၂၀၂၆ ခုနှစ် ပဲခူးတိုင်းဒေသကြီး နွေရာသီအဆင့်မြင့် အားကစားသင်တန်းဆင်းပွဲ အခမ်းအနားကျင်းပ

NoahJune222

News Image

  • ၂၀၂၆ ခုနှစ် ပဲခူးတိုင်းဒေသကြီး နွေရာသီအဆင့်မြင့် အားကစားသင်တန်းဆင်းပွဲ အခမ်းအနားကျင်းပ

ပဲခူး မေ ၇

      ပဲခူးမြို့၊ ရွှေမော်ဓောဘုရားလမ်းရှိ တိုင်းဒေသကြီး မိုးလုံလေလုံအားကစား ခန်းမ၌ ယနေ့နံနက်ပိုင်းတွင်  ၂၀၂၆ ခုနှစ် ပဲခူးတိုင်းဒေသကြီးအစိုးရအဖွဲ့၏ ဦးဆောင်မှုဖြင့် ဖွင့်လှစ်သော  နွေရာသီအဆင့်မြင့် အားကစားသင်တန်းဆင်းပွဲ အခမ်းအနား ကျင်းပသည်။

ရှေးဦးစွာ ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်းက သင်တန်းသားများအနေဖြင့်  ယခုနွေရာသီအဆင့်မြင့်အားကစား သင်တန်းမှ သင်ကြားပေးလိုက်သည့်  မိမိတို့ဝါသနာပါရာ အားကစားနည်းများကို ဆက်လက်၍ စဉ်ဆက်မပြတ် လေ့ကျင့်၊ လေ့လာခြင်းအားဖြင့် တိုင်းဒေသကြီးဂုဏ်ဆောင် အားကစားသမားများ  ပေါ်ထွက်လာနိုင်မှာဖြစ်ကြောင်း ပြောကြားသည်။

ထို့နောက်    ပဲခူးတိုင်းဒေသကြီး ဝန်ကြီးချုပ်က သင်တန်းနည်းပြဆရာ/ဆရာမ ၃၂ ဦးအတွက် ဂုဏ်ပြုငွေကျပ်(၃၂)သိန်းအား ပေးအပ်ပြီး ဘောလုံးသင်တန်းနှင့် အေရိုးဗစ်သင်တန်းတို့အတွက် သင်တန်းဆင်းလက်မှတ်များ ပေးအပ်ခဲ့သည်။

ယင်းနောက်  အစိုးရအဖွဲ့ဝင်ဝန်ကြီးများက ကြံ့ခိုင်ရေးအက၊ လက်ဝှေ့၊ တင်းနစ်၊ ဘတ်စကက်ဘော၊   ကြက်တောင်၊ ကရာတေး၊ Fitness Dance သင်တန်းများမှ သင်တန်းသား၊ သင်တန်းသူများအား သင်တန်းဆင်းလက်မှတ်များ ပေးအပ်ကြကြောင်း သိရသည်။

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

အစာခြေလမ်းကြောင်းစနစ် ဘက်တီးရီးယားများကြောင့် အူမကြီးကင်ဆာရောဂါ မည်သို့ဖြစ်ပွားနိုင်သည်ကို သုတေသနပညာရှင်များက ဖော်ထုတ်တွေ့ရှိထား
အစာခြေလမ်းကြောင်းစနစ် ဘက်တီးရီးယားများကြောင့် အူမကြီးကင်ဆာရောဂါ မည်သို့ဖြစ်ပွားနိုင်သည်ကို သုတေသနပညာရှင်များက ဖော်ထုတ်တွေ့ရှိထား
