မလေးရှားခရီးသွားလုပ်ငန်းနှင့် စင်ကာပူလေကြောင်းလိုင်းတို့ပူးပေါင်းပြီး ခရီးသွားဝင်ရောက်မှု မြှင့်တင်မည်

NoahJune222

News Image

  • မလေးရှားခရီးသွားလုပ်ငန်းနှင့် စင်ကာပူလေကြောင်းလိုင်းတို့ပူးပေါင်းပြီး ခရီးသွားဝင်ရောက်မှု မြှင့်တင်မည်

ကွာလာလမ်ပူ  မေ   ၂၆

မလေးရှားခရီးသွားလုပ်ငန်းအဖွဲ့နှင့်   စင်ကာပူလေကြောင်းလိုင်းတို့သည်  Visit Malaysia 2026 လှုပ်ရှားမှုမတိုင်မီ နှစ်နိုင်ငံကြား ခရီးသွားလုပ်ငန်းပူးပေါင်းဆောင်ရွက်မှု အားကောင်းစေရန်နှင့် လေကြောင်းချိတ်ဆက်မှုများ မြှင့်တင်ရန် နားလည်မှုစာချွန်လွှာ လက်မှတ်ရေးထိုးခဲ့ကြောင်း မလေးရှားခရီးသွားလုပ်ငန်း မြှင့်တင်ရေးအေဂျင်စီက မေ ၂၆ ရက်တွင် ပြောသည်။

ပူးပေါင်းဆောင်ရွက်မှုသည် စင်ကာပူနိုင်ငံမှတစ်ဆင့်  ဒေသတွင်း လေကြောင်းဗဟိုချက် ချိတ်ဆက်မှုများကို အားကောင်းစေခြင်းဖြင့် မလေးရှားနိုင်ငံ၏ လေကြောင်းနှင့် ခရီးသွားလုပ်ငန်း ပြန်လည်ဦးမော့လာစေရန် အထောက်အကူပြုလိမ့်မည်ဟု မျှော်လင့်ရသည်။ ယခုလတွင် စတင်အသက်ဝင်မည့် တစ်နှစ်သက်တမ်းရှိ အဆိုပါသဘောတူညီချက်သည် မလေးရှားနိုင်ငံသို့ ကမ္ဘာလှည့်ခရီးသွားများ ပိုမိုဝင်ရောက်စေရန် ပူးတွဲဈေးကွက်ရှာဖွေရေးနှင့် ခရီးသွားလာမှုမြှင့်တင်ရေးအစီအစဉ်အပေါ် အဓိကထားဆောင်ရွက်သွားမည်ဖြစ်သည်။

ယခုပူးပေါင်းဆောင်ရွက်မှုသည် Visit  Malaysia  2026 လှုပ်ရှားမှုအရှိန်ကို ပိုမိုအားကောင်းလာစေရန်နှင့် ၂၀၂၇ ခုနှစ်အထိ ခရီးသွားကဏ္ဍ စဉ်ဆက်မပြတ်ဖွံ့ဖြိုးတိုးတက်စေရန် အထောက်အကူပြုရန် မျှော်မှန်းထားကြောင်း သိရသည်။                        

ဆင်ဟွာ

MDN

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

မြန်မာ-အိန္ဒိယ ကုန်သွယ်မှုနှင့် ရင်းနှီးမြှုပ်နှံမှုဆိုင်ရာဆွေးနွေးပွဲ အခမ်းအနားကျင်းပ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် တက်ရောက်၍ အဖွင့်အမှာစကား ပြောကြား
မြန်မာ-အိန္ဒိယ ကုန်သွယ်မှုနှင့် ရင်းနှီးမြှုပ်နှံမှုဆိုင်ရာဆွေးနွေးပွဲ အခမ်းအနားကျင်းပ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် တက်ရောက်၍ အဖွင့်အမှာစကား ပြောကြား
နှစ်နိုင်ငံ စီးပွားရေးပူးပေါင်းဆောင်ရွက်မှု သမိုင်းစာမျက်နှာသစ်ကို အတူတကွဖွင့်လှစ်နိုင်ပြီး နှစ်နိုင်ငံ ချစ်ကြည် ရင်းနှီးမှုတိုးတက်ခိုင်မြဲကာ နှစ်နိုင်ငံပြည်သူများအတွက် သာယာဝပြောသည့်အနာဂတ်ကို ဖော်ဆောင်နိုင်မည်ဟု ယုံကြည်  နေပြည်တော် မေ ၃၁မြန်မာ-အိန္ဒိယ ကုန်သွယ်မှုနှင့် ရင်းနှီးမြှုပ်နှံမှုဆိုင်ရာဆွေးနွေးပွဲအခမ်းအနားကို ယနေ့နံနက်ပိုင်းတွင် အိန္ဒိယနိုင်ငံ နယူးဒေလီမြို့ရှိ Taj Mahal ဟိုတယ်၌ကျင်းပရာ အိန္ဒိယနိုင်ငံ၌ တရားဝင်ခရီးစဉ်ရောက်ရှိနေသည့် ပြည်ထောင်စု သမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် တက်ရောက်အမှာစကား ပြောကြားသည်။ ဦးစွာ နိုင်ငံတော်သမ္မတ ဦးမင်းအောင်လှိုင်သည် အခမ်းအနားကျင်းပပြုလုပ်မည့် Taj Mahal ဟိုတယ် သို့ရောက်ရှိရာ ပြည်ထောင်စုသမ္မတမြန်မာနိုင်ငံတော် စက်မှုလက်မှုလုပ်ငန်းရှင်များအသင်းချုပ် (UMFCCI)နာယက ဦးအောင်ကိုဝင်း၊ ဥက္ကဋ္ဌ ဦးအေးဝင်းနှင့် အဖွဲ့ဝင်များ၊ မြန်မာ-အိန္ဒိယ ချစ်ကြည်ရေးအသင်း ဥက္ကဋ္ဌ ဦးဝင်းမြင့်နှင့် အဖွဲ့ဝင်များ၊ အိန္ဒိယနိုင်ငံ ကုန်သည်များနှင့် စက်မှုအသင်းချုပ်(FICCI) အတွင်းရေးမှူးချုပ်၊ အိန္ဒိယစက်မှုလက်မှုလုပ်ငန်းရှင်များ အဖွဲ့ချုပ် (CII)မှ Senior Advisor ဖြစ်သူတို့က ကြိုဆို နှုတ်ဆက်ကြသည်။ ယင်းနောက် အခမ်းအနားကိုကျင်းပရာ နိုင်ငံတော်သမ္မတနှင့်အတူ ခရီးစဉ်တွင်လိုက်ပါလာသည့် ပြည်ထောင်စု ဝန်ကြီးများနှင့် အဖွဲ့ဝင်များ၊ အိန္ဒိယနိုင်ငံအစိုးရအဖွဲ့မှ တာဝန်ရှိသူများ၊ အိန္ဒိယနိုင်ငံဆိုင်ရာ မြန်မာနိုင်ငံ သံအမတ်ကြီး၊ မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီးနှင့် တာဝန်ရှိသူများ၊ ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်နာယကနှင့် အဖွဲ့ဝင်များ၊ မြန်မာ-အိန္ဒိယ ချစ်ကြည်ရေးအသင်း ဥက္ကဋ္ဌနှင့် အဖွဲ့ဝင်များ၊ အိန္ဒိယနိုင်ငံကုန်သည်များနှင့် စက်မှုအသင်းချုပ်(FICCI) အတွင်းရေးမှူးချုပ် Mr. A,nant Swa,rup Ji ၊ အိန္ဒိယစက်မှုလက်မှုလုပ်ငန်း ရှင်များအဖွဲ့ချုပ်(CII)မှ Senior Advisor Dr. Vikramjit Singh Sahney Ji ၊ ဖိတ်ကြားထားသော မြန်မာ-အိန္ဒိယ နှစ်နိုင်ငံ စီးပွားရေးလုပ်ငန်းရှင်များနှင့် ဖိတ်ကြားထားသည့်ဧည့်သည်တော်များ တက်ရောက်ကြသည်။ မြန်မာ-အိန္ဒိယ နှစ်နိုင်ငံမိတ်ဖက်ဆက်ဆံရေးဦးစွာ နိုင်ငံတော်သမ္မတက အဖွင့်အမှာစကားပြောကြားရာတွင် မြန်မာနိုင်ငံနှင့် အိန္ဒိယနိုင်ငံတို့သည် ရှည်လျားလှသည့် ကုန်းမြေနှင့် ရေပြင်နယ်နိမိတ်ချင်း ထိစပ်နေရုံသာမက ရိုးရာယဉ်ကျေးမှုချင်းဆက်နွှယ်နေပြီး ရှေးနှစ်ပေါင်းများစွာ ကတည်းက ခိုင်မာသည့် သမိုင်းဝင်ချစ်ကြည်မှု အခြေခံကောင်းများရှိကြသည့် “အိမ်နီးချင်းကောင်း” နိုင်ငံများ ဖြစ်ကြကြောင်း၊ အိန္ဒိယနိုင်ငံသည် ဗုဒ္ဓမြတ်စွာပွင့်ထွန်းရာ မြေမြတ် မဟာဖြစ်သကဲ့သို့ မြန်မာနိုင်ငံသည်လည်း အဆိုပါ ဗုဒ္ဓတရားတော်များနှင့် ယဉ်ကျေးမှုတို့ကို ယနေ့တိုင် အလေးအနက်တန်ဖိုးထား လိုက်နာထိန်းသိမ်းထားသည့် နိုင်ငံဖြစ်ကြောင်း။ထိုသို့ ဓမ္မကြောင်းအရ၊ သမိုင်းကြောင်းအရ ဆက်နွှယ်မှု၊ အပြန်အလှန် လေးစားယုံကြည်မှုတို့ သည် မိမိတို့နှစ်နိုင်ငံ ယဉ်ကျေးမှုနှင့် စီးပွားရေးပူးပေါင်းဆောင်ရွက်မှုခရီးလမ်းအတွက် ခိုင်မာလှသည့် အခြေခံအုတ်မြစ်ကြီးတစ်ခု ဖြစ်ကြောင်း၊ ထို့ပြင် နှစ်နိုင်ငံ သံတမန်ဆက်ဆံရေးသည် စိန်ရတုမှတ်တိုင်ကို အတူဖြတ်ကျော်ခဲ့ပြီး ယခုအခါ ၇၈ နှစ်တိုင်ခဲ့ပြီ ဖြစ်ကြောင်း၊ မြန်မာနိုင်ငံနှင့် အိန္ဒိယနိုင်ငံတို့သည် ကိုလိုနီလက်အောက်တွင် အတူတကွနေခဲ့ရခြင်းဖြစ် ပြီး မြန်မာနိုင်ငံနှင့် ရှေးယခင်ကတည်းက ကူးလူးဆက်ဆံမှုများရှိသကဲ့သို့ မြန်မာနိုင်ငံတွင် အိန္ဒိယနွယ်ဖွားများစွာရှိပြီး ယနေ့ထက်တိုင် အေးအတူပူအမျှ အတူတကွနေထိုင်လုပ်ကိုင်လျက်ရှိကြကြောင်း။ ယခုခရီးစဉ်သည် အိန္ဒိယနိုင်ငံ၏ အရှေ့နှင့် ထိတွေ့ဆက်ဆံသည့်မူဝါဒ (Act East Policy)နှင့် (Neighbourhood First Policy) တို့ကို ပိုမိုမြဲမြံခိုင်မာ စေသကဲ့သို့ မြန်မာနိုင်ငံအနေဖြင့်လည်း ဒေသတွင်း စီးပွားရေးပူးပေါင်းဆောင်ရွက်မှုကို အရှိန်မြှင့်တင်ရန် လာရောက်ခြင်းဖြစ်ကြောင်း၊ အဆွေတော်တို့သိရှိပြီး ဖြစ်သည့်အတိုင်း မိမိတို့မြန်မာနိုင်ငံတွင် ဒီမိုကရေစီ နည်းလမ်းနှင့်အညီ ပြည်သူလူထုက ရွေးကောက်တင်မြှောက်သည့် အစိုးရသစ်ကို ၂၀၂၆ ခုနှစ်၊ ဧပြီလ ၁၀ ရက်တွင် ဖွဲ့စည်းခဲ့ပြီးဖြစ်ကြောင်း၊ ဒီမိုကရေစီနိုင်ငံအဖြစ် ခိုင်မာအားကောင်းအောင် မိမိအနေဖြင့် ဆောင်ရွက် နေကြောင်း၊ မိမိတို့အစိုးရသစ်လက်ထက်တွင် ရေရှည်တည်တံ့ပြီး ဟန်ချက်ညီသည့် ဖွံ့ဖြိုးတိုးတက်မှုများကို ဖော်ဆောင်နိုင်ရန် မိတ်ဖက်နိုင်ငံများနှင့် မဟာဗျူဟာမြောက် စီးပွားရေးတိုးမြှင့်နိုင်ရေး ဦးစားပေးဆောင်ရွက် လျက်ရှိကြောင်း။ မြန်မာ-အိန္ဒိယ နှစ်နိုင်ငံ ကုန်သွယ်မှုနှင့် ရင်းနှီးမြှုပ်နှံမှုလက်ရှိအချိန်တွင် မြန်မာ-အိန္ဒိယ နှစ်နိုင်ငံအစိုးရဌာနများ၊ စီးပွားရေးလုပ်ငန်းရှင်များနှင့် ပြည်သူများအကြား ဆက်ဆံရေး ပိုမိုကောင်းမွန်လာသည်နှင့်အမျှ အပြန်အလှန်နားလည်မှုနှင့် ယုံကြည်မှုများ တိုးတက်ခိုင်မြဲလာသည်ကို တွေ့ရကြောင်း၊ အိန္ဒိယနိုင်ငံသည် မြန်မာနိုင်ငံ၏ အဓိကကုန်သွယ်ဖက်နိုင်ငံများတွင် ပါဝင်ပြီး မြန်မာနိုင်ငံက စတုတ္ထမြောက် ပို့ကုန်အများ ဆုံးတင်ပို့နေသည့်နိုင်ငံဖြစ်သကဲ့သို့ မြန်မာနိုင်ငံကို ဆဋ္ဌမမြောက်သွင်းကုန် အများဆုံး တင်သွင်းနေသည့် နိုင်ငံလည်းဖြစ်ကြောင်း၊ နှစ်နိုင်ငံကုန်သွယ်မှုသည် နှစ်စဉ်ပျမ်းမျှ ၁ ဒသမ ၅ ဘီလီယံခန့်ရှိပြီး မြန်မာ နိုင်ငံအနေဖြင့် ပို့ကုန်ပိုများပြားကြောင်း။ မြန်မာနိုင်ငံမှ အိန္ဒိယသို့ မတ်ပဲ၊ ပဲစင်းငုံနှင့် မြေထောက်ပဲ၊ ရေထွက်ပစ္စည်း၊ ချုပ်ပြီးအထည်၊ သစ်ပါးလွှာနှင့် အထပ်သားတို့ကို အဓိကတင်ပို့နေပြီး မြန်မာနိုင်ငံအနေဖြင့် အိန္ဒိယထုတ်ကုန်များဖြစ်သည့် ဆေးဝါး၊ ရေနံထွက် ပစ္စည်း၊ ဓာတုဗေဒပစ္စည်း၊ မော်တော်ယာဉ်၊ မော်တော်ဆိုင်ကယ်နှင့် လယ်ယာသုံးစက်ပစ္စည်းများကို အဓိကတင်သွင်း နေခြင်းဖြစ်ကြောင်း၊ ထို့ကြောင့် အိန္ဒိယနိုင်ငံမှ ပို့ကုန်များတိုးမြှင့်နိုင်ရေး ဆောင်ရွက်စေလိုကြောင်း၊ ဥပမာအားဖြင့် သံနှင့် သံမဏိ၊ ဆေးဝါး၊ ဓာတုဗေဒပစ္စည်းများ ဖြစ်ကြောင်း။ အိန္ဒိယနိုင်ငံ၏ ရင်းနှီးမြှုပ်နှံမှုအခြေအနေလက်ရှိအချိန်တွင် အိန္ဒိယနိုင်ငံသည် မြန်မာနိုင်ငံ တွင် ရင်းနှီးမြှုပ်နှံမှုလုပ်ငန်းပေါင်း ၃၉ ခု၊ အမေရိကန် ဒေါ်လာ ၇၈၂ ဒသမ ၃၈၅ သန်းနှင့် ၁၁ နိုင်ငံမြောက် ရင်းနှီးမြှုပ်နှံမှု အများဆုံးနိုင်ငံဖြစ်ကြောင်း၊ အိန္ဒိယရင်းနှီးမြှုပ်နှံသူများအနေဖြင့် မြန်မာနိုင်ငံ၏ စက်မှု၊ ရေနံနှင့်သဘာဝဓာတ်ငွေ့၊ ပို့ဆောင်ရေးနှင့်ဆက်သွယ်ရေး၊ ဝန်ဆောင်မှုနှင့် စိုက်ပျိုးမွေးမြူရေးနှင့် ရေလုပ်ငန်းကဏ္ဍတို့တွင် ဆောင်ရွက်လျက်ရှိသည်ကို တွေ့ရှိရကြောင်း။ မြန်မာနိုင်ငံ၏ ရင်းနှီးမြှုပ်နှံမှုအခွင့်အလမ်းများမြန်မာနိုင်ငံသည် စိုက်ပျိုးရေးကိုအခြေခံသည့် နိုင်ငံတစ်ခုဖြစ်ပြီး သဘာဝတည်နေရာအရ ကမ္ဘာ့လူဦးရေအများဆုံး အိန္ဒိယနိုင်ငံနှင့် တရုတ်နိုင်ငံတို့အကြား ကြီးမားသည့်ဈေးကွက်နှင့် လျင်မြန်စွာတိုးတက်နေသည့် အာဆီယံဒေသတွင်း အချက်အချာ ကျသည့်နေရာတွင်ရှိနေကြောင်း၊ ထို့ပြင် စိုက်ပျိုးရေးလုပ်ငန်း ကောင်းစွာဆောင်ရွက်နိုင်သည့် ရာသီဥတု၊ လုပ်သားအင်အားနှင့် လုံလောက်သည့်စိုက်ပျိုးမြေအကျယ်အဝန်းရှိပြီး အရှေ့တောင်အာရှဒေသတွင် လယ်ယာမြေအများဆုံးပိုင်ဆိုင်သည့် နိုင်ငံဖြစ်ကြောင်း၊ ထို့ကြောင့်လည်း စိုက်ပျိုးမွေးမြူရေးအခြေခံကောင်းများကို အသုံးချပြီး စားရေရိက္ခာအဓိက ထုတ်လုပ်သည့် နိုင်ငံဖြစ်စေရေး မူဝါဒချမှတ် ဆောင်ရွက်နေကြောင်း။ အိန္ဒိယနိုင်ငံသည် နို့ထွက်ပစ္စည်းထုတ်လုပ်မှုလုပ်ငန်းများတွင် အားကောင်းသည့်အတွက် မြန်မာနိုင်ငံတွင် မွေးမြူရေး လုပ်ငန်းများနှင့် နို့ထွက်ပစ္စည်းထုတ်လုပ်ခြင်းလုပ်ငန်းများကို ကျယ်ကျယ်ပြန့်ပြန့် ရင်းနှီးမြှုပ်နှံဆောင်ရွက်ရန် အခွင့်အလမ်းများရှိ ကြောင်း၊ လက်ရှိအချိန်တွင် မြန်မာနိုင်ငံအနေဖြင့် ပြည်တွင်းအတွက် လိုအပ်သည့်ဆေးဝါးများကို ပြည်ပမှ တင်သွင်းလျက်ရှိကြောင်း၊ အိန္ဒိယနိုင်ငံသည် ဆေးဝါး (Generic Medicine) ထုတ်လုပ်မှုတွင် ကမ္ဘာ့ ထိပ်တန်းနိုင်ငံဖြစ်ပြီး မြန်မာနိုင်ငံ၏ ဆေးဝါးလိုအပ်ချက် ၆၀ ရာခိုင်နှုန်းဝန်းကျင်ခန့်ကို အိန္ဒိယနိုင်ငံမှ တင်သွင်းနေ ခြင်းဖြစ်ကြောင်း၊ ထို့ကြောင့် နှစ်နိုင်ငံပူးပေါင်းဆောင်ရွက်မှုအနေဖြင့် ဆေးဝါးထုတ်လုပ်မှုလုပ်ငန်းများတွင် လာရောက် ရင်းနှီးမြှုပ်နှံရန် အခွင့်အလမ်းများစွာရှိကြောင်း။ MSME လုပ်ငန်းများသည် မြန်မာ့စီးပွားရေး၏ မောင်းနှင်အားဖြစ်သကဲ့သို့ အိန္ဒိယနိုင်ငံ၏ အသက်မွေးဝမ်းကျောင်း ဆိုင်ရာကျွမ်းကျင်မှုနှင့် နည်းပညာတိုးတက်မှုများကိုလည်း မိမိတို့အနေဖြင့် များစွာအသိအမှတ်ပြုကြောင်း၊ စက်မှုအုပ်စုများ (Industrial Clusters)တည်ထောင်ခြင်း၊ နည်းပညာလွှဲပြောင်းရယူခြင်းနှင့် သက်မွေးပညာသင်တန်း ကျောင်းများ (Vocational Training) ပူးပေါင်းဖွင့်လှစ်ခြင်းဖြင့် နှစ်နိုင်ငံအကျိုးရှိမည့် Value Chain တစ်ခုကို ဖန်တီး နိုင်မည်ဖြစ်ကြောင်း၊ နှစ်နိုင်ငံအကြား ကုန်သွယ်မှုကုန်ကျစရိတ်နှင့် အချိန်ကိုလျှော့ချနိုင်ရန် ပို့ဆောင်ဆက်သွယ် ချိတ်ဆက်မှုသည် အလွန်အရေးကြီးကြောင်း။ ကုလားတန်ဘက်စုံသုံး သယ်ယူပို့ဆောင်ရေး စီမံကိန်း (Kaladan Multi-Modal Transit Tran-sport Project) နှင့် အိန္ဒိယ-မြန်မာ-ထိုင်း သုံးနိုင်ငံ အဝေးပြေးလမ်းမကြီး (Trilateral High-way) တို့သည် နှစ်နိုင်ငံကုန်သွယ်မှုကိုသာမက အာဆီယံ-အိန္ဒိယ စီးပွားရေးစင်္ကြံကိုပါဖွင့်လှစ်ပေးမည့် သော့ချက်များဖြစ်ကြောင်း၊ ထို့ကြောင့် အဆိုပါစီးပွားရေးစင်္ကြံ များတစ်လျှောက် အထူးစီးပွားရေးဇုန်များ(SEZs)နှင့် ထောက်ပံ့ပို့ဆောင်ရေး အခြေခံအဆောက်အအုံ (Logistics Hubs)များတွင် ရင်းနှီးမြှုပ်နှံရန် အခွင့် အလမ်းကောင်းများရှိနေကြောင်း။ မြန်မာနိုင်ငံရင်းနှီးမြှုပ်နှံမှုဥပဒေအရ ဦးစားပေးဖိတ်ခေါ်မှုမြန်မာနိုင်ငံအနေဖြင့် နိုင်ငံတော်အတွက် မဟာဗျူဟာအရ အရေးပါသည့်ရင်းနှီးမြှုပ်နှံမှုလုပ်ငန်း အမျိုးအစားများ အဖြစ် သတင်းအချက်အလက်နှင့် ဆက်သွယ်ရေးနည်းပညာဝန်ဆောင်မှု၊ ဆေးဝါး ထုတ်လုပ်မှု၊ စွမ်းအင်ဆိုင်ရာ အခြေခံအဆောက်အအုံများအဖြစ် သတ်မှတ်ထားပြီး ရင်းနှီးမြှုပ်နှံမှုမြှင့်တင် မည့် ကဏ္ဍများအနေဖြင့် စိုက်ပျိုးရေး၊ မွေးမြူရေးနှင့် လယ်ယာအခြေခံ ကုန်ထုတ်လုပ်မှုလုပ်ငန်းများ၊ ပြန်လည်ပြည့်ဖြိုးမြဲစွမ်းအင်ထုတ်လုပ်မှုလုပ်ငန်းများ၊ ပညာရေးနှင့် ကျန်းမာရေးဝန်ဆောင်မှုလုပ်ငန်းများ ကိ ဦးစားပေးအဖြစ် သတ်မှတ်ဖိတ်ခေါ်လျက်ရှိကြောင်း၊ ထို့ပြင် နိုင်ငံတော်၏လိုအပ်ချက်အရ ဓာတ်မြေဩဇာ၊ ဘိလပ်မြေနှင့် သံမဏိထုတ်လုပ်ခြင်း၊ အများပြည်သူသယ်ယူ ပို့ဆောင်ရေးကဏ္ဍ တိုးတက်စေရန် လျှပ်စစ်သုံးယာဉ်ထုတ်လုပ်ခြင်း၊ စိုက်ပျိုးရေးနှင့် မွေးမြူရေးတန်ဖိုးမြှင့် ထုတ်ကုန်များ ထုတ်လုပ်ခြင်း၊ ဆေးဝါးနှင့် ဆေးပစ္စည်းကိရိယာများ ထုတ်လုပ်ခြင်းနှင့် စားသုံးဆီထုတ်လုပ်ခြင်း စသည့်ကဏ္ဍများ တွင် မိတ်ဖက်စီးပွားရေးလုပ်ငန်းရှင်များ လာရောက်လုပ်ကိုင်ပါက ဦးစားပေးဝန်ဆောင်မှုများဖြင့် အထူးပံ့ပိုးဆောင်ရွက်ပေးသွားမည်ဖြစ်ကြောင်း။ ထို့အပြင် ပြည်တွင်းထွက်ကုန်အခြေခံသစ် အချောထည် ပရိဘောဂလုပ်ငန်းများ၊ သစ်ပါးလွှာ၊ အထပ်သား၊ သစ်ကြိတ်သားနှင့် သစ်ခွဲသားထုတ် လုပ်မှုလုပ်ငန်းများအပြင် အဆင့်မြင့်ချည်၊ အဆင့်မြင့် ရော်ဘာနှင့် ရော်ဘာ အခြေခံပရိဘောဂပစ္စည်းများ ထုတ်လုပ်ခြင်းလုပ်ငန်းများကိုလည်း ဖွံ့ဖြိုးတိုးတက်လာအောင် အားပေးဆောင်ရွက် လျက်ရှိကြောင်း၊ မိမိတို့ရွေးကောက်ခံအစိုးရအနေဖြင့် နိုင်ငံအတွင်း စီးပွားရေးဝန်းကျင်နှင့် ရင်းနှီးမြှုပ်နှံမှုဝန်းကျင် ပိုမို ကောင်းမွန်လာစေရန်အတွက် စီးပွားရေးဆိုင်ရာ ပြုပြင်ပြောင်းလဲမှုများကို အထူးအလေးထားဆောင်ရွက် နေကြောင်း။ အထူးသဖြင့် စည်းမျဉ်းလုပ်ထုံး လုပ်နည်းများကို ပြန်လည်ဆန်းစစ်ပြီး လုပ်ငန်းစဉ်များကို ပိုမိုလွယ်ကူ လျင်မြန်အောင် ဒီဂျစ်တယ်စနစ် (Digital Transfor-mation)သို့ အသွင်ကူးပြောင်းဆောင်ရွက်လျက်ရှိရာတွင် မြန်မာဒီဂျစ်တယ် လမ်းပြမြေပုံ ၂၀၃၀ ကို ရေးဆွဲဖော်ဆောင်လျက်ရှိကြောင်း၊ ထို့အတူ မြန်မာ နိုင်ငံအလယ်ပိုင်း မန္တလေးတိုင်းဒေသကြီး၊ ပြင်ဦးလွင် မြို့နယ်၊ မြေဧရိယာ ၁၀,၀၀၀ ဧကခန့်အား ရတနာပုံဆိုက်ဘာစီးတီး (ရတနာပုံမြို့သစ်) စီမံကိန်းအဖြစ် အကောင်အထည်ဖော်လျက်ရှိကြောင်း၊ ထို့ကြောင့် IT ကဏ္ဍတွင် အောင်မြင်ပြီးဖြစ်သည့် အိန္ဒိယလုပ်ငန်း ရှင်များ အနေဖြင့် IT နှင့် ဒီဂျစ်တယ်ဝန်ဆောင်မှု လုပ်ငန်းများကို လာရောက်ရင်းနှီးမြှုပ်နှံရန် အခွင့်အလမ်းကောင်းများ ပင်ဖြစ်ကြောင်း။ အိန္ဒိယနိုင်ငံ၏ အိမ်နီးချင်းဦးစားပေးမူဝါဒ၊ အရှေ့နှင့် ထိတွေ့ဆက်ဆံသည့် မူဝါဒ၊ နှစ်နိုင်ငံ ချစ်ကြည်ရင်းနှီးမှုနှင့် မဟာဗျူဟာမြောက် ဆက်ဆံရေးအရ အိန္ဒိယစီးပွားရေးလုပ်ငန်းရှင်များအတွက် မြန်မာ နိုင်ငံတွင် ကုန်သွယ်မှုသာမက ရင်းနှီးမြှုပ်နှံမှုလုပ်ငန်းများတွင် လက်ရှိထက်အဆများစွာ ပိုမိုပူးပေါင်း ဆောင်ရွက်နိုင်မည့် အခွင့်အလမ်းကောင်းများ ရှိနေခြင်းဖြစ်ကြောင်း၊ အဆိုပါအလားအလာများကို လက်တွေ့အကောင်အထည်ဖော်နိုင်ရန် မိမိတို့ နှစ်နိုင်ငံအကြား စီးပွားရေး ပူးပေါင်းဆောင်ရွက်မှုနှင့် ရင်းနှီးမြှုပ်နှံမှုမြှင့်တင်ရေးကို ပိုမိုနီးကပ်စွာ ဆောင် ရွက်ကြရမည်ဖြစ်ကြောင်း။ နှစ်နိုင်ငံကုန်သွယ်မှုနှင့် ရင်းနှီးမြှုပ်နှံမှုမြှင့်တင်ရေး ဆောင်ရွက်မှုကုန်သွယ်မှုနှင့် ရင်းနှီးမြှုပ်နှံမှုလုပ်ငန်းများကို အဆင်ပြေချောမွေ့စွာလုပ်ကိုင်နိုင်ရေးသည် လုပ်ငန်းရှင်များအတွက် အရေးကြီးသည်ကို ကောင်းစွာသိရှိကြောင်း၊ ထို့ကြောင့် မြန်မာနိုင်ငံတွင် အိန္ဒိယစီးပွား ရေးလုပ်ငန်းရှင်များလုပ်ငန်း လည်ပတ်မှု လွယ်ကူချောမွေ့စေရေး ဆောင်ရွက်ထားရှိမှုအချို့ကို မျှဝေလိုကြောင်း၊ မြန်မာ- အိန္ဒိယ နှစ်နိုင်ငံအကြား ကုန်သွယ် မှုမြှင့်တင်ရန်နှင့် ကုန်စည်စီးဆင်းမှု မြန်ဆန်ချောမွေ့ စေရန်အတွက် ရူပီး-ကျပ် တိုက်ရိုက်ငွေပေးချေမှုစနစ် ကို ၂၀၂၄ ခုနှစ်တွင် စတင်ခဲ့ပြီးဖြစ်ကြောင်း၊ အဆိုပါ စနစ်သည် “Special Rupee Vostro Account (SRVA)”ကို အသုံးပြုပြီး နှစ်နိုင်ငံငွေကြေးဖြစ်သည့် ရူပီး-ကျပ် တိုက်ရိုက်ငွေပေးချေမှုစနစ်ဖြစ်သည့်အတွက် စရိတ်စကသက်သာ စွာဖြင့် ဆောင်ရွက်နိုင်ပြီး နယ်စပ်ကုန်သွယ်မှုသာမက ပုံမှန်ကုန်သွယ်မှုအတွက်လည်း ပါဝင်ခြင်းကြောင့် နှစ်နိုင်ငံ ကုန်သွယ်မှုသာမက နှစ်နိုင်ငံစီးပွားရေး ပူးပေါင်းဆောင်ရွက်မှုတို့အတွက် များစွာအထောက်အကူပြုနိုင်မည်ဖြစ် ကြောင်း။ မိမိတို့အနေဖြင့် ရင်းနှီးမြှုပ်နှံသူများအတွက် စီးပွားရေးဝန်းကျင်ကောင်းတစ်ရပ် ဖန်တီးပေးနိုင်ရေး အစဉ်တစိုက် ကြိုးပမ်းလျက်ရှိကြောင်း၊ ရင်းနှီးမြှုပ်နှံမှုလုပ်ငန်းများ လွယ်ကူချောမွေ့စေရေး ဆောင်ရွက်ပေးလျက်ရှိသကဲ့သို့ ရင်းနှီး မြှုပ်နှံမှုများကို အကာအကွယ်ပေးနိုင်ရန် ကုန်အမှတ်တံဆိပ် စက်မှုဒီဇိုင်းတီထွင်မှုနှင့် စာပေနှင့် အနုပညာမူပိုင်ခွင့် ဥပဒေတို့သည် ၂၀၂၄ ခုနှစ်တွင် အပြည့်အဝအသက်ဝင် လည်ပတ်နေပြီဖြစ်သည်ကို ပြောကြားလိုကြောင်း၊ ထို့ပြင် နှစ်နိုင်ငံအကြား ပူးပေါင်းဆောင်ရွက်မှုများကို ခိုင်ခိုင်မာမာဖြင့် တိုးမြှင့်ဆောင်ရွက်နိုင်ရန်အတွက် မြန်မာနှင့် အိန္ဒိယနိုင်ငံတို့အကြား ရင်းနှီးမြှုပ်နှံမှု ဆိုင်ရာ သဘောတူစာချုပ်အသစ် ချုပ်ဆိုနိုင်ရေး အတွက် ဆက်လက်ဆွေးနွေး ဆောင်ရွက်ကြမည် ဖြစ်ကြောင်း။ ထို့ကြောင့် မြန်မာ-အိန္ဒိယ နှစ်နိုင်ငံရင်းနှီးမြှုပ်နှံမှု ပိုမိုတိုးတက်အားကောင်းလာစေရန်အတွက် စိုက်ပျိုးရေး၊ မွေးမြူရေးအခြေခံကုန်ထုတ်လုပ်မှုလုပ်ငန်း၊ ဆေးဝါးထုတ်လုပ်မှု၊ ချည်မျှင်နှင့် အထည်အလိပ်လုပ်ငန်း၊ အထည်ချုပ်လုပ်ငန်း၊ နည်းပညာနှင့် ဒီဂျစ်တယ် ဝန်ဆောင်မှုလုပ်ငန်း၊ ပညာရေးဝန်ဆောင်မှု၊ ကျန်းမာရေး ဝန်ဆောင်မှုလုပ်ငန်းများတွင် အိန္ဒိယလုပ်ငန်းရှင်များ မြန်မာနိုင်ငံတွင် လာရောက်ရင်းနှီး မြှုပ်နှံဆောင်ရွက်ရန် အထူးဖိတ်ခေါ်လိုကြောင်း၊ မိမိတို့အနေဖြင့် ရင်းနှီးမြှုပ်နှံမှုများကို ဖိတ်ခေါ်ရာတွင် စီးပွားရေးတွက်ခြေကိုက်မှု တစ်ခုတည်းကိုသာမကဘဲ ရေရှည်တည်တံ့မည့်ဂေဟစနစ်နှင့် စီးပွားရေး ဟန်ချက်ညီမှု (Ecology and Economy Balancing) ကိုလည်း အလေးထားဆောင်ရွက်လျက်ရှိကြောင်း၊ ပတ်ဝန်းကျင်ထိန်းသိမ်းမှုကို အလေးထားသည့် တာဝန်ယူမှုရှိသော ရင်းနှီးမြှုပ်နှံမှု (Responsible Investment)များကို အပြည့်အဝကာကွယ်စောင့် ရှောက်သွားမည် ဖြစ်ကြောင်း၊ ထို့ကြောင့် မြန်မာနိုင်ငံ တွင်ရှိသည့် အိန္ဒိယရင်းနှီးမြှုပ်နှံသူများ၏ အဆင်ပြေ ချောမွေ့စေရေးကိုလည်း ပံ့ပိုးကူညီပေးသွားမည်ဖြစ်သကဲ့သို့ နှစ်နိုင်ငံအကြား ကုန်သွယ်မှုနှင့် ရင်းနှီးမြှုပ်နှံမှုတိုးမြှင့်ရေးကိုလည်း အလေးထား ဆောင်ရွက်သွားမည်ဖြစ်ကြောင်း။ မြန်မာနိုင်ငံသည် အိန္ဒိယနိုင်ငံ၏ စီးပွားရေး တိုးတက်မှုအလားအလာများအတွက် အာဆီယံနှင့် တရုတ်နိုင်ငံတို့သို့ ဆက်သွယ်ချိတ်ဆက်ပေးထားသည့် တံတားတစ်စင်း(Land Bridge) သဖွယ်ဖြစ်ကြောင်း၊ နှစ်နိုင်ငံအကြား ပူးပေါင်း ဆောင်ရွက်မှုဖြင့် နှစ်ဦးနှစ်ဖက် ရေရှည်မျှဝေခံစားကြမည့် "Win-Win" အခြေအနေကို ဖော်ဆောင်သွားရမည်ဖြစ် ကြောင်း၊ အိန္ဒိယနိုင်ငံ၏ အဆင့်မြင့်နည်းပညာ၊ အရင်းအနှီးများနှင့် မြန်မာနိုင်ငံ၏ ကြွယ်ဝသည့် သဘာဝသယံဇာတ၊ တည်နေရာ အချက်အချာ၊ လူငယ်လုပ်သားထုတို့ကို အထိရောက်ဆုံးပေါင်းစပ်ပြီး တန်ဖိုးမြှင့်ထုတ်ကုန် (Value-added)နှင့် ဝန်ဆောင်မှုလုပ်ငန်းများကို မြန်မာနိုင်ငံတွင် လာရောက်ရင်းနှီးမြှုပ်နှံဆောင်ရွက်ရန် ဖိတ်ခေါ်လိုကြောင်း။ ယနေ့ တွေ့ဆုံဆွေးနွေးပွဲတွင် မြန်မာ-အိန္ဒိယ နှစ်နိုင်ငံအကြား ပူးပေါင်းဆောင်ရွက်မှု အလားအလာများကို မျှဝေခွင့်ရ သည့်အတွက် အထူးဝမ်းမြောက်ကြောင်း၊ ယနေ့တွေ့ဆုံမှုမှတစ်ဆင့် နှစ်နိုင်ငံစီးပွား ရေးပူးပေါင်းဆောင်ရွက်မှု သမိုင်းစာမျက်နှာသစ်ကို အတူတကွဖွင့်လှစ်နိုင်ပြီး နှစ်နိုင်ငံအကြား ချစ်ကြည်ရင်းနှီးမှုတိုးတက်ခိုင်မြဲကာ နှစ်နိုင်ငံ ပြည်သူများအတွက် သာယာဝပြောသည့်အနာဂတ်ကို ဖော်ဆောင်နိုင်မည်ဟုယုံကြည်ကြောင်း