ကျောက်ဆည်ခရိုင်အပူပိုင်းဒေသ စိမ်းလန်းစိုပြည်ရေးဦးစီးဌာနမှ လက်ထောက်ညွှန်ကြားရေးမှူး ရွာသုံးစိုက်ခင်း ၁၀ ဧက စိုက်ပျိုးရန်အတွက် တူးထားသော စိုက်ကျင်းများအား ကြည့်ရှု

KookieSpace97

News Image

  • ကျောက်ဆည်ခရိုင်အပူပိုင်းဒေသ စိမ်းလန်းစိုပြည်ရေးဦးစီးဌာနမှ လက်ထောက်ညွှန်ကြားရေးမှူး ရွာသုံးစိုက်ခင်း ၁၀ ဧက စိုက်ပျိုးရန်အတွက် တူးထားသော စိုက်ကျင်းများအား ကြည့်ရှု

ကျောက်ဆည် ဇန်နဝါရီ ၃၀

မန္တလေးတိုင်းဒေသကြီး ကျောက်ဆည်မြို့နယ် အပူပိုင်းစိမ်းလန်းစိုပြည်ရေးဦးစီးဌာနမှ သစ်တောပြုန်းတီးမှုမှ ကာကွယ်ရေးနှင့် ပြည်သူများ ထင်းသုံးစွဲမှု အထောက်အပံ့ရရှိရေး ကျေးရွာသုံးစိုက်ခင်းများ ထူထောင်ပြီး ပြည်သူများအား ထင်းများကို ပေးဝေလျက်ရှိကြောင်း သိရှိရပြီး ယမန်နေ့မွန်းလွဲ ၁ နာရီက ကျောက်ဆည်ခရိုင် အပူပိုင်း ဒေသစိမ်းလန်းစိုပြည်ရေးဦးစီးဌာနနမှ လက်ထောက်ညွှန်ကြားရေးမှူး ဦးဝင်းဘိုနှင့် တာဝန်ရှိသူများက ၂၀၂၆-၂၀၂၇ ခုနှစ် ရဒါန်းချောင်းဆုံကြိုးဝိုင်း၌ ကျေးရွာသုံးစိုက်ခင်း ၁၀ ဧက စိုက်ပျိုးရန်အတွက် တူးထားသော စိုက်ကျင်းများအား ကွင်းဆင်းကြည့်ရှုခဲ့ကြောင်း  သိရသည်။

ကျေးရွာသုံးစိုက်ခင်း ၁၀ ဧက စိုက်ပျိုးရန်အတွက် တူးထားသော စိုက်ကျင်းများသည် ရဒါန်းချောင်းဆုံ ကြိုးဝိုင်းအမှတ် (၁၇) တွင် တည်ရှိပြီး ကျောက်ဆည်ခရိုင်အပူပိုင်းဒေသစိမ်းလန်းစိုပြည်ရေးဦးစီးဌာနမှ လက်ထောက်ညွှန်ကြားရေးမှူး က စိုက်ကျင်းများအားကြည့်ရှုခဲ့ပြီး ကျေးရွာသုံးစိုက်ခင်း ပျိုးပင်များ စိုက်ပျိုးပြီးစီးခဲ့ပါက သဘာဝနွားချေးများ ထည့်သွင်းခြင်း၊ ကျင်းဖို့ခြင်းလုပ်ငန်းများကို သတ်မှတ်ချက်များနှင့်အညီ အချိန်နှင့်တစ်ပြေးညီ ဆောင်ရွက်ရန် လမ်းညွှန်မှာကြားခဲ့ကြောင်း သိရသည်။ 

သက်မောင်(ကျောက်ဆည်) 

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

အမေရိကန်၏ တင်းကျပ်သောပိတ်ဆို့မှုများကြောင့် ကျူးဘားနိုင်ငံ၌ ကလေးငယ်များစွာသေဆုံးနေရဟု ကုလသမဂ္ဂသတိပေး
အမေရိကန်၏ တင်းကျပ်သောပိတ်ဆို့မှုများကြောင့် ကျူးဘားနိုင်ငံ၌ ကလေးငယ်များစွာသေဆုံးနေရဟု ကုလသမဂ္ဂသတိပေး
အမေရိကန်အစိုးရ၏ တင်းကျပ်သောပိတ်ဆို့မှုများကြောင့်    ကျူးဘားနိုင်ငံ၌ရှိသော ကလေးငယ်များသေဆုံးနေရခြင်းဖြစ်ကြောင်း၊ အဓိကအားဖြင့် မွေးကင်းစကလေးငယ်များသေဆုံးမှု မြင့်တက်ကာကင်ဆာရောဂါဖြစ်နေသည့် ကလေးငယ်များ၏ အသက်ရှင်သန်နိုင်သည့်နှုန်းသည်လည်းကျဆင်းလာကြောင်း ကုလသမဂ္ဂကသတိပေးထားသည်။အမေရိကန်သမ္မတ  ဒေါ်နယ်ထရမ့်၏ အစိုးရအဖွဲ့သည် ကျူးဘားအစိုးရအပေါ် ဖိအားပေးသည့်အနေဖြင့် ယင်းနိုင်ငံသို့လောင်စာဆီ ဝင်ရောက်မှုအားလုံးနီးပါးကို ဖြတ်တောက်ထားသည့်အတွက် အဆိုပါကျွန်းနိုင်ငံတွင်ရှိသော ပြည်သူ ၁၀ သန်းကျော်မှာ သောက်သုံးရေ၊ စားနပ်ရိက္ခာနှင့်ကျန်းမာရေးစောင့်ရှောက်မှုများ ရရှိခြင်းမရှိကြောင်း ကုလသမဂ္ဂ၏ လူ့အခွင့်အရေးဆိုင်ရာ မဟာမင်းကြီး ဗော်ကာတာ့ကပြောသည်။လောင်စာဆီဖြတ်တောက်မှုများအပါအဝင် အခြားသောပိတ်ဆို့ကန့်သတ်မှုများသည် ကျူးဘားပြည်သူများအပေါ် တိုက်ရိုက်သက်ရောက်နေကြောင်း၊ ဆရာဝန်များအနေဖြင့် အရေးကြီးသောဆေးပစ္စည်းများကို အသုံးပြုနိုင်ခြင်း မရှိသည့်အတွက်ကလေးငယ်များ သေဆုံးနေရခြင်းဖြစ်ပြီး ထိုသို့ဖြစ်ပေါ်နေမှုကို လက်ခံနိုင်ဖွယ်မရှိကြောင်းနှင့် အဆိုပါ ပိတ်ဆို့မှုများကို ချက်ချင်းရုပ်သိမ်းပေးရမည် ဖြစ်ကြောင်း ကုလသမဂ္ဂ၏ လူ့အခွင့်အရေးဆိုင်ရာ မဟာမင်းကြီးကပြောသည်။ အမေရိကန် အစိုးရက ၎င်းတို့အနေဖြင့် လူသားချင်းစာနာမှုဆိုင်ရာ အကူအညီများကို ကန့်သတ်ထားခြင်း မရှိကြောင်း ပြောထားသည်။           Ref: STMWD
Wed, 10-Jun-2026
အမျိုးသားအဆင့်ရေအရင်းအမြစ်ကော်မတီဥက္ကဋ္ဌ၊ နိုင်ငံတော်သမ္မတ ဦးမင်းအောင်လှိုင် အမျိုးသားအဆင့်ရေအရင်းအမြစ်ကော်မတီအစည်းအဝေးသို့ တက်ရောက်အမှာစကားပြောကြား
အမျိုးသားအဆင့်ရေအရင်းအမြစ်ကော်မတီဥက္ကဋ္ဌ၊ နိုင်ငံတော်သမ္မတ ဦးမင်းအောင်လှိုင် အမျိုးသားအဆင့်ရေအရင်းအမြစ်ကော်မတီအစည်းအဝေးသို့ တက်ရောက်အမှာစကားပြောကြား
နေပြည်တော် ဇွန် ၉အမျိုးသားအဆင့်ရေအရင်းအမြစ်ကော်မတီအစည်းအဝေးကို ယနေ့မွန်းလွဲပိုင်းတွင် နိုင်ငံတော်သမ္မတရုံးတော်၊ အစည်းအဝေးခန်းမ၌ကျင်းပပြုလုပ်ရာ အမျိုးသားအဆင့်ရေအရင်းအမြစ်ကော်မတီဥက္ကဋ္ဌ၊ နိုင်ငံတော်သမ္မတ ဦးမင်းအောင်လှိုင် တက်ရောက်အမှာစကားပြောကြားသည်။အဆိုပါအစည်းအဝေးသို့ အမျိုးသားအဆင့်ရေအရင်းအမြစ်ကော်မတီဥက္ကဋ္ဌ၊ နိုင်ငံတော်သမ္မတနှင့်အတူ ကော်မတီဒုတိယဥက္ကဋ္ဌ ပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးမြထွန်းဦး၊ ကော်မတီဝင်ပြည်ထောင်စုဝန်ကြီးများ၊ နေပြည်တော်ကောင်စီဥက္ကဋ္ဌ၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ ကော်မတီအတွင်းရေးမှူး၊ ရန်ကုန်တိုင်းဒေသကြီးနှင့် မန္တလေးတိုင်းဒေသကြီးတို့မှ မြို့တော်စည်ပင်သာယာရေးကော်မတီဥက္ကဋ္ဌများနှင့် တာဝန်ရှိသူများတက်ရောက်ကြပြီး တိုင်းဒေသကြီးနှင့်ပြည်နယ်အစိုးရအဖွဲ့ ဝန်ကြီးချုပ်များက Video Conferencing ဖြင့် တက်ရောက်ကြသည်။ဦးစွာ အမျိုးသားအဆင့်ရေအရင်းအမြစ်ကော်မတီဥက္ကဋ္ဌ၊ နိုင်ငံတော်သမ္မတက အဖွင့်အမှာစကားပြောကြားရာတွင် မိမိတို့နိုင်ငံ၏ရေအရင်းအမြစ်များကို အကျိုးရှိစွာဖြင့် ထိရောက်စွာအသုံးချနိုင်ရေး၊ တစ်နိုင်ငံလုံးလွှမ်းခြုံသည့် ဘက်စုံစီမံခန့်ခွဲမှုများ ဆောင်ရွက်နိုင်ရေးနှင့် ရေကဏ္ဍဖွံ့ဖြိုးတိုးတက်စေရေးအတွက် အထောက်အကူဖြစ်စေရန်၊ ရေနှင့်ဆက်နွှယ်သည့် ဒေသတွင်းနှင့် နိုင်ငံတကာရေကဏ္ဍများတွင် ပူးပေါင်း ဆောင်ရွက်နိုင်ရေးအတွက် “အမျိုးသားအဆင့် ရေအရင်းအမြစ်ကော်မတီ” ကို ၂၀၂၆ ခုနှစ်၊ ဧပြီလ ၂၀ ရက်နေ့တွင် မိမိအနေဖြင့် ဥက္ကဋ္ဌအဖြစ် ပြင်ဆင်ဖွဲ့စည်းဆောင်ရွက်ခဲ့ကြောင်း။အမျိုးသားအဆင့်ရေအရင်းအမြစ်ကော်မတီအနေဖြင့် လုပ်ငန်းတာဝန် ၁၂ ရပ်ကို အကောင်အထည်ဖော်ဆောင်ရွက်လျက်ရှိကြောင်း၊ အထူးသဖြင့် ရေအရင်းအမြစ်များကို ထိရောက်စွာအသုံးချရေး၊ နွေကာလရေရှားပါးမှုနှင့် ရာသီဥတုပြောင်းလဲမှုကြောင့် ဖြစ်ပေါ်လာသည့် မြစ်ရေနည်းပါးမှုပြဿနာ ဖြေရှင်းပေးနိုင်ရေးအတွက် အစီအစဉ်များ ရေးဆွဲချမှတ်အကောင်အထည်ဖော် ဆောင်ရွက်လျက်ရှိကြောင်း၊ အမျိုးသားရေဥပဒေရေးဆွဲပြဋ္ဌာန်းနိုင်ရေးအတွက်လည်း ဆောင်ရွက်နေကြောင်း၊ ထို့အပြင် ရေနှင့်ပတ်သက်သည့် သဘာဝဘေးအန္တရာယ်များ ကျရောက်မှုကြောင့်ဖြစ်ပေါ်နိုင်သည့် ပျက်စီးဆုံးရှုံးမှုများ လျော့နည်းစေရေးအစီအမံများဆောင်ရွက်ခြင်းနှင့် ရေအရင်းအမြစ်များဖွံ့ဖြိုးတိုးတက်ရေးဆိုင်ရာ စီမံကိန်းများရေးဆွဲရန် လိုအပ်သည့်ရေအရင်းအမြစ်ဆိုင်ရာ အချက်အလက်စုဆောင်းခြင်းများကိုလည်း အလေးပေးဆောင်ရွက်လျက်ရှိကြောင်း။အမျိုးသားအဆင့်ရေအရင်းအမြစ်ကော်မတီအနေဖြင့် ကော်မတီ၏လှုပ်ရှားမှုအဖြစ် နှစ်စဉ် မတ်လ ၂၂ ရက်တွင်ကျရောက်သည့် “ကမ္ဘာ့ရေနေ့” အထိမ်းအမှတ်အခမ်းအနားနှင့် ဘာသာရပ်ဆိုင်ရာဆွေးနွေးပွဲများကို ကျယ်ကျယ်ပြန့်ပြန့်ဖြင့် အဓိပ္ပာယ်ပြည့်ပြည့်ဝဝ ကျင်းပပေးနိုင်ခဲ့ကြောင်း၊ ရေသည် လူသားများ၏အလိုအပ်ဆုံး သဘာဝအရင်းအမြစ်တစ်ခုဖြစ်ပြီး လူမှုဘဝကဏ္ဍအားလုံးနှင့် တိုက်ရိုက်ဆက်နွှယ်နေကြောင်း၊ ထို့ကြောင့်လည်း ယနေ့ကမ္ဘာပေါ်တွင် ရာသီဥတုပြောင်းလဲမှု၏ အကျိုးဆက်များကြောင့် လျော့နည်းပျက်စီးလာသည့် ရေအရင်းအမြစ်များကို ထိန်းသိမ်းရေးသည် ရေရှည်ဖွံ့ဖြိုးတိုးတက်မှုအတွက် အရေးကြီးကြောင်း။မိမိတို့ မြန်မာနိုင်ငံတွင် စီးဆင်းနေသည့်အဓိကမြစ်ကြီး ၄ သွယ် အပါအဝင် မြစ်ချောင်းများ၊ သဘာဝရေကန်ကြီးများ၊ စိမ့်တောများမှ နှစ်စဉ်ရေချိုဧက ပေ သန်း ၈၀၀ ကျော် စီးဆင်းလျက်ရှိနေကြောင်း၊ သို့သော်လည်း အဆိုပါစီးဆင်းနေသည့် ရေချိုပမာဏ၏ ရာခိုင်နှုန်းအနည်းငယ်ခန့်ကိုသာ စိုက်ပျိုးရေး၊ မွေးမြူရေး၊ စက်မှုလုပ်ငန်းသုံးနှင့် အိမ်သုံးရေ စသည့်ကဏ္ဍများတွင်သုံးစွဲနိုင်ကြောင်း၊ ထို့ကြောင့် မိမိတို့အနေဖြင့် ရေအရင်းအမြစ်များကို ပိုမိုပြီးထိထိရောက်ရောက် အကျိုးရှိရှိအသုံးချပြီး နိုင်ငံစီးပွားရေး ဖွံ့ဖြိုးတိုးတက်ရေးဆောင်ရွက်ရန် ရေဆိုင်ရာရင်းနှီးမြှုပ်နှံမှုများဆောင်ရွက်ရန် အလားအလာကောင်းများရှိနေသည်ကို တွေ့ရမည်ပင်ဖြစ်ကြောင်း၊ ထို့ကြောင့် ရေချိုအရင်းအမြစ်များ ထိန်းသိမ်းအသုံးချရန် အနိမ့်တမံများတည်ဆောက်ရေး၊ ရေအားလျှပ်စစ်ထုတ်လုပ်ရေး၊ မြို့ပြနှင့်ကျေးလက်သောက်သုံးရေပေးဝေရေး၊ စိုက်ပျိုးရေပေးဝေရေးနှင့် ရေဆိုင်ရာထုတ်ကုန်များကို စီးပွားဖြစ်ထုတ်လုပ်ရေးအတွက် အလားအလာများ ရှာဖွေကြရန်လိုကြောင်း။မိမိတို့နိုင်ငံတွင်ရှိသည့် မြစ်ချောင်းများမှထုတ်လုပ်နိုင်သည့် ရေအားလျှပ်စစ်ပမာဏသည် မဂ္ဂါဝပ် တစ်သိန်းကျော်ရှိသည်ဟု လေ့လာသိရှိရကြောင်း၊ လက်ရှိထုတ်လုပ်နိုင်သည့် ရေအားလျှပ်စစ်ပမာဏသည် ၃,၅၀၀ မဂ္ဂါဝပ်ခန့်သာရှိသည့်အတွက် ၃ ဒသမ ၅ ရာခိုင်နှုန်းခန့်သာ ထုတ်လုပ်နိုင်သေးသည်ကိုလည်းတွေ့ရှိရကြောင်း၊ ထို့ကြောင့် ပြန်လည်ပြည့်ဖြိုးမြဲစွမ်းအင်ဖြစ်ပြီး ထိထိရောက်ရောက်အကျိုးရှိနိုင်မည့် ရေအားလျှပ်စစ်ထုတ်လုပ်ရေးတွင် ရင်းနှီးမြှုပ်နှံမှုများ ပိုမိုရရှိအောင် ဆောင်ရွက်ရမည်ဖြစ်ကြောင်း။စိုက်ပျိုးရေးတွင်ဆိုပါက တစ်နိုင်ငံလုံး စပါးစိုက်ဧက ၁၅ သန်းနီးပါးရှိရာတွင် မိုးရာသီ၌ ဧက ၁၅ သန်းခန့် စိုက်ပျိုးနိုင်သော်လည်း နွေရာသီတွင် စိုက်ဧရိယာ ဧက ၂ ဒသမ ၇၁ သန်းခန့်သာ စိုက်ပျိုးနိုင်ကြောင်းကို တွေ့ရကြောင်း၊ စိုက်ဧကတိုးချဲ့ခြင်းသည် အဓိကမဟုတ်ဘဲရှိသည့် စိုက်ဧကအတွင်း အောင်မြင်အောင်စိုက်ပျိုးကြစေလိုကြောင်း၊ မိမိတို့နိုင်ငံ၏ တချို့ဒေသများ၌ တစ်နှစ်အတွင်း သီးထပ်သုံးကြိမ်အထိ စိုက်ပျိုးနိုင်သည်ကိုတွေ့ရပြီး တချို့ဒေသများတွင် သီးထပ် နှစ်ကြိမ်အထိ စိုက်ပျိုးနိုင်သည်ကို တွေ့ရှိရကြောင်း၊ အချို့ဒေသများ၌မူ သီးထပ်လုံးဝမစိုက်ပျိုး နိုင်သည်ကိုလည်း တွေ့ရကြောင်း၊ နွေရာသီကာလတွင် စိုက်ပျိုးနိုင်ရန်လိုအပ်သည့် ရေအရင်းအမြစ်ကိုရရှိရန်အတွက် ချောင်းပိတ်၊ မြောင်းပိတ်ရေလှောင်ကန်များတည်ဆောက်ခြင်း၊ သဲချောင်းများတွင် မြေအောက်တမံများတည်ဆောက်ခြင်း၊ ဆိုလာမြစ်ရေတင်လုပ်ငန်းများ ဆောင်ရွက်ခြင်း၊ စက်ရေတွင်းများတူးဖော်၍ ဆိုလာရေတင်စနစ်များဆောင်ရွက်နိုင်မည်ဆိုပါက နိုင်ငံ၏စားရေရိက္ခာ ဖူလုံစေနိုင်မည်ဖြစ်ကြောင်းကို တွေ့ရှိရကြောင်း။နိုင်ငံတစ်ဝန်း တည်ဆောက်ပြီးဖြစ်သည့် ဆည်တမံများ၏ ကြံ့ခိုင်ရေး၊ သဲနုန်းပို့ချမှုအခြေအနေ၊ ရေဝင်ရောက်မည့် ရေဝေရေလဲဒေသအခြေအနေ၊ ရေပိုလွှဲများနှင့် ရေမြောင်းစနစ် စသည်တို့ကို ပုံမှန်စစ်ဆေးပြီး လိုအပ်သည်များကို အစဉ်အမြဲပြုပြင်ထိန်းသိမ်းနေရန် လိုအပ်ကြောင်း၊ သဘာဝပတ်ဝန်းကျင်ထိခိုက်မှုလျှော့ချရေးနှင့် ရေအရင်းအမြစ်များထိန်းသိမ်းရေးအတွက် သက်ဆိုင်ရာဝန်ကြီးဌာနများနှင့် တိုင်းဒေသကြီး၊ ပြည်နယ်အစိုးရအဖွဲ့များက ပေါင်းစပ်ညှိနှိုင်းဆောင်ရွက်သွားရမည်ဖြစ်ကြောင်း၊ တောမီးရှို့ခြင်းများ၊ တောင်ယာမီးရှို့ခြင်းများသည်လည်း ရေဝေရေလဲဒေသများအပါအဝင် သဘာဝပတ်ဝန်းကျင်ကို ထိခိုက်စေနိုင်သည့်အတွက် အသိပညာပေးမှုနှင့် ကာကွယ်တားဆီးမှုများ ဆောင်ရွက်နိုင်ရေး တိုင်းဒေသကြီး၊ ပြည်နယ်အလိုက် စီမံချက်များချမှတ်ဆောင်ရွက်သွားကြရမည်ဖြစ်ကြောင်း။နွေရာသီတွင် သောက်သုံးရေနှင့်စိုက်ပျိုးရေရှားပါးသည့် စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီးများမှကျေးရွာများတွင် ရေရရှိရေးအတွက် နှစ်အလိုက်စီမံချက်ချ ဆောင်ရွက်ခြင်းများကို အရှိန်မြှင့်တင်သွားရန်လိုကြောင်း၊ အချို့ တိုင်းဒေသကြီးနှင့် ပြည်နယ်များမှ အချို့နေရာများတွင်လည်း နွေရာသီမိုးမကျမီကာလ၌ သောက်သုံးရေပြတ်လပ်မှုများရှိနေဆဲဖြစ်သည်ကို တွေ့ရကြောင်း၊ မိုးများသည့်ဒေသများဖြစ်သည့် မြန်မာနိုင်ငံအောက်ပိုင်းနှင့် ကမ်းရိုးတန်းဒေသများအပါအဝင် တိုင်းဒေသကြီး၊ ပြည်နယ်များအလိုက် အိမ်တိုင်းတွင် တစ်ပိုင်တစ်နိုင် မိုးရေကိုစုဆောင်းသိုလှောင်ကြရန်နှင့် ရပ်ကွက်၊ ကျေးရွာအလိုက် တစ်နှစ်ပတ်လုံး ရေဖူလုံစေရေးအတွက် ကြိုတင်ပြင်ဆင်ဆောင်ရွက်ကြရန် တိုက်တွန်းမှာကြားလိုကြောင်း၊ မိမိတို့ တိုင်းဒေသကြီးနှင့် ပြည်နယ်များ၌ ရေရရှိရေးဆိုင်ရာအခက်အခဲများ၊ ဖြေရှင်းဆောင်ရွက်ပေးမည့် အစီအမံများကိုလည်း