ထိုင်းနိုင်ငံ၏ လျှပ်စစ်ကား (EV) အရှိန်အဟုန်ကိုမြှင့်တင်ရန် လုပ်ငန်းသုံးကားများကို ရွေးချယ်အသုံးပြုမည်

KookieSpace97

News Image

  • ထိုင်းနိုင်ငံ၏ လျှပ်စစ်ကား (EV) အရှိန်အဟုန်ကို မြှင့်တင်ရန် လုပ်ငန်းသုံးကားများကို ရွေးချယ်အသုံးပြုမည်

ထိုင်းနိုင်ငံ၏ ဘက်ထရီလျှပ်စစ်ကား (BEV) ဈေးကွက်သည် ယခုနှစ်အတွင်း သိသာထင်ရှားသော အရှိန်အဟုန်တစ်ခုရရှိလာမည်ဟု မျှော်လင့်ရပြီး ဆီဈေးနှုန်းများ အဆမတန်မြင့်တက်လာမှုကြောင့် အရောင်းပမာဏမှာ အစီးရေ ၁၂၀,၀၀၀ ကျော်အထိ ရှိလာနိုင်ကြောင်း ထိုင်းလျှပ်စစ်ကားအသင်း (EVAT) က ပြောကြားခဲ့သည်။

အရှေ့အလယ်ပိုင်း ပဋိပက္ခများပိုမိုတင်းမာလာပြီးနောက် မတ်လ ၂၅ ရက်နေ့တွင် ပြည်တွင်းဆီဈေးနှုန်းများသည် တစ်လီတာလျှင် ၆ ဘတ်ခန့် အထိ ရုတ်တရက် မြင့်တက်သွားခဲ့သည်။ ပြည်တွင်းလောင်စာဆီဈေးနှုန်းများသည် မတည်မငြိမ်ဖြစ်နေဆဲဖြစ်ပြီး ပိုမိုမြင့်တက်လာနိုင်ကြောင်း EVAT ၏ ဥက္ကဋ္ဌဖြစ်သူ Suroj Sangsanit က ဆိုသည်။ "ကိုယ်ပိုင် BEV ကားတွေနဲ့ ကုန်တင်ကား၊ ဗန်ကား၊ ပစ်ကပ်ကားတွေလိုမျိုး လုပ်ငန်းသုံး လျှပ်စစ်ကားတွေဟာ ဒီနှစ်ရဲ့တိုးတက်မှုကို တွန်းအားပေးမယ့် အဓိကအချက်တွေ ဖြစ်လာပါလိမ့်မယ်" ဟု ၎င်းက ပြောကြားခဲ့သည်။

EVAT သည် မတ်လ ၂၅ ရက်မှ ဧပြီလ ၅ ရက်နေ့အထိ ကျင်းပမည့် (၄၇) ကြိမ်မြောက် ဘန်ကောက်နိုင်ငံတကာ မော်တော်ကားပြပွဲတွင် သုံးစွဲသူများ၏ စိတ်ဝင်စားမှုကို စောင့်ကြည့်လျက်ရှိသည်။ ထိုင်းစက်မှု လက်မှုလုပ်ငန်းရှင်များအသင်းချုပ်၏ အဆိုအရ ပြီးခဲ့သည့်နှစ်တွင် ပြည်တွင်း BEV အရောင်းပမာဏသည် ၈၀% အထိ မြင့်တက်ခဲ့ပြီး အစီးရေ ၁၂၀,၃၀၁ ရှိခဲ့သည်။

ဆီဈေးနှုန်းမြင့်တက်မှုသည် လောင်စာဆီသုံး (ICE) ကားများဝယ်ယူမှုကို လျော့နည်းစေနိုင်သော်လည်း ထိုင်းသုံးစွဲသူများတွင် ဆီကို ဆက်လက် အားကိုးနေရဆဲဖြစ်သည့် Hybrid နှင့် Plug-in Hybrid ကားများကဲ့သို့ ရွေးချယ်စရာများရှိနေသောကြောင့် BEV သို့ ကူးပြောင်းမှုမှာ “သိသိသာသာ ကြီးမားချင်မှ ကြီးမားလိမ့်မည်” ဟု Mercedes-Benz Thailand ၏ အမှုဆောင်အရာရှိချုပ် Christian Schell က သတိပေး ပြောကြားထားသည်။

တရုတ် BEV အမှတ်တံဆိပ်များသည် ထိုင်းအစိုးရ၏ အခွန်လျှော့ပေါ့မှုနှင့် ထောက်ပံ့ကြေးများပေးသည့် EV 3.0 နှင့် EV 3.5 စီမံချက်များကြောင့် ထိုင်းဈေးကွက်အတွင်းသို့ အပြင်းအထန် တိုးချဲ့ဝင်ရောက်လာနေကြသည်။ ထောက်ပံ့ပို့ဆောင်ရေး (Logistics) ကုမ္ပဏီများ၊ သယ်ယူပို့ဆောင်ရေး လုပ်ငန်းရှင်များနှင့် အစိုးရဌာနများက လောင်စာဆီစရိတ်လျှော့ချရန် ကြိုးပမ်းလာကြသောကြောင့် ၂၀၂၆ ခုနှစ်သည် လုပ်ငန်းသုံး BEV များ အတွက် အောင်မြင်မှုအရှိဆုံးနှစ် ဖြစ်လာမည်ဟု EVAT က ယုံကြည်ထားသည်။