ပြောကြားသည်။ ထို့နောက် အိန္ဒိယနိုင်ငံ ကုန်သည်များနှင့် စက်မှုအသင်းချုပ်(FICCI) အတွင်းရေးမှူးချုပ်နှင့် အိန္ဒိယစက်မှုလက်မှု လုပ်ငန်းရှင်များအဖွဲ့ချုပ်(CII)မှ Senior Advisor ဖြစ်သူတို့က ပြန်လည်ဆွေးနွေးပြောကြားရာတွင် မြန်မာနိုင်ငံနှင့် အိန္ဒိယနိုင်ငံတို့အကြား ရှည်လျားသည့် မိတ်ဖက်ဆက်ဆံရေးရရှိပြီး မိမိတို့အနေဖြင့် လွန်စွာတန်ဖိုးထားပါကြောင်း၊ မြန်မာနိုင်ငံမှ အစိုးရအဖွဲ့အစည်းများ၊ ကုန်သည်ကြီးများအသင်းနှင့် စီးပွားရေးလုပ်ငန်းရှင်များနှင့် ပိုမိုနီးကပ်စွာ ပူးပေါင်း ပါဝင်လာနိုင်ခြင်းသည် နှစ်နိုင်ငံအကြား စီးပွားရေးပူးပေါင်းဆောင်ရွက်မှုနှင့် Business-to-Business Engagement များတိုးတက်လာစေရန် အရေးပါသောအခန်းကဏ္ဍမှ ပါဝင်လျက်ရှိပါကြောင်း၊ နှစ်နိုင်ငံဆက်ဆံရေးမှာ သမိုင်းကြောင်းအရ ထူးခြားပြီး ယဉ်ကျေးမှု၊ ဘာသာရေးနှင့် လူမှုဆက်ဆံရေးများအပေါ် အခြေခံတည်ဆောက်ထား သော ခိုင်မာသည့် ဆက်ဆံရေးဖြစ်ကြောင်း၊ နှစ်နိုင်ငံသည် နယ်နိမိတ်ချင်း ထိစပ်လျက်ရှိပြီး ကုန်သွယ်ရေး၊ ချိတ်ဆက်မှု၊ အခြေခံ အဆောက်အအုံ၊ ကျန်းမာရေး၊ စိုက်ပျိုးရေး၊ စွမ်းအင်၊ ဒီဂျစ်တယ်ပူးပေါင်းဆောင်ရွက်မှု၊ စွမ်းရည်မြှင့်တင် ရေးနှင့် နယ်စပ်ဒေသဖွံ့ဖြိုးရေး စသည့်ကဏ္ဍများတွင် ပိုမိုပူးပေါင်းဆောင်ရွက်မှုများ ပိုမိုတိုးချဲ့လာနိုင်ပါ ကြောင်း၊ နှစ်နိုင်ငံအကြား စီးပွားရေးပူးပေါင်းဆောင်ရွက်မှုများမှာ နှစ်စဉ်တိုးတက်လျက်ရှိပါကြောင်း၊ ကုန်သွယ်မှုနှင့်ရင်းနှီး မြှုပ်နှံမှုများ ပိုမိုတိုးမြှင့်ဆောင် ရွက်သွားရန် အခွင့်အလမ်းများစွာရှိပါကြောင်း၊ မြန်မာ-အိန္ဒိယ နှစ်နိုင်ငံတို့သည် လွန်စွာအလား အလာကောင်းသောကဏ္ဍများတွင် ပူးပေါင်းဆောင်ရွက်မှုများ တိုးမြှင့်ခြင်းဖြင့် နှစ်နိုင်ငံအကျိုးကို တိုးမြှင့် စွမ်းဆောင်ရန် အကောင်းဆုံးအနေအထားတွင်ရှိနေပါကြောင်း၊ ယနေ့ကဲ့သို့သော တွေ့ဆုံဆွေးနွေးမှုသည် မဟာဗျူဟာရည်ရွယ်ချက်များကို လက်တွေ့ကျသောရလဒ်များအဖြစ် ဆောင်ရွက်နိုင်သည့် နည်းလမ်းများ ဖြစ်သည်ကို တွေ့ရပါကြောင်း၊ ယနေ့တွေ့ဆုံမှုမှ တစ်ဆင့် ပိုမိုခိုင်မာသော စီးပွားရေးချိတ်ဆက်မှုများ၊ လက်တွေ့ ကျသောရလဒ်များနှင့် ပူးပေါင်းဆောင်ရွက်မှုအခွင့်အလမ်းသစ်များ ပေါ်ပေါက်လာမည်ဟု ယုံကြည်ပါကြောင်း ပြောကြားသည်။ အိန္ဒိယနိုင်ငံစီးပွားရေးလုပ်ငန်းရှင်များက သိရှိလိုသည်များ မေးမြန်းဆွေးနွေးဆက်လက်၍ အိန္ဒိယနိုင်ငံ စီးပွားရေးလုပ်ငန်းရှင်များက ဆေးဝါးထုတ်လုပ်ရေးဆိုင်ရာများတွင် ပူးပေါင်းဆောင်ရွက် ရေးနှင့် နှစ်ဖက်အစိုးရမှ အားပေးထောက်ပံ့ပေးစေလိုမှု၊ နှစ်နိုင်ငံကုန်သွယ်မှုအကြား ငွေကြေးလဲလှယ်မှုဆိုင်ရာ များနှင့် ငွေကြေးလွှဲပြောင်းပေးပို့မှုများ အဆင်ပြေချောမွေ့မှုရှိစေရေး ဆောင်ရွက်ပေးစေလိုမှု၊ မြန်မာနိုင်ငံတွင် စိုက်ပျိုးရေးကို ကောင်းစွာဆောင်ရွက်နိုင်သည့် အခြေခံကောင်းများ ရှိပြီးဖြစ်သောကြောင့် စိုက်ပျိုးရေးကဏ္ဍတိုးတက် စေရေး အိန္ဒိယနိုင်ငံမှ စိုက်ပျိုးရေးကုမ္ပဏီများကို ဖိတ်ခေါ်ရာတွင် မည်ကဲ့သို့ဖိတ်ခေါ်လိုမှု၊ မြန်မာနိုင်ငံတွင် IT နည်းပညာတိုးတက်ရေးအတွက် ဆောင်ရွက်ရာ၌ အိန္ဒိယနိုင်ငံ ကုမ္ပဏီများအပေါ် လိုအပ်သည်များ ပံ့ပိုးဆောင်ရွက်စေလိုမှု၊ ကုန်သွယ်မှုလုပ်ငန်းများ ဆက်လက်တိုးမြှင့်ဆောင်ရွက်သွားလိုမှု၊ မြန်မာ့ ပဲအမျိုးမျိုးသည် အရည်အသွေးမြင့်ခြင်းကြောင့် ကမ္ဘာ့စားနပ်ရိက္ခာ လိုအပ်ချက်ကို ဖြည့်ဆည်းပေးနိုင်မှုကြောင့် ကုန်ထုတ်လုပ်မှုများ ပိုမိုတိုးတက်လာစေရေး ပူးပေါင်းဆောင်ရွက်နိုင်မှုတို့နှင့် စပ်လျဉ်း၍ ဆွေးနွေးမေးမြန်းကြသည်။ ဝန်ကြီးများက ပြန်လည်ရှင်းလင်းဆွေးနွေးအိန္ဒိယနိုင်ငံ စီးပွားရေးလုပ်ငန်းရှင်များ၏ မေးမြန်း မှုများနှင့်ပတ်သက်၍ သက်ဆိုင်ရာဝန်ကြီးများနှင့် တာဝန်ရှိသူများက နှစ်နိုင်ငံအကြား ငွေကြေးလဲလှယ် မှုဆိုင်ရာများ အဆင်ပြေချောမွေ့စေရေးအတွက် နိုင်ငံတော်အစိုးရအနေဖြင့် သတ်မှတ်ထားသည့် စည်းမျဉ်းစည်းကမ်းများနှင့်အညီ ဆောင်ရွက်ပေးလျက်ရှိမှု၊ ကုန်သွယ်မှုများအဆင်ပြေချောမွေ့ စေရေး ဆောင်ရွက်ပေးလျက်ရှိမှု၊ အခွန်ကောက်ခံမှုစနစ်များကိုလည်း သတ်မှတ်ချက်များနှင့်အညီသာ ကောက်ခံ လျက်ရှိမှု၊ ကုန်သွယ်မှုများ ငွေပေးချေမှုများကို အဆင်ပြေစေရေး ဆောင်ရွက်ပေးလျက်ရှိမှု၊ စိုက်ပျိုးရေးလုပ်ငန်းများ တွင် နှစ်နိုင်ငံအကြား ပူးပေါင်းဆောင်ရွက်မှုများ တိုးတက်စေရေးအတွက် မျိုးစေ့ထုတ်လုပ်ခြင်း လုပ်ငန်းများတွင် ပူးပေါင်းဆောင်ရွက်နိုင်မှု၊ မတ်ပဲ စိုက်ပျိုးထုတ်လုပ်ခြင်းလုပ်ငန်း၊ ဓာတ်မြေဩဇာထုတ် လုပ်ခြင်းလုပ်ငန်း၊ နို့စားနွား မွေးမြူရေးလုပ်ငန်းများတွင် ပူးပေါင်းဆောင်ရွက်နိုင်မှု၊ IT လုပ်ငန်းများ ဖွံ့ဖြိုးတိုးတက်စေရေး ပူးပေါင်းဆောင်ရွက်မှု များတွင် မြန်မာနိုင်ငံအနေဖြင့် လိုအပ်သည့်ဖြေလျှော့မှုများကို ဆောင်ရွက်ပေးနိုင်မှုနှင့် လတ်တလောကာလတွင် ပြင်ဦးလွင်မြို့ရှိ ရတနာပုံဆိုက်ဘာစီးတီးတွင် လာရောက်ရင်းနှီးမြှုပ်နှံမှုများဆောင်ရွက်နိုင်မှု အခြေအနေများနှင့် ပတ်သက်၍ ရှင်းလင်းပြောကြားကြသည်။ ယင်းနောက် နိုင်ငံတော်သမ္မတက နိဂုံးချုပ်အမှာ စကားပြောကြားရာတွင် ယနေ့ကျင်းပသည့်ဆွေးနွေးပွဲ၌ ကုန်သွယ် မှုနှင့် ရင်းနှီးမြှုပ်နှံမှုများ တိုးမြှင့်ရေးအတွက် အိန္ဒိယနိုင်ငံမှ လာရောက်ရင်းနှီးမြှုပ်နှံနိုင်မှုများကို ဖိတ်ခေါ်ကြောင်း၊ ကုန်သွယ်မှုတွင် ရင်းနှီးမြှုပ်နှံမှုများ ခိုင်မာအားကောင်းရန်လိုကြောင်း၊ ထို့ကြောင့် မြန်မာနိုင်ငံတွင် လာရောက်ရင်းနှီး မြှုပ်နှံသည့် လုပ်ငန်းများတွင် မိမိတို့အနေဖြင့် အာမခံနိုင်သည့်လုပ်ငန်းများကို ဖိတ်ခေါ်ခြင်းဖြစ်ကြောင်း၊ ထိုသို့ရင်းနှီးမြှုပ်နှံမှုများဆောင်ရွက်ရာတွင် နှစ်နိုင်ငံအတွက် အကျိုးဖြစ်ထွန်းရန်လိုကြောင်း။ မိမိအနေဖြင့် ကုန်ပစ္စည်းများရောင်းချရာတွင် အမြတ်နည်းနည်းဖြင့် အရေအတွက်များများရောင်းချသည့် မူဝါဒကို ချမှတ်ထားကြောင်း၊ အိန္ဒိယနိုင်ငံမှ ကုန်ပစ္စည်းများဖြစ်သည့် သံနှင့်သံမဏိများ၊ ဓာတ်မြေဩဇာများကို မြန်မာနိုင်ငံတွင် လာရောက်ရင်းနှီးမြှုပ်နှံ၍ ထုတ်လုပ်ရောင်းချမည်ဆိုပါကလည်း မိမိတို့အနေဖြင့် ဖိတ်ခေါ်ကြောင်း၊ မိမိတို့နိုင်ငံမှ တစ်ဆင့် အခြားအိမ်နီးချင်းနိုင်ငံများသို့ ပြန်လည်ရောင်းချနိုင်သည့် ဈေးကွက်လည်းရှိကြောင်း၊ ထားဝယ်ရေနက် စီမံကိန်းမှတစ်ဆင့် ကုန်သွယ်မှုလုပ်ငန်းများကို ပိုမိုမြှင့်တင် ဆောင်ရွက်နိုင်ကြောင်း။ ကုန်သွယ်မှုနှင့်ပတ်သက်၍ ပူးပေါင်းဆောင်ရွက်မှုများကို မြှင့်တင်ဆောင်ရွက်စေလိုကြောင်း၊ ကုန်သွယ်မှုနှင့် ပတ်သက်ပြီး မိမိတို့နိုင်ငံအတွက် လိုအပ်သည့်ပစ္စည်းများ တိုက်ရိုက်တင်သွင်းခြင်းကို မဖြစ်မနေခွင့်ပြုပေးလျက်ရှိ ကြောင်း၊ ကုန်သွယ်မှုနှင့် ပတ်သက်၍ အိန္ဒိယနိုင်ငံအနေဖြင့် မြန်မာနိုင်ငံမှ လိုအပ်သည့်ပစ္စည်းများကို တင်ပို့နိုင်ရေး ဆောင်ရွက်သွားစေလိုကြောင်း၊ နှစ်နိုင်ငံအကြား ကုန်သွယ်မှုနှင့် ရင်းနှီးမြှုပ်နှံမှုလုပ်ငန်းများ အဆင်ပြေချောမွေ့ စေရေးအတွက် နှစ်ဖက်ကိုယ်စားလှယ်များပါဝင်သည့် အဖွဲ့အစည်းတစ်ခုကိုဖွဲ့စည်း၍ ညှိနှိုင်းဆောင်ရွက်သွားမည် ဆိုပါက လုပ်ငန်းများ ပိုမိုအဆင်ပြေချောမွေ့ စေမည်ဖြစ်ကြောင်း။ IT လုပ်ငန်းဖွံ့ဖြိုးတိုးတက်စေရေးအတွက် မိမိတို့နိုင်ငံတွင် လွန်ခဲ့သည့် နှစ် ၂၀ ခန့်က မန္တလေးတိုင်းဒေသကြီး၊ ပြင်ဦးလွင်မြို့အနီးတွင် ရတနာပုံဆိုက်ဘာ စီးတီးစီမံကိန်းကို ဆောင်ရွက်ခဲ့သော်လည်း အကြောင်းအမျိုးမျိုးကြောင့် နှောင့်နှေးနေခဲ့ကြောင်း၊ ထို့ကြောင့် အိန္ဒိယနိုင်ငံအနေဖြင့် လာရောက်ရင်းနှီးမြှုပ်နှံလိုပါက ဖိတ်ခေါ်ပါကြောင်း၊ မိမိတို့နိုင်ငံအနေဖြင့် IT နည်းပညာနှင့်ပတ်သက်၍ ဖွံ့ဖြိုးတိုးတက်ရန် များစွာလိုအပ်နေသေးကြောင်း၊ ယခု အခမ်းအနားသို့ တက်ရောက်လာကြသူများအားလုံးကိုလည်း ကျေးဇူးတင်ရှိကြောင်း၊ မြန်မာ-အိန္ဒိယနှစ်နိုင်ငံသည် သမိုင်း ကြောင်းအရ များစွာတူညီမှုရှိကြောင်း၊ မြန်မာနိုင်ငံတွင် အိန္ဒိယနွယ်ဖွားများစွာရှိကြောင်း၊ နှစ်နိုင်ငံ အကြား ခရီးသွားလုပ်ငန်းများကိုလည်း မြှင့်တင်ဆောင်ရွက်နိုင်ပြီး ယဉ်ကျေးမှုဆိုင်ရာများတွင်လည်း ပူးပေါင်းဆောင်ရွက်နိုင် ကြောင်း၊ ထို့ကြောင့် မိမိတို့အနေဖြင့် ဘက်ပေါင်းစုံမှ ပူးပေါင်းဆောင်ရွက်မှုများကို ဆက်လက်မြှင့်တင် ဆောင်ရွက် သွားကြရမည်ဖြစ်ကြောင်း။ အိန္ဒိယနိုင်ငံမှ မြန်မာနိုင်ငံတွင် လာရောက်ရင်းနှီးမြှုပ်နှံလျက်ရှိသည့် ကုမ္ပဏီများသည် ရှေးယခင်ကတည်းက လုပ်ငန်းများဆောင်ရွက်လျက်ရှိသည့် ကုမ္ပဏီများဖြစ်သဖြင့် မိမိတို့နိုင်ငံ၏ နိုင်ငံရေးအခြေအနေကိုလည်း သိရှိပြီးဖြစ် ကြောင်း၊ မိမိတို့အစိုးရအနေဖြင့် ပါတီစုံဒီမိုကရေစီလမ်းကြောင်းပေါ်တွင် ခိုင်ခိုင်မာမာဖြင့် ဆက်လက်လျှောက်လှမ်း လျက်ရှိပြီး စီးပွားရေးနှင့်ပတ်သက်၍လည်း ခိုင်မာအောင် ဆက်လက်ဆောင်ရွက်သွားမည်ဖြစ်ကြောင်း၊ ထို့ကြောင့် အိန္ဒိယနိုင်ငံမှ စီးပွားရေးလုပ်ငန်းရှင်များအနေဖြင့် မိမိတို့နိုင်ငံတွင် ယုံယုံကြည်ကြည်ဖြင့် လာရောက်ရင်းနှီးမြှုပ်နှံ ကြရန် ဖိတ်ခေါ်ပါကြောင်း ပြောကြားသည်။ အခမ်းအနားအပြီးတွင် နိုင်ငံတော်သမ္မတသည် တက်ရောက်လာကြသည့် နှစ်နိုင်ငံစီးပွားရေး လုပ်ငန်းရှင်များနှင့်အတူ နေ့လယ်စာကို အတူတကွ သုံးဆောင်ခဲ့ကြကြောင်း သတင်းရရှိသည်။သတင်းစဉ်MDN
Mon, 1-Jun-2026
ဒုတိယဝန်ကြီး ဒေါ်သန်းသန်းလင်း ရှန်ဟိုင်းပူးပေါင်းဆောင်ရွက်ရေးနှင့် ဖွံ့ဖြိုးတိုးတက်ရေး ဘဏ်တည်ထောင်မှုဆိုင်ရာ ဒုတိယဝန်ကြီးအဆင့် တတိယအကြိမ်ညှိနှိုင်းအစည်းအဝေးသို့ တက်ရောက်
ဒုတိယဝန်ကြီး ဒေါ်သန်းသန်းလင်း ရှန်ဟိုင်းပူးပေါင်းဆောင်ရွက်ရေးနှင့် ဖွံ့ဖြိုးတိုးတက်ရေး ဘဏ်တည်ထောင်မှုဆိုင်ရာ ဒုတိယဝန်ကြီးအဆင့် တတိယအကြိမ်ညှိနှိုင်းအစည်းအဝေးသို့ တက်ရောက်