နယူးယောက် မေ ၁၀အစာခြေလမ်းကြောင်းစနစ် ဘက်တီးရီးယားများကြောင့် အူမကြီးကင်ဆာရောဂါ မည်သို့ဖြစ်ပွားနိုင်သည်ကို အမေရိကန် သုတေသနပညာရှင်များက ဖော်ထုတ်တွေ့ရှိထားကြောင်း မေ ၉ ရက် သတင်းများတွင် ရေးသားဖော်ပြထားသည်။သုတေသနပညာရှင်များ၏ အဆိုအရ Bacteroids Fragilis ခေါ် အစာခြေလမ်းကြောင်းစနစ် ဘက်တီးရီယားတစ်မျိုးသည် အူမကြီးကို ထိခိုက်ပျက်စီးစေသော အဆိပ်ဓာတ်တစ်မျိုး ထုတ်ပေးခြင်းဖြင့် အူမကြီးကင်ဆာဆဲလ်များ ဖွဲ့စည်းဖြစ်ပေါ်မှုကို စေ့ဆော်ပေးတတ်ကြောင်း သိရသည်။Bacteroids Fragilis ဘက်တီးရီးယားသည် အဆိပ်ဓာတ်လွှတ်၍ အူမကြီးကိုမတိုက်ခိုက်မီ Claudin-4 ပရိုတင်းကို ဦးစွာတွယ်ကပ်ရန်လိုအပ်ကြောင်း အမေရိကန် သုတေသန ပညာရှင်များက ပြောကြားထားသည်။မိမိတို့၏ လေ့လာတွေ့ရှိချက်သည် အူမကြီးကင်ဆာရောဂါနှင့် ဆက်စပ်ရောဂါများကို ဖော်ထုတ်ကုသရေးအတွက် နည်းလမ်းသစ်များ ပေါ်ထွက်လာနိုင်သည်ဟု အမေရိကန် သုတေသနပညာရှင်များက ပြောကြားကြောင်း သိရသည်။Bacteroids Fragilis ဘက်တီးရီးယားများသည် ကျန်းမာရေးကောင်းမွန်သူ ၂၀ ရာခိုင်နှုန်းတွင် ရှိတတ်သော ဘက်တီးရီးယားဖြစ်ကြောင်း သိရသည်။ရတနာပုံPhoto: Johns Hopkins Medicine
Mon, 11-May-2026
ဟန်တာဗိုင်းရပ်ကာကွယ်ဆေး ဖန်တီးရန် နိုင်ငံတကာဆေးပညာရှင်များက ကြိုးပမ်းနေ
ဟန်တာဗိုင်းရပ်ကာကွယ်ဆေး ဖန်တီးရန် နိုင်ငံတကာဆေးပညာရှင်များက ကြိုးပမ်းနေ
လန်ဒန် မေ ၁ဝဟန်တာဗိုင်းရပ်(Hantavirus) ခေါ် ဗိုင်းရပ်တစ်မျိုးအတွက် ကာကွယ်ဆေးဖန်တီးရန် နိုင်ငံတကာ ဆေးပညာရှင်များက ကြိုးပမ်းနေကြောင်း မေ ၉ ရက် သတင်းများအရ သိရသည်။နယ်သာလန် ခရီးသည်တင် ဇိမ်ခံသင်္ဘောတစ်စီးပေါ်၌ ဟန်တာ ဗိုင်းရပ်ကူးစက်မှုကြောင့် လူပေါင်း သုံးဦး သေဆုံးခဲ့ရပြီးနောက် ဟန်တာဗိုင်းရပ်ကာကွယ်ဆေးကို ဖန်တီးရန် ဗြိတိန်သုတေသနပညာရှင်များဦးဆောင်သည့် နိုင်ငံတကာဆေးပညာရှင်များက ကြိုးပမ်းနေခြင်းဖြစ်သည်။လက်ရှိအချိန်တွင် ဘတ် တက္ကသိုလ်မှ ဗြိတိန်သုတေသနပညာရှင်များသည် ဟန်တာဗိုင်းရပ် ပဋိပစ္စည်းတစ်မျိုးကို ဖန်တီး၍ တိရစ္ဆာန်များဖြင့် စတင်စမ်းသပ်နေကြောင်း သိရသည်။သို့ရာတွင် ဟန်တာဗိုင်းရပ် ကာကွယ်ဆေးကို သုံးစွဲခွင့်မရမီ လူနာများဖြင့် လက်တွေ့စမ်းသပ်မှုအပါအဝင် စမ်းသပ်မှုများ ကျယ်ကျယ်ပြန့်ပြန့် ပြုလုပ်ရဦးမည်ဖြစ်ကြောင်း သုတေသနပညာရှင်များက ပြောကြားထားသည်။ယခုလအတွင်း အမ်ဗွီဟွန်ဒီးရပ်စ်အမည်ရှိ ခရီးသည်တင်ဇိမ်ခံသင်္ဘောပေါ်၌ ဟန်တာဗိုင်းရပ် ကူးစက်မှုပြဿနာဖြစ်ပွားခဲ့ပြီးနောက် ဟန်တာဗိုင်းရပ်အန္တရာယ်ကို နိုင်ငံတကာက အာရုံစိုက်လာခဲ့ကြကြောင်း သိရသည်။ရတနာပုံ
