အီရန်ပဋိပက္ခရှည်ကြာလာပါက စီးပွားရေးအပေါ် သက်ရောက်နိုင်ခြင်းကြောင့် တင်းမာမှုများကိုလျှော့ချရန် ဗြိတိန်ပြော

dpWEB1234

News Image

  • အီရန်ပဋိပက္ခရှည်ကြာလာပါက စီးပွားရေးအပေါ် သက်ရောက်နိုင်ခြင်းကြောင့် တင်းမာမှုများကိုလျှော့ချရန် ဗြိတိန်ပြော

အီရန်နိုင်ငံနှင့် ဖြစ်ပွားနေသည့် ပဋိပက္ခ ရှည်ကြာလာပါက စီးပွားရေးအပေါ် ဆိုးကျိုးများ သက်ရောက်နိုင်သောကြောင့် ယင်း နိုင်ငံနှင့်ပတ်သက်သည့် တင်းမာမှုများကို လျှော့ချရန် ကြိုးပမ်းရမည်ဖြစ်ကြောင်း ဗြိတိန်ဝန်ကြီးချုပ် ကီယာစတားမားက မတ်လ ၉ ရက်တွင် ပြောကြားလိုက်သည်။ 

စတားမားသည် မြို့တော်လန်ဒန်ရှိ လူထု အခြေပြုဗဟိုဌာနတစ်ခုသို့ သွားရောက်စဉ် ယခုကဲ့သို့ပြောကြားခဲ့ခြင်းဖြစ်ပြီး လက်ရှိ အခြေအနေကို လျှော့ချရန် လိုအပ်ကြောင်း အလေးပေးပြောကြားခြင်း ဖြစ်သည်ဟု ဗြိတိန်သတင်းဌာနကြီးတစ်ခုဖြစ်သည့် The Guardian သတင်းဌာနက ၎င်း၏လူမှု မီဒီယာပေါ်တွင် ဖော်ပြထားသည်။ 

အီရန်ပဋိပက္ခကြာ ရှည်လာသည်နှင့်အမျှ စီးပွားရေးအပေါ်ရိုက်ခတ်မှုများ ပိုမိုရှိလာနိုင်ကြောင်း၊   အဆိုပါပဋိပက္ခက ပိုမိုကြာရှည်လေလေ၊   စီးပွားရေးအပေါ် သက်ရောက်မှုရှိလာနိုင်ခြေ ပိုမိုများပြားလေလေဖြစ်ကြောင်း ၎င်းကဆက်လက် ပြောကြား သည်။

ထို့ပြင် ဖြစ်ပေါ်လာနိုင်သည့် စီးပွားရေးဆိုင်ရာ သက်ရောက်မှုများကို ခံနိုင်ရည်ရှိစေရန်အတွက်  ဗြိတိန်အစိုးရအနေဖြင့် လွန်ခဲ့သည့် ၁၈ လအတွင်း စီးပွားရေးကြံ့ခိုင်မှု မြှင့်တင်ရန်  အစီအမံများလုပ်ဆောင် ထားကြောင်းလည်း  ၎င်းကထည့်သွင်း ပြောကြားခဲ့ကြောင်း သိရသည်။

Ref: Xinhua

MWD

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

ရုရှားနိုင်ငံတွင် ဘီလျံနာ သူဌေးသစ်များ ပေါ်ထွက်လာ
ရုရှားနိုင်ငံတွင် ဘီလျံနာ သူဌေးသစ်များ ပေါ်ထွက်လာ
