ငရုတ်ကောင်းမြို့၌ ယခုဆောင်းသီးနှံ စိုက်ပျိုးရာသီတွင် ဆီထွက်သီးနှံစုံ ဧက ၃၈၀၀ ကျော် စိုက်ပျိုးပြီးစီး

dpWEB1234

News Image

  • ငရုတ်ကောင်းမြို့၌ ယခုဆောင်းသီးနှံ စိုက်ပျိုးရာသီတွင် ဆီထွက်သီးနှံစုံ ဧက ၃၈၀၀ ကျော် စိုက်ပျိုးပြီးစီး

ငရုတ်ကောင်း  ဖေဖော်ဝါရီ  ၂၂

      ဧရာဝတီတိုင်းဒေသကြီး ငပုတောမြို့နယ် ငရုတ် ကောင်းမြို့၌  ယခုဆောင်းသီးနှံစိုက်ပျိုးရာသီတွင် ဆီထွက်သီးနှံစုံဧက ၃၈၀၀ ကျော် စိုက်ပျိုးပြီးစီးပြီဖြစ်ကြောင်း သိရသည်။ 

ငရုတ်ကောင်းမြို့၌ ယခုဆောင်းသီးနှံ စိုက်ပျိုးရာသီတွင် ဆီထွက်သီးနှံစုံ ၃၈၆၁ ဧကကို ၂၀၂၅ ခုနှစ် နိုဝင်ဘာလပထမပတ်က စတင်စိုက်ပျိုးခဲ့ရာ လက်ရှိတွင် ရာနှုန်းပြည့်စိုက်ပျိုးပြီးစီးပြီဖြစ်ကြောင်း၊ အဆိုပါ ဆီထွက်သီးနှံ ၃၈၆၁ ဧကတွင် မြေပဲ ၃၆၄၈ ဧက၊ နှမ်း ၁၁၉ ဧက ၊ နေကြာ ၉၄ ဧကပါဝင်ကြောင်း သိရသည်။

''ဆောင်းသီးနှံစိုက်ပျိုးရာသီမှာ   ဆီထွက်သီးနှံစုံ ၃၈၆၁   ဧကအထိလျာထား စိုက်ပျိုးခဲ့ပါတယ်။ လက်ရှိမှာ ဆီထွက်သီးနှံတွေ လျာထားချက်အတိုင်း ရာနှုန်းပြည့်စိုက်ပျိုးပြီးစီးပြီဖြစ်ပါတယ်။   ဆောင်း သီးနှံတွေ လျာထားချက်အတိုင်းပြည့်မီဖို့ စိုက်ပျိုးရေး ဦးစီးဌာန၊ ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန၊    စက်မှုလယ်ယာဦးစီးဌာနနဲ့   ဒေသခံ တောင်သူတွေ ပူးပေါင်းဆောင်ရွက်ခဲ့ပါတယ်။ သန့် ရှင်းလတ်ဆတ်တဲ့စားသုံးဆီတွေကို  စားသုံးနိုင်စေဖို့ နဲ့  ဒေသတွင်း စားသုံးဆီပိုလျှံတဲ့အခါ  စားသုံးဆီ လိုအပ်ချက်ကိုဖြည့်ဆည်းဖို့ ဆီထွက်သီးနှံတွေကို စီမံချက်ချမှတ်စိုက်ပျိုးတာဖြစ်ပါတယ် ''ဟု ငပုတော မြို့နယ် စိုက်ပျိုးရေးဦးစီးဌာန ဦးစီးမှူး ဦးဆန်းဝင်း ကပြောသည်။   

ငရုတ်ကောင်းမြို့၌  ယခုဆောင်းသီးနှံ စိုက်ပျိုး ရာသီတွင် ဆီထွက်သီးနှံမြေပဲစိုက်ပျိုးနိုင်ရန် မြို့နယ် စိုက်ပျိုးရေးဦးစီးဌာနမှ  မြေဆီလွှာပြုပြင်ရေးနည်း စနစ်များ၊ မြေပဲမျိုးစေ့ရွေးချယ်မှု မှန်ကန်စေရေး၊ စိုက်နည်းစနစ် မှန်ကန်စေရေး၊ ပိုးသတ်ဆေးနှင့် အာဟာရဓာတ်ရရှိစေရန် ဆေးသုံးစွဲမှုနည်းစနစ်များ မှန်ကန်စေရေး၊ အပင်အားဆေးနှင့် ပိုးမွှားအန္တရာယ် ကင်းရှင်းစေရေး  စသည့်လုပ်ငန်းများကို စိုက်ပျိုးသည့် တောင်သူများအား ကြိုတင်ဆောင်ရွက်ပေးလျက်ရှိကြောင်း သိရသည်။

