ကမ္ဘောဒီးယားတွင် လောင်စာဆီစျေးနှုန်းမြင့်တက်စဉ် လျှပ်စစ်ကားများ ပိုမိုရေပန်းစားလာ

NoahJune222

News Image

  • ကမ္ဘောဒီးယားတွင် လောင်စာဆီစျေးနှုန်းမြင့်တက်စဉ် လျှပ်စစ်ကားများ ပိုမိုရေပန်းစားလာ

ကမ္ဘောဒီးယားနိုင်ငံ၌ လောင်စာဆီဈေးနှုန်းမြင့်တက်နေစဉ် လျှပ်စစ်စွမ်းအင်သုံးကားများမှာ လူကြိုက်များ ရေပန်းစားလာနေကြောင်း သိရသည်။ ၂၀၂၁ ခုနှစ်မှ ၂၀၂၆ ခုနှစ် ဖေဖော်ဝါရီလအထိ မှတ်ပုံတင်ထားသော လျှပ်စစ်ကားစုစုပေါင်း ၁၀၃၆၃ စီးရှိကြောင်း ပြည်သူ့လုပ်ငန်းနှင့် ပို့ဆောင်ရေးဝန်ကြီးဌာန ပြောရေးဆိုခွင့်ရှိသူ ဖန်ရင်းက မတ်လ ၂၇ ရက်တွင် ပြောကြားသည်။

ထို့ပြင် လျှပ်စစ်ဆိုင်ကယ် ၃၄၄၉ စီးနှင့် လျှပ်စစ်သုံးဘီးဆိုင်ကယ် ၇၂၂ စီးလည်း မှတ်ပုံတင်ထားကြောင်း သိရသည်။ 

အရှေ့အလယ်ပိုင်းပဋိပက္ခကြောင့် ကမ္ဘာတစ်ဝန်းတွင် လောင်စာဆီစျေးနှုန်းများ မြင့်တက်လာပြီးနောက် ကမ္ဘောဒီးယားတွင်လည်း ဓာတ်ဆီနှင့် ဒီဇယ်စျေးနှုန်းများမှာ၄၁ ဒသမ ၅ ရာခိုင်နှုန်းနှင့် ၈၄ ရာခိုင်နှုန်းအထိ အသီးသီး မြင့်တက်လာသည်ကို တွေ့ရသည်။ ထို့ကြောင့် သုံးစွဲသူများက လောင်စာဆီကုန်ကျစရိတ်သက်သာပြီး ပတ်ဝန်းကျင်ကိုမထိခိုက်စေသည့် လျှပ်စစ်ကားများကို ပိုမိုပြောင်းလဲအသုံးပြုလာခြင်း ဖြစ်သည်။

ကမ္ဘောဒီးယားနိုင်ငံတွင် BYD၊ GAC နှင့် Toyota စသည့် လျှပ်စစ်ကားအမှတ်တံဆိပ်များမှာ လူကြိုက်အများဆုံးဖြစ်နေသည်။

၂၀၃၀ ပြည့်နှစ်အရောက်တွင် လျှပ်စစ်ကားအရေအတွက်ကို အစီးရေ ၃၀၀၀၀ အထိတိုးမြှင့်ရန် အစိုးရကရည်မှန်းထားပြီး ယခုကဲ့သို့ သုံးစွဲသူများပြားလာခြင်းသည် နိုင်ငံ၏ စွမ်းအင်ကဏ္ဍအတွက် အရွေ့တစ်ခုဖြစ်လာကြောင်း သိရသည်။ 

Ref: Xinhua

MWD

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

အင်ဒိုနီးရှားနိုင်ငံတွင် လောင်စာဆီဈေးနှုန်း မမြင့်မလာဟု အစိုးရ အတည်ပြု
အင်ဒိုနီးရှားနိုင်ငံတွင် လောင်စာဆီဈေးနှုန်း မမြင့်မလာဟု အစိုးရ အတည်ပြု
