လားရှိုးမြို့၌ နွေရာသီအခြေခံ အားကစားသင်တန်းများ ဖွင့်လှစ်သင်ကြားလျက်ရှိ

dpWEB1234

News Image

  • လားရှိုးမြို့၌ နွေရာသီအခြေခံ အားကစားသင်တန်းများ ဖွင့်လှစ်သင်ကြားလျက်ရှိ

လားရှိုး   မတ်   ၃

      ရှမ်းပြည်နယ်(မြောက်ပိုင်း)  လားရှိုးမြို့၌အားကစားနှင့် လူငယ်ရေးရာဝန်ကြီးဌာန မြို့နယ်အားကစားနှင့် ကာယပညာဦးစီးဌာနမှ နွေရာသီကျောင်းပိတ်ရက် အတွင်း ကျောင်းသား၊ ကျောင်းသူ လူငယ်လူရွယ်များ အနေဖြင့် အချိန်ကို အကျိုးရှိစွာ အသုံးချတတ်စေရန်နှင့်ကျန်းမာပျော်ရွှင်ကာ အားကစားကဏ္ဍဖွံ့ဖြိုးပြီး   နိုင်ငံ့ဂုဏ်ဆောင် အားကစားသမားများ   ပေါ်ထွက်လာစေရန်ရည်ရွယ်၍   နွေရာသီအခြေခံ အားကစားသင်တန်းများ အခမဲ့ဖွင့်လှစ် သင်ကြားပေးလျက်ရှိသည်။

အဆိုပါ နွေရာသီအခြေခံအားကစားသင်တန်းကို မတ်လ ၁ ရက်မှ  ၂၀ ရက်အထိ ဖွင့်လှစ်သင်ကြားမည်ဖြစ်ပြီး  ပြည်ထောင်စုအားကစားကွင်း၌  ဘောလုံး၊ ပိုက်ကျော်ခြင်း၊ ဘော်လီဘော၊ကြက်တောင်၊ စစ်တုရင် အားကစားနည်းတို့ကို သက်ဆိုင်ရာ နည်းပြဆရာများဖြင့်   စနစ်တကျလေ့ကျင့် သင်ကြားပေးလျက်ရှိကာ သင်တန်းပြီးဆုံးပါက  သင်တန်းဆင်းဂုဏ်ပြု လက်မှတ်များ ပေးအပ်မည်ဖြစ်ကြောင်း သိရသည်။ 

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

ပရီးမီးယားလိဂ်ပြိုင်ပွဲသမိုင်းတစ်လျှောက် တစ်ရာသီအတွင်း အနီကတ်အကြိမ်ရေ အများဆုံးမှတ်တမ်းတစ်ရပ်ကို ချယ်လ်ဆီးအသင်းရရှိ
ပရီးမီးယားလိဂ်ပြိုင်ပွဲသမိုင်းတစ်လျှောက် တစ်ရာသီအတွင်း အနီကတ်အကြိမ်ရေ အများဆုံးမှတ်တမ်းတစ်ရပ်ကို ချယ်လ်ဆီးအသင်းရရှိ
လန်ဒန်   မတ်   ၃‌ပြီးခဲ့သည့်    အာဆင်နယ်အသင်းနှင့်  ချယ်လ်ဆီး အသင်းတို့ယှဉ်ပြိုင်ကစားသည့် ပရီးမီးယားလိဂ်ပွဲစဉ် တွင်   ချယ်လ်ဆီးအသင်း  တောင်ပံကစားသမား  နက်တို   အနီကတ်ပြသခံရပြီးနောက်     ချယ်လ်ဆီး အသင်းသည်      ပရီးမီးယားလိဂ်ပြိုင်ပွဲသမိုင်းတစ် လျှောက်     တစ်ရာသီအတွင်း    အနီကတ်အကြိမ်ရေ အများဆုံး   မှတ်တမ်းဆိုးတစ်ရပ်ကို   ရရှိခဲ့ကြောင်း သိရသည်။ချယ်လ်ဆီးအသင်းသည် ယခုဘောလုံးရာသီတွင် နက်တိုအနီကတ်ပြသခံရပြီးနောက်      