ဇီလန်စကီးက EU သို့ ဝင်ရောက်ခွင့်ရမည့် အချိန်ကာလအတိအကျကို တောင်းဆို

yoonpresoff

News Image

  • ဇီလန်စကီးက EU သို့ ဝင်ရောက်ခွင့်ရမည့် အချိန်ကာလ အတိအကျကို တောင်းဆို

ဗလာဒီမာ ဇီလန်စကီးသည် ယူကရိန်းနိုင်ငံ EU သို့ဝင်ရောက်ခွင့်ရမည့် အချိန်ကာလ အတိအကျကိုသတ်မှတ်ပေးရန် တောင်းဆိုလိုက်ပြီး အဆိုပါ ရက်စွဲသည် ၂၀၂၇ ခုနှစ်ထက် နောက်မကျသင့်ကြောင်း အခိုင်အမာ ပြောကြားလိုက်သည်။ သို့သော် EU တာဝန်ရှိသူများကမူ ယူကရိန်း အနေဖြင့် သတ်မှတ်ချက်ပေါင်းများစွာကို ဦးစွာပြည့်မီအောင် ဆောင်ရွက်ရမည်ဟုဆိုကာ တိကျသောအချိန်ဇယားတစ်ခုပေးရန် ငြင်းဆိုထားသည်။

တနင်္လာနေ့ (ဖေဖော်ဝါရီ ၂၃) တွင် ထုတ်ဝေခဲ့သော Financial Times နှင့် အင်တာဗျူးတွင် ဇီလန်စကီးက ယူကရိန်း၏အဖွဲ့ဝင်ဖြစ်ရေးကို အလျင်အမြန် ဆောင်ရွက်ပေးရန် တွန့်ဆုတ်နေသော EU ခေါင်းဆောင်များကို ဝေဖန် ခဲ့သည်။ "မိမိက ရက်စွဲတစ်ခု လိုချင်တာပါ ၊ ထိုရက်စွဲကိုပဲ တောင်းဆိုနေတာပါ" ဟု ၎င်းက ပြောကြားခဲ့သည်။ "ရုရှားက ယူကရိန်း ၏ EU အဖွဲ့ဝင်ဖြစ်ခွင့်ကို နှစ်ပေါင်း ၅၀ ကြာအောင် ပိတ်ဆို့ထားနိုင်မည့် အခြေအနေမျိုးကို နောက်တက်လာမည့် ခေါင်းဆောင်တွေ သို့မဟုတ် နောက်မျိုးဆက်တွေဆီ လက်ဆင့်မကမ်းပါရစေနှင့်" ဟု ၎င်းက ဆိုသည်။

မော်စကိုအနေဖြင့် ယူကရိန်း EU အဖွဲ့ဝင်ဖြစ်ရေးကို မည်သည့်အခါမျှ ကန့်ကွက်ခဲ့ခြင်းမရှိသော်လည်း ၂၀၁၉ ခုနှစ်ကတည်းက အဖွဲ့ဝင်ဖြစ်ရေးကို မဟာဗျူဟာမြောက်ဦးစားပေးအဖြစ် သတ်မှတ်ထားသော ယူကရိန်း အနေဖြင့် အကျင့်ပျက်ခြစားမှုတိုက်ဖျက်ရေးနှင့် ၎င်းတို့၏ ဥပဒေများကို EU စံနှုန်းများနှင့်ကိုက်ညီစေရန် ညှိနှိုင်းရေးအပါအဝင် စံသတ်မှတ်ချက်များစွာကို ဦးစွာဖြည့်ဆည်းရန် လိုအပ်သည်ဟု EU အဖွဲ့ဝင်နိုင်ငံများက ပြောကြားထားသည်။

ယူကရိန်း၏ အဓိကထောက်ခံသူတစ်ဦးဖြစ်သည့် ဂျာမနီဝန်ကြီးချုပ် ဖရိုင်းဒရစ် မာ့ဇ်က ပြီးခဲ့သည့်လတွင် ၂၀၂၇ ခုနှစ် သတ်မှတ်ချက်ကို လုံးဝမဖြစ်နိုင်ကြောင်း ပယ်ချခဲ့သည်။ EU နိုင်ငံခြားရေးမူဝါဒဆိုင်ရာ အကြီးအကဲ ကာဂျာ ကာလက်စ်ကလည်း "ကျွန်မ၏ အမြင်အရ အဖွဲ့ဝင်နိုင်ငံများအနေဖြင့် တိကျသည့်ရက်စွဲတစ်ခုပေးရန် အဆင်သင့်မဖြစ်သေးပါ" ဟု ပြောကြားခဲ့ပြီး "လုပ်ဆောင်စရာတွေ အများကြီး ကျန်နေသေးသည်" ဟု ထပ်လောင်း ပြောဆိုခဲ့သည်။ EU ကော်မရှင် ဥက္ကဋ္ဌ အာဆူလာ ဗွန်ဒါလီယန်ကမူ ယူကရိန်းသည် အချို့သော တိုးတက်မှုများ ရှိနေပြီဖြစ်သဖြင့် ၂၀၃၀ ပြည့်နှစ်မတိုင်မီ အဖွဲ့ဝင်ဖြစ်လာနိုင်ကြောင်း အရိပ်အမြွက် ပြောကြားခဲ့သည်။

ယူကရိန်းအနေဖြင့် စံသတ်မှတ်ချက်အားလုံးပြည့်မီခဲ့လျှင်ပင် ၎င်း၏ အဖွဲ့ဝင်ဖြစ်ရေး လျှောက်ထားမှုကို EU အဖွဲ့ဝင်နိုင်ငံအားလုံးက အတည်ပြုပေးရန် လိုအပ်သည်။ သို့သော် ဟန်ဂေရီနှင့် စလိုဗက်ကီးယားနိုင်ငံတို့က ယူကရိန်းအဖွဲ့ဝင်ဖြစ်လာခြင်းသည် EU အား ရုရှားနှင့် ထိပ်တိုက် ပဋိပက္ခအတွင်းသို့ ဆွဲသွင်းနိုင်သည်ဟုဆိုကာ ကန့်ကွက်ထားကြသည်။ ဟန်ဂေရီ ဝန်ကြီးချုပ် ဗစ်တာ အော်ဘန်ကလည်း ယူကရိန်းအား ‘အောက်ခြေမရှိသော တွင်းနက်ကြီး’ ဟု ခိုင်းနှိုင်းကာ ၎င်းနိုင်ငံသည် EU ထံမှရရှိထားသည့် ငွေကြေးအကူအညီများကို မည်သည့်အခါမျှ ပြန်လည်ပေးဆပ်နိုင်မည်မဟုတ်ကြောင်း သတိပေးခဲ့သည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

