နေ့စဉ်မြစ်ရေခန့်မှန်းချက်များ
News Image
၂၇-၄-၂၀၂၆
မိုးလေဝသနှင့်ဇလဗေဒညွှန်ကြားမှုဦးစီးဌာနမှ ၂၇-၄-၂၀၂၆ ရက်နေ့တွင် ထုတ်ပြန်သည့် နေ့စဉ်မြစ်ရေခန့်မှန်းချက်များကို ဖော်ပြလိုက်ပါတယ်...
Crd> မိုး/ဇလ
MDN
MM-News-Category
ဆက်စပ်သတင်းများ
နေပြည်တော် မေ ၁နေပြည်တော်ကောင်စီဥက္ကဋ္ဌ နေပြည်တော် စည်ပင်သာယာရေးကော်မတီဥက္ကဋ္ဌ မြို့တော်ဝန် ဦးကံမြင့်သန်းသည် နေပြည်တော်ကောင်စီဝင် ဗိုလ်မှူးကြီးရဲမိုး၊ တာဝန်ရှိသူများနှင့်အတူ ယနေ့ နံနက်ပိုင်းက နေပြည်တော် ရေပန်းဥယျာဉ် အဆင့်မြှင့်တင်ခြင်း လုပ်ငန်းများနှင့် ဇမ္ဗူသီရိမြို့နယ် ပျဉ်းမနား-တောင်ညို ကားလမ်းမကြီးဘေးရှိ မင်္ဂလာကန်ပတ်ဝန်းကျင်နှင့် ပန်းခြံအတွင်း စိမ်းလန်းစို ပြည်သာယာလှပရေးလုပ်ငန်းများ ဆောင်ရွက်ထားရှိမှုအခြေအနေကို ကြည့်ရှုစစ်ဆေးသည်။ ဦးစွာ နေပြည်တော် ရေပန်းဥယျာဉ် အဆင့်မြှင့်တင်ခြင်းနှင့် ဖွံ့ဖြိုးတိုးတက်ရေးလုပ်ငန်းများကို ကုမ္ပဏီတာဝန်ရှိသူက ရှင်းလင်းတင်ပြရာ နေပြည်တော်ကောင်စီဥက္ကဋ္ဌက နေပြည်တော်ရှိ အများပြည်သူ များ စိတ်အေးချမ်းသာစွာ လာရောက်အပန်းဖြေနိုင်စေရန်အတွက် အသစ်ထပ်မံ တည်ဆောက်မည့် လုပ်ငန်းများကို စံချိန်စံညွှန်း အရည်အသွေးပြည့်ဝစွာ ခေတ်မီနည်းစနစ်များဖြင့် ကြိုးစားလုပ်ဆောင် သွားရန်မှာကြားသည်။ ယင်းနောက် မန္တလေးငလျင်ဒဏ်ကြောင့် ထိခိုက်ပျက်စီးသွားသော မင်္ဂလာကန်နှင့် ပန်းခြံအတွင်း လူသွား လျှောက်လမ်းများ၊ ကန်ပတ်လမ်းများ၊ ကျောက်စီမြေထိန်းနံရံများ ပြုပြင်ပြီးစီးမှုအခြေအနေနှင့် မင်္ဂလာကန်အတွင်း ရေစီးဝင်/စီးထွက်မှု လမ်းကြောင်းများကို သက်ဆိုင်ရာဌာနတာဝန်ရှိသူများက ရှင်းလင်းတင်ပြကြရာ နေပြည်တော်ကောင်စီဥက္ကဋ္ဌက မင်္ဂလာကန်သည် အများပြည်သူများ အပန်းဖြေ အနားယူသည့် နေရာဖြစ်သည့်အတွက် အမြဲတမ်း သာယာလှပစေရေး စဉ်ဆက်မပြတ် ဆောင်ရွက်သွားရန် လိုအပ်ကြောင်း၊ ပြုပြင်နေသည့် လုပ်ငန်းများကို အချောသတ် ပြီးစီးအောင် ဆောင်ရွက်၍ မလို အပ်သည့် လုပ်ငန်းသုံးပစ္စည်းများကို ရှင်းလင်းဖယ်ရှားရန်၊ မင်္ဂလာကန်(၁)အနီး ရေပေါ်စင် ပြန်လည်ပြုပြင်ရန်၊ မင်္ဂလာကန် ပတ်လမ်းရှိ Pergola တွင် ထွန်းညှိထားသည့် LED မီးတန်းများ အသစ် တပ်ဆင်ရန်၊ နာရီစင်အား အဆင့်မြှင့်တင်ရန်၊ မင်္ဂလာကန်(၃)ဘက်ခြမ်းရှိ ပျက်စီးနေသော ကန်ပတ်လမ်းကို ပြုပြင်ရန်၊ အများပြည်သူ ကျန်းမာရေးအတွက် အားကစားလေ့ကျင့်သည့်နေရာတွင် ပျက်စီးယိုယွင်းနေသော အားကစား လေ့ကျင့်ရေးဆိုင်ရာပစ္စည်းများကို စနစ်တကျ ပြန်လည်အစားထိုးတပ်ဆင်ပေးရန်တို့ကို ရက်ပေါင်း(၁၀၀)အတွင်း ဆောင်ရွက်မည့်လုပ်ငန်းများတွင် ထည့်သွင်းလျာထား ဆောင်ရွက်သွားရန် မှာကြားခဲ့ကြောင်း သိရသည်။သတင်းစဉ်MDN