အနီကတ် အကြိမ်ရေကိုးကြိမ်အထိ ရှိလာသည့်အတွက်  ပြိုင်ပွဲသမိုင်းတစ်လျှောက်   တစ်ရာသီအတွင်း အနီကတ် ကိုးကြိမ်ပြသခံရသည့် အသင်းစာရင်းတွင် ဝင်ရောက် ခဲ့ခြင်းဖြစ်သည်။ပရီးမီးယားလိဂ်ပြိုင်ပွဲ     သမိုင်းတစ်လျှောက် ချယ်လ်ဆီးအသင်းမတိုင်မီက    တစ်ရာသီအတွင်း အနီကတ်ကိုးကြိမ်ပြသခံရသည့် ကလပ်အသင်းများအဖြစ် ၂၀၀၈-၂၀၀၉ ဘောလုံးရာသီက ဆန်းဒါးလန်းအသင်းက လည်းကောင်း၊ ၂၀၁၁-၂၀၁၂ ဘောလုံးရာသီ က ကျူပီအာအသင်းကလည်းကောင်း မှတ်တမ်းဝင် ခဲ့ပြီး   ယခုအခါ  ချယ်လ်ဆီးအသင်းက   တစ်ရာသီအတွင်း အနီကတ် ကိုးကြိမ်ပြသခံရသည့် တတိယ မြောက် ကလပ်အသင်းအဖြစ် မှတ်တမ်းဝင်ခဲ့ခြင်းဖြစ်သည်။ဆန်းဒါးလန်းအသင်း၊ ကျူပီအာအသင်းနှင့် ချယ်လ်ဆီးအသင်းတို့နောက်တွင် အနီကတ်ရှစ်ကြိမ် ပြသခံရသည့် ကလပ် အသင်းများအဖြစ် ၁၉၉၄-၁၉၉၅ ဘောလုံး ရာသီက လက်စတာအသင်း၊ ၁၉၉၈-၁၉၉၉ ဘောလုံး ရာသီက ဘလက်ဘန်းအသင်း၊ ၁၉၉၉-၂၀၀၀ ဘောလုံး ရာသီက ဝက်စ်ဟမ်းအသင်း၊ ၂၀၀၈-၂၀၀၉ ဘောလုံး ရာသီက နယူးကာဆယ်အသင်းနှင့် ၂၀၁၃-၂၀၁၄ ဘောလုံးရာသီက      ဆန်းဒါးလန်းအသင်းတို့က မှတ်တမ်းဝင်ခဲ့ကြသည်။ချယ်လ်ဆီးအသင်းသည်     ယခုဘောလုံးရာသီ ပရီးမီးယားလိဂ်ပြိုင်ပွဲတွင် ၁၀ ပွဲကစားရန် ကျန်ရှိနေသေးပြီး  နောက်ထပ်တစ်ကြိမ် အနီကတ်ပြသခံရမည် ဆိုပါက  ပရီးမီးယားလိဂ်ပြိုင်ပွဲ သမိုင်းတစ်လျှောက် တစ်ရာသီအတွင်း    အနီကတ်အကြိမ်ရေအများဆုံး ကလပ်အသင်းအဖြစ် စံချိန်တင်မှတ်တမ်းဆိုး တစ်ရပ်ကို     ရရှိမည်ဖြစ်သည့်အတွက်      စည်းကမ်းပိုင်းအား အနည်းဆုံးအသင်းအဖြစ်လည်း   သတ်မှတ်ခံရမည်ဖြစ်ကြောင်း သိရသည်။Ref;Top Skill Sports UKMWD
Wed, 4-Mar-2026
Finalissima ဗိုလ်လုပွဲကို စပိန်နိုင်ငံရှိ ရီးယဲလ်မက်ဒရစ် အသင်းအိမ်ကွင်း၌ ပြောင်းလဲကျင်းပဖွယ်ရှိနေ
Finalissima ဗိုလ်လုပွဲကို စပိန်နိုင်ငံရှိ ရီးယဲလ်မက်ဒရစ် အသင်းအိမ်ကွင်း၌ ပြောင်းလဲကျင်းပဖွယ်ရှိနေ
