ပွင့်ဖြူမြို့နယ်၌ ကြက်သွန်နီစိုက်ခင်းဧက ၃၂၀  နုတ်သိမ်းပြီးစီး ၊ တစ်ဧကလျှင် ပိဿာချိန် ၅၀၀၀ ကျော်ထွက်ရှိ

dpWEB1234

News Image

  • ပွင့်ဖြူမြို့နယ်၌ ကြက်သွန်နီစိုက်ခင်းဧက ၃၂၀  နုတ်သိမ်းပြီးစီး ၊ တစ်ဧကလျှင် ပိဿာချိန် ၅၀၀၀ ကျော်ထွက်ရှိ

ပွင့်ဖြူ   ဖေဖော်ဝါရီ   ၂၆

    မကွေးတိုင်းဒေသကြီး   ပွင့်ဖြူမြို့နယ်၌ ဆောင်းသီးနှံစိုက်ပျိုးရာသီတွင်  စိုက်ပျိုးခဲ့သော ကြက်သွန်နီစိုက်ခင်းများ အနက် ဧက ၃၂၀ ကိုယခုအခါနုတ်သိမ်းပြီးစီးပြီဖြစ်ရာ တစ်ဧကလျှင် ကြက်သွန်နီ ၅၃၁၂  ပိဿာထွက်ရှိကြောင်း   ပွင့်ဖြူမြို့နယ် စိုက်ပျိုးရေးဦးစီးဌာနမှ သိရသည်။

 “ဆောင်းသီးနှံစိုက်ပျိုးရာသီမှာ  ပွင့်ဖြူမြို့နယ်အတွင်း ကြက်သွန်နီ ၁၁၃၅  ဧကစိုက်ပျိုးနိုင်ခဲ့ပါတယ်။ 

လက်ရှိမှာ  အဆိုပါကြက်သွန်နီစိုက်ခင်းများကို နုတ်သိမ်းလျက်ရှိပြီး ဒီနေ့ထိ ဧက ၃၂၀ နုတ်သိမ်းပြီးစီးပြီဖြစ်ပါတယ်။ ကြက်သွန်နီစိုက်ပျိုးတောင်သူတွေကို  အထွက်နှုန်းတိုးတက်စေဖို့နဲ့  စားသုံးသူ ပြည်သူတွေ     အစားအစာဘေးကင်း လုံခြုံစေဖို့အတွက်  ဒေသနဲ့ကိုက်ညီတဲ့ မျိုးကောင်းမျိုးသန့်များ ရွေးချယ်စိုက်ပျိုးနိုင်အောင်၊   ဓာတုကင်းလွတ်တဲ့ စိုက်ပျိုးရေးဆိုင်ရာ အလေ့အကျင့်ကောင်းများ(GAP)စနစ်နဲ့အညီ စိုက်ပျိုးနိုင်အောင်  လိုအပ်တဲ့စိုက်ပျိုးရေးဆိုင်ရာ နည်းပညာများကို    ပံ့ပိုးကူညီဆောင်ရွက်ခဲ့ပါတယ်” ဟု ပွင့်ဖြူမြို့နယ် စိုက်ပျိုးရေးဦးစီးဌာန မြို့နယ်ဦးစီးမှူးက ပြောသည်။

ထို့ပြင်   မြို့နယ်စိုက်ပျိုးရေးဦးစီးဌာနသည်  ယခုနှစ်ဆောင်းသီးနှံရာသီတွင်    ပွင့်ဖြူမြို့နယ်အတွင်း    ကြက်သွန်နီစိုက်ပျိုး တောင်သူများကို  အထွက်နှုန်းများကောင်းမွန်စေရေး၊ အစားအစာဘေးကင်း လုံခြုံသော အရည်အသွေးကောင်းကြက်သွန်နီများ စိုက်ပျိုးထွက်ရှိရေး စိုက်ပျိုးရေး နည်းပညာဆိုင်ရာ တောင်သူပညာပေး ဆွေးနွေးပွဲများပြုလုပ်ပေးခြင်း၊စိုက်နည်းစနစ်မှန်ကန်စေရေး  ကွင်းသရုပ်ပြပွဲများ ဆောင်ရွက်ခြင်း၊  ပိုးမွှားရောဂါမကျရောက်စေရန် ကာကွယ်နှိမ်နင်းရေး အသိပညာပေးခြင်းများကိုပံ့ပိုးကူညီဆောင်ရွက်ပေးခဲ့ရာ ကြက်သွန်နီစိုက်ခင်းများ အောင်မြင်ဖြစ်ထွန်းပြီး  ယခင်နှစ်ကထက်အထွက်နှုန်း ပိုမိုကောင်းမွန်ကြောင်း သိရသည်။            

MWD

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

ဓနုဖြူမြို့နယ်၌ ဒေသထွက်ငါးတန်များ ဝယ်လိုအားကောင်းပြီး အရောင်းအဝယ် ကောင်းမွန်နေ
ဓနုဖြူမြို့နယ်၌ ဒေသထွက်ငါးတန်များ ဝယ်လိုအားကောင်းပြီး အရောင်းအဝယ် ကောင်းမွန်နေ
ဓနုဖြူ   မတ်  ၃ဧရာဝတီတိုင်းဒေသကြီး မအူပင်ခရိုင်  ဓနုဖြူမြို့နယ်၌ ဒေသထွက်ငါးတန်များ ဝယ်လိုအားကောင်းပြီး အရောင်း အဝယ်ကောင်းမွန်နေကြောင်း ဓနုဖြူမြို့နယ်မှ ရေထွက် ကုန်ပစ္စည်းရောင်းဝယ်ရေး လုပ်ငန်းလုပ်ကိုင်သူ   ဒေါ်သူ အောင်၏ပြောကြားချက်အရ သိရသည်။ယခုနှစ် ဖေဖော်ဝါရီလနောက်ဆုံးပတ်မှ လက်ရှိအချိန်ထိ  ဓနုဖြူမြို့နယ်၌ ငါးတန်များ ဝယ်လိုအားကောင်းပြီး   အရောင်းအဝယ် ကောင်းမွန်နေကြောင်း၊  အဆိုပါဒေသ၌ နေ့စဉ်  ငါးတန်ပိဿာ ၄၅၀၀ မှ ၆၅၀၀ ခန့်အထိ အရောင်း အဝယ်ဖြစ်နေကြောင်း သိရသည်။"ဓနုဖြူမြို့နယ်မှာ ငါးတန်တွေဝယ်လိုအား ကောင်းနေပါတယ်။ ဒေသထွက် ငါးတန်တွေကို ရန်ကုန်ဈေးကွက်ကိုပဲ   အဓိက တင်ပို့ရောင်းချနေတာပါ။    လက်ရှိမှာ ငါးတန်တွေက တခြားငါးအမျိုးအစားတွေထက် အရောင်း အဝယ်ဖြစ်နေပါတယ်။  ငါးတန်အရောင်းအဝယ်ကောင်း လာတော့ လုပ်သားတွေနဲ့လုပ်ငန်းရှင်တွေ အလုပ်အကိုင် အခွင့်အလမ်း ကောင်းလာပါတယ်"ဟု ဒေါ်သူအောင်က ပြောသည်။ဓနုဖြူမြို့နယ်၌ ရေထွက်ကုန်ပစ္စည်း ရောင်းဝယ်ရေး လုပ်ငန်းလုပ်ကိုင်သူများက  ဒေသထွက်ငါးတန်များကို ဝယ်ယူပြီး ရောင်းတမ်းဝင်သည့် အနေအထားကို ဈေးကွက်သို့ ပြန်လည်ဖြန့်ဖြူး ရောင်းချကြောင်း သိရသည်။                             MWD
Wed, 4-Mar-2026
ယူကရိန်းနိုင်ငံက နိုင်ငံတကာငွေကြေးရန်ပုံငွေအဖွဲ့မှ ရန်ပုံငွေအဖြစ် အမေရိကန်ဒေါ်လာ ၁ ဒသမ ၅ ဘီလီယံလက်ခံရရှိ
ယူကရိန်းနိုင်ငံက နိုင်ငံတကာငွေကြေးရန်ပုံငွေအဖွဲ့မှ ရန်ပုံငွေအဖြစ် အမေရိကန်ဒေါ်လာ ၁ ဒသမ ၅ ဘီလီယံလက်ခံရရှိ