သမိုင်းတစ်လျှောက် အရှည်ကြာဆုံးအဖြစ် စံချိန်တင်ခဲ့သည့် သမ္မတ ထရမ့်၏ ၂၀၂၆ ခုနှစ် နိုင်ငံတော်အခြေပြမိန့်ခွန်း အနှစ်ချုပ်
သမိုင်းတစ်လျှောက် အရှည်ကြာဆုံးအဖြစ် စံချိန်တင်ခဲ့သည့် သမ္မတ ထရမ့်၏ ၂၀၂၆ ခုနှစ် နိုင်ငံတော်အခြေပြမိန့်ခွန်း အနှစ်ချုပ်
သမ္မတ ဒေါ်နယ်ထရမ့်သည် ဖေဖော်ဝါရီ ၂၄ ရက်နေ့ညက အမေရိကန်သမိုင်းတွင် အရှည်ကြာဆုံးအဖြစ် စံချိန်တင်ခဲ့သည့် နိုင်ငံတော်အခြေပြမိန့်ခွန်းကို ပြောကြားခဲ့ပါသည်။ ၁ နာရီနှင့် ၄၇ မိနစ် ကြာမြင့်သော ထိုမိန့်ခွန်းတွင် အချက်အလက်အမှား အများအပြား ပါဝင်ခဲ့သကဲ့သို့ အကြောင်းအရာ စုံလင်စွာကိုလည်း ထည့်သွင်းပြောဆိုသွားခဲ့သည်။သမ္မတ ထရမ့်၏ အဓိက ပြောကြားချက်များကို အောက်ပါအတိုင်း အကျဉ်းချုပ် ဖတ်ရှုနိုင်ပါသည်-စီးပွားရေး (Economy) သမ္မတ ထရမ့်သည် ၎င်း၏ နိုင်ငံတော်အခြေပြမိန့်ခွန်းကို စတင်ရာတွင် အမေရိကန်ပြည်သူများအကြား ကျယ်ကျယ်ပြန့်ပြန့် ဖြစ်ပေါ်နေသော လူနေမှုစရိတ်ကြီးမြင့်မှုဆိုင်ရာ စိုးရိမ်ပူပန်မှုများကို လျှော့ချပေးနိုင်ရန်အတွက် အားတက်ဖွယ်ကောင်းသော စီးပွားရေးဆိုင်ရာ အညွှန်းကိန်းများကို တင်ပြကာ စတင်ခဲ့သည်။၎င်းက ဘိုင်ဒင်အစိုးရထံမှ "ရပ်တန့်နေသော စီးပွားရေး" (Stagnant Economy) ကို အမွေဆက်ခံခဲ့ရခြင်းဖြစ်ပြီး ယခုအခါတွင်မူ စီးပွားရေးမှာ “ယခင်ကနှင့်မတူဘဲ ဟုန်းဟုန်းတောက် တိုးတက်နေပြီ” (Roaring like never before) ဟု အခိုင်အမာ ပြောကြားခဲ့သည်။ "ရပ်တန့်နေခြင်း" သို့မဟုတ် "ဟုန်းဟုန်းတောက် တိုးတက်ခြင်း" ဆိုသည့် စကားလုံးများအတွက် တိကျသော အဓိပ္ပာယ်သတ်မှတ်ချက်မရှိသော်လည်း၊ လက်တွေ့အချက်အလက်များကမူ ထိုသို့ပြောဆိုချက်ကို အပြည့်အဝ ထောက်ခံခြင်းမရှိပေ။ ၂၀၂၅ ခုနှစ်တွင် အမေရိကန်၏ စီးပွားရေးသည် 2.2% သာ တိုးတက်ခဲ့ပြီး၊ ထိုနှုန်းထားမှာ ဘိုင်ဒင် သမ္မတသက်တမ်းအတွင်း မည်သည့်နှစ်နှင့်မဆို နှိုင်းယှဉ်ပါက ပိုမိုနိမ့်ကျနေသည်ကို တွေ့ရှိရသည်။သွင်းကုန်ခွန်များ (Tariffs) သမ္မတ ထရမ့်က ၎င်း၏ ကျယ်ပြန့်လှသော ကမ္ဘာလုံးဆိုင်ရာ သွင်းကုန်ခွန်များမှ ရရှိလာမည့် အခွန်ဝင်ငွေသည် တစ်နေ့တွင် အမေရိကန်ပြည်သူများ ပေးဆောင်နေရသည့် ဝင်ငွေခွန်များကို အစားထိုးရန် လုံလောက်လိမ့်မည်ဟု မျှော်လင့်ကြောင်း ပြောကြားခဲ့သည်။၎င်းသည် ထိုသို့ပြောဆိုမှုကို ယခင်ကလည်း ပြုလုပ်ခဲ့ဖူးသည်။ သို့သော် ဖက်ဒရယ်အစိုးရသည် တစ်နှစ်လျှင် ဝင်ငွေခွန်မှ အမေရိကန်ဒေါ်လာ ၃ ထရီလီယံခန့် ရရှိနေခြင်းဖြစ်သည်။ တစ်ဖက်တွင်လည်း အမေရိကန်နိုင်ငံသည် တစ်နှစ်လျှင် ကုန်စည်တင်သွင်းမှုတန်ဖိုး ဒေါ်လာ ၃ ထရီလီယံခန့်ရှိနေသဖြင့် ဝင်ငွေခွန်ကို