MWD

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

အမေရိကန်သမိုင်းတွင် အကြီးမားဆုံးသော အခွန်လျှော့ချမှုများကို ပြုလုပ် ခဲ့သည်ဟု ထရမ့် ပြောကြား
အမေရိကန်သမိုင်းတွင် အကြီးမားဆုံးသော အခွန်လျှော့ချမှုများကို ပြုလုပ်ခဲ့သည်ဟု ထရမ့် ပြောကြား
သမ္မတ ဒေါ်နယ်ထရမ့်သည် ၎င်းပြီးခဲ့သည့်နွေရာသီက လက်မှတ်ရေးထိုးခဲ့သော ကျယ်ပြန့်သည့် ပြည်တွင်းမူဝါဒ အစီအစဉ်များသည် အမေရိကန်သမိုင်းတွင် "အကြီးမားဆုံးသော အခွန်လျှော့ချမှုများ" ဖြစ်သည်ဟု နောက်တစ်ကြိမ် ထပ်မံပြောကြားခဲ့သည်။ သို့သော် လက်တွေ့တွင်မူ ထိုသို့မဟုတ်ပေ။၎င်းက "ကြီးမားပြီး လှပသည့် ဥပဒေကြမ်း" ဟု တင်စားခေါ်ဝေါ်သော ထိုဥပဒေသည် အခွန်ဥပဒေတွင် အမြဲတမ်းနှင့် ယာယီ အပြောင်းအလဲများစွာကို ပြုလုပ်ခဲ့သည်။ ယင်းတို့တွင် ဝန်ဆောင်ခ (Tips) နှင့် အချိန်ပို (Overtime) ကြေးများအပေါ် အခွန်ကင်းလွတ်ခွင့်ပေးခြင်း၊ သက်ကြီးရွယ်အိုများနှင့် ကလေးငယ်ရှိသော မိဘများကို အပိုဆောင်း အခွန်သက်သာခွင့်ပေးခြင်းနှင့် ကုမ္ပဏီများအနေဖြင့် အချို့သော ရင်းနှီးမြှုပ်နှံမှုများကို ပိုမိုမြန်ဆန်စွာ ခုနှိမ်ခွင့်ပြုခြင်းတို့ ပါဝင်သည်။ ယခုလအစောပိုင်းက ထုတ်ပြန်ခဲ့သည့် လွှတ်တော်ဘတ်ဂျက်ရုံး (CBO) ၏ နောက်ဆုံးဆန်းစစ်ချက်အရ အဆိုပါအခွန်လျှော့ချမှုများသည် ၁၀ နှစ်တာကာလအတွင်း အမေရိကန်ဒေါ်လာ ၄.၈ ထရီလီယံ (သို့မဟုတ်) နိုင်ငံ၏ စုစုပေါင်းပြည်တွင်းထုတ်ကုန် (GDP) ၏ ၁.၃ ရာခိုင်နှုန်းခန့် ရှိမည်ဖြစ်သည်။သို့သော် ကျွမ်းကျင်သူများ၏ အဆိုအရ အဆိုပါဥပဒေကြမ်းမှာ သမိုင်းတွင် အကြီးမားဆုံး အခွန်လျှော့ချမှု မဟုတ်ပေ။ ဘက်မလိုက်စောင့်ကြည့်လေ့လာရေးအဖွဲ့ Committee for a Responsible Federal Budget မှ မူဝါဒဆိုင်ရာညွှန်ကြားရေးမှူး Chris Towner ၏ ပြောကြားချက်အရ ၁၉၁၈ ခုနှစ်နောက်ပိုင်း GDP အချိုးအစားအရ ကြည့်လျှင် အဆိုပါ လျှော့ချမှုသည် အဆင့် (၇) တွင်သာ ရှိသည်။သမိုင်းတွင် အကြီးမားဆုံးမှာ သမ္မတဟောင်း ရော်နယ်ရီဂင်၏ ၁၉၈၁ ခုနှစ် အခွန်စီမံချက်ဖြစ်ပြီး ယင်းမှာ လေးနှစ်တာကာလအတွင်း GDP ၏ ၂.