အင်ဒိုနီးရှားနိုင်ငံတွင် လောင်စာဆီဈေးနှုန်းများ မြင့်တက်လာမည်ဟူသော သတင်းမှားများ ပြည်သူများအကြား ပျံ့နှံ့လာစဉ် အစိုးရက မတ်လ ၃၁ ရက်တွင် အတည်ပြုထုတ်ပြန်ထားကြောင်း သိရသည်။ အစိုးရအနေဖြင့် ၎င်းတို့ထောက်ပံ့ကူညီမှုရှိသည့်လောင်စာဆီနှင့် အထောက်အပံ့မပါသောလောင်စာဆီ နှစ်မျိုးစလုံးအတွက် ဈေးနှုန်းတိုးမြှင့်မည်မဟုတ်ဟု ထုတ်ပြန်ခဲ့သည်။နိုင်ငံပိုင်စွမ်းအင်ကုမ္ပဏီကြီး Pertamina အနေဖြင့် လက်ရှိ လောင်စာဆီဈေးနှုန်းများကို ပြင်ဆင်သတ်မှတ်မည်မဟုတ်ကြောင်းနှင့် နိုင်ငံအတွင်းလောင်စာဆီဈေးနှုန်းများ အဆမတန်မြင့်တက်လာမည်ဟူသော ကောလာဟလများကို အစိုးရက ပယ်ချခဲ့ကြောင်း သိရသည်။ထို့အပြင် လောင်စာဆီရရှိနိုင်မှုအာမခံချက်ရှိပြီး ဈေးနှုန်းကိုလည်း ပြောင်းလဲမည်မဟုတ်သဖြင့် ပြည်သူများအနေဖြင့် စိုးရိမ်ပူပန်မှု သို့မဟုတ် အထိတ်တလန့်ဖြစ်ရန်မလိုအပ်ကြောင်း အစိုးရက ဆက်လက်အသိပေးထားသည်။Ref: XinhuaMWD
Wed, 1-Apr-2026
အရှေ့အလယ်ပိုင်းပဋိပက္ခကြောင့် အာရပ်နိုင်ငံများ ဒေါ်လာဘီလီယံ ၂၀၀ နီးပါး ဆုံးရှုံးနိုင်ဖွယ်ရှိ
အရှေ့အလယ်ပိုင်းပဋိပက္ခကြောင့် အာရပ်နိုင်ငံများ ဒေါ်လာဘီလီယံ ၂၀၀ နီးပါး ဆုံးရှုံးနိုင်ဖွယ်ရှိ
အရှေ့အလယ်ပိုင်းဒေသတွင် လက်ရှိဖြစ်ပွားနေသည့် ပဋိပက္ခကြောင့် အာရပ်နိုင်ငံများ၏ ဒေသတွင်းစီးပွားရေးဖွံ့ဖြိုးတိုးတက်မှုအပေါ် ပြင်းထန်သော ထိုးနှက်ချက်များ ဖြစ်ပေါ်လာနိုင်ပြီး အဆိုပါနိုင်ငံများအနေဖြင့် အမေရိကန်ဒေါ်လာ ဘီလီယံ ၂၀၀ နီးပါး ဆုံးရှုံးနိုင်ဖွယ်ရှိကြောင်း ကုလသမဂ္ဂဖွံ့ဖြိုးရေးအစီအစဉ်၏ အစီရင်ခံစာကို ကိုးကား၍ Bloomberg သတင်းဌာနက ဖော်ပြထားသည်။မျက်မှောက်ကာလအရှေ့အလယ်ပိုင်းဒေသ၌ ဖြစ်ပွားလျက်ရှိသော ကာလတို စစ်ရေးပဋိပက္ခများသည် အာရပ်ဒေသတစ်ဝန်းလုံးအပေါ် ကြီးမားကျယ်ပြန့်သော လူမှုစီးပွားဆိုင်ရာ သက်ရောက်မှုများကို ဖြစ်ပေါ်စေနိုင်ကြောင်း ကျွမ်းကျင်သူများက သုံးသပ်ထားသည်။ထို့ပြင် ဒေသတွင်းပဋိပက္ခများကြောင့် အလုပ်လက်မဲ့နှုန်းမှာ ၄ ရာခိုင်နှုန်းအထိ မြင့်တက်လာနိုင်ပြီး အလုပ်အကိုင်ပေါင်း ၃ ဒသမ ၆ သန်းခန့် ဆုံးရှုံးရဖွယ်ရှိသကဲ့သို့ လူဦးရေ ၄ သန်းနီးပါးမှာ ဆင်းရဲနွမ်းပါးမှုနှင့် ရင်ဆိုင်ကြုံတွေ့ရဖွယ်ရှိကြောင်း ကျွမ်းကျင်သူများက ဆိုသည်။အလားတူပင် ပင်လယ်ကွေ့ပူးပေါင်းဆောင်ရွက်ရေးကောင်စီ (GCC) အဖွဲ့ဝင်နိုင်ငံများဖြစ်သည့် ဘာရိန်း၊ ကာတာ၊ ကူဝိတ်၊ အာရပ်စော်ဘွားများပြည်ထောင်စု၊ အိုမန်နှင့် ဆော်ဒီအာရေဗျတို့အနေဖြင့် ၎င်းတို့၏ စုစုပေါင်း ပြည်တွင်းထုတ်ကုန် (GDP) ၏ ၅ ဒသမ ၂ ရာခိုင်နှုန်းကျော်အထိ ဆုံးရှုံးနိုင်ကြောင်း အစီရင်ခံစာတွင် ဖော်ပြထားသည်။အရှေ့အလယ်ပိုင်းဒေသတွင် လက်နက်ကိုင်ပဋိပက္ခများကြောင့် ဒေသတွင်းစီးပွားရေးအပေါ် ထိခိုက်မှုများ ဆက်လက်ဖြစ်ပေါ်နိုင်သည့် အလားအလာရှိနေသော်လည်း ဒေသတွင်းနိုင်ငံအချို့ဖြစ်သည့် အာရပ်စော်ဘွားများပြည်ထောင်စု၊ ဆော်ဒီအာရေဗျ၊ ကူဝိတ်နှင့် ဘာရိန်းတို့သည် အီရန်အပေါ် ဆက်လက်တိုက်ခိုက်ရန် အမေရိကန်နှင့် အစ္စရေးတို့အား ထောက်ခံအားပေးလျက်ရှိကြောင်း မီဒီယာများတွင် ဖော်ပြထားသည်။ထို့ကြောင့် မျက်မှောက်ကာလအရှေ့အလယ်ပိုင်းတွင် ဆက်လက်ဖြစ်ပွားနေသော ပဋိပက္ခများတွင် သွယ်ဝိုက်ပါဝင်နေသည့် ပင်လယ်ကွေ့နိုင်ငံအချို့က စစ်ပွဲကို ဆက်လက်ထောက်ခံနေသည့်အတွက် လက်နက်ကိုင်ပဋိပက္ခကြောင့် ဖြစ်ပေါ်လာနိုင်သည့် စီးပွားရေးအကျိုးဆက်များ လျော့နည်းလာမည့် အလားအလာနည်းပါးနေသည်။အီရန်အစိုးရသည် လက်ရှိတွင် အမေရိကန်၊ အစ္စရေးနှင့် အီရန်နိုင်ငံအပေါ် ကျူးကျော်တိုက်ခိုက်ရန် ထောက်ခံအားပေးနေသည့်နိုင်ငံများနှင့် ဆက်နွှယ်သော ကုန်တင်သင်္ဘောများကို ဟော်မုဇ်ရေလက်ကြားမှ ဖြတ်သန်းခွင့် ပိတ်ပင်ထားသည်။ထို့ပြင် လက်ရှိပဋိပက္ခအတွင်း အီရန်အစိုးရ၏ ခွင့်ပြုချက်မရှိဘဲ အဆိုပါ ရေလက်ကြားမှ ဖြတ်သန်းသွားလာသည့် ရေနံတင်သင်္ဘောအချို့မှာ တိုက်ခိုက်ခံခဲ့ရကြောင်း သိရသည်။အီရန်အနေဖြင့် ရုရှား၊ အိန္ဒိယ၊ အီရတ်၊ တရုတ်နှင့် ပါကစ္စတန်နိုင်ငံတို့အပါအဝင် မိတ်ဖက်နိုင်ငံများကိုမူ ဟော်မုဇ်ရေလက်ကြားမှ ဖြတ်သန်းအသုံးပြုခွင့် ပေးထားကြောင်း အီရန်နိုင်ငံခြားရေးဝန်ကြီး အဘတ်အရာခ်ချီက မတ်လ ၂၅ ရက်တွင် ပြောကြားထားသည်။Ref: TsMWD
Wed, 1-Apr-2026
