ကမ္ဘောဒီးယားနိုင်ငံက ၂၀၃၀ ပြည့်နှစ်တွင် ဆေးလိပ်သောက်သုံးမှုကို ၃၀ ရာခိုင်နှုန်းအထိ လျှော့ချရန်စီစဉ်

NoahJune222

News Image

  • ကမ္ဘောဒီးယားနိုင်ငံက ၂၀၃၀ ပြည့်နှစ်တွင် ဆေးလိပ်သောက်သုံးမှုကို ၃၀ ရာခိုင်နှုန်းအထိ လျှော့ချရန်စီစဉ်

ဖနောင်ပင်  ဧပြီ  ၂၇

ကမ္ဘောဒီးယားနိုင်ငံက ၂၀၂၇-၂၀၃၀ အတွက် မဟာဗျူဟာသစ်တစ်ရပ်ကို ရေးဆွဲလျက်ရှိပြီး ၂၀၃၀ ပြည့်နှစ်တွင်  ဆေးလိပ်သောက်သုံးမှုကို ၃၀ ရာခိုင်နှုန်းအထိ လျှော့ချရန် ရည်ရွယ်ထားကြောင်း  ကမ္ဘောဒီးယားကျန်းမာရေးဝန်ကြီး  ချီယန်းရာက ဧပြီ ၂၇ ရက်တွင် ပြောကြားသည်။

ကမ္ဘောဒီးယားနိုင်ငံ၌ လက်ရှိတွင် ဆေးလိပ်သောက်သုံးသူဦးရေ  ၁ ဒသမ ၆ သန်းခန့်ရှိသောကြောင့်  ဆေးရွက်ကြီးနှင့် ပတ်သက်သည့်ထုတ်ကုန်များကို ထိန်းချုပ်ရခြင်းဖြစ်ပြီး ယင်းမှာ   အသက်အိုးအိမ်နှင့် အနာဂတ်ကိုကာကွယ်ရန်အတွက် လုပ်ဆောင်ခြင်းဖြစ်ကြောင်း ဝန်ကြီးက ပြောကြားသည်။

ဆေးလိပ်သောက်ခြင်းကို လျှော့ချခြင်းသည် ကလေးများ၊ လူငယ်များ၊ အမျိုးသမီးများနှင့် ပြည်သူလူထုတစ်ရပ်လုံးကို ကင်ဆာရောဂါ၊ နှလုံးရောဂါ၊ အသက်ရှူလမ်းကြောင်းဆိုင်ရာရောဂါနှင့် အခြားမကူးစက်နိုင်သော ရောဂါများဖြစ်ပွားခြင်းမှ ကာကွယ်ခြင်းပင်ဖြစ်ကြောင်း ၎င်းက ဆက်လက်ပြောကြားသည်။

ကမ္ဘောဒီးယားနိုင်ငံ၌ ဆေးလိပ်သောက်ခြင်းကြောင့် နှစ်စဉ် လူပေါင်း ၁၅၀၀၀ သေဆုံးနေရကြောင်း  ကမ္ဘာ့ကျန်းမာရေးအဖွဲ့က ထုတ်ပြန်ထားသည်။

