နိုင်ငံတော်က အားကိုးအားထားပြုရမည့် ထူးချွန်ထက်မြက်သည့် နိုင်ငံ့သားကောင်း၊ သမီးကောင်းများ ဖြစ်လာစေရေး စဉ်ဆက်မပြတ် ကြိုးပမ်းအားထုတ်စေလို

NoahJune222

News Image

  • နိုင်ငံတော်က အားကိုးအားထားပြုရမည့် ထူးချွန်ထက်မြက်သည့် နိုင်ငံ့သားကောင်း၊ သမီးကောင်းများ ဖြစ်လာစေရေး စဉ်ဆက်မပြတ် ကြိုးပမ်းအားထုတ်စေလို

နေပြည်တော်  မေ  ၇

      ၂၀၂၅-၂၀၂၆ ပညာသင်နှစ် ဒွါဒသမတန်း လူရည်ချွန်စခန်းဖွင့်ပွဲကို ယနေ့ နံနက်ပိုင်း တွင် နေပြည်တော်လူရည်ချွန်စခန်း (Royal President Hotel)၌ ကျင်းပသည်။ 

ဦးစွာ ၂၀၂၅-၂၀၂၆ ပညာသင်နှစ် ဒွါဒသမ တန်း နေပြည်တော်လူရည်ချွန်စခန်း မုခ်ဦးကို နေပြည်တော်ကောင်စီဥက္ကဋ္ဌ ဦးကံမြင့်သန်း၊ နေပြည်တော်ကောင်စီဝင် ဦးထွန်းထွန်း နှင့် တာဝန်ရှိသူများက ဖဲကြိုးဖြတ်၍ ဖွင့်လှစ် ပေးသည်။

ယင်းနောက် အမှတ်(၁၁) အခြေခံပညာ အထက်တန်းကျောင်းမှ  ကျောင်းသား၊ ကျောင်းသူများက   လူရည်ချွန်စွမ်းအား သီချင်းဖြင့် ဖျော်ဖြေကြသည်။

 ထို့နောက် နေပြည်တော်ကောင်စီ ဥက္ကဋ္ဌက “နိုင်ငံတော်ဖွံ့ဖြိုးဖို့ ပညာရေးကိုအား ပေးစို့”ဆောင်ပုဒ်နှင့်အညီ ပညာရေးကဏ္ဍ ကိုအားပေးမြှင့်တင်လျက်ရှိရာ “တွေးခေါ်ကြံဆ ဝေဖန်ပိုင်းခြားနိုင်သော အသိဉာဏ်ရှိ ၍ ဗလငါးတန်ပြည့်စုံသည့် နိုင်ငံ့သားကောင်း များဖြစ်ထွန်းရေးကို ဦးတည်လေ့ကျင့်ပေးရန်” ဆိုသည့် အမျိုးသားပညာရေးရည်မှန်း ချက်ကို ချမှတ်ထားရှိပြီး အခြေခံပညာရေး နှင့် အဆင့်မြင့်ပညာရေးကဏ္ဍနှစ်ရပ်လုံး အတွက် ဗလငါးတန်တည်းဟူသော ကာယ ဗလ၊ ဉာဏဗလ၊ စာရိတ္တဗလ၊ မိတ္တဗလ၊ ဘောဂဗလတို့နှင့်ပြည့်စုံသော လူငယ်များ ပြုစုပျိုးထောင်ရေးကို အဓိကထားဆောင် ရွက်လျက်ရှိပြီး လူရည်ချွန်စီမံကိန်းသည် လည်း    တစ်ခုအပါအဝင်ဖြစ်ကြောင်း၊ Grade-12 လူရည်ချွန် မောင်မယ်များအနေ ဖြင့် မိမိတို့ဒေသ၊ ကျောင်း၊ ပတ်ဝန်းကျင်တွင် အခြားသော ကျောင်းသား၊ ကျောင်းသူများ အတုယူရမည့် အမူအကျင့်ကောင်းများကို ဆက်လက်ထိန်းသိမ်းသွားကြရန်လိုကြောင်း နှင့် နေပြည်တော်လူရည်ချွန် အပန်းဖြေစခန်းမှ ခွန်အားသစ်များရရှိပြီး      နိုင်ငံတော်က အားကိုးအားထားပြုရမည့် ထူးချွန်ထက်မြက် သည့် နိုင်ငံ့သားကောင်း၊ သမီးကောင်းများ ဖြစ်လာစေရေး   စဉ်ဆက်မပြတ်ကြိုးပမ်း အားထုတ်စေလိုကြောင်း ပြောကြားသည်။

ဆက်လက်၍ နေပြည်တော်ကောင်စီ ဥက္ကဋ္ဌနှင့် တာဝန်ရှိသူများက ဒွါဒသမတန်း လူရည်ချွန် ကျောင်းသား၊ ကျောင်းသူများကို ရင်ထိုးတံဆိပ်တပ်ဆင်ပေးခြင်း၊ နေပြည်တော်လူရည်ချွန်စခန်းမှ    နေပြည်တော် ကောင်စီဥက္ကဋ္ဌနှင့် နေပြည်တော်ကောင်စီဝင် ဦးထွန်းထွန်းတို့အား အမှတ်တရလက်ဆောင် ပစ္စည်းပေးအပ်ခြင်းနှင့် ဒွါဒသမတန်း လူရည်ချွန်ကျောင်းသား၊ ကျောင်းသူများ ကိုယ်စား လူရည်ချွန်တစ်ဦးက ကျေးဇူးတင် စကားပြောကြားခြင်းများ ဆောင်ရွက်ကြ ပြီး    အခမ်းအနားကို ရုပ်သိမ်းခဲ့ကြောင်း သိရသည်။         

MWD

MM-News-Category
လူမှုရေးကဏ္ဍသတင်း
လူမှုရေး-လူငယ်‌ရေးရာ

ဆက်စပ်သတင်းများ

ဆဋ္ဌသင်္ဂါယနာတင်အောင်ပွဲ နှစ်(၇၀)ပြည့်အထိမ်းအမှတ် အထူးပြပွဲဆက်လက်ပြသ
ဆဋ္ဌသင်္ဂါယနာတင်အောင်ပွဲ နှစ်(၇၀)ပြည့်အထိမ်းအမှတ် အထူးပြပွဲဆက်လက်ပြသ