တောင်အာဖရိကတွင် စက်သုံးဆီစျေးနှုန်းများ စံချိန်တင်မြင့်တက်တော့မည် ဖြစ်၍ အစိုးရမှ အရေးပေါ်အဖြေရှာရန်ပြင်ဆင်
တောင်အာဖရိကတွင် စက်သုံးဆီစျေးနှုန်းများ စံချိန်တင်မြင့်တက်တော့မည်ဖြစ်၍ အစိုးရမှ အရေးပေါ်အဖြေရှာရန်ပြင်ဆင်
တောင်အာဖရိကနိုင်ငံတွင် လာမည့် ဧပြီလ ၁ ရက်နေ့မှစတင်ကာ ဓာတ်ဆီနှင့် ဒီဇယ်စျေးနှုန်းများ စံချိန်တင်မြင့်တက်တော့မည်ဖြစ်ကြောင်း သမ္မတ စိုင်ရယ်လ် ရာမာဖိုဆာ (Cyril Ramaphosa) က ပြည်သူများကို သတိပေးလိုက်ပြီး စားသုံးသူများအပေါ် သက်ရောက်မည့် ဒဏ်ကို လျော့ပါးသက်သာစေရန် အရေးပေါ်အစီအမံများချမှတ်ရန် ဝန်ကြီးများကို ညွှန်ကြားထားသည်။အရှေ့အလယ်ပိုင်းနှင့် အရှေ့ဥရောပရှိ စစ်ပွဲများကြောင့် ကမ္ဘာ့ရေနံစျေးနှုန်းများ မြင့်တက်လာခြင်းနှင့် တောင်အာဖရိကငွေကြေး (ရန်း) တန်ဖိုး ကျဆင်းလာခြင်းတို့မှာ အဆိုပါ စျေးနှုန်းခုန်တက်မှု၏ အဓိကအကြောင်းရင်းများ ဖြစ်သည်။ ခန့်မှန်းချက်များအရ ဓာတ်ဆီစျေးမှာ တစ်လီတာလျှင် ၆ ရန်းခန့်နှင့် ဒီဇယ်စျေးမှာ ၁၀ ရန်းကျော်အထိ မြင့်တက်နိုင်ကာ ဂေါ်တင် ပြည်နယ်တွင် ဒီဇယ်တစ်လီတာလျှင် ၂၉ ရန်းကျော်အထိ စံချိန်တင် ရောက်ရှိသွားနိုင်ဖွယ် ရှိနေသည်။သမ္မတ ရာမာဖိုဆာက ထိုကဲ့သို့ စက်သုံးဆီစျေးနှုန်းနှင့် ငွေကြေးဖောင်းပွမှုမြင့်တက်လာခြင်းသည် သာမန်ပြည်သူများ၏ လူနေမှုစရိတ်ကို ကြီးမားသော ဝန်ထုပ်ဝန်ပိုးဖြစ်စေမည်ဖြစ်ရာ မိမိအနေဖြင့် ညဘက် အိပ်မပျော်နိုင်အောင် စိုးရိမ်မိကြောင်း ထုတ်ဖော်ပြောကြားခဲ့သည်။ထို့ကြောင့် ဘဏ္ဍာရေးဝန်ကြီးအပါအဝင် သက်ဆိုင်ရာဝန်ကြီးများအား ပြည်သူများအတွက် အကောင်းဆုံးဖြေရှင်းချက်များ ရှာဖွေဖော်ထုတ်ရန် တိုက်တွန်းထားသည်။ ထို့အပြင် ၎င်းက အမေရိကန်နှင့် အစ္စရေးတို့၏ လုပ်ရပ်များကိုရှုတ်ချကာ နိုင်ငံတကာပထဝီနိုင်ငံရေး တင်းမာမှုများသည် ပြည်တွင်းစီးပွားရေးအပေါ် တိုက်ရိုက်ဖိအားပေးနေကြောင်း ထောက်ပြခဲ့သည်။လက်ရှိစိန်ခေါ်မှုများကို ကျော်လွှားနိုင်ရန်အတွက် အစိုးရအနေဖြင့် ပြည်တွင်းစက်မှုအင်အား တည်ဆောက်ခြင်း၊ ထောက်ပံ့ပို့ဆောင်ရေးနှင့် စွမ်းအင်လုံခြုံရေးကို