဂျေရုဆလင်သို့ လက်နက်ရောင်းချမှု ပိတ်ဆို့ခြင်း (Embargo) နှင့်အတူ ပေါ်ပေါက်လာခြင်း ဖြစ်သည်။အစ္စရေး ကာကွယ်ရေးဝန်ကြီးဌာန ညွှန်ကြားရေးမှူးချုပ် အမီယာဘာရမ် (Amir Baram) က အင်္ဂါနေ့ (မတ် ၃၁) တွင် Channel 12 နှင့် ပြုလုပ်ခဲ့ သော အင်တာဗျူးတစ်ခု၌ ပြောကြားရာတွင် ၎င်းနှင့် ကာကွယ်ရေးဝန်ကြီး အစ္စရေးကတ်စ် (Israel Katz) တို့သည် ပြည်ပလက်နက် တင်သွင်းသူများအပေါ်မှီခိုနေရမှုကို လျှော့ချရန် ရည်ရွယ်ထားကြောင်းနှင့် အထူးသဖြင့် အစ္စရေးက "မိတ်ဆွေ" ဟု မရှုမြင်တော့သော ပြင်သစ်ကဲ့သို့ နိုင်ငံများမှ တင်သွင်းမှုကို ကန့်သတ်သွားမည်ဖြစ်ကြောင်း ပြောကြားခဲ့သည်။အစ္စရေးကာကွယ်ရေးဝန်ကြီးဌာန၏ တရားဝင်ထုတ်ပြန်ချက်တွင် "ပြင်သစ်နိုင်ငံထံမှ ကာကွယ်ရေးဆိုင်ရာ ဝယ်ယူမှုအားလုံးကို လုံးဝမရှိတော့ သည်အထိ လျှော့ချသွားမည်" ဟု ဖော်ပြထားပြီး ပြင်သစ်ကာကွယ်ရေး အဆင့်မြင့်အရာရှိတစ်ဦး၏ စီစဉ်ထားသော ခရီးစဉ်ကိုလည်း ဖျက်သိမ်း လိုက်ကြောင်း အတည်ပြုခဲ့သည်။ ထို့အပြင် "ပြင်သစ်စစ်တပ်နှင့် မည်သည့် လုပ်ငန်းဆိုင်ရာ ဆက်သွယ်ဆောင်ရွက်မှုအသစ်မျှ ပြုလုပ်တော့မည် မဟုတ်" ဟုလည်း ဆက်လက်ဖော်ပြထားသည်။Ynet သတင်းဌာန၏ ဖော်ပြချက်အရ ပြင်သစ်လက်နက်ကိုင်တပ်ဖွဲ့များဆိုင်ရာ ဝန်ကြီး ကက်သရင်း ဗော့ထရင် (Catherine Vautrin) ၏ ဒုတိယ အရာရှိ အဲလစ် ရူဖို (Alice Ruffo) သည် တနင်္ဂနွေနေ့ (ဧပြီ ၅) တွင် အစ္စရေးနိုင်ငံသို့ သွားရောက်ရန်စီစဉ်ထားပြီး သူမသည် သမ္မတအီမန်နျူရယ် မက်ခရွန် (Emmanuel Macron) နှင့် ရင်းနှီးသော မဟာမိတ်တစ်ဦးလည်း ဖြစ်သည်။ဖြစ်စဉ်အသွားအလာနှင့်ပတ်သက်၍ သတင်းရင်းမြစ်များမှာ ကွဲပြားလျက်ရှိပြီး အချို့က အနောက်ဂျေရုဆလင်ဘက်က ရူဖို၏ ခရီးစဉ်ကို ဖျက်သိမ်း လိုက်ပြီးနောက်တွင်မှ ပြင်သစ်က ၎င်း၏ လေပိုင်နက်အသုံးပြုခွင့်ကို ငြင်းပယ်ခဲ့ခြင်းဖြစ်သည်ဟု ဆိုကြသည်။ Reuters သတင်းဌာနကကိုးကားဖော်ပြသော အရင်းအမြစ်များအရမူ အဆိုပါလုပ်ရပ်သည် လွန်ခဲ့သော တစ်လကျော်က အီရန်အစိုးရအားဖြုတ်ချရေး စစ်ဆင်ရေး (Regime change campaign) စတင်ခဲ့ပြီးနောက်ပိုင်း အစ္စရေးသို့ ဦးတည်သော လက်နက်တင်ပို့မှုအပေါ် ပါရီဘက်က ပထမဆုံးအကြိမ် ပိတ်ပင်တားဆီးလိုက်ခြင်းကြောင့်ဖြစ်သည်ဟု သိရှိရသည်။ရူဖိုသည် ယခုသီတင်းပတ်အတွင်း လက်ဘနွန်နိုင်ငံသို့ သွားရောက်ခဲ့ပြီး အဆင့်မြင့်အရာရှိများနှင့် တွေ့ဆုံခဲ့ကာ ပြင်သစ်ထုတ် VAB သံချပ်ကာ လူနာတင်ယာဉ် ၃၉ စီးကို လက်ဘနွန် စစ်တပ်သို့ လွှဲပြောင်းပေးအပ်သည့် အစီအစဉ်ကို ကြီးကြပ်ခဲ့သည်။ လက်ရှိတွင် အစ္စရေးသည် လက်ဘနွန် နိုင်ငံ တောင်ဘက်ပိုင်းဒေသကို သိမ်းပိုက်ထားဆဲဖြစ်သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
© Copyright 2024 SAC All Rights Reserved.