အောင်လံမြို့၌ နိုင်ငံသားစိစစ်ရေးကတ်နှင့် UID နံပါတ်များ ထုတ်ပေး

NoahJune222

News Image

  • အောင်လံမြို့၌ နိုင်ငံသားစိစစ်ရေးကတ်နှင့် UID နံပါတ်များ ထုတ်ပေး

အောင်လံ မေ ၁၇

 

မကွေးတိုင်းဒေသကြီး အောင်လံမြို့နယ်တွင် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက အစိုးရ၏ ရက် (၁၀၀) စီမံချက်ဖြင့် ဆောင်ရွက်နေသည့် “လမင်းစီမံချက်” အရ အသက် (၁၀) နှစ်ပြည့်နှင့် အသက် (၁၈) နှစ်ပြည့်သူများအား နိုင်ငံသားစိစစ်ရေးကတ်နှင့် UID နံပါတ်များ (One Stop Service) ဖြင့် ထုတ်ပေးသည့် အခမ်းအနားကို ယနေ့နံနက်ပိုင်းက အောင်လံမြို့ အောင်မြေရွှေဝါခန်းမ၌ ပြုလုပ်သည်။

 

ဦးစွာ ပြည်သူ့လွှတ်တော်ကိုယ်စားလှယ် ဦးတင်အောင်ချစ်က အမှာစကား ပြောကြားသည်။ ဆက်လက်၍ နိုင်ငံသားစိစစ်ရေးကတ်နှင့် UID ကတ်များကို ပြည်သူ့လွှတ်တော်ကိုယ်စားလှယ် ဦးတင်အောင်ချစ်၊ အမျိုးသားလွှတ်တော်ကိုယ်စားလှယ် ဦးအောင်နိုင်၊ တိုင်းဒေသကြီး လွှတ်တော်ကိုယ်စားလှယ် ဦးအောင်ချိန်နှင့် မြို့နယ်ဦးစီးမှူး ဦးစိုးနိုင်တို့က ကျောင်းသား ကျောင်းသူများနှင့် ဒေသခံပြည်သူများထံသို့ လက်ဝယ်အရောက် ပေးအပ်ခဲ့ကြောင်း သိရသည်။

မြို့နယ်(ပြန်/ဆက်)