မြှင့်တင်ခြင်းတို့ကို ဦးစားပေး ဆောင်ရွက်သွားမည် ဟု သမ္မတက ဆိုသည်။ အထူးသဖြင့် စွမ်းအင်၊ ရေနှင့် လမ်းတံတားကဲ့သို့သော အခြေခံအဆောက်အအုံဆိုင်ရာ ရင်းနှီးမြှုပ်နှံမှုများကို ဖော်ဆောင်ခြင်းဖြင့် စီးပွားရေး တိုးတက်မှုနှင့် အလုပ်အကိုင်အခွင့်အလမ်းများဖန်တီးရန် ရည်မှန်းထားသည်။ ပြီးခဲ့သည့် ဒီမိုကရေစီ သက်တမ်းနှစ် ၃၀ အတွင်း ရရှိခဲ့သော အောင်မြင်မှုများကိုထိန်းသိမ်းကာ ပြည်သူများ၏ လူနေမှုဘဝ မြင့်မားလာစေရန်နှင့် နိုင်ငံ၏ အချုပ်အခြာအာဏာကိုကာကွယ်ရန် ဆက်လက် ကြိုးပမ်းသွားမည်ဖြစ်ကြောင်း သမ္မတက အလေးအနက်ထား ပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 31-Mar-2026
တစ်နှစ်ပတ်လုံး ပြောင်းဖူး စိုက်ပျိုးရောင်းချခြင်းဖြင့် တောင်သူများ အဆင်ပြေ
တစ်နှစ်ပတ်လုံး ပြောင်းဖူး စိုက်ပျိုးရောင်းချခြင်းဖြင့် တောင်သူများ အဆင်ပြေ
ညောင်ဦး   မတ်   ၂၈    မန္တလေးတိုင်းဒေသကြီး     ညောင်ဦး မြို့နယ်    လက်ပံခြေပေါ်ကျေးရွာအုပ်စု အတွင်းရှိ ကျေးရွာများ၌ တစ်နှစ်ပတ်လုံး ပြောင်းဖူးစိုက်ပျိုးရောင်းချခြင်းဖြင့် တောင်သူများ       အဆင်ပြေလျက်ရှိကြောင်း ပြောင်းဖူးစိုက်ပျိုးရောင်းချသည့် တောင်သူများ၏ ပြောပြချက်အရ သိရသည်။အဆိုပါကျေးရွာများ၌  ပြောင်းဖူးကို မြေအောက်ရေအသုံးပြုကာ တစ်နှစ်လျှင် လေးကြိမ်အထိ    စိုက်ပျိုးရောင်းချကြ ကြောင်း၊ ပြောင်းဖူးစိုက်ပျိုးရာတွင် ဈေး ကွက်အခြေအနေထက် ပြောင်းဖူးတစ်သီး စိုက်ပျိုးလျှင် အချိန်နှစ်လခန့်ဖြင့် ထွက်ပေါ် သောကြောင့် ငွေပေါ်မြန်ကြောင်း၊ ထွက်ရှိ လာသည့်ပြောင်းဖူးများကို   ညောင်ဦး-မြင်းခြံ ကားလမ်းမကြီးဘေး၌ ယာယီတဲ များထိုးကာ   ရောင်းချကြကြောင်း  သိရသည်။ယင်းဒေသများ၌    ပြောင်းဖူးစိုက်ပျိုးသည့် တောင်သူများက မျိုးကောင်းမျိုးသန့် များကိုသာ ရွေးချယ်စိုက်ပျိုးခြင်းကြောင့် ထွက်ရှိလာသည့် ပြောင်းဖူးများမှာ အရည်အသွေးကောင်း၍       ဈေးကောင်းရရှိကြောင်း၊ စိုက်ပျိုးသည့်ပြောင်းဖူးများမှာ အစေးပြောင်း၊ သကြားပြောင်းနှင့် ကြက် တမော့ပြောင်းတို့ဖြစ်ပြီး      