၂၀၂၆ ခုနှစ်အတွက် Forbes မဂ္ဂဇင်း၏ ကမ္ဘာ့ဘီလျံနာများစာရင်းအရ လွန်ခဲ့သည့်တစ်နှစ်အတွင်း ရုရှားနိုင်ငံ၌ ဘီလျံနာ သူဌေးသစ် ၁၄ ဦး ထပ်မံပေါ်ထွက်လာခဲ့ပြီး ၎င်းတို့အနက် ၇ ဦးမှာ စိုက်ပျိုးရေးနှင့် အစားအသောက်ထုတ်လုပ်မှုကဏ္ဍမှ ချမ်းသာလာသူများဖြစ်ကြောင်း သိရှိရသည်။အင်္ဂါနေ့ (မတ် ၁၀) က ထုတ်ပြန်ခဲ့သည့် နှစ်စဉ်အဆင့် သတ်မှတ်ချက်များအရ ၂၀၂၂ ခုနှစ် ယူကရိန်းပဋိပက္ခ ပိုမိုပြင်းထန်လာပြီးနောက် အနောက်နိုင်ငံများ၏ ပြင်းထန်သော စီးပွားရေးပိတ်ဆို့မှုများ ရှိနေသော်လည်း ရုရှားနိုင်ငံသား ၁၅၅ ဦး ဘီလျံနာစာရင်းဝင်ရောက်လာခဲ့ပြီး စံချိန်တင်ခဲ့သည်။ ၎င်းတို့အားလုံး၏ စုစုပေါင်းကြွယ်ဝမှုမှာလည်း ဒေါ်လာ ၆၉၆.၅ ဘီလျံအထိရှိလာကာ သမိုင်းတစ်လျှောက် အမြင့်ဆုံးအဆင့်သို့ ရောက်ရှိလာသည်။သို့သော် ရုရှားနိုင်ငံ၏ အချမ်းသာဆုံးပုဂ္ဂိုလ်များ၏ ဖွဲ့စည်းပုံမှာ ပြောင်းလဲလျက်ရှိသည်။ ရုရှားနိုင်ငံ၏ဘဏ္ဍာတိုက်ကို ကြာရှည်စွာ အဓိက ထောက်ပံ့ပေးခဲ့သည့် စွမ်းအင်နှင့် သတ္တုကဏ္ဍတို့အပြင် ယခုအခါ စိုက်ပျိုးရေးကဏ္ဍမှ သူဌေးသစ်များ (Agro-billionaires) ထွန်းကားလာသည်။ ၎င်းတို့သည် ရုရှားနိုင်ငံ၏ အစားအသောက်ဖူလုံရေး တိုးတက်လာမှုနှင့် အာရှ၊ အာဖရိကနှင့် အရှေ့အလယ်ပိုင်းဈေးကွက်များသို့ ပို့ကုန်တိုးမြှင့်နိုင်မှုတို့မှ အကျိုးအမြတ်ရယူထားသူများဖြစ်သည်။အစားအသောက်လုပ်ငန်းမှ ပေါ်ထွက်လာသည့် သူဌေးသစ်များထဲတွင် ရုရှား၏ အကြီးဆုံး အစားအသောက်နှင့် စိုက်ပျိုးရေးထုတ်လုပ်သူများ ထဲမှ တစ်ခုဖြစ်သည့် Agrocomplex ၏ ပူးတွဲတည်ထောင်သူနှင့် အဓိက ရှယ်ယာရှင် Aleksandr Tkachev (ဒေါ်လာ ၁.၈ ဘီလျံ) ပါဝင်နေသည်။ Tkachev သည် ၂၀၁၅ ခုနှစ်မှ ၂၀၁၈ ခုနှစ်အထိ ရုရှားစိုက်ပျိုးရေးဝန်ကြီးအဖြစ် တာဝန်ထမ်းဆောင်ခဲ့သူဖြစ်သည်။ နောက်ထပ်သူဌေးသစ် တစ်ဦးမှာ ရုရှား၏ စိုက်ပျိုးရေးထုတ်ကုန်တင်ပို့သူဖြစ်ပြီး စပါးနှင့် ဟင်းသီးဟင်းရွက်ဆီကဏ္ဍတွင် အဓိကနေရာမှ ပါဝင်သည့် Aston ကုမ္ပဏီကို ထိန်းချုပ်ထားသူ Vadim Vikulov (ဒေါ်လာ ၁.