လားရှိုးမြို့၌ နိုင်ငံသားစိစစ်ရေးကတ်ပြားများ ကွင်းဆင်းဆောင်ရွက်ပေး

NoahJune222

News Image

  • လားရှိုးမြို့၌ နိုင်ငံသားစိစစ်ရေးကတ်ပြားများ ကွင်းဆင်းဆောင်ရွက်ပေး

လားရှိုး ဧပြီ ၂၃

ရှမ်းပြည်နယ် (မြောက်ပိုင်း) လားရှိုးမြို့တွင် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန လားရှိုးမြို့နယ်ဦးစီးမှူးရုံးမှ ရက် (၁၀၀) စီမံချက်ဖြင့် နိုင်ငံသားစိစစ်ရေးကတ်ပြားများရရှိစေရေး ကွင်းဆင်းဆောင်ရွက်ပေးနေမှုကို တာဝန်ရှိသူများက ဧပြီ ၂၃ ရက် ညနေပိုင်းက ကြည့်ရှုအားပေးသည်။

ထိုသို့ကြည့်ရှုအားပေးရာတွင် ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးမျိုးမင်းထွန်း၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးဇော်နိုင်ဦး၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန လားရှိုးခရိုင်ဦးစီးမှူးရုံးမှ ခရိုင်ဦးစီးမှူး ဦးကျော်မော်ထွန်း၊ လားရှိုးမြို့နယ်ဦးစီးမှူးရုံးမှ မြို့နယ်ဦးစီးမှူး ဦးကျော်သက်နိုင်နှင့် ခရိုင်စီမံခန့်ခွဲရေးနှင့် အုပ်ချုပ်ရေးကော်မတီအဖွဲ့ဝင်များက အသက် ၁၈ နှစ်နှင့်အထက် နိုင်ငံသားစိစစ်ရေးကတ်ပြား မရှိသေးသူများ၊ အသက် ၁၀ နှစ်နှင့်အထက် ကျောင်းသား ကျောင်းသူများအား ကိုင်ဆောင်သင့်သည့် ကတ်ပြားတစ်မျိုးမျိုးလက်ဝယ်ရရှိစေရေးအတွက် လားရှိုးမြို့နယ် ဦးစီးမှူးရုံးမှ ဝန်ထမ်းများ၊ သက်ဆိုင်ရာရပ်ကွက်အုပ်ချုပ်ရေးမှူးများနှင့် တာဝန်ရှိသူများက ရပ်ကွက် (၁၀) မြို့ဝမ်ရပ်ကွက်နှင့် ရပ်ကွက်(၇) သံလွင်ရပ်ကွက်တို့တွင် ကွင်းဆင်းဆောင်ရွက်ပေးနေမှုကို ကြည့်ရှုအားပေးကာ လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။

လူမော် (ပြန်/ဆက်)

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

ကြံခင်းမြို့နယ်၌ အငြိမ်းစားဝန်ထမ်းများအား ဆီနှင့် ကြက်ဥများ ဈေးနှုန်းသက်သာစွာ ရောင်းချ
ကြံခင်းမြို့နယ်၌ အငြိမ်းစားဝန်ထမ်းများအား ဆီနှင့် ကြက်ဥများ ဈေးနှုန်းသက်သာစွာ ရောင်းချ
