ထိုင်းခရီးသွားသံတမန်အဖြစ် ခန့်အပ်ခံခဲ့ရသည့် Blackpink အဖွဲ့ဝင် လီဆာ

တောင်ကိုရီးယားနာမည်ကျော် အမျိုးသမီး အဆိုတော်အဖွဲ့ Blackpink ၏ အဖွဲ့ဝင်တစ်ဦးဖြစ်သူ လီဆာသည် ထိုင်းနိုင်ငံခရီးသွားအာဏာပိုင်အဖွဲ့၏ Feel All The Feelings campaign အတွက် ခရီးသွားသံတမန်အဖြစ် ခန့်အပ်ခံခဲ့ရ ကြောင်း သိရသည်။ ထိုင်းနိုင်ငံတွင်မွေးဖွားခဲ့သည့် လီဆာအား ထိုင်းခရီးသွားသံတမန်အဖြစ် ခန့်အပ်ခြင်းကို ဘန် ကောက်မြို့ရှိ Wat Arun ဗုဒ္ဓဘာသာဘုရားကျောင်းတွင် မီးရှူးမီး ပန်းများ၊ ဒရုန်းများဖြင့်ကျင်းပသည့် အခမ်းအနားတစ် ခုတွင် ထုတ်ပြန်ကြေညာခဲ့ခြင်းဖြစ်သည်။ Lalisa Manoban ဟုအမည်အပြည့်အစုံရသည့် လီဆာသည် ထိုင်းနိုင်ငံ ခရီးသွားလုပ်ငန်းကို ကိုယ်စားပြုသွားမည်ဖြစ်ပြီး ထိုင်းနိုင်ငံအတွက် ရှုထောင့်အသစ်များကို ပေးစွမ်းသွားမည်ဖြစ်ကာ လာရောက်လည်ပတ်မည့်ခရီးသွားဧည့်သည်များကို ကောင်းမွန်စွာ ဧည့်ခံကြိုဆို မည့်အိမ်ရှင်များဖြစ်အောင် ဒေသခံများ ကို အားပေးသွားမည်ဖြစ်ကြောင်း Bangkok Post သတင်းစာက ရေးသားဖော်ပြခဲ့သည်။ 
ထိုင်းနိုင်ငံ ခရီးသွားအာဏာပိုင်အဖွဲ့(TAT)နှင့် ပူးပေါင်းဆောင်ရွက်ခွင့်ရမည့်အတွက် စိတ်လှုပ်ရှားပြီးဂုဏ်ယူမိ ကြောင်း အသက်(၂၈)နှစ်အရွယ် လီဆာက ထုတ်ပြန်ပြောကြားခဲ့သည်။ ထို့ပြင်ထိုင်းနိုင်ငံ၏ အသွင်အပြင်အသစ်ကို ပြသရန် နှင့် ခရီးသွားလုပ်ငန်းများကို ပံ့ပိုးရန်အတွက် အကောင်းဆုံးကူညီလုပ်ကိုင်ပေးသွားမည်ဖြစ်ကြောင်းလည်း လီဆာက ထုတ်ပြန်ပြောဆိုခဲ့သည်။

Np News