ပြည်ထောင်စုဝန်ကြီး ဦးတင်မောင်ဆွေမြန်မာနိုင်ငံဆိုင်ရာ အိန္ဒိယသံအမတ်ကြီးအား လက်ခံတွေ့ဆုံ

NoahJune222

News Image

  • ပြည်ထောင်စုဝန်ကြီး ဦးတင်မောင်ဆွေမြန်မာနိုင်ငံဆိုင်ရာ အိန္ဒိယသံအမတ်ကြီးအား လက်ခံတွေ့ဆုံ

နေပြည်တော် မေ ၄

 

နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေသည် ပြည်ထောင်စုသမ္မတ မြန်မာနိုင်ငံဆိုင်ရာ အိန္ဒိယသမ္မတနိုင်ငံသံအမတ်ကြီး H.E. Mr. Abhay Thakur အား ယနေ့ညနေပိုင်းတွင် နေပြည်တော်ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံသည်။

 

ထိုသို့တွေ့ဆုံစဉ် နှစ်နိုင်ငံအကြား ချစ်ကြည်ရင်းနှီးမှု ပိုမိုမြှင့်တင်ရေးနှင့် ကဏ္ဍစုံတွင် နှစ်နိုင်ငံ အကျိုးတူ ကိစ္စရပ်များအတွက် ပိုမိုအားကောင်း ခိုင်မာလာစေရန်တို့နှင့်စပ်လျဉ်း၍ အမြင်ချင်းဖလှယ် ခဲ့ကြသည်။ တွေ့ဆုံပွဲသို့ နိုင်ငံခြားရေးဝန်ကြီးဌာနမှ တာဝန်ရှိသူများ တက်ရောက်ခဲ့ကြကြောင်း သိရသည်။

 