Mon, 11-May-2026
အာရှဖလား ယူ-၁၇ ပြိုင်ပွဲတွင် မြန်မာ ယူ-၁၇ အသင်း နှစ်ပွဲဆက်ရှုံးပြီး အုပ်စုအဆင့်မှထွက်ခဲ့ရ
အာရှဖလား ယူ-၁၇ ပြိုင်ပွဲတွင် မြန်မာ ယူ-၁၇ အသင်း နှစ်ပွဲဆက်ရှုံးပြီး အုပ်စုအဆင့်မှထွက်ခဲ့ရ
ရန်ကုန်     မေ     ၁၀၂၀၂၆ အာရှဖလား ယူ-၁၇ ပြိုင်ပွဲ အုပ်စု (A) ဒုတိယနေ့ကို  မေ ၉ ရက်  ညပိုင်းက  ဆက်လက်ကျင်းပရာ မြန်မာအသင်းသည် တာဂျစ်ကစ္စတန်အသင်းကို တစ်ဂိုး-ဂိုးမရှိဖြင့် အရေးနိမ့်ပြီး အုပ်စုအဆင့်မှ စောစီးစွာ ထွက်ခဲ့ရသည်။မြန်မာ ယူ-၁၇ အသင်းသည် အုပ်စုအဖွင့်ပွဲတွင် အိမ်ရှင်ဆော်ဒီအာရေဗျအသင်းကို ဂိုးပြတ်အရေးနိမ့်ထားသဖြင့်  ယခုပွဲအနိုင်ရမှ  နောက်တစ်ဆင့် တက်ရောက်ရန်   ဆက်လက်မျှော်လင့်နိုင်မည်ဖြစ်သော်လည်း   ပထမပိုင်းတွင် ပေးလိုက်ရသည့်တစ်ဂိုးတည်းဖြင့် အရေးနိမ့်ကာ နောက်ဆုံးပွဲမတိုင်မီ အုပ်စုအဆင့်မှထွက်ရန် သေချာခဲ့သည်။  မြန်မာ ယူ-၁၇ အသင်းသည် အာရှဖလား ခြေစစ်ပွဲတွင် ကစားခဲ့သည့် ခြေစွမ်းမျိုး ယခုအချိန်ထိ ပြန်မရသေးသလို   တိုက်စစ်ပိုင်းအားနည်းချက်များကြောင့် နှစ်ပွဲဆက် ဂိုးပေါက်ပျောက်ဆုံးကာ ရှုံးပွဲဆက် ခဲ့ခြင်းဖြစ်သည်။မြန်မာအသင်းသည် ပွဲထွက်လူစာရင်းကို အနည်းငယ်ပြောင်းလဲခဲ့ပြီး ထက်ဝေယံ(ဂိုး)၊ မြင့်မြတ် ကိုကို၊   မျိုးခန့်ကျော်၊  အောင်သီဟ၊  လင်းရောင်၊ ဟန်ထူးလွင်၊ အောင်မြတ်သာ၊ ချန်လိန်တန်း၊ ဝင်းဇော်၊ မြတ်မင်းသူ၊ ညီညီသန့်တို့ကို အသုံးပြုခဲ့သည်။ မြန်မာအသင်းသည် ခြေစွမ်းအရ တစ်ဖက်သတ်မဖြစ်ဘဲ တာဂျစ်ကစ္စတန်အသင်းကို အပြန်အလှန်ကစားနိုင်သော်လည်း တိုက်စစ်ပိုင်းအဆုံးသတ်ဇုန်တွင် အလုပ်မဖြစ်သဖြင့် ထိရောက်သည့်ဂိုးသွင်းခွင့်အနည်းငယ်သာရခဲ့ခြင်းဖြစ်သည်။  ခြေစစ်ပွဲတွင်  အလုပ်ဖြစ်ခဲ့သည့် Set-pieces များမှာလည်း ယခုပြိုင်ပွဲတွင် ထိရောက်မှုမရှိသဖြင့် ဂိုးမရခဲ့ခြင်းဖြစ်သည်။ တာဂျစ် ကစ္စတန်အသင်းအတွက် တစ်လုံးတည်းသော အနိုင်ဂိုးကို ၂၈ မိနစ်တွင် မက်တူမော့ဗ်က သွင်းယူခဲ့သည်။အုပ်စု (A) အခြားပွဲတွင် အိမ်ရှင်ဆော်ဒီအာရေဗျ အသင်းက ထိုင်းအသင်းကို နှစ်ဂိုး-ဂိုးမရှိဖြင့် အနိုင်ရခဲ့သည်။  နှစ်ပွဲစီကစားအပြီး  အုပ်စု(A)တွင်  ခြောက်မှတ်ရထားသည့် ဆော်ဒီအာရေဗျအသင်းနှင့် တာဂျစ်ကစ္စတန်အသင်းတို့မှာ ကွာတားဖိုင်နယ် တက်ရောက်ခဲ့သည်။ အမှတ်မရသေးသည့် ထိုင်း အသင်းနှင့်  မြန်မာအသင်းတို့မှာ  အုပ်စုအဆင့်ဖြင့် ကျေနပ်ခဲ့ရသည်။  မြန်မာ ယူ-၁၇  အသင်း၏ ပထမဆုံး ယူ-၁၇ ကမ္ဘာ့ဖလားပြိုင်ပွဲဝင်ခွင့်  မျှော်လင့်ချက်လည်း အဆုံးသတ်ခဲ့ရသည်။  မြန်မာအသင်းသည် အုပ်စုနောက်ဆုံးပွဲအဖြစ် မေ ၁၂  ရက် မြန်မာစံတော်ချိန် ည  ၁၁  နာရီခွဲတွင်  ထိုင်းအသင်းနှင့် ယှဉ်ပြိုင်ကစားရမည်ဖြစ်သည်။                     သတင်း - ကိုညီလေးဓာတ်ပုံ - MFFMDN
Mon, 11-May-2026
ပြိုင်ဘက် တက်ဆုရိုတိုင်ရာကို နောက်ဆုံးအချီတွင် အနိုင်ယူပြီး UFC ဖလိုင်းဝိတ်တန်း ကမ္ဘာ့ချန်ပီယံခါးပတ်ကို ဂျိုရှုအာဗန် ကာကွယ်
ပြိုင်ဘက် တက်ဆုရိုတိုင်ရာကို နောက်ဆုံးအချီတွင် အနိုင်ယူပြီး UFC ဖလိုင်းဝိတ်တန်း ကမ္ဘာ့ချန်ပီယံခါးပတ်ကို ဂျိုရှုအာဗန် ကာကွယ်
ရန်ကုန်     မေ     ၁၀UFC 328 ပြိုင်ပွဲကို မြန်မာစံတော်ချိန် မေ ၁၀ ရက်  နံနက်ပိုင်းက  အမေရိကန်နိုင်ငံ၌ ကျင်းပရာ မြန်မာဖိုက်တာ ဂျိုရှုအာဗန်သည် ပြိုင်ဘက်ဖြစ်သူ ဂျပန်ဖိုက်တာ တက်ဆုရိုတိုင်ရာကို နောက်ဆုံးအချီတွင် အနိုင်ယူပြီး  UFC ဖလိုင်းဝိတ်တန်း ကမ္ဘာ့ချန်ပီယံခါးပတ် ကာကွယ်နိုင်ခဲ့သည်။မြန်မာဖိုက်တာ ဂျိုရှုအာဗန်သည် UFC ဖလိုင်းဝိတ်တန်း ကမ္ဘာ့ချန်ပီယံဆုနှင့် ထိုက်တန်ကြောင်း ယခုပွဲတွင် သက်သေပြနိုင်ခဲ့ပြီး  ပွဲကြိုပြင်ဆင်မှု ကောင်းမွန်ခြင်း၊ ပွဲအတွင်း နည်းဗျူဟာကောင်းမွန်မှုများက ချန်ပီယံခါးပတ်ကို ကာကွယ်နိုင်စေခဲ့ခြင်းဖြစ်သည်။ ပြိုင်ပွဲအကြို အလေးပေးမှုတွင် ပြိုင်ဘက်ထက်လျော့နည်းခဲ့သည့် ဂျိုရှုအာဗန်သည် ထိုက်ထိုက်တန်တန် နိုင်ပွဲရယူနိုင်ခဲ့ပြီး ကမ္ဘာ့ချန်ပီယံခါးပတ်နှင့် ထိုက်တန်ကြောင်း ကမ္ဘာတစ်ဝန်းလုံးကို ယုံကြည်စေခဲ့သည်။ ဒီဇင်ဘာ ၆ ရက်က ထိုးသတ်သည့် ကမ္ဘာ့ချန်ပီယံလုပွဲတွင် ပြိုင်ဘက်ဖြစ်သူ ပန်တိုဂျာ ဒဏ်ရာရသွားပြီး ပွဲအစပိုင်းမှာပင် အရေးနိမ့်ခဲ့သဖြင့် ဂျိုရှုအာဗန်၏ ကမ္ဘာ့ချန်ပီယံဖြစ်မှုအပေါ် ဝေဖန်မှုများ၊ စိတ်မကျေမှုများ ရှိခဲ့သော်လည်း ဂျိုရှုအာဗန်က အလုပ်နှင့် သက်သေပြကာ ဝေဖန်မှုများအား တိတ်ဆိတ်စေခဲ့သည်။ချုပ်ကွက်အားသာသည့် တက်ဆုရိုတိုင်ရာသည် ပွဲအစကတည်းက ချုပ်ကွက်ကိုသာ အားပြုခဲ့သည်။ ဂျိုရှုအာဗန်သည် ပွဲကြိုသေချာပြင်ဆင်ထားကြောင်း ပေါ်လွင်ခဲ့ပြီး ချုပ်ကွက်အားသာသည့်   တိုင်ရာ၏ ချုပ်ကွက်မှ  အကြိမ်ကြိမ်ရုန်းထွက်ပြခဲ့သည်။ပထမနှင့် ဒုတိယအချီတွင် တိုင်ရာက ချုပ်ကွက်ဖြင့် ပွဲသိမ်းနိုင်ရန် ကြိုးပမ်းသော်လည်း ရုန်းထွက်နိုင်ခဲ့သည့် ဂျိုရှုအာဗန်သည် တတိယအချီမှစတင်ကာ ပြိုင်ဘက်ကို တိုက်စစ်ဖွင့် ထိုးခဲ့ သည်။ Stand Fight တွင်  မယှဉ်နိုင်သည့်  တိုင်ရာသည် ဂျိုရှုအာဗန်၏ လက်သီးချက် အကြိမ်ကြိမ် မိပြီး မျက်နှာတစ်ခုလုံး ဖူးယောင်ခဲ့သည်။ စတုတ္ထအချီကတည်းက အထိနာနေသည့် တိုင်ရာသည် နောက်ဆုံးအချီတွင် ဘာမျှလုပ်မပြနိုင်ဘဲ ဂျိုရှုအာဗန်၏ လက်သီးချက်များ အကြိမ်ကြိမ်ထပ်ထိကာ ၁ မိနစ် ၃၂ စက္ကန့်တွင် ဒိုင်ပွဲရပ်ဖြင့် အနိုင်ရခဲ့သည်။ဂျိုရှုအာဗန်သည် နောက်ဆုံး ခုနစ်ပွဲဆက်တိုက် အနိုင်ရလဒ်နှင့် ပထမဆုံးကမ္ဘာ့ချန်ပီယံခါးပတ် ကာကွယ်ပွဲတွင် အနိုင်ရခဲ့ခြင်းဖြစ်သည်။ ဂျိုရှုအာဗန်သည် ပရော်ဖက်ရှင်နယ်  MMA  ကစားသမားဘဝ  ၁၉ ပွဲမြောက်  ထိုးသတ်ရာတွင်  ၁၇ ပွဲနိုင်၊ နှစ်ပွဲရှုံးနိမ့်ထားပြီး UFC နှင့် ၁၁ ပွဲ ထိုးသတ်ရာတွင် ၁၀ ပွဲနိုင်၊ တစ်ပွဲရှုံးနိမ့်ထားသည်။သတင်း - ရှိုင်းထက်ဇော်ဓာတ်ပုံ - UFCMDN
Mon, 11-May-2026
အခြေခံလေကြောင်းလူငယ်သင်တန်း အမှတ်စဉ်(၁၀)မှ သင်တန်းသား သင်တန်းသူများ မြောက်ပိုင်းတိုင်းစစ်ဌာနချုပ် တိုင်းသမိုင်းပြခန်းသို့ လေ့လာ
အခြေခံလေကြောင်းလူငယ်သင်တန်း အမှတ်စဉ်(၁၀)မှ သင်တန်းသား သင်တန်းသူများ မြောက်ပိုင်းတိုင်းစစ်ဌာနချုပ် တိုင်းသမိုင်းပြခန်းသို့ လေ့လာ
နေပြည်တော် မေ ၁၀ ကျောင်းသား ကျောင်းသူ မျိုးဆက်သစ်လူငယ်မောင်မယ်များအား နွေရာသီကျောင်းပိတ်ရက် ကာလအတွင်း အသိပညာများ ဖွံ့ဖြိုးတိုးတက်စေရန်၊ အားလပ်ရက်များ အကျိုးရှိစေရန်၊ မိမိ ဝါသနာပါသည့် ပညာရပ်များကို လေ့လာဆည်းပူးနိုင်စေရန်နှင့် နိုင်ငံတော်အတွက် လေကြောင်း ပညာကျွမ်းကျင်သော