နေပြည်တော် မေ ၃၀ ကာဂျစ်စတန်နိုင်ငံ ဘစ်ရှ်ကက်မြို့၌ မေ ၂၈ ရက်က ကျင်းပသည့် ရှန်ဟိုင်းပူးပေါင်း ဆောင်ရွက်ရေးနှင့် ဖွံ့ဖြိုးတိုးတက်ရေးဘဏ် (Shanghai Cooperation Organization Development Bank – SCOB) တည်ထောင်မှုဆိုင်ရာ ဒုတိယဝန်ကြီးအဆင့် တတိယအကြိမ် ညှိနှိုင်းအစည်းအဝေးသို့ ဘဏ္ဍာရေးနှင့် အခွန်ဝန်ကြီးဌာန ဒုတိယဝန်ကြီး ဒေါ်သန်းသန်းလင်း ဦးဆောင်သည့် မြန်မာကိုယ်စားလှယ်အဖွဲ့ တက်ရောက်သည်။ အစည်းအဝေးတွင် တရုတ်ပြည်သူ့သမ္မတနိုင်ငံ ဘဏ္ဍာရေးဝန်ကြီးဌာန ဒုတိယဝန်ကြီး Mr. Min Liao နှင့် ကာဂျစ်စတန်နိုင်ငံ ဘဏ္ဍာရေးဝန်ကြီးဌာန ဒုတိယဝန်ကြီး Mr. Nurbek Akzholov တို့က ပူးတွဲသဘာပတိများ အဖြစ်ဆောင်ရွက်ကြပြီး ရှန်ဟိုင်းပူးပေါင်းဆောင်ရွက်ရေးနှင့် ဖွံ့ဖြိုးတိုးတက်ရေးဘဏ် တည်ထောင်မှုဆိုင်ရာ နားလည်မှုစာချွန်လွှာ (မူကြမ်း) ရေးဆွဲရေးနှင့် စပ်လျဉ်း၍ ဒုတိယအကြိမ် ညှိနှိုင်းအစည်းအဝေးတွင် ဆွေးနွေးညှိနှိုင်းရရှိမှု၊ ဆက်လက်ဆွေးနွေးရန်ရှိသည့် ဘဏ်၏မူဝါဒနှင့် ရည်ရွယ်ချက်၊ ရင်းနှီးငွေထည့်ဝင်မှု၊ အဖွဲ့ဝင်အဖြစ်ပါဝင်မှု၊ မဲပေးပိုင်ခွင့်၊ လုပ်ငန်းဆောင်ရွက်မှုပုံစံ၊ အုပ်ချုပ်မှုပုံစံနှင့် ရှေ့ဆက်လက်ဆောင်ရွက်မည့် အစီအစဉ်များကို ရှင်းလင်းတင်ပြရာ တက်ရောက်ကြသူများက ဝိုင်းဝန်းအကြံပြုဆွေးနွေးကြသည်။  ထို့နောက် မေ ၂၉ ရက်တွင် ကျင်းပသည့် ရှန်ဟိုင်းပူးပေါင်းဆောင်ရွက်ရေးအဖွဲ့ (Shanghai Cooperation Organization – SCO) ၏ အဖွဲ့ဝင်နိုင်ငံများမှ ဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများ အစည်းအဝေးသို့ တင်ပြမည့် တတိယအကြိမ်ညှိနှိုင်းအစည်းအဝေး၌ ဘဏ်တည်ထောင်ရေးအတွက် ညှိနှိုင်းဆွေးနွေးမှုနှင့် တိုးတက်မှုအခြေအနေ အစီရင်ခံစာအပေါ် အစည်းအဝေးတက်ရောက်ကြသူများက ဆွေးနွေးညှိနှိုင်းကြပြီး သဘောတူကြသည်။  မေ ၂၉ ရက် နံနက်ပိုင်းတွင် ဒုတိယဝန်ကြီး ဦးဆောင်သည့် မြန်မာကိုယ်စားလှယ်အဖွဲ့သည် ကာဂျစ်စတန်နိုင်ငံ ဘစ်ရှ်ကက်မြို့မှ ပြန်လည်ထွက်ခွာလာရာ ယနေ့ နံနက်ပိုင်းတွင် ရန်ကုန်မြို့သို့ ပြန်လည်ရောက်ရှိခဲ့ကြကြောင်း သိရသည်။ သတင်းစဉ်MDN
Sun, 31-May-2026
ပြည်ထောင်စုဝန်ကြီး ဦးအောင်ကျော်ဟိုး မြန်မာနိုင်ငံ ကုလသမဂ္ဂအဖွဲ့အစည်းများ၏ အကြီးအမှူးဖြစ်သူ ကုလသမဂ္ဂယာယီဌာနေညှိနှိုင်းရေးမှူးနှင့် လူသားချင်းစာနာထောက်ထားမှုဆိုင်ရာ ယာယီညှိနှိုင်းရေးမှူး Ms. Gwyn Lewis ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံ
ပြည်ထောင်စုဝန်ကြီး ဦးအောင်ကျော်ဟိုး မြန်မာနိုင်ငံ ကုလသမဂ္ဂအဖွဲ့အစည်းများ၏ အကြီးအမှူးဖြစ်သူ ကုလသမဂ္ဂယာယီဌာနေညှိနှိုင်းရေးမှူးနှင့် လူသားချင်းစာနာထောက်ထားမှုဆိုင်ရာ ယာယီညှိနှိုင်းရေးမှူး Ms. Gwyn Lewis ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံ
နေပြည်တော် မေ ၂၉အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးသည် မြန်မာနိုင်ငံကုလသမဂ္ဂအဖွဲ့အစည်းများ၏ အကြီးအမှူးဖြစ်သူ ကုလသမဂ္ဂ ယာယီဌာနေ ညှိနှိုင်းရေးမှူးနှင့် လူသားချင်းစာနာ ထောက်ထားမှုဆိုင်ရာ ယာယီညှိနှိုင်းရေးမှူး Ms. Gwyn Lewis ဦးဆောင်သော ကိုယ်စားလှယ်အဖွဲ့အား ယနေ့မွန်းလွဲပိုင်းတွင် နေပြည်တော် အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၌ လက်ခံတွေ့ဆုံသည်။ တွေ့ဆုံစဉ် မြန်မာနိုင်ငံတွင် ကုလသမဂ္ဂအဖွဲ့အစည်းများက အကောင်အထည်ဖော် ဆောင်ရွက် လျက်ရှိသော စီမံကိန်းများပိုမိုအကျိုးရှိထိရောက်စေရေးအတွက် ပူးပေါင်းဆောင်ရွက်မည့် ကိစ္စရပ်များနှင့် ဆက်လက်ဆောင်ရွက်မည့်လုပ်ငန်းစဉ်များကို အမြင်ချင်းဖလှယ်ဆွေးနွေးကြကြောင်း သိရသည်။သတင်းစဉ်MDN
Sat, 30-May-2026
ပဲခူးမြို့၌ MSMEs အေဂျင်စီမှကြီးမှူးကျင်းပသည့် ထုပ်ပိုးမှုဆိုင်ရာအသိပညာပေးဆွေးနွေးပွဲ ကျင်းပ
ပဲခူးမြို့၌ MSMEs အေဂျင်စီမှကြီးမှူးကျင်းပသည့် ထုပ်ပိုးမှုဆိုင်ရာအသိပညာပေးဆွေးနွေးပွဲ ကျင်းပ
ပဲခူး မေ ၂၉ပဲခူးတိုင်းဒေသကြီး MSMEs အေဂျင်စီမှ ကြီးမှူးကျင်းပသည့် ထုပ်ပိုးမှုဆိုင်ရာ အသိပညာပေး ဆွေးနွေးပွဲကို ယနေ့ နံနက်ပိုင်းတွင် ပဲခူးမြို့ မြို့တော်ခန်းမ၌ ကျင်းပရာ တိုင်းဒေသကြီး ဝန်ကြီးချုပ် ဦးမျိုးဆွေဝင်း တက်ရောက်အမှာစကား ပြောကြားသည်။ ထို့နောက် Machine City Co., Ltd. မှ ဦးရဲမြင့်ဦး၊ Greenovation Packaging Solution မှ ဦးသီဟနှင့် Metta Myae Co., Ltd. မှ စဝေဇင်အောင်တို့က ထုပ်ပိုးမှုဆိုင်ရာသိကောင်း စရာများနှင့် ကုန်အမှတ် တံဆိပ် တီထွင်ဖန်တီးမှုဆိုင်ရာ ဒီဇိုင်းများ ရေးဆွဲခြင်းတို့ကို ရှင်းလင်းဆွေးနွေးပြောကြားရာ ပဲခူးတိုင်း ဒေသကြီးအတွင်းရှိ MSMEs လုပ်ငန်းရှင်များ၏ ထုတ်ကုန်များ အရည်အသွေးပြည့်မီစွာ ထုပ်ပိုး နိုင်ရေးအတွက် ခင်းကျင်းပြသထားသည့် ထုပ်ပိုးမှုဆိုင်ရာ စက်ပစ္စည်းများနှင့် ထုပ်ပိုးမှုနမူနာ ပစ္စည်းများကို လှည့်လည်ကြည့်ရှုအားပေးခဲ့ကြောင်း သိရသည်။တိုင်းဒေသကြီး(ပြန်/ဆက်)MDN
Sat, 30-May-2026
မြန်မာနိုင်ငံမှ ပင်လယ်ကူးသင်္ဘောသားများ အမိမြေပြန်လည်ရောက်ရှိချိန်တွင် MSME များ၌ ပါဝင်ဆောင်ရွက်နိုင်ရေး တွေ့ဆုံဆွေးနွေး
မြန်မာနိုင်ငံမှ ပင်လယ်ကူးသင်္ဘောသားများ အမိမြေပြန်လည်ရောက်ရှိချိန်တွင် MSME များ၌ ပါဝင်ဆောင်ရွက်နိုင်ရေး တွေ့ဆုံဆွေးနွေး