ယခုအစည်းအဝေးတွင် တင်ပြဆွေးနွေးသွားစေလိုကြောင်း။ယခုအခါ တစ်ကမ္ဘာလုံးနှင့်ဆိုင်သည့် ရာသီဥတုပြောင်းလဲခြင်း ဖြစ်စဉ်များ၏ အကျိုးသက်ရောက်မှုများကြောင့် အပူချိန်မြင့်မားလာခြင်း၊ မိုးရွာသွန်းမှုပုံစံမမှန်ခြင်း၊ မုန်တိုင်းများတိုက်ခတ်ခြင်း၊ ရေကြီးခြင်း၊ မြေပြိုခြင်း၊ မိုးခေါင်ခြောက်သွေ့ခြင်း၊ ရေရှားပါးခြင်း၊ ငလျင်လှုပ်ခြင်း စသည့်သဘာဝဘေးအန္တရာယ်များကလည်း ကမ္ဘာ့နေရာအနှံ့အပြားတွင် ဖြစ်ပေါ်ခံစားနေကြရကြောင်း၊ ယခုနှစ်တွင် အယ်လ်နီညိုပေါ်ပေါက်ရန် ဖြစ်နိုင်ခြေမြင့်မားနေသည့်အတွက် ၂၀၂၆ နှစ်လယ်ပိုင်းမှ ၂၀၂၇ နှစ်လယ်ပိုင်းအထိ အပူဒဏ်လွန်ကဲခြင်း၊ မိုးခေါင်ရေရှားခြင်း ဖြစ်လာနိုင်မည်ဖြစ်သဖြင့် ယင်းကိုကာကွယ်နိုင်ရန် ယခုကတည်းက ကြိုတင်ပြင်ဆင်ထားရမည်ဖြစ်ကြောင်း။၁၉၅၀ ပြည့်နှစ်မှ ၂၀၂၆ ခုနှစ်အတွင်း အားကောင်းသည့် အယ်လ်နီညို ဖြစ်ပေါ်ခဲ့သည့်နှစ်များနှင့် အင်အားပြင်းထန်သည့် အယ်လ်နီညိုဖြစ်ပေါ်ခဲ့သောနှစ်များရှိခဲ့ပြီး ပြည်တွင်းဒေသအများစု၌ အမြင့်ဆုံးအပူချိန်စံချိန်သစ်တင်ခြင်းများနှင့် မိုးခေါင်မှုနှင့် သောက်သုံးရေ ပြတ်လပ်မှုများ ကြုံတွေ့ခဲ့ကြရကြောင်း။၂၀၀၉-၂၀၁၀ ပြည့်နှစ်တွင်ဖြစ်ပေါ်ခဲ့သည့် အားအသင့်အတင့်ရှိသော အယ်လ်နီညိုဖြစ်စဉ်ကြောင့် ၂၀၁၀ ပြည့်နှစ် မေလအတွင်း မိုးလေဝသ စခန်းပေါင်း ၂၀ သည် အမြင့်ဆုံးအပူချိန် စံချိန်သစ်တင်ခဲ့ကြကြောင်း၊ စစ်ကိုင်းတိုင်းဒေသကြီး မြင်းမူမြို့၌ အမြင့်ဆုံးအပူချိန် ၄၇ ဒသမ ၂ ဒီဂရီဆဲလ်စီးယပ်ဖြင့် စံချိန်သစ်တင်ခဲ့ပြီး ၎င်းစံချိန်သစ်သည် ယင်းအချိန်က မြန်မာနိုင်ငံတစ်နိုင်ငံလုံး၏ အမြင့်ဆုံးအပူချိန် စံချိန်သစ်လည်းဖြစ်ခဲ့ကြောင်း၊ ၂၀၂၄ ခုနှစ်သည် ကမ္ဘာတစ်ဝန်းတွင် အပူဆုံးနှစ်ဖြစ်ခဲ့သည်နှင့်အညီ မြန်မာနိုင်ငံတွင်လည်း ဧပြီလအတွင်း ချောက်၊ မန္တလေးနှင့် ညောင်ဦးဒေသတို့၌ အပူချိန် ၄၅ ဒီဂရီဆဲလ်စီးယပ်မှ ၄၈ ဒသမ ၂ ဒီဂရီ ဆဲလ်စီးယပ်အထိ စံချိန်သစ်တင်မြင့်တက်ခဲ့ကြောင်း၊ ထူးခြားချက်အနေဖြင့် တိုင်ဖွန်းမုန်တိုင်း “ရာဂီ” ၏ အကြွင်းအကျန်တိမ်များသည် မြန်မာနိုင်ငံအလယ်ပိုင်းဒေသများကို လေပွေလှိုင်းအဖြစ် ဖြတ်ကျော်ခဲ့ခြင်းကြောင့် စက်တင်ဘာလ ၁၁ ရက်နှင့် ၁၂ ရက်တို့တွင် မိုးသည်းထန်စွာရွာသွန်းခြင်းနှင့်အတူ ဒေသအလိုက် နေရာကွက်ပြီးမိုးကြီးကာ စံချိန်သစ်တင် ရွာသွန်းခဲ့သည်ကိုတွေ့ရှိရကြောင်း။မိမိတို့ကဲ့သို့ ဖွံ့ဖြိုးဆဲနိုင်ငံများအနေဖြင့် ရာသီဥတုပြောင်းလဲခြင်း ဖြစ်စဉ်များတွင် အခြားနိုင်ငံများထက်ပိုမိုပြင်းထန်စွာ ခံစားရနိုင်သောကြောင့် လိုက်လျောညီထွေနေနိုင်ရေး ကြိုတင်သုံးသပ်စီမံထားရန်လိုကြောင်း။ဝန်ကြီးဌာနများ၊ တိုင်းဒေသကြီးနှင့်ပြည်နယ်များ၊ အဖွဲ့အစည်းများအနေဖြင့် လမ်း၊ တံတား စသည့်အခြေခံအဆောက်အအုံများ၊ လူနေအဆောက်အအုံများ တည်ဆောက်သည့်အခါတွင် သဘာဝဘေးအန္တရာယ် သက်ရောက်နိုင်မှုတို့ကို ကြိုတင်တွေးဆ ထည့်သွင်းစဉ်းစားပြီး ဆောင်ရွက်ကြရန်လိုကြောင်း၊ ရေနှင့်ဆက်နွှယ်သည့် သဘာဝဘေးအန္တရာယ်များကြောင့် ထိခိုက်ဆုံးရှုံးမှုလျော့နည်းသက်သာစေရေး၊ စီမံခန့်ခွဲရာတွင် အထောက်အကူပြုနိုင်ရေး သုတေသနလုပ်ငန်းများကို သက်ဆိုင်ရာဝန်ကြီးဌာနများမှ အားပေးဆောင်ရွက်ကြရန်လည်း တိုက်တွန်းလိုကြောင်း။ရေချိုအရင်းအမြစ်များကို စိုက်ပျိုးရေ၊ သောက်သုံးရေ၊ စက်မှုသုံးရေများအပါအဝင် ကဏ္ဍစုံ၌အသုံးချနိုင်ရေး ကြိုးပမ်းဆောင်ရွက်ကြရန်လိုအပ်ကြောင်း၊ ယနေ့အစည်းအဝေးတွင် ရေထုညစ်ညမ်းမှုနှင့် သဘာဝပတ်ဝန်းကျင်ထိခိုက်မှုလျှော့ချနိုင်ရေး ဆောင်ရွက်နေမှုများ၊ ရေဆိုင်ရာအခက်အခဲများကို ဖြေရှင်းဆောင်ရွက်ပေးနေမှုများနှင့် ရေဆိုင်ရာသဘာဝဘေးအန္တရာယ်များကို တုံ့ပြန်ဖြေရှင်းနိုင်ရေး ပြင်ဆင်ထားရန်ကိစ္စများနှင့်စပ်လျဉ်း၍ ကော်မတီဝင်များက ဆွေးနွေးပေးကြစေလိုကြောင်း၊ အမျိုးသားအဆင့် ရေအရင်းအမြစ်ကော်မတီအနေဖြင့် နိုင်ငံတော်နှင့် ပြည်သူများအတွက် အကျိုးရှိစေမည့် ရေကဏ္ဍဖွံ့ဖြိုးစေရေး၊ ရေအရင်းအမြစ်ဘက်စုံစီမံခန့်ခွဲမှုများ စနစ်တကျဆောင်ရွက်စေရေးတို့ကို