အနာဂတ် မျိုးဆက်သစ်လူငယ်များ ပေါ်ထွန်းလာစေရန်ရည်ရွယ်၍ မြောက်ပိုင်း တိုင်းစစ်ဌာနချုပ်၌ အခြေခံ လေကြောင်းလူငယ် သင်တန်းအမှတ်စဉ်(၁၀)ကို ဧပြီ ၂၇ ရက်မှ စတင်ဖွင့်လှစ်ခဲ့ပြီး လေ့ကျင့် သင်ကြားပေးလျက်ရှိသည်။ အဆိုပါ လေကြောင်းလူငယ် သင်တန်းများမှ သင်တန်းသား သင်တန်းသူများသည် ယနေ့နံနက်ပိုင်းတွင် မြောက်ပိုင်းတိုင်းစစ်ဌာနချုပ်ရှိ တိုင်းသမိုင်းပြခန်းသို့ လာရောက်လေ့လာကြရာ တိုင်းသမိုင်းပြခန်းမှ တာဝန်ရှိသူများက လိုက်လံရှင်းလင်းပြသကြ ပြီး သင်တန်းသား သင်တန်းသူများ၏ သိရှိလိုသည်များ မေးမြန်းမှုများကို တာဝန်ရှိသူများက ပြန်လည်ရှင်းလင်းဖြေကြားခဲ့ကြကြောင်း သိရသည်။ သတင်းစဉ်MDN
Mon, 11-May-2026
ပြင်ဦးလွင် လူရည်ချွန်စခန်း စခန်းသိမ်း မီးပုံပွဲကျင်းပ
ပြင်ဦးလွင် လူရည်ချွန်စခန်း စခန်းသိမ်း မီးပုံပွဲကျင်းပ
ပြင်ဦးလွင် မေ ၁၀ မန္တလေးတိုင်းဒေသကြီး ပြင်ဦးလွင်မြို့နယ် ပြင်ဦးလွင်လူရည်ချွန်စခန်း စခန်းသိမ်းမီးပုံပွဲကို ယမန်နေ့ ည ၇ နာရီက ပွဲကောက်ရေတံခွန် အပန်းဖြေစခန်း (BE-Falls) ၌ ကျင်းပသည်။ အခမ်းအနားသို့ တိုင်းဒေသကြီးဝန်ကြီးချုပ် ဦးမျိုးအောင်နှင့်ဇနီး၊ တိုင်းဒေသကြီးဝန်ကြီးများ၊ နယ်မြေခံတပ်နယ်မှ တာဝန်ရှိသူများ၊ ခရိုင်/မြို့နယ်အဆင့် ဌာနဆိုင်ရာတာဝန်ရှိသူများ၊ လူရည်ချွန်ကြီးများနှင့် ဖိတ်ကြားထားသော ဧည့်သည်တော်များ တက်ရောက်ကြသည်။ ဦးစွာ လူရည်ချွန်စခန်း စခန်းသိမ်းအောင်ပွဲ အထိမ်းအမှတ် မီးပုံးငယ် အလုံး ၁၀၀ လွှင့်တင်ပြီး တိုင်းဒေသကြီးဝန်ကြီးချုပ်က အမှာစကား ပြောသည်။ ထို့နောက် လူရည်ချွန်ကျောင်းသူတစ်ဦးက ကျေးဇူးတင်စကား ပြန်လည်ပြောကြားသည်။ ဆက်လက်၍ ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးရဲထူးနှင့်ဇနီးတို့က လူရည်ချွန်မောင်မယ်များအား ဒေသထွက်လက်ဆောင်များ အမှတ်တရ ပေးအပ်သည်။ ထို့နောက် တိုင်းဒေသကြီးဝန်ကြီးချုပ်နှင့် တာဝန်ရှိသူများ၊ လူရည်ချွန်ကြီးများနှင့် လူရည်ချွန်ကျောင်းသား ကျောင်းသူများသည် မီးပုံပွဲအား အေးချမ်းပျော်ရွှင်စွာ ဆင်နွှဲခဲ့ကြကြောင်း သိရသည်။ ခရိုင်(ပြန်/ဆက်)MDN
Mon, 11-May-2026
© Copyright 2024 SAC All Rights Reserved.