ဘိလပ်မြေနှင့် လူသုံးကုန်ပစ္စည်းထုတ်လုပ်သည့် လုပ်ငန်းများကဲ့သို့သော လုပ်ငန်းအချို့သည် ဒီဇယ်ကားများမှ လျှပ်စစ်ကားအုပ်စုသို့ ပြောင်းလဲရန်စတင်လေ့လာနေကြပြီဖြစ်သည်။ Dongfeng အမှတ်တံဆိပ် အောက်တွင် EV များ ဖြန့်ဖြူးရောင်းချသည့် China Trucks (Thailand) Co ၏ အမှုဆောင်အရာရှိချုပ် Chen Bing က ၎င်းတို့၏ အကြီးစား ထရပ်ကားဖြစ်သော Tractor Head KL6x4 ကို မိတ်ဆက်လိုက်ပြီး ထိုင်းနိုင်ငံ၏ လုပ်ငန်းသုံး EV ဈေးကွက်အတွင်းသို့ စတင်ဝင်ရောက်လာကြောင်း ကြေညာခဲ့သည်။ Dongfeng သည် ယခုနှစ်တွင် အစီးရေ ၁၀၀ ရောင်းချရန် စီစဉ်ထားပြီး လာမည့်နှစ်တွင် အစီးရေ ၃၀၀ အထိ တိုးမြှင့်ရောင်းချရန် ရည်မှန်းထားသည်။

ကုမ္ပဏီအနေဖြင့် ထိုင်းနိုင်ငံတွင် ထုတ်လုပ်ရေးစက်ရုံတည်ဆောက်ရန်နှင့် EV ထရပ်ကား အားသွင်းစခန်းများတွင် ရင်းနှီးမြှုပ်နှံရန် စဉ်းစားနေ သကဲ့သို့ ဖက်စပ်လုပ်ငန်းများ လုပ်ကိုင်ရန်အတွက် ပြည်တွင်းလုပ်ဖော်ကိုင်ဖက်များကိုလည်း ရှာဖွေနေကြောင်း Mr. Chen က ဆိုသည်။

လက်ရှိတွင် အကြီးစားထရပ်ကား အစီးရေ ၂၀၀ ဝယ်ယူရန် စဉ်းစားနေသည့် Siam City Cement Plc နှင့် ညှိနှိုင်းမှုများ ပြုလုပ်နေသည်။ ယာဉ်မောင်းများသည် အပြီးသတ်ဆုံးဖြတ်ချက်မချမီ Dongfeng ၏ ကားများကို သုံးလကြာ စမ်းသပ်မောင်းနှင်နေကြသည်။

"ထိုင်းနိုင်ငံဟာ အစိုးရရဲ့ ကာဗွန်ကင်းစင်ရေး (Carbon Neutrality) မူဝါဒရဲ့ ပံ့ပိုးမှုကြောင့် အရှေ့တောင်အာရှမှာ တရုတ် BEV တွေအတွက် အဓိကဈေးကွက်တစ်ခု ဖြစ်ပါတယ်" ဟု ၎င်းက ပြောကြားခဲ့သည်။ "ဒီအချက်တွေကြောင့် ထိုင်းနိုင်ငံဟာ စီးပွားရေးချဲ့ထွင်ဖို့ ကြိုးစားနေတဲ့ ရင်းနှီးမြှုပ်နှံသူအသစ်တွေအတွက် အရမ်းကို ဆွဲဆောင်မှုရှိတဲ့ နေရာတစ်ခုဖြစ်နေတာပါပဲ" ဟု ဆိုသည်။