သတင်းစဉ်

MDN

MM-News-Category
နိုင်ငံရေးကဏ္ဍသတင်းများ
နိုင်ငံရေး-ပြည်တွင်းသတင်းများ

ဆက်စပ်သတင်းများ

ပြည်ထောင်စုဝန်ကြီး ဦးတင်မောင်ဆွေမြန်မာနိုင်ငံဆိုင်ရာ အိန္ဒိယသံအမတ်ကြီးအား လက်ခံတွေ့ဆုံ
ပြည်ထောင်စုဝန်ကြီး ဦးတင်မောင်ဆွေမြန်မာနိုင်ငံဆိုင်ရာ အိန္ဒိယသံအမတ်ကြီးအား လက်ခံတွေ့ဆုံ
နေပြည်တော် မေ ၄ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေသည် ပြည်ထောင်စုသမ္မတ မြန်မာနိုင်ငံဆိုင်ရာ အိန္ဒိယသမ္မတနိုင်ငံသံအမတ်ကြီး H.E. Mr. Abhay Thakur အား ယနေ့ညနေပိုင်းတွင် နေပြည်တော်ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံသည်။ ထိုသို့တွေ့ဆုံစဉ် နှစ်နိုင်ငံအကြား ချစ်ကြည်ရင်းနှီးမှု ပိုမိုမြှင့်တင်ရေးနှင့် ကဏ္ဍစုံတွင် နှစ်နိုင်ငံ အကျိုးတူ ကိစ္စရပ်များအတွက် ပိုမိုအားကောင်း ခိုင်မာလာစေရန်တို့နှင့်စပ်လျဉ်း၍ အမြင်ချင်းဖလှယ် ခဲ့ကြသည်။ တွေ့ဆုံပွဲသို့ နိုင်ငံခြားရေးဝန်ကြီးဌာနမှ တာဝန်ရှိသူများ တက်ရောက်ခဲ့ကြကြောင်း သိရသည်။ သတင်းစဉ်MDN
Tue, 5-May-2026
အီရန်သို့ ဟော်မုရေလက်ကြား ဖြတ်သန်းခပေးသူများကို အမေရိကန် ဒဏ်ခတ်ပိတ်ဆို့မည်
အီရန်သို့ ဟော်မုရေလက်ကြား ဖြတ်သန်းခပေးသူများကို အမေရိကန် ဒဏ်ခတ်ပိတ်ဆို့မည်
အီရန်နိုင်ငံသို့ ဟော်မုရေလက်ကြား ဖြတ်သန်းခပေးနေသည့် သင်္ဘောကုမ္ပဏီများကို ဒဏ်ခတ်ပိတ်ဆို့သွားမည်ဟု အမေရိကန်အစိုးရက သတိပေးလိုက်သည်။ဖေဖော်ဝါရီလနှောင်းပိုင်းမှစတင်၍ အမေရိကန်နှင့် အစ္စရေးတို့၏ တိုက်ခိုက်မှုများကြောင့် ထိုရေလက်ကြားမှာ ပိတ်ဆို့နေပြီး အီရန်၏ အစ္စလာမ်မစ်တော်လှန်ရေးအစောင့်တပ်ဖွဲ့က ထိန်းချုပ်ထားသည့် လမ်းကြောင်းတစ်ခုတည်းမှသာ သင်္ဘောများကို ဖြတ်သန်းခပေး၍ သွားလာခွင့်ပြုနေခြင်းဖြစ်သည်။အနည်းဆုံး သင်္ဘောနှစ်စင်းက ဒေါ်လာ ၁ သန်းမှ ၂ သန်းကြားတန်ဖိုးရှိသည့် ယွမ်ငွေဖြင့် ဖြတ်သန်းခပေးချေကြောင်း သတင်းများ ထွက်ပေါ်နေစဉ် အမေရိကန်နိုင်ငံခြားပိုင်ဆိုင်မှုထိန်းချုပ်ရေးရုံးက ယင်းသို့ ငွေပေးချေမှုများသည် ပြင်းထန်သော ဒဏ်ခတ်ပိတ်ဆို့မှုများနှင့် ရင်ဆိုင်ရမည်ဟု