Sat, 2-May-2026
ရန်ကုန် မေ ၁ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးထိန်လင်းသည် ယနေ့နံနက်ပိုင်းတွင် ရန်ကုန်မြို့ ကျောက်တံတားမြို့နယ် ဗိုလ်ချုပ်အောင်ဆန်းလမ်းမပေါ်ရှိ ဝဇီရာရုပ်ရှင်ရုံအား နိုင်ငံတကာအဆင့်မီ ဂုဏ်ပြုခံကဇာတ်ရုံအဖြစ် အဆင့်မြှင့်တင်ဆောင်ရွက်နေမှုကို သွားရောက်ကြည့်ရှုစစ်ဆေးသည်။ ဦးစွာ ပြည်ထောင်စုဝန်ကြီးအား ဝဇီရာရုပ်ရှင်ရုံရှင်းလင်းဆောင်၌ ဝဇီရာရုပ်ရှင်ရုံ အဆင့်မြှင့်တင်နေမှု လုပ်ငန်းများကို ပြန်ကြားရေးဝန်ကြီးဌာန ဒုတိယဝန်ကြီး၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ညွှန်ကြားရေးမှူးချုပ်၊ မြန်မာနိုင်ငံဗိသုကာကောင်စီဥက္ကဋ္ဌနှင့် ရွှေတောင်ကုမ္ပဏီမှတာဝန်ရှိသူတို့က ဝဇီရာရုပ်ရှင်ရုံသမိုင်းကြောင်း၊ ပြန်လည်ပြင်ဆင်မွမ်းမံနေမှုအခြေအနေများနှင့် လုပ်ငန်းဆောင်ရွက် ပြီးစီးမှုအခြေအနေများကို ရှင်းလင်းတင်ပြကြသည်။ ထို့နောက် ပြည်ထောင်စုဝန်ကြီးက ဝဇီရာရုပ်ရှင်ရုံသည် ရုပ်ရှင်ရုံတစ်ခုတည်းမဟုတ်ဘဲ ရုပ်ရှင်၊ စာပေ၊ သဘင်၊ ဂီတအနုပညာရပ်များ ဆုံစည်းရာနေရာဖြစ်လာမည်ဖြစ်သဖြင့် ရေရှည်လည်ပတ်ဆောင်ရွက် နိုင်ရန် စီမံဆောင်ရွက်ကြရမည်ဖြစ်ကြောင်း၊ ဝဇီရာရုပ်ရှင်ရုံသည် ရှေးဟောင်းအမွေအနှစ် ရုပ်ရှင်ရုံဖြစ်သဖြင့် တန်ဖိုးထားထိန်းသိမ်းရန်လိုအပ်ပါကြောင်း၊ ရုပ်ရှင်ရုံပြုပြင်ရေးအတွက် နိုင်ငံတော် အကြီးအကဲ လာရောက်ကြည့်ရှုစဉ် လမ်းညွှန်မှာကြားချက်များအတိုင်း အကောင်အထည်ဖော် ဆောင်ရွက်ပေးရန်နှင့် ပြုပြင်တည်ဆောက်ရေးလုပ်ငန်းအား အပိုင်းလိုက်ပြုပြင်ပြီးစီးမှုများ၊ လိုအပ်ချက် များ၊ ဆက်လက်ဆောင်ရွက်မည့် အစီအစဉ်များအား စနစ်တကျဆောင်ရွက်ရန် မှာကြားသည်။ ယင်းနောက် ပြည်ထောင်စုဝန်ကြီးသည် တာဝန်ရှိသူများနှင့်အတူ ဝဇီရာရုပ်ရှင်ရုံအဆင့်မြှင့်တင် ဆောင်ရွက်နေမှု အခြေအနေများကို လှည့်လည်ကြည့်ရှုစစ်ဆေးပြီး ဝဇီရာရုပ်ရှင်ရုံနှင့် မျက်နှာချင်းဆိုင် တွင်ရှိသည့် မြန်မာ့မီးရထားဝင်းအတွင်း ယာဉ်ရပ်နားစခန်း တည်ဆောက်ပြီးစီးမှုအခြေအနေများကို ကြည့်ရှုစစ်ဆေးကာ လိုအပ်သည်များကို ညှိနှိုင်းပေါင်းစပ်ပေးခဲ့သည်။ မွန်းလွဲပိုင်းတွင် ပြည်ထောင်စု ဝန်ကြီးသည် ရန်ကုန်မြို့ ဗဟန်းမြို့နယ်ရှိ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ရုပ်ရှင် မြှင့်တင်ရေးဌာနခွဲအစည်းအဝေးခန်းမတွင် ရုပ်ရှင်ဆင်ဆာ၊ ဗီဒီယိုဆင်ဆာအဖွဲ့ဝင်များနှင့် တွေ့ဆုံသည်။ ထိုသို့တွေ့ဆုံစဉ် ပြည်ထောင်စုဝန်ကြီးက