ဆက်လက်ကြိုးပမ်း ဆောင်ရွက်သွားကြရန် တိုက်တွန်းမှာကြားလိုကြောင်းဖြင့် ပြောကြားသည်။ထို့နောက် အမျိုးသားအဆင့် ရေအရင်းအမြစ်ကော်မတီဒုတိယဥက္ကဋ္ဌက အမျိုးသားအဆင့် ရေအရင်းအမြစ်ကော်မတီ ဖွဲ့စည်းဆောင်ရွက်မှု၊ ရည်ရွယ်ချက်နှင့် လုပ်ငန်းတာဝန်များချမှတ်ပြီး အကောင်အထည်ဖော်ဆောင်ရွက်နေမှုများကိုလည်းကောင်း၊ ကော်မတီအတွင်းရေးမှူးက ကော်မတီ၏ရေဆိုင်ရာလှုပ်ရှားဆောင်ရွက်မှု၊ ရေရရှိရေးအကောင်အထည်ဖော်ဆောင်ရွက်မှုနှင့် ရှေ့လုပ်ငန်းစဉ်များကိုလည်းကောင်း ရှင်းလင်းတင်ပြကြသည်။ယင်းနောက် ပြည်ထောင်စုဝန်ကြီးများ၊ နေပြည်တော်ကောင်စီဥက္ကဋ္ဌနှင့် တာဝန်ရှိသူများ၊ တိုင်းဒေသကြီးနှင့် ပြည်နယ်ဝန်ကြီးချုပ်များ၊ မြို့တော်ဝန်များက ရေနှင့်ဆက်နွှယ်သည့် လုပ်ငန်းဆောင်ရွက်ချက်များ၊ ရေအရင်းအမြစ်ဖွံ့ဖြိုးတိုးတက်ရေးဆိုင်ရာ ဆောင်ရွက်ချက်များ၊ ရေအရင်းအမြစ်များဖွံ့ဖြိုးတိုးတက်စေရေး နိုင်ငံတကာနှင့် ပူးပေါင်းဆောင်ရွက်လျက်ရှိမှု၊ ရေအရည်အသွေးစစ်ဆေးခြင်းလုပ်ငန်းများ ဆောင်ရွက်လျက်ရှိမှု၊ မြစ်ရေတင်လုပ်ငန်းများဆောင်ရွက်လျက်ရှိမှု၊ သောက်သုံးရေနှင့် စိုက်ပျိုးရေများပေးဝေလျက်ရှိမှုအခြေအနေများနှင့် ရေအရင်းအမြစ် ဖွံ့ဖြိုးတိုးတက်ရေးအတွက် လုပ်ငန်းများဆက်လက်ဆောင်ရွက်သွားမည့်အခြေအနေများနှင့် လုပ်ငန်းလိုအပ်ချက်များကို ရှင်းလင်းဆွေးနွေး တင်ပြကြသည်။ရှင်းတင်ပြမှုများနှင့်ပတ်သက်၍ နိုင်ငံတော်သမ္မတက ဖြည့်စွက်ဆွေးနွေးပြောကြားရာတွင် ကျောင်းနေအရွယ်မှစ၍ ရေ၏တန်ဖိုးကိုသိရှိနေရန်လိုကြောင်း၊ အမှိုက်များ စနစ်တကျစွန့်ပစ်မှုမရှိခြင်းကြောင့် ရေများညစ်ညမ်းမှုဖြစ်သည်ကို သိရှိရန်လိုကြောင်း၊ ထို့ကြောင့် စာသင်ကျောင်းများတွင် အမှိုက်များစနစ်တကျစွန့်ပစ်စေရေး ဆရာ၊ ဆရာမများ၏ ကြီးကြပ်မှုများဖြင့် ပညာပေးသင်ကြား ဆောင်ရွက်သွားကြရန်လိုကြောင်း၊ ထိုသို့ဆောင်ရွက်ရာတွင်လည်း ကျောင်းသား ကျောင်းသူ လူငယ်များအနေဖြင့် အမှိုက်ကိုစနစ်တကျစွန့်ပစ်သည့် Mind Set ကို ရရှိသည်အထိ ဆောင်ရွက်ပေးသွားကြရန်လိုကြောင်း။မိမိတို့နိုင်ငံတွင် အဓိကအားဖြင့် စိုက်ပျိုးရေးလုပ်ငန်းများအတွက် ရေများလုံလောက်စွာရရှိရန်လိုကြောင်း၊ ထို့ကြောင့် ဧရာဝတီ၊ စစ်တောင်း၊ သံလွင်၊ ချင်းတွင်း စသည့်မြစ်ကြီးများမှ မြစ်ရေတင်လုပ်ငန်းများဖြင့် စိုက်ပျိုးရေများလုံလောက်စွာရရှိအောင် ဆောင်ရွက်ရမည်ဖြစ်ကြောင်း၊ သောက်သုံးရေနှင့်စိုက်ပျိုးရေများ လုံလောက်စွာရရှိရန်လိုကြောင်း၊ မြစ်ရေ၊ ချောင်းရေ၊ ဆည်မြောင်းရေ၊ မိုးရေများမှ ရေများထိန်းသိမ်း၍ အကျိုးရှိစွာပြန်လည်အသုံးချနိုင်ရန်လိုကြောင်း၊ ရေကိုစနစ်တကျ အကျိုးရှိစွာ အသုံးချသည့်အကျင့်များကို မွေးမြူနိုင်ရန်လိုကြောင်း၊ သန့်ရှင်း သည့်ရေများရရှိစေရေးနှင့် ထိန်းသိမ်းနိုင်ရေး သက်ဆိုင်ရာဝန်ကြီးဌာနများအနေဖြင့် သုတေသနပြု ဆောင်ရွက်သွားရန်လိုကြောင်း။သမဝါယမလုပ်ငန်းဖြင့် ကျေးလက်ဖွံ့ဖြိုးရေးလုပ်ငန်းများ ဆောင်ရွက်ရာတွင် ကျေးရွာများအားလုံး သောက်သုံးရေနှင့် စိုက်ပျိုးရေများ လုံလောက်စွာရရှိရေး ဆောင်ရွက်ပေးသွားရန်လိုကြောင်း၊ ရှိပြီးဖြစ်သည့်ရေများကိုလည်း အကျိုးရှိရှိစနစ်တကျ အသုံးချနိုင်ရန်လိုကြောင်း၊ သဘာဝကပေးထားသည့် ကမ္ဘာ့အမွေအနှစ်၊ မြန်မာ့အမွေအနှစ်ဖြစ်သည့် အင်းတော်ကြီးကန်နှင့် အင်းလေးကန်ထိန်းသိမ်းရေးအတွက်လည်း အမျိုးသားရေးတာဝန်တစ်ရပ်အနေဖြင့် ထိန်းသိမ်းဆောင်ရွက်သွားကြရန်လိုကြောင်း၊ ရေဝေရေလဲ သစ်တောများထိန်းသိမ်းရေးနှင့် ဆည်တာတမံများထိန်းသိမ်းရေးကိုလည်း စနစ်တကျ ဆောင်ရွက်သွားရန်လိုကြောင်း၊ ရေရှားပါးသည့်ဒေသများတွင် မိုးရေကိုသိုလှောင်ပြီး သုံးစွဲသွားကြရန်နှင့် မြေအောက်ရေရယူသုံးစွဲနိုင်ရေး ဆောင်ရွက်သွားကြရန်လိုကြောင်း၊ သစ်ပင်စိုက်ပျိုးရာတွင် အချိန်နှင့်ငွေကြေး ကုန်ကျမှုများရှိကြောင်း၊ ထို့ကြောင့် ရေအရင်းအမြစ်များကို ထိန်းသိမ်းနိုင်သည့် သစ်ပင်များကိုလည်း ရှင်သန်ဖြစ်ထွန်းအောင် စိုက်ပျိုးကြရန်လိုကြောင်းဖြင့် ဖြည့်စွက်မှာကြားသည်။ထို့နောက် အထွေထွေဆွေးနွေးမှုအဖြစ် အမျိုးသားအဆင့်ရေအရင်းအမြစ် ကော်မတီဒုတိယဥက္ကဋ္ဌက