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

လာအိုရှိ လိုဏ်ဂူအတွင်း ပိတ်မိနေသူများကို ကယ်ဆယ်ရေးတွင် ထိုင်းနိုင်ငံ ပါဝင်ကူညီ
လာအိုရှိ လိုဏ်ဂူအတွင်း ပိတ်မိနေသူများကို ကယ်ဆယ်ရေးတွင် ထိုင်းနိုင်ငံ ပါဝင်ကူညီ
   လာအိုနိုင်ငံ၌ ရွှေတူးဖော်ရေး လုပ်နေ သည့် ရွာသားခုနစ်ဦးသည် မိုးသည်းထန်စွာ ရွာသွန်းစဉ် လိုဏ်ဂူတစ်ခုထဲတွင် ပိတ်မိနေကြောင်းနှင့် ယခုအခါ အဆိုပါလိုဏ်ဂူအတွင်း ပိတ်မိနေသူများကိုကယ်ဆယ်ရေးတွင် ထိုင်းနိုင်ငံမှ ကျွမ်းကျင်ရေငုပ်သမားများက ပါဝင်ကူညီပေးနေကြောင်း တာဝန်ရှိသူများက မေလ ၂၅ ရက်တွင်ပြောသည်။အဆိုပါရွှေတူးဖော်သူများသည် ပြီးခဲ့သည့်မေလ ၁၉ ရက်ကတည်းက လိုဏ်ဂူအတွင်းပိတ်မိနေခြင်းဖြစ်ပြီး ၎င်းတို့နှင့်အတူ လိုက်ပါသွားသည့် အခြားရွှေတူးသူသုံးဦးမှာ သေဆုံးသွားပြီဖြစ်သည်။ ရွှေတူးသူများ ဝင်သွားသည့်လိုဏ်ဂူသည် ကျဉ်းမြောင်းသည့်အပြင် အသက်ရှူနိုင်သည့်နေရာသည်လည်းအမြင့် ၂၃ လက်မခန့်သာရှိရာ ကယ်ဆယ်ရေးအဖွဲ့များကရွှေတူးသူများကို ကယ်ထုတ်နိုင်ရန် ခဲရာခဲဆစ်ဖြင့် ကြိုးပမ်းနေရခြင်းဖြစ်ကြောင်း တာဝန်ရှိသူများကပြောသည်။ထိုကယ်ဆယ်ရေးလုပ်ငန်းတွင်ပါဝင်ကူညီပေးနေသူများမှာ ထိုင်းနိုင်ငံ၌ ၂၀၁၈ ခုနှစ်ကဖြစ်ပွားပြီး ကမ္ဘာကျော်သွားသည့် တောဝက်ဘောလုံးအသင်းက ထမ်းလောင်လိုဏ်ဂူအတွင်း ပိတ်မိနေသည့်ဖြစ်စဉ်တွင် ကယ်ဆယ်ရေး လုပ်ပေးသူများဖြစ်သည်။ထိုင်းကယ်ဆယ်ရေးသမားများ အနေဖြင့် ကူညီပေးရန် လာအိုအစိုးရက တရားဝင် အကူအညီတောင်းခံလာခြင်း ဖြစ်ကြောင်း သိရသည်။MWD
Tue, 26-May-2026
ကမ္ဘောဒီးယားနိုင်ငံ၌ ၂၀၂၆ သားပေါက်ရာသီအတွင်း ရှားပါးလိပ် ၂၉၇ ကောင် ပေါက်ပွား
ကမ္ဘောဒီးယားနိုင်ငံ၌ ၂၀၂၆ သားပေါက်ရာသီအတွင်း ရှားပါးလိပ် ၂၉၇ ကောင် ပေါက်ပွား
ဖနောင်ပင်  မေ  ၂၅ကမ္ဘောဒီးယားနိုင်ငံ၌ ၂၀၂၆ သားပေါက်ရာသီအတွင်း မျိုးစိတ်နှစ်ခုတွင် ရှားပါးလိပ် ၂၉၇ ကောင်ကို ၎င်းတို့၏ အသိုက်များမှ ပေါက်ပွားခဲ့ကြောင်း ကမ္ဘောဒီးယားတောရိုင်းတိရစ္ဆာန် ထိန်းသိမ်းရေးအဖွဲ့ (WCS) က မေ ၂၅ ရက်တွင် သတင်းထုတ်ပြန်ထားသည်။Cantors Giant Softshell လိပ်သားပေါက်ကောင်ရေ  ၂၅၇ ကောင်ခန့်ကို  မဲခေါင်မြစ်တစ်လျှောက်ရှိ သဲသောင်ပြင်များတွင် ရှာဖွေတွေ့ရှိခဲ့ကြောင်း၊ ယခုအချိန်အထိ အသိုက် ၁၄ ခုအနက် အသိုက် ၁၂ ခုတွင် လိပ် ၂၅၇ ကောင်  အောင်မြင်စွာပေါက်ပွားခဲ့ကြောင်း၊ ကျန်ရှိသည့်အသိုက်နှစ်ခုကိုလည်း ထိန်းသိမ်းရေးအဖွဲ့များက  စောင့်ကြည့်လျက်ရှိကြောင်း သတင်းထုတ်ပြန်ချက်အရ  သိရသည်။၂၀၂၆  သားပေါက်ရာသီတွင်   တော်ဝင်လိပ်သားပေါက်  ၄၀  အောင်မြင်စွာပေါက်ပွားခဲ့ကြောင်း၊   ယင်းမှာ ယခုနှစ်အတွင်း ကမ္ဘောဒီးယားနိုင်ငံ၏  လိပ်ထိန်းသိမ်းရေးအဖွဲ့အတွက် အကြီးမားဆုံးအောင်မြင်မှုတစ်ခုဖြစ်ကြောင်း သိရသည်။၂၀၂၆ ခုနှစ် ဖေဖော်ဝါရီလတွင် ကော့ကောင် (Koh Kong)နှင့် ပရက်ဆီဟမ်နော့(Preah Sihanouk) ပြည်နယ်တို့အတွင်း Sre Ambel မြစ်တစ်လျှောက်  တော်ဝင်လိပ်သားပေါက် အကောင်ရေ ၄၀ ကို ထိန်းသိမ်းရေးအဖွဲ့များက အသိုက်သုံးခုအတွင်းရှိ ဥ ၅၀ မှ ပေါက်ပွားခဲ့သည်ကို ရှာဖွေတွေ့ရှိခဲ့ကြောင်း  သိရသည်။         ဆင်ဟွာMDN
Tue, 26-May-2026
ဒလမြို့နယ်၌ အခွန်ဆိုင်ရာအသိပညာပေး ရှင်းလင်းဆွေးနွေးပွဲကျင်းပ
ဒလမြို့နယ်၌ အခွန်ဆိုင်ရာအသိပညာပေး ရှင်းလင်းဆွေးနွေးပွဲကျင်းပ
ဒလ မေ ၂၅ ရန်ကုန်တိုင်းဒေသကြီး ဒလမြို့နယ် အခွန်ဦးစီးဌာနမှူးရုံးအနေဖြင့် ၂၀၂၆ ခုနှစ် ပြည်ထောင်စု၏ အခွန်အကောက် ဥပဒေအပါအဝင် တည်ဆဲအခွန် ဥပဒေများအရ လိုက်နာဆောင်ရွက်ရမည့် ကိစ္စရပ်များနှင့် စပ်လျဉ်း၍ ရှင်းလင်းဆွေးနွေးပွဲကို ယမန်နေ့မွန်းလွဲပိုင်းက ဒလမြို့နယ် အခွန်ဦးစီးဌာနမှူးရုံးခန်းမ၌ ကျင်းပသည်။ အဆိုပါဆွေးနွေးပွဲတွင် မြို့နယ်အခွန်ဦးစီးဌာနမှူး ဦးခင်မောင်စိုးက အခွန်ဆိုင်ရာ သိသင့်သိထိုက် သည်များကို ရှင်းလင်းဆွေးနွေးရာ တက်ရောက်လာသူများက သိရှိလိုသည်များ မေးမြန်းဆွေးနွေးခဲ့ကြောင်း သိရသည်။ခင်စန္ဒာမြင့်(ပြန်/ဆက်)MDN
Tue, 26-May-2026
ဗဟိုအမျိုးသမီးဆေးရုံကြီး (ရန်ကုန်)တွင် သားသမီးလိုချင်သည့်ဇနီးမောင်နှံများအတွက် ကိုယ်ဝန်ရစေသော နည်းပညာများ အသုံးပြု၍ ဝန်ဆောင်မှုပေးနေ
ဗဟိုအမျိုးသမီးဆေးရုံကြီး (ရန်ကုန်)တွင် သားသမီးလိုချင်သည့်ဇနီးမောင်နှံများအတွက် ကိုယ်ဝန်ရစေသော နည်းပညာများ အသုံးပြု၍ ဝန်ဆောင်မှုပေးနေ