မိုးရာသီတွင် စိုက်ပျိုးပါက   သုံးလခန့်တွင်   ထွက်ပေါ် ကြောင်း၊  ဆောင်းရာသီနှင့်  နွေရာသီတို့တွင်   နှစ်လခန့်ဖြင့်ထွက်ပေါ်ကြောင်း တောင်သူဦးဝင်းတင့်ကပြောသည်။လက်ပံခြေပေါ်ကျေးရွာအုပ်စုအတွင်းမှ စိုက်ပျိုးထွက်ရှိသည့် ပြောင်းဖူးများကို ပခုက္ကူ၊ ညောင်ဦး၊ မြင်းခြံ၊ တောင်သာနှင့် ကျောက်ပန်းတောင်းမြို့တို့မှ    ပြောင်းဖူးပွဲစားများက  လာရောက်ဝယ်ယူကြသည့် အပြင်   မန္တလေးမြို့နှင့်   ရန်ကုန်မြို့တို့မှ ပြောင်းဖူးပွဲစားများကလည်း  လာရောက် ဝယ်ယူကြကြောင်း သိရသည်။MWD
Sun, 29-Mar-2026
ပုသိမ်မြို့နယ်ဒေသထွက် ဖရဲသီးများ အရောင်းအဝယ် ကောင်းမွန်လျက်ရှိ
ပုသိမ်မြို့နယ်ဒေသထွက် ဖရဲသီးများ အရောင်းအဝယ် ကောင်းမွန်လျက်ရှိ
ပုသိမ်    မတ်    ၂၈      ဧရာဝတီတိုင်းဒေသကြီး ပုသိမ်မြို့နယ် ဒေသထွက်ဖရဲသီးများ ဝယ်လိုအားကောင်းပြီး  အရောင်းအဝယ်ကောင်းမွန် လျက်ရှိကြောင်း ပုသိမ်မြို့နယ်၌ သစ်သီး အမျိုးမျိုး ရောင်းဝယ်ရေးလုပ်ငန်း လုပ်ကိုင်သူ  ဒေါ်သူဇာ၏ပြောပြချက်အရ သိရသည်။ပုသိမ်မြို့နယ်၌ မတ်လနောက်ဆုံးပတ်မှ လက်ရှိအချိန်ထိ  ဖရဲသီးများ အရောင်း အဝယ်ကောင်းမွန်နေကြောင်း၊ အဆိုပါ ဖရဲသီးများကို ဒေသဈေးကွက်အပြင်    တခြားဒေသများဖြစ်သည့် ပုသိမ်၊ ရန်ကုန် စသည့်ဒေသများကပါ     ဝယ်ယူနေခြင်း ကြောင့်   အရောင်းအဝယ်ကောင်းမွန်နေ ခြင်းဖြစ်ကြောင်း သိရသည်။''ဖရဲသီးတွေကို ဒေသဈေးကွက်အပြင်  တခြားဒေသတွေကလည်း ဝယ်လိုအား ကောင်းနေတာပါ။  အရောင်းအဝယ်ဖြစ်နေတဲ့ဖရဲသီးတွေက    အရည်အသွေး ကောင်းပါတယ်။ ဒေသထွက်ကုန်တွေကို အရောင်းအဝယ်ပြုလုပ်ရတဲ့အတွက် ကုန်စည်သယ်ယူရတဲ့ တန်ဆာခကုန်ကျမှု သက်သာပါတယ်။ ကုန်ပစ္စည်းတွေလည်း ထိခိုက်မှုနည်းပြီး    တာရှည်အထားခံပါ တယ်'' ဟု  ဒေါ်သူဇာကပြောသည်။ပုသိမ်မြို့နယ်၌ ဖရဲသီးကို မြေနုကျွန်း ကျေးရွာများ၌ အများဆုံးစိုက်ပျိုးကြ ကြောင်း၊ ယခုနှစ်တွင် ကျေးရွာ ၁၄ ရွာမှ ဒေသခံတောင်သူ ၁၀၄ ဦးက တစ်ဦးလျှင်    ဖရဲတစ်ဧကမှ ငါးဧကအထိ စိုက်ပျိုးထား ကြောင်း သိရသည်။MWD
Sun, 29-Mar-2026
မတ်လနောက်ဆုံးပတ်အတွင်း ငွေကျပ်သိန်း ၄၆၀၀ ကျော်တန်ဖိုးရှိ စတော့ရှယ်ယာ အစောင်ရေ တစ်သိန်းနီးပါး အရောင်းအဝယ်ဖြစ်
မတ်လနောက်ဆုံးပတ်အတွင်း ငွေကျပ်သိန်း ၄၆၀၀ ကျော်တန်ဖိုးရှိ စတော့ရှယ်ယာ အစောင်ရေ တစ်သိန်းနီးပါး အရောင်းအဝယ်ဖြစ်
ရန်ကုန်   မတ်    ၂၈      ရန်ကုန်စတော့အိတ်ချိန်း၌  မတ်လ နောက်ဆုံးပတ်အတွင်း  ငွေကျပ်သိန်း‌ ၄၆၀၀ ကျော်တန်ဖိုးရှိ  စတော့ရှယ်ယာ အစောင်ရေ  တစ်သိန်းနီးပါး  အရောင်း အဝယ်ဖြစ်ခဲ့ကြောင်း  သိရသည်။ရန်ကုန်စတော့အိတ်ချိန်း၏    Main Board  တွင်     အများပိုင်ကုမ္ပဏီရှစ်ခု ဖြင့်  ဘဏ်ပိတ်ရက်များမှအပ နေ့စဉ် စတော့ရှယ်ယာများကို  အရောင်းအဝယ် ပြုလုပ်လျက်ရှိရာ  မတ်လ ၂၃ ရက်မှ ၂၆ ရက်အထိ ငွေကျပ် ၄၆၈၆၇၈၉၀၀  တန်ဖိုး ရှိ စတော့ရှယ်ယာအစောင်ရေ  ၉၉၄၈၀ အရောင်းအဝယ်ပြုလုပ်နိုင်ခဲ့သည်။အဆိုပါကာလအတွင်း ကုမ္ပဏီတစ်ခု ချင်းအလိုက် အရောင်းအဝယ်ပြုလုပ်မှု အနေဖြင့် FMI ကုမ္ပဏီမှ   ငွေကျပ် ၃၂၄၃၀၀၀၀ တန်ဖိုးရှိ စတော့ရှယ်ယာ ၂၁၂၂  စောင် အရောင်းအဝယ်ဖြစ်ခဲ့သည်။MTSH ကုမ္ပဏီမှ  ငွေကျပ် ၁၇၉၈၃၁၆၀၀ တန်ဖိုးရှိ စတော့ရှယ်ယာ  ၂၈၃၉၇ စောင် အရောင်းအဝယ်ဖြစ်ခဲ့ပြီး  ယခင်တစ်ပတ် ကထက် စတော့ရှယ်ယာအစောင်ရေ ထက်ဝက်ကျော်    အရောင်းအဝယ်မြင့် တက်ခဲ့သည်။MCB   ကုမ္ပဏီမှ   ငွေကျပ်  ၂၂၇၈၁၀၀ တန်ဖိုးရှိ    စတော့ရှယ်ယာ ၂၄၃   စောင် အရောင်းအဝယ်ဖြစ်ခဲ့သည်။FPB ကုမ္ပဏီမှ   ငွေကျပ် ၁၈၄၈၇၈၇၀၀ တန်ဖိုးရှိ  စတော့ရှယ်ယာ ၄၂၆၀၇ စောင် အရောင်းအဝယ်ဖြစ်ခဲ့သည်။TMH ကုမ္ပဏီမှ    ငွေကျပ် ၅၂၉၄၀၀ တန်ဖိုးရှိ   စတော့ရှယ်ယာ ၁၅၉ စောင် အရောင်းအဝယ်ဖြစ်ခဲ့သည်။EFR ကုမ္ပဏီမှ   ငွေကျပ်၂၉၆၃၆၆၅၀  တန်ဖိုးရှိ စတော့ရှယ်ယာ  ၁၅၈၆၂ စောင် အရောင်းအဝယ်ဖြစ်ခဲ့သည်။AMATA ကုမ္ပဏီမှ   ငွေကျပ် ၅၂၁၈၃၀၀ တန်ဖိုးရှိ     စတော့ရှယ်ယာအစောင်ရေ ၁၃၃၀ အရောင်းအဝယ်ဖြစ်ခဲ့သည်။MAEX ကုမ္ပဏီမှ   ငွေကျပ် ၃၃၈၇၆၁၅၀ တန်ဖိုးရှိ   စတော့ရှယ်ယာအစောင်ရေ  ၈၇၆၀   အရောင်းအဝယ်ဖြစ်ခဲ့ကြောင်း  သိရသည်။ MWD
Sun, 29-Mar-2026
© Copyright 2024 SAC All Rights Reserved.