ကျောက်တလုံးကြီးမြို့၌ တစ်နိုင်တစ်ပိုင် စိုက်ပျိုးထားသော လီလီပန်းများ အောင်မြင်ဖြစ်ထွန်းလျက်ရှိ

ကျောက်တလုံးကြီး   မတ်   ၉

     ရှမ်းပြည်နယ်(တောင်ပိုင်း)ကျောက်တလုံးကြီးမြို့၌  တစ်နိုင်တစ်ပိုင်စိုက်ပျိုးထားသော လီလီပန်းများ ယခုအခါ အောင်မြင်ဖြစ်ထွန်းလျက်ရှိကြောင်း သိရသည်။

လီလီပန်းများစိုက်ပျိုးရာတွင်  ပန်းမျိုးဥများ   အရည်အသွေးကောင်းမွန်ပြီး လတ်ဆတ်ကာ    အမြစ်များရှင်သန်ရန်လိုအပ်ကြောင်း၊ စိုက်ပျိုးမည့်စိုက်ပေါင်နှင့် စိုက်ကျင်းအနက်တို့သည်  မျိုးဥပေါ် မူတည်၍ပြုလုပ်ပေးရပြီး မျိုးဥမချမီ စိုက်ပေါင်ကို နွားချေး၊ အာမိုနှင့် ဒီစူပါ မြေသြဇာများရော၍ထည့်ကာ  ရေဖြင့် ခြောက်နာရီခန့်ကြိုတင်နှပ်ထားပြီးမှ မျိုးဥချရကြောင်း၊ လီလီပန်းပင်များစိုက်ပျိုးရာတွင် တွင်းအနက်အနည်းဆုံး ၆ လက်မလိုအပ်ပြီး တစ်ပင်နှင့်တစ်ပင်ကြား  ၆  လက်မခြား စိုက်ပျိုးရကြောင်း၊  လီလီပန်းများသည် နေရောင်ခြည်ကြိုက်သော်လည်း အေးသောရာသီဥတုကိုနှစ်သက်သောကြာင့်  အပူဒဏ်ခံနိုင်ရန် အမိုးများမိုးထားပေးရန်လိုအပ်ကြောင်း၊ စိုက်ပျိုးပြီး နှစ်ရက်လျှင်တစ်ကြိမ် ရေလောင်းပေးရကာ ပေါင်းမြက်ပေါက်ရောက်မှုအပေါ်မူတည်၍   တစ်လတစ်ကြိမ်ခန့် ပေါင်းရှင်းပေးရန်လိုအပ်ကြောင်း   သိရသည်။

လီလီပန်း   မျိုးကွဲပေါင်း ၁၀၀ ကျော်ရှိပြီး အရောင်အားဖြင့် အဖြူ၊ အဝါ၊ ပန်းရောင်၊ ခရမ်း၊ အနီရောင်တို့ရှိကြောင်း၊ လီလီပန်းသည် စိုက်ပျိုးပြီးရှစ်လကြာလျှင် ပန်းများခူးယူနိုင်ကြောင်း၊  ၂၀၂၅  ခုနှစ် သြဂုတ်လတွင် အဖြူရောင် လီလီပန်းမျိုးကို   စိုက်ပျိုးခဲ့ပြီး ၂၀၂၆ ခုနှစ် ဧပြီလတွင် ပန်းများစတင်ခူးယူရောင်းချနိုင်သဖြင့်  မိသားစုအပိုဝင်ငွေရရှိကြောင်း   လီလီပန်းစိုက်ပျိုးသူ တစ်ဦးထံမှသိရသည်။ 

MWD