ဆင်ဟွာ

MDN

MM-News-Category
လူမှုရေးကဏ္ဍသတင်း
လူမှုရေး-ကျန်းမာရေး

ဆက်စပ်သတင်းများ

တနင်္သာရီတိုင်းဒေသကြီး မြို့နယ်ပေါင်းစုံ ဘော်လီဘောပြိုင်ပွဲ ဗိုလ်လုပွဲနှင့် ဆုချီးမြှင့်ပွဲ ကျင်းပ
တနင်္သာရီတိုင်းဒေသကြီး မြို့နယ်ပေါင်းစုံ ဘော်လီဘောပြိုင်ပွဲ ဗိုလ်လုပွဲနှင့် ဆုချီးမြှင့်ပွဲ ကျင်းပ
တနင်္သာရီတိုင်းဒေသကြီး ဝန်ကြီးချုပ်ဖလား မြို့နယ်ပေါင်းစုံ အမျိုးသား/အမျိုးသမီး ဘော်လီဘောပြိုင်ပွဲ ဗိုလ်လုပွဲနှင့် ဆုချီးမြှင့်ပွဲအခမ်းအနားကို ယနေ့နံနက်ပိုင်းတွင် ထားဝယ်မြို့ ရွှေဝယ်သီရိအားကစားခန်းမ၌ ကျင်းပခဲ့သည်။ဦးစွာ ဗိုလ်လုပွဲအဖြစ် အမျိုးသားနှင့် အမျိုးသမီးပြိုင်ပွဲများတွင် ထားဝယ်မြို့နယ်အသင်းနှင့် မြိတ်မြို့နယ်အသင်းတို့ ယှဉ်ပြိုင်ကစားနေမှုကို တိုင်းဒေသကြီးဝန်ကြီးချုပ် ဦးဇော်နိုင်ဦး၊ တိုင်းဒေသကြီးလွှတ်တော် ဒုတိယဥက္ကဋ္ဌ၊ ဝန်ကြီးများ၊ ဌာနဆိုင်ရာတာဝန်ရှိသူများ၊ အားကစားသမားများနှင့် ပရိသတ်များက ကြည့်ရှုအားပေးခဲ့ကြသည်။ထို့နောက် ဆုချီးမြှင့်ပွဲအခမ်းအနားကို ဆက်လက်ကျင်းပရာ တိုင်းဒေသကြီးဝန်ကြီးများက ပွဲစဉ်တစ်လျှောက် ကူညီဆောင်ရွက်ပေးသည့် ကြက်ခြေနီတပ်ဖွဲ့ကို ဂုဏ်ပြုဆုချီးမြှင့်ခဲ့သည်။ဆက်လက်၍ အမျိုးသားအားကစားသမားဆု၊ အမျိုးသမီးအားကစားသမားဆုများနှင့်အတူ ဒုတိယဆုရရှိသည့် မြိတ်မြို့နယ်အသင်း (အမျိုးသား/အမျိုးသမီး) နှင့် ပထမဆုရရှိသည့် ထားဝယ်မြို့နယ်အသင်းတို့ကို ဆုများပေးအပ်ချီးမြှင့်ခဲ့သည်။ထို့ပြင် တိုင်းဒေသကြီးလွှတ်တော် ဒုတိယဥက္ကဋ္ဌက အမျိုးသမီးပြိုင်ပွဲတွင် ပထမဆုရရှိသည့် ထားဝယ်မြို့နယ်အသင်းကို ဆုချီးမြှင့်ခဲ့ပြီး တိုင်းဒေသကြီးဝန်ကြီးချုပ်က အမျိုးသား/အမျိုးသမီးပြိုင်ပွဲ ပထမဆုရရှိသည့် ထားဝယ်မြို့နယ်အသင်းကို တံခွန်စိုက်ဆုဖလား ပေးအပ်ချီးမြှင့်ခဲ့ကြောင်း သိရသည်။MWD
Tue, 28-Apr-2026
၂၀၂၆ ခုနှစ် တိုင်းဒေသကြီးနှင့်ပြည်နယ် စစ်တုရင်ပြိုင်ပွဲ ဖွင့်ပွဲအခမ်းအနား ကျင်းပ
၂၀၂၆ ခုနှစ် တိုင်းဒေသကြီးနှင့်ပြည်နယ် စစ်တုရင်ပြိုင်ပွဲ ဖွင့်ပွဲအခမ်းအနား ကျင်းပ
နေပြည်တော်   ဧပြီ    ၂၇      တိုင်းဒေသကြီးနှင့်  ပြည်နယ်များမှ    မျိုးဆက်သစ်   အားကစားသမားများ ပေါ်ထွက်လာစေရန်နှင့် မြန်မာ့စစ်တုရင် အားကစားအဆင့်အတန်း   တိုးတက်မြင့်မားလာ‌စေရန် ရည်ရွယ်၍ ၂၀၂၆ ခုနှစ် တိုင်းဒေသကြီးနှင့်ပြည်နယ် စစ်တုရင်ပြိုင်ပွဲ ဖွင့်ပွဲအခမ်းအနားကို ယနေ့နံနက်ပိုင်းတွင် ရန်ကုန်တိုင်းဒေသကြီး  သင်္ဃန်းကျွန်းမြို့နယ်ရှိ   အမျိုးသားအားကစားပြိုင်ပွဲရုံ(၁)သုဝဏ္ဏ၌ ကျင်းပသည်။  ဦးစွာ မြန်မာနိုင်ငံအိုလံပစ်ကော်မတီ ဥက္ကဋ္ဌ  အားကစားရေးရာဝန်ကြီးဌာန  ပြည်ထောင်စုဝန်ကြီး ဦးရဲမြင့်ထွန်းက စစ်တုရင်အားကစားနည်းသည် စိတ်ပိုင်းဆိုင်ရာကို အခြေခံ၍ကစားရသည့် အားကစားနည်းဖြစ်၍ စိတ်ဓာတ်ကြံ့ခိုင်မှုနှင့် ဉာဏ်ရည်၊ ဉာဏ်သွေးထက်မြက်မှု၌ အဓိကအရေးပါကြောင်း၊   နိုင်ငံတကာအဆင့် ပါဝင်ယှဉ်ပြိုင်နိုင်မည့် စစ်တုရင် အားကစားသမားများ စဉ်ဆက်မပြတ်ပေါ်ထွက်လာရေးအတွက် အထောက်အကူဖြစ်စေသည့်   မျိုးဆက်သစ် လူငယ်စစ်တုရင် အားကစားသမားများကို တိုင်းဒေသကြီးနှင့်ပြည်နယ် စစ်တုရင်ပြိုင်ပွဲများမှ အများဆုံး မွေးထုတ်ပေးနိုင်ခဲ့ပြီး နိုင်ငံတကာ အားကစားပြိုင်ပွဲများတွင် စစ်တုရင်အားကစားနည်းဖြင့် ရွှေတံဆိပ် ၄ ခု၊ ငွေတံဆိပ် ၃ ခု၊ ကြေးတံဆိပ်  ၆ ခု ဆွတ်ခူးရယူပေးနိုင်ခဲ့ကြောင်း၊ လာမည့်ပြိုင်ပွဲများတွင်လည်း အောင်မြင်မှုဆုတံဆိပ်များရရှိအောင် ဆက်လက်ကြိုးစားသွားကြစေလိုကြောင်း  တိုက်တွန်းမှာကြားသည်။ထို့နောက် ပြိုင်ပွဲဝင်အားကစားသမားများက အားကစားသစ္စာအဓိဋ္ဌာန် ၄ ချက် ရွတ်ဆိုကြပြီး မြန်မာနိုင်ငံအိုလံပစ်ကော်မတီ ဥက္ကဋ္ဌနှင့်အဖွဲ့သည် အသင်းအုပ်ချုပ်သူ/ နည်းပြများနှင့် ပြိုင်ပွဲဝင်အားကစားသမားများကို ရင်းရင်းနှီးနှီး လိုက်လံနှုတ်ဆက်ကာ  ဖွင့်ပွဲအခမ်းအနားတွင် ပါဝင်ကူညီဆောင်ရွက်ပေးခဲ့ကြသည့် အမှတ်(၂) အခြေခံပညာ  အထက်တန်းကျောင်း ဗဟန်းမှ ဘင်ခရာနှင့်ပန်းဖွားအဖွဲ့တို့အားပြည်ထောင်စုဝန်ကြီးက  ဂုဏ်ပြုချီးမြှင့်ငွေကျပ် ငါးသိန်းကို