ကိုးကား- Bangkok Post 

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

ပြည်ထောင်စုဝန်ကြီး ဒေါက်တာချာလီသန်း မြန်မာနိုင်ငံစီးပွားရေးလုပ်ငန်းရှင် အမျိုးသမီးများ ကွန်ရက်ဥက္ကဋ္ဌ ဦးဆောင်သည့်အဖွဲ့အား လက်ခံတွေ့ဆုံ
ပြည်ထောင်စုဝန်ကြီး ဒေါက်တာချာလီသန်း မြန်မာနိုင်ငံစီးပွားရေးလုပ်ငန်းရှင် အမျိုးသမီးများ ကွန်ရက်ဥက္ကဋ္ဌ ဦးဆောင်သည့်အဖွဲ့အား လက်ခံတွေ့ဆုံ
နေပြည်တော် ဇွန် ၅စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းသည် ယနေ့နံနက်ပိုင်းတွင် မြန်မာနိုင်ငံစီးပွားရေးလုပ်ငန်းရှင် အမျိုးသမီးများကွန်ရက်(MYANWEN)ဥက္ကဋ္ဌ ဦးဆောင်သည့်အဖွဲ့အား ရုံးအမှတ်(၃၀) အစည်းအဝေး ခန်းမ၌ လက်ခံတွေ့ဆုံသည်။ တွေ့ဆုံစဉ် ဇွန် ၂၇ ရက်တွင် ကျင်းပမည့် “ကမ္ဘာ့ MSME နေ့” (World MSME Day) အထိမ်းအမှတ် အခမ်းအနားတွင် ကွန်ရက်မှ “Made in Myanmar” ထုတ်ကုန်များ၊ ကွန်ရက်၏ဆောင်ရွက်မှု မှတ်တမ်းများ ပါဝင်ပြသသွားရေး၊ ကွန်ရက်၏ ၂၀၂၆-၂၀၂၇ ဘဏ္ဍာနှစ်လအလိုက် လုပ်ငန်းအစီ အစဉ်များတွင် ပူးပေါင်းဆောင်ရွက်နိုင်ရေးတို့နှင့်စပ်လျဉ်း၍ ဆွေးနွေးကြသည်။ မွန်းလွဲပိုင်းတွင် ဝါးမှ ပျော့ဖတ်ထုတ်လုပ်နိုင်ရေး အလုပ်ရုံဆွေးနွေးပွဲကို ရုံးအမှတ် (၃၀) အစည်းအဝေး ခန်းမ၌ ကျင်းပသည်။ ဦးစွာ ပြည်ထောင်စုဝန်ကြီး ဒေါက်တာချာလီသန်းက ဝန်ကြီးဌာနအချင်းချင်း ပေါင်းစပ်ညှိနှိုင်း ဆောင်ရွက်မှုနှင့် ပုဂ္ဂလိကကဏ္ဍ၏ ပူးပေါင်းပါဝင်မှုတို့မှတစ်ဆင့် နိုင်ငံတော်အတွက် အခြေခံကျသည့် တီထွင်ဆန်းသစ်မှုတစ်ရပ်ကို ဖော်ဆောင်နိုင်ရန်ဖြစ်ကြောင်း ပြောကြားပြီး ပြည်ထောင်စုဝန်ကြီး ဒေါက်တာမျိုးသိန်းကျော်က ဝါးမှ ပျော့ဖတ်ထုတ်လုပ်ခြင်းလုပ်ငန်းစဉ်အား စဉ်ဆက်မပြတ် ဆောင်ရွက်နိုင်ရန်၊ နည်းပညာတိုးတက်ရရှိရန် သုတေသနလုပ်ငန်းများ စဉ်ဆက်မပြတ် ဆောင်ရွက် နိုင်ရေးနှင့်စပ်လျဉ်း၍ ဆွေးနွေးပြောကြားကာ တက်ရောက်လာကြသူများက သက်ဆိုင်ရာ ကဏ္ဍအလိုက် ဝိုင်းဝန်းအကြံပြုဆွေးနွေးကြကြောင်း သိရသည်။သတင်းစဉ်MDN
Sat, 6-Jun-2026
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးသုတေသနဦးစီးဌာန၊ ပဲမျိုးစုံသီးနှံသုတေသနဌာနစုမှ သုတေသနပြုထုတ်လုပ်ထားသည့် သီးနှံမျိုးစေ့များအား ကြည့်ရှုစစ်ဆေး
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးသုတေသနဦးစီးဌာန၊ ပဲမျိုးစုံသီးနှံသုတေသနဌာနစုမှ သုတေသနပြုထုတ်လုပ်ထားသည့် သီးနှံမျိုးစေ့များအား ကြည့်ရှုစစ်ဆေး
နေပြည်တော် ဇွန် ၅ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်သည် ယနေ့နံနက်ပိုင်းတွင် တာဝန်ရှိသူများလိုက်ပါ၍ နေပြည်တော် ရေဆင်းတက္ကသိုလ်များနယ်မြေရှိ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးသုတေသနဦးစီးဌာန၊ ပဲမျိုးစုံသီးနှံ သုတေသနဌာနစုမှ သုတေသနပြုထုတ်လုပ်ထားသည့် သီးနှံမျိုးစေ့များအား သွားရောက်ကြည့်ရှုစစ်ဆေးသည်။ ဦးစွာ နိုင်ငံတော်သမ္မတအား စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမင်းနောင်နှင့် တာဝန်ရှိသူများက စိုက်ပျိုးရေးသုတေသနဦးစီးဌာန၊ ပဲမျိုးစုံသီးနှံ သုတေသနဌာနစုမှ သုတေသနပြုထုတ်လုပ်ထားသည့် ပဲမျိုးများ၊ နေကြာမျိုးများနှင့် သီးနှံမျိုးများအား မျိုးစေ့များအလိုက် သုတေသနပြုထုတ်လုပ်လျက်ရှိမှုနှင့်ပတ်သက်၍ ရှင်းလင်းတင်ပြကြသည်။ ရှင်းလင်းတင်ပြမှုများအပေါ် နိုင်ငံတော်သမ္မတက မိမိတို့နိုင်ငံအနေဖြင့် ပြည်ပနိုင်ငံများသို့ ဈေးကွက်ဝင်အရည်အသွေးရှိသည့် ပဲတီစိမ်း၊ မတ်ပဲ၊ ပဲစင်းငုံ၊ ကုလားပဲ၊ ပဲလွမ်း၊ ပဲပုပ်တို့အပါအဝင် ပဲအမျိုးမျိုးကို တင်ပို့ရောင်းချရလျက်ရှိကြောင်း၊ ဈေးကွက်ရရှိမှု ပိုမိုခိုင်မြဲစေရေးအတွက် ပဲများ၏ အရည်အသွေး ထိန်းသိမ်းခြင်း၊ ပိုမိုကောင်းမွန်လာအောင် စဉ်ဆက်မပြတ် သုတေသနပြု ထုတ်လုပ်ခြင်းများကို ဆောင်ရွက်သွားကြရန်လိုကြောင်း၊ ပဲမျိုးစုံသီးနှံများသည် ပြည်တွင်းစားသုံးခြင်းနှင့် ပြည်ပသို့ တင်ပို့ခြင်းတို့ဖြင့် ဝင်ငွေရရှိပြီး စီးပွားရေးအရ အရေးပါသည့် သီးနှံများဖြစ်သည့်အတွက် ဒေသနှင့် သင့်တော်ကိုက်ညီသည့် အထွက်ကောင်းမျိုး၊ ရောဂါဒဏ်ခံနိုင်သောမျိုး၊ ဈေးကွက်ရရှိသည့် မျိုးများကို စဉ်ဆက်မပြတ် သုတေသနပြုထုတ်လုပ်နိုင်ရေး ကြိုးပမ်းဆောင်ရွက်သွားရန်လိုကြောင်း။ လက်ရှိ ပြည်ပဈေးကွက်သို့ တင်ပို့လျက်ရှိသော ပဲမျိုးစုံတို့အနေဖြင့် အရည်အသွေးအားဖြင့် ကောင်းမွန်မှုရှိသော်လည်း အခြားနိုင်ငံများမှ ပဲများနှင့် နှိုင်းယှဉ်ကြည့်မည်ဆိုပါက လိုအပ်ချက်ရှိနေသည်ဟု သိရှိရကြောင်း၊ ပဲမျိုးများအား သုတေသနပြုထုတ်လုပ်ရာတွင် အရွယ်အစား၊ အရောင်အဆင်း၊ အရသာစသည့် သုံးမျိုးစလုံး ကောင်းမွန်နေရန်လိုကြောင်း၊ ဒေသအလိုက် ရေမြေသဘာဝ တူညီမှုရှိမည်မဟုတ်သဖြင့် အရွယ်အစား၊ အရောင်အဆင်း၊ အရသာများလည်း ကွဲပြားခြားနားမှုရှိနိုင်မည် ဖြစ်သောကြောင့် ဒေသအလိုက် ကိုက်ညီသည့် သီးနှံမျိုးစေ့များကို စနစ်တကျဖြင့် သုတေသနပြုထုတ်လုပ်သွားရန်လိုကြောင်း၊ နေကြာမျိုးစေ့များနှင့် နှမ်းမျိုးစေ့များ ကိုလည်း ဆက်လက်တိုးချဲ့ထုတ်လုပ်သွားနိုင်ရန်လိုကြောင်း၊ စိုက်ဧက တိုးချဲ့မည်ဆိုပါက ဖြစ်ပေါ်လာနိုင်မည့် မျိုးစေ့လိုအပ်ချက်များကို ဖြည့်ဆည်းပေးနိုင်ရေး မျိုးစေ့ထုတ်လုပ်ခြင်းလုပ်ငန်း များကို ပြည်တွင်း၌သာ စဉ်ဆက်မပြတ် သုတေသနပြုထုတ်လုပ်သွားကြရန်လိုကြောင်း၊ သီးနှံစိုက်ဧက အများအပြားရှိသော်လည်း အထွက်နှုန်းလျော့နည်းလျက်ရှိသည့်ဒေသများသို့ သုတေသနအဖွဲ့များ စေလွှတ်၍ အချိန်ယူ သုတေသနပြု အဖြေရှာ ဆောင်ရွက်သွားကြရန်လည်းလိုကြောင်း၊ သီးနှံများအား ပြည်ပသို့ တင်ပို့ရောင်းချရာတွင် အမြတ်နည်းနည်းနှင့် အရေအတွက်များများ ရောင်းချနိုင်ရေး ဆောင်ရွက်သွားကြရန်လိုကြောင်းနှင့် အခြားလိုအပ်သည်များကို လမ်းညွှန်မှာကြားခဲ့ကြောင်း သတင်းရရှိသည်။သတင်းစဉ်MDN
Sat, 6-Jun-2026
ဒုတိယသမ္မတ ဦးညိုစော ဦးဆောင်သော ကိုယ်စားလှယ်အဖွဲ့ (၂၉) ကြိမ်မြောက် စိန့်ပီတာစဘတ် နိုင်ငံတကာစီးပွားရေးဖိုရမ် မျက်နှာစုံညီအစည်းအဝေးသို့ တက်ရောက်