၅ ဘီလျံ) ဖြစ်သည်။ဒေါ်လာ ၂.၉ ဘီလျံ ပိုင်ဆိုင်သည့် Vadim Moshkovich မှာမူ အဆိုပါ သူဌေးသစ်များထဲတွင် အချမ်းသာဆုံးဖြစ်ပြီး Forbes စာရင်းတွင် ပုံမှန် ပါဝင်နေသူဖြစ်သည်။ ၎င်းသည် ရုရှားနိုင်ငံ၏ အကြီးဆုံး ဝက်သားနှင့် သကြားထုတ်လုပ်သည့် ကုမ္ပဏီတစ်ခုဖြစ်သော Rusagro ကို ထိန်းချုပ် ထားသူဖြစ်သည်။ Moshkovich သည် ဥရောပသမဂ္ဂ (EU) ၏ ပုဂ္ဂိုလ်ရေးဆိုင်ရာ စီးပွားရေးပိတ်ဆို့မှုများခံခဲ့ရပြီးနောက် ၂၀၂၂ ခုနှစ်တွင် ကုမ္ပဏီ ၏ ဒါရိုက်တာအဖွဲ့ဝင်အဖြစ်မှ နုတ်ထွက်ခဲ့သည်။၂၀၂၆ ခုနှစ် စာရင်းသစ်တွင် ပါဝင်လာသူ အခြားသူများမှာ မြေဩဇာနှင့် ကျောက်မီးသွေးလုပ်ငန်း၊ စွမ်းအင်ကဏ္ဍ၊ ဆေးဝါးထုတ်လုပ်ရေးနှင့် အိမ်ခြံမြေလုပ်ငန်းတို့မှ ဖြစ်ကြသည်။ Forbes စာရင်း၏ ထိပ်တန်းနေရာ များတွင်မူ ရိုးရာစက်မှုလုပ်ငန်းရှင်ကြီးများကသာ ဆက်လက်လွှမ်းမိုး ထားဆဲ ဖြစ်သည်။ သံမဏိနှင့် ရွှေလုပ်ငန်းရှင် Alexey Mordashov မှာ ဒေါ်လာ ၃၇ ဘီလျံဖြင့် ရုရှားဘီလျံနာများစာရင်းတွင် ပထမဆုံးအကြိမ် အဖြစ် ထိပ်ဆုံးမှ ဦးဆောင်နေသည်။ ၎င်းနောက်တွင် Norilsk Nickel ကုမ္ပဏီမှ Vladimir Potanin (ဒေါ်လာ ၂၉.၇ ဘီလျံ) နှင့် Lukoil ကုမ္ပဏီ ၏ အကြီးအကဲဟောင်း Vagit Alekperov (ဒေါ်လာ ၂၉.၅ ဘီလျံ) တို့က အသီးသီး ရပ်တည်နေကြသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 11-Mar-2026
ကျောက်တလုံးကြီးမြို့၌ တစ်နိုင်တစ်ပိုင် စိုက်ပျိုးထားသော လီလီပန်းများ အောင်မြင်ဖြစ်ထွန်းလျက်ရှိ
ကျောက်တလုံးကြီးမြို့၌ တစ်နိုင်တစ်ပိုင် စိုက်ပျိုးထားသော လီလီပန်းများ အောင်မြင်ဖြစ်ထွန်းလျက်ရှိ