ပေးအပ်သည်။ ယနေ့ပြိုင်ပွဲ ပွဲစဉ်အဖြစ် အပြည်ပြည်ဆိုင်ရာ လူငယ်စစ်တုရင်အမျိုးသမီးပြိုင်ပွဲပွဲစဉ်  (၆) တွင် ပြည်ထောင်စုနယ်မြေ နေပြည်တော်အသင်းနှင့် ရခိုင်ပြည်နယ် အသင်းတို့ စတင်ယှဉ်ပြိုင်နိုင်ရန် မြန်မာနိုင်ငံ အိုလံပစ်ကော်မတီ ဥက္ကဋ္ဌက အကွက်ရွှေ့၍ ဖွင့်လှစ်ပေးပြီး  တိုင်းဒေသကြီးနှင့်ပြည်နယ်  စစ်တုရင်ပြိုင်ပွဲယှဉ်ပြိုင်ကစားနေမှုများကို   ကြည့်ရှုအားပေးကြောင်း သိရသည်။ MWD
Tue, 28-Apr-2026
နေပြည်တော်ကောင်စီဥက္ကဋ္ဌဖလား မြို့နယ်ပေါင်းစုံ အမျိုးသား/အမျိုးသမီး ဘော်လီဘောပြိုင်ပွဲ ဆုပေးပွဲအခမ်းအနား ကျင်းပ
နေပြည်တော်ကောင်စီဥက္ကဋ္ဌဖလား မြို့နယ်ပေါင်းစုံ အမျိုးသား/အမျိုးသမီး ဘော်လီဘောပြိုင်ပွဲ ဆုပေးပွဲအခမ်းအနား ကျင်းပ
နေပြည်တော်၊ ဧပြီ ၂၇ — နေပြည်တော်အတွင်းရှိ လူငယ်မောင်မယ်များအကြား အားကစားစိတ်ဓာတ် ထက်သန်လာစေရန်နှင့် ထူးချွန်ထက်မြက်သည့် ဘော်လီဘောအားကစားသမားကောင်းများ ပေါ်ထွက်လာစေရန် ရည်ရွယ်၍ ၂၀၂၆ ခုနှစ် နေပြည်တော်ကောင်စီဥက္ကဋ္ဌဖလား မြို့နယ်ပေါင်းစုံ အမျိုးသား/အမျိုးသမီး ဘော်လီဘောပြိုင်ပွဲ ဆုပေးပွဲအခမ်းအနားကို ယနေ့နံနက်ပိုင်းတွင် ဇမ္ဗူသီရိမြို့နယ်ရှိ နေပြည်တော်အားကစားရုံ၌ ကျင်းပခဲ့သည်။ဦးစွာ နေပြည်တော်အားကစားနှင့် ကာယပညာကော်မတီနာယက နေပြည်တော်ကောင်စီဥက္ကဋ္ဌ ဦးကံမြင့်သန်းနှင့် တာဝန်ရှိသူများက ဘော်လီဘောဗိုလ်လုပွဲစဉ်များဖြစ်သည့် ဇမ္ဗူသီရိမြို့နယ် (အမျိုးသမီး) အသင်းနှင့် ဥတ္တရသီရိမြို့နယ် (အမျိုးသမီး) အသင်း၊ ပျဉ်းမနားမြို့နယ် (အမျိုးသား) အသင်းနှင့် တပ်ကုန်းမြို့နယ် (အမျိုးသား) အသင်းတို့၏ ယှဉ်ပြိုင်နေမှုများကို ကြည့်ရှုအားပေးခဲ့သည်။ယင်းနောက် ဆုချီးမြှင့်ပွဲအခမ်းအနားကို ကျင်းပရာ နေပြည်တော်ကောင်စီဝင်များနှင့် တာဝန်ရှိသူများက အမျိုးသား/အမျိုးသမီး ဘော်လီဘောပြိုင်ပွဲများတွင် ပွဲစဉ်တစ်လျှောက် အကောင်းဆုံးအားကစားသမားဆုရရှိသူများကိုလည်းကောင်း၊ ပထမ၊ ဒုတိယနှင့် တတိယဆုရရှိသည့် မြို့နယ်အလိုက်အသင်းများကိုလည်းကောင်း