ရန်ကုန်တိုင်း၊ လမ်းမတော်မြို့နယ်၊ မင်းရဲကျော်စွာလမ်းရှိ ဗဟိုအမျိုးသမီးဆေးရုံကြီးတွင် သားသမီးလိုချင်သည့် ဇနီးမောင်နှံများအတွက် ကိုယ်ဝန်ရစေသောနည်းပညာများ အသုံးပြု၍ ဝန်ဆောင်မှုပေးနေကြောင်း သိရသည်။အဆိုပါဆေးရုံကြီးတွင် သားသမီးရလိုသော ဇနီးမောင်နှံများအတွက် ရည်ရွယ်ကာ Fertility Centre ကို ဖွင့်လှစ်၍ ဝန်ဆောင်မှုများဆောင်ရွက်ပေးလျက်ရှိပြီး ၂၀၂၂ ခုနှစ်မှ ယနေ့အထိ လူနာပေါင်း (၅,၄၀၀) ကျော်ကို လက်ခံ ကုသပေးလျက်ရှိကြောင်း သိရသည်။Fertility Centre တွင် ဖန်ပြွန်သန္ဓေသား နည်းပညာ၊ သားအိမ်အတွင်းသို့ သုတ်ပိုးထည့်ခြင်း နည်းပညာ၊ မျိုးဥကြီး စေ၍ အချိန်ကိုက် ကိုယ်ဝန်ရစေသောနည်းပညာများ အသုံးပြု၍ ကျွမ်းကျင်သော ဆရာဝန်၊ ဆရာမများက အစိုးရရုံးဖွင့်ရက်တိုင်း နံနက် (၈) နာရီမှ ညနေ (၄) နာရီအထိ ဝန်ဆောင်မှုပေးလျက်ရှိကြောင်း သိရသည်။ပြီးခဲ့သည့် (၂၀၂၃) ခုနှစ်တွင် သားအိမ်အတွင်း သုတ်ပိုးထည့်ခြင်းနည်းပညာ (IUI) ဖြင့် လူနာ (၁၅) ဦးကို ဆောင်ရွက်ပေးနိုင်ခဲ့ပြီး ယင်းတို့မှ လူနာ(၃)ဦး၊ (၂၀၂၄) ခုနှစ်တွင် IUI ဖြင့် လူနာ (၆၁) ဦး အနက် လူနာ (၁၂) ဦး၊ (၂၀၂၅) ခုနှစ်တွင် IUI ဖြင့် လူနာ (၁၅၇) ဦးအနက် လူနာ (၂၁) ဦး အောင်မြင်ခဲ့ကြောင်း သိရသည်။အဆိုပါ လူနာ (၂၁) ဦးမှ (၂၀၂၆) ခုနှစ်၊ (မေ ၁၇ ရက်)က အမြွှာ ယောကျာ်းလေးနှစ်ဦး၊ (မေ ၁၈ ရက်)တွင် ယောကျာ်းလေးတစ်ဦး အောင်မြင်စွာ ခွဲစိတ်မွေးဖွားပေးနိုင်ခဲ့ပြီး ၂၀၂၆ ခုနှစ်၊ မေလအထိ IUI ဖြင့် လူနာ (၃၀) အား ဆောင်ရွက်ပေးနိုင်ခဲ့ပြီး လူနာငါးဦး အောင်မြင်ခဲ့ကြောင်း သိရသည်။ထို့ပြင် ယခုနှစ်၊ ဧပြီလနှင့်မေလအတွင်းတွင်လည်း ဖန်ပြွန်သန္ဓေသားနည်းပညာအသုံးပြု၍ ဇနီးမောင်နှံ (၁၂) တွဲ အား ကလေးရရှိစေနိုင်ရန် ဆောင်ရွက်ထားဆဲဖြစ်ကြောင်း သိရသည်။ထို့ကြောင့် ဗဟိုအမျိုးသမီးဆေးရုံကြီး(ရန်ကုန်) ၏ Fertility Centre တွင် သားသမီးရလိုသော ဇနီးမောင်နှံများ၏ ကျန်းမာရေးစောင့်ရှောက်မှုများကို ဝန်ဆောင်မှုကောင်းစွာ ဆောင်ရွက်လျက်ရှိပြီး သားသမီး ရလိုသော ဇနီးမောင်နှံများ စိတ်အေးချမ်းသာစွာ ကုသမှုခံယူလျက် ရှိကြောင်း သိရသည်။Np News
Tue, 26-May-2026
မူဆယ်မြို့၌ သီးသန့်မီးသတ်တပ်ဖွဲ့ဝင်များ အကြိုအခြေခံမီးသတ်ပညာသင်တန်းဖွင့်
မူဆယ်မြို့၌ သီးသန့်မီးသတ်တပ်ဖွဲ့ဝင်များ အကြိုအခြေခံမီးသတ်ပညာသင်တန်းဖွင့်