ရုပ်ရှင်ရုံများ၌ ရုံတင်ခဲ့သည့် မြန်မာရုပ်ရှင်ဇာတ်ကားများ၊ နိုင်ငံခြားရုပ်ရှင်ဇာတ်ကားများ၊ အွန်လိုင်းရုပ်ရှင်ဇာတ်ကားများ၊ ရုပ်သံလိုင်းများက ထုတ်လွှင့်ပြသ သည့် နိုင်ငံခြားရုပ်ရှင်ဇာတ်ကား၊ မြန်မာစာတန်းထိုး နိုင်ငံခြားရုပ်ရှင်ဇာတ်ကားများနှင့် ဇာတ်လမ်းတွဲ များကို ပြဋ္ဌာန်းထားသည့် ရုပ်ရှင်ဥပဒေ၊ ရုပ်မြင်သံကြားနှင့် ဗီဒီယိုဥပဒေများနှင့်အညီ ပြသနိုင်ရန် ဆောင်ရွက်ပေးနေသည့် ဆင်ဆာအဖွဲ့ဝင်များနှင့် ရင်းနှီးနွေးထွေးစွာ တွေ့ဆုံခြင်းဖြစ်ပါကြောင်း၊ ဖွဲ့စည်း ပေးထားသည့် ရုပ်ရှင်ဆင်ဆာအဖွဲ့၊ ဗီဒီယိုဆင်ဆာအဖွဲ့ဝင်များအနေဖြင့်လည်း ဇာတ်ကားများ စိစစ်ကြည့်ရှုစစ်ဆေးပေးရာတွင် ကိုယ်စွမ်းဉာဏ်စွမ်းဖြင့် မိမိ၏ အတွေ့အကြုံဉာဏ်ပညာနှင့် မိမိတို့၏ ကိုယ်ပိုင်အချိန်များစွာကိုပေးပြီး အနစ်နာခံဆောင်ရွက်ပေးသည်ကို ကြားသိရသည့်အတွက် ဆင်ဆာ အဖွဲ့ဝင်များအားလုံးကို ကျေးဇူးအထူးတင်ပါကြောင်း။ ရုံတင်ပြသသည့် မြန်မာ၊ နိုင်ငံခြားရုပ်ရှင် ဇာတ်ကားများပြသခြင်းကို လုပ်ကိုင်ဆောင်ရွက်နေသည့် လုပ်ငန်းရှင်များ၊ ဝန်ကြီးဌာနနှင့် ဆက်စပ်ဆောင်ရွက်လျက်ရှိသည့် ပုဂ္ဂလိကရုပ်သံလွှင့်ကုမ္ပဏီများ၊ Content Provider များသည် ပြည်သူကို ပညာပေးရန်၊ ဖျော်ဖြေပေးရန် စသည့်တာဝန်များကို မျှဝေလုပ်ဆောင်နေရခြင်းဖြစ်ပါကြောင်း၊ ရုပ်ရှင်အနုပညာဖန်တီးမှုများသည် စိတ်ကူးဉာဏ်စွမ်းဖြင့် တီထွင်ကြံဆဖန်တီးရသည့် ပညာရပ်ဖြစ်၍ အချို့အနုပညာဖန်တီးမှုများသည် လွန်ကဲသော ဖန်တီးမှုမျိုး ဖြစ်ပါက ပြည်သူများအတွက် အဆိပ်အတောက်ဖြစ်နိုင်သော အနုပညာဖန်တီးမှုဖြစ်သွားနိုင်သဖြင့် မူလဖန်တီးထုတ်လုပ်သည့် အနုပညာရှင်များက သတိဝီရိယကြီးစွာဖြင့် ဆောင်ရွက်ရန်လိုအပ်ပြီး ဆင်ဆာ အဖွဲ့ဝင်များအနေဖြင့်လည်း စိစစ်အကဲဖြတ်ပေးရန် လိုအပ်ပါကြောင်း ပြောကြားသည်။ ထို့နောက် ရုပ်ရှင်ဆင်ဆာနှင့် ဗီဒီယိုဆင်ဆာအဖွဲ့အတွင်းရေးမှူး ပြန်ကြားရေးနှင့် ပြည်သူ့ဆက်ဆံရေး ဦးစီးဌာန ညွှန်ကြားရေးမှူးက ဆောင်ရွက်လျက်ရှိသည့် လုပ်ငန်းများနှင့်ပတ်သက်၍ ရှင်းလင်းတင်ပြပြီး ဆင်ဆာအဖွဲ့ဝင်များကိုယ်စား အကယ်ဒမီ ဒေါ်ဆွေဇင်ထိုက်နှင့် တက်ရောက်လာသူများက ရုပ်ရှင်ဆင်ဆာ၊ ဗီဒီယိုဆင်ဆာနှင့်ပတ်သက်ပြီး အသီးသီးဆွေးနွေးတင်ပြကြရာ ပြည်ထောင်စုဝန်ကြီးက ဆွေးနွေးတင်ပြချက်များအပေါ် ပေါင်းစပ်ညှိနှိုင်းဆောင်ရွက်ပေးပြီး နိဂုံးချုပ်အမှာစကားပြောကြားသည်။ဆက်လက်၍ ပြည်ထောင်စုဝန်ကြီးသည် တာဝန်ရှိသူများနှင့်အတူ ရန်ကုန်မြို့ ဗဟန်းမြို့နယ် သာသနာ့ ရိပ်သာလမ်းရှိ မော်ကွန်းရုပ်ရှင်သို့သွားရောက်၍ ရက်(၁၀၀)စီမံချက်တွင် ပါဝင်သည့် ရုပ်ရှင်သင်တန်းများ ဖွင့်လှစ်မည့် မော်ကွန်းရုပ်ရှင်အဆောက်အအုံအား သွားရောက်ကြည့်ရှုစစ်ဆေးသည်။ ဦးစွာ ပြည်ထောင်စုဝန်ကြီးအား မော်ကွန်းရုပ်ရှင်အစည်းအဝေးခန်းမ၌ Forever Group ဥက္ကဋ္ဌနှင့် တာဝန်ရှိသူများက Forever Group မှ ဆောင်ရွက်နေသည့် ရုပ်သံလိုင်းများ၊ သင်တန်းကျောင်းများနှင့် ပတ်သက်၍ ရှင်းလင်းတင်ပြကြသည်။ ထို့နောက် ပြန်ကြားရေးနှင့် ပြည်သူ့ဆက်ဆံရေးဦးစီးဌာန ညွှန်ကြားရေးမှူးချုပ်က ရက် (၁၀၀) စီမံချက်နှင့်ပတ်သက်၍ ရှင်းလင်းတင်ပြသည်။ ယင်းနောက် ပြည်ထောင်စုဝန်ကြီးက ရှင်းလင်းတင်ပြ ချက်များအပေါ် ပေါင်းစပ်ညှိနှိုင်း ဆောင်ရွက်ပေးပြီး မော်ကွန်းရုပ်ရှင်အဆောက်အအုံ အတွင်းလှည့်လည် ကြည့်ရှုစစ်ဆေးကာ လိုအပ်သည်များကို မှာကြားသည်။သတင်းစဉ်MDN
Sat, 2-May-2026
နေပြည်တော် မေ ၁ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာချောချောစိန်သည် တာဝန်ရှိသူများနှင့်အတူ ယမန်နေ့က ဒဂုံတက္ကသိုလ်ရှိ အပန်းဖြေရိပ်သာ(Recreation Centre) တည်ဆောက်ခြင်းလုပ်ငန်း ဆောင်ရွက်နေမှုကို သွားရောက်ကြည့်ရှုစစ်ဆေးသည်။ ကြည့်ရှုစစ်ဆေးစဉ် ပြည်ထောင်စုဝန်ကြီးက သတ်မှတ်ထားသည့် စံချိန်စံညွှန်းများနှင့်အညီ အချိန်မီ တည်ဆောက်ပြီးစီးရေး မှာကြားပြီး တက္ကသိုလ်ဘောလုံးကွင်းများ အဆင့်မြှင့်တင်နိုင်ရေး လှည့်လည် ကြည့်ရှုစစ်ဆေးသည်။ ထို့နောက် ရန်ကုန်ပညာရေး တက္ကသိုလ်သို့ရောက်ရှိရာ ရန်ကုန်ပညာရေးတက္ကသိုလ် ပါမောက္ခချုပ်နှင့် ဒုတိယဌာနမှူး(အင်ဂျင်နီယာ)တို့က အပန်းဖြေရိပ်သာ (Recreation Centre) တည်ဆောက်မည့် အခြေအနေနှင့်စပ်လျဉ်း၍ ရှင်းလင်းတင်ပြပြီး ပြည်ထောင်စုဝန်ကြီးက လျာထားနေရာကို ကြည့်ရှုစစ်ဆေးသည်။ ယင်းနောက် ပြည်ထောင်စုဝန်ကြီးသည် တာဝန်ရှိသူများနှင့်အတူ ပြည်၊ ပုဂံ၊ တကောင်း၊ သံပျင်၊ အမရာ အဆောင်များနှင့် အားကစားကွင်းများ လျာထားနေရာများကို လှည့်လည်ကြည့်ရှုစစ်ဆေးပြီး လိုအပ်သည်များကို ဖြည့်ဆည်းဆောင်ရွက်ပေးခဲ့ကြောင်း သတင်းရရှိသည်။သတင်းစဉ်MDN
Sat, 2-May-2026
ရန်ကုန် မေ ၁ အပြည်ပြည်ဆိုင်ရာအလုပ်သမားနေ့အခမ်းအနားကို ယနေ့နံနက်ပိုင်းတွင် လှိုင်သာယာ(အနောက်ပိုင်း) မြို့နယ်ခန်းမတွင် ကျင်းပသည်။ အခမ်းအနားသို့ အလုပ်သမားဝန်ကြီးဌာန ပြည်ထောင်စုဝန်ကြီး ဦးခင်မောင်စိုး၊ ရန်ကုန်တိုင်းဒေသကြီး ကရင်တိုင်းရင်းသားရေးရာဝန်ကြီး ဦးစောဂျက်ကော့ထူးနှင့် အလုပ်သမားဝန်ကြီးဌာနမှ တာဝန်ရှိသူများ၊ ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်(UMFCCI)မှ တာဝန်ရှိသူများ၊ မြန်မာနိုင်ငံလုံးဆိုင်ရာအလုပ်သမားရေးရာအဖွဲ့ချုပ် (CTUM) မှ အလုပ်သမား ကိုယ်စားလှယ်များ၊ စက်ရုံ၊ အလုပ်ရုံများမှ အလုပ်ရှင်၊ အလုပ်သမားကိုယ်စားလှယ်များ တက်ရောက် ကြသည်။ ဦးစွာ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ အဂ္ဂမဟာသရေစည်သူ အဂ္ဂမဟာ သီရိသုဓမ္မ ဦးမင်းအောင်လှိုင်ထံမှ အပြည်ပြည်ဆိုင်ရာအလုပ်သမားနေ့အခမ်းအနားသို့ ပေးပို့သည့် ဂုဏ်ပြုသဝဏ်လွှာကို ပြည်ထောင်စုဝန်ကြီး ဦးခင်မောင်စိုးက ဖတ်ကြားသည်။ ယင်းနောက် အလုပ်သမားဝန်ကြီးဌာန၏ အလုပ်သမားရေးရာလုပ်ငန်း ဆောင်ရွက်မှုများကို Video Clip ဖြင့်ပြသပြီး အလုပ်သမားကိုယ်စားလှယ်တစ်ဦးနှင့် အလုပ်ရှင်ကိုယ်စားလှယ်တစ်ဦးတို့က အပြည်ပြည် ဆိုင်ရာအလုပ်သမားနေ့နှင့်စပ်လျဉ်း၍ ဂုဏ်ပြုဆွေးနွေးပြောကြားသည်။ ထို့နောက် ပြည်ထောင်စုဝန်ကြီးနှင့် တာဝန်ရှိသူများသည် အပြည်ပြည်ဆိုင်ရာအလုပ်သမားနေ့ကို ဂုဏ်ပြု ခင်းကျင်းပြသထားသည့် အလုပ်သမားရေးရာ လုပ်ငန်းဆောင်ရွက်ထားရှိမှု မှတ်တမ်းဓာတ်ပုံများကို လှည့်လည်ကြည့်ရှုသည်။ မွန်းလွဲပိုင်းတွင် ပြည်ထောင်စုဝန်ကြီးနှင့် တာဝန်ရှိသူများသည် ရန်ကင်းမြို့နယ်ရှိ ကျွမ်းကျင်မှု လေ့ကျင့်ရေးသင်တန်းကျောင်း (ရန်ကင်း)သို့ သွားရောက်၍ သင်တန်းကျောင်းအစည်းအဝေးခန်းမတွင် အပြည်ပြည်ဆိုင်ရာအလုပ်သမားနေ့ကို ဂုဏ်ပြုကြိုဆိုသောအားဖြင့် အလုပ်သမားဆေးရုံကြီး (ထန်းတပင်) သို့ သုခစုစံကုမ္ပဏီလီမိတက်မှ လှူဒါန်းသော အလှူငွေကျပ်သိန်း ၁၀၀ ကို လက်ခံကာ ဂုဏ်ပြုကျေးဇူးတင်စကားပြောကြားသည်။ ဆက်လက်၍ ပြည်ထောင်စုဝန်ကြီးသည် သင်တန်းကျောင်းရှိ အရာထမ်း၊ အမှုထမ်းများနှင့်တွေ့ဆုံ၍ သင်တန်းများဖွင့်လှစ်ပို့ချရာတွင် လုပ်သားဈေးကွက်လိုအပ်ချက်နှင့် ကိုက်ညီသော သင်တန်းများ ဖြစ်စေရေး၊ သင်တန်းသားများ အမှန်တကယ်ကျွမ်းကျင်မှုရှိစေရန်၊ ထိရောက်ပြီး လက်တွေ့ကျသည့် သင်တန်းများနှင့် နိုင်ငံတော်၏ စီးပွားရေးဖွံ့ဖြိုးတိုးတက်မှုကို အထောက်အကူဖြစ်စေမည့် သင်တန်းများ ဖြစ်စေရေး၊ သင်တန်းသားများကို သဘာဝပတ်ဝန်းကျင် ထိခိုက်မှုမှ ကာကွယ်ထိန်းသိမ်းနိုင်သည့် Green Skills, Green Jobs သဘောတရားများ သိရှိနားလည်စေရေး၊ နည်းပညာကျွမ်းကျင်မှုများမှသည် စိမ်းလန်းသော စီးပွားရေးလုပ်ငန်းများ လုပ်ကိုင်နိုင်စေရေးတို့အတွက် ကျွမ်းကျင်မှုသင်တန်းများ၊ စစ်ဆေးအကဲဖြတ်ခြင်း အစီအစဉ်များကို စီမံချက်များ စနစ်တကျရေးဆွဲ၍ အကောင်အထည်ဖော် ဆောင်ရွက်ရန် မှာကြားသည်။ ထို့နောက် ပြည်ထောင်စုဝန်ကြီးနှင့် တာဝန်ရှိသူများသည် မဟာဗန္ဓုလပန်းခြံလမ်းရှိ ရန်ကုန်တိုင်း ဒေသကြီး