တစ်ဦးချင်းဆုတံဆိပ်များနှင့် ချီးမြှင့်ငွေများ ပေးအပ်ခဲ့ကြသည်။ထို့နောက် နေပြည်တော်ကောင်စီဥက္ကဋ္ဌက အမျိုးသမီးဘော်လီဘောပြိုင်ပွဲတွင် ပထမဆုရရှိသည့် ဇမ္ဗူသီရိမြို့နယ်အသင်းနှင့် အမျိုးသားဘော်လီဘောပြိုင်ပွဲတွင် ပထမဆုရရှိသည့် ပျဉ်းမနားမြို့နယ်အသင်းတို့ကို ဂုဏ်ပြုဆုငွေများနှင့် တံခွန်စိုက်ဆုဖလားတို့ကို ပေးအပ်ချီးမြှင့်ခဲ့ပြီး အားကစားသမားများနှင့် နည်းပြများအား ရင်းရင်းနှီးနှီး တွေ့ဆုံနှုတ်ဆက်ခဲ့သည်။အဆိုပါ အသက် ၂၅ နှစ်အောက် မြို့နယ်ပေါင်းစုံ ဘော်လီဘောပြိုင်ပွဲကို နေပြည်တော်ကောင်စီနယ်မြေအတွင်းရှိ မြို့နယ်များမှ ပြိုင်ပွဲဝင်အသင်းများဖြင့် နှစ်စဉ်ကျင်းပလျက်ရှိပြီး လူငယ်များ၏ ကာယ၊ ဗလ ဖွံ့ဖြိုးတိုးတက်ရေးနှင့် အချင်းချင်း ချစ်ကြည်ရင်းနှီးမှု တိုးတက်စေရန် ရည်ရွယ်ကျင်းပသည့် ပြိုင်ပွဲတစ်ခုဖြစ်ကြောင်း သိရသည်။အောင်သူရဦး (ဒက္ခိဏ)MWD
Tue, 28-Apr-2026
သိုးမွေးမှ ကီရာတင်အသုံးပြု၍ အရိုးများ ပြန်လည်ရှင်သန်စေနိုင်မည့် နည်းပညာအသစ် ဗြိတိန်ပညာရှင်များ ဖော်ထုတ်
သိုးမွေးမှ ကီရာတင်အသုံးပြု၍ အရိုးများ ပြန်လည်ရှင်သန်စေနိုင်မည့် နည်းပညာအသစ် ဗြိတိန်ပညာရှင်များ ဖော်ထုတ်
ဗြိတိန်နိုင်ငံ King’s College London မှ ပညာရှင်များသည် သိုးမွေးတွင်ပါဝင်သည့် ကီရာတင်ပရိုတိန်းကို အသုံးပြု၍ ပျက်စီးသွားသော အရိုးများကို ပြန်လည်ပြုပြင်နိုင်မည့် နည်းလမ်းအသစ်တစ်ခုကို ရှာဖွေတွေ့ရှိခဲ့ကြောင်း သိရသည်။အဆိုပါနည်းလမ်းကို တိရစ္ဆာန်များတွင် စမ်းသပ်ကြည့်ရာ ကီရာတင်ပစ္စည်းသည် အရိုးအသစ်များ ပြန်လည်ဖြစ်ပေါ်လာရန် ထိရောက်သည့် လမ်းပြမြေပုံတစ်ခုကဲ့သို့ လုပ်ဆောင်နိုင်ကြောင်း တွေ့ရှိရသည်။ယခင်က အရိုးကုသမှုတွင် ကော်လာဂျင်ကို အဓိကအသုံးပြုခဲ့ကြသော်လည်း ၎င်းသည် အားနည်း၍ ပြိုကွဲလွယ်သည့်အပြင် ထုတ်ယူရသည့် ကုန်ကျစရိတ်လည်း မြင့်မားသည်။သိုးမွေးမှရရှိသည့် ကီရာတင်သည် ပိုမိုခိုင်မာမှုရှိပြီး မွေးမြူရေးလုပ်ငန်းများမှ လွယ်ကူစွာရရှိနိုင်သောကြောင့် ကုန်ကျစရိတ်လည်း