မက်ဒရစ်   မတ်   ၃‌‌ဥရောပဘောလုံးအဖွဲ့ချုပ်နှင့်  တောင်အမေရိက ဘောလုံးအဖွဲ့ချုပ်တို့က      Finalissima ဗိုလ်လုပွဲကို စပိန်နိုင်ငံရှိ     ရီးယဲလ်မက်ဒရစ် အသင်းအိမ်ကွင်း၌ ပြောင်းလဲကျင်းပဖွယ် ရှိနေကြောင်း သိရသည်။အစောပိုင်းက       ဥရောပဘောလုံးအဖွဲ့ချုပ်နှင့် တောင်အမေရိက ဘောလုံးအဖွဲ့ချုပ်တို့က Finalissima ဗိုလ်လုပွဲကို  ယခုလအတွင်း  ကာတာနိုင်ငံ၌ ကျင်းပရန် စီစဉ်ထားသော်လည်း လက်ရှိအရှေ့အလယ်ပိုင်းဒေသ၌  အမေရိကန်နိုင်ငံ၊  အစ္စရေးနိုင်ငံနှင့်  အီရန် နိုင်ငံတို့ကြား စစ်ရေးတင်းမာမှုများ ရှိနေပြီး လုံခြုံရေး ပိုင်းစိတ်ချရသည့်    အနေအထား မရှိသည့်အတွက်  ပြောင်းလဲကျင်းပရန် ဆုံးဖြတ်ခဲ့ခြင်း ဖြစ်သည်။Finalissima   ဗိုလ်လုပွဲသည်  ဥရောပဘောလုံး အဖွဲ့ချုပ်နှင့် တောင်အမေရိကဘောလုံးအဖွဲ့ချုပ်တို့ ပူးပေါင်း၍    ယူရိုဖလားချန်ပီယံ အသင်းနှင့်    ကိုပါအမေရိကဖလား     ချန်ပီယံဆုဆွတ်ခူးနိုင်ခဲ့သည့် အသင်းများ ကစားသည့်ပွဲစဉ်ဖြစ်ပြီး  ၂၀၂၂  ခုနှစ်က စတင် ကျင်းပခဲ့ခြင်း ဖြစ်ကာ       ပထမဆုံးကျင်းပခဲ့သည့် အကြိမ်တွင် အာဂျင်တီးနားအသင်းက အီတလီ အသင်းကို ၃ ဂိုး- ဂိုးမရှိဖြင့်  အနိုင်ရရှိပြီး ချန်ပီယံဆု ဆွတ်ခူးနိုင်ခဲ့သည်။2026 Finalissima ဗိုလ်လုပွဲကိုလည်း ၂၀၂၄ ခုနှစ် ကိုပါအမေရိကဖလားချန်ပီယံ အာဂျင်တီးနားအသင်း နှင့်  ၂၀၂၄  ခုနှစ် ယူရိုဖလားချန်ပီယံ စပိန်အသင်းတို့ ယှဉ်ပြိုင်ကစားရမည်ဖြစ်ပြီး  အမေရိကန်၊  အင်္ဂလန်၊    ပြင်သစ်နှင့် အီတလီနိုင်ငံတို့၌ ကျင်းပရန်   စီစဉ်နေ သော်လည်း စပိန်နိုင်ငံ၌သာကျင်းပရန် ရာခိုင်နှုန်းများနေကြောင်း သိရသည်။                               Ref;One FootballMWD
Wed, 4-Mar-2026
ဒဂုံစတားယူနိုက်တက်အသင်းက မဟာယူနိုက်တက်အသင်းကို တစ်လုံးတည်းသောဂိုးဖြင့်အနိုင်ယူ
ဒဂုံစတားယူနိုက်တက်အသင်းက မဟာယူနိုက်တက်အသင်းကို တစ်လုံးတည်းသောဂိုးဖြင့်အနိုင်ယူ
ရန်ကုန်  မတ်  ၃၂၀၂၅-၂၀၂၆ ရာသီ မြန်မာနေရှင်နယ်လိဂ် အမှတ်ပေးဘောလုံးပြိုင်ပွဲ ပွဲစဉ်(၂၀)ပြိုင်ပွဲ၏ ပွဲစဉ်တစ်ပွဲဖြစ်သည့် ဒဂုံစတား ယူနိုက်တက်အသင်းနှင့်  မဟာယူနိုက်တက်အသင်းတို့ ယနေ့ညနေပိုင်းတွင်   ရန်ကုန်မြို့ သုဝဏ္ဏကွင်း၌ ယှဉ်ပြိုင်ကစားကြရာ ဒဂုံစတား  