ကျောက်တလုံးကြီး   မတ်   ၉     ရှမ်းပြည်နယ်(တောင်ပိုင်း)ကျောက်တလုံးကြီးမြို့၌  တစ်နိုင်တစ်ပိုင်စိုက်ပျိုးထားသော လီလီပန်းများ ယခုအခါ အောင်မြင်ဖြစ်ထွန်းလျက်ရှိကြောင်း သိရသည်။လီလီပန်းများစိုက်ပျိုးရာတွင်  ပန်းမျိုးဥများ   အရည်အသွေးကောင်းမွန်ပြီး လတ်ဆတ်ကာ    အမြစ်များရှင်သန်ရန်လိုအပ်ကြောင်း၊ စိုက်ပျိုးမည့်စိုက်ပေါင်နှင့် စိုက်ကျင်းအနက်တို့သည်  မျိုးဥပေါ် မူတည်၍ပြုလုပ်ပေးရပြီး မျိုးဥမချမီ စိုက်ပေါင်ကို နွားချေး၊ အာမိုနှင့် ဒီစူပါ မြေသြဇာများရော၍ထည့်ကာ  ရေဖြင့် ခြောက်နာရီခန့်ကြိုတင်နှပ်ထားပြီးမှ မျိုးဥချရကြောင်း၊ လီလီပန်းပင်များစိုက်ပျိုးရာတွင် တွင်းအနက်အနည်းဆုံး ၆ လက်မလိုအပ်ပြီး တစ်ပင်နှင့်တစ်ပင်ကြား  ၆  လက်မခြား စိုက်ပျိုးရကြောင်း၊  လီလီပန်းများသည် နေရောင်ခြည်ကြိုက်သော်လည်း အေးသောရာသီဥတုကိုနှစ်သက်သောကြာင့်  အပူဒဏ်ခံနိုင်ရန် အမိုးများမိုးထားပေးရန်လိုအပ်ကြောင်း၊ စိုက်ပျိုးပြီး နှစ်ရက်လျှင်တစ်ကြိမ် ရေလောင်းပေးရကာ ပေါင်းမြက်ပေါက်ရောက်မှုအပေါ်မူတည်၍   တစ်လတစ်ကြိမ်ခန့် ပေါင်းရှင်းပေးရန်လိုအပ်ကြောင်း   သိရသည်။လီလီပန်း   မျိုးကွဲပေါင်း ၁၀၀ ကျော်ရှိပြီး အရောင်အားဖြင့် အဖြူ၊ အဝါ၊ ပန်းရောင်၊ ခရမ်း၊ အနီရောင်တို့ရှိကြောင်း၊ လီလီပန်းသည် စိုက်ပျိုးပြီးရှစ်လကြာလျှင် ပန်းများခူးယူနိုင်ကြောင်း၊  ၂၀၂၅  ခုနှစ် သြဂုတ်လတွင် အဖြူရောင် လီလီပန်းမျိုးကို   စိုက်ပျိုးခဲ့ပြီး ၂၀၂၆ ခုနှစ် ဧပြီလတွင် ပန်းများစတင်ခူးယူရောင်းချနိုင်သဖြင့်  မိသားစုအပိုဝင်ငွေရရှိကြောင်း   လီလီပန်းစိုက်ပျိုးသူ တစ်ဦးထံမှသိရသည်။ MWD
Tue, 10-Mar-2026
ပွင့်ဖြူမြို့နယ်၌ စားတော်ပဲဧက ၇၀၀ ကျော် ရိတ်သိမ်းပြီးစီး တစ်ဧကလျှင် ၁၆ ဒသမ ၅၃ တင်းခန့်ထွက်ရှိ
ပွင့်ဖြူမြို့နယ်၌ စားတော်ပဲဧက ၇၀၀ ကျော် ရိတ်သိမ်းပြီးစီး တစ်ဧကလျှင် ၁၆ ဒသမ ၅၃ တင်းခန့်ထွက်ရှိ