သက်သာစေနိုင်ကြောင်း သိရသည်။ ကြွက်များတွင် စမ်းသပ်မှုများအရ သဘာဝအရိုးနှင့် အနီးစပ်ဆုံးတူသည့် အရိုးတစ်သျှူးများကို ဖြစ်ပေါ်စေကြောင်း တွေ့ရှိခဲ့သည်။သုတေသနပညာရှင် ဒေါက်တာ ရှရစ် အယ်ရှာကာဝီက ယခုတွေ့ရှိမှုသည် ဆေးပညာလောကအတွက် အရေးကြီးသည့် မှတ်တိုင်တစ်ခုဖြစ်လာပြီး အနာဂတ်တွင် လူနာများကို လက်တွေ့ကုသမှုပေးနိုင်ရန် ပိုမိုနီးစပ်လာပြီဖြစ်ကြောင်း ပြောကြားထားသည်။Ref: IEကိုထက်MWD
Tue, 28-Apr-2026
အိပ်နေစဉ် အသက်ရှူရပ်ခြင်းက ဟောက်ခြင်းသာမက ကြွက်သားများပျက်စီးနိုင်ကြောင်း သုတေသနအသစ် သတိပေး
အိပ်နေစဉ် အသက်ရှူရပ်ခြင်းက ဟောက်ခြင်းသာမက ကြွက်သားများပျက်စီးနိုင်ကြောင်း သုတေသနအသစ် သတိပေး
 အိပ်နေစဉ်တွင် အသက်ရှူလမ်းကြောင်းပိတ်ဆို့၍ အသက်ရှူရပ်ခြင်းသည် ဟောက်ခြင်းတစ်ခုတည်းသာမက ခန္ဓာကိုယ်ကြွက်သားများကိုပါ ပျက်စီးစေနိုင်ကြောင်း သုတေသနအသစ်တစ်ခုက သတိပေးထားသည်။အစ္စရေးနိုင်ငံ Ben-Gurion တက္ကသိုလ်နှင့် Soroka ဆေးဘက်ဆိုင်ရာဌာနတို့ ပူးပေါင်းလေ့လာခဲ့သည့် အဆိုပါသုတေသနအရ အိပ်နေစဉ် အသက်ရှူရပ်သည့်ရောဂါသည် အသက်အရွယ်ကြောင့် ဖြစ်ပေါ်လာသည့် ကြွက်သားဆုတ်ယုတ်မှုကို ပိုမိုမြန်ဆန်စေနိုင်ကြောင်း ဆိုသည်။အဆိုပါရောဂါသည် အရွယ်ရောက်ပြီးသူများ၏ ၃၀ ရာခိုင်နှုန်းခန့်တွင် ဖြစ်ပွားလေ့ရှိပြီး အိပ်နေစဉ် အသက်ရှူလမ်းကြောင်း ခဏခဏ ပိတ်ဆို့ခြင်းကြောင့် အောက်ဆီဂျင်ပြတ်တောက်ကာ အိပ်ရေးပျက်ခြင်းများ ဖြစ်ပေါ်စေသည်။ယခင်က အဆိုပါရောဂါသည် နှလုံးနှင့် အသက်ရှူလမ်းကြောင်းကိုသာ ထိခိုက်စေသည်ဟု ယူဆခဲ့ကြသော်လည်း ယခုအခါ အရိုးသိပ်သည်းဆ လျော့နည်းခြင်းနှင့် ကြွက်သားအားနည်းခြင်းများကိုပါ ဖြစ်စေနိုင်ကြောင်း တွေ့ရှိထားသည်။အဆိုပါရောဂါကို စောစီးစွာ ရှာဖွေကုသမှု မပြုလုပ်ပါက ကြွက်သားများ လုပ်ဆောင်နိုင်စွမ်း လျော့နည်းလာခြင်းမှတစ်ဆင့် ခန္ဓာကိုယ်ကိုယ်တိုင် မထိန်းနိုင်သည့် အခြေအနေအထိ ရောက်ရှိနိုင်ကြောင်း သတိပေးထားသည်။ထို့ကြောင့် ပုံမှန် CT scan စစ်ဆေးမှုများတွင် အရိုးနှင့် ကြွက်သားအခြေအနေများကိုပါ ထည့်သွင်းစစ်ဆေးရန်နှင့် အိပ်နေစဉ် အသက်ရှူရပ်ခြင်းရောဂါရှိမရှိကို စောင့်ကြည့်သင့်ကြောင်း သုတေသနပညာရှင်များက တိုက်တွန်းထားသည်။Ref: STDကိုထက်MDN