ကြံခင်း ဧပြီ ၂၃ ဧရာဝတီတိုင်းဒေသကြီး ကြံခင်းမြို့နယ် မြန်မာ့စီးပွားရေးဘဏ်၌ ပင်စင်လစာထုတ်ယူကြသော အငြိမ်းစားဝန်ထမ်းများအား ဆီနှင့် ကြက်ဥများ ဈေးနှုန်းချိုသာစွာ ရောင်းချခြင်းကို ယနေ့နံနက် ၈ နာရီက ဆောင်ရွက်‌သည်။ ထိုသို့ ရောင်းချပေးနေမှုကို မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ခေတ္တဥက္ကဋ္ဌ ဦးကျော်မင်းထက်၊ မြို့နယ်စားသုံးသူရေးရာဦးစီးဌာန မြို့နယ်တာဝန်ခံ ဦးကျော်နိုင်ဝင်း၊ တိုင်းဒေသကြီး ဆီကုန်သည်နှင့် ဆီလုပ်ငန်းရှင်များအသင်း ဗဟိုအလုပ်အမှုဆောင်အဖွဲ့ဝင် ဦးကျော်ဝင်းမော်တို့က ကြည့်ရှုအားပေးကြသည်။ ရောင်းချရာတွင် မြို့နယ်ကုန်ဈေးနှုန်းတည်ငြိမ်ကျဆင်းရေး ကော်မတီအဖွဲ့ဝင်များနှင့် စားအုန်းဆီလက်လီ/လက်ကားရောင်းဝယ်ရေး လုပ်ငန်းရှင်များပူးပေါင်း၍ ဆီတစ်ပိဿာလျှင် ငွေကျပ် ၇၆၃၃ ကျပ် နှုန်း၊ ကြက်ဥတစ်လုံးလျှင် ငွေကျပ် ၅၀၀ နှုန်းဖြင့် တစ်ဦးလျှင် ဆီ ၅၀ ကျပ်သား၊ ကြက်ဥ လေးလုံးစီဖြင့် စုစုပေါင်း ဆီပိဿာ ၁၁၀ နှင့် ကြက်ဥ အလုံး ၅၀၀ ကို ရောင်းချပေးခဲ့ကြောင်း သိရသည်။ဖြိုးဝေလင်း(ပြန်/ဆက်)MDN
Fri, 24-Apr-2026
နိုင်ငံတော်သမ္မတ၏ လမ်းညွှန်မှာကြားချက်များ၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ရက်ပေါင်း (၁၀၀) အကောင်အထည်ဖော်ဆောင်ရွက်မည့် လုပ်ငန်းများရှင်းလင်း
နိုင်ငံတော်သမ္မတ၏ လမ်းညွှန်မှာကြားချက်များ၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ရက်ပေါင်း (၁၀၀) အကောင်အထည်ဖော်ဆောင်ရွက်မည့် လုပ်ငန်းများရှင်းလင်း
နေပြည်တော် ဧပြီ ၂၃ သမဝါယမနှင့် ကျေးလက်ဒေသဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးမျိုးဇော်သိမ်းသည် ယနေ့နံနက်ပိုင်းတွင် ကျေးလက်ဒေသဖွံ့ဖြိုးတိုးတက်ရေးဦးစီးဌာနရှိ အရာထမ်း၊ အမှုထမ်းများနှင့် တွေ့ဆုံသည်။ ဖြည့်စွက်မှာကြားတွေ့ဆုံစဉ် နိုင်ငံတော်သမ္မတ၏ လမ်းညွှန်မှာကြားချက်များအပေါ် ထပ်ဆင့်ရှင်းလင်းခြင်းနှင့် ရက် ၁၀၀ စီမံချက်ပါလုပ်ငန်းများ ထိရောက်မြန်ဆန်စွာ အကောင်အထည်ဖော် ဆောင်ရွက်နိုင်ရေးအတွက် ဦးစီးဌာန(ရုံးချုပ်)မှ တာဝန်ရှိသူများနှင့် ပြည်နယ်/ တိုင်းဒေသကြီးများမှ တာဝန်ရှိသူများ၏ တင်ပြချက်များအပေါ် ပြည်ထောင်စုဝန်ကြီးက သမဝါယမစနစ်ဖြင့် ကုန်ထုတ်လုပ်ငန်းများ တိုးတက်စေရန် သက်ဆိုင်ရာဌာနများနှင့် ပူးပေါင်းဆောင်ရွက်သွားရန် ဖြည့်စွက်မှာကြားခဲ့ကြောင်း သိရသည်။သတင်းစဉ်MDN
Fri, 24-Apr-2026
ပင်လယ်ပြင်ခရီးအတွက် မိုးလေဝသခန့်မှန်းချက်
ပင်လယ်ပြင်ခရီးအတွက် မိုးလေဝသခန့်မှန်းချက်
(၂၀၂၆ ခုနှစ်၊ ဧပြီလ ၂၄ ရက်နေ့၊ နံနက် ၁၀:၃၀ နာရီအချိန်ထုတ်ပြန်ချက်) ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် တိမ်အနည်းငယ်မှ တိမ်အသင့်အတင့် ဖြစ်ထွန်းနေပါသည်။ ရန်ကုန်မှ တနင်္သာရီကမ်းရိုးတန်းတစ်လျှောက် ပင်လယ်ပြင်ခရီးအတွက် မိုးလေဝသခန့်မှန်းချက်  ယနေ့မွန်းတည့်မှ နောက်(၂၄)နာရီအတွင်းခန့်မှန်းချက်  မိုးလေဝသအ‌ခြေအနေ။ နေရာကွက်ကျား မိုးထစ်ချုန်းရွာမည်။  အမြင်တာ။ ၄ မိုင်၊ မိုးရွာစဉ် ၁ မိုင်ခန့်။  ရေပြင်လေ။ အနောက် (သို့) အနောက်မြောက်၊ တစ်နာရီပင်လယ်မိုင် ၅-၁၀ မိုင်၊ တစ်ခါတစ်ရံ မိုင် ၂၀ မှ ၂၅ မိုင်။  လှိုင်းအ‌ခြေအနေ။ လှိုင်းအနည်းငယ်မှ လှိုင်းအသင့်အတင့်ရှိမည်။  လှိုင်းအမြင့်။ ၄ ပေမှ ၆ ပေခန့်။  ရန်ကုန်မှ ရခိုင်ကမ်းရိုးတန်းတစ်လျှောက် ပင်လယ်ပြင်ခရီးအတွက် မိုးလေဝသခန့်မှန်းချက်  ယနေ့မွန်းတည့်မှ နောက်(၂၄)နာရီအတွင်း ခန့်မှန်းချက်  မိုးလေဝသအ‌ခြေအနေ။ တိမ်အသင့်အတင့် ဖြစ်ထွန်းမည်။  အမြင်တာ။ ၅ မိုင်။ ရေပြင်လေ။ အနောက်မြောက်၊ တစ်နာရီပင်လယ်မိုင် ၅-၁၀ မိုင်၊ တစ်ခါတစ်ရံ မိုင် ၂၀ မှ ၂၅ မိုင်။  လှိုင်းအ‌ခြေအနေ။ လှိုင်းအနည်းငယ်မှ လှိုင်းအသင့်အတင့်ရှိမည်။ လှိုင်းအမြင့်။ ၄ ပေမှ ၆ ပေခန့်။ Crd> မိုး/ဇလMDN
Fri, 24-Apr-2026