ထုတ်ပြန်ခဲ့ခြင်းဖြစ်သည်။ထိုရေလက်ကြားတစ်ဝိုက်တွင် သင်္ဘောအစင်းရေ ၂၀၀၀ ခန့်နှင့် သင်္ဘောသားဦးရေ ၂၀၀၀၀ ခန့် ပိတ်မိနေပြီး စားနပ်ရိက္ခာပြတ်လပ်မှုများနှင့် ရင်ဆိုင်နေရသည်။သမ္မတ ဒေါ်နယ်ထရမ့်က ကြားနေသင်္ဘောများ ရေလက်ကြားမှ လွတ်လပ်စွာ ဖြတ်သန်းနိုင်ရေးအတွက် Project Freedom စစ်ဆင်ရေး စတင်ကြောင်း ကြေညာထားပြီး ယင်းစစ်ဆင်ရေးတွင် စစ်သည် ၁၅၀၀၀၊ ဖျက်သင်္ဘောများနှင့် လေယာဉ်အစင်း ၁၀၀ ကျော်တို့ဖြင့် ကူညီပေးမည်ဟု သိရသည်။Ref: RTMWD
Tue, 5-May-2026
ယူကရိန်းသို့ EU ချေးငွေထောက်ပံ့မည့် အစီအစဉ်တွင် စလိုဗက်ကီးယား ပါဝင်မည်မဟုတ်ကြောင်း ဝန်ကြီးချုပ် ဖီကို အတည်ပြု
ယူကရိန်းသို့ EU ချေးငွေထောက်ပံ့မည့် အစီအစဉ်တွင် စလိုဗက်ကီးယား ပါဝင်မည်မဟုတ်ကြောင်း ဝန်ကြီးချုပ် ဖီကို အတည်ပြု
စလိုဗက်ကီးယားနိုင်ငံအနေဖြင့် ယူကရိန်းနိုင်ငံအတွက် ဥရောပသမဂ္ဂ (EU) က အတည်ပြုထားသည့် ယူရို ၉၀ ဘီလီယံ (အမေရိကန်ဒေါ်လာ ၁၀၆ ဘီလီယံ) တန်ဖိုးရှိ ဘုံကြွေးမြီအစီအစဉ်အပါအဝင် မည်သည့်ချေးငွေ အစီအစဉ်တွင်မဆို ပါဝင်ဆောင်ရွက်သွားမည်မဟုတ်ကြောင်း ဝန်ကြီးချုပ် ရောဘတ်ဖီကို (Robert Fico) က တနင်္ဂနွေနေ့ (မေ ၃) တွင် ပြတ်သားစွာ ပြောကြားလိုက်သည်။ ဖီကိုက ၎င်း၏လူမှုကွန်ရက်စာမျက်နှာမှတစ်ဆင့် မိန့်ခွန်းပြောကြားရာတွင် စလိုဗက်ကီးယားနိုင်ငံအနေဖြင့် ဘဏ္ဍာရေးဆိုင်ရာ စိုးရိမ်ရမှုများကြောင့် ယခုလက်ရှိ ချေးငွေအစီအစဉ်သာမက နောင်တွင် ထပ်မံပေါ်ပေါက်လာမည့် ယူကရိန်းဆိုင်ရာ ချေးငွေများတွင်လည်း ပါဝင်မည်မဟုတ်ကြောင်းနှင့် ယင်းအတွက် လိုအပ်သည့် ဥပဒေကြောင်းအရ အကာအကွယ်များကိုလည်း လုပ်ဆောင်ထားပြီးဖြစ်ကြောင်း ထည့်သွင်းပြောဆိုခဲ့သည်။အဆိုပါ EU ချေးငွေအစီအစဉ်သည် စစ်ပွဲအပြီးတွင် ရုရှားနိုင်ငံထံမှ ရရှိလာမည့် စစ်လျော်ကြေးများဖြင့် ပြန်လည်ပေးဆပ်မည်ဟူသော ယူဆချက် အပေါ် အခြေခံထားခြင်းဖြစ်သည်။ သို့သော် ရုရှား နိုင်ငံဘက်ကမူ ယင်းအစီအစဉ်သည် လက်တွေ့မကျကြောင်း ပယ်ချထားသကဲ့သို့ စလိုဗက်ကီးယား၊ ဟန်ဂေရီနှင့် ချက်သမ္မတနိုင်ငံတို့ကလည်း ဆက်စပ်ရိုက်ခတ်လာမည့် ဘဏ္ဍာရေးအန္တရာယ် ကြီးမားလွန်းသည်ဟုယူဆကာ ပါဝင်ရန် ငြင်းဆန်နေကြခြင်းဖြစ်သည်။ထို့အပြင် ယူကရိန်းက စလိုဗက်ကီးယားနှင့် ဟန်ဂေရီသို့ပေးပို့နေသော ရေနံပိုက်လိုင်းများကို ဖြတ်တောက်ခဲ့ခြင်းအပေါ် အဆိုပါနှစ်နိုင်ငံ၏ ခေါင်းဆောင်များက နိုင်ငံရေးအရ အကျပ်ကိုင်တိုက်ခိုက်ခြင်းဟု ရှုမြင်ခဲ့ကြပြီးနောက်ပိုင်း နှစ်နိုင်ငံဆက်ဆံရေးမှာ ပိုမိုတင်းမာလာခဲ့သည်။ဝန်ကြီးချုပ် ဖီကိုသည် တနင်္ဂနွေနေ့ (မေ ၃) တွင် ယူကရိန်းခေါင်းဆောင် ဇီလန်စကီးနှင့် ဖုန်းဖြင့်ဆွေးနွေးမှုများ ပြုလုပ်ခဲ့သော်လည်း ယူကရိန်း၏ EU အဖွဲ့ဝင်ဖြစ်ရေးနှင့်ပတ်သက်၍ သတိကြီးစွာဖြင့်သာ မှတ်ချက်ပြုခဲ့သည်။ ယူကရိန်း၏ အဖွဲ့ဝင်ဖြစ်လာမှုသည် နယ်စပ်လုံခြုံရေးနှင့် ရာဇဝတ်မှုလျှော့ချရေးအတွက် အားသာချက်အချို့ရှိနိုင်သော်လည်း ယူကရိန်းကို အတိအလင်းထောက်ခံနေသည့် EU နိုင်ငံအချို့ကပင် အဖွဲ့ဝင်အဖြစ် လက်ခံရန် ငြင်းဆန်နေကြခြင်းမှာ "အသေအချာထည့်သွင်း သုံးသပ်သင့်သည့် ဝိရောဓိအခြေအနေ" ဖြစ်ကြောင်း ၎င်းက ထောက်ပြခဲ့သည်။ လက်ရှိတွင် စလိုဗက်ကီးယားအနေဖြင့် အိမ်နီးချင်းနိုင်ငံဖြစ်သည့် အလျောက် စွမ်းအင်သယ်ယူပို့ဆောင်ရေးကဲ့သို့သော မရှိမဖြစ် ကိစ္စရပ်များအတွက်သာ ယူကရိန်းနှင့် ဆက်လက်ဆွေးနွေးသွားမည်ဖြစ်သည်ဟု ဆိုသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 4-May-2026
အမေရိကန်နှင့်အီရန် ငြိမ်းချမ်းရေးဆွေးနွေးမှုများ ရပ်တန့်နေပြီး နှစ်ဖက် စလုံး အလျှော့မပေးဘဲ ဖြစ်နေ
အမေရိကန်နှင့်အီရန် ငြိမ်းချမ်းရေးဆွေးနွေးမှုများ ရပ်တန့်နေပြီး နှစ်ဖက်စလုံး အလျှော့မပေးဘဲ ဖြစ်နေ
အမေရိကန်သမ္မတ ဒေါ်နယ်ထရမ့်သည် ပါကစ္စတန် ကြားခံ ကိုယ်စားလှယ်များမှတစ်ဆင့် ပေးပို့လာသော အီရန်၏တန်ပြန်ငြိမ်းချမ်းရေး အဆိုပြုချက်ကို လက်ခံနိုင်စရာမရှိဟုဆိုကာ ပယ်ချလိုက်ခြင်းကြောင့် နှစ်နိုင်ငံအကြား သံတမန်ရေးရာအကျပ်အတည်းမှာ ရှေ့မတိုးသာဖြစ်ကာ ရပ်တန့်နေသည်။ ပြီးခဲ့သည့်လက ယာယီအပစ်အခတ်ရပ်စဲရေး ရယူနိုင်ခဲ့သော်လည်း နှစ်ဖက်အစိုးရများသည် စစ်ရေးထက် စီးပွားရေးအရဖိအားပေးမှုများကို အသုံးချ၍ တစ်ဖက်အား အလျှော့ပေးလာစေရန် နည်းလမ်းမျိုးစုံဖြင့် ကြိုးပမ်းနေကြသည်။ သမ္မတထရမ့်က အီရန်အနေဖြင့် ၎င်းတို့၏ နှစ်ပေါင်း ၄၀ ကျော်ကြာ လုပ်ရပ်များအတွက် ထိုက်တန်သောပေးဆပ်မှုမျိုး မလုပ်ရသေးကြောင်း လူမှုကွန်ရက်တွင်ဝေဖန်ခဲ့ပြီး အမေရိကန်ဘက်က အပစ်ရပ် သက်တမ်းကို ၂ လ တိုးမြှင့်လိုသော်လည်း အီရန် ဘက်ကမူ ရက်ပေါင်း ၃၀ အတွင်း အပြီးသတ်ဖြေရှင်းရန် တောင်းဆိုနေသည်။ပါရှန်ပင်လယ်ကွေ့အတွင်း ဖြစ်ပွားနေသော အဆိုပါ အကျပ်အတည်း သည် ပြီးခဲ့သည့် ဖေဖော်ဝါရီလအတွင်း အမေရိကန်နှင့် အစ္စရေးတို့၏ အီရန်ခေါင်းဆောင်ပိုင်းကို ပစ်မှတ်ထားလုပ်ကြံမှုများ၊ အစိုးရပြုတ်ကျစေရန် ရည်ရွယ်သည့် ဗုံးကြဲတိုက်ခိုက်မှုများမှ စတင်ခဲ့ခြင်းဖြစ်သည်။ အီရန်ဘက်ကလည်း အမေရိကန်စစ်အခြေစိုက်စခန်းရှိရာ နိုင်ငံများကို ပြန်လည်တိုက်ခိုက်ခြင်းနှင့် ဟော်မုဇ်ရေလက်ကြား ရေကြောင်းကုန်သွယ်ရေးကို နှောင့်ယှက်ခြင်းတို့ဖြင့် တုံ့ပြန်ခဲ့သည်။လက်ရှိတွင် အမေရိကန်က အီရန်ဆိပ်ကမ်းများကိုပိတ်ဆို့ထားသဖြင့် ကမ္ဘာ့ရေနံဈေးနှုန်းများမြင့်တက်လာမှုကို ထိန်းချုပ်ရန် ဝါရှင်တန်အနေဖြင့် စရိတ်ကြီးမားသော စိန်ခေါ်မှုများနှင့် ရင်ဆိုင်နေရသည်။အခြေခံအားဖြင့် နှစ်ဖက်စလုံး၏ တောင်းဆိုချက်များမှာ များစွာကွာဟနေဆဲ ဖြစ်သည်။ အီရန်နိုင်ငံက နောင်တွင် တိုက်ခိုက်ခြင်းမခံရစေရန် အာမခံချက်၊ စစ်လျော်ကြေးနှင့် ၎င်းတို့၏ နျူကလီးယားစီမံကိန်းကို ဆက်လက် လုပ်ဆောင်ခွင့်ရရှိရန် ကြိုးပမ်းနေသည်။တစ်ဖက်တွင်လည်း အမေရိကန်က အီရန်၏ နျူကလီးယားလုပ်ငန်းစဉ်အားလုံးကို အပြီးတိုင်ဖျက်သိမ်းရန်နှင့် မဟာဗျူဟာမြောက် ရေလမ်းကြောင်း များတွင် အကန့်အသတ်မရှိ သွားလာခွင့်ပေးရန် အခိုင်အမာတောင်းဆိုထားသည်။ ထို့ကြောင့် အဆိုပါ သဘောထားကွဲလွဲမှုများအကြား ပါရှန် ပင်လယ်ကွေ့၏ ငြိမ်းချမ်းရေးသည် ဆက်လက် စိုးရိမ်ဖွယ်ရာအခြေအနေတွင် ရှိနေပါသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 4-May-2026
နေတိုးအဖွဲ့နှင့် ရုပ်ရှင်လောကသားများ၏ တံခါးပိတ်ဆွေးနွေးမှုများ အပေါ် ဝေဖန်မှုများ ထွက်ပေါ်နေ
နေတိုးအဖွဲ့နှင့် ရုပ်ရှင်လောကသားများ၏ တံခါးပိတ်ဆွေးနွေးမှုများအပေါ် ဝေဖန်မှုများ ထွက်ပေါ်နေ