ရန်ကုန် မေ ၇ ဆဋ္ဌသင်္ဂါယနာတင် အောင်ပွဲနှစ်(၇၀)ပြည့် အထိမ်းအမှတ်အထူးပြပွဲကို ရန်ကုန်မြို့ မရမ်းကုန်းမြို့နယ် သီရိမင်္ဂလာကမ္ဘာအေး ကုန်းမြေမဟာပါသာဏလိုဏ်ဂူ သိမ်တော်ကြီးပတ်လမ်းတွင် ပြသလျက်ရှိရာ ယနေ့တွင် နိုင်ငံတော်ပရိယတ္တိသာသနာ့တက္ကသိုလ် (ရန်ကုန်)၊ ရွှေတိဂုံစေတီတော်၊ ဗိုလ်တထောင် ကျိုက်ဒေးအပ်ဆံတော်ဦး စေတီတော်တို့မှ ဂေါပကအဖွဲ့နှင့် ဝန်ထမ်းမိသားစုများ၊ လှည်းကူးပညာရေးဒီဂရီကောလိပ်၊ သမ္မိဒ္ဓေါဓယ သီလရှင်စာသင်တိုက်၊ မင်္ဂလာဒုံမြို့နယ် တောတိုက်ဓမ္မရိပ်သာ ဘုန်းတော်ကြီးသင်ပညာရေးကျောင်းတို့မှ ကျောင်းသား ကျောင်းသူများ၊ စိတ်ပါဝင်စားသူ ရဟန်းရှင်လူပြည်သူများ လာရောက်ကြည့်ရှုလေ့လာကြရာ ၎င်းတို့၏ ပြပွဲနှင့် ပတ်သက်သည့် သဘောထားအမြင်များကို ဖော်ပြလိုက်ရပါသည်။ဦးအောင်ဆန်းဝင်း နိုင်ငံတော်ပရိယတ္တိသာသနာပြုတက္ကသိုလ်(ရန်ကုန်)ကျွန်တော်တို့ ထေရဝါဒဗုဒ္ဓဘာသာမှာ သင်္ဂါယနာတင်တာ ခြောက်ကြိမ်ရှိခဲ့တယ်၊ ဒါကိုရည်ရွယ်ပြီး ဆဋ္ဌသင်္ဂါယနာတင် အောင်ပွဲ နှစ် (၇၀)ပြည့် အထိမ်းအမှတ်အနေနဲ့ ပြပွဲကျင်းပခြင်းဖြစ်ပါတယ်။ လိုဏ်ဂူရဲ့ ပတ်လမ်းမှာ သင်္ဂါယနာတင်တာနဲ့ ပတ်သက်ပြီး အစအဆုံးသိရှိနိုင်အောင် ပြသထားပါတယ်။ ကျွန်တော်တို့ သာသနာရေးဝန်ကြီးဌာနက အဋ္ဌကထာတွေကို ကွန်ပျူတာစာစီနဲ့ ဆောင်ရွက်ခဲ့တဲ့ အဆင့်ဆင့်တွေကိုလည်း ပြခန်းတစ်ခုအနေနဲ့ သီးသန့်ပြသထားပါတယ်။ ဒီပြပွဲပြုလုပ်ရတဲ့ ရည်ရွယ်ချက်ကတော့ နောင်လာနောက်သားလူငယ်တွေ ထေရဝါဒဗုဒ္ဓဘာသာ သာသနာမှာ ဆဋ္ဌသင်္ဂါယနာကို ဘယ်လိုတင်ခဲ့တယ်ဆိုတာ သိရှိအောင်၊ ရဟန်းရှင်လူ ပြည်သူတွေ လာရောက် ဖူးမြော်နိုင်အောင်ရည်ရွယ်ပြီး ပြသခဲ့ခြင်းဖြစ်ပါတယ်။ ဒါကြောင့် ဒီပြပွဲကိုလာရောက်ကြဖို့ မေတ္တာရပ်ခံဖိတ်ကြားလိုပါတယ်။ ဦးကျော်မိုး ညွှန်ကြားရေးမှူး (စီမံ/ဘဏ္ဍာ) နိုင်ငံတော်ပရိယတ္တိသာသနာ့တက္ကသိုလ်(ရန်ကုန်) ဒီအထိမ်းအမှတ် ပြခန်းကို နိုင်ငံတော်အကြီးအကဲတွေရဲ့ လမ်းညွှန်မှုနဲ့အညီ ဆဋ္ဌသင်္ဂါယနာတင်အောင်ပွဲ နှစ်(၇၀) ပြည့်အထိမ်းအမှတ် အထူးပြပွဲအဖြစ် စီစဉ်ဆောင်ရွက်ထားတာပါ။ မြတ်စွာဘုရားရှင်ရဲ့ ဖွား၊ ပွင့်၊ ဟော၊ စံ ပြခန်း၊ ဆဋ္ဌသင်္ဂါယနာတင်ခဲ့တဲ့ သမိုင်းမှတ်တမ်း၊ ညောင်ရမ်း ဆရာတော်၊ မဟာစည်ဆရာတော်၊ မင်းကွန်းတိပိဋကဓရ ဓမ္မဘဏ္ဍာ ဂါရိက ဆရာတော်အစရှိတဲ့ ထင်ရှားသော ဆရာတော်ကြီးတွေရဲ့ မှတ်တမ်းတွေကိုလည်း တွေ့မြင်နိုင်ပါတယ်။ပိဋကသုံးပုံကို ကွန်ပျူတာစာမူဖြစ်အောင် ဦးဆောင်ခဲ့တဲ့ ရွှေသုဝဏ်ဆရာတော်ရဲ့ မှတ်တမ်း၊အဋ္ဌကထာကျမ်းစာအုပ်နဲ့ သုတ္တနစာအုပ်ပြုစုခဲ့တဲ့ မှတ်တမ်းအပြင် ဆဋ္ဌသင်္ဂါယနာတင်စဉ်က အသုံးပြု ခဲ့တဲ့ပုံနှိပ်စက်နဲ့ အခြားဗဟုသုတ မှတ်တမ်းတွေကိုလည်း ပြသထားပါတယ်။ ပြခန်းကို မေလ ၁၀ ရက်အထိ ဖွင့်လှစ်ပြသသွားမှာဖြစ်တဲ့အတွက် ရဟန်းရှင်လူပြည်သူ၊ ကျောင်းသား ကျောင်းသူတွေအနေနဲ့ ဗုဒ္ဓဘုရားရှင်ရဲ့ သမိုင်းကြောင်းတွေနဲ့ သင်္ဂါယနာတင်ခဲ့တဲ့ သမိုင်းဝင်အကြောင်းအရာတွေကို လာရောက်လေ့လာပြီး ဗဟုသုတတွေရယူကြဖို့ ဖိတ်ခေါ် လိုပါတယ်။ အရှင်ကေလာသ နိုင်ငံတော်ပရိယတ္တိသာသနာ့တက္ကသိုလ်(ရန်ကုန်)မော်ကွန်းထိန်း ဆရာတော်ဦးဆောင်ပြီး သင်ကြားစီမံဆရာတော်တွေ၊ ကထိကဆရာတော်တွေ၊ နည်းပြဆရာတော်တွေနဲ့ သင်တန်းသား