ပွင့်ဖြူ       မတ်      ၉      မကွေးတိုင်းဒေသကြီး ပွင့်ဖြူမြို့နယ်၌ ဆောင်းသီးနှံ စိုက်ပျိုးရာသီက   စိုက်ပျိုးခဲ့သော   စားတော်ပဲဧက ၇၀၀ ကျော် ရိတ်သိမ်းပြီးစီးပြီဖြစ်ပြီး   တစ်ဧကလျှင် ၁၆  ဒသမ  ၅၃  တင်းခန့်ထွက်ရှိကြောင်း သိရသည်။ ပွင့်ဖြူမြို့နယ်၌ ဆောင်းသီးနှံစိုက်ပျိုးရာသီက  စားတော်ပဲ ဧက ၃၄၈၀ စိုက် ပျိုးနိုင်ခဲ့ပြီး   အဆိုပါစားတော်ပဲစိုက်ခင်း များကို ယခုနှစ် ဖေဖော်ဝါရီလမှ စတင် ရိတ်သိမ်းခဲ့ရာ လက်ရှိတွင် ဧက ၇၁၀ ရိတ် သိမ်းပြီးစီးပြီဖြစ်ပြီး  တစ်ဧကလျှင်  ၁၆  ဒသမ  ၅၃  တင်းခန့်ထွက်ရှိကြောင်း သိရ သည်။ "ဆောင်းသီးနှံစိုက်ပျိုးရာသီမှာ ပွင့်ဖြူ မြို့နယ်အတွင်း စားတော်ပဲ ဧက ၃၄၈၀ စိုက်ပျိုးနိုင်ခဲ့ပါတယ်။    အဲဒီစားတော်ပဲ စိုက်ခင်းတွေကို    ဖေဖော်ဝါရီလကစပြီး ရိတ်သိမ်းခဲ့တာ   လက်ရှိမှာ ဧက ၇၁၀ ရိတ်သိမ်းပြီးစီးပြီဖြစ်ပါတယ်။ စားတော်ပဲ ရိတ်သိမ်းတာနဲ့ပတ်သက်ပြီး လေလွင့်ဆုံးရှုံးမှုတွေ မဖြစ်အောင် စနစ်တကျရိတ်သိမ်း ဖို့နဲ့ လိုအပ်တဲ့ရိတ်သိမ်းခြွေလှေ့နည်း စနစ်တွေကိုလည်း ကွင်းဆင်းကြီးကြပ်ဆောင် ရွက်ပေးပါတယ်။  ရိတ်သိမ်းပြီးသီးနှံတွေ ကိုလည်း     အရည်အသွေးကောင်းမွန်အောင် အမိုးအကာအောက်မှာ သေချာ သိမ်းဆည်းနိုင်ဖို့  လိုအပ်တာတွေ  ကူညီဆောင်ရွက်ပေးပါတယ်"ဟု ပွင့်ဖြူမြို့နယ်စိုက်ပျိုးရေးဦးစီးဌာနမှ တာဝန်ရှိသူတစ်ဦး ကပြောသည်။ပွင့်ဖြူမြို့နယ်၌      စားတော်ပဲစိုက်တောင်သူများကို စိုက်ပျိုးရေးဦးစီးဌာနမှ   သီးနှံအထွက်နှုန်းတိုးတက်စေရန်   ဒေသနှင့်ကိုက်ညီသော မျိုးကောင်းမျိုးသန့်များ   ရွေးချယ်စိုက်ပျိုးရေး၊   စိုက်ပျိုးရေစနစ် တကျသုံးစွဲရေး၊ မြေဩဇာနှင့် သွင်းအားစု များ    မှန်မှန်ကန်ကန် သုံးစွဲတတ်စေရေး၊ ပိုးမွှားအန္တရာယ်ကင်းရှင်းရေးနှင့် အချိန်မီ သီးနှံရိတ်သိမ်းနည်းပညာများ   စသည့် တောင်သူအသိပညာပေးလုပ်ငန်းများကို  ပံ့ပိုးကူညီဆောင်ရွက်ပေးခဲ့သည်။ စားတော်ပဲကို အထွက်နှုန်းတိုးတက် အောင်  စိုက်ပျိုးထုတ်လုပ်နိုင်မည်ဆိုပါက ပြည်တွင်းစားသုံးမှု ဖူလုံစေမည့်အပြင် ပြည်ပသို့ပါ    တင်ပို့ရောင်းချနိုင်သဖြင့် တောင်သူများ၏ လူမှုစီးပွားဘဝများ ဖွံ့ဖြိုးတိုးတက် လာမည်ဖြစ်သောကြောင့်  တိုးချဲ့စိုက်ပျိုးနိုင်ရေး ဒေသမရွေး ကြိုးပမ်း ဆောင်ရွက်ကြရမည်ဖြစ်ကြောင်း  သိရသည်။             MWD