အစားထိုးနိုင်ရန်အတွက် တင်သွင်းလာသောကုန်စည်အားလုံးအပေါ် အနည်းဆုံး သွင်းကုန်ခွန် ၁၀၀ % ကောက်ခံရမည်ဖြစ်ကြောင်း တွေ့ရှိရသည်။သမ္မတသည် သွင်းကုန်ခွန်များကို "နိုင်ငံခြားတိုင်းပြည်များက ပေးဆောင်ရခြင်းဖြစ်သည်" ဟူသော ၎င်း၏ ပုံမှန်အချက်အလက်မှားယွင်းသည့် ပြောဆိုချက်ကို ထပ်မံပြောကြားခဲ့ပြီး ၎င်း၏ သွင်းကုန်ခွန်မူဝါဒအချို့ကို ပယ်ချခဲ့သည့် ပြီးခဲ့သည့်သီတင်းပတ်က တရားရုံးချုပ်၏ ဆုံးဖြတ်ချက်ကိုလည်း "ကံမကောင်းသော စိတ်ပျက်စရာ" ဆုံးဖြတ်ချက်အဖြစ် အကြိမ်ကြိမ် ထည့်သွင်းပြောဆိုသွားခဲ့သည်။လူဝင်မှုကြီးကြပ်ရေး (Immigration) သမ္မတ ထရမ့်သည် ၎င်း၏ လူဝင်မှုကြီးကြပ်ရေးဆိုင်ရာ မူဝါဒများကြောင့် တောင်ဘက်နယ်စပ်ကို ပိတ်ဆို့နိုင်ခဲ့ပြီး အထောက်အထားမဲ့ ဝင်ရောက်လာသူများကို လျင်မြန်စွာ ပြည်နှင်ထုတ်နိုင်ခဲ့ခြင်းဖြစ်ကြောင်း အမွှမ်းတင် ပြောကြားခဲ့သည်။ သို့သော် ပြီးခဲ့သည့်လက ဖက်ဒရယ် လူဝင်မှုကြီးကြပ်ရေးအေးဂျင့်များ၏ လက်ချက်ဖြင့် ဆန္ဒပြသူများဖြစ်ကြသည့် ရေနေးဂွတ်ဒ် (Renee Good) နှင့် အဲလက်စ်ပရက်တီ (Alex Pretti) တို့ သေဆုံးခဲ့ရသည့် ဖြစ်စဉ်ကိုမူ ထည့်သွင်းပြောဆိုခြင်း မရှိခဲ့ပေ။မိန့်ခွန်းပြောကြားနေစဉ် တစ်နေရာတွင် "အမေရိကန်အစိုးရ၏ ပထမဆုံးတာဝန်က တရားမဝင် ဝင်ရောက်လာသူတွေကို ကာကွယ်ရန်မဟုတ်ဘဲ အမေရိကန်နိုင်ငံသားတွေကို ကာကွယ်ရန်သာ ဖြစ်ပါသည်" ဆိုသည့် ပြောကြားချက်ကို သဘောတူပါက မတ်တပ်ရပ်၍ ထောက်ခံအားပေးရန် လွှတ်တော်အမတ်များကို တိုက်တွန်းခဲ့သည်။ ထိုအချိန်တွင် ဒီမိုကရက်တစ်ပါတီဝင် အမတ်များမှာမူ နေရာမှ ထကြွခြင်းမရှိဘဲ ဆက်လက်ထိုင်နေခဲ့ကြသည်။ကျန်းမာရေးစောင့်ရှောက်မှု (Healthcare) သမ္မတ ထရမ့်သည် မယ်ဒီကိတ် (Medicaid) အစီအစဉ်ကို အစဉ်တစိုက် အကာအကွယ်ပေးသွားမည်ဟု ကတိပြုပြောကြားခဲ့သည်။ သို့သော် လက်တွေ့တွင်မူ ၎င်း၏ ပြီးခဲ့သည့်နှစ်က ကျယ်ပြန့်သော ပြည်တွင်းမူဝါဒဆိုင်ရာ လုပ်ငန်းစဉ်များသည် ဝင်ငွေနည်းပါးသည့် အမေရိကန်ပြည်သူများအတွက် အဓိကကျသော လူမှုဖူလုံရေးကွန်ရက်ဖြစ်သည့် အဆိုပါ အစီအစဉ်အပေါ် သမိုင်းတစ်လျှောက် အကြီးမားဆုံးသော ဘတ်ဂျက်ဖြတ်တောက်မှုများကို ပြုလုပ်ခဲ့ခြင်းဖြစ်သည်။လွှတ်တော်ဘတ်ဂျက်ရုံး (Congressional Budget Office) ၏ အဆိုအရ ပြီးခဲ့သည့် နွေရာသီက သမ္မတ ထရမ့် လက်မှတ်ရေးထိုး အတည်ပြုခဲ့သည့် "One Big Beautiful Bill Act" ဥပဒေသည် ဆယ်နှစ်တာကာလအတွင်း မယ်ဒီကိတ်အတွက် ဖက်ဒရယ်အစိုးရ၏ ထောက်ပံ့ငွေထဲမှ ဒေါ်လာ ၉၀၀ ဘီလီယံကျော်ကို ဖြတ်တောက်လိုက်ခြင်းဖြစ်သည်။အီရန် (Iran) သမ္မတ ထရမ့်သည် ၎င်း၏မိန့်ခွန်းတွင် နိုင်ငံခြားရေးရာကိစ္စရပ်များကို အနည်းငယ်သာ ထည့်သွင်းပြောကြားသွားခဲ့သည်။ သမ္မတ၏ ပြောကြားချက်အရ အမေရိကန်အနေဖြင့် အီရန်နိုင်ငံပတ်ဝန်းကျင်တွင် စစ်အင်အားများ စုရုံးထားရခြင်းမှာ တီဟီရန် (Tehran) အနေဖြင့် နျူကလီးယားလက်နက် ပိုင်ဆိုင်ခွင့်မရရှိစေရန် သေချာစေလိုသောကြောင့်ဖြစ်သည်ဟု