မူဆယ် မေ ၂၅ ရှမ်းပြည်နယ် (မြောက်ပိုင်း) မူဆယ်မြို့တွင် သီးသန့်မီးသတ်တပ်ဖွဲ့ဝင်များ အကြိုအခြေခံမီးသတ်ပညာသင်တန်း အမှတ်စဉ် (၁/၂၀၂၆) ဖွင့်ပွဲအခမ်းအနားကို မီးသတ်ဦးစီးဌာန ခရိုင်မီးသတ်ဦးစီးမှူးရုံး၌ ယနေ့နံနက် ၁၀ နာရီက ကျင်းပသည်။ အခမ်းအနားတွင် မူဆယ်ခရိုင် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးစန်းမင်းက အမှာစကားပြောကြားပြီး မီးသတ်ဦးစီးဌာနမှ ခင်းကျင်းပြသထားသည့် မီးငြှိမ်းသတ်ခြင်းနှင့် ကယ်ဆယ်ရေး လုပ်ငန်းများတွင် အသုံးပြုသော အထောက်အကူပြုပစ္စည်းများအား လှည့်လည်ကြည့်ရှုခဲ့ကြသည်။ အဆိုပါသင်တန်းကို ခရိုင်မီးသတ်ဦးစီးမှူးရုံးက ကြီးမှူး၍ ရပ်ကွက်အတွင်းမှ သင်တန်းသား ၅၈ ဦးအား ၁၀ ရက်ကြာ သင်ကြားပေးမည်ဖြစ်ပြီး သန္ဓေမီးသတ်တပ်ဖွဲ့ဝင်များက လေ့ကျင့်သင်ကြားပေးမည်ဖြစ်ကြောင်း သိရသည်။ခရိုင်(ပြန်/ဆက်)MDN
Tue, 26-May-2026
ရှမ်းပြည်နယ်ဝန်ကြီးချုပ် အခြေခံမီးသတ်ပညာသင်တန်းနှင့် ဟိုတယ်ဝန်ဆောင်မှု သင်တန်းသုံးမျိုး ဖွင့်ပွဲအခမ်းအနားသို့ တက်ရောက်
ရှမ်းပြည်နယ်ဝန်ကြီးချုပ် အခြေခံမီးသတ်ပညာသင်တန်းနှင့် ဟိုတယ်ဝန်ဆောင်မှု သင်တန်းသုံးမျိုး ဖွင့်ပွဲအခမ်းအနားသို့ တက်ရောက်
တောင်ကြီး မေ ၂၅ ရှမ်းပြည်နယ်မီးသတ်ဦးစီးဌာန သီးသန့်မီးသတ် တပ်ဖွဲ့ဝင်များ အကြိုအခြေခံ မီးသတ်ပညာသင်တန်း အမှတ်စဉ်(၁/၂၀၂၆) သင်တန်းဖွင့်ပွဲကို ယနေ့နံနက်ပိုင်းတွင် တောင်ကြီးမြို့ မြို့တော်ခန်းမ၌ ကျင်းပရာ ရှမ်းပြည်နယ်ဝန်ကြီးချုပ် ဦးစိုင်းထိန်စိုး၊ ပြည်နယ် ဝန်ကြီးများ၊ တိုင်းရင်းသားရေးရာဝန်ကြီး၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်နှင့် တာဝန်ရှိသူများ တက်ရောက်ကြသည်။ ဦးစွာ ပြည်နယ်ဝန်ကြီးချုပ်က အမှာစကားပြောကြားပြီး နှစ်(၈၀)ပြည့် မြန်မာနိုင်ငံ မီးသတ်တပ်ဖွဲ့နေ့ အထိမ်းအမှတ် Video Clip ကို ကြည့်ရှုကြသည်။ ထို့မှတစ်ဆင့် တောင်ကြီးမြို့ ရွိုင်ရယ်တောင်ကြီး ဟိုတယ်၌ ကျင်းပသည့် ဟိုတယ်ဆိုင်ရာ ဝန်ဆောင်မှု သင်တန်းသုံးမျိုး ဖွင့်ပွဲအခမ်းအနားသို့ တက်ရောက် အမှာစကားပြောသည်။ အဆိုပါ ဟိုတယ်ဆိုင်ရာ ဝန်ဆောင်မှုသင်တန်း သုံးမျိုးကို သင်တန်းကာလ ရက်သတ္တလေးပတ်ကြာ စာတွေ့၊ လက်တွေ့ သင်ခန်းစာများကို သင်ကြားပို့ချ သွားမည်ဖြစ်ပြီး သင်တန်းသား သင်တန်းသူ ၁၀၀ တက်ရောက်ကြကြောင်း သိရသည်။ မောင်မောင်သန်း(တောင်ကြီး)MDN
Tue, 26-May-2026
© Copyright 2024 SAC All Rights Reserved.