သံဃာတော်တွေ အားလုံးစုစုပေါင်း ၉၃ ပါး ကြွရောက်ခဲ့တာပါ။ ဒါတွေက သာသနာမှာထင်ကျန်ခဲ့မယ့် သမိုင်းတွေဖြစ်ပြီး တန်ဖိုးနားလည်သူတွေအတွက် တန်ဖိုးဖြတ်လို့မရပါဘူး။ သင်္ဂါယနာ ခြောက်ကြိမ်တင်ခဲ့ပြီး ထေရဝါဒဗုဒ္ဓဘာသာအတွက် အလွန်တန်ဖိုးရှိပါတယ်။ ရဟန်း ရှင်လူပြည်သူတွေအနေနဲ့ပြပွဲကို လာရောက်လေ့လာမယ်ဆိုရင် အသိဉာဏ်ဗဟုသုတတွေ ရရှိနိုင်သလို ဘုရားရှင်နဲ့ သံဃာတော်တွေ၊ တရားတော်တွေရဲ့ ဂုဏ်ကျေးဇူးတွေကို ပိုမိုသိရှိပြီး သာသနာတော်ကို ချစ်မြတ်နိုးတဲ့စိတ်တွေ ပိုမိုတိုးပွားလာမယ်လို့ယုံကြည်ပါတယ်။ ဒါကြောင့် အားလုံးကိုလာရောက်ကြဖို့ ဖိတ်ခေါ်ပါတယ်။ဒေါ်ကြည်ကြည်ဇော် တောတိုက်ဓမ္မရိပ်သာ ဘုန်းတော်ကြီးသင်ပညာရေးကျောင်းသင်္ဂါယနာတင်တယ်ဆိုတာကို စာထဲမှာဖတ်ဖူးတာ၊ ကြားဖူးတာပဲရှိတယ်။ ဆရာတော်က ကားတွေစီစဉ်ပေးလို့ လာရောက်လေ့လာဖြစ်တာပါ။ လူဖြစ်နေတဲ့ကာလ ကြုံတုန်းကြုံခိုက်ကလေးတွေကို လာရောက်လေ့လာစေချင်တယ်။ မြတ်စွာဘုရားနဲ့ပတ်သက်တဲ့ သာသနာတော်ဆိုင်ရာအကြောင်း အရာတွေ၊ ကိုယ်မသိသေးတာတွေကို ထပ်သိရတယ်။ ပြပွဲမှာတာဝန်ရှိသူတွေ ရှင်းပြသွားတဲ့ အိန္ဒိယနိုင်ငံက ဆီမီးထွန်းတာမျိုးဆိုရင် ကိုယ့်အတွက် ဗဟုသုတအသစ်တွေ လေ့လာခွင့်ရတဲ့အတွက် ဝမ်းသာကြည်နူးမိပါတယ်။အချို့က ဗုဒ္ဓဘာသာကိုးကွယ်သူဆိုပေမယ့် ဗုဒ္ဓဘာသာအကြောင်းကို ထဲထဲဝင်ဝင် မသိတဲ့ ကလေးတွေ အများကြီးရှိပါတယ်။ ဒီလိုပြပွဲတွေကနေ ဗုဒ္ဓဘာသာဘာလဲဆိုတာကို ထဲထဲဝင်ဝင်သိသွားမယ်၊ ဗဟုသုတတွေလည်း အများကြီးရသွားမယ်လို့ မျှော်လင့်ပါတယ်။ဒေါ်လဲ့ကြည်ဖြူ တွဲဖက်ပါမောက္ခ လှည်းကူးပညာရေး ဒီဂရီကောလိပ်ကျွန်မတို့ လှည်းကူးပညာရေးဒီဂရီကောလိပ်က ကျောင်းသား ကျောင်းသူအင်အား ၂၅၀ ခန့်နဲ့ မဟာပါသာဏလိုဏ်ဂူ ဆဋ္ဌသင်္ဂါယနာတင် နှစ်(၇၀)ပြည့်အထိမ်းအမှတ် အထူးပြပွဲလာရောက် လေ့လာတာပါ။ ကျွန်မတို့ရဲ့ ထေရဝါဒဗုဒ္ဓဘာသာမြန်မာနိုင်ငံမှာ ဒီလိုမျိုး ဆဋ္ဌသင်္ဂါယနာတင် နှစ်(၇၀) ပြည့် အထိမ်းအမှတ်အထူးပြပွဲကို ကျောင်းသား ကျောင်းသူတွေ၊ ပညာရေးဝန်ထမ်းတွေလည်း သိရှိလေ့လာစေလိုတဲ့ ရည်ရွယ်ချက်နဲ့ လာရောက်ခဲ့တာပါ။ ကျွန်မက ဘာသာရေးစာပေတွေကို ဖတ်ရှုရတာဝါသနာပါပါတယ်။ လူမှုကွန်ရက်ပေါ်မှာ ဆဋ္ဌသင်္ဂါယနာတင် နှစ်(၇၀)ပြည့် အထိမ်းအမှတ်အောင်ပွဲ အင်တာဗျူးကို ကြည့်မိပြီး ပြပွဲရောက်ခိုက် ဉာဏ်စမ်းပဟေဠိ ဝင်ဖြေခဲ့တာ မမျှော်လင့်ဘဲ အမှတ်ပြည့်ရတော့ ဝမ်းသာတယ်။ ဗုဒ္ဓဘာသာနဲ့ပတ်သက်တဲ့ ဗဟုသုတတွေ၊ သာသနာတော်ဆိုင်ရာ ဗဟုသုတတွေကို လေ့လာခွင့်ရတဲ့အတွက် ကျေးဇူးတင်ပါတယ်။ သတင်းအဖွဲ့MDN
Fri, 8-May-2026
ပြင်ဦးလွင် လူရည်ချွန်စခန်း ဖွင့်ပွဲအခမ်းအနား ကျင်းပ
ပြင်ဦးလွင် လူရည်ချွန်စခန်း ဖွင့်ပွဲအခမ်းအနား ကျင်းပ
ပြင်ဦးလွင် မေ ၇ မန္တလေးတိုင်းဒေသကြီး ပြင်ဦးလွင် လူရည်ချွန်စခန်းဖွင့်ပွဲကို ယနေ့နံနက် ၈ နာရီက ပြင်ဦးလွင်မြို့နယ်ရှိ ကန်တော်ကြီး အမျိုးသား အထိမ်းအမှတ် ဥယျာဉ်၌ ကျင်းပသည်။ အခမ်းအနားသို့ လူငယ်ရေးရာဝန်ကြီးဌာန ပြည်ထောင်စုဝန်ကြီး ဒေါက်တာမောင်သင်း၊ မန္တလေးတိုင်းဒေသကြီးဝန်ကြီးချုပ် ဦးမျိုးအောင်၊ မန္တလေးတိုင်းဒေသကြီး လွှတ်တော်ဥက္ကဋ္ဌ၊ ပညာရေးဝန်ကြီးဌာန ဒုတိယဝန်ကြီး၊ တိုင်းဒေသကြီးဝန်ကြီးများ၊ လွှတ်တော်ကိုယ်စားလှယ်များ၊ တိုင်းဒေသကြီးအဆင့်ဌာနဆိုင်ရာများ၊ လူရည်ချွန်ကြီးများ၊   ဆရာ ဆရာမများနှင့် လူရည်ချွန် ကျောင်းသား ကျောင်းသူများ၊ ကြီးကြပ်ဆရာ ဆရာမများ၊ ဖိတ်ကြားထားသည့် ဧည့်သည် တော်များ တက်ရောက်ကြသည်။ ဦးစွာ ပြင်ဦးလွင်လူရည်ချွန် စခန်းကို လူရည်ချွန်ကျောင်းသားကျောင်းသူများက ဖဲကြိုးဖြတ် ဖွင့်လှစ်ပေးသည်။ ထို့နောက် တိုင်းဒေသကြီးဝန်ကြီးချုပ် ဦးမျိုးအောင်က လူရည်ချွန် ကျောင်းသား ကျောင်းသူများအား ကြိုဆိုနှုတ်ခွန်းဆက်စကားပြောကြားပြီး ရင်ထိုးတံဆိပ်များ ပေးအပ်သည်။ ဆက်လက်၍ လူရည်ချွန် ကျောင်းသား ကျောင်းသူများကိုယ်စား လူရည်ချွန် ကျောင်းသားတစ်ဦးက ကျေးဇူးတင် စကားပြောကြားသည်။ ယင်းနောက် ပြည်ထောင်စုဝန်ကြီး၊ တိုင်းဒေသကြီးဝန်ကြီးချုပ်နှင့် တာဝန်ရှိသူများက လူရည်ချွန် ကျောင်းသား ကျောင်းသူများအား ရင်ထိုးတံဆိပ်များ တပ်ဆင်ပေးကာ ရင်းနှီးနွေးထွေးစွာ နှုတ်ဆက်ကြသည်။ ဆက်လက်၍ လူရည်ချွန် ကျောင်းသား ကျောင်းသူများသည် ကန်တော်ကြီး အမျိုးသားအထိမ်းအမှတ် ဥယျာဉ်နှင့် တိုင်းရင်းသား ကျေးရွာများသို့ လှည့်လည် ကြည့်ရှုလေ့လာကြသည်။ မွန်းလွဲပိုင်းတွင် ရွှေနန်းထိုက် ဟိုတယ်၌ ပြည်ထောင်စုဝန်ကြီး ဒေါက်တာ မောင်သင်းက လူရည်ချွန် မောင်မယ်များအား တွေ့ဆုံအားပေးစကား ပြောကြားသည်။ ထို့နောက် လူရည်ချွန် မောင်မယ်များသည် သုမင်္ဂလာဈေးသို့ သွားရောက်လည်ပတ် ပျော်ရွှင်စွာ ဂိမ်းများကစားကြပြီး တာဝန်ရှိသူများက သုမင်္ဂလာဈေးဘက်စုံသုံးခန်းမတွင် ဖျော်ဖြေရေး အစီအစဉ်များနှင့်အတူ ညစာဖြင့် တည်ခင်းဧည့်ခံခဲ့ကြောင်း သိရသည်။ ခရိုင်(ပြန်/ဆက်)MDN
Fri, 8-May-2026
ယနေ့ကျင်းပမည့် ONE Friday Fights 153 & The Inner Circle ပြိုင်ပွဲတွင် မြန်မာဖိုက်တာနှစ်ဦး၏ တွဲဆိုင်းများ ပါဝင်မည်
ယနေ့ကျင်းပမည့် ONE Friday Fights 153 & The Inner Circle ပြိုင်ပွဲတွင် မြန်မာဖိုက်တာနှစ်ဦး၏ တွဲဆိုင်းများ ပါဝင်မည်
ရန်ကုန်    မေ    ၇ONE Friday Fights 153 & The Inner Circle ပြိုင်ပွဲကို မေ ၈ ရက်  ညပိုင်းတွင်  ထိုင်းနိုင်ငံ  ဗန်ကောက်မြို့ရှိ လုဗ္ပနီအားကစားရုံ၌ ကျင်းပမည်ဖြစ်ပြီး မြန်မာဖိုက်တာနှစ်ဦး၏တွဲဆိုင်းများ  ပါဝင်လာမည်ဖြစ်သည်။မြန်မာဖိုက်တာနှစ်ဦးဖြစ်သည့် သွေးလင်းထက်နှင့် ရဲရင့်နောင်တို့သည် ထိုင်းဖိုက်တာများနှင့်   ထိုးသတ်ရမည်ဖြစ်ပြီး   ရဲရင့်နောင်က ထိုင်းဖိုက်တာ ခွန်ပွန်နွိုင်၊ သွေးလင်းထက်က ဆက်ဆာတွန်နှင့် ထိုးသတ်ရမည်ဖြစ်သည်။ သွေးလင်းထက်သည်  နောက်ဆုံးနှစ်ပွဲ ဆက်တိုက်ရှုံးနိမ့်ထားမှုကို အဆုံးသတ်ရမည်ဖြစ်ပြီး ONE နှင့် ရှစ်ပွဲထိုးသတ်ရာတွင် ငါးပွဲနိုင်၊ သုံးပွဲရှုံးနိမ့်ထားသည်။ သွေးလင်းထက်နှင့် ထိုးသတ်မည့် ဆက်ဆာတွန်သည် ONE နှင့် ၁၀ ပွဲထိုးသတ်ရာတွင် ရှစ်ပွဲအထိ အနိုင်ရထားပြီး ယခုနှစ်အတွင်းထိုးသတ်သည့်ပွဲတွင် အီရတ်ဖိုက်တာကို ရှုံးနိမ့်ထားသည်။မြန်မာဖိုက်တာ ရဲရင့်နောင်သည်  ONE  နှင့်   ဒုတိယမြောက်ပွဲ ထိုးသတ်ရခြင်းဖြစ်ပြီး ပထမပွဲတွင် မလေးရှားဖိုက်တာ ဂါဇာလီကို ရှုံးနိမ့်ထားသည်။    ရဲရင့်နောင်နှင့်ထိုးသတ်မည့်  ခွန်ပွန်နွိုင်သည်  မြန်မာဖိုက်တာများနှင့်  ထိုးသတ်ဖူးသည့် အတွေ့အကြုံရှိသူဖြစ်ပြီး ဆွန်ရက်ခ်၊ မိုးထက်အောင်နှင့် သန့်ဇင်တို့ကို အနိုင်ရထားသည်။သတင်း-ချစ်ကိုကိုMDN