ယူနိုက်တက်အသင်းက မဟာယူနိုက်တက်အသင်းကို တစ်လုံးတည်းသောဂိုးဖြင့်   အနိုင်ရရှိသွားသည်။အမှတ်ပေးဇယားရဲ့  အဆင့်(၃)နေရာမှ ဒဂုံစတားယူနိုက်တက်အသင်းနှင့် အမှတ်ပေးဇယားအဆင့်(၅)နေရာမှ မဟာယူနိုက် တက်အသင်းတို့ ယနေ့တွေ့ဆုံခဲ့ကြပြီး ပထမအကျော့တွေ့ဆုံမှုတွင်လည်း တစ်ဖက်နှစ်ဂိုးစီဖြင့် သရေရလဒ် ထွက်ပေါ်ခဲ့သည့် အတွက် ယနေ့နိုင်ပွဲရရှိရန် နှစ်ဖက်အသင်း အကြိတ်အနယ်ယှဉ်ပြိုင်ခဲ့ကြသည်။ပထမပိုင်းပွဲစသည်နှင့်   နိုင်ပွဲရရှိရန် နှစ်သင်းလုံးတိုက်စစ်ဖွင့် ကစားခဲ့ကြသည်။  ပွဲကစားချိန် ၂၁ မိနစ်တွင် ဒဂုံစတားကစားသမား  ရန်ကျော်ထွေးရဲ့  ဖြတ်တင်ပေးမှုကို  မဟာယူနိုက်တက်ကစားသမား ထက်ဇော်ထွန်း ဖြတ်ထုတ်ရာမှ ကိုယ့်ဂိုးကိုယ်သွင်းမိသလို ဖြစ်သွား၍ ဒဂုံစတားအသင်း ဦးဆောင်ဂိုး ရရှိသွားသည်။ မဟာယူနိုက်တက်အသင်း ဦးဆောင်ဂိုးခွင့်ပြုပေးလိုက်ရပြီး  နောက်ပိုင်းတွင်  ချေပဂိုးရရှိရေး တိုက်စစ်ပိုမြှင့်ကစားလာသည်။ဒုတိယပိုင်းပြန်စသည်နှင့် နှစ်ဖက်အသင်း ကစားသမားများ အပြောင်းအလဲဖြင့် ကစားလာကြသည်။ မဟာယူနိုက်တက်အသင်း ချေပဂိုးရရှိရေး တွန်းတွန်းတိုက်တိုက် ကစားလာခဲ့၍ ဒဂုံစတားယူနိုက်တက်အသင်း ခံစစ်အသွင်ကစားပြီး ရရှိသည့် အခြေအနေ ကနေ တန်ပြန်တိုက်စစ်ကစားလာသည်။  မဟာယူနိုက်တက်အသင်းအတွက် ချေပဂိုး သွင်းခွင့်ရခဲ့ပေမယ့် ဒဂုံစတားယူနိုက်တက် အသင်းနောက်တန်း ကစားသမားများနှင့် ဂိုးသမားတို့၏   ဟန့်တားကာကွယ်နိုင်မှုကြောင့် ဂိုးရရှိခြင်းမရှိဘဲ ပထမပိုင်းဂိုးရလဒ် တစ်ဂိုး၊ဂိုးမရှိဖြင့်ပင် ဒဂုံစတားအသင်းက အနိုင်ရရှိသွားသည်။                     ဝန်းရံခMWD
Wed, 4-Mar-2026
နွေရာသီအားကစား သင်တန်းများဆင်းပွဲကျင်းပ
နွေရာသီအားကစား သင်တန်းများဆင်းပွဲကျင်းပ
ထားဝယ်   မတ်  ၃     တနင်္သာရီတိုင်းဒေသကြီးလူငယ်ရေးရာ  ကော်မတီ၊ အားကစားနှင့် ကာယပညာဦးစီး   ဌာနနှင့် ပညာရေးဝန်ကြီးဌာနတို့ ပူးပေါင်း ဖွင့်လှစ်သည့် နွေရာသီအားကစားသင်တန်း  များဆင်းပွဲကို  ယနေ့နံနက် ၉ နာရီတွင် ထားဝယ်မြို့ ရွှေဝယ်သီရိ အားကစားခန်းမ၌ကျင်းပသည်။သင်တန်းဆင်းပွဲတွင် တနင်္သာရီတိုင်း