မြဝတီမြို့၏ ပညာရေးကဏ္ဍ ဘက်စုံဖွံ့ဖြိုးတိုးတက်စေရန် တာဝန်ရှိသူများ မြေပြင်ကွင်းဆင်းဆောင်ရွက်
မြဝတီမြို့၏ ပညာရေးကဏ္ဍ ဘက်စုံဖွံ့ဖြိုးတိုးတက်စေရန် တာဝန်ရှိသူများ မြေပြင်ကွင်းဆင်းဆောင်ရွက်
မြဝတီ ဧပြီ ၂၃ ကရင်ပြည်နယ် မြဝတီမြို့၏ ပညာရေးကဏ္ဍ ဘက်စုံဖွံ့ဖြိုးတိုးတက်စေရန်အတွက် ယနေ့နံနက်ပိုင်းတွင် တာဝန်ရှိသူများက မြေပြင်ကွင်းဆင်းဆောင်ရွက်သည်။ ထိုသို့ ကွင်းဆင်းဆောင်ရွက်ရာတွင် မြဝတီမြို့နယ် ပြည်သူ့လွှတ်တော်ကိုယ်စားလှယ် ဦးခင်မောင်ချင်း၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ မြို့နယ်အုပ်ချုပ်ရေးမှူး ဦးဇော်မော်အောင်၊ ခရိုင်ပညာရေးမှူး ဦးစောဝါးလယ်ထူး၊ မြို့နယ်ပညာရေးမှူးနှင့် တာဝန်ရှိသူများက အမှတ် (၅)ရပ်ကွက် ဗိုလ်ချုပ်လမ်းနှင့် အောင်ဇေယျလမ်းထောင့်ရှိ RC သုံးထပ်အဆောက်အအုံ ပညာရေးဝန်ထမ်းအိမ်ရာဆောက်လုပ်မည့် မြေနေရာအား လည်းကောင်း၊ အမှတ်(၄)ရပ်ကွက်ရှိ အခြေခံပညာမူလတန်း (မြန်မာနန်း) ကျောင်းဝင်း၌ မီတာ ၄၀၀ အကျယ်အဝင်းရှိသည့် အားကစားကွင်း ပုံဖော်ပြင်ဆင်ခြင်းနှင့် အုတ်စီရေမြောင်းပြုပြင်ခြင်းကို လည်းကောင်း၊ အမှတ်(၄)ရပ်ကွက်ရှိ အမှတ် (၁) အခြေခံပညာအထက်တန်းကျောင်းဝင်းရှိ ဘက်စုံသုံး ခန်းမဆောင်အား ပြုပြင်ခြင်းနှင့် အားကစားခန်းမ ပြင်ဆင်ပြုပြင် ခြင်းလုပ်ငန်းများကို ကွင်းဆင်း ကြည့်ရှုခဲ့ကြသည်။ မြဝတီမြို့၏ ပညာရေးကဏ္ဍ ဘက်စုံဖွံ့ဖြိုးတိုးတက်စေရန်အတွက် ပြင်ဆင်မွမ်းမံ တည်ဆောက်ခြင်း လုပ်ငန်းများကို ၂၀၂၆-၂၀၂၇ ဘဏ္ဍာနှစ်အတွင်း အပြီးသတ် အကောင်အထည်ဖော် ဆောင်ရွက်သွားမည်ဖြစ်ကြောင်း သိရသည်။မြို့နယ်(ပြန်/ဆက်)MDN
Fri, 24-Apr-2026
ချင်းပြည်နယ်ဝန်ကြီးချုပ် ၂၀၂၆−၂၀၂၇ ဘဏ္ဍာရေးနှစ် ချင်းပြည်နယ်၏ ဒေသန္တရ စီမံကိန်းရည်မှန်းချက်များ တာဝန်ပေးအပ်ပွဲ အခမ်းအနား တက်ရောက်
ချင်းပြည်နယ်ဝန်ကြီးချုပ် ၂၀၂၆−၂၀၂၇ ဘဏ္ဍာရေးနှစ် ချင်းပြည်နယ်၏ ဒေသန္တရ စီမံကိန်းရည်မှန်းချက်များ တာဝန်ပေးအပ်ပွဲ အခမ်းအနား တက်ရောက်