Fri, 8-May-2026
အာရှဖလား ယူ-၁၇ အမျိုးသမီးပြိုင်ပွဲတွင် မြန်မာအသင်း အုပ်စုအဆင့်ဖြင့် ကျေနပ်ခဲ့ရ
အာရှဖလား ယူ-၁၇ အမျိုးသမီးပြိုင်ပွဲတွင် မြန်မာအသင်း အုပ်စုအဆင့်ဖြင့် ကျေနပ်ခဲ့ရ
ရန်ကုန်    မေ    ၇၂၀၂၆ အာရှဖလား ယူ-၂၇ အမျိုးသမီးပြိုင်ပွဲ အုပ်စု(A) နောက်ဆုံးနေ့ကို မေ ၇ ရက်က တရုတ်နိုင်ငံ၌ ဆက်လက်ကျင်းပရာ မြန်မာအသင်း ရှုံးပွဲကြုံတွေ့ပြီး အုပ်စုအဆင့်ဖြင့် ကျေနပ်ခဲ့ရသည်။အုပ်စု(A) နောက်ဆုံးနေ့တွင် ဗီယက်နမ်အသင်းက မြန်မာအသင်းကို နှစ်ဂိုး-တစ်ဂိုး၊ အိမ်ရှင် တရုတ်အသင်းက ထိုင်းအသင်းကို ခြောက်ဂိုးပြတ် အနိုင်ရခဲ့သည်။ မြန်မာအသင်းသည် ယခုပွဲအနိုင်ရပါက အကောင်းဆုံး အုပ်စုတတိယနေရာရ ထိပ်ဆုံးနှစ်သင်းနေရာ မျှော်လင့်နိုင်မည်ဖြစ်သော်လည်း အရေး နိမ့်ခဲ့သဖြင့် အုပ်စုအဆင့်ဖြင့် ကျေနပ်ခဲ့ရသည်။ မြန်မာအသင်းသည် နိုင်ပွဲရရန်    ကြိုးပမ်းသော်လည်း  တိုက်စစ်ပိုင်း အဆုံးသတ်အားနည်းခြင်းကြောင့်  ဂိုးမရဘဲ  ဗီယက်နမ်အသင်းကို နှစ်ဂိုးပေးပြီးမှ ချေပဂိုးတစ်ဂိုးပြန်ပေးနိုင်သဖြင့် ရုန်းကန်ခဲ့ရခြင်းဖြစ်သည်။အုပ်စု(A) ပွဲစဉ်များအပြီးတွင် အိမ်ရှင်တရုတ်အသင်းက ကိုးမှတ်၊ ဗီယက်နမ်နှင့် ထိုင်းအသင်းက လေးမှတ်စီရရှိပြီး မြန်မာအသင်းက အမှတ်မရခဲ့ပေ။ ထို့ကြောင့် တရုတ်နှင့် ဗီယက်နမ်အသင်း ကွာတားဖိုင်နယ်တက်ရောက်သွားပြီး ထိုင်းအသင်းသည် ဂိုးကွာခြားချက်ကြောင့် တတိယနေရာ ရောက်ပြီး အကောင်းဆုံးအုပ်စုတတိယနေရာရရန်သာ မျှော်လင့်ရမည်ဖြစ်သည်။          သတင်း-ရှိုင်းထက်ဇော်ဓာတ်ပုံ-MFFMDN
Fri, 8-May-2026
၂၀၂၆ ခုနှစ် ဧကာဒသမတန်း လူရည်ချွန်စခန်း(ငွေဆောင်)နှင့် အဆင့်မြင့်ပညာအဆင့် လူရည်ချွန်စခန်း (ချောင်းသာ)ဖွင့်ပွဲအခမ်းအနား ကျင်းပ
၂၀၂၆ ခုနှစ် ဧကာဒသမတန်း လူရည်ချွန်စခန်း(ငွေဆောင်)နှင့် အဆင့်မြင့်ပညာအဆင့် လူရည်ချွန်စခန်း (ချောင်းသာ)ဖွင့်ပွဲအခမ်းအနား ကျင်းပ
ပုသိမ် မေ ၇ ၂၀၂၆ ခုနှစ် ဧကာဒသမတန်းလူရည်ချွန်စခန်း(ငွေဆောင်)နှင့်  အဆင့်မြင့်ပညာအဆင့် လူရည်ချွန် စခန်း(ချောင်းသာ) ဖွင့်ပွဲအခမ်းအနားကို ယနေ့နံနက် ပိုင်းက အဆိုပါစခန်းများ၌ ကျင်းပသည်။ အခမ်းအနားသို့ ဧရာဝတီတိုင်းဒေသကြီး ဝန်ကြီးချုပ် ဦးအေးကျော်နှင့်ဇနီး၊ တိုင်းဒေသကြီး လွှတ်တော်ဥက္ကဋ္ဌ၊ အနောက်တောင်တိုင်း စစ်ဌာနချုပ် တိုင်းမှူး၊ နယ်မြေခံလေတပ် စခန်းဌာနချုပ်မှူး၊ တိုင်းဒေသကြီး ဝန်ကြီးများနှင့် ၎င်းတို့၏ဇနီးများ၊ ပညာရေးဝန်ကြီးဌာနမှ တာဝန်ရှိသူများ၊ ဌာနဆိုင်ရာများ၊ လူရည်ချွန် မောင်မယ်များ၊ ကျောင်းသား ကျောင်းသူများနှင့် ဒေသခံများ တက်ရောက်ကြသည်။ ဦးစွာ ၂၀၂၆ ခုနှစ် လူရည်ချွန် စခန်း (ငွေဆောင်)မုခ်ဦးကို ဖွင့်လှစ်ပေးပြီး တိုင်းဒေသကြီးဝန်ကြီးချုပ် က အမှာစကားပြောကြား၍ လူရည်ချွန် မောင်မယ်များအား ရင်ထိုးတံဆိပ်များ ချီးမြှင့်အပ်နှင်းသည်။ ထို့နောက် လူရည်ချွန်စခန်း (ငွေဆောင်) စခန်းမှူးနှင့် လူရည်ချွန်ကြီးများက တိုင်းဒေသကြီး ဝန်ကြီးချုပ်နှင့် တာဝန်ရှိသူများထံ အမှတ်တရ လက်ဆောင်ပစ္စည်းများ ပေးအပ်၍ ငွေဆောင်လူရည်ချွန် စခန်းမှူးက