နေတိုး (NATO) သည် ဥရောပနှင့်အမေရိကန်ရှိ ရုပ်ရှင်နှင့် ရုပ်သံလုပ်ငန်းရှင်များနှင့် တံခါးပိတ်ဆွေးနွေးပွဲများ ပြုလုပ်လျက်ရှိရာ ယင်းလုပ်ရပ်သည် အနုပညာကိုအသုံးချ၍ ဝါဒဖြန့်ရန်နှင့် ကြောက်ရွံ့မှုများ လှုံ့ဆော်ရန်ကြိုးပမ်းမှုဖြစ်ကြောင်း Guardian သတင်းစာက ဖော်ပြခဲ့သည်။ နေတိုးအဖွဲ့သည် လော့စ်အိန်ဂျလိစ်၊ ဘရပ်ဆဲလ်နှင့် ပါရီမြို့တို့တွင် ဒါရိုက်တာများ၊ ထုတ်လုပ်သူများ၊ ဇာတ်ညွှန်းရေးဆရာများနှင့်အတူ သီးသန့် အစည်းအဝေး (၃) ကြိမ် ပြုလုပ်ခဲ့ပြီးဖြစ်ကာ လာမည့်လတွင်လည်း လန်ဒန်မြို့ရှိ ဗြိတိန်စာရေးဆရာများသမဂ္ဂ (WGGB) နှင့် ထပ်မံတွေ့ဆုံရန် စီစဉ်ထားကြောင်း သိရှိရသည်။Chatham House အကြံပေးအဖွဲ့ကကြီးကြပ်မည့် လာမည့် အစည်းအဝေးတွင် ဥရောပလုံခြုံရေးအခြေအနေများကို ဆွေးနွေးမည်ဖြစ်ပြီး နေတိုးအဖွဲ့၏ ဆိုက်ဘာနှင့် နည်းပညာဆိုင်ရာ ဒုတိယအကြီးအကဲ James Appathurai လည်း တက်ရောက်မည်ဖြစ်သည်။ WGGB ၏ အတွင်းရေး အီးမေးလ်များအရ ယခုကဲ့သို့တွေ့ဆုံမှုများကြောင့် အနည်းဆုံး ရုပ်ရှင်စီမံကိန်း (၃) ခုအတွက် စိတ်ကူးစိတ်သန်းများ ရရှိခဲ့ပြီးဖြစ်ကြောင်း သိရှိရသည်။ သို့သော် အဆိုပါလှုပ်ရှားမှုအပေါ် အိုင်ယာလန် ဇာတ်ညွှန်းရေးဆရာ Alan O’Gorman ကဲ့သို့သော အနုပညာရှင်များက "သိသာထင်ရှားသည့် ဝါဒဖြန့်မှု" ဟု ဝေဖန်ခဲ့ကြပြီး စစ်ပွဲကို ထောက်ခံအားပေးရန်အတွက် အနုပညာကိုအသုံးချခံရသည့်အပေါ် အခြားသော ရုပ်ရှင်လောကသားများကလည်း စိတ်ပျက်လျက်ရှိကြသည်။တစ်ဆက်တည်းမှာပင် နေတိုးအဖွဲ့အတွင်း၌လည်း အကွဲအပြဲများ ကြီးထွားလာနေသည်။ အမေရိကန် သမ္မတ ဒေါ်နယ်ထရမ့်က နေတိုးအဖွဲ့အား "စက္ကူကျား" ဟု ခေါ်ဆိုကာ ဝေဖန်ခဲ့ပြီး ဒိန်းမတ်ပိုင် ဂရင်းလန်းကျွန်းကို သိမ်းပိုက်လိုသည့်ကိစ္စနှင့် အီရန်စစ်ပွဲတွင်ပါဝင်ရန် ငြင်းဆန်မှုများကြောင့် အမေရိကန်နှင့် ဥရောပနိုင်ငံများအကြား တင်းမာမှုများ ရှိနေသည်။ ပိုလန် ဝန်ကြီးချုပ် ဒေါ်နယ်တပ်စ်ခ်ကလည်း နေတိုးအဖွဲ့၏  အဓိကခြိမ်းခြောက်မှုမှာ ပြင်ပရန်သူကြောင့်မဟုတ်ဘဲ အဖွဲ့အတွင်း တဖြည်းဖြည်းစည်းလုံးမှုပြိုကွဲလာနေမှုသာဖြစ်ကြောင်း သတိပေး ပြောကြားထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 4-May-2026