ရေအရင်းအမြစ်များကို စနစ်တကျသုံးစွဲရန်နှင့် သဘာဝဘေးအန္တရာယ်ဆိုင်ရာ ကာကွယ်ရေးကိစ္စရပ်များကို ရှင်းလင်းတင်ပြသည်။ယင်းနောက် အမျိုးသားအဆင့်ရေအရင်းအမြစ်ကော်မတီဥက္ကဋ္ဌ၊ နိုင်ငံတော်သမ္မတက မိမိတို့အနေဖြင့် ရေအရင်းအမြစ်နှင့်သဘာဝဘေးအန္တရာယ်ကို ခွဲခြားရန်လိုကြောင်း၊ ရေအရင်းအမြစ်ဆိုသည်မှာ ရေရရှိရေးကို ဦးစားပေးဆောင်ရွက်ရမည်ဖြစ်ကြောင်း၊ ပြည်ထောင်စုအဆင့်မှ ဆောင်ရွက်ရမည့်ကိစ္စရပ်များနှင့် ပြည်နယ်နှင့်တိုင်းအလိုက် အုပ်ချုပ်မှုပိုင်းဆိုင်ရာ ဆောင်ရွက်ရမည့်ကိစ္စရပ်များကိုလည်း ခွဲခြားဆောင်ရွက်ရန်လိုကြောင်း၊ တိုင်းဒေသကြီးနှင့် ပြည်နယ်အစိုးရအဖွဲ့များအနေဖြင် ရဲရဲတင်းတင်းဖြင့် ဆောင်ရွက်သွားရန်လိုကြောင်း၊ အမျိုးသားအဆင့်ရေအရင်းအမြစ်ဥပဒေအား မိမိတို့နိုင်ငံနှင့် ကိုက်ညီသည့်အခြေအနေအတိုင်း ပြန်လည်ပြင်ဆင်ရေးဆွဲသွားရန်လိုကြောင်း ပြောကြားသည်။ဆက်လက်၍ အမျိုးသားအဆင့် ရေအရင်းအမြစ်ကော်မတီဥက္ကဋ္ဌ၊ နိုင်ငံတော်သမ္မတက နိဂုံးချုပ်အမှာစကားပြောကြားရာတွင် ယနေ့ဆွေးနွေးမှုတွင် အချက်အလက်များကို ပြည့်ပြည့်စုံစုံဖြင့်ဆွေးနွေးနိုင်ခဲ့ကြောင်း၊ ထိုအထဲမှ အဓိကကျသည့် အချက်အလက်များကို အကောင် အထည်ဖော်ဆောင်ရွက်နိုင်ရန်လိုကြောင်း၊ ရာသီဥတုကြောင့် ဖြစ်ပေါ်တတ်သည့် ပြဿနာများလည်းရှိသဖြင့် အချိန်ကာလအလိုက် လုပ်ငန်းများကို အကောင်အထည်ဖော်ဆောင်ရွက်သွားကြရန်လိုကြောင်း၊ မူဝါဒများချမှတ်၍ သက်ဆိုင်ရာလုပ်ငန်းကော်မတီ၊ ဦးစီးကော်မတီများက ဆက်လက်အကောင်အထည်ဖော် ဆောင်ရွက်သွားကြရန်လိုကြောင်း၊ မိမိတို့နိုင်ငံ၏ ရာသီဥတုအလိုက် ဖြစ်ပေါ်လာနိုင်သည့် အခြေအနေများအတွက် ကြိုတင်ပြင်ဆင်မှုများ ဆောင်ရွက်သွားနိုင်ရန်လိုကြောင်း၊ ပြည်ထောင်စုအဆင့်အလိုက်၊ တိုင်းဒေသကြီးအဆင့်အလိုက် ဆောင်ရွက်ရမည့်ကိစ္စရပ်များကို အလေးထားဆောင်ရွက်သွားကြစေလိုကြောင်းမှာကြားပြီး အစည်းအဝေးကို ရုပ်သိမ်းလိုက်ကြောင်း သတင်းရရှိသည်။သတင်းစဉ်MOI
Wed, 10-Jun-2026
ချင်းပြည်နယ် ပြန်လည်ထူထောင်ရေးနှင့် ပြန်လည်တည်ဆောက်ရေးအတွက် လိုအပ်သော ဆန်၊ စားသုံးဆီအပါအဝင် ထောက်ပံ့ရေးနှင့် တည်ဆောက်ရေးပစ္စည်းများ ဆက်လက်ပို့ဆောင်
ချင်းပြည်နယ် ပြန်လည်ထူထောင်ရေးနှင့် ပြန်လည်တည်ဆောက်ရေးအတွက် လိုအပ်သော ဆန်၊ စားသုံးဆီအပါအဝင် ထောက်ပံ့ရေးနှင့် တည်ဆောက်ရေးပစ္စည်းများ ဆက်လက်ပို့ဆောင်
နေပြည်တော် ဇွန် ၈တပ်မတော်က အလုံးစုံပြန်လည်ထိန်းချုပ်ခဲ့ပြီးဖြစ်သည့် ချင်းပြည်နယ် ဖလမ်းမြို့၊ တီးတိန်မြို့နှင့် တွန်းဇံမြို့တို့တွင် ထိခိုက်ပျက်စီးခဲ့မှုများနှင့် စပ်လျဉ်း၍ ပြန်လည်ထူထောင်ရေးလုပ်ငန်းများကို အမြန်ဆုံးစီမံဆောင်ရွက်သွားရန် နိုင်ငံတော်အကြီးအကဲ၏ လမ်းညွှန်ချက်နှင့်အညီ သက်ဆိုင်ရာကဏ္ဍအလိုက် တာဝန်ရှိသူများပါဝင်သည့် ချင်းပြည်နယ်ပြန်လည်ထူထောင်ရေးနှင့် ပြန်လည်တည်ဆောက်ရေးကော်မတီကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဒုတိယဝန်ကြီး ဒေါက်တာ သန်းစိုးအား ဥက္ကဋ္ဌအဖြစ် တာဝန်ပေးအပ်၍ သက်ဆိုင်ရာနယ်မြေဒေသများအရောက် ကွင်းဆင်းကာ ပြန်လည်ထူထောင်ရေးလုပ်ငန်းများကို ကြိုးပမ်းဆောင်ရွက်လျက်ရှိသည်။ချင်းပြည်နယ် ဖလမ်းမြို့၊ တီးတိန်မြို့နှင့် တွန်းဇံမြို့တို့သို့ ပြန်လည်ဝင်ရောက်လာသည့် ပြည်သူများ၊ ဝန်ထမ်းများနှင့် မိသားစုဝင်များ စားနပ်ရိက္ခာအခက်အခဲမရှိစေရေးအတွက် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီက ကနဦးစီစဉ်မှုအဖြစ် စားသုံးဆီနှင့် ဆန်၊ ပြန်လည်ထူထောင်ရေးလုပ်ငန်းများအတွက် လိုအပ်သည့် ဘိလပ်မြေ၊ သွပ်၊ သွပ်ရိုက်သံတို့ကို တပ်မတော်လေယာဉ်များဖြင့် ပို့ဆောင်ပေးလျက်ရှိရာ ယနေ့တွင် တပ်မတော်လေယာဉ်များဖြင့် စားသုံးဆီ ၁၀ တန်၊ ဆန်တန် ၅၀၊ ဘိလပ်မြေ ၄ ဒသမ ၅ တန်တို့ကို ရန်ကုန်မြို့နှင့် မန္တလေးမြို့တို့မှ ကလေးမြို့သို့ ပို့ဆောင်ပေးလျက်ရှိကြောင်းနှင့် သက်ဆိုင်ရာမြို့နယ်များသို့ ဆက်လက်ဖြန့်ခွဲထောက်ပံ့နိုင်ရေး၊ ဒေသ၏ လိုအပ်ချက်များအပေါ်မူတည်၍ ထပ်မံဖြည့်ဆည်းပေးနိုင်ရေး စဉ်ဆက်မပြတ် ဆောင်ရွက်လျက်ရှိကြောင်း အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ၏ သတင်းထုတ်ပြန်ချက်အရ သိရသည်။moi