Tue, 10-Mar-2026
ကြံခင်းမြို့နယ်၌ ငါးသလောက်များ ဝယ်လိုအားကောင်းပြီး အရောင်းအဝယ် ကောင်းမွန်နေ
ကြံခင်းမြို့နယ်၌ ငါးသလောက်များ ဝယ်လိုအားကောင်းပြီး အရောင်းအဝယ် ကောင်းမွန်နေ
ကြံခင်း  မတ်  ၉      ဧရာဝတီတိုင်းဒေသကြီး မြန်အောင်ခရိုင်  ကြံခင်းမြို့နယ်၌  ဒေသထွက်ငါး သလောက်များ ဝယ်လိုအားကောင်းပြီး အရောင်းအဝယ် ကောင်းမွန်နေကြောင်း ကြံခင်းမြို့နယ် ရေထွက်ကုန်ပစ္စည်းများ ရောင်းဝယ်ရေးလုပ်ငန်း     လုပ်ကိုင်သူ ဒေါ်ရီရီထွန်း၏ပြောကြားချက်အရ    သိရသည်။ကြံခင်းမြို့နယ်၌ ယခုနှစ်  မတ်လပထမ ပတ်မှစ၍ လက်ရှိအချိန်ထိ ငါးသလောက်များ ဝယ်လိုအားကောင်းလာပြီး အရောင်းအဝယ်ကောင်းမွန်နေကြောင်း၊   လက်ရှိ အဆိုပါငါးသလောက်များ  တစ်ရက်လျှင် ပိဿာ ၄၅၀၀ အထိ အရောင်းအဝယ်ဖြစ်နေကြောင်း သိရသည်။"လက်ရှိ  အရောင်းအဝယ်ဖြစ်နေတဲ့ ငါးသလောက်ကလည်း လတ်ဆတ်မှုနဲ့ အရွယ်အစားပေါ် မူတည်ပြီး ဈေးအပြောင်း အလဲရှိပါတယ်။  လက်ရှိလည်း     ငါး သလောက်တွေ အဝယ်လိုက်နေပါတယ်။  ဒီဘက်ကနေ တင်ပို့တဲ့ငါးသလောက်တွေကို  ဒေသဈေးကွက်က ဒေသတွင်းအပြင်  တခြားဒေသတွေကို       ပြန်လည်တင်ပို့ရောင်းချနေပါတယ်" ဟု ဒေါ်ရီရီထွန်းကပြောသည်။ကြံခင်းမြို့နယ်၌    အရောင်းအဝယ် ကောင်းမွန်နေသည့်   ငါးသလောက်များသည် အရွယ်အစားပေါ် မူတည်ကာ ဈေး နှုန်းအမျိုးမျိုး သတ်မှတ်ထား‌ကြောင်း သိရသည်။MWD
Tue, 10-Mar-2026
အရှေ့အလယ်ပိုင်း တင်းမာမှုများကြောင့် ရုရှားစွမ်းအင်အပေါ် ပိတ်ဆို့ထားမှု ရုပ်သိမ်းရန် ဟန်ဂေရီ တိုက်တွန်း
အရှေ့အလယ်ပိုင်း တင်းမာမှုများကြောင့် ရုရှားစွမ်းအင်အပေါ် ပိတ်ဆို့ထားမှု ရုပ်သိမ်းရန် ဟန်ဂေရီ တိုက်တွန်း