ဆိုသည်။“၎င်းတို့က သဘောတူညီချက်တစ်ခု လုပ်ချင်နေကြတာပါ ၊ သို့သော်လည်း ‘မိမိတို့ နျူကလီးယားလက်နက် မည်သည့်အခါမျှ ပိုင်ဆိုင်မည်မဟုတ်ပါ’ ဆိုသည့် အဆိုပါ လျှို့ဝှက်စကားလုံးများကိုတော့ ကျွန်တော်တို့ အခုထိ မကြားရသေးပါဘူး” ဟု ထရမ့်က ပြောကြားခဲ့သည်။အီရန်နိုင်ငံဘက်ကမူ ၎င်းတို့အနေဖြင့် နျူကလီးယားဗုံး ထုတ်လုပ်ရန် ကြိုးပမ်းနေခြင်းမရှိကြောင်း တုံ့ပြန်ထားသည်။ ဖေဖော်ဝါရီ ၂၄ ရက်နေ့ကပင် အီရန်နိုင်ငံခြားရေးဝန်ကြီးက တီဟီရန်သည် အဆိုပါကိစ္စကို လုပ်ဆောင်နေခြင်းမဟုတ်ကြောင်း X လူမှုကွန်ရက်တွင် အတိအလင်း ရေးသား ဖော်ပြခဲ့သည်။ “မိမိတို့၏ အခြေခံယုံကြည်ချက်ကတော့ ရှင်းလင်းပြတ်သားပါသည် ၊ အီရန်သည် မည်သည့် အခြေအနေမျိုးမှာမဆို နျူကလီးယားလက်နက်ကို မည်သည့်အခါမျှ ထုတ်လုပ်မှာ မဟုတ်ပါ” ဟု ၎င်းက ဆိုသည်။နိုင်ငံခြားရေးမူဝါဒ (Foreign Policy) အရှေ့အလယ်ပိုင်းဒေသ၏ အခြားသောကိစ္စရပ်များသို့လှည့်၍ ပြောကြားရာတွင် ၂၀၂၃ ခုနှစ်၊ အောက်တိုဘာလ ၇ ရက်နေ့က ဟားမက်အဖွဲ့၏ အစ္စရေးအပေါ် တိုက်ခိုက်မှုအတွင်း ဂါဇာဒေသ၌ ဖမ်းဆီးခံထားရသည့် ဓားစာခံများ ပြန်လည်လွတ်မြောက်လာစေရန် ၎င်း၏အစိုးရအဖွဲ့၏ ကြိုးပမ်းအားထုတ်မှုများကို သမ္မတ ထရမ့်က ချီးကျူးပြောဆိုခဲ့ပြီး "ယင်းက ဖြစ်နိုင်လိမ့်မည်ဟု မည်သူမျှ မထင်ခဲ့ကြပါ" ဟု ဆိုသည်။ထို့ပြင် သမ္မတသည် ၎င်းရာထူးလက်ခံရယူပြီးကတည်းက စစ်ပွဲပေါင်း ရှစ်ခုကို အဆုံးသတ်နိုင်ခဲ့သည်ဟူသော ၎င်း၏ ပုံမှန်ချဲ့ကားပြောဆိုချက်ကို ထည့်သွင်းပြောကြားခဲ့သည်။ ထို့နောက် ယူကရိန်းတွင် ဖြစ်ပွားနေသော ရုရှား၏ စစ်ပွဲသို့လှည့်၍ ပြောကြားရာတွင် အဆိုပါစစ်ပွဲ အဆုံးသတ်နိုင်ရန် အမေရိကန်အနေဖြင့် "အလွန်အမင်း ကြိုးပမ်းဆောင်ရွက်နေသည်" ဟု ဆိုသည်။ ၂၀၂၂ခုနှစ်တွင် ၎င်းသာ သမ္မတဖြစ်နေခဲ့ပါက ထိုပဋိပက္ခသည် "မည်သည့်အခါမျှ ဖြစ်ပွားလာလိမ့်မည် မဟုတ်" ဟု ထရမ့်က ထပ်လောင်းပြောကြားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
နိုင်ငံတကာနှင့် ပူးပေါင်းဆောင်ရွက်မှုထက် အမျိုးသားရေးကိုသာ ရှေ့တန်း တင်သည့် ထရမ့်၏ မိန့်ခွန်းကြောင့် ဥရောပမဟာမိတ်များ စိတ်ပျက်နေ
နိုင်ငံတကာနှင့် ပူးပေါင်းဆောင်ရွက်မှုထက် အမျိုးသားရေးကိုသာ ရှေ့တန်းတင်သည့် ထရမ့်၏ မိန့်ခွန်းကြောင့် ဥရောပမဟာမိတ်များ စိတ်ပျက်နေ
ယမန်နေ့ (ဖေဖော်ဝါရီ ၂၄) ညက ပြောကြားခဲ့သည့် နိုင်ငံတော်အခြေပြမိန့်ခွန်း (SOTU) တွင် ရုရှား-ယူကရိန်း ပဋိပက္ခအကြောင်းကို အနည်းငယ်သာ ထည့်သွင်းပြောကြားခဲ့ပြီး NATO နှင့် ဥရောပသမဂ္ဂ (EU) မဟာမိတ်များနှင့် နိုင်ငံတကာပူးပေါင်းဆောင်ရွက်မှုများအပေါ် အာရုံစိုက်မှု ကင်းမဲ့နေခဲ့ကြောင်း CNN ၏ ဥရောပရေးရာ ဝေဖန်သုံးသပ်သူ Dominic Thomas က CNN သတင်းထောက် Lynda Kinkade ထံ ပြောကြားခဲ့သည်။သမ္မတ ဒေါ်နယ်ထရမ့်၏ မိန့်ခွန်းတွင် ယူကရိန်းပဋိပက္ခကိုဖြေရှင်းရန် ရှင်းလင်းသည့် မျှော်မှန်းချက် (Vision) မပါရှိခြင်းကို