Tue, 9-Jun-2026
ဒုတိယသမ္မတ ဦးညိုစော ဦးဆောင်သော ကိုယ်စားလှယ်အဖွဲ့ ရုရှားဖက်ဒရေးရှင်းနိုင်ငံမှ ရန်ကုန်မြို့သို့ ပြန်လည်ရောက်ရှိ
ဒုတိယသမ္မတ ဦးညိုစော ဦးဆောင်သော ကိုယ်စားလှယ်အဖွဲ့ ရုရှားဖက်ဒရေးရှင်းနိုင်ငံမှ ရန်ကုန်မြို့သို့ ပြန်လည်ရောက်ရှိ
နေပြည်တော် ဇွန် ၈ရုရှားဖက်ဒရေးရှင်းနိုင်ငံ စိန့်ပီတာစဘတ်မြို့၌ ကျင်းပသည့် (၂၉) ကြိမ်မြောက် နိုင်ငံတကာစီးပွားရေးဖိုရမ် (29 th St. Petersburg International Econo-mic Forum- SPIEF 2026) သို့ တက်ရောက်ခဲ့သော ဒုတိယသမ္မတ ဦးညိုစော ဦးဆောင်သည့်ကိုယ်စားလှယ်အဖွဲ့သည် ဇွန် ၇ ရက် ဒေသစံတော်ချိန် ညပိုင်းတွင် လေကြောင်းခရီးဖြင့် စိန့်ပီတာစဘတ်မြို့မှ ရန်ကုန်မြို့သို့ ပြန်လည်ထွက်ခွာကြသည်။ပို့ဆောင်နှုတ်ဆက်ဒုတိယသမ္မတ ဦးညိုစော ဦးဆောင်သော ကိုယ်စားလှယ်အဖွဲ့အား မြန်မာကောင်စစ်ဝန်ချုပ် ဦးအောင်ဖေသက်နှင့် စိန့်ပီတာစဘတ်ပြည်ပဆက်ဆံရေးကော်မတီနှင့် ရော့စ်ကွန်ဂရက်စ်ရင်းနှီးမြှုပ်နှံမှု ငွေကြေးရန်ပုံငွေအဖွဲ့တို့မှ တာဝန်ရှိသူများက စိန့်ပီတာစဘတ်မြို့ရှိ ပူလ်ကာဘာအပြည်ပြည်ဆိုင်ရာလေဆိပ်၌ ပို့ဆောင်နှုတ်ဆက်ကြသည်။ကြိုဆိုနှုတ်ဆက်ထို့နောက် ဒုတိယသမ္မတနှင့်အဖွဲ့သည် ဇွန် ၈ ရက် ညပိုင်းတွင် ရန်ကုန်မြို့သို့ ပြန်လည်ရောက်ရှိကြရာ ရန်ကုန်တိုင်းစစ်ဌာနချုပ်တိုင်းမှူး၊ တိုင်းဒေသကြီးဝန်ကြီးများ၊ မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံသံရုံးမှ တာဝန်ရှိသူများက ရန်ကုန်အပြည်ပြည်ဆိုင်ရာလေဆိပ်၌ ကြိုဆိုနှုတ်ဆက်ကြကြောင်း သတင်းရရှိသည်။moi
Tue, 9-Jun-2026
ကြက်ခြေနီအသိပညာပြန့်ပွားရေးအလုပ်ရုံဆွေးနွေးပွဲနှင့် ကွင်းဆင်းဆောင်ရွက်သူများအတွက် ပြန်ကြားဆက်သွယ်ရေးသင်တန်းဖွင့်ပွဲကျင်းပ
ကြက်ခြေနီအသိပညာပြန့်ပွားရေးအလုပ်ရုံဆွေးနွေးပွဲနှင့် ကွင်းဆင်းဆောင်ရွက်သူများအတွက် ပြန်ကြားဆက်သွယ်ရေးသင်တန်းဖွင့်ပွဲကျင်းပ
ရန်ကုန် ဇွန် ၈မြန်မာနိုင်ငံ  ကြက်ခြေနီအသင်း၊ ရန်ကုန်တိုင်းဒေသကြီးကြက်ခြေနီ ကြီးကြပ်မှုကော်မတီနှင့် အပြည်ပြည်ဆိုင်ရာ ကြက်ခြေနီကော်မတီတို့ ပူးပေါင်းပြုလုပ်သည့် ကြက်ခြေနီအသိပညာပြန့်ပွားရေး  အလုပ်ရုံဆွေးနွေးပွဲနှင့်   ကွင်းဆင်းဆောင်ရွက်သူများအတွက်    ပြန်ကြားဆက်သွယ်ရေးသင်တန်းဖွင့်ပွဲကို ယနေ့ နံနက်ပိုင်းက ရန်ကုန်မြို့ရှိ Pan Pacific Hotel  ၌ ကျင်းပရာ မြန်မာနိုင်ငံကြက်ခြေနီအသင်းဥက္ကဋ္ဌ ပါမောက္ခ ဒေါက်တာမျိုးညွန့် တက်ရောက်အမှာစကားပြောကြားသည်။ထို့နောက် ရန်ကုန်တိုင်းဒေသကြီး ကြက်ခြေနီကြီးကြပ်မှုကော်မတီဥက္ကဋ္ဌ ဒေါက်တာ ဇော်ဌေးနှင့် အပြည်ပြည်ဆိုင်ရာ  ကြက်ခြေနီကော်မတီမှ      Communication Coordinator  Mr.   Francisco Javier Pavon Molina တို့က နှုတ်ခွန်းဆက်စကားပြောကြားသည်။ကြက်ခြေနီလှုပ်ရှားမှု၏ တန်ဖိုးများ၊ ကြက်ခြေနီအခြေခံမူများ၊ ဆောင်ရွက်ချက်များနှင့် လုပ်ငန်းတာဝန်များ၊ ကြက်ခြေနီလှုပ်ရှားမှုအကြောင်းအရာများကို ရှင်းရှင်းလင်းလင်း သိရှိနားလည်နိုင်စေရန် ရည်ရွယ်ကာ အဆိုပါအလုပ်ရုံဆွေးနွေးပွဲနှင့် သင်တန်းကို ပြုလုပ်ခြင်းဖြစ်ကြောင်း သိရသည်။moi
Tue, 9-Jun-2026
မြန်မာနိုင်ငံနှင့် ဘယ်လာရုစ်နိုင်ငံတို့အကြား စိုက်ပျိုးရေးထွက်ကုန်များ ကုန်သွယ်ရေးနှင့် နည်းပညာပူးပေါင်းဆောင်ရွက်မှု မြှင့်တင်ဆောင်ရွက်
မြန်မာနိုင်ငံနှင့် ဘယ်လာရုစ်နိုင်ငံတို့အကြား စိုက်ပျိုးရေးထွက်ကုန်များ ကုန်သွယ်ရေးနှင့် နည်းပညာပူးပေါင်းဆောင်ရွက်မှု မြှင့်တင်ဆောင်ရွက်