လူရည်ချွန်စခန်းနှင့် ပတ်သက်၍ ရှင်းလင်းတင်ပြပြီး ကျောင်းသား ကျောင်းသူများ၏ ကရင်ဒုံးယိမ်း အကနှင့် လူရည်ချွန် မောင်မယ်များ၏ “ဇာတိမာန်” သီချင်းဖြင့် သီဆို ဖျော်ဖြေမှုကို ကြည့်ရှုအားပေးကြသည်။ ယင်းနောက် လူရည်ချွန်စခန်း (ချောင်းသာ)ဖွင့်ပွဲ အခမ်းအနား သို့တက်ရောက်၍ လူရည်ချွန် စခန်း (ချောင်းသာ)မုခ်ဦးကို ဖဲကြိုး ဖြတ်ဖွင့်လှစ်ပေးပြီး ဖျော်ဖြေရေး အဖွဲ့များအား ချီးမြှင့်ငွေများ ပေးအပ်သည်။ ဆက်လက်၍ တိုင်းဒေသကြီးဝန်ကြီးချုပ်နှင့် ပညာရေးဝန်ကြီးဌာန ဒုတိယဝန်ကြီးတို့က အမှာစကားပြောကြားပြီး လူရည်ချွန် စခန်း(ချောင်းသာ) စခန်းမှူးက လူရည်ချွန်စခန်းနှင့် ပတ်သက်၍ ရှင်းလင်းတင်ပြသည်။ ထို့နောက် လူရည်ချွန် မောင်မယ်များအား ရင်ထိုး တံဆိပ်များ ချီးမြှင့်အပ်နှင်းပြီး လူရည်ချွန် မောင်မယ်များနှင့် လူရည်ချွန်ကြီးများက တိုင်းဒေသကြီးဝန်ကြီးချုပ်နှင့် တာဝန်ရှိသူများထံ အမှတ်တရလက်ဆောင် ပစ္စည်းများ ပေးအပ်၍ ပုသိမ် တက္ကသိုလ် ကျောင်းသူလေးများ၏ “မမပုသိမ်သူ” သီချင်းဖြင့် ကပြဖျော်ဖြေမှုကို ကြည့်ရှုအားပေးကာ လူရည်ချွန်မောင်မယ် များအား နေ့လယ်စာဖြင့်  တည်ခင်း ဧည့်ခံသည်။ ဧရာဝတီတိုင်းဒေသကြီး ငွေဆောင် လူရည်ချွန်စခန်းတွင် တိုင်းဒေသကြီး၊ ပြည်နယ်များမှ ဧကာဒသမတန်း လူရည်ချွန် မောင်မယ် ၁၃၃ ဦး၊ ချောင်းသာ လူရည်ချွန်စခန်းတွင် အဆင့်မြင့် ပညာအဆင့် လူရည်ချွန်မောင်မယ် ၂၉၁ ဦးနှင့် ကြီးကြပ်ဆရာ ဆရာမများသည် မေ ၆ ရက်မှ ၁၀ ရက်အထိ ယာယီစခန်းချ နေထိုင်သွားမည်ဖြစ်သည်။ ညနေပိုင်း အားလပ်ချိန်များတွင် ငွေဆောင်လူရည်ချွန် အပန်းဖြေစခန်း၌ လူရည်ချွန် မောင်မယ်များက ကိုယ်ကာယကျန်းမာကြံ့ခိုင်ရေးနှင့် စိတ်လက် အပန်းပြေစေရေးအတွက် ဘောလုံး၊ ဘော်လီဘောနှင့် ပိုက်ကျော်ခြင်း ကစားနည်းများ၊ ရေကူးကစားခြင်းများကို ကြီးကြပ် ဆရာ ဆရာမများ ဦးဆောင်၍ တာဝန်ရှိသူများ၏ အနီးကပ် ကြီးကြပ်မှုဖြင့် ဆောင်ရွက်လျက်ရှိပြီး ဒေသန္တရဗဟုသုတများ ရရှိစေရန် ပုသိမ်မြို့ ငွေဆောင်ဒေသနှင့် အနီးဝန်းကျင်ရှိ လူမှုဘဝများ၊ ငါး၊ ပုစွန်ထုတ်လုပ်ရေး လုပ်ငန်းများ၊ ရိုးရာလက်မှုပညာ လုပ်ငန်းများနှင့် အထင်ကရ နေရာများကို လေ့လာနိုင်ရေး စီစဉ်ထားရှိကြောင်း သိရသည်။ တိုင်းဒေသကြီး(ပြန်/ဆက်)MDN
Fri, 8-May-2026
ငွေဆောင်လူရည်ချွန်စခန်းမှ ဧကာဒသမတန်းလူရည်ချွန်မောင်မယ်များ၊ လူရည်ချွန်ဟောင်းကြီးများ၏ ရင်တွင်းစကားသံများ
ငွေဆောင်လူရည်ချွန်စခန်းမှ ဧကာဒသမတန်းလူရည်ချွန်မောင်မယ်များ၊ လူရည်ချွန်ဟောင်းကြီးများ၏ ရင်တွင်းစကားသံများ
ဧရာဝတီတိုင်းဒေသကြီး ငွေဆောင်မြို့ လူရည်ချွန်စခန်း (ငွေဆောင်)၌ မြန်မာတစ်နိုင်ငံလုံးမှ ၂၀၂၅-၂၀၂၆ ပညာသင်နှစ် ဧကာဒသမတန်း လူရည်ချွန်မောင်မယ် ၁၃၃ ဦးနှင့် ကြီးကြပ်ဆရာ ဆရာမများသည် မေ ၆ ရက်မှ မေ ၉ ရက်အထိ ယာယီစခန်းချ၍ လူရည်ချွန်ဟောင်းကြီးများနှင့် ရင်းနှီးနွေးထွေးစွာတွေ့ဆုံခြင်း၊ ဒေသန္တရဗဟုသုတလေ့လာခြင်း၊ ကမ်းခြေတွင် အပန်းဖြေခြင်းတို့ကို ဆောင်ရွက်လျက်ရှိသည်။ အဆိုပါလူရည်ချွန်စခန်းတွင် ရောက်ရှိနေသည့် လူရည်ချွန်ဟောင်းကြီးများ၊ ၂၀၂၅-၂၀၂၆ ပညာသင်နှစ် ဧကာဒသမတန်း လူရည်ချွန်မောင်မယ်များ၏ ရင်တွင်းစကားသံများကို