လူမှုဖူလုံရေးရုံးတွင် ရန်ကုန်တိုင်းဒေသကြီးအတွင်းရှိ ဝန်ထမ်းများ၊ တာဝန်ခံဆရာဝန်များ နှင့်တွေ့ဆုံ၍ အာမခံအလုပ်သမားများအတွက် ယခုထက်ပိုမိုကောင်းမွန်သည့် ဝန်ဆောင်မှုများကို ဆောင်ရွက်ပေးနိုင်စေရေးနှင့် တစ်မျိုးသားလုံး အကျုံးဝင်လွှမ်းခြုံသည့် စီမံကိန်းဖြစ်စေရန်တို့အတွက် လူမှုဖူလုံရေးအဖွဲ့မှ ဝန်ဆောင်မှုပေးနေသည့် ကျန်းမာရေးစောင့်ရှောက်မှုနှင့် ငွေကြေးအကျိုးခံစားခွင့် များကို လျင်လျင်မြန်မြန် ကြိုးပမ်းဆောင်ရွက်ကြရန် မှာကြားပြီး အဆိုပါနေရာတွင် ဖွင့်လှစ်ထားသည့် လူမှုဖူလုံရေး-ကဲဝဲလ်ဆေးခန်းသို့ သွားရောက်၍ ဆေးကုသဝန်ဆောင်မှုဆောင်ရွက်နေမှုများကို ကြည့်ရှု စစ်ဆေးခဲ့ကြောင်း သိရသည်။သတင်းစဉ်MDN
Sat, 2-May-2026
နေပြည်တော် မေ ၁မြန်မာ့မီးရထားအနေဖြင့် ရန်ကုန်မှတောင်ငူအထိ ရထားလမ်းပိုင်းအား အဆင့်မြှင့်တင်ခြင်းစီမံကိန်းကို ဂျပန်နိုင်ငံ၏ တရားဝင်ဖွံ့ဖြိုးမှုအကူအညီ ချေးငွေ (ODA Loan)ဖြင့် ဆောင်ရွက်ပြီးစီးခဲ့သည်။ တောင်ငူ - နေပြည်တော်နှင့် နေပြည်တော်-မန္တလေး ရထားလမ်းပိုင်းအား နိုင်ငံတော်ဘဏ္ဍာငွေဖြင့် ရထားလမ်း အဆင့်မြှင့်တင်ခြင်းလုပ်ငန်းများ ဆောင်ရွက်ပြီးစီးခဲ့သဖြင့် ရန်ကုန်-မန္တလေး အဓိကရထားလမ်းပိုင်း၌ ရထားအမြန်နှုန်းများတိုးမြှင့်ပြီး ပြေးဆွဲချိန်လျှော့ချခြင်း၊ ရထားစီးခရီးသွားပြည်သူများ ပိုမိုစိတ်ချမ်းမြေ့စွာ သွားလာနိုင်စေရေးအတွက် ရန်ကုန်-မန္တလေးလမ်းပိုင်းတွင် အမှတ်(၅)အဆန်၊ အမှတ်(၆)အစုန် လူစီးအမြန်ရထားများကို ခေတ်မီလေအေးပေးစက်ပါ DEMU တွဲဆိုင်းများဖြင့် ယနေ့မှစ၍ စတင်ပြေးဆွဲပေးသည်။ ရန်ကုန်ဘူတာကြီး စင်္ကြံအမှတ်(၁)တွင် အမှတ်(၅)အဆန် ရန်ကုန်-မန္တလေး ခေတ်မီလေအေးပေးစက်ပါ DEMU ရထားခရီးစဉ်စတင်ပြေးဆွဲခြင်း အခမ်းအနားကို ယနေ့နံနက်ပိုင်းတွင် ကျင်းပရာ ရန်ကုန်တိုင်း ဒေသကြီးဝန်ကြီးချုပ် ဦးအောင်နိုင်သူ၊ ပို့ဆောင်ရေးဝန်ကြီးဌာန ဒုတိယဝန်ကြီး ဦးအောင်မြိုင်၊ တိုင်းဒေသကြီး လမ်းပန်းဆက်သွယ်ရေးဝန်ကြီး၊ တိုင်းဒေသကြီးဝန်ကြီးများ၊ ပို့ဆောင်ရေးဝန်ကြီးဌာနမှ အမြဲတမ်းအတွင်းဝန်၊ မြန်မာ့မီးရထားမှ အရာထမ်း/အမှုထမ်းများ၊ ဧည့်သည်တော်များနှင့် ဒေသခံ ပြည်သူများ တက်ရောက်ကြသည်။ အခမ်းအနားတွင် တိုင်းဒေသကြီးဝန်ကြီးချုပ်နှင့် ဒုတိယဝန်ကြီးတို့က အဖွင့်အမှာစကားပြောကြား ကြသည်။ ထို့နောက် တိုင်းဒေသကြီးဝန်ကြီးချုပ်၊ ဒုတိယဝန်ကြီး၊ တိုင်းဒေသကြီး လမ်းပန်းဆက်သွယ်ရေးဝန်ကြီးနှင့် အမြဲတမ်းအတွင်းဝန်တို့က ပြေးဆွဲမည့် ရထားတွဲဆိုင်းကို ဖဲကြိုးဖြတ်ဖွင့်လှစ်ပေးပြီး အမွှေးနံ့သာရည်များ ပက်ဖျန်းပေးသည်။ ယင်းနောက် မန္တလေးသို့ စီးနင်းလိုက်ပါကြမည့် ခရီးသည်များအား လိုက်လံနှုတ်ဆက်ပြီး အမှတ်တရ လက်ဆောင်ပစ္စည်းများပေးအပ်ကာ နံနက် ၆ နာရီတွင် ရထားစတင်ထွက်ခွာသည်။အလားတူ ယနေ့နံနက်ပိုင်းက မန္တလေးဘူတာကြီး အမှတ်(၁)စင်္ကြံတွင် အမှတ်(၆)အစုန် မန္တလေး-ရန်ကုန် ခေတ်မီ လေအေးပေးစက်ပါ DEMU ရထားခရီးစဉ် စတင်ပြေးဆွဲခြင်းအခမ်းအနားကို ကျင်းပရာ မန္တလေးတိုင်းဒေသကြီး ဝန်ကြီးချုပ် ဦးမျိုးအောင်၊ တိုင်းဒေသကြီး လမ်းပန်းဆက်သွယ်ရေးဝန်ကြီး၊ တိုင်းဒေသကြီးဝန်ကြီးများ၊ မြန်မာ့မီးရထားမှ အရာထမ်း/အမှုထမ်းများ၊ ဧည့်သည်တော်များနှင့် ဒေသခံ ပြည်သူများ တက်ရောက်ကြသည်။ အခမ်းအနားတွင် တိုင်းဒေသကြီးဝန်ကြီးချုပ်နှင့် အထွေထွေမန်နေဂျာ ဦးတင်မောင်သန်းတို့က အဖွင့်အမှာစကား ပြောကြားကြသည်။ ဆက်လက်၍ ပြေးဆွဲမည့်ရထားတွဲဆိုင်းကို ဖဲကြိုးဖြတ်ဖွင့်လှစ်ပြီး အမွှေးနံ့သာရည်များ ပက်ဖျန်းပေးကာ ရန်ကုန်သို့ စီးနင်းလိုက်ပါမည့် ခရီးသည်များအား လိုက်လံနှုတ်ဆက်၍ အမှတ်တရလက်ဆောင် ပစ္စည်းများ ပေးအပ်ကြသည်။ မွန်းလွဲပိုင်းတွင် မြန်မာ့မီးရထား ဦးဆောင်ညွှန်ကြားရေးမှူးနှင့် အရာထမ်း/အမှုထမ်းများသည် နေပြည်တော်ဘူတာကြီး၌ မန္တလေးမှ ထွက်ခွာဆိုက်ရောက်လာသော အမှတ်(၆) အစုန်ခေတ်မီ DEMU ရထားခရီးစဉ်ဖြင့် လိုက်ပါလာကြသည့် ခရီးသည်များအားလည်းကောင်း၊ ရန်ကုန်မှ ထွက်ခွာဆိုက် ရောက်လာသော အမှတ်(၅)အဆန် ခေတ်မီ DEMU ရထားခရီးစဉ်ဖြင့် လိုက်ပါလာကြသည့် ခရီးသည်များ အားလည်းကောင်း ကြိုဆိုနှုတ်ဆက်ကြပြီး နေပြည်တော်မှ ရန်ကုန်နှင့် မန္တလေးသို့ စီးနင်းလိုက်ပါမည့် ခရီးသည်များအား အမှတ်တရလက်ဆောင်ပစ္စည်းများ ပေးအပ်ကြသည်။ အဆိုပါ အမှတ်(၅)အဆန်/(၆)အစုန် ခေတ်မီလေအေးပေးစက်ပါ DEMU ရထားတွဲဆိုင်းတွင် ပထမတန်း လေးတွဲ၊ အထက်တန်းနှစ်တွဲ စုစုပေါင်းတွဲ ခြောက်တွဲဖြင့် ခရီးသည် ၃၁၂ ဦး လိုက်ပါစီးနင်းနိုင်ပြီး ခရီးသွားလက်မှတ်ခအနေဖြင့် ခရီးစဉ်အစအဆုံးတစ်ဦးလျှင် ပထမတန်းငွေကျပ် ၃၄၀၀၀ နှင့် အထက်တန်း ငွေကျပ် ၄၈၀၀၀ နှုန်းကျသင့်မည်ဖြစ်ပြီး ရန်ကုန်-မန္တလေး-ရန်ကုန် ခရီးစဉ်တစ်လျှောက် တိုးကြောင်ကလေး၊ ပဲခူး၊ ညောင်လေးပင်၊ တောင်ငူ၊ ပျဉ်းမနား၊ နေပြည်တော်၊ ရမည်းသင်း၊ သာစည်၊ ကျောက်ဆည်ဘူတာ စုစုပေါင်းကိုးဘူတာ ရပ်တန့်ပေးမည်ဖြစ်ကာ အမှတ်(၅) အဆန် DEMU လူစီးအမြန်ရထားသည် ရန်ကုန်မှ နံနက် ၆ နာရီတွင် စတင်ထွက်ခွာ၍ မန္တလေးသို့ ညနေ ၄ နာရီတွင် လည်းကောင်း၊ အမှတ်(၆)အစုန် DEMU လူစီးအမြန်ရထားသည် မန္တလေးမှ နံနက် ၆ နာရီတွင် စတင်ထွက်ခွာ၍ ရန်ကုန်သို့ ညနေ ၄ နာရီ ၁၀ မိနစ်တွင်လည်းကောင်း ရောက်ရှိမည်ဖြစ်ရာ ရထားပြေးဆွဲချိန် ၁၀ နာရီသာကြာမြင့်မည်ဖြစ်သည်။မြန်မာ့မီးရထားသည် ယခုတိုးချဲ့ပြေးဆွဲပေးသည့် ရထားခရီးစဉ်များအပြင် ရန်ကုန်-မန္တလေးလမ်းပိုင်းတွင် ပြေးဆွဲပေးနေသည့် အမှတ်(၁၁)အဆန်၊ (၁၂)အစုန် လူစီးအမြန်ရထားခရီးစဉ်များကိုလည်း ပုံမှန်ပြေးဆွဲပေးလျက်ရှိသည်။ ယခင်က ရန်ကုန်မှ မန္တလေးအထိ ပြေးဆွဲချိန် စုစုပေါင်း ၁၉ နာရီခန့် ကြာမြင့်ခဲ့သော်လည်း ယခုအခါလမ်းပိုင်းများ ပိုမိုကောင်းမွန်လာခြင်း၊ ခေတ်မီအချက်ပြစနစ် တပ်ဆင် အသုံးပြုနိုင်ခြင်း၊ ခေတ်မီစက်ခေါင်း/တွဲဆိုင်းများ အသုံးပြုလာနိုင်ပြီဖြစ်၍ ရထားအမြန်နှုန်း တိုးမြှင့်လိုက် သဖြင့် ရန်ကုန် - မန္တလေး ခရီးစဉ်တွင် စုစုပေါင်းပြေးဆွဲချိန် ၁၀ နာရီခန့်ဖြင့် သိသာစွာ လျှော့ချပေးနိုင်ခဲ့ပြီး ရထားစီးခရီးသည်များ ပိုမိုစိတ်ချမ်းမြေ့စေရေး အကောင်အထည်ဖော် ကြိုးပမ်းဆောင်ရွက်လျက် ရှိကြောင်း သိရသည်။သတင်းစဉ်MDN
Sat, 2-May-2026
နေပြည်တော် မေ ၁ပို့ဆောင်ရေးဝန်ကြီးဌာန မြန်မာ့မီးရထား၏ (၁၄၉)နှစ်မြောက် နှစ်ပတ်လည်နေ့အထိမ်းအမှတ် အခမ်းအနားကို ယနေ့မွန်းလွဲ ၁ နာရီတွင် မြန်မာ့မီးရထားရုံးချုပ် နေပြည်တော်ဘူတာကြီး ဘဝသံသရာခန်းမ၌ ကျင်းပသည်။ အခမ်းအနားသို့ ပို့ဆောင်ရေးဝန်ကြီးဌာန ဒုတိယဝန်ကြီး ဦးအောင်မြိုင်၊ ဒီဂျစ်တယ်ဖွံ့ဖြိုး တိုးတက်ရေးနှင့် ဆက်သွယ်ရေးဝန်ကြီးဌာန ဒုတိယဝန်ကြီး ဦးသက်ဝင်းအောင်၊ ပို့ဆောင်ရေးဝန်ကြီးဌာန အမြဲတမ်း အတွင်းဝန်နှင့် တာဝန်ရှိသူများ တက်ရောက်ကြသည်။ ဦးစွာ ဒုတိယဝန်ကြီး ဦးအောင်မြိုင်က မြန်မာ့မီးရထား၏ (၁၄၉)နှစ်မြောက် နှစ်ပတ်လည်နေ့ အထိမ်းအမှတ် ဂုဏ်ပြုအမှာစကား ပြောကြားသည်။ ထို့နောက် မြန်မာ့မီးရထားဦးဆောင်ညွှန်ကြားရေးမှူးက ဌာန၏ ၂၀၂၅-၂၀၂၆ ဘဏ္ဍာနှစ် တစ်နှစ်တာ ကာလအတွင်း ဆောင်ရွက်ချက်များကို ရှင်းလင်းတင်ပြသည်။ ယင်းနောက် ဒုတိယဝန်ကြီးများသည် တက်ရောက်လာကြသူများနှင့်အတူ (၁၄၉)နှစ်မြောက် နှစ်ပတ်လည်နေ့အထိမ်းအမှတ် မှတ်တမ်းဗီဒီယိုကို ကြည့်ရှုအားပေးကြသည်။ ဆက်လက်၍ ဒုတိယဝန်ကြီးများ၊ အမြဲတမ်းအတွင်းဝန်၊ ညွှန်ကြားရေးမှူးချုပ်နှင့် ဦးဆောင်ညွှန်ကြား ရေးမှူးတို့က မြန်မာ့မီးရထား၏ ၂၀၂၅-၂၀၂၆ ဘဏ္ဍာနှစ် တစ်နှစ်တာကာလအတွင်း မီးရထားတိုင်း နယ်မြေ၊ စက်ရုံ၊ ဆေးရုံများအလိုက် စွမ်းဆောင်ရည်အကောင်းဆုံးဆုများ၊ တစ်နှစ်တာကာလအတွင်း မိမိ၏လုပ်ငန်းတာဝန်ကို စွမ်းစွမ်းတမံဆောင်ရွက်ခဲ့ကြသည့် အရာထမ်း၊ အမှုထမ်း ၉၁ ဦးတို့အား ဂုဏ်ပြုဆုများပေးအပ်ချီးမြှင့်ခဲ့ကြကြောင်း သိရသည်။သတင်းစဉ်MDN
Sat, 2-May-2026