ယူကရိန်းနိုင်ငံသည်   နိုင်ငံတကာငွေကြေးရန်ပုံငွေအဖွဲ့ ၏ လေးနှစ်သက်တမ်းရှိ တိုးချဲ့ရန်ပုံငွေအစီအစဉ်သစ်အရ ပထမအသုတ်အဖြစ် အမေရိကန်ဒေါ်လာ ၁ ဒသမ ၅ ဘီလီယံကို လက်ခံရရှိပြီးဖြစ်သည်ဟု ယူကရိန်းဝန်ကြီးချုပ် ယူလီယာဆဗီရီဒန်ကို က မတ်လ ၃ ရက်တွင် ကြေညာခဲ့ကြောင်း သိရသည်။ယူကရိန်းနိုင်ငံအနေဖြင့် နိုင်ငံတကာငွေကြေးရန်ပုံငွေအဖွဲ့၏    တိုးချဲ့ရန်ပုံငွေအစီအစဉ်အရ ပထမဆုံးအသုတ်ဖြစ်သည့်  ဒေါ်လာ ၁ ဒသမ ၅ ဘီလီယံကို စာရင်းအတွင်းသို့ထည့်သွင်းပြီးဖြစ်ကြောင်း၊  အဆိုပါရန်ပုံငွေများကို ဦးစားပေးအသုံးစရိတ်များနှင့် မက်ခရိုစီးပွားရေး တည်ငြိမ်မှုအတွက် အသုံးပြုသွားမည်ဖြစ်ကြောင်း  ဆဗီရီဒန်ကိုက ၎င်း၏လူမှုကွန်ရက်တွင် ရေးသား ဖော်ပြထားသည်။နိုင်ငံတကာငွေကြေး ရန်ပုံငွေအဖွဲ့သည် ယူကရိန်းနိုင်ငံအတွက် လေးနှစ်သက်တမ်းရှိ    ငွေကြေးထောက်ပံ့မှု အစီအစဉ်သစ်အဖြစ် စုစုပေါင်း ဒေါ်လာ ၈ ဒသမ ၁ ဘီလီယံရှိ ချေးငွေများကိုပေးအပ်ရန် ဖေဖော်ဝါရီလ၂၆ ရက်တွင်     အတည်ပြုပေးခဲ့ခြင်းဖြစ်သည်။ယူကရိန်းနိုင်ငံသို့ ပေးအပ်သော ရန်ပုံငွေအားလုံးကို အဆိုပါနိုင်ငံ၏ စီးပွားရေးတည်ငြိမ်မှုကို ထိန်းသိမ်းရန်နှင့်   နိုင်ငံ ပြန်လည်ထူထောင်ရေး လုပ်ငန်းများတွင် အသုံးပြုရန် ရည်မှန်းထားခြင်းဖြစ်ကြောင်း သိရသည်။                                     Ref: IvMWD
Wed, 4-Mar-2026
ကျောက်ဆည်မြို့နယ် ကျေးရွာအုပ်စု ၆ အုပ်စု၌ ဆောင်းနှမ်း ၇၇၇ ဧက စိုက်ပျိုးပြီးဖြစ်
ကျောက်ဆည်မြို့နယ် ကျေးရွာအုပ်စု ၆ အုပ်စု၌ ဆောင်းနှမ်း ၇၇၇ ဧက စိုက်ပျိုးပြီးဖြစ်
ကျောက်ဆည် ဖေဖော်ဝါရီ ၃မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်၌ ဆီထွက်သီးနှံစုံစိုက်ပျိုးထားရှိရာ ကျေးရွာ အုပ်စု ၆ အုပ်စု၌ ဆောင်းနှမ်း ၇၇၇ ဧက စိုက်ပျိုးပြီးဖြစ်ကြောင်း  သိရသည်။အဆိုပါကျေးရွာအုပ်စုများသည် အရှေ့သာဂရ၊ ကလေး၊ မှိုင်းပန်၊ ပြည်တော်သာ၊ ရှမ်းတောင်ဦး၊ ကုလားကျောင်း ကျေးရွာအုပ်စုများဖြစ်ပြီး ဆောင်းနှမ်းများ စိုက်ပျိုးရာ၌ စိုက်ပျိုးရေးဦးစီးဌာန၏ လမ်းညွှန်မှုဖြင့် မြေပြင်ချိန်၌ မြေခံအဖြစ် နွားချေး ၃ စီးနှင့် (၁၅:၁၅:၁၅)ကွန်ပေါင်း ဓာတ်မြေဩဇာ ၀ ဒသမ ၅ အိတ်၊  အပင်သက်တမ်း ၂၀-၂၅ ရက်သား နှင့် ၄၀-၄၅ ရက်သား တို့၌ ပုလဲဓာတ်မြေဩဇာ ၀ ဒသမ၅ အိတ်၊ နှမ်းမျိုးစေ့များအား မစိုက်ပျိုးမီ Trichoderma လူးနယ်၍ နှမ်းဖိုရောဂါ၊ စုပ်စားပိုးနှင့် သီးလုံးဖောက်ပိုးများ ကာကွယ်စေရန် ပင်လုံးပြန့်ဆေးနှင့် အခြားလိုအပ်သည့်ဆေးများဖြန်းပေးခြင်းများ ပြုလုပ်၍ စိုက်ပျိုးကြောင်း  သိရသည်။ ကျောက်ဆည်မြို့နယ်မှ နှမ်းစိုက်တောင်သူများသည် ဒေသနှင့်ကိုက်ညီပြီး အထွက်နှုန်းကောင်းမွန်သော ဆင်းရတာ (၄)၊ ဆင်းရတာ(၁၂) မျိုးများနှင့် ကိုင်းဖျာမျိုးများဖြစ်သော မကွေး ၂/ ၁၄၊  မကွေး ၂/ ၁၃၊  ဆင်းရတာ (၁၄) နှမ်းမျိုးများ အဓိထား စိုက်ပျိုးကြကြောင်း မြို့နယ်စိုက်ပျိုးရေးဦးစီးဌာနမှ သိရသည်။ သက်မောင်(ကျောက်ဆည်) 
Tue, 3-Mar-2026
အရှေ့အလယ်ပိုင်းပဋိပက္ခကြောင့် ရေနံနှင့် သဘာဝဓာတ်ငွေ့ စျေးနှုန်း များ ဆက်လက်မြင့်တက်၊ စတော့ရှယ်ယာစျေးကွက်များ ကျဆင်း
အရှေ့အလယ်ပိုင်းပဋိပက္ခကြောင့် ရေနံနှင့် သဘာဝဓာတ်ငွေ့ စျေးနှုန်းများ ဆက်လက်မြင့်တက်၊ စတော့ရှယ်ယာစျေးကွက်များ ကျဆင်း
အဓိက စွမ်းအင်ထုတ်လုပ်ရာဒေသဖြစ်သော အရှေ့အလယ်ပိုင်းတွင် ဖြစ်ပွားနေသည့် လက်ရှိပဋိပက္ခများသည် ကမ္ဘာ့လောင်စာဆီထောက်ပံ့မှုကို ခြိမ်းခြောက်လာနိုင်သည်ဟူသော စိုးရိမ်မှုများကြောင့် အင်္ဂါနေ့ (မတ် ၃)တွင် ရေနံနှင့်သဘာဝဓာတ်ငွေ့စျေးနှုန်းများ ဆက်လက်မြင့်တက်ခဲ့သည်။ကမ္ဘာ့ရေနံစံညွှန်းဖြစ်သော Brent ရေနံကြိုပွိုင့်စျေးနှုန်းမှာ ၆ ရာခိုင်နှုန်းခုန်တက်သွားပြီး တစ်စည်လျှင် ၈၂ ဒေါ်လာသို့ ရောက်ရှိခဲ့ကြောင်း FactSet အချက်အလက်များအရ သိရှိရသည်။ ယင်းစျေးနှုန်းမှာ ၂၀၂၅ ခုနှစ်၊ ဇွန်လနောက်ပိုင်း အမြင့်ဆုံးအဆင့်သို့ ရောက်ရှိခဲ့သည့် ယမန်နေ့ကထက် ပိုမိုမြင့်တက်လာခြင်းဖြစ်သည်။ အမေရိကန် ရေနံစံညွှန်းဖြစ်သော WTI သည်လည်း အင်္ဂါနေ့ (မတ် ၃) တွင် ၆ ရာခိုင်နှုန်းမြင့်တက်ကာ တစ်စည်လျှင် ၇၅.