ဒုတိယသမ္မတ ဦးညိုစော ဦးဆောင်သော ကိုယ်စားလှယ်အဖွဲ့ (၂၉) ကြိမ်မြောက် စိန့်ပီတာစဘတ် နိုင်ငံတကာစီးပွားရေးဖိုရမ် မျက်နှာစုံညီအစည်းအဝေးသို့ တက်ရောက်
နေပြည်တော် ဇွန် ၅(၂၉) ကြိမ်မြောက် စိန့်ပီတာစဘတ် နိုင်ငံတကာစီးပွားရေးဖိုရမ် မျက်နှာစုံညီအစည်းအဝေး (Plenary Session) ကို ယနေ့ ဒေသစံတော်ချိန် မွန်းလွဲပိုင်းတွင် စိန့်ပီတာစဘတ်မြို့ရှိ EXPOFORUM Convention and Exhibition Centre ၌ ကျင်းပရာ ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဦးညိုစော ဦးဆောင်သော ကိုယ်စားလှယ်အဖွဲ့ တက်ရောက်သည်။အစည်းအဝေးသို့ ရုရှားဖက်ဒရေးရှင်းနိုင်ငံသမ္မတ Η.Ε. Mr. Vladimir Putin ၊  ဥဇဘက်ကစ္စတန်သမ္မတ H.E. Mr. Shavkat Mirziyoyev ၊ တန်ဇန်းနီးယားနိုင်ငံ သမ္မတ H.E. Mrs. Samia Suluhu hassan ၊ တရုတ်ပြည်သူ့သမ္မတနိုင်ငံ ဒုတိယသမ္မတ H.E. Mr. Han Zeng ၊ ဖိတ်ကြားထားသည့်နိုင်ငံများမှ အကြီးအကဲများနှင့် တာဝန်ရှိသူများ၊ စီးပွားရေးလုပ်ငန်းရှင်များ တက်ရောက်ကြသည်။အစည်းအဝေးတွင် ရုရှားဖက်ဒရေးရှင်းနိုင်ငံသမ္မတ H.E. Mr. Vladimir Putin က မိန့်ခွန်းပြောကြားကာ ဖိုရမ်၏ ဆွေးနွေးမှုကို ဦးဆောင်ဆွေးနွေးသည်။နံနက်ပိုင်းကလည်း ဒုတိယသမ္မတ ဦးညိုစောသည် ရုရှား - အာဆီယံစီးပွားရေးကောင်စီ (Russia-ASEAN Business Council) ဥက္ကဋ္ဌ Mr. Ivan Viktorovich Polyakov ဦးဆောင်သော ကိုယ်စားလှယ်အဖွဲ့အား အဆိုပါစင်တာ၌ လက်ခံတွေ့ဆုံပြီး မြန်မာနိုင်ငံနှင့် ရုရှား - အာဆီယံစီးပွားရေးကောင်စီတို့အကြား ဆက်ဆံရေးပိုမိုခိုင်မာစေရန်၊ ကုန်သွယ်မှုနှင့် ရင်းနှီးမြှုပ်နှံမှုကဏ္ဍတို့အပါအဝင် ကဏ္ဍစုံ ကျယ်ပြန့်စွာ ပိုမိုတိုးမြှင့်ပူးပေါင်းဆောင်ရွက်နိုင်ရေး ကိစ္စရပ်များနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြသည်။ထို့နောက် ထားဝယ်ရေနက်ဆိပ်ကမ်း ဓာတ်အားပေးစက်ရုံဆိုင်ရာ (MoU) လက်မှတ်ရေးထိုးခြင်းအခမ်းအနားကို ဆက်လက်ကျင်းပရာ ရုရှားဖက်ဒရေးရှင်းနိုင်ငံ Inter RAO ကုမ္ပဏီနှင့် ပြည်ထောင်စုသမ္မတမြန်မာနိုင်ငံ လောင်းလုံစီးပွားဖွံ့ဖြိုးကုမ္ပဏီလိမိတက်တို့မှ တာဝန်ရှိသူများက ဒုတိယသမ္မတနှင့် ရုရှားစီးပွားရေးဖွံ့ဖြိုးတိုးတက်မှုဝန်ကြီးတို့၏ရှေ့မှောက်တွင် လက်မှတ်များ ရေးထိုးကြပြီး စာချွန်လွှာများကို အပြန်အလှန် လဲလှယ်ကြသည်။ယမန်နေ့ကလည်း ပြည်ထောင်စုသမ္မတမြန်မာနိုင်ငံ အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် ရုရှားဖက်ဒရေးရှင်းနိုင်ငံ ရော့စ်ကွန်ဂရက်စ် ရင်းနှီးမြှုပ်နှံမှု ငွေကြေးရန်ပုံငွေအဖွဲ့ (Fund RC-Investments) တို့အကြား စီးပွားရေးနှင့် ရင်းနှီးမြှုပ်နှံမှုဆိုင်ရာ ပူးပေါင်းဆောင်ရွက်ရေးစာချွန်လွှာ (MoC) များကို တာဝန်ရှိသူများက လက်မှတ်များရေးထိုးကြပြီး စာချွန်လွှာများကို အပြန်အလှန် လဲလှယ်ခဲ့ကြကြောင်း သတင်းရရှိသည်။moi
Fri, 5-Jun-2026