၉ ရာခိုင်နှုန်းအထိ ရှိခဲ့သည်။ (အခွန်ရရှိမှု အပြောင်းအလဲကို GDP ၏ အချိုးအစားဖြင့်တွက်ချက်ခြင်းမှာ အခွန်ဖြတ်တောက်မှု၏ ပမာဏကို တိုင်းတာသည့် ယေဘုယျနည်းလမ်းဖြစ်သည်။ အဘယ်ကြောင့်ဆိုသော် ၎င်းသည် စီးပွားရေးပမာဏနှင့် နှိုင်းယှဉ်၍ အပြောင်းအလဲများကို ဖော်ပြနိုင်သောကြောင့် ဖြစ်သည်။ အဆိုပါနည်းလမ်းသည် ငွေကြေးဖောင်းပွမှုနှင့် လူဦးရေပြောင်းလဲမှုများ ရှိနေသော်လည်း ကာလတစ်ခုနှင့်တစ်ခုကို နှိုင်းယှဉ်နိုင်စေသည်)။ အလားတူပင် လက်ယာယိမ်း သုတေသနအဖွဲ့တစ်ခုဖြစ်သည့် Tax Foundation ၏ တွေ့ရှိချက်အရလည်း အဆိုပါ ဥပဒေကြမ်းမှာ GDP အချိုးအစားအရ ၁၉၄၀ ပြည့်နှစ်နောက်ပိုင်း ၆ ခုမြောက် အကြီးမားဆုံး အခွန်လျှော့ချမှုသာ ဖြစ်သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
သွင်းကုန်ခွန်များသည် ဝင်ငွေခွန်ကို အစားထိုးနိုင်မည်ဟု ဒေါ်နယ်ထရမ့် ပြောကြား
သွင်းကုန်ခွန်များသည် ဝင်ငွေခွန်ကို အစားထိုးနိုင်မည်ဟု ဒေါ်နယ်ထရမ့် ပြောကြား
အမေရိကန်သမ္မတ ဒေါ်နယ်ထရမ့်က ၎င်း၏သွင်းကုန်ခွန် (Tariffs) တိုးမြှင့် ကောက်ခံမည့်မူဝါဒသည် အနာဂတ်တွင် အမေရိကန်ပြည်သူများ ပေးဆောင်နေရသည့် ဝင်ငွေခွန် (Income Tax) စနစ်ကို အလုံးစုံအစားထိုးနိုင်လိမ့်မည်ဟု မျှော်လင့်ကြောင်း ထုတ်ဖော်ပြောကြားခဲ့သည်။သမ္မတထရမ့်က ၎င်း၏ နိုင်ငံတော်အခြေပြမိန့်ခွန်း (State of the Union address) တွင် "နိုင်ငံခြားတိုင်းပြည်များမှ ပေးဆောင်ရမည့် သွင်းကုန်ခွန်များသည် အတိတ်ကာလကကဲ့သို့ပင် ခေတ်သစ်ဝင်ငွေခွန်စနစ်၏နေရာတွင် အကြီးအကျယ်အစားထိုးဝင်ရောက်လာမည်ဖြစ်ပြီး ပြည်သူများအပေါ် ကျရောက်နေသည့် ငွေကြေးဝန်ထုပ်ဝန်ပိုးများကို ဖယ်ရှားပေးနိုင်လိမ့်မည်ဟု ယုံကြည်သည်" ဟု ထည့်သွင်းပြောဆိုခဲ့သည်။သို့ရာတွင် စီးပွားရေးဆိုင်ရာ ကိန်းဂဏန်းအချက်အလက်များအရ သွင်းကုန်ခွန်မှ ရရှိသည့်ဝင်ငွေသည် ဝင်ငွေခွန်မှရရှိသည့်ပမာဏကို အစားထိုးရန် လုံလောက်မှုမရှိနိုင်ကြောင်း ထောက်ပြမှုများ ရှိနေသည်။ အမေရိကန် ဖက်ဒရယ်အစိုးရသည် တစ်နှစ်လျှင် ဝင်ငွေခွန်မှ ဒေါ်လာ ၃ ထရီလီယံခန့် ရရှိနေပြီး၊ တစ်ဖက်တွင်လည်း နှစ်စဉ် ပစ္စည်းတင်သွင်းမှု တန်ဖိုးမှာ ဒေါ်လာ ၃ ထရီလီယံခန့် ရှိနေသည်။ ထို့ကြောင့် ဝင်ငွေခွန်နေရာတွင် အစားထိုးနိုင်ရန်အတွက် အနည်းဆုံး သွင်းကုန်အားလုံး အပေါ် အခွန်နှုန်းထား ၁၀၀ ရာခိုင်နှုန်းခန့်အထိ ကောက်ခံရန် လိုအပ် မည်ဖြစ်သည်။Tax Foundation ၏ ထုတ်ပြန်ချက်အရ လက်ရှိ အမေရိကန်၏ ထိရောက်သော သွင်းကုန်ခွန်နှုန်းထားမှာ ၁၀ ရာခိုင်နှုန်းဝန်းကျင်တွင်သာ ရှိနေသဖြင့် ဝင်ငွေခွန်ကို အစားထိုးရန်အတွက် အဆိုပါနှုန်းထားကို ၁၀ ဆခန့်အထိမြှင့်တင်ရမည့် အခြေအနေရှိသည်။ သို့သော် သွင်းကုန်ခွန်နှုန်းထားကို ထိုမျှအထိ အဆမတန်မြှင့်တင်ခြင်းသည် ကုန်စည်ဝယ်လိုအားကို ကျဆင်းစေနိုင်သဖြင့် အမှန်တကယ်ရရှိမည့် အခွန်ဝင်ငွေမှာ ခန့်မှန်းချက်အောက် လျော့နည်းသွားနိုင်ကြောင်း ပညာရှင်များက သုံးသပ်ကြသည်။ထို့အပြင် ဥပဒေကြောင်းအရ စိန်ခေါ်မှုများလည်း ရှိနေသည်။ အမေရိကန် တရားရုံးချုပ်က သမ္မတထရမ့်၏ သွင်းကုန်ခွန်ဆိုင်ရာ လုပ်ဆောင်ချက်အများစုမှာ ဥပဒေနှင့်ညီညွတ်မှုမရှိကြောင်း ဆုံးဖြတ်ထားသဖြင့် နှုန်းထားများကို ထပ်မံမြှင့်တင်ရန် ခဲယဉ်းနိုင်သည့်အပြင် ဖက်ဒရယ်ဝင်ငွေခွန်ကို အပြီးသတ်ပယ်ဖျက်နိုင်ရန်အတွက် အမေရိကန် လွှတ်တော် (Congress) တွင် ဥပဒေအသစ်တစ်ရပ် ပြဋ္ဌာန်းအတည်ပြုရန် လိုအပ်မည်ဖြစ်သည်။ကိုးကား- CNNPhoto: WSJဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
တရားမဝင်ကြောင်း ဆုံးဖြတ်ခြင်းခံရသော သွင်းကုန်ခွန်များမှရရှိသည့် ဒေါ်လာ ၁၃၄ ဘီလီယံကို ထရမ့်အစိုးရက ပြန်အမ်းရန် ဒီမိုကရက်များ ဥပဒေကြမ်းတင်သွင်း
တရားမဝင်ကြောင်း ဆုံးဖြတ်ခြင်းခံရသော သွင်းကုန်ခွန်များမှရရှိသည့် ဒေါ်လာ ၁၃၄ ဘီလီယံကို ထရမ့်အစိုးရက ပြန်အမ်းရန် ဒီမိုကရက်များ ဥပဒေကြမ်းတင်သွင်း
အထက်လွှတ်တော် လူနည်းစုခေါင်းဆောင် Chuck Schumer နှင့် ထိပ်တန်းဒီမိုကရက် အမတ်များသည် တရားရုံးချုပ်က တရားမဝင်ဟု ပယ်ချထားသည့် သွင်းကုန်ခွန်များမှ ကောက်ခံရရှိထားသော ခန့်မှန်းခြေ အမေရိကန်ဒေါ်လာ ၁၃၄ ဘီလီယံကို ထရမ့်အစိုးရက အပြည့်အဝ ပြန်လည်ပေးအပ်ရန်လိုအပ်သည့် ဥပဒေကြမ်းတစ်ခုကို တနင်္လာနေ့ (ဖေဖော်ဝါရီ ၂၃) တွင် တင်သွင်းခဲ့ကြသည်။ အဆိုပါလုပ်ရပ်သည် ရွေးကောက်ပွဲကျင်းပမည့်နှစ်တွင် ရစ်ပတ်ဘလီကန်ပါတီ (GOP) နှင့် ထိပ်တိုက်ရင်ဆိုင်မှု ဖြစ်လာစေရန် ဖန်တီးလိုက်ခြင်းလည်း ဖြစ်သည်။အဓိကကော်မတီများမှ ထိပ်တန်းဒီမိုကရက်အမတ်များ ရေးဆွဲထားသည့် အဆိုပါဥပဒေကြမ်းသည် ထရမ့်၏အခွန်စည်းကြပ်မှုများကို လိုက်နာခဲ့ရသည့် စီးပွားရေးလုပ်ငန်းရှင်များနှင့် သွင်းကုန်လုပ်ငန်းရှင်များအား ငွေများပြန်လည်ပေးချေရန် တောင်းဆိုထားသည်။ရစ်ပတ်ဘလီကန်တို့၏ ထောက်ခံမှုမပါဘဲ အဆိုပါဥပဒေကြမ်းသည် လွှတ်တော်တွင် အတည်ပြုနိုင်ခြေ နည်းပါးသော်လည်း ၎င်းသည် လူနေမှုစရိတ်ကြီးမြင့်မှုအပေါ် အာရုံစိုက်နေကြသည့် ကြားဖြတ် ရွေးကောက်ပွဲကာလတွင် ဒီမိုကရက်များအတွက် မဲဆွယ်စည်းရုံးရာ၌ အသာစီး ရစေမည့်အချက်တစ်ခု ဖြစ်လာမည်ဖြစ်သည်။အောက်လွှတ်တော်ဥက္ကဋ္ဌ Mike Johnson ကမူ အစိုးရအနေဖြင့် သွင်းကုန် ခွန်ငွေများကို ပြန်အမ်းရန်မလိုအပ်ကြောင်းနှင့် လွှတ်တော်အနေဖြင့် လည်း အဆိုပါကိစ္စတွင် ပါဝင်ဆောင်ရွက်ရန် မလိုဟု ယုံကြည်ကြောင်း တနင်္လာနေ့ (ဖေဖော်ဝါရီ ၂၃) တွင် CNN သို့ ပြောကြားခဲ့သည်။ "ယင်းက ယခုအချိန်မှာ အောက်လွှတ်တော်နှင့် တကယ်တမ်း ပတ်သက် ဆက်နွှယ်နေသည့် ကိစ္စရပ်တစ်ခု မဟုတ်ပါ" ဟု ၎င်းက ဆိုသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး -၂
Tue, 24-Feb-2026
ဥရောပသမဂ္ဂ (EU) နှင့် အမေရိကန်ပြည်ထောင်စုတို့အကြား ပြီးခဲ့သည့် နှစ်ကရရှိခဲ့သည့် နှစ်နိုင်ငံကုန်သွယ်ရေး သဘောတူညီချက်ကို အတည်ပြု နိုင်ရန်အတွက် အရေးပါသော မဲခွဲဆုံးဖြတ်မှုတစ်ခုကို ဥရောပပါလီမန်က ရွှေ့ဆိုင်းလိုက်သည်။ ပြီးခဲ့သည့်သောကြာနေ့ (ဖေဖော်ဝါရီ ၂၀) က အမေရိကန်တရားရုံးချုပ်၏ ဆုံးဖြတ်ချက်သည် သမ္မတ ဒေါ်နယ်ထရမ့်၏ နောင်လာမည့် အခွန် စည်းကြပ်မှုဆိုင်ရာ မဟာဗျူဟာအပေါ် မည်သို့သက်ရောက်မှုရှိမည်ကို အမေရိကန်နှင့် ဥရောပလုပ်ငန်းရှင်များက စိုးရိမ်နေကြစဉ် ယခု ခြေလှမ်းကြောင့် မရေရာမှုများ ပိုမိုမြင့်တက်လာစေမည်ဖြစ်သည်။ မူလက ဖေဖ
အမေရိကန်နှင့် ကုန်သွယ်ရေးသဘောတူညီချက်ကို အတည်ပြုမည့်လုပ်ငန်းစဉ်အား ဥရောပပါလီမန်က ဆိုင်းငံ့