Thomas က ထောက်ပြခဲ့ပြီး၊ ၎င်းမှာ ဥရောပမဟာမိတ်များအတွက် "စိတ်ပျက်စရာ" ဖြစ်သည်ဟု ဆိုသည်။ထရမ့်၏ "အမျိုးသားရေးဝါဒီ အစီအစဉ်များ" (Nationalist agenda) သည် နိုင်ငံတကာ ပူးပေါင်းဆောင်ရွက်မှုများကို လျော့ပါးစေပြီး၊ စုပေါင်းကာကွယ်ရေးဆိုင်ရာ အမေရိကန်၏ ကတိကဝတ်အပေါ် ဥရောပ၏ ယုံကြည်မှုမှာ "တုန်လှုပ်ချောက်ချား" နေကြောင်းလည်း Thomas က ပြောကြားခဲ့သည်။“မဟာမိတ်တွေကို ထောက်ပံ့ကူညီသည့်နေရာမှာ အဆိုပါမိန့်ခွန်းက အမေရိကန်နိုင်ငံအကြောင်းကိုပဲ အလေးပေးထားပါသည် ၊ ကမ္ဘာကြီးက အားကိုးတကြီးမျှော်ကြည့်ရမည့် ရွှေရောင်လွှမ်းသည့် နိုင်ငံတစ်ခုအဖြစ် ပုံဖော်မည့်အစား လူတွေက ကျောခိုင်းထွက်ခွာသွားရမည့် အမျိုးသားရေးဝါဒီ အစီအစဉ်မျိုးကိုပဲ ပုံဖော်သွားခဲ့တာပါ” ဟု Thomas က ဆိုသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
ထရမ့်သည် ၎င်း၏ နိုင်ငံတော်အခြေပြမိန့်ခွန်းအတွင်း ‘မုသားများ’ ကို ထပ်ခါတလဲလဲ ပြောကြားခဲ့သည်ဟု အီရန် ဆို
ထရမ့်သည် ၎င်း၏ နိုင်ငံတော်အခြေပြမိန့်ခွန်းအတွင်း ‘မုသားများ’ ကို ထပ်ခါတလဲလဲ ပြောကြားခဲ့သည်ဟု အီရန် ဆို
အီရန်နိုင်ငံခြားရေးဝန်ကြီးဌာနက အမေရိကန်သမ္မတ ဒေါ်နယ်ထရမ့် သည် ၎င်း၏ နိုင်ငံတော်အခြေပြမိန့်ခွန်းတွင် အီရန်နိုင်ငံနှင့်ပတ်သက်၍ “မုသားများ” ကို ထပ်ခါတလဲလဲ ပြောကြားခဲ့သည်ဟု ဆိုသည်။ပြောရေးဆိုခွင့်ရှိသူ အက်စ်မေးလ် ဘာကာအီက ဗုဒ္ဓဟူးနေ့ (ဖေဖော်ဝါရီ ၂၅) နံနက်ပိုင်းတွင် X လူမှုကွန်ရက်၌ တင်ခဲ့သည့်ထုတ်ပြန်ချက်တွင် အိမ်ဖြူတော် သည် အီရန်အပေါ် “သတင်းမှားနှင့် သတင်းအမှားဖြန့်ချိရေး လှုပ်ရှားမှု” ကို လုပ်ဆောင်နေသည်ဟု စွပ်စွဲခဲ့သည်။“အီရန်၏ နျူကလီးယားအစီအစဉ်၊ ပဲ့ထိန်းဒုံးကျည်များနှင့် ဇန်နဝါရီလ မငြိမ်မသက်မှုအတွင်း သေဆုံးသူအရေအတွက်တို့နှင့် ပတ်သက်ပြီး ၎င်းတို့ စွပ်စွဲနေသမျှသည် ‘မုသားများ’ ကို ထပ်ခါတလဲလဲ ပြောနေခြင်း ဖြစ်ပါသည်” ဟု ဘာကာအီက ဆိုသည်။ ထို့ပြင် “လိမ်လည်ခြင်းကို ကျွမ်းကျင်သည့်သူများသည် ‘အမှန်တရားလိုလို ထင်ယောင်ထင်မှား ဖြစ်အောင်’ ဖန်တီးသည့်နေရာမှာ တော်ကြပါသည်” ဟုလည်း ၎င်းက ရေးသားခဲ့သည်။၎င်း၏ မိန့်ခွန်းတွင် ထရမ့်က အီရန်နိုင်ငံအနေဖြင့် နျူကလီးယား လက်နက် မရရှိစေရန်အတွက် အီရန်အနီးတစ်ဝိုက်တွင် အမေရိကန် စစ်အင်အားများကို စုရုံးထားကြောင်း ပြောကြားခဲ့သည်။ “၎င်းတို့က သဘောတူညီချက်တစ်ခု လုပ်ချင်နေကြသော်လည်း ‘ကျွန်တော်တို့ နျူကလီးယား လက်နက် မည်သည့်မခါမျှ မလုပ်ပါ’ ဆိုသည့် စကားလုံးတွေကိုတော့ ကျွန်တော်တို့ မကြားရသေးဘူး” ဟု ထရမ့်က ဆိုသည်။အမှန်စင်စစ်တွင်မူ အီရန်သည် နျူကလီးယားဗုံးထုတ်လုပ်ရန် ကြိုးပမ်းနေခြင်းမရှိကြောင်း ရှင်းလင်းစွာ ပြောဆိုထားသည်။ အင်္ဂါနေ့ (ဖေဖော်ဝါရီ ၂၄) က အီရန်နိုင်ငံခြားရေးဝန်ကြီး အဘတ်စ် အာရတ်ချ်ချီက တီဟီရန် အနေဖြင့် “မည်သည့်အခြေအနေမျိုးတွင်မဆို