Tue, 28-Apr-2026
၂၅ နှစ်ကြာ သုတေသနတစ်ခုအရ သွေးကင်ဆာလက္ခဏာများကို ကြိုတင်သိရှိနိုင်ပြီ
၂၅ နှစ်ကြာ သုတေသနတစ်ခုအရ သွေးကင်ဆာလက္ခဏာများကို ကြိုတင်သိရှိနိုင်ပြီ
၂၅ နှစ်ကြာ မျိုးရိုးဗီဇစောင့်ကြည့်လေ့လာမှု သုတေသနတစ်ခုအရ သွေးကင်ဆာရောဂါများ မည်သို့စတင်ဖြစ်ပေါ်လာပြီး မည်သို့အခြေအနေ ဆိုးရွားလာနိုင်သည်ဆိုသည့် လျှို့ဝှက်ချက်များကို ဖော်ထုတ်နိုင်ခဲ့ကြောင်း သိရသည်။Wellcome Sanger သုတေသနဌာနမှ ပညာရှင်များသည် နာတာရှည်သွေးကင်ဆာလူနာ ၃၀ ၏ ဆေးမှတ်တမ်းများနှင့် DNA အချက်အလက်များကို စနစ်တကျ လေ့လာခဲ့ခြင်းဖြစ်သည်။လေ့လာတွေ့ရှိချက်အရ ရောဂါအခြေအနေ တည်ငြိမ်နေသည့် လူနာများတွင် သွေးကလာပ်စည်းများ၌ မျိုးရိုးဗီဇပြောင်းလဲမှု မရှိကြောင်း တွေ့ရှိရပြီး ရောဂါပိုမိုဆိုးရွားလာမည့် လူနာများတွင်မူ DNA ပြောင်းလဲမှုများ တဖြည်းဖြည်း တိုးလာနေသည်ကို တွေ့ရှိရသည်။MPNs ဟုခေါ်သည့် သွေးကင်ဆာတစ်မျိုးသည် ရိုးတွင်းခြင်ဆီမှ သွေးကလာပ်စည်းများ အထိန်းအကွပ်မရှိ ထွက်ပေါ်လာခြင်းဖြစ်ပြီး ရောဂါလက္ခဏာများ မပေါ်မီ နှစ်ပေါင်းများစွာကတည်းက DNA အတွင်းတွင် အချက်ပြမှုများ ရှိနေကြောင်း သုတေသနက ဖော်ပြထားသည်။ယခုတွေ့ရှိမှုကြောင့် နောင်အနာဂတ်တွင် မျိုးရိုးဗီဇစစ်ဆေးမှုများသည် ကုသမှုလုပ်ငန်းစဉ်များတွင် ပိုမိုအရေးပါလာမည်ဖြစ်ပြီး ရောဂါကို ပိုမိုတိကျစွာ ခန့်မှန်းနိုင်သကဲ့သို့ မည်သည့်လူနာများ အခြေအနေဆိုးရွားနိုင်သည်ကိုလည်း ကြိုတင်သိရှိ၍ စောစီးစွာ ကုသနိုင်မည့် လမ်းကြောင်းများ ပွင့်လင်းလာမည်ဖြစ်သည်။အဆိုပါ သုတေသနရလဒ်များကို အမေရိကန် ကင်ဆာသုတေသနအသင်း ညီလာခံတွင်လည်း တင်ပြထားကြောင်း သိရသည်။Ref: STDကိုထက်MWD
Tue, 28-Apr-2026
© Copyright 2024 SAC All Rights Reserved.