မြန်မာနိုင်ငံနှင့် ဥရောပအာရှ စီးပွားရေးကော်မရှင်တို့အကြား ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ ပူးတွဲဥက္ကဋ္ဌများအစည်းအဝေး ကျင်းပ
မြန်မာနိုင်ငံနှင့် ဥရောပအာရှ စီးပွားရေးကော်မရှင်တို့အကြား ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ ပူးတွဲဥက္ကဋ္ဌများအစည်းအဝေး ကျင်းပ
နေပြည်တော် ဇွန် ၄ ၄ -၆-၂၀၂၆ ရက်နေ့တွင် မြန်မာနိုင်ငံနှင့်ဥရောပအာရှစီးပွားရေးကော်မရှင်တို့အကြား ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ ပူးတွဲဥက္ကဋ္ဌများ အစည်းအဝေးကို ကျင်းပရာ ပူးတွဲဥက္ကဋ္ဌများဖြစ်ကြသည့် အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးနှင့် ဥရောပအာရှစီးပွားရေးကော်မရှင်၊ မေခရို(အကြီးစား) စီးပွားရေးနှင့်ပေါင်းစည်းရေးဝန်ကြီး Mr. Danilar Imanaliev တို့က ဦးဆောင်၍ ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ တတိယအကြိမ် အစည်းအဝေးကျင်းပရေး၊ အာဆီယံမူဘောင်အတွင်း ပူးပေါင်းဆောင်ရွက်မှု ဖွံ့ဖြိုးတိုးတက်ရေးတို့နှင့်စပ်လျဉ်း၍ ဆွေးနွေးခဲ့သည်။အစည်းအဝေးသို့ အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးနှင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးထွန်းအုံ၊ ဥရောပအာရှ စီးပွားရေးကော်မရှင်၊ မေခရို (အကြီးစား) စီးပွားရေးနှင့် ပေါင်းစည်းရေးဝန်ကြီး Mr. Danilar Imanaliev၊ မြန်မာကိုယ်စားလှယ်အဖွဲ့ဝင်များနှင့် ဥရောပအာရှ စီးပွားရေးကော်မရှင်မှ တာဝန်ရှိသူများ တက်ရောက်ခဲ့ကြောင်း သတင်းရရှိသည်။moi
Fri, 5-Jun-2026
ဗီယက်နမ်၏ ကုန်သွယ်မှု ပထမငါးလအတွင်း ကန်ဒေါ်လာ ၄၄၅ ဘီလီယံကျော်ရှိလာ
ဗီယက်နမ်၏ ကုန်သွယ်မှု ပထမငါးလအတွင်း ကန်ဒေါ်လာ ၄၄၅ ဘီလီယံကျော်ရှိလာ
ဟနွိုင်း  ဇွန်  ၃ဗီယက်နမ်နိုင်ငံ၏ သွင်းကုန်နှင့်  ပို့ကုန်စုစုပေါင်းကုန်သွယ်မှု ပမာဏမှာ ယခုနှစ် ပထမငါးလတာအတွင်း အမေရိကန်ဒေါ်လာ ၄၄၅ ဒသမ  ၁၂  ဘီလီယံအထိရှိလာပြီး  ယမန်နှစ်အလားတူကာလနှင့် နှိုင်းယှဉ်ပါက  ၂၅   ရာခိုင်နှုန်းတိုးလာခြင်းဖြစ်ကြောင်း  အမျိုးသားစာရင်းအင်းရုံး၏  ဇွန် ၃ ရက်က ထုတ်ပြန်သည့် အစီရင်ခံစာအရ သိရသည်။အဆိုပါကာလအတွင်း ဗီယက်နမ်နိုင်ငံ၏ ပို့ကုန်မှာ ၁၉ ဒသမ ၅ ရာခိုင်နှုန်းတိုးတက်လာပြီး  ၂၁၅  ဒသမ ၆၆ ဘီလီယံဒေါ်လာအထိ ရောက်ရှိခဲ့သည်။ သွင်းကုန်ပမာဏမှာလည်း ၃၀ ဒသမ ၈ ရာခိုင်နှုန်းတိုးလာပြီး အမေရိကန်ဒေါ်လာ ၂၂၉ ဒသမ ၄၆ ဘီလီယံအထိ ရောက်ရှိခဲ့သည်။ဗီယက်နမ်နိုင်ငံ၏  အဓိကအကြီးဆုံးပို့ကုန်ဈေးကွက်နိုင်ငံမှာ အမေရိကန်နိုင်ငံဖြစ်ပြီး ပို့ကုန်တန်ဖိုးမှာ အမေရိကန်ဒေါ်လာ ၆၉ ဒသမ ၆ ဘီလီယံရှိသည်ဟု  အမျိုးသားစာရင်းအင်းရုံးက  ထုတ်ပြန်သည်။ တရုတ်နိုင်ငံသည် ဗီယက်နမ်နိုင်ငံ၏ အကြီးဆုံးသွင်းကုန်ဈေးကွက်ဖြစ်ပြီး သွင်းကုန်စုစုပေါင်းတန်ဖိုးမှာ  ဒေါ်လာ ၉၂ ဒသမ ၆ ဘီလီယံဖြစ်သည်။ဆင်ဟွာMDN
Thu, 4-Jun-2026
ဒုတိယသမ္မတ ဦးညိုစော (၂၉) ကြိမ်မြောက် နိုင်ငံတကာစီးပွားရေးဖိုရမ် (29 th St. Petersburg International Economic Forum- SPIEF 2026) ဖွင့်ပွဲအခမ်းအနားသို့ တက်ရောက်