ဒေသကြီးဝန်ကြီးချုပ် ဦးမြတ်ကိုက  တစ်မျိုး သားလုံးကျန်းမာသန်စွမ်းပြီး ကိုယ်လက် ကြံ့ခိုင်ရေးအတွက် အားကစားနှင့် ကာယပညာဖြင့် အကောင်အထည်ဖော် ဆောင်ရွက်လျက်ရှိသလို နိုင်ငံတော်က ချမှတ်ပေး ထားသည့်  အားကစားနှင့်ကာယပညာ ဆိုင်ရာမူဝါဒများနှင့်အညီ  အားကစား လုပ်ငန်းများကို တစ်မျိုးသားလုံး လူထု လှုပ်ရှားမှုအသွင်ဖြင့်  ဆောင်ရွက်လျက်ရှိကြောင်း၊ အားကစားသမားမျိုးဆက်သစ် များ စဉ်ဆက်မပြတ်မွေးထုတ် လေ့ကျင့်ပေးခြင်းသည် လုပ်ငန်းတစ်ရပ်အနေဖြင့် ပါဝင်လျက်ရှိကြောင်း၊ ဒေသတစ်ခု၏ အားကစား ဖွံ့ဖြိုးတိုးတက်ရေးအတွက် အခြေခံကျသော  မျိုးဆက်သစ်အားကစားသမားများ ပေါ်ထွက် လာရေးသည်အရေးပါလှကြောင်း၊ သင်တန်း သားများအနေဖြင့် သင်တန်းဆင်းသွားပြီး ပါက သင်ကြားပေးလိုက်သော အားကစား နည်းစနစ်များကို မေ့ပျောက်မသွားစေရန် ဆက်လက်လေ့ကျင့်  ကစားနေကြရန် လိုအပ်ကြောင်း၊ လေ့ကျင့်မှ ကျွမ်းကျင်၊ ကျွမ်းကျင်မှယုံကြည်၊ ယုံကြည်မှရဲရင့်၊ ရဲရင့်မှ အောင်ပွဲဆင်ဆိုသည့် ဆောင်ပုဒ်ကိုလက်ကိုင်ထားပြီး အမြဲမပြတ်ကြိုးပမ်းလုပ်ဆောင်နေကြရန် လိုအပ်ကြောင်း၊ တိုင်းဒေသကြီးအတွင်း   ကျင်းပမည့်ကျောင်းသားအားကစားပြိုင်ပွဲများ၊ မြို့နယ်ပေါင်းစုံ  အားကစားပြိုင်ပွဲများတွင် ကျောင်းကိုယ်စားပြု၊   မြို့နယ်ကိုယ်စားပြု ဝင်ရောက်ယှဉ်ပြိုင်နိုင်မည့်  ထူးချွန်သော အားကစားသမားများ ဖြစ်လာနိုင်ကြောင်း၊ သင်တန်းသားများအနေဖြင့်  မိမိ၏ အားကစားနည်းများကို တိုးတက်လာအောင် ဆက်လက်လေ့ကျင့် အားထုတ်သွားကြရန်၊ နည်းပြဆရာများအနေဖြင့် သင်တန်းသားများကို အဆင့်မြင့်အားကစားနည်းများ တတ်ကျွမ်းလာအောင် ဆက်လက်သင်ကြားပေးကြရန် လိုအပ်ကြောင်း ပြောကြားသည်။ထို့နောက် တိုင်းဒေသကြီးဝန်ကြီးချုပ်နှင့် တိုင်းဒေသကြီးဝန်ကြီးများက  သင်တန်း သားများအား သင်တန်းဆင်းလက်မှတ်ပေး ပြီး သင်တန်းဆင်း အားကစားအဖွဲ့များ၏ မြန်မာ့သိုင်း၊ ဂျူဒို၊ လက်ဝှေ့၊ ခရစ်ကက်၊ တိုက်ကွမ်ဒို၊ ဘတ်စကက်ဘော၊ Fitness Dance၊ ဘင်ခရာ စသည့်သရုပ်ပြသမှုများကို  ကြည့်ရှုအားပေး ကြကြောင်း သိရသည်။   MWD