ဥရောပသမဂ္ဂ (EU) နှင့် အမေရိကန်ပြည်ထောင်စုတို့အကြား ပြီးခဲ့သည့် နှစ်ကရရှိခဲ့သည့် နှစ်နိုင်ငံကုန်သွယ်ရေး သဘောတူညီချက်ကို အတည်ပြုနိုင်ရန်အတွက် အရေးပါသော မဲခွဲဆုံးဖြတ်မှုတစ်ခုကို ဥရောပပါလီမန်က ရွှေ့ဆိုင်းလိုက်သည်။ပြီးခဲ့သည့်သောကြာနေ့ (ဖေဖော်ဝါရီ ၂၀) က အမေရိကန်တရားရုံးချုပ်၏ ဆုံးဖြတ်ချက်သည် သမ္မတ ဒေါ်နယ်ထရမ့်၏ နောင်လာမည့် အခွန် စည်းကြပ်မှုဆိုင်ရာ မဟာဗျူဟာအပေါ် မည်သို့သက်ရောက်မှုရှိမည်ကို အမေရိကန်နှင့် ဥရောပလုပ်ငန်းရှင်များက စိုးရိမ်နေကြစဉ် ယခု ခြေလှမ်းကြောင့် မရေရာမှုများ ပိုမိုမြင့်တက်လာစေမည်ဖြစ်သည်။မူလက ဖေဖော်ဝါရီ ၂၄ ရက်နေ့တွင် ပြုလုပ်ရန် စီစဉ်ထားသည့် ဥရောပ ပါလီမန် အပြည်ပြည်ဆိုင်ရာ ကုန်သွယ်ရေးကော်မတီ၏ မဲခွဲမှုကို ပြုလုပ်တော့မည်မဟုတ်ပေ။ ထို့ကြောင့် Turnberry Deal ဟု လူသိများသည့် အမေရိကန်-အီးယူ ကုန်သွယ်ရေးသဘောတူညီချက်ကို ဥရောပပါလီမန် ညီလာခံက နောက်ဆုံးအဆင့်အတည်ပြုပေးမည့် လုပ်ငန်းစဉ်မှာ ကြန့်ကြာ သွားမည်ဖြစ်သည်။ကော်မတီဥက္ကဋ္ဌ Bernd Lange က ၎င်း၏ X အကောင့်တွင် "သဘောတူညီချက်အပေါ် ဥရောပပါလီမန်၏ လုပ်ဆောင်မှုတွေကို နောက်ထပ် အကြောင်းမကြားမချင်း ရပ်ဆိုင်းထားမှာဖြစ်ကြောင်း" ဖေဖော်ဝါရီ ၂၃ ရက်နေ့တွင် ရေးသားခဲ့သည်။ ထို့အပြင် လုပ်ငန်းစဉ်ကို ရှေ့ဆက် မဆောင်ရွက်မီ ရှင်းလင်းပြတ်သားမှုနှင့် ဥပဒေကြောင်းအရ ခိုင်မာမှုတို့ လိုအပ်ကြောင်းလည်း ၎င်းက ဖြည့်စွက်ပြောကြားခဲ့သည်။၎င်း၏ ထုတ်ပြန်ချက်တွင် "အမေရိကန်တရားရုံးချုပ်၏ ဆုံးဖြတ်ချက်ကနေ ထွက်ပေါ်လာမည့် သက်ရောက်မှုတွေကို လျစ်လျူရှုထား၍မရပါ ၊ အခြေအနေတွေက ယခင်အတိုင်း ပုံမှန်အတိုင်းပဲဟု သဘောထားပြီး ဆောင်ရွက်ရန် မဖြစ်နိုင်ပါ" ဟု ဖော်ပြထားသည်။ "အခြေအနေက လက်ရှိတွင် ယခင်ကထက် ပိုပြီး မရေမရာဖြစ်နေပါပြီ ၊ ယင်းက မိမိတို့ Turnberry Deal နှင့် ဖော်ဆောင်ရန် ကြိုးစားခဲ့သည့် တည်ငြိမ်မှုနှင့် ခန့်မှန်းတွက်ချက်နိုင်စွမ်းရှိမှုတို့နှင့် ဆန့်ကျင်ဘက် ဖြစ်နေပါသည်" ဟု ၎င်းက ဆိုသည်။မူလက အင်္ဂါနေ့ (ဖေဖော်ဝါရီ ၂၄) တွင် ပြုလုပ်ရန် သတ်မှတ်ထားသော မဲခွဲမှုသည် အဆင့်ဆင့်ဆောင်ရွက်ရမည့် ဥပဒေပြုရေးလုပ်ငန်းစဉ်၏ အဆင့်တစ်ခု ဖြစ်သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး -၂
Tue, 24-Feb-2026