ဟားခါး ဧပြီ ၂၃ ၂၀၂၆−၂၀၂၇ ဘဏ္ဍာရေးနှစ် ချင်းပြည်နယ်၏ ဒေသန္တရစီမံကိန်း ရည်မှန်းချက်များ တာဝန်ပေးအပ်ပွဲ အခမ်းအနားကို ယနေ့နံနက် ၁၀ နာရီက ဟားခါးမြို့ ချင်းပြည်နယ် အစိုးရအဖွဲ့ရုံးရှိ ပြည်နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပရာ ချင်းပြည်နယ်ဝန်ကြီးချုပ် ဒေါက်တာ ဝုန်ဆွန်းထန်၊ ပြည်နယ်ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူးနှင့် ပြည်နယ် အဆင့် ဌာနဆိုင်ရာတာဝန်ရှိသူများ တက်ရောက်ကြသည်။ ဦးစွာ ပြည်နယ်ဝန်ကြီးချုပ်က ၂၀၂၆− ၂၀၂၇ ဘဏ္ဍာရေးနှစ်တွင် ပြည်သူကို တိုက်ရိုက်အကျိုးရှိစေမည့် ကျေးလက်ဒေသနှင့် နယ်စပ်ဒေသဖွံ့ဖြိုးရေးအတွက် ကျေးလက်လမ်း၊ နတလနယ်စပ်လမ်း၊ မြို့ပြ ဖွံ့ဖြိုးတိုးတက်ရေးအတွက် မြို့ပြလမ်း၊ ပြည်ထောင်စုလမ်းနှင့် ပြည်နယ်လမ်းများ ဆောင်ရွက်ရန် ငွေလုံးငွေရင်းရန်ပုံငွေ၏ ၄၁ ရာခိုင်နှုန်း၊ သောက်သုံးရေနှင့် စိုက်ပျိုးရေ ရရှိရေးအတွက် ရှစ်ရာခိုင်နှုန်း၊ မြို့ပြနှင့်ကျေးလက် မီးရရှိရေး လုပ်ငန်းအတွက် ကိုးရာခိုင်နှုန်းနှင့် အခြား တည်ဆောက်ရေး လုပ်ငန်းများအတွက် ၂၁ ရာခိုင်နှုန်း ထည့်သွင်း လျာထားပါကြောင်း၊ ယနေ့အခမ်းအနားမှ တာဝန်ပေးအပ် လိုက်သည့် ဒေသန္တရစီမံကိန်း ရည်မှန်းချက်များ ပြည့်မီကျော်လွန်ရေးအတွက် ပြည်နယ်အဆင့် ဌာနဆိုင်ရာ တာဝန်ရှိသူများ၊ ခရိုင်၊ မြို့နယ်စီမံခန့်ခွဲရေးနှင့် အုပ်ချုပ်ရေး ကော်မတီများက စနစ်တကျ စီမံချက်များရေးဆွဲ၍ တွန်းအား ပေးဆောင်ရွက်ရန် လိုကြောင်း ပြောကြားသည်။ ယင်းနောက် စီမံကိန်းဦးစီးဌာနချင်းပြည်နယ်ဦးစီးမှူးက ၂၀၂၆− ၂၀၂၇ ဘဏ္ဍာရေးနှစ် ဒေသန္တရ စီမံကိန်းဥပဒေကို ရှင်းလင်းတင်ပြသည်။ ထို့နောက် ပြည်နယ်ဝန်ကြီးချုပ် က ၂၀၂၆−၂၀၂၇ ဘဏ္ဍာရေးနှစ် ဒေသန္တရစီမံကိန်း ရည်မှန်းချက်များကို ပေးအပ်ရာ သက်ဆိုင်ရာပြည်နယ်ဝန်ကြီးများနှင့် ပြည်နယ် အစိုးရအဖွဲ့ အတွင်းရေးမှူးတို့က လက်ခံရယူကြပြီး ပြည်နယ်ဝန်ကြီးချုပ်က နိဂုံးချုပ်အမှာ စကားပြောကြားခဲ့ကြောင်း သိရသည်။ ခရိုင်(ပြန်/ဆက်)MDN