နေပြည်တော် မေ ၂၉စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းသည် ယနေ့နံနက်ပိုင်းတွင် မြန်မာနိုင်ငံ ပင်လယ်ကူးသင်္သောသား အလုပ်သမားများအဖွဲ့ချုပ်ဥက္ကဋ္ဌ ဦးဆောင်သည့် အဖွဲ့အား ရုံးအမှတ် (၃၀) ပြည်ထောင်စုဝန်ကြီး၏ ဧည့်ခန်းမဆောင်၌ တွေ့ဆုံသည်။ ဖြည့်ဆည်းပံ့ပိုးပေးမည်တွေ့ဆုံစဉ် MSME ဖွံ့ဖြိုး တိုးတက်ရေး လုပ်ငန်းစဉ်များ ဆောင်ရွက်ရာတွင် မြန်မာနိုင်ငံ ပင်လယ်ကူး သင်္ဘောသားများ အဖွဲ့ချုပ်အနေဖြင့် ပါဝင်ဆောင်ရွက်နိုင်ရေး ပံ့ပိုးကူညီဆောင်ရွက် ပေးလိုပါကြောင်း၊ ဝန်ကြီးဌာနအနေဖြင့် ပင်လယ်ကူးသင်္ဘောသားမှ စီးပွားရေးလုပ်ငန်းရှင် အဖြစ် အစီအစဉ်တစ်ရပ်ဖော်ဆောင်ပြီး စီးပွားရေးလုပ်ငန်းရှင် ဖြစ်မြောက်ရေး သင်တန်းများ၊ MSME ပြုစုပျိုးထောင်ရေး သင်တန်းများ ဖွင့်လှစ်ပေးခြင်း၊ အကြံပေးခြင်း၊ အသေးစား စီးပွားရေးလုပ်ငန်းများအတွက် ငွေကြေးအရင်းအနှီး ရရှိအောင် ကူညီခြင်းနှင့် ကုန်သွယ်မှု ဆိုင်ရာ လုပ်ထုံးလုပ်နည်း သင်တန်းများကို ဖြည့်ဆည်း ပံ့ပိုးပေးသွားမည် ဖြစ်ကြောင်း ပြောကြားသည်။  ကဏ္ဍအလိုက် ဆွေးနွေးထို့နောက် မြန်မာနိုင်ငံ ပင်လယ်ကူးသင်္ဘောသား အလုပ်သမားများအဖွဲ့ချုပ်ဥက္ကဋ္ဌနှင့် တက်ရောက်လာသူများက သက်ဆိုင်ရာကဏ္ဍအလိုက် ဆွေးနွေးတင်ပြကြကြောင်း သိရသည်။သတင်းစဉ်MDN
Sat, 30-May-2026
မြန်မာနိုင်ငံရင်းနှီးမြှုပ်နှံမှုကော်မရှင်၏ (၄/၂၀၂၆)ကြိမ်မြောက် အစည်းအဝေးက အလုပ်အကိုင် အခွင့်အလမ်းပေါင်း ၂၃၀၀ ကျော်ကို ဖန်တီးပေးနိုင်မည့် ရင်းနှီးမြှုပ်နှံမှုလုပ်ငန်းအသစ် ၁၂ ခုကို ခွင့်ပြု
မြန်မာနိုင်ငံရင်းနှီးမြှုပ်နှံမှုကော်မရှင်၏ (၄/၂၀၂၆)ကြိမ်မြောက် အစည်းအဝေးက အလုပ်အကိုင် အခွင့်အလမ်းပေါင်း ၂၃၀၀ ကျော်ကို ဖန်တီးပေးနိုင်မည့် ရင်းနှီးမြှုပ်နှံမှုလုပ်ငန်းအသစ် ၁၂ ခုကို ခွင့်ပြု
နေပြည်တော် မေ ၂၉မြန်မာနိုင်ငံ ရင်းနှီးမြှုပ်နှံမှုကော်မရှင်၏ (၄/၂၀၂၆) ကြိမ် မြောက်အစည်းအဝေးကို ယနေ့ နံနက်ပိုင်းတွင် နေပြည်တော်ရှိ ရုံးအမှတ်(၅) အစည်းအဝေးခန်းမ၌ ကျင်းပရာ အစည်းအဝေးသို့ မြန်မာနိုင်ငံ ရင်းနှီးမြှုပ်နှံမှုကော်မရှင်ဥက္ကဋ္ဌ၊ ပြည်ထောင်စုဝန်ကြီး ဦးမြထွန်းဦးနှင့် ကော်မရှင်အဖွဲ့ဝင်များ တက်ရောက်ကြသည်။ အစည်းအဝေးတွင် လက်ရှိ ဆောင်ရွက်ဆဲ ရင်းနှီးမြှုပ်နှံမှုလုပ်ငန်းများ၏ မတည်ငွေရင်း တိုးမြှင့်ခြင်း အပါအဝင် ရေနံနှင့် သဘာဝဓာတ်ငွေ့ကဏ္ဍမှ နိုင်ငံခြားရင်းနှီးမြှုပ်နှံမှု လုပ်ငန်းအသစ် တစ်ခုကို လည်းကောင်း၊ စက်မှုကဏ္ဍမှ မြန်မာနိုင်ငံသားရင်းနှီး မြှုပ်နှံမှုလုပ်ငန်းအသစ် ရှစ်ခုကို လည်းကောင်း၊ ဟိုတယ်နှင့် ခရီးသွားကဏ္ဍ၊ စိုက်ပျိုးရေးကဏ္ဍ၊ ပို့ဆောင်ရေးနှင့် ဆက်သွယ်ရေး ကဏ္ဍများမှ မြန်မာနိုင်ငံသား ရင်းနှီးမြှုပ်နှံမှု လုပ်ငန်းအသစ် သုံးခုတို့ကိုလည်းကောင်း ခွင့်ပြု ပေးခဲ့သည်။ အဆိုပါလုပ်ငန်းများ ၏ ရင်းနှီးမြှုပ်နှံမှုပမာဏမှာ အမေရိကန်ဒေါ်လာ ၄၇ ဒသမ ၆၀၅ သန်းနှင့် ငွေကျပ် ၂၉၉၇၇၃ ဒသမ ၆၃၉ သန်းဖြစ်ပြီး အလုပ်အကိုင်အခွင့်အလမ်းပေါင်း ၄၈၇၉ ဦးအား ဖန်တီးပေး နိုင်မည်ဖြစ်သည်။ ယနေ့ အစည်းအဝေးက ခွင့်ပြုပေးသည့် လုပ်ငန်းများမှာ ရေနံထုတ်လုပ်ခြင်းလုပ်ငန်း၊ အဆင့်မြင့် ဟိုတယ်နှင့် ဈေးဝယ် စင်တာလုပ်ငန်း၊ ဆိပ်ကမ်း ဝန်ဆောင်မှုလုပ်ငန်း၊ တိရစ္ဆာန် အစာ ထုတ်လုပ်ခြင်း လုပ်ငန်း၊ ဝါစိုက်ပျိုးခြင်း၊ ဆီသန့်ထုတ်လုပ်ခြင်းနှင့် သိုးဆိတ်မွေးမြူ ထုတ်လုပ်ခြင်းလုပ်ငန်း၊ ဘီစကွတ် ထုတ်လုပ်ဖြန့်ဖြူးရောင်းချခြင်းလုပ်ငန်း၊ ပေါင်မုန့်နှင့် မုန့်အမျိုးမျိုး ထုတ်လုပ်ဖြန့်ဖြူး ရောင်းချခြင်း လုပ်ငန်း၊ ဆေးဝါးထုတ်လုပ်ဖြန့်ဖြူး ရောင်းချခြင်းလုပ်ငန်း၊ မော်တော်ဆိုင်ကယ် ကျွတ်အမျိုးမျိုး ထုတ်လုပ်ခြင်းလုပ်ငန်း၊ ဆံပင်တုထုတ်လုပ် ဖြန့်ဖြူးရောင်းချခြင်းလုပ်ငန်း၊ အလူမီနီယံ ထုတ်လုပ်ဖြန့်ဖြူး ရောင်းချခြင်းလုပ်ငန်းနှင့် အလုပ်အကိုင်အခွင့်အလမ်းများစွာ ဖန်တီးပေးနိုင်မည့် အဝတ်အထည် အမျိုးမျိုး ချုပ်လုပ်ခြင်းလုပ်ငန်းတို့လည်း ပါဝင်သည်။ ၂၀၂၆ ခုနှစ် ဧပြီလကုန်အထိ မြန်မာနိုင်ငံတွင် ရင်းနှီးမြှုပ်နှံထား သည့် နိုင်ငံ/ ဒေသပေါင်း ၅၃ ခု အနက် ရင်းနှီးမြှုပ်နှံမှု အများဆုံးပြုလုပ်သော နိုင်ငံ/ ဒေသများမှာ စင်ကာပူနိုင်ငံ၊ တရုတ်နိုင်ငံ နှင့် ထိုင်းနိုင်ငံတို့ ဖြစ်သည်။ စီးပွားရေးကဏ္ဍ ၁၂ ခုအနက် အများဆုံးရင်းနှီးမြှုပ်နှံထားသည့် ကဏ္ဍများမှာ လျှပ်စစ် ဓာတ်အား ကဏ္ဍတွင် စုစုပေါင်းရင်းနှီးမြှုပ်နှံ မှု၏ ၂၈ ဒသမ ၂၉ ရာခိုင်နှုန်းဖြင့် လည်းကောင်း၊ ရေနံနှင့် သဘာဝ ဓာတ်ငွေ့ကဏ္ဍတွင် စုစုပေါင်း ရင်းနှီးမြှုပ်နှံမှု၏ ၂၄ ဒသမ ၆၁ ရာခိုင်နှုန်းဖြင့် လည်းကောင်း၊ စက်မှုကဏ္ဍတွင် စုစုပေါင်းရင်းနှီး မြှုပ်နှံမှု၏ ၁၄ ဒသမ ၆၈ ရာခိုင်နှုန်း ဖြင့်လည်းကောင်း အသီးသီး ရင်းနှီးမြှုပ်နှံထားသည်။ မြန်မာနိုင်ငံ ရင်းနှီးမြှုပ်နှံမှု ကော်မရှင်သည် ပြည်တွင်းပြည်ပ ရင်းနှီးမြှုပ်နှံသူများက တင်ပြလာသည့် ရင်းနှီးမြှုပ်နှံမှုအဆိုပြုချက်များအား စိစစ်ခွင့်ပြုခြင်းကိုလည်းကောင်း၊ လက်ရှိဆောင်ရွက်ဆဲ ရင်းနှီး မြှုပ်နှံသူများအတွက် ရင်းနှီးမြှုပ်နှံမှုဆိုင်ရာ ဝန်ဆောင်မှုများကိုလည်းကောင်း မြန်မာနိုင်ငံ ရင်းနှီးမြှုပ်နှံမှု ဥပဒေနှင့်အညီ ပံ့ပိုးကူညီဆောင်ရွက်ပေးလျက်ရှိကြောင်း သတင်းရရှိသည်။သတင်းစဉ်MDN
Sat, 30-May-2026
© Copyright 2024 SAC All Rights Reserved.