အမေရိကန် တရားရုံးချုပ်၏ ဆုံးဖြတ်ချက်သစ်ကြားမှ ဗြိတိန်-အမေရိကန် ကုန်သွယ်ရေးသဘောတူညီချက်များ ဆက်လက်တည်မြဲရန် ဗြိတိန် မျှော်လင့်
အမေရိကန် တရားရုံးချုပ်၏ ဆုံးဖြတ်ချက်သစ်ကြားမှ ဗြိတိန်-အမေရိကန် ကုန်သွယ်ရေးသဘောတူညီချက်များ ဆက်လက်တည်မြဲရန် ဗြိတိန် မျှော်လင့်
အမေရိကန်သမ္မတ ဒေါ်နယ်ထရမ့်၏ သွင်းကုန်ခွန်ကောက်ခံမှု အများစုကို အမေရိကန်တရားရုံးချုပ်က ပယ်ဖျက်လိုက်ခြင်းကြောင့် နှစ်နိုင်ငံကြား ကုန်သွယ်ရေးအခြေအနေများ မရေမရာဖြစ်လာသော်လည်း လွန်ခဲ့သည့် နှစ်က ချုပ်ဆိုခဲ့သော ကုန်သွယ်ရေးသဘောတူညီချက်၏ အဓိက အစိတ်အပိုင်းများကို ဆက်လက်ထိန်းသိမ်းထားနိုင်မည်ဟု ဗြိတိန်အစိုးရက ယုံကြည် နေသည်။ ဗြိတိန်အစိုးရ ပြောရေးဆိုခွင့်ရှိသူ၏ ပြောကြားချက်အရ ယခု တရားရုံးချုပ်၏ ဆုံးဖြတ်ချက်သည် ကဏ္ဍအလိုက် သတ်မှတ်ထားသော အခွန် နှုန်းထားများအပါအဝင် ကုန်သွယ်မှု အများစုအပေါ် သက်ရောက်မှု ရှိလိမ့်မည်မဟုတ်ကြောင်းနှင့် အမေရိကန်ဘက်ကလည်း လက်ရှိ သဘောတူညီချက်များမှာ အတည်ဖြစ်နေဆဲဖြစ်ကြောင်း အတည်ပြုထားသည် ဟု သိရှိရသည်။သို့သော်လည်း အမေရိကန်သမ္မတက ကုန်သွယ်ဖက်နိုင်ငံအားလုံးအပေါ် အခြေခံသွင်းကုန်ခွန် ၁၅ ရာခိုင်နှုန်း (15% Baseline Tariff) အသစ် သတ်မှတ်မည်ဟု မကြာသေးမီက ကြေညာခဲ့ခြင်းကြောင့် ဗြိတိန်အစိုးရအတွင်း စိုးရိမ်ပူပန်မှုများလည်း ရှိနေသည်။ အထူးသဖြင့် လွန်ခဲ့သည့် မေလက သဘောတူညီချက်အရ ဗြိတိန်ထုတ် မော်တော်ကားများ၊ လေယာဉ်အစိတ်အပိုင်းများနှင့် စိုက်ပျိုးရေးထွက်ကုန်များအတွက် ရရှိထားသည့် အထူးအခွန်သက်သာခွင့်များမှာ မည်သို့ဖြစ်လာမည်ကို စောင့်ကြည့်ရမည်ဖြစ်သည်။ ထို့အပြင် ယခင်က ပယ်ဖျက်ရန်စီစဉ်ခဲ့သော်လည်း လက်ရှိတွင်ရပ်ဆိုင်းထားရသည့် ဗြိတိန်သံမဏိအခွန်ကိစ္စမှာလည်း ထည့်သွင်း စဉ်းစားရမည့် အချက်တစ်ခု ဖြစ်လာသည်။လက်ရှိတွင် ဗြိတိန်အစိုးရသည် ဝါရှင်တန်အုပ်ချုပ်ရေးအဖွဲ့နှင့် အဆင့်တိုင်း တွင် ဆက်လက်ညှိနှိုင်းမှုများ ပြုလုပ်နေပြီး ဗြိတိန်စီးပွားရေး လုပ်ငန်း များအတွက် အကောင်းဆုံးရလဒ်ရရှိရန် ကြိုးပမ်းလျက်ရှိသည်။ နှစ်ဖက်စလုံးမှ အခြေအနေများကို ပိုမိုတင်းမာစေမည့် "ကုန်သွယ်ရေးစစ်ပွဲ" (Trade War) ဖြစ်ပွားခြင်းကို လုပ်ငန်းရှင်များက မလိုလားသောကြောင့် ဗြိတိန်အနေဖြင့် အပြုသဘောဆောင်သည့် ဆွေးနွေးမှုများမှတစ်ဆင့် မိမိတို့၏ ကုန်သွယ်ရေးဆိုင်ရာအားသာချက်များကို ဆက်လက်ထိန်းသိမ်းသွားရန် အာရုံစိုက်ဆောင်ရွက်နေကြောင်း သိရှိရသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး -၂