၆ ဒေါ်လာသို့ ရောက်ရှိခဲ့သည်။တစ်ချိန်တည်းမှာပင် ဥရောပစံညွှန်း သဘာဝဓာတ်ငွေ့ ကြိုပွိုင့် စျေးနှုန်းမှာ ၃၄ ရာခိုင်နှုန်းအထိ ထိုးတက်သွားပြီး တစ်မီဂါဝပ်နာရီလျှင် ၅၉ ယူရို (၆၈ ဒေါ်လာ) ခန့် ဖြစ်လာခဲ့သည်။ ပါရှန်ပင်လယ်ကွေ့အတွင်းရှိ စွမ်းအင်အခြေခံအဆောက်အအုံများကို အီရန်က ပစ်မှတ်ထားတိုက်ခိုက်ခဲ့ပြီးနောက် ကာတာနိုင်ငံ၏ အကြီးဆုံးဓာတ်ငွေ့ထုတ်လုပ်သူက ထုတ်လုပ်မှုရပ်ဆိုင်းရန် ဆုံးဖြတ်လိုက်ခြင်းကြောင့် ယခုကဲ့သို့ စျေးနှုန်းများ မြင့်တက်လာခြင်းဖြစ်သည်။ယခုအခါ လေးရက်မြောက်နေ့သို့ ရောက်ရှိလာပြီဖြစ်သော အီရန်နှင့် အမေရိကန်-အစ္စရေးတို့အကြားပဋိပက္ခကြောင့် အရှေ့အလယ်ပိုင်း ဒေသမှ ရေနံနှင့်သဘာဝဓာတ်ငွေ့ တင်ပို့မှုများ ပြတ်တောက်သွားမည်ကို စိုးရိမ်ပူပန်မှုများက ထင်ဟပ်နေသည်။ အီရန်နိုင်ငံကို ရှောင်ကွင်းသွားရသည့် အလွန်အရေးပါသော ဟော်မုဇ်ရေလက်ကြား (Strait of Hormuz) သင်္ဘောလမ်းကြောင်းမှာလည်း လက်တွေ့တွင် ပိတ်ဆို့ခံထားရသဖြင့် ကမ္ဘာ့စျေးကွက်သို့ အရေးကြီးကုန်စည်များပို့ဆောင်ရန် အခြားရွေးချယ်စရာ နည်းပါးသွားပြီဖြစ်သည်။တိုးပွားလာသော အဆိုပါစိုးရိမ်မှုများသည် ကမ္ဘာတစ်ဝှမ်းရှိ စတော့ ရှယ်ယာစျေးကွက်များသို့လည်း ကူးစက်ခဲ့သည်။ အာရှစျေးကွက်တွင် တောင်ကိုရီးယား၏ Kospi အညွှန်းကိန်းမှာ ဈေးပိတ်ချိန်တွင် ၇ ရာခိုင်နှုန်းကျော်အထိ ကျဆင်းခဲ့ပြီး အကျဆုံးဖြစ်ခဲ့သည်။ ဂျပန်နှင့် ဟောင်ကောင်ရှိ စတော့အညွှန်းကိန်းများမှာလည်း ကျဆင်းခဲ့သည်။ဥရောပစျေးကွက်တွင် လန်ဒန်၏ FTSE 100 အညွှန်းကိန်းမှာ နံနက်ပိုင်း အရောင်းအဝယ်ပြုလုပ်ချိန်၌ ၂.၇ ရာခိုင်နှုန်း ကျဆင်းခဲ့သည်။ ဂျာမနီ၏ Dax မှာ ၃.၄ ရာခိုင်နှုန်းနှင့် ပြင်သစ်၏ CAC အညွှန်းကိန်းမှာ ၂.၈ ရာခိုင်နှုန်း အသီးသီး ကျဆင်းခဲ့သည်။ အမေရိကန် စတော့ကြိုပွိုင့် စျေးကွက်မှာလည်း စျေးဖွင့်ချိန်တွင် သိသိသာသာ ကျဆင်းမည့် အလားအလာများကို ပြသနေသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 3-Mar-2026
ပဋိပက္ခများ ပိုမိုပြင်းထန်လာမှုကြောင့် အာရှစတော့စျေးကွက်များ ထိုးဆင်းသွား