အီရန် အစိုးရကို ဖြုတ်ချရန် နေတန်ယာဟုက ထရမ့်အား နှစ်ရှည်လများ တိုက်တွန်းခဲ့ကြောင်း ဂျွန်ဘော်လ်တန် ထုတ်ဖော်ပြောဆို
အီရန် အစိုးရကို ဖြုတ်ချရန် နေတန်ယာဟုက ထရမ့်အား နှစ်ရှည်လများ တိုက်တွန်းခဲ့ကြောင်း ဂျွန်ဘော်လ်တန် ထုတ်ဖော်ပြောဆို
အမေရိကန် အမျိုးသားလုံခြုံရေးအကြံပေးဟောင်း ဂျွန်ဘော်လ်တန်က အစ္စရေးဝန်ကြီးချုပ် ဘင်ဂျမင် နေတန်ယာဟုသည် အီရန်နိုင်ငံ၌ အစိုးရ အပြောင်းအလဲ (Regime Change) ဖော်ဆောင်ရန် သမ္မတ ဒေါ်နယ်ထရမ့် ကို နှစ်ရှည်လများ တိုက်တွန်းအားပေးခဲ့ကြောင်း ‘New World’ ရုပ်သံ အစီအစဉ်တွင် ထုတ်ဖော်ပြောကြားခဲ့သည်။ အစ္စရေး အစိုးရအနေဖြင့် ထရမ့်၏ ပထမသမ္မတသက်တမ်းကတည်းက အီရန်နိုင်ငံအား တိုက်ခိုက်ရန် လိုလားခဲ့ပြီး ဒုတိယသက်တမ်းအထိလည်း ထိုကိစ္စအတွက် တစိုက်မတ်မတ် စည်းရုံးလှုံ့ဆော်ခဲ့ကြောင်း ၂၀၁၈ မှ ၂၀၁၉ ခုနှစ်အထိ တာဝန် ထမ်းဆောင် ခဲ့သည့် ဘော်လ်တန်က ဆိုသည်။ဘော်လ်တန်က ၎င်းကိုယ်တိုင်နှင့် အစ္စရေးဝန်ကြီးချုပ် နေတန်ယာဟု ကပါ အီရန်၏လက်ရှိအစိုးရစနစ်ကို အစားထိုးလဲလှယ်ရေးဟူသည့် ရည်မှန်းချက်ကို တူညီစွာ တိုက်တွန်းခဲ့ကြခြင်းဖြစ်သည်ဟု ဆိုသည်။ သို့သော်လည်း ဖေဖော်ဝါရီလနှောင်းပိုင်းတွင် ထရမ့် ချမှတ်ခဲ့သော စစ်ရေးအရ တိုက်ခိုက်မှုဆုံးဖြတ်ချက်မှာ အစ္စရေး၏ တိုက်ရိုက်လွှမ်းမိုးမှုကြောင့်မဟုတ်ဘဲ ထရမ့် ကိုယ်တိုင်၏ ဆုံးဖြတ်ချက်သာဖြစ်ကြောင်း ၎င်းက ရှင်းလင်းပြောဆိုခဲ့သည်။ထို့အပြင် ဘော်လ်တန်က ထရမ့်၏ အီရန်အပေါ်ကိုင်တွယ်ပုံကို ဝေဖန်ခဲ့ပြီး အီရန် အစိုးရအား ဖြုတ်ချရန်လိုအပ်သည့် အကြောင်းပြချက်မှာ ခိုင်လုံမှုရှိနေသော်လည်း ထရမ့်အနေဖြင့် အဆိုပါ ရည်မှန်းချက်ကို အမေရိကန်ပြည်သူများ ယုံကြည်လက်ခံလာအောင် ရှင်းလင်းစွာ တင်ပြနိုင်ခြင်းမရှိခဲ့ကြောင်းနှင့် စစ်ဆင်ရေးတွင် ပြတ်သားသောရည်မှန်းချက် ကင်းမဲ့နေကြောင်း ထောက်ပြပြောဆိုခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 4-May-2026
© Copyright 2024 SAC All Rights Reserved.