နျူကလီးယားလက်နက် တီထွင်မည်မဟုတ်ကြောင်း” ပြောကြားခဲ့သည်။ထို့အပြင် ထရမ့်က အီရန်အစိုးရသည် ဆန္ဒပြသူ ‘၃၂,၀၀၀ ခန့်’ ကို သတ်ဖြတ်ခဲ့သည်ဟုလည်း အခိုင်အမာ ပြောဆိုခဲ့သည်။ အီရန်ဘက်ကမူ မငြိမ်မသက်မှုအတွင်း အရာရှိ ၂၀၀ ခန့် အပါအဝင် လူပေါင်း ၃,၁၁၇ ဦးသာ သေဆုံးခဲ့သည်ဟု ဆိုသည်။ အမေရိကန်အခြေစိုက် လူ့အခွင့်အရေးလှုပ်ရှားသူများသတင်းအေဂျင်စီ (HRANA) ကမူ ဒီဇင်ဘာလကုန်ပိုင်းတွင် ဆန္ဒပြမှုများ အကြီးအကျယ်စတင်ဖြစ်ပွားခဲ့ပြီးနောက် ဆန္ဒပြသူ အနည်းဆုံး ၆,၄၉၀ ဦး သေဆုံးခဲ့သည်ဟု ပြောကြားထားသည်။ CNN အနေဖြင့် HRANA ၏ ကိန်းဂဏန်းများကို သီးခြားအတည်ပြုနိုင်ခြင်း မရှိသေးပေ။ကိုးကား- CNNPhoto: France 24ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
နိုင်ငံတော်အခြေပြမိန့်ခွန်းမှတ်တမ်းများတွင် ဒေါ်နယ်ထရမ့် အရှည်ဆုံး စံချိန်သစ်တင်ပြီး ရစ်ချက်နစ်ဆင်က အတိုဆုံးအဖြစ် ဆက်လက်တည်ရှိ
နိုင်ငံတော်အခြေပြမိန့်ခွန်းမှတ်တမ်းများတွင် ဒေါ်နယ်ထရမ့် အရှည်ဆုံး စံချိန်သစ်တင်ပြီး ရစ်ချက်နစ်ဆင်က အတိုဆုံးအဖြစ် ဆက်လက်တည်ရှိ
၁၁၉ ကြိမ်မြောက် လွှတ်တော်ညီလာခံတွင် အင်္ဂါနေ့ (ဖေဖော်ဝါရီ ၂၄) က ပြောကြားခဲ့သော သမ္မတ ဒေါ်နယ်ထရမ့်၏ ၂၀၂၆ ခုနှစ်၊ နိုင်ငံတော် အခြေပြမိန့်ခွန်းသည် သမိုင်းတစ်လျှောက် အရှည်ကြာဆုံး မိန့်ခွန်းတစ်ခုအဖြစ် မှတ်တမ်းဝင်ခဲ့သည်။အဆိုပါမိန့်ခွန်းမှာ ၁ နာရီနှင့် ၄၇ မိနစ် ကြာမြင့်ခဲ့ပြီး ၁၉၆၄ ခုနှစ် နောက်ပိုင်း မှတ်တမ်းတင်ထားသမျှသော နှစ်ပတ်လည် လွှတ်တော်မိန့်ခွန်းများအနက် အရှည်ဆုံးအဖြစ် စံချိန်တင်ခဲ့ခြင်းဖြစ်သည်။ သမ္မတ ဒေါ်နယ်ထရမ့်သည် ပြီးခဲ့သည့်နှစ်က ၎င်းကိုယ်တိုင် တင်ရှိထားသော စံချိန်ဟောင်းကို ယခုနှစ်တွင် ထပ်မံကျော်ဖြတ်ခဲ့ခြင်း ဖြစ်သည်။ထို့အပြင် ယခုမိန့်ခွန်းသည် ယခင်က အရှည်ဆုံးအဖြစ် စံချိန်တင်ထားသည့် သမ္မတ ဘီလ်ကလင်တန်၏ နိုင်ငံတော်အခြေပြမိန့်ခွန်း ကြာမြင့်ချိန်ထက်လည်း ပိုမိုသာလွန်သွားခဲ့ကြောင်း တွေ့ရှိရသည်။University of California, Santa Barbara ရှိ "The American Presidency Project" ၏ မှတ်တမ်းများအရ ၂၀၀၀ ပြည့်နှစ်က ပြောကြားခဲ့သော သမ္မတ ဘီလ်ကလင်တန်၏ ၁ နာရီခွဲနီးပါး ကြာမြင့်သည့် မိန့်ခွန်းသည် ယမန်နေ့ (ဖေဖော်ဝါရီ ၂၄) ညက သမ္မတ ဒေါ်နယ်ထရမ့် စံချိန်မချိုးမီအထိ အရှည်ဆုံးအဖြစ် တည်ရှိခဲ့ခြင်း ဖြစ်သည်။တစ်ဖက်တွင်လည်း သမ္မတဟောင်း ရစ်ချက် နစ်ဆင် (Richard Nixon) သည် ၁၉၇၂ ခုနှစ်တွင် မိန့်ခွန်းပြောကြားချိန် မိနစ် ၃၀ အောက်သာ ကြာမြင့်ခဲ့သဖြင့် အတိုဆုံးနိုင်ငံတော်အခြေပြမိန့်ခွန်း စံချိန်ကို ဆက်လက် ထိန်းသိမ်းထားဆဲဖြစ်သည်။ကိုးကား- CNNPhoto: BBCဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
ဒေါ်နယ်ထရမ့်၏ နိုင်ငံတော်အခြေပြမိန့်ခွန်း (State of the Union) ပြောကြားပွဲတွင် ဗင်နီဇွဲလား အတိုက်အခံခေါင်းဆောင် Enrique Márquez အထူးဧည့်သည်တော်အဖြစ် တက်ရောက်