Fri, 24-Apr-2026
ပြည်ထောင်စုဝန်ကြီး ဦးမျိုးသန့် ငလျင်ဒဏ်ကြောင့် ပျက်စီးသွားသည့် ဝန်ထမ်းအိမ်ရာများ ပြုပြင်ခြင်းနှင့် အိမ်ရာအသစ် တည်ဆောက်ခြင်းလုပ်ငန်းများ ကြည့်ရှုစစ်ဆေး
ပြည်ထောင်စုဝန်ကြီး ဦးမျိုးသန့် ငလျင်ဒဏ်ကြောင့် ပျက်စီးသွားသည့် ဝန်ထမ်းအိမ်ရာများ ပြုပြင်ခြင်းနှင့် အိမ်ရာအသစ် တည်ဆောက်ခြင်းလုပ်ငန်းများ ကြည့်ရှုစစ်ဆေး
နေပြည်တော် ဧပြီ ၂၃ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးမျိုးသန့်သည် နေပြည်တော်ကောင်စီဥက္ကဋ္ဌ ဦးကံမြင့်သန်း၊ ဒုတိယမြို့တော်ဝန်၊ ဌာနဆိုင်ရာ တာဝန်ရှိသူများနှင့်အတူ ယနေ့တွင် နေပြည်တော် ကောင်စီနယ်မြေအတွင်း မန္တလေးငလျင်ကြီးကြောင့် ပျက်စီးခဲ့သော ဝန်ထမ်းအိမ်ရာများအတွက် ဝန်ထမ်းအိမ်ရာအသစ်များ ပြန်လည်တည်ဆောက်ပေးခြင်း လုပ်ငန်းနှင့် အနီရောင်အဆင့် ပျက်စီးသော ဝန်ထမ်းအိမ်ရာအဆောက်အအုံ ပြင်ဆင်ခြင်းလုပ်ငန်းများကို လိုက်လံကြည့်ရှုစစ်ဆေးသည်။ ဦးစွာ ဝန်ထမ်းအိမ်ရာများ အသစ်ပြန်လည် တည်ဆောက်နေသည့် နေပြည်တော်ကောင်စီနယ်မြေ အကွက်အမှတ် (၈-က)သို့ သွားရောက်ပြီး လုပ်ငန်းခွင်ရှင်းလင်းဆောင်သို့ ရောက်ရှိရာ ပြည်ထောင်စုဝန်ကြီးနှင့် နေပြည်တော်ကောင်စီ ဥက္ကဋ္ဌတို့က Modular House များဖြင့် ယာယီနေထိုင်နေသည့် နိုင်ငံ့ဝန်ထမ်းများကို အမြန်ဆုံးနေရာချထား ပေးနိုင်ရေးအတွက် ဦးစားပေးဆောင်ရွက်ရမည်ဖြစ်ကြောင်း၊ ဝန်ထမ်းအိမ်ရာများကို မဂ္ဂနီကျု ၈ အထိ ငလျင်ဒဏ်ခံနိုင်စေရေး ဒီဇိုင်းထုတ်လုပ်ထားပြီးဖြစ်၍ စနစ်တကျ သိရှိလိုက်နာကြရန် လိုအပ်မည်ဖြစ်ကြောင်း၊ တည်ဆောက်ရေးလုပ်ငန်းများ၏ အရည်အသွေးစစ်ဆေးခြင်းနှင့် လုပ်ငန်းသုံးပစ္စည်းများကို သတ်မှတ်ထားသော အရည်အသွေးပြည့်မီရေး၊ သတ်မှတ်ကာလအတွင်း ပြီးစီးစေရေးတို့ကို အလေးထားဆောင်ရွက်ကြရန် လိုအပ်ကြောင်း။ တာဝန်ယူဆောင်ရွက်နေသော ကုမ္ပဏီများ လုပ်ငန်းအခက်အခဲရှိပါက ကူညီဆောင်ရွက်ပေးမည် ဖြစ်ပါကြောင်း၊ ဒီဇိုင်းဆိုင်ရာနှင့် နည်းပညာဆိုင်ရာ လိုအပ်ချက်များရှိပါက ဌာနဆိုင်ရာများသို့ အချိန်နှင့် တစ်ပြေးညီ ပေါင်းစပ်ဆောင်ရွက်ပေးမည်ဖြစ်ကြောင်း၊ ဇူလိုင်လကုန်တွင် ပြီးစီးရန် သတ်မှတ်ထားသည့် အဆောက်အအုံများပြီးစီးရေး ဝိုင်းဝန်းပူးပေါင်း ဆောင်ရွက်ရန်လိုကြောင်း၊ ကွန်ကရစ်လမ်းနှင့် လျှပ်စစ်မီးစသည့် Infrastructure များပါ တစ်ပါတည်း ပြီးစီးအောင် ဆောင်ရွက်ရမည်ဖြစ်ကြောင်း မှာကြားသည်။ ကြည့်ရှုစစ်ဆေး ထို့နောက် နေပြည်တော်စည်ပင်သာယာရေး ကော်မတီ၊ ဒုတိယမြို့တော်ဝန်နှင့် ကော်မတီအဖွဲ့ဝင်များ၊ ဆောက်လုပ်ရေးဝန်ကြီးဌာနမှ တာဝန်ရှိသူများက အိမ်ရာစီမံကိန်းလုပ်ငန်းများ ဆောင်ရွက်ထားရှိမှု၊ ဆက်လက်ဆောင်ရွက်မည့် လုပ်ငန်း အစီအစဉ်များနှင့်ပတ်သက်၍ လည်းကောင်း၊ ဆောက်လုပ်ရေးကုမ္ပဏီအသင်းအဖွဲ့တို့မှ တာဝန် ရှိသူများက အိမ်ရာစီမံကိန်းတည်ဆောက်ခြင်း ဆိုင်ရာများနှင့် စပ်လျဉ်း၍ အိမ်ရာစီမံကိန်းလုပ်ငန်း လျာထားချက်၊ ဆောင်ရွက်နေမှု၊ ဆောင်ရွက်ပြီးစီးမှုနှင့် ဆက်လက်ဆောင်ရွက်မည့် လုပ်ငန်းအစီအစဉ်များကိုလည်းကောင်း သက်ဆိုင်ရာ ကဏ္ဍအလိုက် ရှင်းလင်းတင်ပြကြရာ ပြည်ထောင်စုဝန်ကြီးနှင့် နေပြည်တော်ကောင်စီဥက္ကဋ္ဌတို့က လုပ်ငန်းလိုအပ်ချက်များ ပေါင်းစပ်ညှိနှိုင်းဆောင်ရွက်ပေးပြီး အဆောက်အအုံများ တည်ဆောက်ရေးလုပ်ငန်းခွင်အတွင်း လုပ်ငန်းဆောင်ရွက်နေမှုနှင့် ဆောင်ရွက် ပြီးစီးမှုအခြေအနေတို့ကို အသေးစိတ် လိုက်လံကြည့်ရှု စစ်ဆေးကာ တာဝန်ရှိသူများကို လုပ်ငန်းလိုအပ်ချက်များ မှာကြားသည်။ မန္တလေးငလျင်ကြီးကြောင့် ပျက်စီးခဲ့သော ဝန်ထမ်းအိမ်ရာများအတွက် အကွက်အမှတ် (၈-က) တွင် အဆောက်အအုံ ၆၁ လုံး (၉၇၆ ခန်း)၊ အကွက် အမှတ် (၈-ခ)တွင် အလုံး ၄၀(အခန်း ၆၄၀)၊ အကွက် အမှတ်(၃)တွင် ၇၈ လုံး (၁၂၄၈ ခန်း)၊ အကွက်အမှတ် (၄)တွင် ၁၁၂ လုံး (၁၇၉၂ ခန်း) စုစုပေါင်းတိုက် ၂၉၁ လုံး (အခန်း ၄၆၅၆ ခန်း) ကို စတင်တည်ဆောက်လျက် ရှိပြီး လုပ်ငန်းများ သတ်မှတ်ချိန်အတွင်း အရည်အသွေးပြည့်မီစွာ ပြီးစီးရေး စနစ်တကျ ကြပ်မတ်၍ တည်ဆောက်လျက်ရှိသည်။ ယင်းနောက် ပြည်ထောင်စုဝန်ကြီး၊ နေပြည်တော် ကောင်စီဥက္ကဋ္ဌနှင့်တာဝန်ရှိသူများသည် ဇမ္ဗူသီရိ မြို့နယ် ဉာဏသိဒ္ဓိရပ်ကွက်ရှိ အနီရောင်အဆင့် သတ်မှတ်ထားသော အဆောက်အအုံများ ပြုပြင် ဆောင်ရွက်နေသည့် လုပ်ငန်းခွင်သို့ သွားရောက် စစ်ဆေးရာ တာဝန်ရှိသူများ၏ ရှင်းလင်းတင်ပြချက်များအပေါ် ငလျင်ဒဏ်ကြောင့် ပျက်စီးခဲ့ရသော အဆောက်အအုံများ ပြန်လည်ပြုပြင်ရာတွင် ပျက်စီးမှု အမျိုးအစားအလိုက် လိုက်နာဆောင်ရွက်ရမည့် လုပ်ငန်းစဉ် (Standard Operation Procedure-SOP) ကို ပြုစုဖြန့်ဝေထားပြီးဖြစ်၍ ကုမ္ပဏီများအနေ ဖြင့် ပြင်ဆင်ခြင်းအပိုင်းတွင်လည်းကောင်း၊ သက်ဆိုင်သော ဌာနများ၏ ကြီးကြပ်မှုအပိုင်းတွင် လည်းကောင်း တိတိကျကျ လိုက်နာဆောင်ရွက်ရန် လိုအပ်ပါကြောင်း၊ ဇူလိုင်လကုန် ပြီးစီးနိုင်သော အဆောက်အအုံများကို ဦးစားပေးစိစစ်ကြပ်မတ်ဆောင်ရွက်ရန် လိုအပ်ကြောင်း၊ သို့မှသာ Modular House များတွင် ယာယီနေထိုင်သော ဝန်ထမ်းများကို ဆောလျင်စွာ ပြန်လည် နေရာချထားပေးနိုင်မည်ဖြစ်ကြောင်း မှာကြားသည်။ ငလျင်ကြောင့် ပျက်စီးခဲ့ပြီး ပြန်လည်ပြုပြင် ရမည့်ဝန်ထမ်းအိမ်ရာ အဆောက်အအုံ ၁၃၃၄ လုံး အနက် ၁၁၀၄ လုံးအား ပြင်ဆင်ပြီးစီး၍ အဆောက် အအုံ ၉၂၄ လုံး (အိမ်ထောင်စုအနေဖြင့် ၁၀၈၄၁ စုနှင့် အပျို / လူပျို ၁၂၆၈၀ စုစုပေါင်းဝန်ထမ်းအင်အား ၂၃၅၂၁ ဦး) အား ပြန်လည်နေရာချထားပေးပြီး ပြုပြင်ဆဲ အနီရောင်အဆင့် အဆောက်အအုံ အလုံး ၂၃၀ အား ပျက်စီးမှုအမျိုးအစားအလိုက် ပြုပြင်ရမည့် SOP များနှင့်အညီ မြန်မာနိုင်ငံအင်ဂျင်နီယာကောင်စီ အသိအမှတ်ပြု လက်မှတ်ရရှိပြီးသော Professional Engineer (PE) များ၊ Register Senior Engineer (RSE) များက တာဝန်ခံ၍ စနစ်တကျ ပြုပြင်ဆောင်ရွက်လျက်ရှိကြောင်း သိရသည်။ သတင်းစဉ်MDN
Fri, 24-Apr-2026
© Copyright 2024 SAC All Rights Reserved.