အရှေ့အလယ်ပိုင်းဒေသတွင် တင်းမာမှုများအရှိန်အဟုန် မြင့်တက်လာပြီး အီရန်နိုင်ငံနှင့် ဆက်စပ်သည့် တိုက်ခိုက်မှုများကြောင့် ကမ္ဘာ့ရေနံဈေးနှုန်း များ အဆမတန် မြင့်တက်လာသည့်အတွက် ဥရောပသမဂ္ဂ (EU) အနေဖြင့် ရုရှားရေနံနှင့် သဘာဝဓာတ်ငွေ့ တင်သွင်းမှုအပေါ် ချမှတ်ထားသော ပိတ်ဆို့မှုများကို ချက်ချင်းရုပ်သိမ်းပေးရန် ဟန်ဂေရီ နိုင်ငံခြားရေးဝန်ကြီး ပီတာ ဆီဂျာတို (Peter Szijjarto) က တိုက်တွန်းလိုက်သည်။အမေရိကန်နှင့် အစ္စရေးတို့က အီရန်နိုင်ငံအပေါ် နောက်ဆုံး ပြုလုပ်ခဲ့သည့် တိုက်ခိုက်မှုများသည် ကမ္ဘာ့ရေနံထောက်ပံ့မှု၏ (၂၀%) ခန့် ဖြတ်သန်းရာ ဟော်မုဇ်ရေလက်ကြား (Strait of Hormuz) တွင် သင်္ဘောများသွားလာမှုကို အန္တရာယ်ကြီးမားစေခဲ့သည်။ ရေနံတင်သင်္ဘောအချို့ တိုက်ခိုက်ခံရပြီးနောက် အဆိုပါရေကြောင်းလမ်းတွင် သင်္ဘောသွားလာမှု (၈၀%) အထိ ကျဆင်းသွားခဲ့ရာ ရေနံစိမ်းဈေးနှုန်းမှာ တစ်စည်လျှင် ဒေါ်လာ (၁၀၀) ကျော်အထိ မြင့်တက်လာခဲ့ပြီး ဥရောပသမဂ္ဂနှင့် အခြားအဓိက စီးပွားရေးနိုင်ငံများအနေဖြင့် စွမ်းအင်ဆိုင်ရာ အရေးပေါ်အစီအမံများ လုပ်ဆောင်ရန် လိုအပ်လာပြီဟု မျှော်လင့်ထားကြသည်။ဝန်ကြီး ဆီဂျာတိုက တနင်္လာနေ့ (မတ် ၉) တွင် X လူမှုကွန်ရက်မှတစ်ဆင့် ယခုကဲ့သို့ မှတ်ချက်ပြုခဲ့သည်။ "အရှေ့အလယ်ပိုင်းမှာ စစ်ပွဲတွေ ပြင်းထန်လာပြီး ဟော်မုဇ်ရေလက်ကြားလည်း ပိတ်သွားသည့်အတွက် ကမ္ဘာ့စွမ်းအင်ထောက်ပံ့မှုရဲ့ အဓိကအစိတ်အပိုင်းကြီးဟာ အခုဆိုရင် အန္တရာယ်ရှိသည့် အခြေအနေမှာ ရှိနေပါပြီ ၊ ဒါကြောင့် EU အနေနဲ့ ရုရှားရေနံနဲ့ သဘာဝဓာတ်ငွေ့အပေါ် ပိတ်ဆို့ထားတာတွေကို ချက်ချင်း ရုပ်သိမ်းသင့်ပါတယ်" ဟု ၎င်းက ဆိုသည်။ဆက်လက်၍ ၎င်းက "ဘရပ်ဆဲလ်အနေနဲ့ ပိတ်ဆို့မှုတွေကို ဆက်လက်ထားရှိမယ်ဆိုရင် ဥရောပပြည်သူတွေနဲ့ ဥရောပစီးပွားရေးအတွက် ပြင်းထန်သည့် ထိခိုက်မှုတွေ ဖြစ်ပေါ်လာပါလိမ့်မယ် ၊ ဒါကြောင့် အခု အချိန်မှာအာရုံစိုက်ရမှာက အတွေးအခေါ်ဝါဒကို ကိုင်စွဲဖို့မဟုတ်ဘဲ ဥရောပသားတွေရဲ့ အကျိုးစီးပွားကို ကာကွယ်ဖို့ပဲ ဖြစ်ပါတယ်" ဟု အလေးပေး ပြောကြားသွားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 10-Mar-2026