ဒေါ်နယ်ထရမ့်၏ နိုင်ငံတော်အခြေပြမိန့်ခွန်း (State of the Union) ပြောကြားပွဲတွင် ဗင်နီဇွဲလား အတိုက်အခံခေါင်းဆောင် Enrique Márquez အထူးဧည့်သည်တော်အဖြစ် တက်ရောက်
သမ္မတ ဒေါ်နယ်ထရမ့်သည် ၎င်း၏ နိုင်ငံတော်အခြေပြ မိန့်ခွန်းပြောကြားစဉ်အတွင်း လွတ်မြောက်လာသည့် ဗင်နီဇွဲလားနိုင်ငံရေးအကျဉ်းသားတစ်ဦးကို အောက်လွှတ်တော်ခန်းမအတွင်းသို့ အံ့အားသင့်ဖွယ် ခေါ်ဆောင်လာပြီး အထူးဧည့်သည်တော်အဖြစ် မိတ်ဆက်ပေးခဲ့သည်။ထရမ့်က ၎င်း၏ဧည့်သည်တော်များထဲမှတစ်ဦးဖြစ်သူ အလက်ဇန်းဒါး ဂွန်ဇာလက်ဇ် (Alejandra Gonzalez) သည် ရင်းနှီးချစ်ခင်သော ဗင်နီဇွဲလား မိသားစုမှ လာသူဖြစ်ကြောင်းနှင့် သူမ၏ ဦးလေးဖြစ်သူ ဗင်နီဇွဲလား အတိုက်အခံနိုင်ငံရေးသမား အင်းနရီကေး မားကွက်ဇ် (Enrique Márquez) နှင့် ထူးခြားသည့် သံယောဇဉ်ရှိကြောင်း ဖော်ပြပြောဆိုခဲ့သည်။"အင်းနရီကေးသည် ရွေးကောက်ပွဲဝင်ပြီး မာဒူရိုကို ဆန့်ကျင်ခဲ့သည့်အတွက် မာဒူရို၏ လုံခြုံရေးတပ်ဖွဲ့တွေက ၎င်းကို ပြန်ပေးဆွဲသွားခဲ့ပြီး ကရာကတ်စ်မြို့က နာမည်ဆိုးဖြင့်ကျော်ကြားသည့် အကျဉ်းထောင်ထဲကို ထည့်ခဲ့ပါသည်" ဟု သမ္မတက ပြောကြားခဲ့သည်။ဂွန်ဇာလက်ဇ်သည် သူမ၏ဦးလေးကို နောက်တစ်ကြိမ် ပြန်တွေ့ရတော့မည်မဟုတ်ဟု စိုးရိမ်ခဲ့ရပြီး သူမ၏ယခင်ဘဝဟောင်းသည်လည်း ထာဝရပျောက်ကွယ်သွားပြီဟု ပူပန်ခဲ့ရကြောင်း သမ္မတက ဆိုသည်။ ထို့ပြင် မကြာသေးမီက ဖြစ်ပေါ်တိုးတက်မှုများအရ အမေရိကန် အရာရှိများသည် ဗင်နီဇွဲလားနိုင်ငံ၏ ခေါင်းဆောင်သစ်များနှင့် ပူးပေါင်းဆောင်ရွက်ခဲ့ကြောင်း၊ ထိုခေါင်းဆောင်သစ်များက အဆိုပါအကျဉ်းထောင်ကို ပိတ်ရန်နှင့် နိုင်ငံရေးအကျဉ်းသား ရာပေါင်းများစွာကို လွှတ်ပေးရန် အမိန့်ပေးခဲ့ကြောင်း၊ နောက်ထပ် လွတ်မြောက်လာမည့်သူများလည်း ရှိသေးကြောင်း ၎င်းက ထည့်သွင်းပြောကြားခဲ့သည်။“အလက်ဇန်းဒါး၊ မင်းရဲ့ဦးလေးဟာ အခုလွတ်မြောက်လာပြီ ဆိုရုံတင်မကဘူး၊ သူ ဒီည ဒီခန်းမထဲကို ရောက်နေပြီဆိုတာကို ငါ ဝမ်းမြောက်ဝမ်းသာ အသိပေးချင်ပါသည်” ဟု ထရမ့်က ကြေညာခဲ့သည်။ ထို့နောက် အင်းနရီကေးသည် လွှတ်တော်ခန်းမအတွင်းသို့ လမ်းလျှောက်ဝင်လာပြီး ၎င်း၏တူမဖြစ်သူကို ဖက်လဲတကင်း နှုတ်ဆက်ခဲ့ရာ လွှတ်တော်အမတ်များက မတ်တပ်ရပ်၍ လက်ခုပ်တီး ဂုဏ်ပြုခဲ့ကြသည်။“ရစ်ကီ၊ ပျော်ပျော်ရွှင်ရွှင်နေပါ ၊ မင်းပြန်ရောက်လာတာ ဝမ်းသာပါသည် အင်းနရီကေး” ဟု ထရမ့်က ပြောကြားခဲ့သည်။အဆိုပါဖြစ်ရပ်သည် ဗင်နီဇွဲလားနိုင်ငံတွင် ကြီးမားသော နိုင်ငံရေးအပြောင်းအလဲများ ဖြစ်ပေါ်နေသည့် အခြေအနေတွင် ပေါ်ပေါက်လာခြင်းဖြစ်သည်။ အမေရိကန်၏ ဖိအားပေးမှုများကြောင့် ဗင်နီဇွဲလားတွင် အထွေထွေလွတ်ငြိမ်းချမ်းသာခွင့်ဥပဒေသစ်ကို ပြဋ္ဌာန်းခဲ့ပြီးနောက် အကျဉ်းသား ရာပေါင်းများစွာ လွတ်မြောက်လာခဲ့သည်။ သမ္မတထရမ့်သည် မိန့်ခွန်း၏ အစောပိုင်းပိုင်းတွင် နီကိုလပ်စ် မာဒူရိုကို ဖမ်းဆီးခဲ့သည့် အမေရိကန်၏ စစ်ဆင်ရေးအပြီး၌ ဗင်နီဇွဲလားနိုင်ငံကို မိတ်ဆွေသစ်နှင့် မိတ်ဖက်နိုင်ငံအဖြစ် တင်စားခေါ်ဝေါ်ခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