နေပြည်တော် ဇွန် ၈စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ဒုတိယဝန်ကြီး ဒေါက်တာ ရဲတင့်ထွန်းဦးဆောင်သော မြန်မာကိုယ်စားလှယ်အဖွဲ့သည် မြန်မာနိုင်ငံနှင့် ဘယ်လာရုစ်နိုင်ငံတို့အကြား စိုက်ပျိုးရေးထွက်ကုန်များ ကုန်သွယ်ရေးနှင့် နှစ်နိုင်ငံနည်းပညာ ပူးပေါင်းဆောင်ရွက်မှု မြှင့်တင်နိုင်ရန် ဇွန် ၁ ရက်မှ ၅ ရက်အထိ ဘယ်လာရုစ်နိုင်ငံသို့ သွားရောက်ခဲ့သည်။ပူးပေါင်းဆောင်ရွက်ရေးဆွေးနွေး ဇွန် ၁ ရက်တွင် ဘယ်လာရုစ်နိုင်ငံ မင့်စ်မြို့၌ ဘယ်လာရုစ်နိုင်ငံ စိုက်ပျိုးရေးနှင့် စားရေရိက္ခာဝန်ကြီးဌာန ဒုတိယဝန်ကြီး H.E. Ivan Smilhin ဦးဆောင်သည့်အဖွဲ့နှင့် တွေ့ဆုံ၍ မြန်မာနိုင်ငံမှ အေးခဲပုစွန်များ ဘယ်လာရုစ်နိုင်ငံသို့ တင်ပို့ရေး၊ ဘယ်လာရုစ်နိုင်ငံမှ အသား၊ နို့နှင့် နို့ထွက်ပစ္စည်းများ မြန်မာနိုင်ငံသို့ တင်သွင်းရေး၊ နေကြာနှင့် ဆီမုန်ညင်းစိုက်ပျိုးထုတ်လုပ်ခြင်း၊ ဆီကြိတ်ခွဲထုတ်လုပ်ခြင်းဆိုင်ရာ လုပ်ငန်းများ၊ ဝါမှချည်ထုတ်လုပ်ခြင်းဆိုင်ရာ လုပ်ငန်းများနှင့် လယ်ယာသုံးစက်ကိရိယာများ ထုတ်လုပ်မှုလုပ်ငန်းများ ပူးပေါင်းဆောင်ရွက်ရေး၊ မြန်မာနိုင်ငံ၏ ဝါ၊ ကော်ဖီ၊ သရက်၊ ဒူးရင်း၊ ထောပတ်သီးနှံများ ထုတ်လုပ်မှုတွင် ဘယ်လာရုစ်နိုင်ငံလုပ်ငန်းရှင်များ လာရောက်ရင်းနှီးမြှုပ်နှံရေး၊ နှစ်နိုင်ငံစိုက်ပျိုးရေးနှင့် မွေးမြူရေးတက္ကသိုလ်များ၊ သိပ္ပံကျောင်းများ အချင်းချင်းပူးပေါင်းဆောင်ရွက်ရေးတို့နှင့် စပ်လျဉ်း၍ ဆွေးနွေးကြသည်။ထို့အတူ ဇွန် ၂ ရက်တွင် (၃၆) ကြိမ်မြောက် နိုင်ငံတကာ အထူးကုန်စည်ပြပွဲ ဖွင့်ပွဲသို့ တက်ရောက်ပြီး တန်ဖိုးမြင့်အသားထုတ်ကုန်ပြခန်းများ၊ တန်ဖိုးမြင့်နို့နှင့် နို့ထွက်ပစ္စည်းပြခန်းများ၊ လယ်ယာသုံးစက်ကိရိယာများ၊ ဆီမုန်ညင်းမျိုးစေ့နှင့် မုန်ညင်းဆီများ၊ နှမ်းကြတ်စေ့ မျိုးစေ့နှင့် ၎င်းမှ ထုတ်လုပ်သည့် လျှော်မျှင်များကို ကြည့်ရှုလေ့လာ၍ ပညာရှင်များ၊ လုပ်ငန်းရှင်များနှင့် တွေ့ဆုံဆွေးနွေးကာ နိုင်ငံပိုင်မုန်ညင်းဆီထုတ်လုပ်သည့် စက်ရုံအား သွားရောက်လေ့လာကြသည်။ကြည့်ရှုလေ့လာအလားတူ ဇွန် ၃ ရက်တွင် မင့်စ်ဒေသအတွင်းရှိ Krakhmalsy Potato Processing Factory နယ်မြေ၏ ဟက်တာ (၁၁၀၀) ခန့်ရှိ အာလူးစိုက်ဧရိယာ၌ အစိုးရဌာနများ၏ ညှိနှိုင်းပေါင်းစပ်မှုဖြင့် အာလူးစိုက်တောင်သူများနှင့် စက်ရုံတို့ ပူးပေါင်းဆောင်ရွက်လျက်ရှိသည့် လုပ်ငန်းများ၊ အာလူးကြော်စက်ရုံအတွင်း အာလူးကြော်ထုတ်လုပ်မှု၊ Tolochinsky Canned Food Factory ၏ အာလူးရိတ်သိမ်းခြင်း၊ အချိုရည်ပုလင်းများ ထုတ်လုပ်ခြင်းလုပ်ငန်းများကိုလည်းကောင်း၊ ဇွန် ၄ ရက်တွင် ဘာရာနိုဗစ်ချ်မြို့ရှိ Baranovichi Cotton Production Association ၏ ချည်မျှင်နှင့် အထည်စက်ရုံ၏ ချည်ထည်ပစ္စည်းအမျိုးမျိုးထုတ်လုပ်မှု၊ ဂိုရိုဒေယာမြို့ရှိ ဂိုရိုဒေးစကီးသကြားစက်ရုံတွင် သကြားမုန်လာမှ သကြားချက်လုပ်နေမှုနှင့် ဘေးထွက်ကုန်ပစ္စည်း အမျိုးမျိုးထုတ်လုပ်နေမှုကိုလည်းကောင်း ကြည့်ရှုလေ့လာကြသည်။ထို့အပြင် ဇွန် ၅ ရက်တွင် မြန်မာနိုင်ငံနှင့် ပူးပေါင်းဆောင်ရွက်ရေးဆိုင်ရာ အဆင့်မြင့်အရာရှိ၊ ဘယ်လာရုစ်နိုင်ငံ နိုင်ငံပိုင်အသေးစားစက်မှု လုပ်ငန်းထုတ်ကုန်များ ထုတ်လုပ်မှုနှင့် ရောင်းချမှုအဖွဲ့ဥက္ကဋ္ဌ H.E. Ms Nadzeya Lazarevich နှင့် အဖွဲ့နှင့် တွေ့ဆုံ၍ ဘယ်လာရုစ်နိုင်ငံမှ လိုအပ်လျက်ရှိသည့် မြန်မာ့ Arabica ကော်ဖီနှင့် ဝါဂွမ်းများ တင်ပို့နိုင်ရေး၊ ဆီမုန်ညင်း စိုက်ပျိုးထုတ်လုပ်ရေး၊ နှစ်နိုင်ငံစိုက်ပျိုးရေး၊ မွေးမြူရေးတက္ကသိုလ်များအချင်းချင်း ပူးပေါင်းဆောင်ရွက်ရေးတို့ကို ဆွေးနွေးကြသည်။ထို့နောက် လယ်ယာသုံးထွန်စက်ကြီးများ သရုပ်ပြပွဲကို သွားရောက်ကြည့်ရှုလေ့လာကြပြီး ဘယ်လာရုစ် စိုက်ပျိုးရေးတက္ကသိုလ်အပါအဝင် တက္ကသိုလ်လေးခုမှ တာဝန်ရှိသူများနှင့် တွေ့ဆုံကာ Student Exchange Program နှင့်စပ်လျဉ်း၍ ဆွေးနွေးကြသည်။လက်မှတ်ရေးထိုးယင်းနောက် နှစ်နိုင်ငံ ဒုတိယဝန်ကြီးများသည် ဇွန် ၁ ရက်က ကျင်းပခဲ့သည့် Joint Working Group အစည်းအဝေး၏ အစည်းအဝေးမှတ်တမ်းကို လက်မှတ်ရေးထိုးကြသည်။ဇွန် ၈ ရက် ညနေပိုင်းတွင် ဒုတိယဝန်ကြီးနှင့် အဖွဲ့သည် လေကြောင်းခရီးဖြင့် ရန်ကုန်မြို့သို့ ပြန်လည်ရောက်ရှိခဲ့ကြောင်း သတင်းရရှိသည်။moi
Tue, 9-Jun-2026
© Copyright 2024 SAC All Rights Reserved.