Wed, 4-Mar-2026
မျိုးဆက်သစ် အားကစားသမားများ ပေါ်ထွက်လာစေရေး  နွေရာသီ အားကစားသင်တန်းများ  စဉ်ဆက်မပြတ် ဖွင့်လှစ်သင်ကြား လေ့ကျင့်ပေး
မျိုးဆက်သစ် အားကစားသမားများ ပေါ်ထွက်လာစေရေး  နွေရာသီ အားကစားသင်တန်းများ  စဉ်ဆက်မပြတ် ဖွင့်လှစ်သင်ကြား လေ့ကျင့်ပေး
နေပြည်တော်   မတ်   ၃      မြန်မာနိုင်ငံအိုလံပစ်ကော်မတီ ဥက္ကဋ္ဌ အားကစားနှင့် လူငယ်ရေးရာဝန်ကြီးဌာနနှင့် ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး   Jeng  Phang နော်တောင်သည်    တိုင်းဒေသကြီး လူမှုရေးရာဝန်ကြီး ဦးခင်မောင်ကြည်၊ တာဝန်ရှိသူများနှင့်အတူ ယနေ့မွန်းလွဲပိုင်းတွင် ဧရာဝတီတိုင်းဒေသကြီး  ကန်ကြီးထောင့်၊ ကျောင်းကုန်းနှင့်  ပန်းတနော်မြို့နယ်တို့ရှိ အားကစားကွင်း၊ အားကစားရုံများအခြေအနေ   ကွင်းဆင်းကြည့်ရှုသည်။ဦးစွာ   ပြည်ထောင်စုဝန်ကြီးသည် တာဝန်ရှိသူများနှင့်အတူ ဧရာဝတီတိုင်းဒေသကြီး    ကန်ကြီးထောင့်မြို့နယ် အားကစားကွင်းအတွင်း   ၂၀၂၄-၂၀၂၅ ဘဏ္ဍာနှစ် ပြည်ထောင်စုမူလ ခွင့်ပြုရန်ပုံငွေဖြင့်   မီတာ ၄၀၀ မြေသားပြေးလမ်းပါ ဘောလုံးကွင်းအဆင့်မြှင့်တင်ခြင်း လုပ်ငန်းဆောင်ရွက်ပြီးစီးမှုနှင့်   မိုးလုံလေလုံအားကစားရုံတို့ကို   လှည့်လည်ကြည့်ရှုစစ်ဆေးပြီး အားကစားကွင်း၊ အားကစားရုံ ရေရှည်တည်တံ့စေရေး၊  မြက်ခင်းများ စိမ်းလန်းစိုပြည်စေရေး၊  ဂိုးတိုင်နှင့် ဂိုးပိုက်များကို   စနစ်တကျတပ်ဆင်ထားရှိပြီး အမြဲတမ်း  သစ်လွင်တောက်ပစေရေး၊ နွေရာသီအားကစား သင်တန်းများတွင် ဆုတံဆိပ်ရရှိနိုင်သည့်   ပြေးခုန်ပစ်နှင့် အတိုက်အားကစားနည်း သင်တန်းများ ဖွင့်လှစ်သင်ကြားပေးသွားရန်  လိုအပ်ကြောင်း မှာကြားသည်။ယင်းနောက် ပြည်ထောင်စုဝန်ကြီးသည် ကျောင်းကုန်းမြို့နယ် အားကစားကွင်းသို့ရောက်ရှိရာ  ဘောလုံးကွင်းအတွင်း အလျားပေ ၁၂၀၊ အနံပေ ၉၀ အားကစားခန်းမတည်ဆောက်ရန် လျာထားမြေနေရာကိုကြည့်ရှုစစ်ဆေးပြီး  အားကစားကွင်း၊ အားကစားရုံပတ်ဝန်းကျင်သန့်ရှင်းသာယာ လှပစေရေး ပုံမှန်ဆောင်ရွက်ရန်နှင့်  ရေ၊ မီးသုံးစွဲမှုများ အဆင်ပြေစေရေး၊ ဂိုးတိုင်၊ ဂိုးပိုက်များကို စနစ်တကျတပ်ဆင် ထားရှိရန် မှာကြားသည်။ထို့နောက် ပြည်ထောင်စုဝန်ကြီးသည် ပန်းတနော်မြို့နယ် အားကစားကွင်း အခြေအနေကိုကြည့်ရှုပြီး ဧရာဝတီတိုင်းဒေသကြီး  အားကစားအဆင့်အတန်း ပိုမိုဖွံ့ဖြိုးတိုးတက်လာစေရေးအတွက်  အားကစားကွင်း၊ အားကစားရုံများတွင် ပြည်သူများလာရောက် လေ့ကျင့်ကစားနိုင်စေရေး၊ အားကစားလေ့ကျင့်မှုများနှင့်  မျိုးဆက်သစ်အားကစားသမားများ ပေါ်ထွက်လာစေရေးအတွက်   နွေရာသီအားကစားသင်တန်းများ   စဉ်ဆက်မပြတ် ဖွင့်လှစ်သင်ကြား   လေ့ကျင့်ပေးခြင်းများကို အကောင်အထည်ဖော် ဆောင်ရွက်သွားရန်လိုကြောင်း၊ အားကစားကွင်း၊ အားကစားရုံများ ရေရှည်တည်တံ့ စေရေးနှင့် အစဉ် အမြဲသန့်ရှင်းသာယာ လှပစေရေးအတွက် စနစ်တကျထိန်းသိမ်း ဆောင်ရွက်သွားရန် မှာကြားခဲ့ကြောင်း သိရသည်။ MWD
Wed, 4-Mar-2026
လားရှိုးမြို့၌ နွေရာသီအခြေခံ အားကစားသင်တန်းများ ဖွင့်လှစ်သင်ကြားလျက်ရှိ
လားရှိုးမြို့၌ နွေရာသီအခြေခံ အားကစားသင်တန်းများ ဖွင့်လှစ်သင်ကြားလျက်ရှိ
လားရှိုး   မတ်   ၃      ရှမ်းပြည်နယ်(မြောက်ပိုင်း)  လားရှိုးမြို့၌အားကစားနှင့် လူငယ်ရေးရာဝန်ကြီးဌာန မြို့နယ်အားကစားနှင့် ကာယပညာဦးစီးဌာနမှ နွေရာသီကျောင်းပိတ်ရက် အတွင်း ကျောင်းသား၊ ကျောင်းသူ လူငယ်လူရွယ်များ အနေဖြင့် အချိန်ကို အကျိုးရှိစွာ အသုံးချတတ်စေရန်နှင့်ကျန်းမာပျော်ရွှင်ကာ အားကစားကဏ္ဍဖွံ့ဖြိုးပြီး   နိုင်ငံ့ဂုဏ်ဆောင် အားကစားသမားများ   ပေါ်ထွက်လာစေရန်ရည်ရွယ်၍   နွေရာသီအခြေခံ အားကစားသင်တန်းများ အခမဲ့ဖွင့်လှစ် သင်ကြားပေးလျက်ရှိသည်။အဆိုပါ နွေရာသီအခြေခံအားကစားသင်တန်းကို မတ်လ ၁ ရက်မှ  ၂၀ ရက်အထိ ဖွင့်လှစ်သင်ကြားမည်ဖြစ်ပြီး  ပြည်ထောင်စုအားကစားကွင်း၌  ဘောလုံး၊ ပိုက်ကျော်ခြင်း၊ ဘော်လီဘော၊ကြက်တောင်၊ စစ်တုရင် အားကစားနည်းတို့ကို သက်ဆိုင်ရာ နည်းပြဆရာများဖြင့်   စနစ်တကျလေ့ကျင့် သင်ကြားပေးလျက်ရှိကာ သင်တန်းပြီးဆုံးပါက  သင်တန်းဆင်းဂုဏ်ပြု လက်မှတ်များ ပေးအပ်မည်ဖြစ်ကြောင်း သိရသည်။ MWD
Wed, 4-Mar-2026
© Copyright 2024 SAC All Rights Reserved.