‘ခင်ဗျား အမေရိကန်နိုင်ငံသားတွေကို သတ်ခဲ့တာပဲ’ ဟု လွှတ်တော်အမတ် အိုမာက ထရမ့်ကို အော်ဟစ်ပြောဆို
‘ခင်ဗျား အမေရိကန်နိုင်ငံသားတွေကို သတ်ခဲ့တာပဲ’ ဟု လွှတ်တော်အမတ် အိုမာက ထရမ့်ကို အော်ဟစ်ပြောဆို
မင်နီဆိုးတားပြည်နယ် လွှတ်တော်အမတ် အီလ်ဟန် အိုမာ (Ilhan Omar) က "ခင်ဗျား အမေရိကန်နိုင်ငံသားတွေကို သတ်ခဲ့တာပဲ" ဟု အော်ဟစ် ပြောဆိုခဲ့သည်။ ထိုသို့ပြောဆိုချိန်တွင် သမ္မတ ဒေါ်နယ်ထရမ့်က ပြည်တွင်း လုံခြုံရေးဝန်ကြီးဌာန (DHS) ကို ရန်ပုံငွေမချပေးမီ ပြုပြင်ပြောင်းလဲမှုများ ပြုလုပ်ရန်တောင်းဆိုနေသည့် ဒီမိုကရက်များကို ပြင်းပြင်းထန်ထန် ဝေဖန်နေချိန်ဖြစ်သည်။အိုမာက ထိုသို့ပြောဆိုရာတွင် မင်နီဆိုးတားပြည်နယ်အတွင်း ဖက်ဒရယ် လူဝင်မှုကြီးကြပ်ရေး အဖမ်းအဆီးများကြောင့် အမေရိကန်နိုင်ငံသား နှစ်ဦးဖြစ်သူ ရနေးဂွတ်ဒ် (Renee Good) နှင့် အလက်ဇ် ပရက်တီ (Alex Pretti) တို့ သေဆုံးခဲ့ရသည့် ဖြစ်ရပ်ကို ရည်ညွှန်းခြင်းဖြစ်သည်။ထရမ့်သည် ၎င်း၏ နိုင်ငံတော်အခြေပြမိန့်ခွန်း (State of the Union address) တွင် ဒီမိုကရက်များသည် "ပြည်တွင်းလုံခြုံရေးဝန်ကြီးဌာနအတွက် ရန်ပုံငွေအားလုံးကို ဖြတ်တောက်နေသည်" ဟု စွပ်စွဲခဲ့ပြီး လွှတ်တော်အတွင်းရှိအမတ်များကို အခြေခံမူဝါဒတစ်ခုကို ထပ်လောင်း အတည်ပြုရန် ဖိတ်ခေါ်ခဲ့သည်။"အကယ်၍ ခင်ဗျားတို့ ထိုပြောကြားချက်ကို သဘောတူသည်ဆိုပါက မတ်တပ်ရပ်ပြီး ထောက်ခံကြောင်း ပြသကြပါ ၊ အမေရိကန်အစိုးရ၏ ပထမဆုံးတာဝန်က တရားမဝင် ဝင်ရောက်လာသူများအတွက်မဟုတ်ဘဲ အမေရိကန်နိုင်ငံသားတွေကို ကာကွယ်ရန်သာ ဖြစ်ပါသည်" ဟု ထရမ့်က ပြောကြားခဲ့ရာ ရီပတ်ဘလီကန်များထံမှ လက်ခုပ်သံများနှင့် အားပေးသံများ ထွက်ပေါ်လာခဲ့သည်။ဒီမိုကရက်များက နေရာတွင်ပင်ဆက်လက်ထိုင်နေကြသည့်အခါ ထရမ့် က "မတ်တပ်မရပ်သည့်အတွက် ခင်ဗျားတို့ ကိုယ့်ကိုယ်ကိုယ် ရှက်သင့်ပါသည်" ဟု ပြောကြားခဲ့သည်။ ထိုအချိန်တွင် အိုမာက "ခင်ဗျား အမေရိကန် နိုင်ငံသားတွေကို သတ်ခဲ့တာပဲ" ဟု ထပ်တလဲလဲ အော်ဟစ်ကာ တုံ့ပြန်ခဲ့ခြင်းဖြစ်သည်။ဖေဖော်ဝါရီ ၁၂ ရက်နေ့တွင် အိမ်ဖြူတော်၏ နယ်စပ်ရေးရာအရာရှိချုပ် (Border Czar) တွမ် ဟိုးမန်း (Tom Homan) က မင်နီဆိုးတား ပြည်နယ်ကို တုန်လှုပ်ချောက်ချားစေခဲ့သော လပေါင်းများစွာကြာ လူဝင်မှုကြီးကြပ်ရေးဆိုင်ရာ အရှိန်အဟုန်မြှင့် ဖမ်းဆီးအရေးယူမှုများ ပြီးဆုံးပြီဖြစ်ကြောင်း ကြေညာခဲ့သည်။ အဆိုပါ အရေးယူဆောင်ရွက်မှုများအတွင်း အမေရိကန် နိုင်ငံသားနှစ်ဦး သေဆုံးခဲ့ရပြီး လူထု၏ ကျယ်ကျယ်ပြန့်ပြန့် မကျေမနပ်ဖြစ်မှုများကို ဖြစ်ပေါ်စေခဲ့သည်။ ထိုစစ်ဆင်ရေး အမြင့်ဆုံးအချိန်တွင် လူဝင်မှုကြီးကြပ်ရေးအရာရှိပေါင်း ၃,၀၀၀ ခန့်အထိ ထိုဒေသအတွင်းသို့ အလုံးအရင်းဖြင့် ဝင်ရောက်ခဲ့ကြသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
© Copyright 2024 SAC All Rights Reserved.