ပြည်သူများ သိရှိနိုင်ရန်အတွက် ဖော်ပြ အပ်ပါသည်။ မရွှေယွန်းမီ (နှစ်ထပ်ကွမ်း လူရည်ချွန်၊ ကယားပြည်နယ်) သမီးကတော့ ကယားပြည်နယ် လွိုင်ကော်ခရိုင် လွိုင်ကော်မြို့ရဲ့ အမှတ်( ၁ )အခြေခံပညာ အထက်တန်းကျောင်းမှာ ပညာသင်ကြားနေတဲ့ ဧကာဒသမတန်း ကျောင်းသူ (နှစ်ထပ်ကွမ်း လူရည်ချွန် )မရွှေယွန်းမီဖြစ်ပါတယ်။ သမီးက အရင်က ငွေဆောင်ကို တစ်ခါမှ မရောက်ခဲ့ဖူးပါဘူးရှင့်။ ငွေဆောင် ကမ်းခြေကို ရောက်တဲ့အခါမှာ ကြည်လင်တဲ့ ပင်လယ်ရေနဲ့ ကမ်းခြေအလှကို တွေ့လိုက်ရတဲ့ အခါမှာတော့ အလွန်ကို အမောပြေသွားတယ် ၊ ခေါင်းမူးတာတွေလည်း ပျောက်သွားပါတယ်ရှင့်။ ပြီးတော့ ကြိုနေတဲ့ သူတွေကြောင့်လည်း တကယ် အားတက်ရပါတယ်။ သူတို့ကို ကြည့်ပြီးတော့ အလွန်ကို ပီတိဖြစ်မိပါတယ်ရှင့်။ ကမ်းခြေတွေကတော့ သမီး social media ပေါ်မှာ အများကြီး မြင်ဖူးတွေ့ဖူးပါတယ်။ အခြားနိုင်ငံက ကမ်းခြေတွေဆိုရင်လည်း တော်တော်များများ လှကြပါတယ်။ ဒါပေမဲ့ သမီးတို့ နိုင်ငံကလည်း အခြားနိုင်ငံတွေနဲ့ ယှဉ်နိုင်တယ်။ နိမ့်ကျမနေပါဘူး။ ငွေဆောင် ကမ်းခြေက အလွန်လှတဲ့ ကမ်းခြေ တစ်ခုဖြစ်ပါတယ်။ သမီးတို့ နိုင်ငံမှာလည်း အခုလိုမျိုး အလွန် လှပတဲ့ ကမ်းခြေတွေရှိတဲ့အတွက် ကိုယ့်မြန်မာနိုင်ငံကို လည်း အလွန်ဂုဏ်ယူမိပါတယ်။ သမီးတို့ လူရည်ချွန်တစ်ယောက်ဖြစ်လာပြီ ဆိုရင် နိုင်ငံတော်အတွက် ဘယ်အချိန်မဆို အဆင်သင့် ရှိနေပေးရပါမယ်။ သမီးတို့ လူရည်ချွန်တွေကို နိုင်ငံတော်က ယုံယုံကြည်ကြည်နဲ့ ရွေးချယ်ပေး ထားတာဖြစ်တဲ့အတွက် နိုင်ငံတော် အတွက်ဆိုရင် အမြဲအသင့်ရှိနေရပါမယ်။ သမီးအနေနဲ့လည်း နိုင်ငံတော်အတွက် ကျရာကဏ္ဍ ကနေပြီးတော့ အစွမ်းကုန်ကြိုးစား ပြီး ပံ့ပိုးပေးသွားမှာပါရှင့်။ သမီးရဲ့ ရည်မှန်းချက်ကတော့ Grade - 12 စာမေးပွဲဖြေဆိုပြီးသွားရင် နိုင်ငံခြားဘာသာမှာ အထူးပြုဘာသာ တစ်ရပ်ကို သင်ကြားပေးတဲ့ ကထိကတစ်ယောက် ဖြစ်ချင်ပါတယ်ရှင့်။ဒေါက်တာအေးအေးမြင့် (၁၉၇၇ ခုနှစ် လူရည်ချွန်၊၁၉၆၄ - ၁၉၈၈ လူရည်ချွန်အဖွဲ့ ) ကျွန်မ နာမည်ကတော့ ဒေါက်တာ အေးအေးမြင့်ပါ။ ကျွန်မက ၁၉၇၇ခုနှစ်မှာ လူရည်ချွန် တစ်ယောက် ဖြစ်ခဲ့ပါတယ်ရှင်။ လူရည်ချွန် တစ်ယောက်ဖြစ်ဖို့ အတွက် စာတော်ရုံတစ်ခုတည်း မဟုတ်ဘဲ ဘက်စုံထူးချွန်မှရပါ မယ်။ စိတ်ဓာတ်၊ စည်းကမ်း၊ ကာယပညာ ကျွန်မတို့ခေတ်က အကုန်ဖြေရပါတယ်။ အဲဒါအပြင် လူရဲ့ စိတ်ထားကောင်းမွန်မှု၊ သွက်လက်ချက်ချာမှု အားလုံးကို ကြည့်ပြီး အဆင့်ဆင့်ဖြေဆိုပြီးမှ Outstanding Student ဆိုတဲ့ လူရည်ချွန်အဖြစ် ရွေးချယ်ခံရ တာဖြစ်ပါတယ်။ အဲဒီလို ရွေးချယ်ခံရပြီးတဲ့နောက် ပညာရေး တက္ကသိုလ်မှာ ငါးနှစ်အထိ ကျောင်းတက်ခဲ့ပါတယ်။ ပြီးတော့ ဆရာချွန်တွေကို မွေးထုတ်တဲ့ ဆရာမအဖြစ် အ.ထ.က( ၄)အလုံ မှာ အထက်တန်းပြနဲ့ ၁၀ နှစ်ကြာ အင်္ဂလိပ်စာ သင်ကြားပြသပေးခဲ့ပါတယ်။ မဟာပညာရေးဘွဲ့ပြီးတဲ့အခါမှာ ကျွန်မက ပညာရေး သုတေသနမှာ သုတေသန လက်ထောက်အဖြစ် ဆောင်ရွက်ရင်းနဲ့ ပညာရေးတက္ကသိုလ်ကို နည်းပြအဖြစ်နဲ့ ပြောင်းရွှေ့ခဲ့ပါတယ်။ ပြောင်းရွှေ့ပြီး နည်းပြကနေ တစ်ဆင့် ပညာရေးတက္ကသိုလ်မှာ စာမေးပွဲဝင်ဖြေရင်းနဲ့ ဂျပန် ပညာတော်သင်ဆုကို ရပါတယ်။ ဂျပန်နိုင်ငံရဲ့ University  of  Tokyo ကနေ Ph.D Education ပညာရေး