Tue, 24-Feb-2026
တရားရုံးချုပ် ဆုံးဖြတ်ချက်အပေါ် အခွင့်ကောင်းယူသည့် နိုင်ငံများကို သွင်းကုန်ခွန် တိုးမြှင့်မည်ဟု သမ္မတ ထရမ့် ခြိမ်းခြောက်
တရားရုံးချုပ် ဆုံးဖြတ်ချက်အပေါ် အခွင့်ကောင်းယူသည့် နိုင်ငံများကို သွင်းကုန်ခွန်တိုးမြှင့်မည်ဟု သမ္မတ ထရမ့် ခြိမ်းခြောက်
တရားရုံးချုပ်၏ ဆုံးဖြတ်ချက်ထွက်ပေါ်လာပြီးနောက် အခြေအနေကို အခွင့်ကောင်းယူကာ ကစားလိုသည့် မည်သည့်နိုင်ငံမဆို ပိုမိုမြင့်မားသော သွင်းကုန်ခွန်များကို ပေးဆောင်ရမည်ဟု သမ္မတ ဒေါ်နယ်ထရမ့်က တနင်္လာနေ့ (ဖေဖော်ဝါရီ ၂၃) တွင် သတိပေး ခြိမ်းခြောက်လိုက်သည်။သမ္မတက ၎င်း၏ Truth Social လူမှုကွန်ရက်စာမျက်နှာတွင် “အဆိုပါ ရယ်စရာကောင်းသည့် တရားရုံးချုပ်၏ ဆုံးဖြတ်ချက်အပေါ် အခြေခံပြီး ကစားချင်နေသည့် မည်သည့်နိုင်ငံမဆို၊ အထူးသဖြင့် အမေရိကန်ကို နှစ်ပေါင်းများစွာ၊ ဆယ်စုနှစ်ပေါင်းများစွာ တစ်ဖက်သတ် အမြတ်ထုတ်ခဲ့သည့် နိုင်ငံများသည် ၎င်းတို့ ယခုလက်ရှိ သဘောတူထားသည်ထက် အဆပေါင်းများစွာ ပိုမြင့်သည့် သွင်းကုန်ခွန်တွေ၊ သို့မဟုတ် ထို့ထက် ပိုဆိုးသည့်အခြေအနေများနှင့် ရင်ဆိုင်ရပါလိမ့်မည်” ဟု ရေးသားခဲ့သည်။ထရမ့် သတ်မှတ်ခဲ့သည့် အရေးပေါ် ကုန်သွယ်ရေး သွင်းကုန်ခွန်များသည် ဥပဒေနှင့် မညီကြောင်း တရားရုံးချုပ်က ပြီးခဲ့သည့် သောကြာနေ့ (ဖေဖော်ဝါရီ ၂၀) တွင် ဆုံးဖြတ်ချက်ချမှတ်ခဲ့ပြီးနောက် သမ္မတသည် တရားရုံးချုပ်အပေါ် ဆက်တိုက် ပြစ်တင်ဝေဖန်မှုများ ပြုလုပ်နေခြင်းဖြစ်သည်။ သမ္မတသည် ၎င်း၏ကုန်သွယ်ရေးစစ်ပွဲကို အရှိန်မြှင့်တင်ရန် ဆုံးဖြတ်ခဲ့ပြီး ပြီးခဲ့သည့် ရုံးပိတ်ရက်အတွင်းကလည်း ကမ္ဘာလုံးဆိုင်ရာ သွင်းကုန်ခွန်သစ် ၁၅ ရာခိုင်နှုန်းကို ထပ်မံတိုးမြှင့်ကြောင်း ကြေညာ ခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး -၂
Tue, 24-Feb-2026
© Copyright 2024 SAC All Rights Reserved.