အီရန်ပဋိပက္ခရှည်ကြာလာပါက စီးပွားရေးအပေါ် သက်ရောက်နိုင်ခြင်းကြောင့် တင်းမာမှုများကိုလျှော့ချရန် ဗြိတိန်ပြော
အီရန်ပဋိပက္ခရှည်ကြာလာပါက စီးပွားရေးအပေါ် သက်ရောက်နိုင်ခြင်းကြောင့် တင်းမာမှုများကိုလျှော့ချရန် ဗြိတိန်ပြော
အီရန်နိုင်ငံနှင့် ဖြစ်ပွားနေသည့် ပဋိပက္ခ ရှည်ကြာလာပါက စီးပွားရေးအပေါ် ဆိုးကျိုးများ သက်ရောက်နိုင်သောကြောင့် ယင်း နိုင်ငံနှင့်ပတ်သက်သည့် တင်းမာမှုများကို လျှော့ချရန် ကြိုးပမ်းရမည်ဖြစ်ကြောင်း ဗြိတိန်ဝန်ကြီးချုပ် ကီယာစတားမားက မတ်လ ၉ ရက်တွင် ပြောကြားလိုက်သည်။ စတားမားသည် မြို့တော်လန်ဒန်ရှိ လူထု အခြေပြုဗဟိုဌာနတစ်ခုသို့ သွားရောက်စဉ် ယခုကဲ့သို့ပြောကြားခဲ့ခြင်းဖြစ်ပြီး လက်ရှိ အခြေအနေကို လျှော့ချရန် လိုအပ်ကြောင်း အလေးပေးပြောကြားခြင်း ဖြစ်သည်ဟု ဗြိတိန်သတင်းဌာနကြီးတစ်ခုဖြစ်သည့် The Guardian သတင်းဌာနက ၎င်း၏လူမှု မီဒီယာပေါ်တွင် ဖော်ပြထားသည်။ အီရန်ပဋိပက္ခကြာ ရှည်လာသည်နှင့်အမျှ စီးပွားရေးအပေါ်ရိုက်ခတ်မှုများ ပိုမိုရှိလာနိုင်ကြောင်း၊   အဆိုပါပဋိပက္ခက ပိုမိုကြာရှည်လေလေ၊   စီးပွားရေးအပေါ် သက်ရောက်မှုရှိလာနိုင်ခြေ ပိုမိုများပြားလေလေဖြစ်ကြောင်း ၎င်းကဆက်လက် ပြောကြား သည်။ထို့ပြင် ဖြစ်ပေါ်လာနိုင်သည့် စီးပွားရေးဆိုင်ရာ သက်ရောက်မှုများကို ခံနိုင်ရည်ရှိစေရန်အတွက်  ဗြိတိန်အစိုးရအနေဖြင့် လွန်ခဲ့သည့် ၁၈ လအတွင်း စီးပွားရေးကြံ့ခိုင်မှု မြှင့်တင်ရန်  အစီအမံများလုပ်ဆောင် ထားကြောင်းလည်း  ၎င်းကထည့်သွင်း ပြောကြားခဲ့ကြောင်း သိရသည်။Ref: XinhuaMWD
Tue, 10-Mar-2026
© Copyright 2024 SAC All Rights Reserved.