ဒုတိယသမ္မတ ဦးညိုစော (၂၉) ကြိမ်မြောက် နိုင်ငံတကာစီးပွားရေးဖိုရမ် (29 th St. Petersburg International Economic Forum- SPIEF 2026) ဖွင့်ပွဲအခမ်းအနားသို့ တက်ရောက်
နေပြည်တော် ဇွန် ၄(၂၉)ကြိမ်မြောက် နိုင်ငံတကာစီးပွားရေးဖိုရမ် (29 th St. Petersburg International Economic Forum- SPIEF 2026) ဖွင့်ပွဲအခမ်းအနားကို ယနေ့ဒေသစံတော်ချိန် မွန်းလွဲပိုင်းတွင် စိန့်ပီတာစဘတ်မြို့ရှိ EXPOFORUM Convention and Exhibition Centre ၌ ကျင်းပရာ ဒုတိယသမ္မတ ဦးညိုစောတက်ရောက်ဆွေးနွေးပြောကြားသည်။အခမ်းအနားသို့ ရုရှားဖက်ဒရေးရှင်းနိုင်ငံ ဒုတိယဝန်ကြီးချုပ်၊ ဗီယက်နမ်ဆိုရှယ်လစ်သမ္မတနိုင်ငံ ဒုတိယဝန်ကြီးချုပ်၊ ကာဂျစ်သမ္မတနိုင်ငံအစိုးရအဖွဲ့ ဒုတိယဥက္ကဋ္ဌ၊ ပြည်ထောင်စုဝန်ကြီးများ၊ ကမ္ဘာတစ်ဝန်းရှိနိုင်ငံပေါင်း ၁၃၀ ကျော်မှ အကြီးအကဲများနှင့် ကိုယ်စားလှယ်အဖွဲ့ဝင်များ၊ ရုရှားဖက်ဒရေးရှင်းနိုင်ငံဆိုင်ရာ မြန်မာနိုင်ငံသံအမတ်ကြီး၊ စိန့်ပီတာစဘတ်မြို့ မြန်မာကောင်စစ်ဝန်ချုပ်နှင့် တာဝန်ရှိသူများ၊ ဖိတ်ကြားထားသည့်နိုင်ငံများမှ အကြီးအကဲများနှင့် တာဝန်ရှိသူများ၊ စီးပွားရေးလုပ်ငန်းရှင်များ တက်ရောက်ကြသည်။ဦးစွာ (၂၉) ကြိမ်မြောက် နိုင်ငံတကာစီးပွားရေးဖိုရမ် (29 th St. Petersburg International Economic Forum- SPIEF 2026) မှတ်တမ်းဗီဒီယိုကိုပြသပြီး စိန့်ပီတာစဘတ်အုပ်ချုပ်ရေးမှူးက ကြိုဆိုနှုတ်ခွန်းဆက်စကား ပြောကြားသည်။ထို့နောက် ဒုတိယသမ္မတဦးညိုစောက ဆွေးနွေးပြောကြားရာတွင် မြန်မာနိုင်ငံသည် ရေရှည်ဖွံ့ဖြိုးတိုးတက်မှုအတွက် ကြီးမားသောအလားအလာများရှိသကဲ့သို့ အရှေ့အာရှ၊ အရှေ့တောင်အာရှနှင့် တောင်အာရှတို့၏ဆုံချက်တွင် တည်ရှိသဖြင့် မဟာဗျူဟာမြောက် ထူးခြားသောပထဝီဝင်အနေအထားကို ပိုင်ဆိုင်ထားပါကြောင်း၊ ပစိဖိတ်သမုဒ္ဒရာနှင့် အိန္ဒိယသမုဒ္ဒရာတို့အကြားတည်ရှိသော မြန်မာနိုင်ငံသည် ဒေသတွင်းဈေးကွက်များကို ချိတ်ဆက်ပေးပြီး ကုန်သွယ်မှု၊ သယ်ယူပို့ဆောင်ရေးနှင့် စီးပွားရေးပေါင်းစည်းမှုတို့ကို လွယ်ကူချောမွေ့စေသည့် သဘာဝကုန်းတွင်းတံတား (Natural Land Bridge) တစ်ခုအဖြစ် တည်ရှိနေကြောင်း၊ ယခုကဲ့သို့ အားသာချက်များကို အမိအရအသုံးချနိုင်ရန်အတွက် မြန်မာနိုင်ငံအစိုးရသည် ကုန်သွယ်မှုလွယ်ကူချောမွေ့စေရေးနှင့် စီးပွားရေးလုပ်ကိုင်ရမှု ပတ်ဝန်းကျင်တိုးတက်ကောင်းမွန်စေရေးတို့ကို ဦးတည်သည့်မူဝါဒများကို ချမှတ်အကောင်အထည်ဖော် ဆောင်ရွက်လျက်ရှိကြောင်း။ထို့ပြင် မိမိတို့နိုင်ငံသည် ကုန်ထုတ်စွမ်းအားမြှင့်တင်ရန်၊ ရိက္ခာလုံခြုံမှုအားကောင်းစေရန်နှင့် ရေရှည်တည်တံ့သော ဖွံ့ဖြိုးတိုးတက်မှုကို အထောက်အကူပြုနိုင်ရန်အတွက် စိုက်ပျိုးရေးနှင့် မွေးမြူရေးကဏ္ဍများကို ခေတ်မီအောင် ပြုပြင်ပြောင်းလဲလျက်ရှိသည့်အတွက် ကဏ္ဍများတွင် နိုင်ငံတကာပူးပေါင်းဆောင်ရွက်မှုများနှင့် ရင်းနှီးမြှုပ်နှံမှုများကိုပိုမိုရရှိရန် ကြိုဆိုလျက်ရှိကြောင်း၊ အထူးသဖြင့် သယ်ယူပို့ဆောင်ရေး၊ ဆက်သွယ်ရေး၊ ဒစ်ဂျစ်တယ်အခြေခံအဆောက်အအုံ၊ ထောက်ပံ့ပို့ဆောင်ရေး (Logistics)၊ ပို့ကုန်ဦးတည် ကုန်ထုတ်လုပ်မှုလုပ်ငန်းများ၊ နည်းပညာနှင့် ဒစ်ဂျစ်တယ်ဝန်ဆောင်မှုကဏ္ဍများတွင် လာရောက်ရင်းနှီးမြှုပ်နှံကြရန် ဖိတ်ခေါ်ပါကြောင်း ပြောကြားသည်။ယင်းနောက် ကာဂျစ်သမ္မတနိုင်ငံအစိုးရအဖွဲ့ ဒုတိယဥက္ကဋ္ဌ၊ ရုရှားဖက်ဒရေးရှင်းနိုင်ငံ ဒုတိယဝန်ကြီးချုပ်၊ အာရှ-ပစိဖိတ်စီးပွားရေးပူးပေါင်းဆောင်ရွက်မှုအဖွဲ့ အတွင်းရေးမှူးရုံး အမှုဆောင်ညွှန်ကြားရေးမှူးနှင့် ဗီယက်နမ်ဆိုရှယ်လစ်သမ္မတနိုင်ငံ ဒုတိယဝန်ကြီးချုပ်တို့က ဆွေးနွေးပြောကြားကြသည်။နံနက်ပိုင်းကလည်း ဒုတိယသမ္မတဦးဆောင်သော ကိုယ်စားလှယ်အဖွဲ့သည် အီးအေအီးယူ-အာဆီယံ (EAEU-ASEAN) စီးပွားရေးဆွေးနွေးပွဲသို့ တက်ရောက်ကြပြီး အဆိုပါဆွေးနွေးပွဲတွင် အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးက အီးအေအီးယူနှင့် အာဆီယံတို့အကြား ကာလလတ်နှင့် ကာလရှည်တွင် စီးပွားရေးလုပ်ငန်းများ ပူးပေါင်းဆောင်ရွက်ရာ၌ ဒီဂျစ်တယ်အသွင်ကူးပြောင်းခြင်း၊ အရင်းအမြစ်နှင့် ရာသီဥတုဆိုင်ရာ ဘေးအန္တရာယ်များကို ကြံ့ကြံ့ခံနိုင်ခြင်းတို့၏ အရေးပါမှုနှင့် အီးအေအီးယူနှင့် အာဆီယံတို့မှ စီးပွားရေးအသိုက်အဝန်းများအကြား အပြန်အလှန်စီးပွားရေး အကျိုးဖြစ်ထွန်းစေမည့် ဖန်တီးမှုရှိသောစီးပွားရေးနယ်ပယ်များတွင် ပူးပေါင်းဆောင်ရွက်ရေးတို့ကို ပါဝင်ဆွေးနွေးသည်။ထို့နောက် ဒုတိယသမ္မတသည် လီနင်ဂရက်ဒေသ အုပ်ချုပ်ရေးမှူး Mr. Alexander Drozdenko နှင့် ရုရှားစီးပွားရေးဖွံ့ဖြိုးတိုးတက်မှုဝန်ကြီး Mr. Maksim Reshetnikov ဦးဆောင်သော ကိုယ်စားလှယ်အဖွဲ့တို့အား စင်တာ၌ သီးခြားစီလက်ခံတွေ့ဆုံပြီး မြန်မာနိုင်ငံနှင့် လီနင်ဂရက်ဒေသအကြား ပြည်နယ်/ဒေသအစိုးရအချင်းချင်း ဆက်ဆံရေးသာမက ပြည်သူအချင်းချင်းထိတွေ့ဆက်သွယ်မှုများအထိ မြှင့်တင်ဆောင်ရွက်သွားနိုင်ရေး၊ ကုန်သွယ်မှုနှင့် ရင်းနှီးမြှုပ်နှံမှုမြှင့်တင်နိုင်ရေး၊ ဗီဇာကင်းလွတ်ခွင့်စာချုပ် လက်မှတ်ရေးထိုးနိုင်ခဲ့ခြင်းကြောင့် ခရီးသွားကဏ္ဍ ကျယ်ကျယ်ပြန့်ပြန့် ဆောင်ရွက်သွားနိုင်ရေးကိစ္စရပ်များ၊ မြန်မာ-ရုရှား အစိုးရအချင်းချင်းကုန်သွယ်ရေးနှင့် စီးပွားရေးပူးပေါင်းဆောင်ရွက်ရေးကော်မရှင်အနေဖြင့် နှစ်နိုင်ငံကုန်သွယ်ရေးနှင့်စီးပွားရေးဆိုင်ရာ ပူးပေါင်းဆောင်ရွက်လျက်ရှိသည့်အခြေအနေများ၊ နှစ်နိုင်ငံအကောင်အထည်ဖော် ပူးပေါင်းဆောင်ရွက်လျက်ရှိသည့် စီမံကိန်းများ လုပ်ငန်းစဉ်များအလိုက် ဖြစ်ပေါ်တိုးတက်မှုအခြေအနေများနှင့် ဆက်လက်တိုးမြှင့် ပူးပေါင်းဆောင်ရွက်သွားမည့်အခြေအနေများ၊ စက်မှုကဏ္ဍ၊ ဓာတ်သတ္တုကဏ္ဍ၊ အလုပ်သမားရေးရာကဏ္ဍနှင့် စွမ်းအင်ကဏ္ဍများ၌ ပူးပေါင်းဆောင်ရွက်သွားနိုင်ရေးကိစ္စရပ်များကို ဆွေးနွေးခဲ့ကြသည်။moi
Thu, 4-Jun-2026
© Copyright 2024 SAC All Rights Reserved.