ပဋိပက္ခများ ပိုမိုပြင်းထန်လာမှုကြောင့် အာရှစတော့စျေးကွက်များ ထိုးဆင်းသွား
အရှေ့အလယ်ပိုင်းဒေသတွင် ပဋိပက္ခများ ပိုမိုနက်ရှိုင်းလာစေသည့် အီရန် နိုင်ငံအပေါ် အမေရိကန်နှင့်အစ္စရေးတို့၏ တိုက်ခိုက်မှုများ ဆက်လက် ဖြစ်ပွားနေခြင်းကြောင့် အင်္ဂါနေ့ (မတ် ၃) တွင် အာရှစတော့ စျေးကွက်များ အကြီးအကျယ် ထိုးဆင်းသွားခဲ့သည်။တိုက်ခိုက်မှုများ စတင်ခဲ့သည့် သီတင်းပတ်ကုန်နောက်ပိုင်း ပထမဆုံး အရောင်းအဝယ်ပြုလုပ်သည့်နေ့တွင် တောင်ကိုရီးယားနိုင်ငံ၏ အဓိက KOSPI အညွှန်းကိန်းမှာ ဒေသစံတော်ချိန် မွန်းလွဲ ၃ နာရီ ၈ မိနစ်ခန့်တွင် ၆.၆ ရာခိုင်နှုန်းအထိ ထိုးကျသွားခဲ့သည်။ ထို့အတူ ဂျပန်နိုင်ငံ၏ Nikkei 225 အညွှန်းကိန်းမှာ ၃.၂ ရာခိုင်နှုန်းနှင့် ဟောင်ကောင်၏ Hang Seng အညွှန်းကိန်းမှာ ၁ ရာခိုင်နှုန်း အသီးသီး ကျဆင်းခဲ့သည်။ကိုးကား- CNNPhoto: Financial Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 3-Mar-2026
အီရန်အပေါ် အမေရိကန်နှင့် အစ္စရေးတို့၏ တိုက်ခိုက်မှုများကြောင့် ကမ္ဘာ့ ရေနံဈေးနှုန်းများ ရုတ်တရက် မြင့်တက်လာ
အီရန်အပေါ် အမေရိကန်နှင့် အစ္စရေးတို့၏ တိုက်ခိုက်မှုများကြောင့် ကမ္ဘာ့ ရေနံဈေးနှုန်းများ ရုတ်တရက် မြင့်တက်လာ
အမေရိကန်နှင့် အစ္စရေးတို့က အီရန်နိုင်ငံအပေါ် ပြင်းထန်သော တိုက်ခိုက်မှုများ ပြုလုပ်ခဲ့ပြီးနောက် ကမ္ဘာ့စီးပွားရေး ထိခိုက်ပျက်ပြားမည်ကို စိုးရိမ်မှုများ မြင့်တက်လာခြင်းကြောင့် တနင်္လာနေ့ (မတ် ၂) တွင် ကမ္ဘာ့ရေနံဈေးနှုန်းများ ၁၃ ရာခိုင်နှုန်းအထိ ထိုးတက်သွားခဲ့သည်။ အရှေ့ အလယ်ပိုင်းဒေသတစ်ခွင် တိုက်ခိုက်မှုများ ဆက်လက်ဖြစ်ပွားနေခြင်းကြောင့် ဟော်မုဇ်ရေလက်ကြား (Strait of Hormuz) ကို ဖြတ်သန်းသွား လာနေသည့် ရေနံတင်သင်္ဘောလုပ်ငန်းများမှာလည်း ပြင်းထန်စွာ ရိုက်ခတ်မှုများ ကြုံတွေ့နေရပြီဖြစ်သည်။အီရန်နှင့် အိုမန်နိုင်ငံကြားရှိ ကျဉ်းမြောင်းသော ရေလမ်းကြောင်းဖြစ်သည့် ဟော်မုဇ်ရေလက်ကြားသည် ကမ္ဘာ့ရေနံနှင့် သဘာဝဓာတ်ငွေ့ ရောင်းလိုအား စုစုပေါင်း၏ ၂၀ ရာခိုင်နှုန်းခန့်ကို သယ်ယူပို့ဆောင်ပေးနေသည့် လမ်းကြောင်းဖြစ်သည်။ အဆိုပါ ရေလက်ကြားအား သင်္ဘောများ ဖြတ်သန်းသွားလာနိုင်ရန် ဖွင့်လှစ်ထားဆဲဖြစ်ကြောင်း အီရန်အာဏာပိုင်များက ပြောကြားထားသော်လည်း တိုက်ခိုက်ခံရနိုင်သည့် အန္တရာယ်များရှိနေခြင်းကြောင့် ရေကြောင်းသွားလာမှုများမှာ အကြီးအကျယ် ရပ်တန့်နေကြောင်း သတင်းဖော်ပြချက်များအရ သိရသည်။တနင်္လာနေ့ (မတ် ၂) က ICE ဈေးကွက်တွင် Brent crude ရေနံစိမ်းဈေးနှုန်းသည် တစ်စည်လျှင် ၈၂ ဒေါ်လာအထိ မြင့်တက်ခဲ့ပြီး ယင်းမှာ ၁၄ လအတွင်း အမြင့်ဆုံးဈေးနှုန်းသို့ ရောက်ရှိခဲ့ခြင်းဖြစ်သည်။ သို့သော်လည်း နောက်ပိုင်းတွင် ဈေးနှုန်းအနည်းငယ် ပြန်လည်ကျဆင်းသွားကာ ၇၉.၅ ဒေါ်လာဝန်းကျင်တွင် ရှိနေသည်။ဗြိတိန်ရေကြောင်း ကုန်သွယ်မှုဆိုင်ရာ စင်တာ (UKMTO) ၏ တနင်္ဂနွေနေ့ (မတ် ၁) ထုတ်ပြန်ချက်အရ ဟော်မုဇ်ရေလက်ကြားအတွင်း သင်္ဘောနှစ်စင်း တိုက်ခိုက်ခံခဲ့ရကြောင်း သိရှိရပြီး အိုမန်ရေကြောင်း လုံခြုံရေးစင်တာကလည်း အမေရိကန်၏ ပိတ်ဆို့အရေးယူခြင်းခံထားရသော ရေနံတင် သင်္ဘောတစ်စင်းမှာ အိုမန်ကမ်းလွန်တွင် တိုက်ခိုက်ခံခဲ့ရကြောင်း အစီရင်ခံထားသည်။တနင်္ဂနွေနေ့ (မတ် ၁) တွင် Reuters သတင်းဌာန၏ ဖော်ပြချက်အရ ရေနံစိမ်းနှင့် သဘာဝဓာတ်ငွေ့ရည် (LNG) တင်ဆောင်ထားသည့်သင်္ဘောပေါင်း အနည်းဆုံး ၁၅၀ ခန့်သည် ဟော်မုဇ်ရေလက်ကြားအပြင်ဘက် ပင်လယ်ကွေ့ရေပြင်တွင် ကျောက်ချရပ်နားထားရပြီး အခြား သင်္ဘောအများအပြားမှာလည်း ရေလက်ကြား အဝင်အထွက်နေရာများတွင် ငြိမ်သက်စွာ ရပ်တန့်နေကြသည်ဟု ဆိုသည်။ Financial Times သတင်းဌာနကလည်း အာမခံကုမ္ပဏီများသည် သင်္ဘောပိုင်ရှင်များထံသို့ သတိပေးချက်များပေးပို့ထားပြီး ပင်လယ်ကွေ့နှင့် ဟော်မုဇ်ရေလက်ကြားကို ဖြတ်သန်းမည့် သင်္ဘောများအတွက် အာမခံမူဝါဒများကို ပယ်ဖျက်ခြင်း သို့မဟုတ် အာမခံကြေးများတိုးမြှင့်ခြင်းများ ပြုလုပ်သွားမည် ဖြစ်ကြောင်း ဖော်ပြထားသည်။စီးပွားရေးပညာရှင် Yegor Susin ၏ ပြောကြားချက်အရ ဟော်မုဇ် ရေလက်ကြားကို ဖြတ်သန်းသွားလာမှုနှုန်းမှာ ၃၈ ရာခိုင်နှုန်းမှ ၅၀ ရာခိုင်နှုန်း အထိ ကျဆင်းသွားကြောင်း သိရသည်။ အကယ်၍ ယခုကဲ့သို့ အနှောင့်အယှက်ဖြစ်မှုများသည် လေးပတ်ခန့်ကြာမြင့်မည်ဆိုပါက ရေနံစည်ပေါင်း သန်း ၂၀၀ မှ ၃၀၀ အထိ ဆုံးရှုံးနိုင်ခြေရှိကြောင်းနှင့် ရေနံဈေးနှုန်းမှာလည်း တစ်စည်လျှင် ၈၀ ဒေါ်လာမှ ၁၂၀ ဒေါ်လာအထိ ယာယီမြင့်တက်သွားနိုင်ကြောင်း ၎င်းက ခန့်မှန်းထားသည်။စနေနေ့ (ဖေဖော်ဝါရီ ၂၈) နံနက်ပိုင်းက အီရန်နိုင်ငံအပေါ် အမေရိကန်နှင့် အစ္စရေးတို့ စတင်ခဲ့သည့် စစ်ရေးအရ တိုက်ခိုက်မှုများသည် လျော့ပါး သွားမည့် အရိပ်အယောင်မတွေ့ရသေးပေ။ အမေရိကန် သမ္မတ ဒေါ်နယ်ထရမ့်က မတ်လ ၁ ရက်နေ့တွင် ပြောကြားရာ၌ အမေရိကန်၏ ရည်မှန်းချက်များ ပြည့်ဝသည်အထိ တိုက်ခိုက်မှုများ ဆက်လက် လုပ်ဆောင်သွားမည်ဖြစ်ပြီး ယခုပဋိပက္ခသည် "လေးပတ်မှ ငါးပတ်ခန့်" ကြာမြင့် နိုင်ကြောင်း အရိပ်အမြွက် ပြောကြားခဲ့သည်။ပြင်းထန်သော အဆိုပါ တိုက်ခိုက်မှုများအတွင်း အီရန်၏ အမြင့်ဆုံး ခေါင်းဆောင် အယာတိုလာ အလီခါမေနီနှင့် အစ္စလာမ္မစ် တော်လှန်ရေး အစောင့်တပ်ဖွဲ့ (IRGC) အကြီးအကဲအပါအဝင် ထိပ်တန်းခေါင်းဆောင်အချို့ သေဆုံးခဲ့သည်။ တီဟီရန် အာဏာပိုင်များကလည်း အစ္စရေး နိုင်ငံ နှင့် အမေရိကန် စစ်အခြေစိုက်စခန်းများရှိရာ ပင်လယ်ကွေ့နိုင်ငံအချို့ကို လေကြောင်းမှ ပြန်လည်တိုက်ခိုက်ခဲ့သည်။ဒေသတွင်း ပဋိပက္ခ ပိုမိုပြင်းထန်လာသည့် လက္ခဏာအဖြစ် ဟစ်ဇ်ဘိုလာ (Hezbollah) အဖွဲ့သည်လည်း အစ္စရေးစစ်တပ်အခြေစိုက်စခန်းများကို နယ်စပ်ဖြတ်ကျော် တိုက်ခိုက်မှုများ ဆက်တိုက်ပြုလုပ်ကာ စစ်ပွဲအတွင်း ပါဝင်လာခဲ့သည်။ ယင်းသို့ တိုက်ခိုက်မှုကြောင့် အစ္စရေးဘက်ကလည်း လက်ဘနွန်လက်နက်ကိုင်အဖွဲ့၏ အခြေခံအဆောက်အအုံများနှင့် ကွပ်ကဲမှုစခန်းများကိုပစ်မှတ်ထားကာ လက်စားချေလေကြောင်း တိုက်ခိုက်မှုများ ပြုလုပ်လျက်ရှိသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Mon, 2-Mar-2026
© Copyright 2024 SAC All Rights Reserved.