ပါရဂူဘွဲ့ကို ရရှိခဲ့ပါတယ်။ အဲ့ဒါက လူရည်ချွန်ဆိုတဲ့ လူငယ်ဘဝက စလိုက်ပြီးတော့ ကြိုးစားမှုအရှိန်ကြောင့် ကျွန်မက အသိပညာပိုင်း၊ အတတ်ပညာပိုင်း အောင်မြင်လာတဲ့အပြင် ပညာရေးတက္ကသိုလ်မှာ ပါမောက္ခချုပ်အဖြစ် ၂၀၁၉ ခုနှစ်အထိ ထမ်းဆောင်နိုင်ခဲ့ပါတယ်။ ကျွန်မက လူငယ်လူရည်ချွန်တွေကို ပြန်လည်မွေးထုတ်ပေးတဲ့ ဆရာချွန်တွေ၊ ဆရာမချွန်တွေကို မွေးထုတ်ပေးတဲ့ ကဏ္ဍမှာတာဝန် ယူခဲ့တဲ့သူ တစ်ဦးလည်းဖြစ်ပါတယ်။  ငွေဆောင်လူရည်ချွန်စခန်းမှာက Grade - 11 လူငယ်လေး ဖြစ်ကြတယ်ဆိုတော့ ကျွန်မရဲ့ စိတ်ထဲမှာ ငွေဆောင်လူရည်ချွန် စခန်းကို သွားပြီးတော့ အခြေခံပညာက လူရည်ချွန်တွေကို အားပေးချင်စိတ် ဂုဏ်ပြုချင်စိတ် ပေါ်လာတဲ့အတွက် ဒီနေ့ပွဲကို လာရောက်ရခြင်းပဲ ဖြစ်ပါတယ်ရှင့်။မောင်ခန့်ညီရှင်းသန့် (၂၀၂၅ - ၂၀၂၆ ပညာသင်နှစ်၊ ဧကာဒသမတန်းလူရည်ချွန်၊ရှမ်းပြည်နယ်) ကျွန်တော်ကတော့ ရှမ်း ပြည်နယ်(တောင်ပိုင်း) တောင်ကြီး ခရိုင်ကနေပြီးတော့ ၂၀၂၅ - ၂၀၂၆ ပညာသင်နှစ်မှာ လူရည်ချွန်ဆုကို ရရှိခဲ့တဲ့ ဧကာဒသမတန်း ကျောင်းသား မောင်ခန့်ညီရှင်းသန့် ဖြစ်ပါတယ်ခင်ဗျာ။ ကျွန်တော် လက်ရှိ ပညာသင်ယူနေတဲ့ ကျောင်းကတော့ အ.ထ.က( ၅) တောင်ကြီး ဖြစ်ပါတယ်ခင်ဗျာ။ ကျွန်တော့်ရဲ့ အစ်ကိုတွေအစ်မတွေ ကလည်း လူရည်ချွန်တွေဖြစ်တဲ့ အတွက် ငယ်ငယ်ကတည်းက လူရည်ချွန် ဖြစ်ချင်စိတ်က ကိန်းအောင်းနေခဲ့ပါတယ်။ Grade - 11 မှာတော့ ကျွန်တော့်ရဲ့ လူရည်ချွန် ဖြစ်ချင်စိတ်က အထမြောက်ခဲ့ပါ တယ်။ အတော်လည်းကြိုးစားခဲ့ရပါတယ်။ ကျွန်တော် Grade - 12 စာမေးပွဲ ဖြေဆိုပြီးသွားရင် ဆေးပညာကို ဆက်လက်သင်ယူမယ်လို့ ရည်ရွယ်ချက်ရှိပါတယ်။ဆရာဝန်တစ်ယောက်ဖြစ်လာရင် နိုင်ငံတော်အတွက်၊ ပြည်သူတွေ အားလုံးအတွက် အားထားရတဲ့ ဆရာဝန်ကောင်း တစ်ယောက် ဖြစ်စေရမယ်လို့ ခံယူထားပါတယ် ခင်ဗျာ။မခင်နှင်းသက်စံ( ၂၀၂၅ - ၂၀၂၆ ပညာသင်နှစ်၊ ဧကာဒသမတန်း လူရည်ချွန်၊ ရခိုင်ပြည်နယ်) သမီးကတော့ ရခိုင်ပြည်နယ် စစ်တွေခရိုင် စစ်တွေမြို့ အ.ထ.က (၂) စစ်တွေမှာ ပညာသင်ကြားနေတဲ့ ဧကာဒသမတန်း လူရည်ချွန် မခင်နှင်းသက်စံ ဖြစ်ပါတယ်ရှင့်။ ရခိုင်ပြည်နယ်ကဆိုရင် သမီး တစ်ယောက်တည်း ပါလာတာ ဖြစ်လို့ တိုင်းနဲ့ပြည်နယ်အသီးသီး က လူရည်ချွန်တွေနဲ့ တွေ့ဆုံခွင့်ရလို့ အလွန်ကို ပျော်ရွှင်မိပါတယ်။ ငွေဆောင် လူရည်ချွန်စခန်းကို လာခဲ့ရတဲ့ လမ်းတစ်လျှောက်မှာ လည်း အလွန်ကို ပျော်ရွှင်ခဲ့ရသလို ပေါင်းသင်းဆက်ဆံရေး skill လည်း တိုးတက်လာခဲ့ပါတယ်။ ငွေဆောင် လူရည်ချွန်စခန်းကို ရောက်တဲ့အခါမှာ ကြိုနေကြတဲ့ သူတွေကိုကြည့်ပြီး အလွန်ကို အမောပြေရပါတယ်။ လေ့လာရေး ခရီးသွားတဲ့အခါမှာ ပုသိမ်ထီး လုပ်ငန်းကို သေသေချာချာ လေ့လာသွားပါမယ်။ လေ့လာခဲ့တဲ့ အကြောင်းအရာတွေကို သူငယ်ချင်းတွေနဲ့ ပြန်လည်မျှဝေ သွားပါမယ်။ သမီးက ဆရာဝန် ကောင်းတစ်ယောက် ဖြစ်ချင်ပါတယ်။ နိုင်ငံခြားမှာ ​ပါရဂူဘွဲ့ရတဲ့ အထိ ဆေးကျောင်းတက်ပြီးတော့ မြန်မာနိုင်ငံကို ပြန်လာပြီး ပြည်သူ တွေကို ဆေးကုသပေးပါမယ်။ နိုင်ငံအတွက် အားထားရတဲ့ ဆရာဝန်ကောင်း တစ်ယောက် ဖြစ်စေရမယ်လို့ ရည်မှန်းထားပါတယ်ရှင့်။ တိုင်းဒေသကြီး(ပြန်/ဆက်)
Fri, 8-May-2026
© Copyright 2024 SAC All Rights Reserved.